|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#11
05-03-2011, 10:51 AM
| ||
| | ||
| و أخيرا وصل للبيت ولي كان معزول في ركن بروحه نزل خالد من السياره واخذ معاه الكيس والجاكيت الجنز اللي كان في السياره لانه برودة البيت لا تطااق .. ودخل الصاله .. وتجهت عيونه على طوول للغرفه الموجوده فيها ليان وحط الكيس على طاوله بدون مايحرك عيونه من على باب الغرفه وتنــهد ومرر اصابع يده بين شعر راسه .. كان محتااار وش يسوي اخذ الماااي من الكيسه وفتحها وبدأ يشرب منهااا بتوتر ... وراح للغرفه وماسك بيده غرشة الماي وفتح الباب بقووهـ متعمد .. وشافها نايمه ومتكوره من البرد مشى خطوتين يبي يحسسها انه دخل الغرفه لاكن ماتحركت ساااكنه وبتسم والسخريه مرسومه في عيونه.. بدأت التمثيل : هههه لياان عارف انك ممثله ممــــــتازه مايحتاج تتعبي حالك .. لاني ما عااد اصدقك في شي وانتظر منها جواااب او أي حركه خالد وبنغمه استهزاء : لــــــيان ( وقترب منها وتسارعت نبضات قلبه لا اراديا ) وفتح غرشه الماي وشررب منهاا : لياان بلا هالحركاات قرب منها اكثر وجلس جنبها وناظر شعرها العلسي وبعــدهـ عن وجهها اللي كانت تقاطيعه رقييقه و ملمسه بااارد وخدودها حمرر من البرد وكانت عيونه تنتقل لأجزاء وجهها ببطئ بتأمل وفتتان .. وبحركه بسيطه منها اوقظته من الحلم .. مااااتستاهلي كل هالجماااال و مسك ادينها الرقيقتين بين يده الدافيه .. وبعدها قرب شفايفه من يدها وطبع قبله عميقه ورقيقه وبصوت هااامس : احبك وش اسوي فييك يامغروورهـ .. لعبتي فيني بدون رحمه ( وسكر عيونه بألم ) هذا جزاتي اني حبيتك فتحت عيونها بتعب ماكنت تشوف عدل كل شي مو واضح وكأنه ضباب على عيونها وتحس بدوووخه وارهااق حركت راسها بكسل على الجنب الثاني وبصووت مبحوح وضعيف : يبــه ... و شافت ابوها جالس جنبها ويطالعها بحنان نزلت دمعه سااخنه على خدها وصرخت صرخه ضعيفه : يـــبه وقامت ورتمت في حضـنــه تبكي ودفنت راسها في صدره وحست بدفأ بمجرد ما قتربت من صدره وبصووت كله بكاء : يبــه .. أنا خااايفه ويين كنت وتعلقت فييه اكثر واكثرر.. لاكن ماتسمع من عند ابوها غير دقات قلبه لييه مايتكلم : يبه عطشاانه وفجأه حست بيد دافيه وكبيره تمسكها من ذراعها و يبعدها عنه وبنبره حزيينه وضعيفه ومخنوقه : يــبه بعدت راسها عن صدره ورفعت عيونها وانصدمت ♪♪♪
__________________  |
|
#12
05-03-2011, 10:52 AM
| ||
| | ||
| كان مثل الجبل ساااكن وهي حاضنته بقووه وتبكي وتنادي ابوها بصوت كله ألم المفروض يبعدها عنه ويصرخ عليها ويهينها ويقسي عليها لاكــن احساسه متقلــب في وجودها بقربه مو عارف كيف يتصرف رفع يده وحطها على ذراعها كان يبي يصحيها يمكن جالسه تحلم وحس فيها وهي تبعد راسها عن صدره وهو على طول حرك راسه الجهه الثانيه بدون مايطالعها عشان ماتنحرج .... ورفعت راسها وحس بعيونها اللي كانت تتفحص وجهه كله وطالعها بعيونه الحاده .. وهي طالعته بعيوونها الواسعه تلممع بسبب الدموع .. ولتقت عيوونهم ودار وجه لها وابتعدت عنه بسرعه وكان ودها تبتعد اكثر .. لاكن الجدار كان مثل الحد اللي ماتقدر تتجاوزه وشاف في عيونها اثر الصدمه ... وكأنها صحت من الحلم و حطت يدها على قلبها مثل المفزوعه وتتنفس بالقوه خالد وحس انها ارجعت للواقع اللي هي فيه ليان تحاول انه تصمد او تمسك روحها من البكاء لاكن ادموعها اغدرت فيها لانها تسيل من دون توقف وتحس انها ضااايعه خالد طالعها بنظره تعاطف اوو نقدر نقول انكسر خاطره عليها ومد يده لها بغرشه المااي الا تصرخ ليااان لاكن بتعبب : لاااا بعـــد ... لاتقرب من عندي وخذت الغرشه ورمتهاا ...كانت رميه جدااا ضعيفه مافيها أي قوه خالد وش جاااالس اسوي اناااا !! وتبدلت ملامح وجهه الى القســوه وقااام واخذ الغرشه بعصبيه وليان كانت تطالعه بخوف ورهبه خالد و بنفاذ صبرر : اسمعي ... انا مو جالس العب معك .. لاتظنين انك لما تعملي كذا راح اتعاااطف معك ( وعله صوته ) فاااهمه تستاهلي كل الي يجيييك انتي ونصاااب ابوك وطلع من الغرفه وسكرر الباب بقوه وقفله وضرب الباب بيـــده بـــكل قوووه يمتلكهااا وبحرقه قلب : يااااااحقـــــيرهـ . وتذكر قبل مايخطفها كيف كان مجهز للخطه وانه ماراح يتعاطف معاها ولا مع ابوها بس لما نفذ الخطه وهي الحين عنده حس انه ماقدر يسوي أي شيي جمالهااا وحبــه المجنون لها تغلب على عقله وفجأه تذكــر ابــوهـ الي تعب وشقى عشانهم وسهر الليالي وفي الاخير ينسجن واخواني واختي يتااامه بسبب الجشع والطمع .. والقلوب المتحجرهـ o♪♪♪ تتوقوعون خالد يتعاطف مع ليان ويرجعها لمكان مااخذها .... او راح يكمل خطته عشان ينتقم لأبوهـ ؟؟؟!
__________________ |
|
#14
05-03-2011, 04:55 PM
| ||
| | ||
| بعد مرور يومين ....! الساعه : 2 الظهر كان جالس بستقامه كلها شموخ على الاريكه شديده الفخامه ومد يده لكوب القهوه ... ورشف رشفه و وضعه على طاوله الخشبيه الاوربيه ورفع راسه للخادم وبصوت جهور وحاااد : ... وين نوره الخادم وهو يرد بحترام للسيده : طال عمرك ... طالعه مع صحباتها عبدالعزيز ( ابو ليان ) وهو متنرفز لاكن بهدوء : اهااا .... نفسي مرره اسأل عنها وتقولون لي في البيت( واسند ظهره على الاريكه بعصبيه ) طييب وين ليان الخادم وكعادته رد بحترام : اظن انها طالعه .... تحب اسألك المربيه حنان طال عمرك عبد العزيز وحط ايده على ذقنه : ايه انحنى الخادم للسيده وراح تنهد عبد العزيز ورشف من القهوه ودخلت المربيه اللي كانت محجبه وسمره واثار الكبر باين في وجهها المربيه بحترام : السلاام عليكم .... سم طال عمرك عبد العزيز وهو يرجع كوب القهوه : وعليكم السلام ..... ويين ليان .. الخادم يقول طالعه المربيه : هي طالعه من يومين وأ عبد العزيز قاطعها بسرعه وقطب حواجبه: من يوومين لييه خير ان شاءالله .... المربيه بخووف : هي قالت انها راح تنام مع صاحبتها ودقيت على جوالها لاكنها نسته في غرفتها عبدالعزيز واثار العصبيه الواضحه في عيونه : وليه ليان ماقالت لي واكيييد الانسه نووره نايمه في العسل ولاهي سأله عنها .... وحتى انتي غلطااانه.... لييه ماعطيتني خبر ( وطالعها بنظرات حااده ) المربيه نزلت راسها للارض من الخوف : بس طال عمرك انت تدري انا من يومين كنت في اجازه عبد العزيز تذكرر: اهااا سنييت ....طيب هي ماتصلت من جوال صديقتها المربيه : لا.. عبد العزيز وكأنه تذكر شي : طييب... عندك رقم صاحبتها ؟؟ المربيه هزت راسها بالايجاب : ايه نعم طال عمرك ... انا كنت بـ عبد العزيز بنفااذ صبر : طييب روحي اتصلي وش تنتظري المربيه بهلع : حاضر حاضر وراحت مسرعه عبد العزيز وقف بتوتر... قلبه مو مطمن يوومين غايبه عن البيت ومن دون ماتتصل !
__________________ |
|
#15
05-03-2011, 04:56 PM
| ||
| | ||
| الساعه : 4 العصر جالسه على الارض وحيده وضامه ركبيتينها لصدرها .. والخوف مغطي وجهه الجميل وهي تفكر في ابوها خلاااص ماعاااد اتحمل اجلس في هالمكااان الوسخ مع واحد مــجنون متهور .. وربي رااح ينــدم وتذكرت كيف كان خالد يسيئ معاملتها وجرح كبريائها ويتهم ابــوي .. كيف يجرأ .. (ولي اول مره ليان تحس نفسها غبيه) .. كيف تعرفت على هالأشكال هذي ( وتلامعت عيونها وكأنها تستعد للدموع) يبــه ويينك ... تعاااال لي بسرررعه راح امووت و حست بالارتجاف يسري في جسمها من شدة البرد وسحبت غطائها الابيض ولي يذكرهاا بغرفتهااا الدافيه وتحسسها بالطمئنينه ودفنت وجهه فييه وهي تستنشق ريحته المعطره .. وقالت بهدوء : راح تندم.. بتتحول حياتك لجحيم دامك تجرئت وخطفتني .. بس مو انا الي اكون ضعيفه قدامك ( وكانت تقول كذا عشان تهدأ من روعها) وعدلت جلستها وهي تحس بالالم في كل اجزاء جسمهااا ونتقلت نظراتها للغرفه المتواضعه جدا بقرف وشمئزاز طالعت السرير وتقززت اكثرر لدرجه انها حست بالغثياان بمجرد انها طالعته وتحس انه مغطى بالحشرات وجراثيم وغباار ولون البطانيه بني غامق وكانت تكره هالون عضت على شفتها بشمئزاز....معقووله في ناس عايشه هالعيشه البدائيه وحاولت تهدأ نفسها وتتحكم في دموعها وخوفهاا من خالد ورفعت راسها تسنده على الجدار خلفهاا .. وسكرت عيووونهاا بسترخاء و وتعت على حركه خلف الباب ..اكييد يراقبني النــذل وجمعت كل قواها : انا عااارفه انك هنااا .. وش تبي من عنـــدي انا ماااحبيتك ومابــيك ( وحست بألم في حلقهاا ) ليييه ماتتركني في حااالي .. حراام عليك أناا( وماااتحملت وانفجرت بكاء) وغطت ادينها الصغيره البارده وجهه كأنها طفله وهي تبكي سمعت صوت المفتاح يدخل في الباب وينفتح .. ويدخل ونزلت راسها بين ركبتها ماابي اشووفه .... صحيح ماعنده قلب كييف يجرئ ويخطفني من بيت ابوي وانا ناايمه قاااسي مجرم قلبه حجر ... اكييد هالحين بسوي فيني شي ... بيقتلني او بيغتصبني وبمجرد ماطرت هالافكار في تفكيرهااا .... غلف الرعب قلبهااا
__________________ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية للعشق جنون | Ặñâ EšRąâ CO0L ^_^ | أرشيف المواضيع الغير مكتمله او المكرره او المنقوله و المخالفه | 4 | 05-02-2011 02:05 PM |
| انظروا الى اعياد ميلاد المجانين بجد جنون جنون | بندق المصري | أرشيف المواضيع الغير مكتمله او المكرره او المنقوله و المخالفه | 5 | 08-21-2010 04:38 AM |
| ليس للعشق انقطاع | عبدالسلام المسماري | شعر و قصائد | 29 | 02-14-2010 04:06 PM |
| أضواء خافتة للعشق | (ياسر محمد)ABO ALNOOR .M | شعر و قصائد | 3 | 04-25-2009 04:55 AM |
| هل للعشق قانون؟أم الحب فوق القانون؟ | ريم المصري | أرشيف المواضيع الغير مكتمله او المكرره او المنقوله و المخالفه | 0 | 05-20-2008 08:32 PM |
العرض العادي
