|
|
#146
03-06-2011, 06:24 AM
| ||
| | ||
| story4 ((المكافئات .. ياعالم فلسنا)) المكافئه الجامعيه .. وماادراك ماهي .. هي مبلغ مالي .. يقدم للطلاب كل راس شهر << اي هين كل راس شهر .. كبدل لشراء الكتب والمواصلات ..واتحدى انا طبعا ربعنا يشترون فيها كتب مادري وشو .. بس المهم انه حق للطالب الجامعي .. وهو عاد براحته يشتري فيها كتب يحرقها .. مو شغلنا ... تغلب على المكافئات الجامعيه صفه قبيحه جدا .. الا وهي .. التاخير الزايد عن اللزوم.. وفي جامعتنا الموقره .. المسوؤلين عن صرف المكافئات .. يموتون اذا قرب هاليوم .. كان الفلس طالع من كبدهم فتتاخر صرف المكافئات .. شهر .. شهر واسبوع .. الله اعلم .. بس الطلاب يتورطون .. يسيرون يشحتون من اهلهم .. وانواع الضغط ..ويوم نزولها يسير هو يوم العيد وفي يوم من الايام اللممله والبارده .. كان كاسكو .. اقصد ساسكي .. يحاول محاوله يائسه .. لعل وعسى المكافئه تكون نازله ساسكي ( يدخل البطاقه جوا الصرافه ) : على الله بس تكون المكافئه نزلت يارب يارب -_- والله ابوي بيبعني بالسوق وبياخذ فلوسي لو ماجبتها الاله (مكتوب عليها ) : عفوا الرصيد غير كافي . رصيدك هو .0.00 ساسكي ( يحضن الاله ) : تكفين تكفين .. مايصلح .. هذي المره العاشره اللي ادخل البطاقه واطلعها .. وتقولين لي صفر .. مايصلح كذا ماحنيتي علي ؟؟ الاله (مكتوب عليها ) : عفوا الرصيد غير كافي . رصيدك هو 0.00 ساسكي : من جد يااله .. ماعندك فلوس منا منا ... لا لا بجد والله .. اكيد عندك كم فلس جوا .. عطيني اياهم وارجعهم لك بعدين ^^ الاله : عفوا الرصيد غير كافي . رصيدك هو . 0.00 ساسكي ( يضرب الاله ) : اوووووووووووووووووووف الاله : وجع ان شاء الله .. مافي فلوس ماتفهم انت ؟؟ اصلا انا خربانه سار لي شهر محد صلحني ساسكي : انا ادري انك تتكلمين .. عادي الدنيا مقلوبه .. اجل اشوف امس بسكي تكلم بالتلفون الصايعه ههههههههههههههههههههه الحارس تشو ( يطالع ساسكي من بعيد ) : ساسكي ؟؟ وش فيك يبا ؟؟ قمت تكلم نفسك انجنيت ساسكي : الفقر ياعمي الفقر -_- ماعندي فلوس افطر الحارس تشو : الله يصلحكم من عيال .. تطيرون فلوسكم يمين وشمال .. وبعدين تقولوون ماعندنا .. تعال افطر وياي .. مسوي فطاير ساسكي : والله ^^ يللا جايك جايك الاله : روح افطر روح .. والله ماتستحون عامل وراتبه على قده .. يفطركم اخر الشهر .. مكلف فيكم شي ساسكي ( يضربها ) : انتي سوي شغلك وبعدين تعالي تكلمي .. ماباقي الا الخرده بعد ( ويركض ) جايك ياعمي جـــــــــــــــــــــــايك ^^ وفي شقه ناروتو .... كارلا ( تستعد علشان تروح دوامه وتصدم بناروتو في الصاله ) : ناروتو ؟؟؟ 0_0 وش قاعد تسوي ليه مارحت الدوام ؟؟ لاتقولي كل الاساتذه غايبين كالعاده يرحم والديك ... ناروتو ( حاط رجل على رجل ويقلب بالتلفزيون ): لا ... بس ماعندي فلوس اروح ^_^ وتعرفيني انتي اذا رحت الجامعه مااكلت مااركز كارلا ( تطلع فلوس من البوك حقها ) : اااااااه منك فقرتني والله .. انا ماادري وين تروح المكافئه حقتك .. تتاجر بالمخدرات يااولد انت ولا ايش ؟؟ ناروتو : والله لو انا تاجر مخدرات كان انا غني والله لوتشيا ( طالعه من غرفتها بتروح المدرسه ومعاه كيس مليان حلاو ) : يللا مع السلامه اختي بتاخر اليوم ناروتو : اخس .. بتاخر بعد ؟؟ ليه ؟ لوتشيا : عندي حفله اليوم .. تعرف رحت سحب فلوس من حسابي وشريت كاكاو واليوم بنحتفل ناروتو : ياسلام لوتشيا : يللا يللا مااكلم شحاتين ... تشاو كارلا : شفت اختك ؟؟ تجمع فلوسها مو انت ... حسبيا الله ونعم الوكيل ( ويسمعون صوت بوبس برا جالس يضايق سنيك ) 0_0 ناروتو ناروتو .. الحق كلبك الغبي ذا جالس يضايق جارنا ناروتو ( يركض لبرا الشقه ) : ^_^ سنيك ( ماسك ذيل بوبس ويضربه بالنعال ) : انقلع من هنا .... لابارك الله فيك من كلب .. اخلص من بسكي في البيت تطلع لي انت بوبس ( عاض سنيك برجوله وناشب لها ) عوووووووووووووووووووووووووووووو ناروتو ( يحاول يسحب بوبس ) : بس يابوبس بس هذا جارنا سنيك هدي اعصابك بوبس : ( يعض سنيك اكثر ) : عوووووووووووووووو سنيك : @_@ ناروتو : بس ياابن الحلال هدي اعصابك خلاااااااااااااااااااااااااااااااااااص بوبس ( ترك سنيك اخيرا ومشى للشقه ) : ايه ترى انا اذا عصبت ماارحم سنيك ( استند على الجدار وجلس ينفض بنطلونه ) : ااااااح .. انتو بعد عقلو كلبكم ذا وجع ... استلمني ووصخ بنطلوني .. شلون اروح الدوام نا ها ؟ ناروتو : اسلفك بنطلوني ^^ ؟ سنيك : لا شكرا .. خلي ثيابك لك ... ناروتو : عمي سنيك .. ماعليش تعطيني فلوس .. انا ماعندي ولا ريال اروح فيه الجامعه سنيك ( يطلع بوكه ) : انا ساسكي ماعطيته اعطيك انت ليه ؟.. بعدين ليش ساسكي يروح الجامعه وهو ماعنده فلوس ؟؟ ناروتو : ساسكي ياعمي يفطر ويا الحارس كل يوم ^^ سنيك : 0_0 الله يفشل هالولد .. انا جايبه علشان يرفع ضغطي كارلا ( انحرجت من ناروتو اللي جالس يشحت فلوس ) : ولد ؟؟ االله ياخذ عدوك ..جارنا سنيك مو مكلف فيك يصرف عليك .. سنيك : لاتخافين ياكارلا مابعطيه الا ريالين وكثير عليه .. أنا ولدي مااعطيته كارلا ( بخجل ) : احنا اسفين والله .. سامحنا على هالكلب اللي عندنا .. وعلى هالولد والله انه يفشل سنيك : لالا بالعكس .. احسن من ساسكي الحمار اللي رايح يفطر ويا الحارس .. الحارس مو لاقي ياكل وساسكي العله .. جاي يفطر وياه ناروتو : لا ياعمي انت فاهم غلط .. اصلا اليوم فطور الحارس فطاير وانا مااحب الفطاير .. انا اصلا افطر عنده اكثر من ساسكي كارلا وسنيك : 0_0 وانتصف النهار على الطلاب في الجامعه ... الكل متكدس حول اله الصرف .. لعل وعسى تنزل المكافئه ... وطوابير .. ملل وطفش وانواع الاعتراضات ناروتو وديانا وجارا وشيكا .. كانو واقفين مع الطابور .. يتسنون المكافئات جارا : والله العظيم لو مايصرفون لنا مكافئه على ذا الوقفه .. بنولع فيهم الجامعه شيكامارو ( يتثاوب ):انا قايل لكم مافي فلوس اليوم يعني موقفيني الحين بالحر والكتمه.. لو اني نايم في بيتي مو احسن ديانا : لالالا تقول .. ابي اروح السوق .. والله خلصت فلوسي مايصلح ناروتو : شباب وش رايكم اذا راحو الناس نسرق الاله الصرافه .. ونفكها ونطلع الفلوس بالبيت ديانا :0_0 ياويلي شيكامارو : هذا اللي يسمونه اجسام البغال واحلام العصافير ديانا : نوتي حبيبي ؟؟ وش فطرت اليوم على الصبح ناروتو : ولا شي ^_^ جاي على لحم بطني جارا : ماشاء الله .. تصدق حسدتك على غباءك ناروتو ناروتو :قول ماشاء الله ^^ ديانا ( داخت من الوقفه ): ياناس خلاص والله ماعاد فيه اوكسجين هنا .. شيكامارو :جارا خلاص اسكت .. شطفت كل الهوا الموجود .. ماظل الا اكسيد الكربون هنا ديدارا ( مر وجلس يضحك على الطلاب اللي واقفين ) : والله هالطلاب قليلن ادب .. ليش يعطونوهم مكافئات ماادري .. ويدرسون ببلاش جارا ( ارتفع ضغطه وصرخ باعلى ماعنده ) : لاســـــــــــــــــــــــارت المكافئه من جيبك تعال حاسبنا يانكد ديانا : عاد غريبه ياجارا .. انت واقف ويانا .. هذا وابوك غني جارا : ابوي بخيل .. ينام ويحط الفلوس جوا مخدته ... وحتى اذا راح الشغل يودي المخده وياه الشغل شيكامارو : والله تفكير منطقي .. منها يحمي فلوس وينام له شويتين ههههههههههههههههه ساسكي ( واقف جنب الطابور بيده الفطاير ) : سلام شبنقح ناروتو : ســـــــــــ 0_0 ..عندك فطور ماتعطيني ( ويمد يده ) ساسكي ( يضربه ) : وخر صحني .. خليكم واقفين ياحلوين .. ^^ جاارا : الله يسد نفسك قول امين ... جالس تدور بصحن البيض من الصبح ساسكي : احسن من اللي ماعنده شي ^^ شيكامارو : والله عمو تشو تورط وياك .... ديانا : اوه اوه المدير المدير جارا : جانا ابو وجه معفص .. والله يبغى له كوي المدير ( نفسه في خشمه وماسك العصر .. ماد بوزه شبرين.. محدب ظهره ) :انتو وش موقفكم هنا .. زريبه ؟؟ ساسكي : لا ياامدير يلعبون القطار السريع ... نبي مكافئتنا يامدير المدير : ها؟؟ المكافئات .. سمعو يااعيال سمعو .. ترى كل تاخيره فيها خيره .. وانا جيت هنا بالذات .. علشان اقولكم .. المكافئه راح تتاخر 3 شهور ناروتو وجارا : 0_0 وشو ؟ ديانا ( اغمى عليها ) @_@ شيكامارو : خلاص اجل بسوي سبات شتوي .. ولحد يصحيني قبل 3 شهور ساسكي : ياوجـــــــــــه الله ^^ اقول الله يخلي فطاير عمو تشو ************************* وش راح يسوون الطلاب .؟ هل بيسكتون ؟؟ ومن اللي راح يدبرهم تابعونا في البارت الثاني من هذي الحلقه akatsuki boy  |
 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور ساسكي وناروتو | yuki cross | أرشيف المواضيع الغير مكتمله او المكرره او المنقوله و المخالفه | 26 | 06-10-2012 01:27 AM |
| صوووووور ساسكي جناااااان اهدا الى عاشقاااات ساسكي | soso.11000 | أرشيف المواضيع الغير مكتمله او المكرره او المنقوله و المخالفه | 20 | 05-27-2011 02:33 PM |
| لكل محبي ساسكي حفله مقيمها ساسكي((ادخل)) | balsammas | أرشيف المواضيع الغير مكتمله او المكرره او المنقوله و المخالفه | 36 | 05-25-2011 04:29 PM |
| فيديو لمباراة بين ساسكي وناروتو مرة رهيبة >___< | ساكورا الجميلة تعدد حسابات | أرشيف المواضيع الغير مكتمله او المكرره او المنقوله و المخالفه | 12 | 12-08-2010 09:11 PM |
110Likes
.png "Icons(25)")
العرض العادي
