لسلام عليكم ورحمة الله وبركاته
تقريبا هذي قصتي الأولى التي أكتبها وأنشرها...
طبعا كتبت الكثير ولكن لم أتجرأ على نشرها
تعمدت أن أكتب القصه باللهجه المحليه كي أفسح المجال للجميع بقرائتها
وأحترت في أختيار عنوان القصه وأعتقد أن هذا العنوان اللي أخترته هو المناسب
هذه القصه لثلاث شباب اللي ربط بينهم الصداقه التي ندر وجودوها في هذي الأيام وهم رياض ورامي وريان وفيهم واحد راح يكون بطل القصه
شخصيات الشباب الثلاثه
رياض؛ شاب طموح درس وتخرج بأجتهاده يتميز بخفة دمه حبوب وكان أسمر جذاب محط لأنظار البنات وين ماراح كان يقز بها البنات يعني راعي حركات نص كم
ريان؛ هذا شخصيه ثانيه كان يتميز بالبرود وكان يحب النوم كثير كان عايش على الصدفه ولأنه كان مطنش كل اللي حوليه ألا أنه يجيه كل شي عالبارد
رامي؛ هذا خلطه فريده صح ماكان وسيم ولكن مملوح واللي يخليك تحبه طيبته وحنيته ومساعدته للغير وكان يحب أصحابه كثير



بسم الله الرحمن الرحيم
عنوان القصه {ميلا والقدر}
الكاتبه؛ ام جود


مين عند الباب مافي صبر
ياريان يارامي أصحو أفتحو الباب في واحد له ساعه يدق ويروح ويرجع يدق مره ثانيه ياالله منكم لو أدق طبل عند أذونكم ماراح تسمعون الحين يعني الجرس بتسمعونه خليني أقوم أفتح الباب أحسن لي
راح رياض وفتح الباب وياليته مافتحه
رياض؛ وأش ذا وأش اللي جابها عند باب شقتنا بالذات وكان متردد يشيلها ولا لا دخل الشقه وهو يصارخ وينادي أصحو ياهبل شوفو أش عند باب شقتنا أصحوووو يعني ماتبون تصحون طييييييب راح رياض وأخذ جركل ماء بارد من الثلاجه وكبه عليهم
رامي؛ خير أش فيه
ريان؛ الله ياخذك أش فيه
رياض؛ أش في مصيبه قوموا وطالعوا عند الباب راح تشوفوا أش فيه
ريان؛أي باب
رامي؛ ياغبي باب الغرفه أكيد ماتعرف مقالب رياض أخمد أحسن لك هذا ماعنده سالفه
رياض؛ ياهبل السالفه جد والله أطلعو وشوفو أش عند باب الشقه
طلعو الشباب وتفاجئو بالمنظر
رامي؛ مين هذي وأش جابها هنا أكيد أحد حطها على باله بيت مو بيتنا يمكن يبي يحطها عند بيت جارنا أبو أسماعيل خلونا نسألوه
ريان؛ دقيقه خلونا نفتح الظرف ونشوف اللي فيه إذا تخصنا أو لا
آخذ ريان الظرف وفتحه وأخذ الورقه اللي فيه وأخذ يقرأ وعلامات التعجب في وجهه
رياض؛ ها أش لقيت
رامي؛ أكيد تخص جارنا
ريان؛ تدرون أش مكتوب
رامي ورياض بلسان واحد أش مكتوب
ريان؛ مكتوب هذي بنتك ميلا ر... وحبيت أنها تعيش معك لأني راح أتزوج وزوجي شارط علي أنه ماراح يقدر يربي بنتنا وعشان كذا قلت ماراح أطمن ولا راح أرتاح إلا إذا كانت معك
باي
الشباب الثلاثه أستغربوا الموقف وكل واحد يقول لثاني هذي بنتك
ريان؛ هذي بنتك يارامي أنت تقول أنك كنت تحب سلاف وصار بينكم علوم قبل سنه تقريبا
رامي؛ لا ياحلو هذي بنت رياض نسيت أنه سافر الصيفيه اللي مضت دبي وقال أنه تعرف على وحده سعوديه وجلس عندها يومين
رياض؛ لاوالله وأنت مو تقول أنك كنت عند خويتك وكشفك عمها وأنت عريان معها قبل كم شهر كل واحد فيهم شك في نفسه ويقول ريان؛ طيب بنت مين فينا رياض؛ خلونا ندخل الشقه ونشوف نهاية هذي السالفه
رامي أخذ الطفله ميلا ودخلو الشقه
رياض؛ طيب والحل كيف راح نأكلها ونلبسها وأمها هذي ماكلفت نفسها تجيب أغراضها
ريان؛ هذي البنت بنت واحد فينا ولازم نهتم فيها
وميلا تبكي وتصيح
رياض؛ أش نعطيها عشان تسكت
رامي؛ أنا راح أروح الصيدليه وأشوف أش راح تحتاج
وراح رامي للصيدليه وهو في الطريق شاف رامي بنت معها ولد صغيروقال في نفسه خليني أسأل البنت وش يحتاج كل طفل قبل ماأتفشل عند الصيدلي
وسألها؛ ممكن ياأختي أسألك عن بعض الأشياء اللي تخص الولد اللي معك
ردت البنت؛ هذا أسلوب جديد في المغازله
وقرب رامي من البنت يبي يفهما السالفه والبنت يوم شافته يقرب منها قامت تصارخ وتقول الحقوني في واحد قاعد يلاحقني وتجمعوا اللي في المكان وقعدوا يضربونه
وراحوا عنه وهو مايقدر يحرك جسمه وقف وبالقوه يمشي وصل الصيدليه ودخل وسأل الصيدلي عندي بنت صغيره وماأعرف أش تأكل ولاتلبس الصيدلي؛ كم عمر البنت
رامي؛ ماأدري
الصيدلي؛ كيف ماتدري طيب هي تجلس ولا تحبي ولاتمشي ولا لسى ماتتحرك
رامي؛ ماتتحرك
الصيدلي؛ أوكي هذا الحليب تحط ملعقتين والماء يكون مغلي تدفيه وتحط الى هذي الشرطه في الرضاعه خمسه مرات في اليوم وتشربها مويه كل ماأحتاجته أما بالنسبه للبس هذي الحفاظ يناسب بنتك
رامي؛ بنتي أيه أيه بنتي
أخذ رامي الأغراض وراح بسرعه جهة شقتهم وسمع صراخ ميلا من الشارع وهي تبكي دخل الشقه
رياض؛ كان نمت في الصيدليه
ريان ؛بسرعه أعطوها شي خلوها تسكت وتخلينا ننام
رامي راح وغسل الرضاعه وأتبع تعليمات الصيدلي كلها وحط الرضاعه في فم ميلا وسكتت
ريان؛ ياسلام الحين أقدر أنام
رياض؛ أنت ماهمك الا النوم يالله أصحى اليوم دورك تجيب غدا
ريان؛ طيب بس باأنام ساعه وصحوني مجرد ما غمض عيونه وهو يسمع صوت ويقول وهذا وقتك الحين
رامي؛ أنا سويت اللي علي الباقي عليكم
ريان؛ قوم رياض نظفها تكفى خلوني أنام شوي
رياض؛ لا ألا ذا الشي أعفوني منه
وميلا تبكي وتصيح
رامي؛ بسرعه نظفوها أنا رضعتها
رياض؛ المره ذي أنا بس الجاي لكم وهو يشيلها ووع الله يقرفك الا الله ياخذك أش جابك عندنا
ريان؛ حرام لاتدعي عليها أدعي على أمها
رياض؛ طيب دام أنك حنون تعال غسلها
ريان؛ لا حبيبي أدعي عليها بكيفك
مر على الشباب ثلاثه شهور والحال مثل ماهو أزعاج وأرهاق وبكاء وصياح بلا نهايه أجتمعوا الشباب وقرروا أنهم يتخلصوا من ميلا وفكروا وقرروا أنهم يحطوها عند باب جارهم أبو أسماعيل وفعلا عجبتهم الفكره منها يرتاحوا ومنها تكون قريبه منهم قام ريان وجهز ميلا وحطها في نفس السله اللي جات فيها وطلعوا من الشقه وأتفقوا أنه واحد يحطها وواحد يدق الباب وواحد يراقب المكان حطوا ميلا ودقوا الباب وهربوا من المكان وراحو المقهى وهم جالسين الا والسماء تمطر بغزاره وقال رامي؛ ياترى ميلا أحد أخذها ولا غرقت
ريان؛ أكيد محد أخذها وأكيد الحين هي غرقانه
رياض؛ خلونا نلحقها يمكن المسكينه وحدها بذا المطر وذا البرد
قاموا ثلاثتهم وركبوا السياره وبسرعه وصلو المكان وحصلوا ميلا غرقانه في وسط سلتها أخذوها وودوها في أقرب مستشفى وكل واحد يلوم الثاني وصلوا المستشفى وشالها رامي بسرعه ودخلوا المستشفى وسأل أقرب ممرضه بسرعه البنت ميته أسعوفها
الممرضه؛ أول أدخل المكتب اللي يمينك وعبي الأستماره
رياض؛ أستمارة أيه أنتي وجهك ذا بسرعه أدخل عند الدكتور
ريان؛ دكتور عندنا البنت ذي غرقت في المسبح أسعوفها بسرعه
الدكتور؛ بسرعه ياسستر جهزي الغرفه
وإخذوها ودخلوها غرفة العنايه المركزه
رامي وريان ورياض رايحين جايين في صالة المستشفى ينتظرون الدكتور وبعد ساعه يخرج الدكتور ويروحون ثلاثتهم يم الدكتور ويسألونه كيف ميلا طمنا عليها
الدكتور؛مين فيكم أبو ميلا
كلهم بلسان واحد أنا
الدكتور؛ نعم
رد ريان؛ قصدنا يادكتور كلنا يهمنا أمر ميلا
الدكتور؛ ماأخبي عليكم ميلا ماأعتقد انها راح تعيش حنا سوينا اللي علينا والباقي على الله أدعو لها
رياض؛ لا ميلا حنا أش سوينا أحنا السبب
ريان؛ يارب تقوم ميلا بالسلامه
رامي قاعد يبكي ويقول حرام اللي سويناه في المسكينه والله حرام
وأخذو يلوموا بعضهم ويدعوا لهاوراحوا لشقتهم وهم حالهم حال
وبعد الدوام راحو للمستشفى يسألو عن ميلا ولكن ميلا مثل ماهي ماتحسنت قال رياض؛ أنتو روحو للشقه ريحوا وتعالوا المغرب وأنا باأجلس عندها راحوا ريان ورامي



مر أسبوع على ميلا


صحي رياض من كابوس
اللهم أجعله خير
ريان؛ خير أش فيه شكلك حلمان
رياض؛ أيه والله ياخوي حلمت بكابوس ياخوفي لاتكون ميلا فيها شي
شفت جوالي
ريان؛ ليه أش تبي فيه الحين تدري كم الساعه
رياض؛ أدري بس أبي أدق على رامي أشوف كيف ميلا
ريان؛ طيب أنا باأدق عليه
أيوه رامي طمنا على ميلا
رامي؛ ميلا يقول الدكتود أنها تعدت مرحلة الخطر وطلعوها من غرفة العنايه وجلست أدق عليكم أبي أبشركم بس أنتم ماتردون
ريان؛ يالله مسافة الطريق
رياض؛ خير ميلا صار لها شي
ريان ؛ ميلا طيبه وخرجوها من العنايه
رياض؛ يالله طيب أش تنتظر
راحوا رياض وريان للمستشفى ولقوا رامي عند غرفة ميلا يناظرها
رياض؛ الحمدلله هذي ميلا يارب لك الحمد والشكر
ريان؛شوفوا حركت يدها
ويجي الدكتور ويروحون يم الدكتور
الدكتور؛ تقدرون تطلعوها معكم بكره الصباح والحمدلله على سلامتها
رياض؛ نقدر ناخذها معنا الحين
الدكتور؛ لا لازم يشوفها الدكتور المناوب الصباح عشان هو اللي يعرف حالتها وراح يكتبلها خروج
رامي؛ خير انشاالله
ريان؛ كم الساعه الحين ياشباب
رياض؛ الساعه 3ونص الفجر طيب خلاص أنتو روحوا دواماتكم وأنا بأجلس هنا الين يجي الدكتور الصباح وأنا راح أخرجها وأنتم راح تشوفوها بعد ماتجون من الدوام في شقتنا إنشاالله



ال0والله وراح تنورين شقتنا من جديد ياحلوه يالله راح أسبحك وأكلك وألعب معاك ألين يجوا أبهاتك الثانين
أذن الظهر ورامي وريان يدخلون الشقه وسيدا لغرفة ميلا وأخذوها وقاعدين يلعبوها ويغنوا ويرقصوا لها وميلا تضحك وشوي تبكي ميلا وكل واحد فيهم يقول أنا راح أرضعها
رضعت ميلا ونامت والشباب فرحانين بوجود ميلا بينهم وقرروا أن كل واحد فيهم يجلس معاها يوم



مضت سته شهور على وجود ميلا بين الشباب حبوها تعلقوا فيها وكل واحد فيهم يعتقد أنها بنته

فجأه وبينما رياض جالس مع ميلا في الشقه دق جرس الشقه
رياض؛ مين راح يجي الحين العيال موعدهم الساعه 2الظهر خير إنشاالله طيب طيب جاي
فتح رياض الباب مين أنتي
أيه أنا وأش فيك متفاجئ كأنك مو متوقع أني راح أجيك في يوم من الأيام وراح أشوف بنتي
رياض؛ ليه ميلا بنتك
أريج؛ أيه بنتي ليه ماقريت الرساله اللي كانت مع ميلا
رياض في نفسه وأنا أقول ميلا تشبه مين كنت شاك في نوره اللي قابلتها في دبي وجاء على بالي سندس اللي شفتها في السوق وجلست معاي شهرين وأفترقنا وتوقعت أنها عهود بس ماجاء في بالي أنها أريج أبد نسيت موضوعها نسيت أنها دقت علي قبل كم شهر وتقول أنك خاين وتهزئني وغيرت بعدها رقمي وتعرفت على الكثيرات بعدها
أريج؛هي أنت معاي أنت مثل ماأنت لامبالاه عموما ميلا وينها أبي أشوفها أبي أخذها معي
رياض ؛تاخذيها لاحبيبي دخول الحمام مو زي خروجه
أريج؛ لا حبيبي أنا ضبط وضعي وراح أخذ بنتي رضيت أو لا بكيفك أهم شي عندي ميلا
رياض؛ دام هي مهمه عندك ليه رميتيها عند بابنا وليه أهملتيها طول هذي الفتره وأنتي تدري أن مافي البيت ألا شباب
أريج؛ أنا طول فترة حملي كنت مختفيه وأول ماولدت قلت أرسلها لك لين يتحسن وضعي ورجعت لأهلي بججة أني كنت أدرس برا
و خلال الشهور اللي فاتت ويوم رجعت لقيت بابا توفي وطلق ماما قبل مايموت بشهرين بسبب خلافات كانت بينهم وماما الحين عند خالي خالد في الشرقيه وسبلي فلوس كثيره وفله وعماير وسيارات وأنت تعرف أني وحيدة بابا وماعندي أخوان ولا أخوات لأن أبوي كان مريض ولاجاب غيري المهم مو هذا موضوعنا أنا يارياض حبيتك من كل قلبي وأخلصت لك وأنت تخليت عني وأنا كنت في أمس الحاجه لك تعبت على حملي وكنت بموت في ولادتي ومافي أحد جنبي وبيني وبينك خفت من الفضيحه فقلت أعطيك ميلا ألا أن يتحسن وضعي والحمدلله أنا الحين في فلتنا وحدي وعندي الخدم ياكثرهم إذا أحد شافها راح أقول بنت أي وحده فيهم أهم شي أنها تتربى قدام عيوني
وين ميلا يالله يا حسام أدخل وخذ ميلا من الشقه
رياض؛ ماراح تاخذوها
أريج؛ بسرعه حسام أنا أنتظرك بالسياره
رياض؛ والله لأفضحك وأقول أنها بنتنا وأنك مو متزوجه

أريج؛ أعلى مافي خيلك أركبه ياحلو
أريج ؛بسرعه حسام حرك وأعطيني ميلا
هلا بحبيتي وحشتيني سامحيني حبيبتي أني تركتك وأنشغلت عنك بس والله الظروف كانت أقوى مني بس صدقيني من اليوم ورايح ماراح أتركك ولاراح أسمح لمخلوق يفرق بيني وبينك وميلا تبكي وتصيح



وكالعاده الساعه ثنتين بعد الظهريوصلون رامي وريان وكالعاده ايضا كل واحد فيهم معاه شي لميلا لكن الصدمه التي واجهتهم يوم ماشافوا ميلا في سريرها ورياض قاعد حزين ودموعه على خده
رامي؛ لاتقول أن ميلا صار لها شي
ريان؛فال الله ولا فالك ميلا ماعليهاالا العافيه
رامي؛ طيب ميلا وينها
ريان؛ رياض ميلا وينها ليه ماتتكلم أش فيك حنا طلعنا الصبح وأنت وميلا مافيكم شي أش اللي صار
رياض؛ لوتكلمت ماراح تصدقون
رامي؛ أنت قول وتكلم
ريان؛تكلم وقفت قلوبنا
رياض؛ جات أريج اليوم الصبح
ريان؛ مين أريج
رياض؛ أريج المليونيره
رامي؛ لايكون هي أم ميلا
رياض؛ ايه أم ميلا وأنا أبوميلا
ريان؛ متى وكيف وأنت تقول ماكان بينكم غير المصلحه وبس ماصار بينكم شي
رياض؛ تذكر يوم أنا سافرت دبي يامغفل من وين لي فلوس وأسافر واجلس هناك أسبوعين أكيد هي اللي اعطتني مقابل أني أظل في حياتها لأنها كانت تحبني مادريت أنها ماراح تاخذ أحتياطها أنها تحمل أبد ماجاء في بالي أن أريج هي أم بنتي
رامي ؛طيب ليه هي قطعتك الشهور اللي فاتت
رياض؛ ياحلو مو قلتلك أنها شافتني مع سندس وأنقطعت عني لأنها تعتبر اللي صار خيانه ومن بعدها ماعاد شفتها مادريت أنها جالسه تراقبني طول هذي الفتره
ريان؛ طيب والحل ميلا كيف نشوفها أنا بالنسبه لي ماأقدر أعيش من غيرها
رامي؛ يعني بس أنت كلنا تعلقنا فيها وماأدري كيف راح نصبر عنها
رياض؛خلونا نفكر أش راح نسوي


مرت أيام على هذا الحال والشباب الثلاثه حالتهم حال وفي يوم من الأيام قرر رياض أنه يواجه أريج واللي يصير يصير

رياض؛ممكن أقابل أريج
حسام؛ لا يمكن
رياض؛ في كلام بخصوص ميلا أريج؛ خليه يدخل
رياض؛ أنا أسف إذا جيت في وقت غير مناسب
أريج؛ دام أن ميلا موجوده البيت بيتك تقدر تشوفها في أي وقت
رياض؛ ماأدري أش أقول بس أبي أقول أحنا نقدر نصلح غلطتنا ونتزوج عشان ميلا
أريج؛ أش تقول نتزوج أستحاله أني أكرر غلطتي معاك
رياض؛ أنتي فكري وأنا تحت أمرك
أريج؛المره ذي أش خسرت فيه الأسهم ولا زوج أختك بيسجنك لوماسددته ولاتعبان تبي تتعالج برا عموما شيل فكرة الأرتباط هذي من بالك الشي الوحيد اللي يربطني فيك هي ميلا تقدر تشوفها وتروح


طلع رياض بعد ماشاف بنته وهو حالته حال والشباب جالسين ينتظرونه
دخل رياض الشقه ولقي العيال ينتظرونه
ريان؛ ها بشر أش صار
رياض؛ رفضت أن أحنا نتزوج
رامي؛ طيب شفت ميلا
رياض؛ إيه شفتها ولما خرجت قعدت تبكي
رامي؛ يحليلها المسكينه تعودت علينا
ريان؛ والله أنها وحشتني أش رايك تحاول مع أمها مره ومرتين وعشر الين تقتنع أنت حاول انك تتظاهرباأنك ماتقدر تعيش بدونها ولاتبين أنك تبيها عشان ميلا
رياض؛ أقول ماأعطتني فرصه حتى أتكلم طول الوقت جالسه تلومني على اللي فات
رامي؛ أكيد اللي سويته فيها مو سهل وبعدين هي صرفت وأعطتك الكثير ومن حقها أنها تحقد وتقاطعك طول هذي الفتره ومن حقها أنها ماتستقبلك بس البنت لو ماتحبك ماكان خلتك تدخل عندها حتى لو ماأعطتك مجال مومعناته أنها تكرهك معاد تبيك
رياض؛طيب أش أسوي وعلى فكره اللي راح أسويه عشان ميلا بس
ريان؛ يكفي غرور خلاص أنت لازم تتزوج أريج عشان تضيف ميلا في كرتك ياغبي وبكذا مافي أحد بالكون كله يقدر يطالبك بميلا وتكون حوليك على طول وبعد ماتضيف ميلا طلق أمها ولابكيفك
رامي؛ بكره روح عندها وحاول معها وقول أنك ماتقدر تعيش من غيرها
رياض؛ أمري لله راح أحاول




رياض راح لعمله كالعاده وبعدها دق على أريج
أريج؛ الو
الووو
رياض؛ ياهلا بهالصوت
أريج؛ مين معاي
رياض؛ أفا نسيتي صوتي عموما راح أقول شي وراح تتذكريني على طول تذكرين يوم كنت أقلك فاضيه ولا مشغوله وأنتي تقولي أدخل في الموضوع مباشره
أريج؛ نعم وأش تبي ماقلتلك أذا تبي ميلا تجي وتطلبها من الخدم
رياض؛ ومين جاب سيرة ميلا الحين
أريج؛ ماأعتقد أن بيننا سيره غير ميلا يالله سلام
رياض؛ والليل هذي مصره أنها ماتكلمني



أريج؛ وأش يبي مني معقوله يبي يصلح غلطته ولا محتاج فلوس كالعاده أنا راح أجربك يارياض وأشوف إذا أنت تبيني ولا لا إذا شفت أنك بتلعب بذيلك ياويلك مني والله لأحرمك من ميلا والأيام بيننا



حاول رياض مع أريج كذا مره لاكن دون جدوى
مرت الأيام والشهور ورياض مازال يفكر في ميلا وأمها وكيف الطريقه ليكسب حب أريج مثل أول دخل رامي على رياض وكان رياض يكلم نفسه رامي؛ شكلك جنيت ياخوي أش فيك جالس تكلم نفسك
رياض؛ والله يارامي ماأدري أش فيني لانهاري نهار ولاليلي ليل
رامي؛ أشغل نفسك بأي شي شوف ريان ماصار يجلس بالبيت دخل النادي وتعرف على وحده ياشيخ لوتشوفها تطيح الطير من السما ياخوي خلينا نرجع زي أول قبل ماتجينا ميلا صح أن مكان ميلا فاضي وأحس بفقدها لاكن ماباليد حيله مصيرها الحين أو بعدين راح تروح لأمها
رياض؛ ياخوي أنا أحب أريج وماأقدر أعيش من غيرها
رامي؛ هي أصحى أنا زميلك رامي ليكون كذبت وصدقت كذبتك
رياض؛ أنا فعلا أحب أريج وماأقدر أعيش من غيرها هي وميلا
رامي؛ لاوالله شكلك أنهبلت
طلع رامي وهو يضحك من كلام رياض

بعد ماطلع رامي أخذ رياض جواله وحاول يدق على أريج بس أريج ماترد عليه بعد كم أتصال أرسل رساله وفيها
وينك يامخفف أوجاعي أشتقتلك
أنتظر الرد بس من دون فايده ورجع أرسل رساله
هداك الله ياأحب وأغلى أنسانه سكوتك طال وحيرني وقطع حبل الصبر مني ياليتك بس تكلميني كفايه صمت أنا تعبان
وصلت الرساله عند أريج قرتها وقالت في نفسها حتى أنا أحبك بس مستحيل أرد عليك ابيك تحس فيني وتتعلق أكثر حطت جوالها على الكومدينه وشوي تسمع جوالها يدق أخذت الجوال لقيت رياض يدق عليها حطت الجوال صامت ونامت صحت الصباح ولقت 20مكالمه لرياض رسايل فتحت أول رساله
لوشكيت الحب لطيور الحمام كان حرمت تاقف على غصن الشجر
ولوشكيت الهم للمولود قام صار يمشي والعمر توه شهر
فتحت الرساله الثانيه
نفسي أقول أني حزين وسجين
لكل ذكرى لك معي
وأبي أقول أني أناأشكي العنا
وأقول للذكرى أرجعي
وأرجع أقول ليت ألهوى يجمعنا سوى
وأرجع أقول من الفراق ضاق الصدر والعين هلت مدمعي
فتحت الرساله الثالثه
صار كثير أشياء تعلمتها بسبب هجرانك
عرفت أن الوله جبار
وعرفت أعطش لجل اشوفك
وعرفت احب وأسهر والسهر أمرار
وعرفت أن الجرح ياهاجر
هديه في سهم غدار
وعرفت أني مجرد سطر
على الصفحات بكتابك


وفتحت الرساله الرابعه

ياللي حرمت القلب مبطي من الصوت لاتحرمه هالحين رد الرساله



ردت أريج في نفسها سامحني ياحبي ماأقدر أرد عليك



صحي ريان متأخر ولقي العيال كلهم نايمين يالله أصحو تأخرنا غريبه رياض ماصحي بالعاده هو اللي يصحينا أش فيه أحواله متغيره هاليومين رامي أصحى الساعه عشره يالله أصحى
رامي؛ايه الساعه عشره ياويلي تأخرت عن الدوام وين رياض ليه ماصحانا أكيد فيه شي
رياض رياض يالله أصحى أش فيك اليوم راحت عليك نومه
رياض مارد ولا كلمه
ريان؛ أش فيه رياض ليكون تعبان
رامي حط يده فوق راس رياض ولقى حرارته عاليه
تعال ياريان رياض حرارته عاليه خلينا نوديه المستشفى ريان؛ أش تقول طيب خليني أبدل ملابسي
رامي وريان أخذوا رياض للمستشفى وهناك أخذ اللازم صعب رياض على أصحابه وهم يشوفون رياض ينهار قدامهم وهم مايقدرون يسون شي
بس رامي قرر أنه يقابل أريج ويشكي لها الحال عساها تحن عليه وترد له
راح رامي لفلة أريج وقالوله الحراس أن أريج مو موجوده وأنه يقدر يشوفها في مكان عملها أخذ عنوان عملها وراح لها وطلب يقابلها بخصوص الشغل دخل عند أريج
أريج؛خير أنشاالله يقولوا أنك تبيني بخصوص العمل
رامي؛ أول شي راح أعرفك بنفسي أنا رامي صديق رياض أبو بنتك
أريج؛ نعم واش تبي وهو اللي أرسلك
رامي؛ لاهو ماأرسلني وأساسا مايدري أني جاي عندك
أريج؛ طيب أش الموضوع دام مو هو اللي أرسلك
رامي؛الموضوع أن رياض تعبان وهو في المستشفى الحين
أريج؛ هذي خطه ولا وشو
رامي؛ والله ياأم ميلا أنه مريض وحالته متدهوره ماصار يروح لدوامه أنعزل عن الناس صار بيتوتي صار أنطوائي مايحب يجلس معنا يحب الجوال أكثر من أي شي حوله صار يكلم نفسه يابنت الناس أرحميه الحل عندك حني عليه
أريج؛ وأنا من يرحمني يوم خانني وغدر فيني ورماني رمية الكلاب مين يرحمني يوم حملت ويوم ولدت ومافي أحد كان بجنبي ولا ذا كله مايسوى شي
رامي؛ اللي راح راح رياض حس بغلطته وندمان بعد ومايبي من هذي الدنيا غير وجودك أنتي وميلا بحياته
أريج؛ أنسى أني أكون له مره ثانيه وبلغه هذا الشي وقوله ينساني
طلع رامي من عند أريج معصب ويقول الشرهه موبعليك الشرهه علي أنا اللي جيتك الا أنتي موبكفو أحد يعتمد عليه روحي ياشيخه اللي خلقك خلق غيرك
أريج كانت متحسفه على كل كلمه قالتها لرامي
أنا ليه قلت كذا أنا أحب رياض وحياتي من دونه ولاشي ليه كل ماأبيه يقرب مني أنا أبعد عنه موهذا اللي كنت أبيه ليه خربت كل شي الفرصه جات لحدي وأنا اللي ماأستغليتها ياالله قد أيه أنا غبيه
وقعدت تلوم نفسها طول اليوم



راح رامي للشقه وكان رياض تعبان على سريره وينادي أريج ميلا
رامي؛ رياض أصحى أنسى أريج وشوف نفسك اللي تسويه مو زين لصحتك هذي وحده ماتستاهل تنزل دمعه عشانها انا رحتلها اليوم وطردتني
رياض؛ شفتها وين وكيف وأش قالتلك
رامي؛ بشويش شفتها وكلمتها عليك وطردتني ماأعطتني مجال أتكلم
ريان؛ أش أخبار الحلوين جبت أحلى أكل لأحلى أثنين في حياتي
رياض؛ كلوا أنتم بالعافيه أنا مالي نفس
ريان؛ أنا أساسا جبت الأكل مخصوص لك يالله بدون دلع تعال وبكره عازمكم على الغدا بشرط رياض اللي يختار المطعم
رامي وريان يحاولون يسولفون ويضحكون عشان ينسون رياض اللي فيه بس رياض تفكيره على طول عند أريج خلص أكله وقام يعطيكم العافيه أنا بروح أخذ علاج وبنام
راح رياض لغرفته وأخذ جواله ولقي فيه رساله وارده فتحها لقي الرساله من حبيبته أريج
أنت حبك مات في قلبي أكيد وتركت النار تسعر بقلبي وتقيد قبر حبك أندفن وغطاه الجليد لازم تنساني وتروح عن قلبي بعيد
مستحيل الماضي يرجع مايفيد كم مره رجيتك وقلبك الظالم عنيد


رجع رياض يدق على أريج بس أريج ماترد ورجع رد لها برساله
ادفن الضيق بالقلب الحنون والتناهيد في عمري كدر أقضي الليل هواجيس وظنون ضايق البال مجروح النظر كل ماقلت بهونها وتهون
عانق الدمع رمشي وانتثر



وصلت الرساله وقرتها وردت
ماضعت في بعادك ولاتوهني زماني
مثل ماأخترت قلبك بالأول أقدر أختار ثاني
قول عني أني تغيرت وماعاد تعني لي شي
جروحل وغرورك علمني الصد وعلمني كيف أخلي الهم ينزاح عني ويتناساني



ويقرأ رياض ويرد برساله
تعرفين وش العذاب على أصوله
أنك تحب أنسان مايحبك
وانك تعذب كل قلب يشوف قلبك
وأنك تعيش بعالمك من دون حب
وأنه يموت قلبك ولاأحد يعرف بموته



وصلت الرساله في جوال أريج وقرتها وردت برساله
يمكن حبي كان لك غلطه
تجازيني بها الأيام
علمتني أكون قاسيه
وأخلي عيونك ماتنام
أعتبرت حبي لك لعبه
وزادت بي جروح وألام
نسيت أن الزمن دوار
وأنها راح تجيبك الأيام



قرا رياض رسالة أريج وقال في نفسه هذي عنيده وماراح ترضى علي فكر وأرسل رساله
حبيبتي أنا عارف أني غلطت وندمان قد شعر راسي بغيت أعزمك على الفطور بكره وفي المطعم اللي التقينا فيه أول مره أنا راح أروح وراح أنتظرك للظهر



قرت الرساله وقالت في نفسها ماراح أروح والله لأذوقك المر زي ماذوقتني هو قفلت جوالها ونامت



رياض جالس ينتظر الرد لكن لاحياة لمن تنادي كان يبي أي رد حتى لو عتاب بس أهم شي يحس أنها قريبه منه تقرا رسايله وتواصله




مرو أريج ورياض على ذا الحال شهور رياض يحاول وأريج تصد وبعد محاولات من رياض ألا أن أريج رافضه أنها تتقرب منه

وفي يوم من الأيام كان رياض كالعاده في البيت وجرس الباب يرن وما أن فتح الباب الا وأريج عند الباب فرح رياض مادرى أش يسوي قعد يناظر فيها قالت أريج؛ بتخليني أوقف كثير مافي كلمة أتفضلي
رياض؛ تفضلي إذا ماوسعك المكان أحطك جواة عيوني ياعيوني ياهلا والله باللي مابغت تشوفها العين
أريج؛ فاضي ولا مشغول
رياض؛ههههه باقي تذكرينها ياحلوك ياحبي أكيد فاضي حتى لو أني مشغول راح أفضي نفسي لك ومن عندي أهم منك
أريج؛ كم لنا ألحين من بعد ماأخذت ميلا من عندك
رياض؛ ماأدري بس أعتقد سنه وعليها
أريج؛ وكم لك من بعد ماتركتني الين حطيت لك ميلا عند الباب
رياض؛ ماأدري ليه تسألي
أريج؛ أكيد ماتدري لأني ماكنت أهمك وقتها بس راح أقولك نفس المده اللي أنا تركتك فيها والحين تساوينا
رياض؛ أش تقصدين
أريج؛ أقصد مافكرت ليه أنا حملت منك ومانزلته وباأمكاني أنزله في أحسن المستشفيات وعلى حسابي الخاص ومافكرت ليه أنا أعطيتك ميلا وبعدين رجعت وأخذتها
رياض؛ قولي من الآخر مافهمت
أريج: ياابوميلا أنا من أول ماشفتك وأنت دخلت براسي وقلت هذا اللي راح أعيش معه بحب وحنان وأمان بس أنت خيبت ظني فيك أنت كنت تبيني عشان مصالحك الخاصه بس أنا كان عندي أمل كبير أنك راح تحبني وحاولت الكثير بس ماقدرت وجات في بالي فكره وقلت ماراح يتعلق فيني ألا إذا جبت منه ولد وخطت وصار اللي صار وجبت راسك يارياض رياض؛ أفهم من كلامك أنك لسى تبيني
أريج؛ يامغفل حس فيني لو ماأبيك ماخليتك تتواصل معي لليوم كان غيرت رقمي وعنواني وخذيت ميلا وسافرت بس أنا مازلت أحبك بس قلت أول شي أشربه من نفس الكاس اللي شربتني منه وأشوف أذا تحبني او لا
رياض؛ والحين سويتي اللي تبيه مني هنتيني وذليتني وطنشتيي
أريج؛ صدقني كنت أسوي كل هذا غصب عني وكنت أتعذب مع كل أتصال ومع كل رساله منك وكنت أشوفك بس أنت ماتشوفني كنت أراقب كل خطواتك من غير ماتحس
رياض؛ وأنا أقول انك نسيتيني خلاص بس كان عندي أمل أنك راح ترجعين لي والحمدلله انه رجعك لي
أريج؛ طيب ممكن أعزمك على العشاء
رياض؛ بشرط
أريج ؛وكمان تشرط طيب قول
رياض؛ نتعشا في نفس المطعم اللي أعزمك فيه كل مره وأنتي ماتجين أجلس أنتظرك وأخرج منه
من غير مأأكل منه أي شي
أريج؛ أوكي أمرك يابو بنتي
رياض؛ههه يالله مشينا

ركبوا السياره وكانوا مبسوطين ووصلوا المطعم ونزل رياض عشان يحجز طاوله أول ماشافه صاحب المطعم وقفه عند باب المطعم وقله؛ أش تبغى مافي كرسي أنت تجي بس تحجز وتروح ماتشتري أي شي
رياض؛ لاتفشلني معاي عروستي أبي أحسن طاوله عندكم
صاحب المطعم؛ فين عروسك
رياض؛ هاذي اللي عند السياره

دخل رياض وحجز أحسن طاوله وطلب أحلى أكل عشان حبيبة قلبه أريج
دخلت أريج وتذكرت الأيام الحلوه اللي قضتها مع رياض
رياض؛ تفضلي ياأحلى بنت بالعالم
أريج؛ شكرا
رياض؛ بعد مانتعشا أش رايك ولا بعدين خلاص
أريج؛ قول أش تبي تقول
رياض؛ لا خلاص يالله ياحبي تفضلي على العشا


بعد ماتعشوا وأنبسطوا خرجوا من المطعم وهم في السياره قالت أريج؛ ممكن أعرف وأش كنت تبي تقول قبل مانتعشى
رياض؛ لا أنسي السالفه
أريج؛ وحياتي عندك قول
رياض؛ إذا على حياتك فهي غاليه عندي اللي بغيت أقوله أش رايك نتزوج عشان ميلا تعيش بيننا
أريج؛ بس عشان ميلا
رياض؛ عشان ميلا وأمها تعرفين قد أيش تمنيت أنك ترجعي لي ونتزوج ياااالله أنا في حلم ولاعلم ماني مصدق أنك جيتي عندي في الشقه وأني تعشيت معك في أحلى مطعم
أش رايك تضربيني ولا أقولك عضيني عشان أصحى
ماقلتي أش رايك في الموضوع
أريج؛ أوكي بس راح نتزوج بالسر عشان بعد فتره نقول لأهلك وأهلي تزوجنا قبل سنه عشان ميلا تعيش بين أمها وأبوها
رياض؛ طيب أش رايك الحين
أريج؛ الحين شوف كم الساعه بكره بعد الظهر تمرني ومعك شاهدين
رياض؛ ريان ورامي ماراح يقصرو راح يشهدو
أوكي حبي وقفي هنا وبكره أمرك الظهر لاتنسي أنتبهي لنفسك وأنتبهي للجوال
أريج؛ فهمت قصده وأبتسمت له وراحت فلتها وكانت بتطير من الفرحه وأخير راح تعيش مع رياض وميلا في بيت واحد
سمعت صوت رساله وعلى طول أخذت جوالها وفتحت الرساله ولقتها من رياض ومكتوب فيها
وينك يابعد هلي وطوايفي
مشتاق موت لعيونك
ضاق خلقي بدونك
قلبي أشتاق لجنونك

ردت أريج
أخاطب روحي في غيابك
وش يعلقها فيك
تجاوبني في ثواني
طيبتك وكل مافيك


رد رياض
والله ياحبي كل شي في بعدك يذكرني فيك دروبك ضحكتك طاريك وريحة العطر بثيابك

ردت أريج
لو يقدر الأنسان يعرف أيش بقلب غيره
وربي لتدمع عيونك من كثر ماأحبك وأغليك



قرأ الرساله ورد على أريج
واللي خلقني أشتقت لك
كتمت صوتي لين صمتي نطقني
أشتقت لك حبيبي


دخل رامي وريان على رياض ويشوفونه مره متغير عن الأيام اللي راحت
رامي؛ خير نشوفك مبسوط
ريان؛ يمكن رضيت عليه حبيبة قلبه
رياض؛ تصدقون أني راح أتزوج أريج بكره وأبغاكم تروحوا معي عشان تشهدوا
رامي؛ زواج مره وحده مين قدك من بكره راح تكون مسؤول عن زوجه وبنت
ريان؛ تصدقون والله أن ميلا وحشتني
رامي؛ والله صدق كيف شكلها تغيرت
رياض؛ تصدقون أني ماشفتها عموما أنا راح أخليها عندكم وأنا وأمها بنروح نقضي شهر العسل
ريان؛ ماراح تسوون حفله
رياض؛ لا بنكتب كتابنا ونسافر رامي؛ طيب حفله صغيره
رياض؛ ياغبي مانبغى نفتح العيون علينا أنا وأريج متفقين أن أحد يسألنا متى تزوجتم نقول قبل سنه عشان نثبت للناس أن ميلا جات بعد الزواج فهمتوا يالله أطلعوا أبي أنام وراي بكره قومه من الصبح



جاء الصبح وصحي رياض وراح يضبط أموره قبل الظهر وبعد ماأذن الظهر راح رياض المسجد اللي يصلي فيه المأذون وبعد ماصلوا أخذ رياض المأذون وراح أخذ الشهود وراحوا يم فلة أريج دق عليها جوال وقال حنا جاهزين
دخلهم البواب وكتب كتابهم وأخذ رياض عروسه وسافرو ورامي وريان وميلا راحو يودعونهم
وبكذا تنتهي القصه ياحلوين وياليت كل من قرأ قصتي أن يعطيني رأيه أيا كان مدح أم ذم 0 والسلام عليكم ورحمة الله وبركاته
منقول

__________________

سبحآن الله وبحمده .. سبحآن الله العظيم

__________________