|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
04-14-2011, 04:20 AM
| ||
| | ||
| الحارس الشخصي الــــــــحــــــــارس الــــشـخــصــي جرس المنبه ياالهي كم اكرهك لو لم اكن بحاجه اليك لكسرتك رائحه القهوه التي تعدها امي لا ابي صوت ابي وهو يصرخ با اخي ليصحو ليستعد للذهاب للمدرسه كنت افكر لماذا لا اكسر المنبه واكتفي برائحه قهوه امي وصوت ابي وانا افكر ينفتح الباب ____ يعني ايش تستني حظرتك؟ ___ انا صحيت ويذهب ليكمل الصراخ علي اخي العنيد هذا هو صباحي الذي ادعو الله ان لا يغيره علي اذهب للعمل الذي هو بلا عمل فقط اجلس مع زملائي نتكلم نضحك ونتفق اين ستكون سهرتنا هذا المساء ونسلم بعد صلاة العصر الرايه لغيرنا انا اسمي ناصر وبكل فخر انا اعمل حارس لا احد الفنادق المشهوره احب اعملي لا انه يلبي كل احتياجاتي راتبي اصرفه علي المسخره وقله الحياة ايش يتمني الشاب غير ذلك المهم مرت بي الايام حتي ذلك اليوم الرهيب المروع الذي اختبرت به اسؤاء لحظات حياتي كنا كعادتنا نضحك ونـتسلي حتي شاهدنا سياره غريبه تقترب من الفندق في البدايه لم نعر لها اهتماما لكني انا وبفطنـتي ههههه احسست بشي مو صحيح طلبت من صديقي ان نذهب ونسأل صاحبها وش عنده وافق لانه حب يتشطر علي الرجال شوي اقتربنا منه كان مجرد شاب فرفور يدخن الحبيب سألته وش عندك مارد؟ اذا ماعندك شغله هنا روح الله يسهل عليك جلس يطالع في وقال__ ليش انا جالس ببيت ابوك يا.....هنا ثارت ثائرتي هههه محد يقولي ...... وفتحت الباب وطلعته من السياره وكفخته وما اديته فرصه يتكلم ها ..ها، ها( ضحكه شيطانيه) جو اصحابي ومسكوني لا اني كنت جالس فوقه وهات ياتكفيخ الولد اغمي عليه شالوه اصحابي ودخلوه الفندق وهنااااااااااااااااك حصلت المفاجئه __________________ طلبوا مني مقابله المدير فرحت اكيد راح يكافئني علي مهاراتي بالحراسه لا بد ان الولد العره الي ضربته كان تهديد لأمن وامان الفندق كنت امشي بالممر وانا اتخيل الهدايا والمكافئات التي ساحصل عليها ياحليلي المهم وصلت لحد غرفه المدير قابلت السكرتير والابتسامه شاقه وجهي شق طالع فيني وقال __انت ناصر __قلت له بكل ثقه نعم انا ناصر __ ايه اللي هببته يالا انت عارف ان الي ضربته ده مين _مين؟ _ده يبقي ابن صاحب الفندق _نعم!!!! اول ماخطر في بالي اني احط رجلي وافرك علي البيت واشيل كم بنطلون وفنيله وسروال داخلي واحد واديها شرده علي الصومال نسيت ان اذكر لكم انني اسود البشره)) ___ وانا افكر بطريقه لدخول الحدود الصوماليه! ينفتح الباب وين الزفت الي اسمه ناصر ويطالعني ويتجه نحوي والشرار يتطاير من عيناه اعترف بأني كنت قد شاهدت شريط حياتي يمر من امام عيناي __ انت ناصر _؟ _ انت ناصر _؟ _ ممكن اعرف ليش مديت ايدك علي ولدي؟ _؟ _ التفت للسكرتير انتم موظفين حارس اخرس؟ _ لا يسعدت البيه تلاقيه خايف ولا حاجه .. اتكلم ياناصر قول حاجه؟ _ قالي ياخنيث وانا محد محد يقووولي خنيث,,,, قلتها وقلبي يدق يدق _ قالك خنيث كده من الباب للطاق انت استفزيته وكمان كيف كلمته هو كان واقف بعيد عن الفندق زي ماقالوا اصحابك انت رحت له ليش _ ششكله كاكاكان مريب _ لا تأتـتئ تكلم زين.. ولدي شكله مريب انت ماتعرفه ماقد شفته _سؤال غبي لو كنت اعرف انه ولدك امد ايدي عليه كيف؟((( قلتها بنفسي)) _ لا وو هو كيف الحين؟ مارد علي حقرني ومشي ودخل المكتب جلست واقف دقايق لحد ماطلب مني السكرتير اني امشي نزلت وقابلت اصحابي سألوني وش صار مارديت سألتهم انتم قد شفتوا ولد صاحب الفندق تعرفونه قالو لا ماقد شفناه وهذي اول مره نشوفه شلت اغراضي وتركت المكان انهارت حياتي تبددت احلامي علي شاطئ الخيبه المريره( مثقف الاخ) المهم مرت الايام وانا جالس بالبيت لا شغله ولا مشغله حتي ذلك اليوم الذي اختبرت به اجمل لحظات حياتي هههههههههههههههههه كنت اجلس كعادتي حينما رن هاتفي ترن ترن ترن _ نعم رديت بجفا معصب يعني _ناصر _نعم ناصر وش تبي _معك فلان الفلاني يالهوي انه سكرتير صاحب الفندق هل ياتري اصاب ابنه شي كانت خطتي للهروب للصومال مازالت قائمه لكن؟ _ افرح ياعم ده المدير حب يرجعك تشتغل بالفندق هو هنا وطالب يشوفك؟ _نعم انت تـتمسخر. _لا والله هو سئل عنك وطلب مني اني اتصل عليك وابلغلك انه عايزك ترجع تشتغل عندنا هنا دي فرصه ماتـتفوتش يابني. وماكذبت خبر وبسرعه فائقه ارتديت ملابسي وذهبت للفندق وهناك انلطعت ساعه لحد ماقابلت المدير لكن لم يكن المدير من اراد مقابلتي تري من كان؟؟!؟ مسوي اكشن )) ___________________________________ كان ابن المدير الولد الفرفور الي كفخته وعدمته العافيه كنت مستغرب ليه ما جرجروني في اقسام الشرطه المهم استقبلني باابتسامه ماكره _كيف حالك _الحمدلله بخير حمدلله عالسلامه _الله يسلمك قام من مكانه ((( في تلك اللحظه ندمت اني اجلت خطط سفري للصومال كنت اعتقد انه سوف يخرج بازوكا ويطيرني من مكاني لكنه اقبل نحوي وجلس يتفحصني قال مشالله عليك جسمك رياضي _؟ شكيت بالولد؟ _قال لي بعد مااخد ملفي وجلس يطالع فيه_ انا طلبت من ابوي انه يدور لي حارس شخصي (( بودي قارد يعني هو رشح لي كذا واحد بس كانوا اجانب كلهم لكني انا حاب يكون حارسي من ابن بلدي وبعد الضرب الي حصلته منك الاسبوع الي فات قررت انك انت راح تكون حارسي_ _وقبل ما ارد واعلق _ومافي مجال للرفض!! _؟ طيب انا ايش اسوي يعني ايش احرس؟ اعترف سؤال غبي _ايش تحرس يعني ؟ قالي راتبك راح يتضاعف ثلاث مرات يعني راتبي راح يكون 6الاف ريال وكمان من غير المميزات الاخري واستطرد قائلا بتهديد هذه المره لامجال للرفض.. اعطاني ملف فيه عنوانه وكل الاماكن اللي يداوم علي الذهاب اليها وطلب مني اني اروح البيت وابدل ثيابي وارجع الفندق لانه عنده سهره بعد صلاه العشاء خرجت من عنده وانا اصلا مو مستوعب الهرجه _ايه حصل ايه ؟ طالعت فيه ومارديت عليه سبته ومشيت. رجعت البيت وبدلت ملابسي ورجعت للفندق كانت الساعه تشير للسادسه مساء جلست عند السكرتير الي كان زعلان مني لاني مارديت عليه بعد فتره طويله من الانتظار خرج من غير مايكلمني استغربت يمكن نسي يمكن جلست وجلست حتي حسيت بالغباء خرجت لقيته واقف عند الاسنسير كنت معصب _ انا_انت وشبك؟ _ الولد_افتح الباب _ رديت عليه بسخريه _ نعم _ اعاد كلامه_الاسنسير افتح باب الاسنسير؟ _ قلت له _ ليش ماتعرف تفتحه بنفسك _طالع فيني بكل قوه قال انت حارسي الشخصي اوكي وين ماروح انت تكون معاي تفتح لي الباب تسوي كل شي اطلبه منك .. والحين افتح الباب _ قلت له _ لو سمحت _ رد با استغراب _ نعم _ اعدت كلامي بهدوء _ قول لو سمحت _ صرخ بوجهي _ انا اقولك لو سمحت ليش .. قلت افتح الباب وقفت طالعت بعينه بحده علي امل انه يخاف وهو كان اعند مني واقوي مني طالع بعيني انا نفسي خفت جلسنا تقريبا عشر دقائق علي هذا الحال سابني ومشي ونزل الدرج بعد ماهددني طبعا اني راح اندم رجعت البيت وانا ماني داري ايش اسوي جلست اتصلت علي السفاره الصوماليه سألتهم اذا انهم فيه امكانيه انهم يقبلوني لاجئ سياسي عندهم ههههههههههههههه متأثر بالمسلسلات الامريكيه المهم بعد صلاة العشاء اتصل علي المدير زات نفسه يطلب شوفتي وت ماذا وش البلشه والله لو انهم يشتكوني ارحم المهم رحت للفندق كان معصب رمي بوجهي عقد وطلب مني اني اوقعه من دون تردد جلست قريته كان عقد عمل حارس شخصي عند ولده ومالي اي حقوق وكانت الاغراءت كثيره المهم وقعت العقد واعطاني 10 الاف ريال قالي هذه الفلوس مصاريف ولدي هذا الاسبوع اي مكان يروح له انت تحاسب عليه وكل شي يبغاه تلبيه له فاهم مابيه يشتكي منك اي شكوي توصلني ضدك مراح اقولك ايش ر اح يصير لك قالها بلهجه تهديد خوفتني اعطاني رقم ولده وقالي السكرتير راح يعطيك مفتاح سيارتك الجديده والسياره بس لمشاوير يوسف ( ولد المدير)لا تروح فيها هنا وهناك وختم كلامه قائلا_ يالله روح انقلع الي فقع مرارتي 10 الاف مصاريف اسبوع واحد فقط ياحليلي انا اصرف بشهر 1500 واحس اني ملك الحمد لله عالعافيه المهم استلمت مفتاح السياره وشفت السياره سياره فيراري اخر موديل انبهرت فيها اصحابي حسدوني علي العز الي انا راح اصير فيه اعترف اني نفخت نفسي شوي عليهم وشفت حالي كلهم تمنو انهم لو كانو مكاني ضحكت وطلعت السياره الفخمه ومشيت بكل فخر وهيبه المهم رحت للعنوان الي اعطوني اياه كان بيت رائع وكبير دخلت البيت طلبت مني الخدامه اني استني داخل جلست ربع ساعه نزل يوسف والابتسامه الماكره شاقه وجهه خفت منه ماتكلمت جلس وحط رجل علي رجل وطلب مني اني اوقف قمت من مكاني ووقفت شوي بعيد عنه قال لي_ وقعت العقد _نعم وقعته جلس يطالع فيني _جبت السياره ؟ _ايه جبتها قام من مكانه وقرب مني وقال_ انت الحين تشتغل عندي تحت امري تسمع كلامي لو اطلب منك تبوس رجلي تبوسها وانت تضحك _لا انا حارس وبس مو خدامك ولا ملطشتك هذي هشغلتي بس احرسك وابعد عنك الناس الي يأذونك وانا متأكد انهم كثير دام هذه اخلاقك _انت من جدك_ هههههههههههههههههههههههههه من جدك والله ضحكتني ههههههههههه سكت وجلس آه والله بطني وجعتني من الضحك تـنهد وقال انت قريت العقد زين قريت البنود بالتفصيل ولا بس وقعت علي عماك يا غبي _؟ مارديت عليه تذكرت اني ماقريت العقد زين زين بس شدني الراتب طالع ساعته وقال الوقت مر بسرعه انا عندي مشوار مهم يالله وقف فهت مشيت قدامه وفتحت الباب وخرج وفتحت له باب السياره ماراح اقول ايش كان شعوري هداك الوقت حسيت اني بعت نفسي لواحد مايرحم وعشان ايش وانا افكر_ وقف هنا . _وين ؟ _ هنا وقف الحين يطلع معي صاحبي شوي وخرج ولد فرفور زيه قالي انزل وافتح له الباب نزلت وفتحت له الباب كان زيه قليل ادب طول الطريق وهم طايحين فيني تريقه وانا ساكت واقول تحمل تحمل هم شباب طايشين وصلتهم لمشوارهم نزلت معاهم بما اني حارسه طبعا كنت امشي معاه وطول الطريق هو يهينني قدام الناس ويتريق علي وانا ساكت عشان العقد الي وقعته وانا مغمض انتهت السهره بسلام وصلت صاحبه للبيت وانا في الطريق طلب مني اني اوقف عند صيدليه نزل وطلب مني اني استني بالسياره رفضت قلت له انا حارسك ولا نسيت المهم نزلت معه اشتري اغراض وخرابيط وخرج وصلته البيت نزل كنت ابمشي طلب مني اني انزل معاه البيت سألته ليش؟ مارد وقف يطالع فيني نزلت معه البيت لا مو البيت نزلت معه القصر طلب مني اني اطلع معه غرفته قلت له انا شغلي انتهي هنا وصلتك البيت بأ امان وخلص تبسم وقال منت خايف يكون فيه احد ينتظرني بغرفتي قالها بدلع استسلمت وطلعت معه غرفته كانت غرفته اكبر من بيتنا كله الدور الثاني نصه له جلس علي السرير ارتبت من الموضوع جلست اطالع بالغرفه وطمنـته إنه مافي احد بالغرفه واستأذنت قالي مراح تمشي الا اذا بابا جا من بره وهو للحين ماجا جلست واتصلت با امي عشان اطمنها اني بخير واني راح اتأخر مرت نصف ساعه لما سمعت صوت والده يناديه من تحت طلب مني اروح اشوف ايش يبغي قلت له هو يناديك قال لي قوله اني انا تعبان ترددت وخرجت كان ينتظر بالصاله سألني وين يوسف قلت له تعبان -- جلس قال كيف مر اليوم فيه احد ضايقكم كنت اتمني اقوله ان هو الي مضايق الناس واولهم انا لكن قلت ياولد خلك ساكت احسن لك قلت له لا محد مضايقنا قال انت راح تبات هنا اليوم قالها با امر قلت له ليش وش صاير-- قال انا باكر مسافر دبي وراح اجلس فيها اسبوعين ويوسف ماله احد هنا انت راح تجلس عنده وتشوف طلباته يالله روح للخدامه خليها تجهز لك الغرفه الي جنب غرفه يوسف وتركني ومشي يالله ايش اسوي اتصلت بااهلي وقلت لهم اني راح انام برا امي جلست تسأل وش فيه وش صار هذه اول مره انام برا البيت حاولت افهمها الهرجه مافهمت كلمت اخوي وقلت له عن السالفه وقال انه راح يفهم امي المهم رحت للغرفه الي جهزتها لي الخدامه كانت جانب غرفه يوسف كنت تعبان حاولت انام ساعه بس لكن من يوم ماحطيت راسي علي المخده الاو صوت الأستريوا فقع طبله اذني قمت كان الصوت من غرفه يوسف حاولت اغطي اذني بس مافي فايده قمت ورحت له كان مشغل الاستريو وجالس على النت يكلم صاحبه كام _ لو سمحت ممكن ؟ _ نعم من دون مايطالع فيني _ احاول انام انا من الصباح صاحي _ نام احد ماسكك --- كيف انام و سط الاغاني الي مشغلها هذه حرام اتقي الله --- نعم نعم وسكر الجهاز ووطي الصوت -- ايش تقول انت انت مين عشان تقولي اتقي الله انت ولا شي انت مجرد انت -- انت وسكت -- انا ايش كمل -- اطلع برا قالها بتعصيب -- انا بروح البيت والي تبغي تسويه انت وابوك سووه خرجت من البيت ورحت بيتنا وانا ادري انهم مراح يسكتون لكن مليت باليوم الي قضيته معاه شعرت بأهانه شديده لم اشعر بها بحياتي ابدا اتصلت بسكرتير المدير وطلبت منه ان يرسل لي نسخه من العقد الذي وقعته علي اميلي انتظرت قليلا حتي ارسله قرئت بنوده وياإلهي لم اصدق ما قرئته؟!؟؟! كان هناك بند غرامه ماليه اذا اخليت بشرط من شروط العقد وايضا غرامه ماليه اخري اذا اردت الانسحاب ومده العقد ثلاث سنوات ثلاث سنوات يعني ثلاث سنوات من العذاب يا الهي جلست مده لم اصدق مايحدث لي لم اخبر احد من اهلي عن طبيعه عملي الجديد اذا انا نفسي لم اكن لا استوعبه هل انا حارس؟ خادم؟ مهرج؟ تحت اي مسمي وضيفي تكمن وضيفتي التي لا اعرف مامصيري فيها ترن ترن _ طالعت بالجوال كان يوسف يتصل بي لم ارد ( مسوي نفسي خطير ) ترن ترن اتصل بي مره اخري _ نعم ايش تبي _ وينك؟ ( قالها بصوت هادئ _ انا في البيت ايش تبي _ تعال طيب _ اجي وين انا قلت .. قاطعني بحده _ شوف لو ماجيت ياويلك _ ايش راح تسوي يعني البلد فيها قانون( حسيت بالغباء لما قلت كده لم يرد _ قلت بنفسي يمكن خاف مني --- قلت له بعد صمت _ انا نفسي اعرف انت ليش كذا _نعم -- نعم قالها بأستهزاء _ انت -انت ليش تسوي كذا ياخي عليك حركات مدري كيف تكره الناس فيك _ انا محد يكرهني الكل يتمنون رضاي _ عشان فلوس ابوك مو عشان شي لو انك ولد ناس علي قد الحال وهذه طباعك والله محد تحملك _ اكلم مين انا دكتور فيل( هذا طبيب نفسي امريكي كان له برنامج علي قنا mbc4 _ شوف اذا كنت تحسب انك بفلوس ابوك راح تشتري حب الناس انت غلطان _ مين قالك اني اشتري حب الناس -- انا مابي حبهم انا ابي طاعتهم لي زي مالحين انت راح تطيعني وغصب عنك _ اسمع ياولد الناس سيبني بحالي الله يرضي عليك _طيب تعال البيت الحين عشر دقائق وانت عندي ( قالها بأمر وقفل السماعه بوجهي ياربي وش اسوي وش هالبلشه الي بلشت نفسي فيها خرجت رحت عند يوسف اشوف وش عنده كان ابوه قد سافر من دون مايسلم علي ولده استغربت الجفا الأسري الي بينهم ( والله مصدق نفسي 000 جفاء اسري المهم عندما وصلت الي المنزل كان يوسف ينتظرني بالصالون والغضب باديا عليه _نعم وش تبي _ ابي عصير برتقال _ الخدامه ليش ماتجيبه لك ولا انت ماتعرف تدخل المطبخ وتصب لك عصير بكاسه _ اسمع يا رمه انا طلبت منك طلب تنفذه وانت ساكت لا تجلس تتميلح علي ( قالها بغضب شديد قلت ياولد اكسر الشر - رحت للمطبخ وجبت له العصير وانا بنفسي اقول اليوم عصير وبكره ايش راح يطلب مني اسوي له كبسه لحم _ _تفضل بالعافيه _ لا خلاص ما ابيه سديت نفسي وتركني وطلع غرفته وقفت بالصاله اطالع نفسي وانا ماسك كوب العصير بالمرايه الي كانت ماليه المكان حطيت العصير عاالطاوله وجلست ثواني وسمعت صوت ارتطام قوي خفت جريت عالدرج اشوف ايش صاير دخلت عليه الغرفه لقيته جالس يكسر با اغراضه ويبكي بشده جريت اتجاهه سلامات وش فيه _ سيبني اطلع بره _ يا ابن الناس هذا تصرف غير سوي ( غير سوي والله احسني خلال هذه التجربه صرت مثقف _ غير سوي ... ها وقرب مني ويطالع فيني نظرات مجنونه انا غير سوي _ لا اقصد انت ليش تسوي كذا جالس تكسر با اغراضك _ كيفي اغراضي وحر فيها اطلع بره ورمي زجاجه عطر با اتجاهي كانت راح تكمخ براسي لولا ستر الله هنا انا عصبت لا والله هذا دلع وقله ادب مسكته بقوه دفعته عالسرير وجلست فوقه شوف _ ياورع انا تحملتك كثير مو بس عشان كتبتوني انت وابوك عقد تحسب انك ملكتني انا ابخرج الحين هذه غرفتك وانت حر فيها كسر الي تبي لحد ماترتاح انا تحت وان بغيت شي نادني _ ابوي .. ابوي سااافر من دون مايسلم علي ابوي مايحبني ( وانهمر بالبكاء كطفل فقد لعبته استغربت تصرفه لم اعتقد انه يملك قلبا يحس ويشعر مثلنا _ربت عليه بعد ما ترددت كثير اني المسه هههههه( يمكن كان مستعجل_ كنت ابغي اخفف عنه هدئ قليلا _ اطلع بره لو سمحت .... وبلهجه تهديد ياويلك لو سمعت ان الي صار اليوم طلع بره والله لا اذبحك _ يعني اقول لمين تنهدت وخرجت وانا انزل الدرج سمعت صوت الموسيقي العالي يصدح بأرجاء المكان ابتسمت هذا هو رجع زي مكان بس بالي كان مشغول فيه وفي ابوه الله مارزقه غيره ليش مايهتم فيه ويداري عليه الي شفته من معاشرتي ليوسف انه محتاج وجود ابيه بجانبه وان الي يسويه من فرض سيطرته علي غيره وعصبيته وتصرفاته الطائشه وتحرشه بالغير ووصول مشاكله للشرطه كلها تؤكد وجود خلل بشخصيته (( والله اني خطير افكر اكمل دراستي وادرس نفسيه وش حليلي حللت شخصيه الولد )) المهم نعود للواقع مر شهرين علي وضيفتي الي ماتتسمي خلال الشهرين هادي 11 مره خرجت يوسف من مركز الشرطه واربع مرات دخل المستشفي عشان مضاربات مع بعض الشباب  مرات شالته الهئيه عشانه يتحرش ببنات الخلقتعبت صرت اب علي غفله لو انه ولدي كان ذبحته وافتكيت منه وكل مره اقول لأبوه يقول مقولته المشهوره _ شباب خليه يعيش عمره لكني كنت اقوله ان الي يسويه كله عشان يلفت انتباهه لكنه مكان يعطي نفسه فرصه يفكر بكلامي مرت ايامي مع يوسف حتي هذاك اليوم الي اكتشفت فيه انه يتعاطي الكوكائين هنا انا انصدمت لما دخلت عليه غرفته وكان منتصف الليل لقيته جالس علي الأرض وعنده ماده بيضاء كان علي وشك استنشاقها لكني جريت يأتجاهه ونثرتها بعيد عنه طالع فيني نظرات مجنونه _ انــ ن أنـــت ايـ ـش ايـــ ـش ... وماقدر يكمل كلامه مسك راسه وقام يحاول يشم ماتبقي من تلك القذاره الي تدمر شبابنا ( لا والله لأزم اشوف لنفسي حل )تدمر شبابنا ههه ) مسكته بقوه دفعته علي السرير وصرخت بوجهه _ مخدرات يايوسف هذه اخرتها مخدرات يأخي حرام عليك حرام عليك _ انــــت مـــــــــــو شــغــلك ( قالها بغضب وكان يمسك برأسه ويصرخ بوجهي طالبا مني اني اروح اجيب له مخدر _ روح ياواطي يااحقير جيب لي بدل الي كبيته ,, و كان يتلفظ علي بألفاظ قذره كثيره _ انت مالك حل الأ ابوك يعرف يتصرف معك هنا سكت وجلس ينتفض ويردد _ لا لا لا تسويها ابوس ايديك لا تقوله وكان راح يبوس حذائي وهو يترجاني اني ما اقول لأبوه انه مدمن _ خلاص انا بروح اجيب لنفسي بس انت لا تقوله _ ايش فيك انت تروح تجيب لنفسك انا ما ابيك تتعاطي ( امسكته مع كتفه وبحنان ( تدرون انا طيوب وحنون ) انت لسه صغير والعمر قدامك حرام تدمر نفسك عشان حاجات تافهه _ جلس يطالع فيني نظرات تائهه و......... دفعني بقوه وهرب من امامي كما الريح جلست شوي حتي استوعبت وقمت احاول الحقه نزلت الدرج الطويل نفسي كان راح ينقطع خرجت من البيت كان يركب سيارته اخذت اناديه احاول اوقفه لكني ماقدرت كل شي صار بسرعه فجأ اختفي من قدامي حاولت استجمع افكاري شوي ايش اسوي ووين راح وهو بذي الحاله تذكرت صاحبه الي اخذته معي هذاك اليوم اخذت السياره الي عطوني اياها ورحت لبيت هذاك البزر وانا اتمني انه يكون عنده لأني بجد راح انجن لو مكان عنده نزلت عند البوابه الكبيره طرقت الجرس عده مرات محد رد علي جلست شوي فكرت اتصل بأبوه واخبره بالموضوع لكني ترددت هو امني عليه وانا خذلته الحين ايش راح اسوي بجد كنت خائف يكون بخطر او صار له شي مو بزين كان بحاله لا تسمح له انه يسوق سياره اخذت اقلب بجوالي مدري ايش كنت ادور بس جلست اقلب فيه يمكن الاقي بارقه امل ( هههههههههههههه _ نعم ايش تسوي هنا رفعت راسي كان الولد الفرفور ابتسمت فرحت لما شفته قدامي _ ايه انت شفت يوسف؟ ضحك من قلبه _ ليش ضيعته وجاي تدوره عندي _ اقول شفته ولا لا هز راسه بلا _ طيب ضيعت وقتي ومشيت من عنده _ يمكن تلاقيه عند كيمو التفت مستغرب مين كيمو ؟ _ كيمو بتاع المزاااااااااج _ مزاج هو الي .. وسكت ايش اقول لا حول ولا قوه الا بالله تنهدت _ طيب وين بيته ضحك بسخريه ومارد علي اعدت سؤالي قلت يمكن الحمار ماسمعني من اول مره برضو مارد علي وحقرني كان بيدخل البيت انا فقدت اعصابي يوسف بخطر وهذا يضحك بسخريه وبسرعه مسكته من قميصه ودفعته عالباب بقوه حسيته تألم بس ما اهتميت فيه كان كل همي يوسف اني الاقيه ويكون بخير _ اسمع ياورع قول وين بيت الي مايتسمي يوسف ولا اقولك تعال معي ودلني علي بيته حسيته خاف مني اخذ يتأتي بالكلام _ ط.ط.طيب لا تضربني الله يخليك بروح معك سحبته معاي ورميته داخل السياره وطلبت منه بحزم انه يدلني علي بيت كيمو ( والله اني خطير ههههههه ؟؟؟ ايش صار بعدين ؟ المهم الولد الفرفور كان خائف مني عاد انا شكلي لما اعصب ( ههههههههههههههه مايحتاج طالعت فيه وحسيت وجهه صار علبه الوان _ هاه وين بيته خلصني _ هاه هناك هو قريب عصبت منه قدامنا يجي 30 بيت ويقول قريب وهناك بحزم وقوه شخصيه ( ههههههههه يالبا قلبي انا _ اقول وين بيته لا تخليني اعدمك العافيه الخبل جلس يبكي كنه بزر _ الله يخليك لا تضربني هو هناك هداك البيت الي عند المسجد واشر علي بيت صغير وبناء قديم ومرعب كنه بيت كاسبر ( ههه متابع جيد لا افلام الاطفال ) المهم لبقت عند البيت وجلست اطالع ادور سياره يوسف وشفتها بين السيارات المركونه بجانب البيت رحت عندها وماشفته قلت اكيد دخل يدور السم الي دمره الولد الفرفورجلس بالسياره وهو يبكي ويشاهق من الخوف والله توني دريت اني اخوف ( ههههه مع اني حليل وطيوب ومرره نااايس ههههههه المهم دخلت البيت اخذت اقراء بعض الايات تحسبا لوجود هدولا العفاريت ( هنا حسيت اني خكري خخخخ سمعت اصوات هواش يصدر من احدي الشقق ؟؟ قلت اكيد يوسف والي مايتسمي كيمو قربت ابي اسمع زين يمكن اميز صوت يوسف سمعت صوت يوسف يترجي الرجال يعطيه السم _ انت قلت بتساعدني وبتوقف معي اذا احتجت لك _ لا وانت تصدق اي شي يابعدي اقول ابوك عنده ملايين وانت مو قادر تدفع لي 1500 اقول روح تقلع فكرت أني ادخل الشقه بس كيف الباب كان مقفول ياتري اتصل عالشرطه وابلغ بس كذا راح يتأذي يوسف ارتفعت الاصوات وسمعت صوت تكسير لالا لازم اتخذ اجرأء حازم وبسرعه انا حارس شخصي يعني مهمتي اني احمي يوسف بأي طريقه وبحركه سريعه وخطيره وكما افلام الأكشن استطعت ان اكسر الباب ( افلام جيمس بوند ماخلت شي ) ودخلت الشقه وحاولت ان اكون يعني رسمت ملامح الجديه علي خشتي كان يوسف بحاله سئيه جدا ويرتجف اكيد جسمه يبي السم الي يتعاطاه الحين اول مشافني التفت لكيمو وهو مره اسم علي غير مسمي ههههه يعني كيمو يطلق علي شاب دلووع وياااي ماما وبابا بس هو لو شفته ودك تدعسه بالسياره استغفر الله باين علي وجهه غضب الله سبحانه يوسف بتهديد وهو يرتجف _ شوف هذا الحارس حقي لو ماعطيتني الي ابيه راح اخليه يضربك والله طالع فيني وهز راسه _ طيب راح اعطيك الي تبيه بس الباب الي كسرتوه مين بيصلحه طالعت فيه بسخريه ايش يقول ؟ مسكت يوسف من يده وسحبته بطلعه من الشقه رفض يخرج معي _ لالا هو بيعطيني مراح اروح معك ماسمعت له شلته وكان خفيف وطلعته من الشقه كيمو طلع وراي _ هيه الباب غصب عنكم بتسوونه رميت يوسف بالسياره وقفلت الباب صاحبه الفرفور تفأجأ من شكله طالع فيني _ ايش صار ايش فيه يوسف نظرت له نظرات تخوف ( ههه _ اسمع لو طلع من السياره انت بتروح فيها ورجعت لكيمو كان واقف عن الباب المكسور _ ايه الباب انا .. ماخليته يكمل كمخ طاخ طرقع دج طخ طخ طخ الخ الخ الخ ( يعني تخيلو ايش صار وتركته وهو يتمني ان امه ماجابته كان يوسف بحاله تسمح له انه يقتل عشان يأخذ الجرعه خفت عليه انه يموت لأن الظاهر انه خلاص تعود عالسم ومبين انه متعاطي من مده طويله كان يصارخ ويضرب بنفسه ويتلفظ الفاظ حقيره واول مره اسمعها ( علي اساس اني محترم واحنا مابنقول هادا الكلام ) خفت احد يشوفنا من الماره يفكرني خاطف البزارين خاصه ان صاحبه واسمه وليد بالمناسبه كان برضو يبكي هو الثاني من خوفه مني وكمان لما شاف صاحبه عرف ان الي كان يسويه غلط وهو كان يتستر عليه لا ويسهل له الأمر فكرت اني ارميه بمستشفي الأمل بس قلت لازم استشير ابوه قلت اتصل فيه مايبيلها تفكير كثير ولده الوحيد بخطر وهو تاركه ورايح دبي يشوف اعماله يعني يأمن مستقبل مين اذا هو راح منه وصلت البيت لكن يوسف اغمي عليه خفت لا يكون راح بغيبوبه حاولت اصحيه لكنه كان بعالم ثاني نزلته من السياره ودخلت البيت طلبت من الخادمه الي ارتعبت من الي شافته انها تتصل بأبو يوسف وتخليني اكلمه بهذا الوقت كانوا اهلي مكسرين الجوال من الاتصال ياحليلي حسيت بأهميتي عندهم طمنتهم علي امي جلست تبكي وابوي اخذ يصارخ علي ويتوعدني اذا جيت بس انا اعرف ابوي بس كلام كلمت ابو يوسف وكان مشغول _ ايه نعم ايش فيه انا مشغول ان شاء الله يكون الموضوع مهم _ ايه الموضوع مهم وهو يخص ولدك يوسف _ يوسف ايش فيه احد ضايقه ناقصه شي ترددت وتذكرت ان يوسف مايبي ابوه يعرف بأمر إدمانه _ لا ياعمي أيه هو طلب اني اتصل فيك بس نام مدري ايش كان يبي بكره بخليه يكلمك _ ايه اذا كان ناقصه فلوس انا مكلم وحيد من الحسابات خليه يأخذ الي يبيه وانت انتبه له ولا يصير فيه شي فاهم تنهدت كل الي يفكر فيه الفلوس وبس _ طيب تأمرني بشي _ لا وقفل بوجهي ( ياربي طيب وش فيها لو قلت مع السلامه بتموت يعني وانا واقف سمعت صوت صغنون من وراي وسارح ايش اسوي بيوسف اوديه المستشفي ولا كيف _ ممكن تأخدني بيتنا التفت كان وليد ياحرام لسه خائف مني ابتسمت محاوله مني اني اخفف من وطأ الخوف ( ههههههههههه والظاهر خاف زياده ( يمكن شاف سني المسوس هههههههههههههه _ ابي اروح البيت _ طيب خليني اتطمن علي يوسف واوديك بعدين لا تخاف مارد علي جلس عالكرسي رحت لغرفه يوسف كان لسه مغمي عليه ويتنفس بصعوبه خفت عليه اتصلت بواحد من الشباب سعد ( سعد صديقي الصدوق من ايام التمهيدي وحنا مع بعض هو اقرب اصحابي انسان طموح وعنده امل بالحياة قرر قرار صدمنا كلنا سعد الي كنا نسميه كعمش ( مدري ليش ؟ قرر انه يدرس طب صراحه قراره صدمنا كلنا ليش وكيف ولماذا المهم سعد درس طب مشاء الله عليه وتخرج وصار انسان مثقف وخطير ومانشوفه الا بالمناسبات العالميه ولازم نرسل له خطاب عشان يزورنا ويشاركنا بالسهرات قلت يارب يرد علي ويكون فاضي اتصلت مره مارد علي رجعت اتصلت ثاني رد اخيرا _ هلا سعد كيف الحال كان عنده زحمه واصوات عاليه _ هلا نصور اخبارك _ ايه الحمد لله اقولك ياخوي ابيك بخدمه ضروري _ بس انا مشغول شوي ياخوي اخذت اترجاه وقلت له تكفي تكفي وانا ما اقولها الا اذا كنت مررره محتااااج وهو يعرف هذا الشي عشان كده _ طيب طيب وين اجيك وصفت له البيت شوي مشاء الله عليه وهو عندي حاولت امهد له الموضوع وانا اطلعه الدرج الطويل ( هو فيه مصعد بس انا احم يعني ما احبها كتير ,, لا تقولون لا احد ) _ يعني انا مدري ايش اقولك هذا ولد مسكين ابيك تكشف عليه ويكون بيني وبينك طالع فيني وهز راسه مو فاهم انا شنو اقول _ ايه طيب ايش فيه من ايش يشكو _ ايه انا بقولك هنا وصلنا غرفته ودخلته عليه صاحبه كان عنده قرب سعد ناحيته لمس جبهته _ ياناصر الولد ايش فيه ايش صار عليه وليش كده شكله كنه طالع من معركه وحالته حاله حرارته مرتفعه وتنفسه ثقيل لازم يروح المستشفي حالا ارتبكت خفت يكتشفون ادمانه هناك _ لالا ياسعد ما اقدر اوديه المستشفي انا اممم مدري ايش اقولك والله _ ايش فيه ياناصر ؟ ,,,,,,,,,,,,,,,,و ياتري هل راح اقول لسعد ولا ؟؟ سعد _ يا اخي قول تكلم انا ساكت ماعرفت ايش اقول وكيف افسر الموضوع لسعد اكيد راح يلومني علي سكوتي عليه وتستري علي تصرفاته خاصه ان هذا مو من طباعي _ هو ياخد كوكائين التفت سعد لوليد الي كان واقف بالركن سعد _ ايش تقول انت هو مدمن والتف لي وعلي وجهه 200000 الف علامه استفهام سعد _ طيب طيب لازم ننقله المستشفي حالا اذا هو مدمن لأزم الحين ينقل للمستشفي مايصير نسكت عنه طالعت بسعد وانا محتار ايش اسوي وبغباء واضح _طيب يعني اقول لأبوه ولا كيف طالع فيني سعد _ ايه ياحمار لأزم تقوله اتصل فيه الحين وخبره لكني ماحبيت اقوله عن ادمانه عشان يوسف _ بس انا مراح اقوله انه مدمن يوسف يعني لما هددته اني اقوله ارتبك وخاف سعد _ يعني ايش تبي تقوله وماحب سعد يطول السالفه قطع الهرجه _ اقول خلنا ننقله المستشفي ضروري يأخذ جرعه الحين ولا يمكن يصير له شي مافهمت كلامه بس هزيت راسي وسويت اني فاهم عليه اخذنا يوسف الي صحي علينا بالطريق وقام يصارخ سعد بطريقته الاحترافيه قدر يهديه قاله انه راح يعطيه الي يبيه لو هدئ شوي وهدئ يوسف بس جلس يرتجف ويحك بجسمه بأضافره وجرح نفسه من قوه الحك وصلنا المستشفي وليد رفض ينزل معنا وقال انه بيتصل بأخوه عشان ياخذه طلبت منه انه مايقوله عن اي شي وعدني انه راح يتكتم سكت بس كنت خائف انه يقول ويفضحنا في المستشفي دخلنا يوسف غرفه خاصه بما انه معروف وابوه صيته بكل مكان بس قلنا اسمه انقلبت المستشفي فوق تحت البدايه كانت صعبه جدا يوسف رفض العلاج بعد ما اكتشف خداعنا له وحاول الهرب اكثر من مره من المستشفي كانت الأيام تمر ببطء شديد اوهمت اهلي اني مسافر مع يوسف لمدينه اخري حتي ابرر غيابي حسيت بحجم المسؤليه حسيت اني الي جمعني بيوسف مو العقد الي كتبته حسيت انه محتاج احد بحياته شخص يحس انه يخاف عليه ويحسسه انه محبوب ومرغوب بحياته ( ياعيني عليا ) مرت ايام والأيام صارت اسابيع طويله ومرهقه علاج يوسف من السم كان صعب ومؤلم جدا طوال هذه المده ابوه كان يتصل ويسأل عنه لمده ثلاث دقائق وكنت اكذب عليه واقوله انه مشغول او نأئم اشتقت لأمي وابويا واخواني اشتقت لصباحنا كل يوم كنت ابكي احيانا لحالي من شده شوقي لهم ( يعني مو عيب الواحد يعبر عن مشاعيره ) مرت الأيام ويوسف كان يتحسن ببطء شديد كنه مايبي يترك الأدمان متعلق فيه بشكل غريب كان لأزم له علاج نفسي لكنه كان يتهاوش مع الطبيب وكم مره حاول يمد يده عليه حاولت افهمه لكنه كان حاط حواجز بينه وبين الناس محد قدر يعرف ايش يدور بنفسه من امور وليش يسوي كذا وليش رافض ان ابوه يعرف بأمر ادمانه او ليش مايقوله انه محتاج له بحياته كنت جالس بالممر زهقت من صراخ يوسف وكلامه الي يغث كان يسب ويلعن فيني لأني السبب بأني جبته المستشفي واحيانا كان يحاول يغريني بألفلوس عشان اخرجه من المستشفي وكنت ارفض بالطبع مر سعد صديقي من عندي طالع فيني مو مصدق الحال الي انا فيه كان التعب باين علي جلس جنبي وربت علي كتفي بشويش _ سلامااات نصور ايش صار عليك تنهدت _ لا ولا شي بس تعبني يوسف بجد افكر اتصل بأبوه وافتك طفشت منه ومن صراخه وكلامه ونفسيته الزفت كنت اتكلم عن يوسف وماتنبهت انه خرج وراي بيراضيني بعد ماتكلم علي اخر مره وسمع كلامي سعد انتبه له وضربني علي خفيف التفت وشفت يوسف واقف منصدم ورجع غرفته وسكر الباب سعد خاف انه يسوي بنفسه شي سعد خلك هني بكلم الدكتور حسان ( هو طبيببه المختص ) يجي يشوفه اكيد مايبي يشوف خشتك الحين شوي وجا حسان ودخل علي يوسف الي كانت حالته النفسيه سئيه كنت اسمع صراخه علي الطبيب الي ماقدر الا انه يعطيه مهدئات عشان يهداء لامت نفسي علي الكلام الي صدر مني حسيت بالذنب يوسف ماله احد الحين انا بالنسبه له الانسان الوحيد الي يعرفه استغربت ماله اعمام خوال ماقد احد سئل عنه او زاره حتي وليد بعد هذيك المره ماشفته ولا اتصل ( قليل الخاتمه ) قررت اني ازور اهلي هذا اليوم يوسف كان لسه زعلان مني مايبي يكلمني ولا يسمع مني دخلت عليه الغرفه كان نائم علي جنبه ويطالع بالفراغ الي قدامه ومبين انه مو بالدنيا وقفت شوي بعيد عن السرير يعني عشان مايأخد اي شي من علي الطاوله ويكخمني فيها ههههههههه _ لو سمحت عم يوسف بروح ازور اهلي بس ربع ساعه ( الحين انا مو قايل لهم اني مسافر ! المهم مارد علي رجعت اعدت كلامي _ عم يوسف بستأذنك بزور اهلي قام من مكانه طالع فيني نظرات ابدا مالها تفسير _ بروح الحمام وقام من مكانه ودخل الحمام سكر الباب جلست انتظره عند الباب مر وقت ماسمعت له حس خفت لايكون اغمي عليه لأن شكله كان مش ولا بد طرق الباب بشويش _ عم يوسف انت بخير محد رد علي حسيت بالقلق اتصلت بألأمن عشان يفتح الباب وانا انتظر الأمن بقلق وادور هنا وهناك خرج يوسف وهو مبتسم نفس الابتسامه الماكره الي زمان طرت فيه _ ايش فيك انت خوفتني عليك اتصلت بأ الامن عشان يفتحون عليك الباب طالع فيني من تحت لفوق _ تبي تروح لا اهلك وجلس عالسرير وكمل _ ليش ايش يبون منك وقبل لا افتح فمي جو الامن كانو رجلين مثلي نفس الخشه ( هههههههههه ضحك يوسف _ ايه الي زيكم هذه شغلتهم ملطشه انا عصبت من كلامه _ لو سمحت احترم نفسك كرر كلامي بتريقه ومارد علي تغطي بالحاف ونام او تظاهر بالنوم خرجت وخرجو معي رجال الأمن واحد منهم واسمه وحيد _ يا اخي انت وش ورطك مع هذه الأشكال ابتسمت وضربت كتفه _ الحظ يا اخي الحظ المهم مارحت لأهلي بس اتصلت فيهم امي اول ماسمعت صوتي جلست تبكي وانا بعد دمعت عيوني يوم سمعت صوتها الي واحشني كثير كانت تسألني عن سبب سفري مالقيت مبرر اقنعها فيه ابدا ماقدرت اكذب عليها في المساء دخلت علي يوسف كان كالعاده جالس علي السرير وتظاهر بالنوم اول ماحس بدخولي عليه جلست عالكرسي حسيت بالطفش وجلست ادندن اغنيه شعبيه اندمجت بالاغنيه واخذت امول واسوي خبال ( هههههههههه انا كنت عارف انه صاحي بس ماهمني استغربت ليش ماقام وكفخني ولا رمي علي كلمه جارحه كالعاده سكت شوي عم الهدوء بالغرفه شوي وقام من مكانه جلس يطالع فيني _ انت طفشان من الجلسه عندي مارديت عليه سند ظهره علي السرير وتنهد بقوه وقال بتكبر _ عادي زي ماجبتك اجيب عشره مثلك اذا تبي تروح روح الباب يفوت جمل هل راح اترك يوسف ؟؟ ام ابقي معه ؟؟؟ طفشني اسلوبه ادري انه مايبيني اروح عنه ( واثق من نفسي كثير بس ليش مايقول ان محتاجني معه كمل كلامه _ الي مخليك متحمل الجلسه العقد الي كتبته يعني لو الغيته مراح اشوف رقعه وجهك تاني رديت عليه بعد صمت دام ثواني ادري اني فرحت راح افتك منه راح ارجع بيت اهلي بس كسر خاطري صحيح كان يبين لي انه مو محتاجني وانه قوي ويقدر يتصرف لحاله بس حسيت انه عكس مايبين يبيني اقوله لا ابي اجلس معك حتي لو الغيت العقد الي وقعته _ لا يايوسف ابوك امني عليك وانا راح اقوم بواجبي اتجاهك لحد ماتطلع من المستشفي وابوك يرجع من السفر بالسلامه انا استغربت ان ابوه طول بالسفره هو قال اسبوعين وبيرجع وينه مر تقريبا شهر ومارجع ؟ دار يوسف وجهه للجهه الثانيه _ ادري مثلك مثل غيرك تبي تستفيد من الفلوس الي يعطيك اياها الوالد والسياره الكشخه الي معك من غير الامتيازات الثانيه تدخل الحفلات الي بالفندق تسكن بجناح vibوكل شي كنت تحلم فيه بيجيك مو عشاني ولا شي مرت علي اشكالك بحياتي انا ما ابيك روح اصلا انت مو عاجبني بغيرك يا الله اطلع بره ولا ابي اشوفك ثاني وعادي بكلم ابوي واقوله اني انا الي صرفتك مراح يحاسبك قمت من مكاني وخرجت من الغرفه _ من جد كنت ابي اروح وارجع البيت واسلم علي امي وابوس رجليها فكرت اني اروح البيت اجلس مع امي ساعه وارجع المستشفي بس يوسف انا ملزم ابقي معه هو الحين مسؤليتي مايصير اتركه جلست بالممر افكر ايش اسوي مشتاق لأهلي وابي اشوفهم بس ما اقدر اترك يوسف لحاله وانا جالس افكر وسرحان _ لو سمحت ممكن اشوف يوسف رفعت رأسي المثقل بالهموم ( حلوه مثقل بالهموم اقولكم صاير خطير كان وليد صاحب يوسف استغربت توه تذكر يجي يزور خويه نزر راسه وجلس يفرك بأصابعه بخوف وماتكلم اكيد لسه متذكر الموقف العصيب الي مر فيه معاي اعترف فرحت لما شفته قدامي فكرت اني اخليه عند يوسف شوي وبسرعه اروح اسلم علي اهلي وارجع _ ايه ايه هو داخل دقيقه استأذنه وراجع لك دخلت علي يوسف بشويش قلن يمكن يكون نام وخفت ازعجه كان صاحي جالس يقلب بالقنوات بملل ومن دون مايطالع فيني _ نعم ايش تبي انا ماطردتك انت ماعندك كرامه تنهدت وذكرت الله انا بطبعي مع اني طيب وفيني حنان مو طبيعي بس اكره احد يستقلني علي طول افقد اعصابي _ ايه عندي كرامه بس الانسان يتنازل شوي عشان يعيش ( نعم ؟ ماعلينا ابتسم بأستهزاء _ ايش عندك انا بجلس لحالي ممكن _ ايه بس وليد هنا يبي يشوفك ادخله ولا اصرفه وبلا مبالاه _ ايه خليه يدخل الحيوان توه تذكرني قليل الاصل ترددت شوي وثم قلت له _ طيب انا بستأذنك بروح لأهلي شوي ضحك _ والله انت تحفه يا اخي روح راحت روحك انا طاردك انت ماتفهم وربي قاهرني الورع ذا وكاسر خاطري خرجت من عنده وطلبت من وليد انه يظل معه لحد ما ارجع من مشواري اتصلت بأخوي وقلت له اني جاي عالبيت بس ماني مطول عشان الشغل وانا عند الأشاره كنت اتصل بأبو يوسف بس مايرد فكرت اني اتصل بسكرتير تبعه يمكن يعرف عنه شي رد علي اخير وصعقني بخبر ان ابو يوسف صار له اسبوع بالبلد وكل يوم يداوم بالفندق استغربت عدم اتصاله واهتمامه بمكان يوسف اكيد راح البيت يعني الخدامه مقالت له شي ما استغرب عدم وجوده بالبيت طوال هذه المده احترت بأمري قلت اروح اسلم علي امي واخد كم كلمه جارحه من ابوي واجاوب علي اسئله اخواني وبعدين اشوف ايش سالفه ابو يوسف الأب الخارج عن الخدمه ( حلوه خارج عن الخدمه هههههههه ,,,, رحت بيتنا يا الله كنت مشتاق لأهلي ولرايحه قهوه امي الي تسويها كل صباح للوالد وقفت عند باب البيت شوي صار لي شهر تقريبا عن البيت وانا بعد تركتهم من دون سابق انذار كل شي صار بسرعه تنهدت بقوه ودقيت الجرس شوي وفتح لي اخوي الصغير جلس يطالع فيني شوي مو مستوعب شكلي الجديد يعني كنت مهتم بخشتي زبطت شعري وحلقت دقني وخففت من الشنب شوي هههههههههه وكنت لا بس نظارت شمسيه طبعا غاليه لزوم الشغل ولابس بدله سوداء يعني حركاااااات جيمس بوند حارقته الشمس هههههههههههههه ههههههههههههه ههههههههههههههههههههه المهم شفته طول وهو واقف ضحكت ودفيته بشويش ودخلت دخل وراي وهو لسه فاتح فمه صراحه ما الومه طول عمره يشوفني كدش ومبهذل وحالتي حاله المهم كنت خائف علي امي لا تجيها صدمه لما تشوفني اكيد مراح تصدق راح تقول وين ولدي مراح تصدق انه انا فلذه كبدها ولكن سويت نيولوك ( يعني تعديل ههههههههه دخلت علي امي بالمجلس كانت جالسه تتابع مسلسل وعد لزام ( مسلسل بدوي من بطوله خالد البريكي وامممم هذا الي عرفته انا ما تابعته بس هذا اليوم شفته مع امي لأنها سلمت علي ورجعت تابعت الحلقه وبعد ماخلصت فتحت معي التحقيق الي دام نصف ساعه وين كنت ومع مين وايش مسوي بخشتك و و و و الخ الخ بعد ما خلصت امي التحقيق باستني ودعت لي بالتوفيق قد حكيتها عن يوسف وحالته واني ملزم ابقي معه بموجب العقد الي كتبته زعلت مني وقالت لي ليش عشان العقد انت باقي معه خليك معه حتي لو طلب منك انك تتركه الولد محتاجك بحياته عاد امي قلبها وش حليله ( يعني انا طالع لمين ! جا ابوي وكان بيسمعني كلام جارح بس امي طلبت منه انه مايكلمني وسكت ( احلي امي قويه !! خرجت من بيتنا وانا ماودي اتركهم بس عاد ايش اسوي القدر كنت قد اعطيت امي فلوس عشان تمسي حالها هي واخواني قبل ما ارجع المستشفي رحت الفندق بشوف ابو يوسف هذا وش قصته وليش ماسئل عن يوسف وهو له اسبوع تقريبا راجع البلد شفت اصحابي الي برضو استغربو النيولوك وماصدقو أن هذا أنا سلمت عليهم ودخلت بشوف ابو يوسف كان بأجتماع جلست انتظره وانا جالس عند السكرتير اتصل فيني رقم غريب مارديت ماكنت فايق لأحد شوي ورجع اتصل فيني رديت من دون نفس _ نعم قفل بوجهي عصبت رجعت اتصلت فيه مارد علي ارسلت له رساله استحقار عاد انا كنت معصب من ابو يوسف ولأني ماشبعت من اهلي برضو كانت اخلاقي قافله للأخر بعد انتظار طويل انتهي الأجتماع وخرج الوفد الي كان مستضيفهم عنده اتصل فيه السكرتير يقوله اني انا موجود طلب اني اروح واجي بعدين لكني اصريت اني اكلمه والموضوع مايستحمل الانتظار وانه يخص يوسف وافق بعد الحاح مني انا كنت قد عصبت وخلاص قفلت معي قابلني بدون نفس وبدون مايطالع فيني _ نعم ايش عندك اخلص انا مو فاضي لك ولا لااشكالك _ انا بختصر الكلام عشان وقت حظرتك مايضيع ,, انت لك اسبوع هنا بالبلد ولا سألت عن يوسف مع انه غايب عن البيت و ,, قاطعني بعد ماسكر الملف الي قدامه _ طيب واذا انه غايب عن البيت وين بيكون يعني يا اما مسافر ولا بأي دهيه ثانيه وانا معينك عنده ليش مو عشان تنتبه له وتشوف طلباته ليش اقلق عليه واضيع وقتي معه _ تضيع وقتك ؟ هذا ولدك الوحيد الله مارزقك غيره وانت ماتنتبه له ولا حتي تسأل عن احواله هو محتاجك ويبيك يمه سكت شوي وتنهد _ الله رزقني غيره بس اخذه مني .. وطالع فيني انت ايش دخلك الحين مين عينك مصلح اجتماعي بينا هو رسلك لي هو قالك روح له واصلح بينا هو طلب منك اني انسي الي سواه واتظاهر ان كل شي بيكون بخير شوف يا انت يوسف مايربطني فيه الا الأسم وبس _ بس ياعمي يوسف يمر الحين بمرحله صعبه و ,,, قاطعني بحده بعد ماقام من مكانه _ اسمع انت ايش شغلتك حارس يعني مالك كلمه هنا انت مصدق نفسك جاي بتعلمني كيف اتعامل معه وهو عارف ان ماله شي عندي وانه ماينتظر مني اي شي يبي فلوس ياخذ الي يبي بس لا يشغلني بمشاكله الي انا ما اهتم فيها ولا ابي اعرفها واشر عالباب _ يا الله طلع بره وقفت مكاني جمدت ماعرفت ايش اسوي وايش اقول حسيت ان فيه شي صار لهذه العائله خلاهم كذا مو معقول شعور ابو يوسف اتجاه ولده جا من فراغ انا اليوم الي ضربته فيه وقابلني ابوه حسيته مهتم فيه وخائف عليه لكن هذه المره حسيته العكس ياتري ايش فيه هل ابو يوسف كان عارف بأدمان ولده عشان كذا تغير معه لكن ايش عرفه واذا كان عارف ليش ماعالجه من بدري تسأولات دارت بذهني وانا راجع للمستشفي وصلت المستشفي وخلاص مخي كان قافل من كثره التفكير انا قلت ابو يوسف جا اكيد راح يريحني شوي من يوسف وراح اجلس ببيت اهلي شويه بس انا بعرف ايش صار وهل يوسف سوي شي ابدا مايقدر ابوه انه يسامحه فكرت اواجه يوسف بالموضوع ابي اعرف ايش فيهم حسيت اني لازم اعرف ايش السر الي بين يوسف وابوه يمكن اقدر اساعدهم وافتك !! ((( والله من اللقافه الي ذابحتني )) [/SIZE]
__________________   |
|
#3
04-14-2011, 04:53 PM
| ||
| | ||
|
وصلت المستشفي كان وليد جالس بالممر سألته ايش فيك قال ان يوسف عصب عليه فجأ وطرده من الغرفه وهو خاف يمشي وازعل منه ( والله اني مسبب الرعب للبزر ربت علي كتفه محاوله مني ان اطمنه اني من البشر وطلبت منه انه يروح بيتهم طبعا بعد ماشكرته علي جلوسه عند يوسف دخلت علي يوسف كان نائم هذه المره من جد كان مسوي نوم غطيته زين جلست افكر بطريقه عشان اخلي يوسف يقول الي عنده اذن العشاء قمت بروح اصلي الي عرفته ان يوسف مايصلي فما قومته للصلأة وانا طالع من الغرفه _ ليش ماتجبرني عالصلأة زي ماجبرتني عالعلاج وقفت مكاني مو مصدق الي سمعته ماعرفت ايش اقوله صحيح انا غصبته عالعلاج ويوم عرفت انه مدمن لزمت الا اعالجه طيب ليش يوم عرفت انه مايصلي ليش ما اجبرته عالصلاة التف له ابتسمت _ الصلاة محد يجبر احد عليها يعني ممكن اجبرك تصلي تصلي قدامي ومن وراي تسحب عليها كنت بخليك انت من نفسك تصلي _ طيب ورجع حط راسه عالمخده _ وانت جاي جيب لي عصير وجلكسي لا تنسي حبيت انرفزه شوي _ انت مو طاردني ليش اجيب لك _ اف خلاص ما ابي شي تقلع سديت نفسي الله يسد نفسك ابتسمت وخرجت من عنده حسيت من خلال معاشرتي ليوسف انه يبي احد يتحكم فيه يعني مايعرف يسوي الشي بنفسه ولا ليش يقول انت ليش ما اجبرتني علي الصلاة يعني هوا يبي يصلي بس يبي احد يجبره عليها صليت ومريت عالكافتريا الي بالمستشفي اخذت له الي يبي وصعدت لغرفته وانا اطلع الدرج اتصل علي نفس الرقم الغريب الي كلمني الصباح مارديت قلت اكيد احد يستهبل علي انا مالي خلق يوسف كان بالحمام ياخذ له دش حطيت الاغراض عالطاوله جا الطبيب المشرف علي حاله يوسف سئلني عنه قلت له انه يستحم ابتسم _ طيب هوا باقي له اسبوع وان شاء الله يقدر يخرج من المستشفي اذا حب بس لازم له متابعه بالخارج عشان ماتنتكس حالته ولازم يغير المحيط الي كان عائش فيه سئلني عن ابوه ترددت ايش اقول له _ ابوي ميت وليش تسئل عنه كان يوسف خارج من الحمام اعتذر الطبيب ليوسف وبارك له علي الشفاء وبشره انه راح يطلع بعد اسبوع استقبل الخبر بأستهزاء استغربت تصرفه ليش يقول ان ابوه ميت جلس عالسرير واخذ الكيس من علي الطاوله اخذ يقلب فيه _ اف منك انت عارف اني ماحب الجلكسي الساده احب الي بالكراميل انت حمار ماتفهم ورمي الكيس بوجهي عصبت منه حاولت امسك اعصابي بس خلاص تكرنت وقفلت معاي رحت قفلت الباب بقوه ورجعت له كان يطالعني بأستهزاء وضحك _ احلي يامعصب زاد غضبي _ اسمع ياورع انا تحملتك كثير تري انا ولد ناس مو جايك من الشارع شوف انا مقدر وضعك النفسي وعارف انت ليش تسوي كذا لكن انت زودتها شوي وانا مراح أسكت لك وبكل برود _ طيب يعني أيش بتسوي ألحين خلصني مو فاضي لك _ يعني أيش عندك _ أنت ايش تبي انت لو تسوي شغلك زين محد كلمك أنت تجيب ألكلام لنفسك وتسوي فيها معصب وعندي كرامه _ حاولت أفهمك أقرب منك لكن أنت ماتعطي أحد فرصه أنه يحبك تكره الناس فيك غصب تدري لقيت وليد بره ماقدر يمشي ويتركك لحالك مع أنك أنت زعلته لو مكان يحبك كان تركك وماعليه منك أنت ليش كذا يا ألغالي ليش أبي أعرف سكت تغيرت ملامحه وبغضب مكبوت _ ألغالي ,, أمي كانت تقول لي بالغالي محد يقولي ألغالي غيرها فاهم لا تقول ألغالي أذا ماكنت تعنيها _ طيب بس انا اعنيها يايوسف _ لا ماتعنيها أنت كذأب أنت مين عشان تقول لي ألغالي مين انت _ أنا ألي وقفت معاك يوم تخلي عنك أبوك حسيت أني غلطت هنا )) كان ألمفروض أني ما أقول هذه ألكلمه لكن خلاص معاد يفيد ألتراجع )) لفنا صمت رهيب محد منا كان عنده كلام يرد فيه عاالثاني أنا ماقدرت أرقع ألهرجه ويوسف مدري عن السبب ألي أخرسه أستغربت سكوته وعدم رده علي تمنيت يرد علي لكنه سكت عم ألهدوء ألغرفه حسيت أن ألمستشفي كلها هدئت كأن مافي بالقسم غيرنا انا ويوسف قطع ألصمت صوت ألجوال وكان نفس ألرقم ألي طفشني من ألصباح وهوا يتصل فيني قمت من مكاني وخرجت من ألغرفه رديت بجفا _نعم مين معاي تراكم طفشتوني أتاني صوت أنثوي جميل انسطلت معه وماعرفت ارد عليها ياتري من صاحبه ألصوت ألجميل ألذي أسرني؟؟ ........................ رديت بجفاء وتعصيب _ نعم مين معاي تراكم طفشتوني _ الو انا اسفه اخوي اذا كنت ازعجتك بس غصب عني انا كل مره بكلمك بس انت تعطيني بزي ومره رديت وحسيتك معصب _ ايه .. وسكت ( غبي ,, _ اممم اخوي ممكن اتكلم معاك شوي _ طيب ممكن اعرف مين معاي _ انت ماتعرفني بس انا اعرفك وحبيت اتعرف عليك اكثر _ ايه وبعدين ( عاد انا قلت لازم اسوي ثقيل شوي اكيد وحده معجبه والله طلع لك معجبات يانويصر _ اخوي انت مشغوول _ اقول قفلي انا اتصل عليك _ لا عادي جيبي وجيبك واحد ( من الحين طاقه الميانه .. _ لالا انا اتصل فيك اصلا انا مشغول شوي اذا فضيت اتصل بك ( ماكنت مشغوول بس قلت خليني اترك انطباع جيد عند المزه _ طيب انتبه علي نفسك بباي _ بباي ( يعني انتي زيتونه ؟؟ قفلت حسيت انها مو مزبوطه بس قلن انت شنو خسران المهم رجعت الغرفه كان يوسف بالحمام قلقلت عليه خفت يسوي بنفسه شي خاصه ان نفسيته تعبانه بعد الحوار الي دار بينا طرقت الباب طرقات خفيفه _ اقول تقلع _ انا بس حبيت اتطمن عليك انت بخير _ ايه بخير تطمن مراح انتحر _ انا ماقلت كذا _ ايه طيب سري بطلع ولا ابي اشوف رقعه وجهك قدامي ,,,,,,,,,,,,,,,,,,,,,,, خرجت من عنده ورحت يم القسم الي يشتغل فيه سعد جلست عنده شوي كان فاضي شوي اخذت ادردش معاه وراح الوقت كنت اتونس مع الممرضات والممرضين تعرفت علي كذا واحد من المراجعين عاد انا شخصيتي مرحه وانسان اجتماعي وحبوب احب السباحه وركوب الخيل اكره الخيانه انسان صادق احب الاستقرار غير مدخن واشرب الحليب قبل النوم واغسل اسناني كل صباح ومساء طووووووووووووووط طوووووووووووووط ايش فينا احنا ............ ايش الهرجه يعني انا الحين اتكلم عن نفسي ,, بسم الله علي الظاهر عندي سخونه ماعلينا بس حلو الواحد يكون عنده طمووح ,,,,,, وانا جالس عند سعد رجع اتصل فيني الرقم الغريب كنت قد سجلته بأسم مجهول مارديت مسوي ثقيل وخطير من قدي بنت تتصل علي ( هههههههههههههه من حقي محد كان يعطيني وجه انشغل سعد بحاله مستعجله جاته وانا استئذنت ورجعت القسم الي فيه يوسف دخلت عليه الغرفه كان مطفي النور الساعه كانت تشير للتاسعه استغربت توه صاحي معقوله نعس ثاني جلست بهدوء علي الكرسي بس صوت الجوال فضحني كانت البنت صدق مزعجه طفشتني ( بس ياشيخ هههه _ اف يعني الواحد مايرتاح ولا كيف _ اسف _ ناصر انت عندك احساس ابتسمت _ ليش اعتقد اني اخر مره شيكت فيها كان عندي احساس ليش تبي سلف مارد علي ولا انا كلمته ارسلت رساله للبنت اقولها اني ما اقدر اكلمها الحين لأني مشغووول ماردت علي سكرت جوالي واسترخيت علي الكرسي غفوت شوي مدري كم مر من الوقت حتي صحيت علي صوت بكاء مكبوت ,,,,,,,,,,,,,,,,,,,,,,,,,,,,,,,,,,,, لساعه عشره المساء الوضع كان هادئ حاولت اتجنب الكلام مع يوسف لأني كنت مو فايق له وهو بعد كان معطيني طناش اتصلت فيني البنت وكان لها ثلاثه ايام ما اتصلت وانا ما كنت اتصل فيها لأني ماكنت اعرف ايش ضروفها فرحت بأتصالها رديت عليها بسرعه يوسف كان جالس عند الشباك يطالع بالشارع وسرحاااااان ومو معي اصلا رديت عليها صوتها كان مبين تعبان قالت لي انها كانت بالمستشفي طول هذه المده وسألتني ليش ما تتصل فيني صرفت الهرجه ومشتها لي جلست اتكلم معها ومن سالفه لسالفه نسيت نفسي معها شوي وقالت انها بتقفل لأن امها جات قفلت وتنهدت بفرحه وسرحت شوي مدري حسيت اني بديت احبها مع اني ماعرفتها الا من مده قصيره وانا سارح بخيالي _ ايش اسمها ؟ طالعت فيه وماتكلمت سويت اني ماسمعته والتهيت بجوالي جلس قدامي وابتسم ابتسامه ماكره _ تحسب اني ما اعرف انك تعرف وحده اكيد مجنونه ولا عندها حاله نفسيه ولا فيه وحده عاقله تعطيك وجهه ابتسمت ومارديت عليه مد يده بياخذ الجوال من يدي وبحركه مني خبطت يده بقوه وياحرام توجع وحمرت يده من قوه الضربه الي جاته مني مسك يده وهو يتألم _ آآآي وجعتني ياحمار _ وانت تمد يدك علي جوالي عيب ماتستحي ماتكلم طالع فيني وجهه حمر وعيونه دمعت مشي وجلس عالسرير وعطاني ظهر _ طيب اطلع بره روح ما ابيك انقلع _ياساتر الحين انت مسوي انك زعلان الحين مارد علي _ طيب انا جالس بره اذا بغيت شي كلمني علي جوالي طلعت من الغرفه وجلست علي الكراسي الخارجيه كان الوضع هادي جدا والمستشفي فاضي بما ان الوقت كان مساء فما في احد غير العاملين فيها شوي واتصل فيني يوسف عطيته بزي وقمت اشوف ايش عنده _ نعم _ نعامه ترفسك احسني بردان _ تبي اطفي لك التكييف ولا اجيب لك لحاف قام من علي السرير وسند ضهره وطالع فيني كانت عيونه مليانه دموع يحاول يخفيها _ لا ابيك تلمني شوي استغربت فكرته يمزح ولا شي _ انا ؟ ( مو مصدق ههههههه _ ايه بس شوي قربت منه وبتردد ضميته لصدري حط راسه علي صدري ما ادري ايش حسيت بذاك الوقت غمضت عيوني حسيت فيه وبحاجته للحنان والحب بحياته مر وقت وانا ضامه لصدري حسيته غفا علي صدري كنت ببعده عني لكنه كان متمسك فيني بقوه مايبي يتركني شوي ونعست ونمت ويوسف بين احضاني كان كالطفل الصغير انا مشاء الله علي مفتول العظلات وفيني طول وعرض اما هو وش حليله جسمه صغير وضئيل كله من المخدرات الي كان يتعاطاها ,,,,,,,,,,,,,,, _ لا لا لا لا تخليني اسوق لالا مين ده الي يضربني مين فتحت عيوني مفجوع كان يوسف جالس يضرب فيني ويبكي شكله يحلم ويردد لا تخليني اسوق اخذت اهزه بقوه عشان يصحي فتح عيونه وجلس يطالع فيني مستغرب _ انت ايش الي جلسك عندي _ انت كنت تحلم وانا صحيتك _ احلم احلم بكيفي انت ايش الي دخلك قمت من السرير ماحبيت اكبر السالفه معه ورحت يم سريري كنت نااام حطيت راسي عالمخده بس قد النوم طار من الفلم الي صار قبل شوي طالعت بالساعه كانت الساعه 2 بالليل جلست اتملل عالسرير ادور النوم بس مافيش حتي يوسف كان صاحي جلست العب بالجوال شوي قلت التهي فيه _ انت ايش تسوي طالعت فيه _ ليش تبي شي _ ضوء جوالك مسوي لي قلق قفلت الجوال _ طيب تامر امر تبي شي ثاني _ ايه ابيك تكلم الدكتور الحين يجي يعطيني منوم بنام _ بس انت ممنوع عن هذه الحبوب رد علي بغضب_ مو بكيفكم تمنعوني انا بنام تعبان حاولت اهديه _ طيب الحين اشوفه ................ خرجت من عنده انا اجر رجولي جر الحين وين الاقي الدكتور المستشفي هادئ ومحد فيه دخلت علي الطبيب المناوب كان نائم هههههههه صحيته قام وكان خائف ( الظاهر حسبني واحد من المدمنين ههههههههه _ هاه ايش فيه مين انت؟ ابتسمت _ انا ناصر مرافق مريض عندكم ويبي حبوب منومه تقدر تعطيه هز راسه يحاول يستوعب الهرجه _ انت ايش تبي ومين المريض _ تعال معي يمه وانت تعرفه اخذته ورحنا لغرفه يوسف اول ماشاف الدكتور صرخ فيني _ مو هذا الي ابيه ابيك تكلم حسان هو يعرف انا ايش ابي الدكتور المناوب _ دكتور حسان مو موجود انا بداله انت تبغي منوم دحين اكتب لك علي حبوب وخلي مرافقك يجيبها لك طالع فيه _ خلاص ما ابي غضبت منه _ انت الحين ايش تبي انا بفهم شكله ياحرام خاف مني جلس يبكي ويضرب بنفسه_ لا ما ابي شي خلاص اخرجو بره كلكم بره سحبت الدكتور للخارج الغرفه وطلبت منه هناك انه يتصل بالدكتور حسان عشان يجيه راح الطبيب عشان يتصل بحسان وانا دخلت علي يوسف الي كانت حالته صعبه يهرش بنفسه ويهلوس ويردد لا تخليني اسوق لا تخليني اسوق مافهمت ايش قصده حاولت اهديه بس كان عصبي وكان بيمد يده عليا لكني مسكتها وشكلي آلمته عصب علي وجلس يسب ويسخط فيني علي صوته وجو رجال الأمن وممرضه يشوفون ايش صاير انا نفسي مافهمت ايش جالس يصير جا الدكتور حسان واول مشافه يوسف هدئ بشكل غريب طلب منا انا نخرج من الغرفه ونتركه لحاله مع يوسف انا رفضت اني اتركه لحاله معه بما اني انا المسئول عنه طلب مني يوسف اني اخرج رفضت انا من عادتي اتبع حدسي وحسيت ان الدكتور حسان وراه شي فرفضت اني اترك الغرفه واسيبه مع يوسف _ هو يبي حبوب منومه اعطيه اعتقد هذا شي عادي مايحتاج جلسه علي انفراد تنهد بعصبيه وخرج من الغرفه من دون مايعطي يوسف شي هنا يوسف غضب مني وجاته حاله عصبيه قد مرت علي استغربت حالته حاولت اهديه ماقدرت اتصلت بسعد ورفضت ان حسان يقرب من يوسف لشك راودني هديك اللحظه جا سعد وكان يوسف بحاله سيئه والدكتور حسان واقف عند الباب وباين عليه القلق سألني ليش ماتخلي حسان يعطيه مهدئ اي شي عشان يهدي ماحبيت اقوله عن شكي الا لما أتأكد من الموضوع وطلبت من المستشفي انهم يغيرون الطبيب الي يشرف علي حاله يوسف وتم وغيرو الطبيب طبعا بما ان يوسف معروف فمراح يرفضون لي طلب بما اني انا الحارس الشخصي له والمسئول عنه يوسف ماعجبه الوضع ورفض الطبيب الجديد واسمه امجد وماتقبله ابدا وكان دائما يتهاوش معه ويسبه ورجع زي اول كأنه اول مره يدخل المستشفي اخبرني امجد ان يوسف مازال مدمن للمخدرات وان التحاليل الي عملها اثبتت وجود المخدر في جسمه انا تفاجأت حسان كان يقول انه علي طريق الشفاء يعني كان يكذب علينا وايش مصلحته ؟؟ اخبرت سعد بهذا الموضوع وهو تكفل بأيصال الخبر للاداره وتم ذلك وحصل سين وجيم خفت ان يوسف يتأثر بالمشكله حولت ان لا يتورط بالتحقيق انكر حسان علاقته بأدمان يوسف تم فصله مؤقتا لعدم توفر أدله حسيت بالراحه يوم ترك المستشفي لكن حاله يوسف كانت تزداد سوء ومثل ماقلت حسيت انه متعلق بألأدمان بشكل غريب وانه مستحيل يتركه خلال هذه الأيام كنت ارسل لأبو يوسف اخبار يوسف مع تجنب ذكر ادمانه مع اني انا كنت اتمني انه يعرف بأمر ادمانه ربما يساعده علي تخطي هذه المرحله لكنه مكان يرد علي ولا يهتم برسائلي المتكرره كنت اوصل لصديقتي اخبار يوسف واحكي لها عنه وكانت تعطيني بعض النصائح وكيف اتعامل معه مر شهر آخر ومازال يوسف بالمستشفي حالته تحسنت وهذه المره تحسنت اتصل فيني ابوي هذا اليوم فرحت بأتصاله كان لي يومين ما اتصلت فيه رديت بسرعه من اول رنه _ هلا بالغالي هلا بأبوي ( كنت خائف يصرخ فيني ههههههه كان بسياره مع اخوي _ هلا هلا نصور اقولك انا جايك المستشفي مع اخوك عبد الله اطلع لي بره اسنغربت _ ليش سلامات ايش فيك _ مافيني شي بس بزور خويك هذا وبشوفك ليش فيها شي _ لا لا مافيها حياكم انا فرحت بأتصال ابوي وجيته بس كنت خائف من يوسف اعرفه قليل ادب خفت يرمي كلمه علي ابوي ولا يقل ادبه عنده وابوي عاد ماعنده متأكد راح يفرشه مراح يسكت له يوسف كان صاحي يطالع التلفزيون يوم دخلت عليه اقوله ان ابوي يبي يزوره ضحك _ ليش ايش يبي هذا بعد _ لو سمحت انت تتكلم عن ابوي هو يبي يتطمن عليك ايش فيك انت حط الريموت علي الطاوله وتغطي باللحاف_ ما ابي اشوف احد انا تعبان بنام _ لكن _ رفع صوته علي _ اقول اطلع بره ما ابي اشوف احد انت ماتفهم تركته وخرجت خارج المستشفي كان ابوي توه موقف عند باب المستشفي رحت له وكنت مشتاق له سلمت عليه وعلي اخوي سألني عن يوسف ماعرفت ايش اقوله قلت خليني ادخله الغرفه واذا كان نائم اقول اني ما ادري انه نام دخلت الغرفه وكان يوسف مو نائم عالسرير دخلت ابوي الغرفه وكان فيه بجانب السرير اريكه كبيره وطاوله للضيافه جلستهم ورحت يم الحمام طرقت الباب طرقات اتاني صوته بغضب _ نعم ايش فيه ابتسمت وطالعت بأخوي الي فطس من الضحك ماتكلمت جلست واخذت اتبادل معهم حديث سألتهم عن امي واخواني والحاره واهلها لحد ماخرج يوسف من الحمام طالع فينا شوي _ ايه كني ماكنت ناقصك انت جايب اهلك بعد جلس عالسرير وغطي رجوله باللحاف كان الجو بارد هذا اليوم قام ابوي وقرب من يوسف وباس راسه بحنان وربت علي راسه بحب يوسف جمد مكانه وماتكلم توقعت يدف ابوي ويسبه ولا يرمي عليه كلمه ويبعده عنه لكني لاحظت ارتباكه يوم قرب منه ابوي جلس ابوي بجنبه وجلس يسأله عن حاله ويوسف يجاوب بأقتضاب شديد شوي ومشي الوالد من عند يوسف خرجت معهم بدلهم علي الباب الخارجي لأن المستشفي كبير واكيد راح يضيعون لو تركتهم يخرجون لحالهم قبل لا يمشي ابوي وصاني علي يوسف وطلب مني اني اهتم فيه ولا ازعله استغربت وضحكت _ يبه هو يزعلني دائم ويتحركش فيني ( حسست نفسي اني بنت هههههههه ضحك _ لا مبين يحبك ومايستغني عنك بس انت تحمله شوي ابتسمت ومارديت عليه رجعت داخل المستشفي قابلت سعد طالع من غرفه مريض سلمت عليه وكان عنده وقت فراغ فجلست معه شوي عند باب غرفه يوسف سألته عن حسان وايش صار معه كنت خائف يرجع المستشفي قال انه مراح يرجع المستشفي ولكن مالقو عليه شي يعني المخدرات جات من شخص ثاني سألته عن التحاليل تحير وماعرف يرد علي _ والله مدري ياالغالي مدري لكن انا حاسس انه مو حسان بس واحد مهدد حسان يمكن يوسف معطيه فلوس ماسك عليه شي لأن دكتور حسان معروف بالمستشفي وله اكثر من 10 سنوات ومحد مسك عليه شي الله يستر بس وسألني عن حاله يوسف جلست اتكلم معه اخذنا الوقت استئذن مني سعد بعد ما استدعوه لحاله طارئه دخلت علي يوسف كان نائم علي جنبه عالسرير وساااارح جلست علي سريري اخذت اقلب بجوالي ادرو رساله حلوه فكرت ارسل للبنت رساله اعبر فيها عن مشاعيري ( ههههههه احلي ياشارو خااان ) احم ممثل هندي رومنسي كتير ؛؛ المهم رسيت علي رساله معبره وارسلتها لها بعد تردد كبير مني وانا سارح افكر كيف راح تكون رده فعلها اذا قرت الرساله _ ابوك باين عليه رجال طيب التفت له وابتسمت _ ايه الله يخليه طيب وانا طالع طيوب لمين اكيد لا ابوي وامي قام من علي سريره وطالع فيني بتكبر _ ايه طيوب ’’’’ اقول انا جيعان ابي اكل شي طالعت بالساعه كانت الساعه 12 وربع _ ايه بعد الظهر اتصل بالمطعم يرسلون لنا غداء ايش تبي انت _ لا انا ابي الحين بموت من الجوع انزل الكافتريا وجيب لي اي شي اكله _ اتصلت عالكافتريا وطلبت من العامل انه يرسل لنا فطائر وعصير وجلكسي عاد هو يحب شي اسمه جالكسي _ لا ابيك انت تنزل تروح تجيب لي بنفسك ولا ايش فائدتك _ ليش اروح اذا هم يقدرون يجيبونه لين هني عصب علي _ اقول انت ليش ماتسمع الكلام _ طيب طيب وي الحين اروح وقمت خرجت وانا نازل من الدرج جاني احساس غريب ليش مصر اني انزل لا يكون مواعد احد يجيب له السم وبسرعه رجعت الغرفه ووقفت عند الباب اتسمع له سمعته يكلم احد بالجوال قلت يمكن هو الي يهرب له المخدر ويطلب منه انه يجيب له دامني تحت وقفت بسمع ايش يقول وماصدقت الي سمعته ؟
__________________ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الحارس الشخصي | سهم دروع المحبة | أرشيف المواضيع الغير مكتمله او المكرره او المنقوله و المخالفه | 0 | 04-14-2011 04:07 AM |
العرض العادي
