بعض الكلام احيان خير من السكـوت=وبعض السكوت احيان خير من الكـلام
بغيـت افوتهـا وعيـت لا تـفـوت=ولعلهـا ياصاحبـي مسـك الخـتـام
صحيح مـن ابوابهـا تؤتـى البيـوت=والمحترم يفـرض عليـك الاحتـرام
وان كان تسمع لك من الاصوات صوت=القلـب لا يغفـل وعيـنـك لاتـنـام
لا تدعـي بالخيـر وتحـب القنـوت=لا صار ما لـك لا صـلاة ولا صيـام
بنيت بيـتٍ مثـل بيـت العنكبـوت=سجيت رجلك لليمـن والـدرب شـام
ليه اكحل العينين والرمـش محتـوت=يا صاحبي والضرب في الميت حـرام
لا تعترض ويشيلك السيـل النحـوت=خل الغرام يذوب فـي بعـض الغـرام
ما جيت اعذرب في كبيرين البخـوت=ولا ابغى تعلق لي على صدري وسـام
الشـر باقـي والفتـن عيـت تمـوت=يانـار كونـي تحتنـا بـرد و سـلام