رواية امانه لا تطلع حرارة انفاسك بحضن غيري / كاملة - الصفحة 222 - عيون العرب

**الكاتبة ساندرا** · #**1106** 10-28-2011, 08:41 PM

تركي:لاا..أنا أباها تعترف أنها تحبني وتغار علي بعد..

مشعل:مالت عليكـ بس ي لبناني..

تركي:تررى والله ان عدتها كوفنتك..

مشعل:هههه..اقول تلايط بس جاء الشايب..

ابومحمد:تأخرت عليكم..

مشعل بضحكه:لا ماتأخرت بس حفيدكـ اللبناني..

تركي قاطعه بشراسه:انا مكوفنك مكوفنك هناا..

ابومحمد منع تركي:اايشبك انت وياه..ووش قصه اللبناني ذا..

مشعل:هههههههههههههههههه..اقوول له وش قصه اللبناني ي ترووك ولا..

ابومحمد باندفاع:بتقول ي مشعل ولا أنا ألي بكوفنكـ..

.

جلست ع حافه السرير وبابتسامهـ:سامحني قلبي..

سعود:........

حصه:انا ادري اني اخطئت لكن وربي أنا مافتحتك بالموضوع إلا لاني خايفه على اختكـ..

سعود:..........

حصه حطت يدها على كتفه:سامحني..بس صدقني انا خايفهـ على اختكــ صار لها كم يوم مريبه..وذي الحركات معروفهـ يعني يمكن اختك حابهـ احد..

سعود بقهر:ثمني كلامكـ ي حصهـ..

حصه بجديه:سعود الحب مو عيب..بس ساعات الحب يخلي الواحد ينجرف..

سعود شد على يدها وبحده:حصصصصهــ..اسكتي لاتخليني امد يدي عليكــ..

حصهـ:.....براحتكـ..

قامت من السريـر وخلته

دائماً الرجل لا يحب أن يسمع كلام مو زين عن اهلهـ حتى لو كانوا مخطئين..فأحذري عزيزتي من انكـ تتكلمين عن أهل زوجكـ بكلام سيء امام زوجكـ.. حتى لو كانوا مخطئين..السكوت كما يقلون من فضهـ..

.

مشعل:كان تركي قبل اول مدخل المدرسهـ كانوا الاولاد يعايرونه باللبناني ولا السوري ولا المصري..

ابومحمد:لييه؟؟

مشعل:لانه كان ابيض حيل زي منت عارفه..وعيونه عسليه فاتحه..

ابومحمد التفت لتركي:وليه صار اسمر احين؟؟ مو اللبنانين كلهم بيض..

مشعل بمزح:اصل تركي كان ساكن في مكان قامت فيه الحرب..

ابومحمد يهز راسه بنعم:اها..قصدك انحرق يعني<<هههههههههآآي

مشعل بحماس:اايووووا احترق..

تركي بقهر:قامت فيه الحرب..هااااه..

ابومحمد ومشعل:ههههههههههههههههه...

مشعل:خلني اكمل بالاول..

ابومحمد:كمل ي ولدي معليكـ منه..

مشعل باهتمام:المهم..كانوا يضايقونه ويعايرونه..وأنا صادقته..هو كان صغير حيل اول ابتدائي وأنا كونت بسادس ابتدائي..حبيتهـ حيل..حسيت انه اخوي ألي مولدته امي..ومصرت ارضى عليه ان حد يتكلم عنه..كنت اسدحهم لتكلموا عنه..

تركي وابومحمد:..........

مشعل كمل:وفيه يوم انا وياه تهاوشنا"وبتفكير"ناسي والله عن وش تهاوشنا..المهم هوا صار بضربني وانا ممديت يدي عليه..والكل كان يسئل ليه ي مشعل مضربته..هو قاعد يضربك وأنت ساكت وما هقيت انك ضعيف سذا..ومدري وش..المهم..قوولت لهم تركي ذا اخوي الصغير..والله ممد يدي عليه لو يكوفني..

تركي ابتسم لما تذكر هالايام

ابومحمد باهتمام اكثر:ااي..

مشعل:ومن ذاكـ اليوم ممديت يدي على اخوي تركي..ابا يعرف انه مهما وش صار له انا مستحيل اتخلى عنه..لانه اخوي..وأنا اعتز بسذا..

ابو محمد تأثر:كفوا..كفوا واللهـ ي ولدي..والله والنعم بيكـ..

مشعل قام وضم اخوه تركي..

ابومحمد:رب أخ لم تلده امكـ..والله وذكرتوني بخويي الله يرحمه..كنه زيك ي مشعل..الله يررحمهـ ياررب..

مشعل وتركي:الله يرحمهـ يارب..

ابومحمد:احين عرفت ليه متبا تضربه..بس تصدق لو انا منك كوفنته..

تركي بثقه:ههههه إلا اخوي مشعل..ادري فيهـ يحبني..

مشعل:عااد ذا احين بيرفع خشمه..

تركي وابومحمد:هههههههه..

ورن جواله

بس مرد حطهـ صامت

مشعل:اقول بس روح رد عليها..

ابومحمد:يرد ع مين؟؟

تركي يرقع له:ذي وحده مغازلجيهـ كلا تدق لعوزتني..

ابو محمد بعدم اقتناع:مغازلجيهـ هااه..

تركي باندفاع:أي..وأنا بقوم أحين تأخرت..

مشعل بابتسامه:بحفظ الرحمن..

.

جاتها وهيا لابسهـ عبايتها وبخوف:يمه..يمه..

ام سعود بخوف:علامتس..

سحر بين دموعها:يمه..نجود خويتي سوت حادث..

ام سعود بخوف زياده:يالله..

سحر كملت:يمه انا ابي اروح لها..ذي خويتي الروح بالروح يمه..تكفين خليني اروح اتطمن عليها وارد ماني مطوله نصف ساعة وانا جايه..

ام سعود:بس من الي بيوديكـ..اخوكـ احين طالع مع الشباب وابوكي ببيت الكلبهـ دانه..

سحر باندفاع:راح تمر علي أفراح أخت نجود بالسواق حقهم..

ام سعود:طيب ببلغك ابوكي..

سحر بخوف:لاا..لا يمه لا تكلمينه..ملاداعي بجي قبل ميجي ابوي..اوعدك..

ام سعود بعدم رضى:ماشي بس لاتتأخرين..ترى ان درى ابوكي يمك يعمل لنا هواش..

سحر بابتسامه خفيفه:ماني مطوله..

وقامت على طول كان مخفيه لبسها فوق العبايهـ عشان امها متشك فيها..ضبطت روحها وتسبحت بالعطر وتلثمت وطلعت من البيت..

وابتعدت من البيت شويا وجاها يوسف..

صعدت السيارة معه..

يوسف داخ بريحتها:هلابش ي قلبي انتي..توا منوره سيارتي..

سحر بدلع:منوره بوجودك..

وحرك السيارة..

.

حست بدخولهـ بس متكلمت ولا حبت تبين انها كانت تنتظره..

تركي:السلام عليكمـ..

دانه بدون متطالع فيه وبكل برود:وعليكمـ السلامـ والرحمهـ..

تركي استغرب من برودها توقع أن بتشب حريقهـ:تعشيتوا..

دانه(ويسئل بعد شوف كم الساعهـ احين ي يوجه البومه) بنفس وضعيتها:أي..

تركي:..........

دانه تغير بالقنوات ولا ناظرته حتى..

تركي:طيب..تجهزي عشان بنروح....

دانه قاطعته بكل برود:لا ملاداعي تتعب نفسكـ..

تركي:مو قلتي أن في أشياء ناقصهـ للبيت..

دانه قامت:بلى..بس انت تأخرت..وحتى لو ماتأخرت عمي موجود هنا..

تركي:...........

دانه:طفشت بالحالي وقولت له يمر علي..ودحين انا بروح له..

تركي:وليه تاركته بالحاله ي هانم؟؟

دانه التفتت له:أنا متركته بالحاله..قولت له تركي جاء..ولزوم ابلغه بجيتك عشان ميتفاجئ.."وبرود"هوا أنا كلامي خطأ..

تركي:........

دانه مرت قدامه..ورحت للمجلس وجاء تركي وراي وسلم عليه

تركي:توا منور البيت..

ابو سعود بابتسامه:بوجودكـ..

وجلسوا يتكلمون ودانهـ متعطي وجه لتركي ولا تلتفت له..تركي حس انها مقهورة منه..ابتسم ع خفيف

.

سحر باعجاب:وااااو..حلوه شقتك ي قلبي..

يوسف:يعني عجبتكـ..

سحر:حييل..

يوسف:قلبي افسخي عباتكـ ابا اشوف زينكـ

سحر بدلع:تيب..

يتبع..

**الكاتبة ساندرا** · #**1107** 10-28-2011, 08:42 PM

يوسف:قلبي افسخي عباتكـ ابا اشوف زينكـ

سحر بدلع:تيب..

وفسخت عباتها وفتحت لثمتها

يوسف تنح على شكلها

كانت لابسه بنطلون ضيق بلاك على بلوزة من حرير باللون البنفسجي كانت فارده شعرها وميكـ آب سنبل

اقترب منها وبخبث:أبي اوريكـ غرفهـ النوم..

ومسك يدها ودخلها لغرفه النوم وقفل الباب..

سحر توترت:ليش قفلت الباب؟؟

يوسف اقترب منها وهيا ابتعدت لورى

حاولت تقاومهـ لكن للأسف

سلب منها شرفها..

كثير من الفتيات يقعن ضحايا في ايدي الشباب

ويمشين على هواه قلبهن..

الشاب يريد من الفتاة شيء واحد

فلا تسمحي له بسلب شرفكـ..ووطء رئس اهلكـ بيك..والاهم غصب الله عز وجل عليك ولعنته..اسئل العفو والعافيه..

.

ابوسعود:...........

دانه كملت:هوا مشاء الله عليه..وربي كان ودي افاتح الموضوع مع ام سعود كما تقتضي الاصول بس زي منت عارف ام سعود ماتحبني ولا تبيني اكلمها..

ابو سعود:الصراحهـ فاجئتيني ي بنتي..ماني عارف وش اقول لك..

دانه:لاتقول شيء ي عمي..انت اسئل عنه وخلاص..وإزا حاب تركي يدخل ما في أي اشكال بقول له كمان هوا يسئل عنه..

ابو سعود بابتسامه:ان شاء الله خير..انتي تعرفينهم عدل ي بنتي..

دانه:انا اعرف ابو وام الولد بس معرف عن متعب ابدا..بس ام متعب دايم تمدحه لي..انا قولت يمكن ان ولدها منشان سذا امدحه ويمكن يكون صدق هوا منيح..انت اسئل عنه..

ابو سعود:أي ان شاء الله..

دانه:انت اسئل عنه لطلع زين كلم لطيفة وشوف شورها..

ابو سعود:أي اكييد..بس زي مقلتي ي بنتي اباك تكلمين تركي عن متعب..لأن زي منتي عارفه انا معرف احد في الاحساء..

دانه بابتسامه فرحت قلب عمها:ابشر بسعدكـ ي عمي..بقول له..وان شاء الله يكون من نصيب لطوف..

ابو سعود قام:أي ان شاء اللهـ..انا اترخص احين ي بنتي..

دانه:توا الناس ي عمي..

ابو سعود:وين توا الناس..طولت عليتس..احين الساعه 11 وشوي..تأخرت حيل ي بنتي..

دانه:طيب..عاودها مره ثانيه..

ابو سعود يمه الباب:ابشري ي بنتي..

دانه:بحفظ الرحمن..

سكرت الباب وشافته في الصاله يتكلم بالتلفون

تركي حس بوجودها بصوت مسموع:بخير ي قلبي انتي..اخبار خالتي؟؟

ام تركي:تسلم عليكـ..

تركي:هههههه..وانا بعد مشتاق لك..

ام تركي:وش تقول أنت..

دانه انقهرت بس ما بينت مشيت يمه ورحت للمطبخ فتحت البراد وأخذت زبادي وجبت ليا ملعقة وجلست بالكرسي..

تركي وهوا يطالع فيها:أي جمبي..

ام تركي:عطني اياها..

تركي وهوا يشوف دلعها بالأكل(آآآخ منها ذي..)وبصوت مسموع:دانه..دانه..

دانه بدون نفس:خيرر..

تركي:تعالي تلفون..

دانه:مين..

تركي:مدرري..

دانه قامت ومشت بدلع ومدت يدها:عطني السماعه..

تركي:مافي..جلسي هنا"وهو يأشر فوق حضنوا"..

دانه بحيا خذت منه التلفون غصب وجلست يمه لان واير التلفون مو طويل:الوو..

ام تركي:هلا والله بدانه..

دانه استغربت اسلوبها:هلابش يمه..اخبارك؟؟

ام تركي:بخير بعد ماسمعت صوتكـ..انتي كيفك ي بنتي؟؟

دانه بنفس استغرابها:طيبهـ طاب حالتسس..

تركي حط راسهـ بحضنه..

دانه حاولت تقومهـ مقدرت..

وبعد كم دقيقة خلصت من المكالمه..

دانه وهيا تحاول تقومه:قوووم..ايش قعدكـ منسدح في حضني..

تركي بثقل:ما أبا أقوم أنا سذا مرتاح..

دانه:بس أنا مو مرتاحهـ..ويلا قومـ..

تركي بعناد:ما أبي..

دانه عضت شفايفها وبغيض:صدقني حضن ليان أحسن..

تركي(أموت أنا ع ألي يغارون)وبرود اقهرها:طيب استحمليني لين ما أتزوجها..

دانه:............

تركي كمل:أن تزوجتها بشبعها بدلع..ومراح أنام إلا بحضنها..

دانه:..............

تركي كمل:وراح أسافر معها شهر العسل.."وبتفكير"امممم أفكر انه يكون بباريس..ولا لندن "وقام من حضنها وعدل جلسته والتفت لها"أنا أبا رأيك لندن ولا بارريسسسس..

دانه:..........

تركي:طيب..وأنا بوديكـ معنا عشان تساعدين ليونهـ بشيل اغراضها..

دانه بصدمه:نعممم!!

تركي:أنا حجزت طيارة اليوم..وبكرا بإذن اللهـ بنروح..

دانه قامت:ليه تروح وياه وانت لسه معرست عليها..

تركي بابتسامه عريضة:لأن العرس بيكون في باريس ي هانم..

دانه:...........

تركي:هاه وش قلتي؟؟

تركي التفت لها وشاف عيونها تلمع:........

دانه قامت وبقهر:مشكور مقصرت..بس أنا ما أبا اسافر..

تركي:غصبن عنكـ بتسافرين..

دانه بحده:وأنا ما أبا اسافر..

تركي بعناد واصرار:صدقيني بتروحين..وغصبن عن ألي ما يرضى..

دانه راحت يم الدرج والتفتت له وبدلع عفوي:ما أني رايحه..وبارك للهانم مقدماً..

وراحت لغرفتها ورمت حالها على السرير..وفجرت دموعها ألي ماسكتها من لما فتح سيره الزواج..

.

وهي تروح وترد وهي متوترة بالزاااف

وتعاود تتصل بيها بس ما عم ترد عليها..

لطيفة:...........

ام سعود:احين لو درا أبوك انها خرجت من دون أذنه بيكوفنها..

لطيفة:انتي اصلاً ليه أذنتي لها انها تخرج من دون متشاورين ابويا..

أم سعود بتوتره:قالت مراح تتأخر نصف ساعة وراح ترد..بس هيا تأخرت حييل..

لطيفة:.........

أم سعود بخوف:اللهـ يستر بس..

وزاد خوفها لما دخل أبو سعود

أبو سعود:السلامـ عليكمـ..

لطيفة:وعليكمـ السلامـ والرحمهـ..

أم سعود بتوتر:وعليكمـ السلامـ..

أبو سعود لاحظ توترها:علامك متوترة سذا؟؟

أم سعود بتوتر زايد:ا....سحر..طلعت..

أبو سعود بستغراب:لوين طلعت بهالوقت.."وبزمره" ومين سمح لها ومن من استئذن؟؟هاااه

أم سعود بتردد:أنا اذنت لها.."وباندفاع"قالت نصف ساعهـ وبترد..

أبو سعود عصب:حتى لو خمس دقايق..المفروض تبلغيني..

التفتوا لفتحت الباب القوية

شدها من شعرها ورماها بالأرض بقوة..وفسخ عقاله وجاء بيضربها وهيا تصارخ وتبكي

ام سعود منعته:ااايشببك؟؟

سعود بعصبيه:اتركيني خليني..اذبحهااا...اتركيني..

أبو سعود بتفاعلك:أيشبك..ايش مسويه؟؟

سعود والشرار يطلع من عيونه:ردي عليهـ ي كلبهـ...قولي لهـ وين كنتي ي حماااااررره..

سحر تشهق من البكى والخوف:يمممه..بعديه عني..اهئ..

أبو سعود بنفاذ صبر:علامكـ معصب..ويش مسويه هيا؟؟

سحر قامت عند امها وبخوف:يمه..تكفين بعديه عني..

سعود بعصبيه:انتي شب ي كلب..أنتي تستحقي الذبح ع عملتك..

حصه خافت أول مره تشوف سعود كذا..

لطيفة خافت على حصه ومسكتها:يلا دخلي ليصير بيك شيء..

حصه:..........

سعود بشرارسه:بنتك المصوونه ألي تدافعين عنها..طالعه مع واحد و...استغفر الله العظيم..

أبو سعود بصدمه:و ووش ي سعود تكلم..

سعود بعصبيه:بنتك بااعت شرفهاا..ووطت راسنااااا...

أبو سعود بصدمه:شلووووون؟؟

أم سعود بصدمه اكبر:لا سحر متسويها.."والتفتت لها"صح بنتي..

سحر اكتفت بشهقاان والأصياح

أم سعود هزتها:تكلمي ليه ساكته.."وبنوحه"تكلمي قولي شيء..

سعود سحبها من شعرها بقوة وعطاها طرااااخ قوي لدرجه انها طاحت بالارض

وأبو سعود رفعها من الارض وكمل الباقي وبعصبيه:هذا آخر الثقة ألي عطتك آياها أمك..الله لا يبارك فيك ولا في امكـ..

أم سعود بين دموعها وبصدمه:هذا نهايهـ الثقة فيك ي بنتي..

لطيفة التفتت لامها ألي فقدت الوعي وهي تنتفض ويدها على قلبها..

وبصرااخ:يممممممممممه!!!!!

.

يتبع...

**الكاتبة ساندرا** · #**1108** 10-28-2011, 08:43 PM

أم سعود بين دموعها وبصدمه:هذا نهايهـ الثقة فيك ي بنتي..

لطيفة التفتت لامها ألي فقدت الوعي وهي تنتفض ويدها على قلبها..

وبصرااخ:يممممممممممه!!!!!

.

وضع يده على مقبض الباب ودخل بكل هدوء سمع شهقاتها عورة قلبه..

اقترب منها وجلس بحافة السرير وهمس في اذانها:لا تبكين دموعكـ غالية علي..

دانه عدلت جلستها وصوت قريب للهمس:ايش تبغا؟؟

تركي مسح دموعها:ابا دانه..

دانه بصوت قريب للهمس:وأنا ابا تركي..لي أنا وبس..

تركي مسمعها:ايش قلتي؟؟

دانه:أيش تبي فيني..ليان أحسن..روح لها..اهئ..

تركي بابتسامه عريضه:دانه أنتي تغارين علي..

دانه باندفاع:أي اغار.."انتبهت لكلامها"اقصد..

تركي(وأخيرا اعترفت) باس خدها:فديت الغيران أنا..

دانه بقهر:انا مغار..

تركي:...........

دانه كملت وبنفس قهرها:أنا اصلا مغار عليك ولا شوي..

تركي صار يطالعها بنظرات حادهـ يتئمل ملامح وجها وجمالها ألي كل يوم يجذبه..وصارت تتكلم وتتكلم وتركي ولا ع باله..

دانه:لما قلت لك أي اغار مكنت بوعيي..كان بالي بعيد..

تركي:............

دانه:وبعدين ليه اغار ومن من اغار..من ليان..هاهاهاآآي كثر منها..أنا مغار..

تركي:.......

دانه كملت:ولا حتى شوي..مغار..

تركي:...........

دانه استغربت سكوته وبصوت مسموع:انت سامعني..

تركي:............

دانه هزت كتفه:تركي..

تركي انتبه لها:هه..نعم وش كونتي تقولين؟؟

دانه انقهرت زود:أنت اصلا مو معي مع لياااان..

تركي كتم ضحكته:.......

دانه كملت بنفس قهرها:ليان ألي ماكله عقلكـ..

تركي ضحك بهستريه:هههههههههههههههههههههههه.. هههههههههههههههههههههه...

دانه أنقهر لما شافتهـ يضحكـ وقامت من مكانها ويم الباب:لو سمحت اطلع ابا انام..

تركي:هههههههههههههههههههههههه..

دانه بحده:ماشي اضحك على كيفك..أنا طالعه من هنا اصلا..

وطلعت ورقعت الباب وهوا يضحكـ..

.

كانوا ينظرون الدكتور..ولما جاهمـ توجهوا له

لطيفة بخوف:وش فيها ي دكتور؟؟

الدكتور عرف من شكله انه زوجها:انت زوجها ولا...

ابوسعود بندفاع:أي انا زوجها..

الدكتور:ممكن تتفضل معي بالغرفهـ شويا..

لطيفة وحصه وسحر خافوا زود من كلام الدكتور عرفوا أن فيها شيء كبير..

ودخل معه الغرفهـ..

ابو سعود بخوف:طمني ي دكتور عسى خير..

الدكتور:زوجتكـ الصدمهـ ألي جاتها سببت لها..

"وسكت شويا"جاتها جلطه بالقلب..

ابوسعود بصدمه:كييييييف؟؟

************

سحر بين دموعها:ان صار في امي شيء مراح اسامح نفسي..

سعود بحده:أن صار لها شيء مراح أرحمك ي حقيرة..

سحر زادت بكى وضمتها لطيفة

وبعد كم دقيقة طلع ابوسعود لهم..

سعود قام:هاه طمني يبه ويش قال لك الدكتور..

لطيفة بين دموعها:تكلم ي يبه..

ابوسعود تنهد:قال أن الصدمهـ ألي جاتها سببت لها جلطه في قلبها..

الكل بصدمه:كييييف؟؟

سحر بعدم تصديق:لا..مستحييل..لايمكن.."وبنوحه" يممممممه...اهئ

لطيفة:لا حول ولا قوة إلا بالله..

سعود غمض عينه وبحزن:أن لله وأن إليه راجعون..

سحر وهي تشد على ثوب ابيها وبنوحه:يبه قول أنكـ تمزح..يبه تكلم..لا تسكت..يبه قوول أن كل ذا كذب..أمي مجاتها جلطه صح..تكلم يبهـ..

لطيفة حزنت ع وضع أختها بكت بصمت

ابوسعود:ان لله وأن إليه راجعون..

.

عند الساعهـ 5:20 فجراً

فتح الباب وشافها قاعدة بسجادتها تقرأ قران ابتسم بلاشعور..حبها يزيد لشافها تصلي ولا تقرأ المصحف

انتظرها لما خلصت طوت سجادتها والتفت له وشهقت:بسم الله..

تركي بابتسامه:بسم الله عليك..خوفتك..

دانه:.........

تركي:المهم مبغى إلا نصف ساعه على موعد الطيارة..جهزي نفسك..

دانه:شكلك مصر أني اروح..

تركي:أي اكيد..واحين روحي جهزي حالك لاتفوتنا الطيارة..

دانه تكفتت:اسفه مراح اروح..

تركي بعناد:دانه ما نبي نعيد هرج امس..وكوني مطيعه وجهزي.."وبتفكير"لا خلاص أنا برتب اغراضكـ..

دانه:............

فتح دولابها وطلع لها ملابس والتفت لها:ذول ولا مره شفتك لابستهم..

دانه:شريتهم اخر مره و....

انحرجت لما شافته يفتحهم وكانوا شبه فاضحين..

تركي بخبث:اعجبوني اباكـ تلبسينهم عندي..

ودخلهم في الشنطهـ..

دانه بحيا:ويش تسوي..رجعهم ماأبا البسهم..

تركي قاطعها:كيفي..أنا ابيهم..وبعدين طالمه ماتبين تلبسينهم ليه شاريتهم؟؟

دانه:.......

تركي:طيب لا تلبسينهم بخلي ليان حبيبتي تلبسهم..

عورها قلبها لما ذكر اسمها اكتفت بالسكوت..

رحت غيرت لبسي ولبست بنطلون بلاك على تيشيرت وردي وفيه روسومات باللون الأسود وصندل فلات بلاكـ ولبست عبايتها وهي حزينة..

وركبت معه السيارة ووصلوا للمطار وصعدوا الطيارة..

تركي لاحظ توترها والتفت لها:ايشبك؟؟

دانه بخوف:خايفه..

تركي:أنتي ركبتي الطيارة من قبل ولا؟؟

دانه:ولا مره..وخايفة..

تركي بابتسامه:متخافين أنا معك..

دانه:وهذ ألي مخوفني..

تركي:ههههههه..

جات المضيفه وطلبت ان نقفل جولاتنا ونربط الاحزمهـ..زاد خوفي وقتها..

لما اقلعت بلا شعور مسكت يد تركي وشديت عليها وعيوني مغمضه..

تركي ابتسم من مسكه يدها وشد عليها زود..

ولما طارت الطيارة حست بيدها ع يده وخرتها على طول وحطتها بحضنها..

وكان السكوت سيد الموقف..ومن الهدوء نامت

وستيقظت من نومها على صوته:دانه..قومي وصلنا..

عدلت عبايتها ونزلت الشال ع عيونها..

ومسك يدها حاولت توخر يده من يدينها بس مقدرت وشد على يدها زياده

دانه بألم:تركي هد يدي..تراك تعورني..

تركي:اجل لا تشلين يدي منكـ عشان معوركـ..

ووصلنا للفندق وكان بفخامة راقيه بتدريج لون الأورنج والبني وديكورات راقيه تزين صالهـ الاستقبال..

وعيت على صوته ولمسه يده:يلا دخلي..

ودخلت لأرى الغرفة لا تقل جمالا عن صاله أستقبال الفندق جذبها لون المفرش الجريئ ألي كان باللون العنابي والأبيض تركي لاحظ على دانه ان المكان ابهرها:عجبكـ..

دانه:كثير..

تركي:بحجز لليان غرفهـ افخم من سذا..

دانه تغيرت ملامح وجها وبصمت:تيب.......

تركي:......معندكـ تعليق على كلامي..

دانه:ابداً..

تركي:انزين..أنا اسبح قبلك ولا؟؟

دانه:لا أنا بسبح قبل..

تركي:انزين..

ورحت طلعت لي ديشمبر وخذت لي دوش

تركي جلس على حافهـ السرير وفتح الشنطهـ وطلع لي ملابس ألبسهـ..

وبعد كم دقيقة طلعت من الشور..

تركي:واخيراً..مصارت سباحة..المهم ابيكـ تلبسين ألي طلعته لكـ..

دانه التفتت لسرير وشافت الملابس وبحيا:عفووواً..أنا ماأبا البس سذا..

تركي:أن ملبستيه كووفنتكـ..

دانه:وانت مغير تكوفن..هذا شغلتكـ..

تركي:هههههه..يلا ماني مطول..

ودخل على التوليت..

وسرحت شعري ووزعت البودرة الذهبي اللامعه في جسمي في مناطق معيه..

وعطرت جسمي بمعطرات خاصه للجسم من نكتار بخلاصه التوتـ..ولبست

كان لبسها بنطلون سكيني بلاكـ..وتوب أحمر كرزي ربط من فوق العنق..وصندل عالي أحمر وفيه فيونكهـ من الخلف..واسوار عريضهـ حمراء..وسيحت شعرها وفردت على اكتافها..وميك آب كان سنبل..رسمت عيونها كرسمه عيون القطهـ بالاي لينر وكثفت المأسكار السوداء وعدسات زرقاء وبلاشر وردي ناعم وغلوس احمر صريح وحطت بخدها قريب من شفتها حبه خال صايره جنان عليهاا..

وختمت زينها بعطرها المفضل ليدي مليون

وهي تشوف الساعهـ ألي بجوالها:مصار حمام جالس بس يتكلم علي..خلص وهوا لحد الان ماطلع..اووف..

يتبع..

**الكاتبة ساندرا** · #**1109** 10-28-2011, 08:43 PM

وهي تشوف الساعهـ ألي بجوالها:مصار حمام جالس بس يتكلم علي..خلص وهوا لحد الان ماطلع..اووف..

ورحت طقيت عليه الباب:تركي..مصار حمام..

تركي طلع:خلصت اووف منكـ..

والتفت لها انبهر بشكلها وريحتها تسرح واناقتها الجذابه..

دانه استحت من نظراته..

تركي:قمر وربي أنك قمر..

دانه بحيا:صدق..يعني عجبتكـ..

تركي حوطها من خصرها:اكيد..انتي بكل الحالات تعجبيني..

وصار يتئمل بملامحها وبجمالها:صايره غير..

دانه بابتسامه:وش ألي غير..

تركي بنظرات حايره:مدري..بس فيه شيء غير..

دانه:.....مدرري!!

تركي دقق بلامحها:اااي..حاطه حبه خال..

دانه:ههههه أي..حلوه ولا شينه..

تركي:تجنن لا تشلينها..

دانه بحب:طيب..أهم شيء أنها عجبتك..

تركي باس يدها:فديت قلبكـ بس..يلا لبسي عباتكـ

دانه:وين بنروح؟؟

تركي يم التسريحه وهو يجفف شعره:بنروح نتفسح بهالجواء الحلوو..

دانه بحماس:وناسهـ..

تركي اكتفى انه يبتسمـ..

دانه اشغلت نفسها بتنظيم ملابسه..والتفتت له:أباكـ تلبس ذا..

تركي وهو يعطر نفسه:وليه؟؟

دانه:بيصير حلو عليكـ..أصلاً الأسود يجنن عليكـ..

تركي بأبتسامه:بس الأسود يعني..

دانه:لا..الأزرق والأبيض والرمادي..الألوان الداكنة حلوه عليكـ..

تركي بنفس ابتسامته:ابشري راح ألبسهـ..

دانه ردت له الأبتسامهـ..

وبعد كم دقيقة التفتت له..

انبهرت بشكلهـ

تركي حط يده على خصره وبغرور:اجنن صح..

دانه بانبهار:بالزاااف..تجنن..

تركي ابتسم لها:ادري..أي صح..لبسي جكيتكـ..ترى الجو برد برا..

دانه خذت جاكيتها الأسود:أي احين بلبسه..

لبست عبايتها وقبل مطلع التفت لي:نزلي الشال شوي..

دانه:بس أنا منزلته..

تركي:معليهـ نزلي شويا..ماأبا احد يشووفكـ..

دانه:...........

تركي:ايش رايك تلبسين قفزات..

دانه باندفاع:لاااااا..خلاص..بنزلهـ..

تركي:ههههههه..أي زين كذا..

ومسكـ يدها..ونزلنا ووقف التاكسي لنا..لما اشر تركي..

وبعد كم دقيقة وصلنا لأحدى المقاهي

تركي:يمكن يكون شكله مو ذاكـ الزوود لكن طبخهم وتقديهم جنان..

دانه:ليه أنت رايح هنا من قبل!!!!

تركي:أي رحت..مع سهى..

دانه:.....الله يرحمها يارب..

وجلسنا على احدى الطاولات المطلهـ على حديقة بديعه الجمال..

دانه بانبهار:روووعهـ وربي..

تركي:يعني المكان عجبك!!!

دانه:أي وربي انه يددنن..

تركي:تصدقين أن سهى مكانت تحب شكلهـ..تحب الأشياء الفخمه والراقيهـ..

دانه حطت يدها على يده:أي شيء أنت تدخل فيه اكيد بيكون روعه..وثق أنه بيعجبني وراح احبه..

تركي عرف الفرق بين دانه وسهى..

سهى تحب الفخامة والترف والأشياء المبالغة فيها..حتى لو اكلهم مو حلو اهم شيء ان المكان حلوو

اما الدانه فهي تحب وتميل لتواضع والاصالهـ..

تركي:اااديش فرق شاسع..

دانه:..........

تركي:بينك وبينها فرق كبير..

دانه:بيني وبين من؟؟

تركي:بين سهى وبينك..محب اقارن..بس الحق ينقال..فيكـ صفات أحسن من صفاتها..وبالزااف بعد..

دانه:هههههههه..حلوه كلمة بالزاف ع لسانك..

تركي بابتسامه:أنتي الحلآ كلهـ..

وجاء القارسون وطلب تركي الفطور ألي يعجبهـ..

وبعد مفطرنا رحنا للحدائق المترفه..

وجلسنا في احدى الكراسي الخشبيه المتقنه الصنع

دانه بفرحه:واااو..مو مصدقهـ أني رحت لباريس..وناسه وربي..

تركي تعجب من فرحتها:ترى ذا ولا شيء بنسبه للحدائق الثانية..هناكـ حدائق راقيه اكثر..

دانه ببرائه:بس أنا عاجبتني ذي..

تركي:هههه ي قلبي أنتي..أنتي تقولين سذا لأنكـ ماشفتيهم..

دانه:يعني أنت رحت لهم..

تركي:اووووه..كم مره اروح لهم وحفظت أماكنهم بعد..إلا أن جانهم مغيرين ولا مطورين فيها شيء..ذا شيء ثاني..من ماتت سهى مرحت لباريس..

دانه بهمس:اللهـ يرحمها..

تركي التفت لها:بس تدرين..لما ماتت حزنت وبكيت بعد..وقلت ليه تتركني بهالدنيا..وكان ودي اموت..من بعدها..

دانه باندفاع:بسم الله عليكـ..

تركي وبحب:بس تصدقين مكنت ادري أن بيجي يوم أحب واعشق أكثر من حبي لسهى..

دانه:مين تحب؟؟

تركي(أنتي..أنتي وبس):أحب ليان..

دانه تغير ملامح وجها ونزلت دمعه حارة ع خدها بس مشفها تركي لأنها متغطيهـ..

كانت متنسيه سبب جيتها لهناء ولما تذكرت بدأ الحزن يتملكها..

وبصوت اقرب للبكاء:طيب..الله يسعدكم يارب..

تركي بابتسامه:الله يباركـ فيتس..وأباكـ أنتي تكونين عند المقدمهـ في الزواج..

دانه:........

تركي:مو تعتذرين سامعهـ..

دانه قامت وهي كاتمه شهقاتها:أبا اروح للتوليت..

تركي:أي طبعاً..شوفيه قدامكـ تبين اوصلك..

دانه قاطعته:لا شكراً..

وراحت للتوليت وعيونه تراقبها..

تدري أن البكاء في الحمام مو زين بس مقدرت تكتم دموعها اكثر من سذا..محبت تطول بالتوليت وطلعت..وغلست يدها..

وهي طالعه بتروح لتركي شافته مع 3 بنات

انقهرت واقتربت منه:جيب

تركي التفت لها وابتسم وقربها منه وحوطها بين خصرها:هلا قلبي..تأخرتي..

البنت الاولى e:شكراً لكـ سيدي..

تركيe:لا شكر على واجب..

وراحوا..

دانه بغيرة واضحه:وأيش عندكـ تكلمهم..

تركي:هما سئلوني عن احدى المقاهي..

دانه تحضرت:يا سلام..احين بين كل الموجودين جاتك أنت وسئلتك..

تركي:اي وايشبها؟؟

دانه:ويعني انت تعرف المقاهي كلهم..

تركي:أي المقهى ألي سئلتني عنه عرفته..

دانه قاطعته:أي هين..هما جاينكـ لأنك حلو..مو منشان يسئلونك..ايش رايك تغير لبسكـ..لأنه مو عاجبني ابداً..

تركي كتم ضحكته:مو أنتي ألي اخترتيه لي..

دانه:بس احين امعنت النظر فيه مو عاجبني..

تركي حوطها من خصرها:تغارين علي ي دانه؟؟

دانه:لااا..

تركي:طيب..يلا نتمشى دحين..عندي أماكن خاطري اوريكـ اياها..

.

الدكتور:أنا عملت لها معاينه أنزيمات القلب في الدم من باب التأكد من الفحص..بس للأسف هيا فيها الجلطة..

سحر بشهقه:أنا السبب..

الدكتور:ذا أمر مكتوب من الله..الحمدلله أنها جلطه مو وفاه مره وحده..بس ألي أبا اعرفهـ..آيش الصدمهـ ذي ألي خلتها تنجلط مره وحده..

ابو سعود:لا حول ولا قوة إلا بالله..

لطيفة بحزن:طيب ي دكتور متى تطلع من المشفى؟؟

الدكتور:لشفت ان حالتها مستقرة بإذن الله بتطلع..بس انتوا لا تضايقونها..وابعدوا عنها المشاكل والهموم..عشان ميزداد وضعها سوء..واجوا منكم أنكم ماتتأخرون في الزيارة..

سعود تنهد:ان شاء اللهـ..

.

ام تركي في التلفون:ان لله وأن إليه راجعون..

أم راشد:كان الله بالعون..

أم تركي:يمكن تكون خيره..

أم راشد:أن شاء الله تكون خيره لها..

وبعد مخلصت من الكلام..

امينة:أنتي متأكدة من كلام خالتي..

أم تركي تنهد:أي..

مياسه:ذي عقوبهـ من رب العالمين..

ام تركي وامينة:...........

مياسه كملت:على ألي سوته لدانه من قبل..ومندري وش عقاب الساحرة سحر..ربك يمهل ولا يهمل..

ام تركي وامينة:............

مياسه كملت:ربكـ كريم..لكنه كماان شديد العقاب..وذا الجلطه اكيد عقووبهـ من رب العالمين..يمكن تتوب بعدها ايش دراكم..

امينة:أي ان شاء الله تتوب..

ام تركي تتذكر اول مشاافت دانه:الله لايوريكم ذاك اليوم ألي جيت لبيتها وطلبت اني اشوف دانه...وربي انها خلتهاا كنها خدامه محترقه..

امينة ومياسه:هههههههه..

يتبع..

**الكاتبة ساندرا** · #**1110** 10-28-2011, 08:44 PM

ام تركي تتذكر اول مشاافت دانه:الله لايوريكم ذاك اليوم ألي جيت لبيتها وطلبت اني اشوف دانه...وربي انها خلتهاا كنها خدامه محترقه..

امينة ومياسه:هههههههه..

ام تركي كملت:مسودتها..وملبستها ملابس شتويه..والريحه كنها بصل مثرم..وألي يقهر لما سئلتها كم عمرها قالت 30 سنه..وهيا وعلي عليها في 21 سنه..

مياسه:كنك بديتي ترجعين في صف دانه..

ام تركي تنهدت:أنا أذنبت بحقها..وأذنبت أكثر لما أجبرت تركي انه يتزوج ليان..مراح اسامح نفسي على هالعملهـ..

أمينة:لا تقولين سذا ي امي..أنتي ما تدرين وش الخيرة فيه..

.

كانت جالسهـ في السرير وهيا تضحك:ههههههههه..الله يقطع بليسك بس..الصراحهـ أنا لزوم اهني امينة على مشعل..

خالد:هههههه..خطير ذا وربي..الله يسعدهم يارب..

هيله:اميين يارب..

وصاروا يسالفون وفي وسط حديثهم..انفتح الباب:مصارت مكالمهـ..

هيله نقزت من مكانها:بسم الله..

أم هيله:يلاا لبسي عباتكـ ترى بنروح عنك..

هيله:قلبي أنا بسكر..باي..

أم هيله:يلا عشان نأخذ قياستك للفستان..ترى زواجك قرب ي بنت..

هيله:دقيقة واجهز..

.

كان منسدح في سريره وهو مبتسم

مشعل:آآه ي قلبي..متى بس يجي يوم الخميس..مشتاق لها..

وقاطع تفكيره صوت جوالهـ..

ورد:هلاا بالشايب..القاطع..

ابومحمد:الشايب بعيونكـ..

مشعل:ههههه..

ابومحمد:أنت بالبيت احين..

مشعل:أي..حياكـ..

ابومحمد:اجل افتح الباب..

مشعل:هههههه..أنت كلا تسويها فيني..دقايق بس..

وراح لأمهـ وقال لها لا تدخل في المجلس..ودخلهـ بالمجلس..وبعد السلامـ..

مشعل لاحظ أن أبو محمد فيه شيء:علامكـ ي أبومحمد؟؟

أبومحمد:بدخل بصلب الموضوع..

وقال له الخبر ومشعل مفجوع منه

مشعل:أنت متأكد..

أبومحمد تنهد:أي متأكد..

مشعل:وانت وش دراكـ؟؟

أبو محمد:انت ناسي ان ديرتنا صغيرة والخبر الشين يوصل أكثر من الخبر الزين..

مشعل مسح على شعره:أن لله وأن إليه راجعون..ذي أكيد استخفت كيف تبيع شرفها..

أبو محمد:الصراحهـ مكنت أبي يصير فيها سذا..بس الظاهر أن حنا تأخرنا بخطتنا مع وليد..

مشعل:وطت راس اهلها"وبقهر"مدري كيف أن في بنات كذا..استغفر الله العظيم بس..

أبو محمد:أنا كلمت وليد وقلت له يروح يسافر..أخرنا بسفرته..

مشعل:يساافر!!

أبو محمد:أي..عشان البعثه..

مشعل:اهاا..اللهـ يوفقه يارب..

وسكتوا شويا

أبو محمد:مو تأخذ امينة وتقطنا على جنب..كان اتولاك..

مشعل:هههههههه..قصدكـ مراح اعرفكـ..

أبو محمد:بعددد..زين انك قلت لي..عشان ابلغ البنت واقولها لاتوافق..

مشعل بأندفاع:لااا..لاا خلاص أنا اعرفك..

مشعل وأبومحمد:هههههههههههههه..

.

سحبها من شعرها وقطها في الارض:اسمعي ي كلبهـ..طلعهـ من هالبيت مافيهـ..ومكالمات برضوا ممنوع.."وبزمره"وين جوالك ي حقيررة..

قامت بتعب وبألم ومدت له جوالها

سعود:أنا قالت حصهـ من أيام بس أنا مصدقتها..لأني توقعتكـ واعيه وتفهمين..لكن طلعتي غبيه وحقيرة ومالك أي معنى..

لطيفة وبيدها الصحن:جبت لك العشاء..

سحر بهمس:ما أبي..

سعود بحقارة:عسى دوم..وفرتي..أنتي يبي لكـ أحد يذبحكـ..ع ألي سوتيه ي قليله الادب..

وطلع من الغرفهـ..

ولطيفة اقتربت منها وضمتها وهي تشوف أختها كيف تشوهت من الضرب..

أمسحتـ على شعرها..

.

في مدينهـ العشااق (باريـــس)

دانه بأعجاب شديد:واااااو..جنان وربي..

تركي:ألي يشوف برج إيفل ميندمـ...جمال بديع..

دانه:بالزااااف ميندم.."وبأندفاع"أبا اصوركـ..

تركي بابتسامهـ:اوكي..

طلعت الكاميرا من شنطتي وهوا يعمل حركات.. كنت مبسوطهـ بالزااف بهالسفر..مبسوطهـ لأنها معاه..وتعيسة لأنه بيأخذ ليان..

ضلت ساكتهـ وهوا يتكلم..

تدرون وش الشيء ألي يقهر لسافرتي للخارج

أن الكل يناظركـ بنظرات غريبهـ وبسخريهـ كل ذا منشان أني لابسه عباتي..بس ما يهموني أنا معتزه بحجابي..رضى ربي ولا رضى الناس..

دانه:تركي..

تركي:عيونه وروحه..

دانه:ما أباكـ تقول هالكلام..

تركي:........

دانه:لا تقول عيونك ولا روحكـ..ما أباكـ تقول كلام أنت ما تعنيه..طيب..

تركي(بس أنا اعنيه):طيب..قولي وش تبين؟؟

دانه بضيم وقهر وعلهـ بقلبها:متى بيكون زواجكـ؟؟

تركي:أنا حجزت القاعة..ونظمت كل شيء..مبغى كثير..

دانه بنفس ضيمها وقهرها:طيب..أنا أبي أرجع للفندق..تبعت من كثر الحوسهـ..

تركي دخل أصابعه بأصابعها:اوكي..

دانه(ليه تركي تعاملني زي سذا..ليه تعاملني بحب وأنت ما تكنه لي؟؟)

رجعنا للفندق

تركي التفت لها:أنا بروح اطلب منهم يجيبون لنا العشاء..

وطلع

فسخت عباتي وأنا مستغربه منه يقدر يكلمهم من التلفون ويقول لهم عن العشاء بس ليه نزل؟؟

************

تركي:اعذرني ي مشعل..لأني سكرت السماعهـ بس محبيت دانه تدري بالموضوع..أخاف تتضايق..

مشعل:متوقع أنها بتتضايق حيل..المهم مقلت لي متى بترجع..بديت اشتاق لكـ..

تركي:آآآخ منكـ ي الكذاب..مشتااق هاااه..قول أن ملكتك قربت..وتبينا نرد عشانه..

مشعل:هههههه..مشكلتكـ أنك عارفني..

تركي:هههههه..أخبار الأهل؟؟

مشعل:الحمدلله..بس فيهـ موضوع ثاني..

تركي:موضوع ثاني!! وش هوا؟؟

مشعل:موضوع سحر...

**********************

عطرت حالها وجلست تلعب بأصابعها وهي متوترة تقول لهـ لا يأخذ ليان ويطلقها بس حرامـ تطلب هالشيء.. بس فكرهـ أن تركي بيكون مولها تتعبها وتبكيها وتقهرها..

نزلتـ دمعه على خدها الناعمـ..

دخل ولا حست بيه..شافها وهي منزله راسها ولمح دمعتها وبخوف:دانه..ايشبك تبكين؟؟

دانه اسرعت ومسحت دموعها

تركي نزل لمستواها:دانه..يعوركـ شيء..

دانه(قلبـــي يعورني بالزاااف..)وبهمس:لا مافي شيء..بس أشتقت لشايب..

تركي بابتسامه:وتبكين عاااد..خوفتيني عليتس..ولا تزعلين أحين ادق عليه..

دانه:لا المكالمات غاليهـ بالخارج..وبعدين محنا مطولين هنا ماا..أنت لتزوجت بيها أنا أبا ارد لسعودية..

تركي:بس أنا بأخذ شهر كامل عسل..

دانه بصدمه:شهرر!!

تركي:أي..أنا أبي اشوفكـ كل يوم..

دانه بصوت قريب للهمس:تركي أباكـ تطلقني..

تركي بصدمه:كييف..أنتي اكيد استخفيتي..

دانه(أنا اكيد بستخف إزا شفتكـ مع وحده غيري):أباكـ تطلقني..

تركي بقهر:طلاق مافيهـ..لو يحطون السيف برقبتي مطلقتكـ..

دانه زادت بكى:اهئ..اهئ..

تركي ضمها لصدره وبحب:أنا ما أبي اشوف دموعك..وأنسي أمر الطلاق نهائياً..لأني أبيكـ تكونين بذمتي..ولأني....."وبهمس غير مسموع"أحبكـــ..

دانه بنوحه:بس أنا أباكـ تطلقني..

تركي:.............

دانه كملت وهي ترفع شعرها الحرير من وجها:عندكـ ليان أيش تبي فيني..أنا لحد الان مو فاهمه..أيش تبغا فيني..طلقني وافتكـ..

تركي:أنتي ليه تقولين سذا؟؟

دانه بأندفاع:فكره أنك بتصير لغيري أنا مرضاها ولا أريدها.."والتفتت له"حراام عليكـ ي تركي..ليهـ تعذبني؟؟ طلقني وافتكـ..وأنا اوعدكـ أني مراح ازعجكـ..

تركي:..............

دانه بين دموعها وبجرح:طلقني..وأفتكـ آيش تبغى بعوار الرأس..

تركي باس دموعها وبحزن:تدرين ويش ألي معور قليبي..

دانه:.............

تركي:لشفت دموعكـ..أحترق لبكيتي..انذبح ولا أسمع كلمه الطلاق بلسانكـ.."ومسك يدها"أنتي متعرفين قيمتكـ عندي...أنا لما حسيت أني بفقدكـ كنت بموت..

دانه بأندفاع:لا تقول سذا..بسم اللهـ عليكـ..يجعلهـ فيني ولا فيكـ..دانه تضيع بدونكـ..

تركي بحزن:وتركي بيموت لبعدتي عنهـ..

دانه حطت يدها على خده:لا تقول سذا ي قلبي..أنت بتتزوج ليان صدقني منت بحاجهـ لي..

تركي بقهر:فكرتي فيني لطلقتكـ ويش بيصير فيني..فكرتي بشعور الجوري لدرت أنكـ تبين تطلقين..والشايب هوا ألي بينقهر زود لأن بعد ألي سواه بينا والتخطيطات بتروح على الفاضي..ولدرى بهالخبر يمكن يصير فيهـ شيء..لاسمح اللهـ..

دانه مسحت دموعها:أنا ما أبا أفكر بأي حد..أبا أفكر بنفسي..

تركي انصدم من كلامها:متوقعتكـ كذا ي دانه..ابداً متوقعتكـ سذا ابداً..الصراحهـ أنتي صدمتيني..

وقام وراح خذ بجامته وراح ع التوليت لبس ثيابه وطلع من التوليت وانسدح في السرير وخفت على النور..

دانه راحت لبست قميصها النوم

انسدحت في السرير والتفتت له وضمته من ورى وبهمس:أنا آسفهـ..مكنت اقصد كلامي..

تركي:..........

يتبع..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية ارادة رجل كاملة	rawane	أرشيف المواضيع الغير مكتمله او المكرره او المنقوله و المخالفه	39	03-02-2015 09:31 PM
رواية (لن تعشقي غيري فانت فتاتي)	zainab12	أرشيف المواضيع الغير مكتمله او المكرره او المنقوله و المخالفه	52	02-13-2014 10:26 PM
رواية تركني وحب غيري	عروقيـ تحتويكـ	أرشيف المواضيع الغير مكتمله او المكرره او المنقوله و المخالفه	0	11-07-2011 03:21 AM
رواية تركني وحب غيري رواية سعوديه للكاتبه ساهرة الليل	عروقيـ تحتويكـ	أرشيف المواضيع الغير مكتمله او المكرره او المنقوله و المخالفه	0	11-07-2011 03:05 AM
رواية ملاك حبي ....(رومانسية،كاملة!!!)	Sugar Lips	أرشيف المواضيع الغير مكتمله او المكرره او المنقوله و المخالفه	305	06-22-2010 10:25 AM