رواية امانه لا تطلع حرارة انفاسك بحضن غيري / كاملة - الصفحة 18 - عيون العرب

**الكاتبة ساندرا** · #86 06-07-2011, 03:18 PM

تركي بحده:لاتامريني..سامعه..

دانه هزيت راسي بنعم..

تركي نزل يده:واحين يلا كبي الغداء..

دانه:انزين..

جات بتروح بس هو كان اسرع منها ومسكها:على وين؟؟

دانه استغربت:مو قلت انك تبين اكب الغداء..

مكنت ابيها تروح..

تركي:لحقيني بس..

ومشى ولحقته وانا اتافف...

ودخل المكتبه وجلس بالكنب..واشر لي اني اجلس..وجلست..وولع السيجارة وحطها في فمه..

دانه:مو تبي تتكلم..اخلص انا وراي شغل..

تركي(ماابي منك شيء..بس ابيك تجلسين يمي)اسند ظهره على الكنب:ليه رفضتي من امنية انها تزينك..

دانه:.........

تركي كمل:انتي المفروض تشكرينها..على انها صحت بدري وجات عشان تزينك وتباشرك..ولا انتي تبين تلبسين لبس الفقر"وهو يتفحصني بنظره"

دانه:..........

تركي ضرب راسي على خفيف:مع هالكشه..كشه الخروف..

دانه بقيت عيوني:انا كشه الخروف..

تركي(كشتها حلو عليها..):انتي غطيتي على مريام فارس..

دانه وقفت وفكي يرجف:مالك دخل بكشتي..

تركي ابتسم على خفيف:ولابعد انتي غطيتي عليها تغطيه شامله..

جيت بروح بس هو كان اسرع مني وجلسني بالكنب ألي يمه بالقوة..

دانه بانفعال:وخر يدك..ابي اقووم..

تركي كاتم ضحكته:اسمعي..

دانه:كح..كح..لاتدخن راح اختنق..

تركي نفث علي الدخان عمدا..

دانه:كح..كح..وجع..

تركي:يوجعك..المهم جاوبي ليه قلتي لامينة انك...

دانه قاطعته:لاني اعرف البس..ميحتاج تعزب حالها..

تركي بغرور:ههههه..انتي تعرفين تلبسين..

دانه بثقه وقهر من رده:أي اعرف البس..وش قالوا لك عني؟؟

تركي:قالوا انك قرويه..ومتعرفين شيء عن الاتكيت..

دانه:.........

تركي كمل:المهم العزومه راح تكون في بيت امي..

دانه(احسن والله):أي..

تركي:وابيك تكونين جاهزه عند الساعه 8 وعشر بضبط..

دانه بتردد:تركي..

تركي التفت لي:خيرر..

دانه بنفس توترها:ابي اروح السوق...و...

تركي قاطعني وهو واقف:مو مشكله..بس لاتتاخرين..

دانه بابتسامه:اوكي..

ويم الباب التفت له:تركي..

تركي وبحده:خيرر..

دانه:شكرا..

اكتفى انه يبتسم لي..وطلعت..

...................

عند الساعة 4:11 عصراً

ليان:وش رايك بذا يمه؟؟

ام راشد:اممم..لاا لبسي الذهبي..احلى..

ليان بغرور:انا ابي اصير احلى وحده هناك..

ام راشد بثقه:بتصيرين احلى وحده وبدون شك..

ليان:انا ابي اعرف هتان وامينة وش راح يلبسون..اخاف يلبسون احلى من لبسي..

ام راشد:لاتخافين يابنتي..انا متاكده ان مافي حد لبس زي لونك..ولا راح يكون مثل جمالك..

راشد بصوت عالي:يلاا..ترى بروح..

ام راشد قامت:يلا جينا ياولدي..اركب السيارة انت.."التفتت لها"انا بوديك مشغل راح يغيرونك..مئه بالمئه..

ليان بابتسامه:حلوو..اجل يلا خلينا نروح..

ام راشد:يلا..

.............

في السوق..

لطيفة:ذه احلى..

دانه:ماعجبني..انتي تبينه اخذيه..

لطيفة كشرت:صدق ان الناس اذواق..خلاص انا باخذه..

دانه:هههههه..

ورحنا لسوق ثاني..

الجوري سحبت يدي:الله دانه شوفي ذا الفستان..

دانه باعجاب شديد:ااالله..وربي يهبل..

لطيفة:ااي والله حلوو.."شافت سعره وشهقت"بل..

دانه:وش فيك؟؟

لطيفة:الفستان ذه بـ1800 ريال..

دانه بهمس:أي والله واجد..بس راح اشتريه عشان اكسر غرور تركي..قال شو قال معرف البس..

لطيفة:طيب انتي عندك فلوسه ولا لا..

دانه:اكييد..فلوس مهري..لاتنسين اني مخلصتهم كلهم..

لطيفة:حلوو..اجل يلا نشتري عليه اكسسوارات وصندل..

دانه:يلاا..

وبعد 20دقيقة رن جوال تركي ورديت:نعم..

تركي:مخلصتي..

دانه:بلا..بس باقي لجوجو..

تركي:اسمعي انا بنزل من البوابه3 قابليني هناك...

دانه استغربت:انت بتجي في السوق..

تركي:أي..

دانه:اجل ننتظرك..سلام..

وسكرت جواله..طبعا هو عطاني جواله الثاني..لان معندي جوال..

لطيفة:وش يقول؟؟

دانه:يقول انه بيجي هنا..

لطيفة:......

دانه كملت:بس وش دراه أن حنا في هالسوق ذه..

لطيفة(وانا اقول علام ابو يسئلني وين انا..طلع عشان تركي):مايبي لها تفكير..اكيد هو اتصل على ابوي وقاله..على العموم ابووي حرق جوالي بروح احين..

ورحنا للبوابه ألي قال لي عليها..وماشفته

دانه(وين ذه..)؟؟

الجوري بصوت شبه عالي:بابا..

وراحت له..

انا صنبرت من مكاني..من جماله..كان لابس بنطلون جنز بلاك..على تي شيرت ابيض نصف كم..مشدود على زنده وبانت عضلاته..وفيه كتابات بلون الاسود..وشعره الاسود الناعم معطيه شكل ذبااااح..

اول مره اشوفه لابس كذا..العاده كلا ثوب وشماغ..

اقترب مني وفي حضنه الجوري

لطيفة تهمس لي:زوجك يهبل يادندونه..

دزيتها عشان تسكت..

لطيفة:يلا سلام دندون..

دانه بهمس:سلام..

وراحت..

تركي التفت لي وبحده:نزلي الشال على عيونك..

نزلت الشال على عيوني..

تركي:وش تحب حبيبه البابا تلبس فستان ولا..

الجوري بدلع:فستان اكيد..

ورحنا لسوق وتركي كلا معطني ظهره..وبعد مخلص من شرا ملابس للجوري..تصورو انه قال لي اشيل الاغراض..وقالها بطريقة..حسستني كني..كني...البودي غارد تبعه..انقهرر بالمرره...

تركي بدون نفس:اركبي السيارة..

ركبت السيارة وانا كاتمه غيضي..

الجوري:جوعانه بابا..

تركي:يخسي الجوع..دحين اشتري لك اكل تاكلينه..

وسكتنا شوي..

دانه:تركي ابي اروح المشغل..

تركي:نعم..

دانه:ابي اروح المشغل..

تركي بهدوء:مافيه..

دانه:وليه؟؟

تركي:صيغه سلوبك امر..وانا كم مره قلت لك..ان الخدم مايئمرون على ولي نعمتهم..

دانه بغيض:أنا مو خدامه هذا اولا..وثانيا..انا بروح المشغل يعني بروح..

تركي بدون ميناظرني:ان رحتي مالك رجعه لبيتي..

دانه بصدمه من كلامه:.......

تركي كمل وبغرور:وان قلت كلمه وحده مثنيها..يا"والتفت لي وبنبره سخريه"خدامه..

.........................................

فتاة حزينة · #87 06-07-2011, 04:30 PM

البارت حلو حلو كتييييير

وتركي يقهرررررررررر

..*(-خاطفة الانمي -)*.. · #88 06-07-2011, 06:36 PM

اقتباس:

المشاركة الأصلية كتبت بواسطة كلي غرور ودلع

الله يسلمك يااميرتي..

ان شااء الله تعجبك ياروح روحي..
تسلمييين ياغنااتي..

ماني مطووله..
العفووو يااميرتي..

منورره انار الله دربك..

<<بنسبه لتوقيعك..بالمرره حلوو..

الله يسلمكــ..
يلا كملي لا تطولين >.<"
بالنسبة للتوقيع :
أدري إنه حلوو:baaad:
ههههههههههه
أمزح معك
بس من كتر ما طفشتني الدرآآسة
الله يصبرني

و يصبركــ معي

ويصبرنآآ كلنآآ

قووليي آآميين
يلا
ولا تطوليين علينآآ
القصة حمآآس
تحيآآتي..

الحب ندمني · #89 06-07-2011, 07:37 PM

بارت خووقه

¶~أنَفَآسَ ألَؤَرَدَ¶~ · #90 06-07-2011, 08:06 PM

يَآيَ بلَيَزَ كمللييييييييِ بلَيييييييييييييييزَ
ؤالله رؤأيتكَ رؤؤؤؤؤؤؤؤؤؤؤؤعةَ
كملي اللحييييييين بلييز عشاني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية ارادة رجل كاملة	rawane	أرشيف المواضيع الغير مكتمله او المكرره او المنقوله و المخالفه	39	03-02-2015 09:31 PM
رواية (لن تعشقي غيري فانت فتاتي)	zainab12	أرشيف المواضيع الغير مكتمله او المكرره او المنقوله و المخالفه	52	02-13-2014 10:26 PM
رواية تركني وحب غيري	عروقيـ تحتويكـ	أرشيف المواضيع الغير مكتمله او المكرره او المنقوله و المخالفه	0	11-07-2011 03:21 AM
رواية تركني وحب غيري رواية سعوديه للكاتبه ساهرة الليل	عروقيـ تحتويكـ	أرشيف المواضيع الغير مكتمله او المكرره او المنقوله و المخالفه	0	11-07-2011 03:05 AM
رواية ملاك حبي ....(رومانسية،كاملة!!!)	Sugar Lips	أرشيف المواضيع الغير مكتمله او المكرره او المنقوله و المخالفه	305	06-22-2010 10:25 AM