السلام عليكم ورحمة الله وبركاته

كيف حالكم إن شاء الله دائما بخير ؟

ندخل على الموضوع سيدآ.....

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود


فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************


ثم يهبون الى غرفة العمليات

فتحصلهم مايخلون مراية في حالها ..

** فتلقى( رمح الشوق )عند مراية التسريحة تتمكيج


** و( هدير )عند مراية الدولاب تركب عدساتها


** و( كلنا محمد )عند مراية المدخل حق البيت تستشور شعرها


** و( غاده وبس )محتارة أي فستان تلبس

وكلما اختاروا لها فستان .. قالت : لا .. قد شافوه عليّ


** وو( سحر الليالي ) تترجى اخوها : تكفى ود فستاني للمغسلة

وقول لهم يخلونه مستعجل


** و( حلا عتيبه ) متوهقة مالقت الحلق اللي يناسب لون فستانها


** و( اميرة نفسي )تقول لاخوها : تكفى مر على جارتنا

وخذ من عندها الاكسسوار التفاحي



** و( وذا الخطا ) .. انفرط سحاب فستانها .. وتبي الخياط يصلحه


<<< والله من السمنة الزايدة

*****************


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال مثل ( امير الذووق ) .. ثوب وشماغ .. وانتهت السالفة )


************************************

بعد ذلك .. يركبون السيارة بعد ما بح صوت ابوهم

وهو يناديهم ..





** والمصيبة اذا اخذوا مسافة بالسيارة وجتك ( كلنا محمد )

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت


********************


وبعد عناء طويل يصلون الى القصر ويدخلون


******************


ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي


**********************


ثم يتوافدون الى المسرح .. وشف الرقص كيف


** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..


******************


وتعال شفهم اذا غنت الطقاقة .. ( يالتكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************


** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات


**************


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك
***********


والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )


<<< وهم في الحقيقة .. لم يركبوا حصانا قط ..

بس يالله لزوم المدح





أتمنى إن الموضوع عجبكم ..

:rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose:

__________________

هههههههههههههههههههههههههههههه

يسلموووووووووووووووووووووووووووو عالموضوع

__________________
سبحان الله والحمد لله ولا إله إلا الله والله أكبر ولا حول ولا قوة إلا بالله.
سبحان الله وبحمده عدد خلقه ورضا نفسه وزِنة عرشه ومداد كلماته.
أستغفر الله الذي لا إله إلا هو الحي القيوم وأتوب إليه.

انرتم الصفحة بمروركم
:hehehe: :hehehe:
:hmmm: :hmmm: :hmmm: :hmmm: :hmmm: :hmmm:
:rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose: :rose:

__________________

ههههههههههه
شكرا وانشاء الله بنشوف المزيد من موضيعك