أنزين انتي كتبي بارت يا SPACEMO :baaad:

__________________

السلام قبل الكلام
السلام عليكم ورحمة الله وبركاتة

التكملة ذي انا كتبتها مثل المرة الي طافت لهجتي الشمرية على أصولها ...:baaad:




عند الرجاجيل

رجل الاستقبال : ياهلا حيا الله بالضيوف ياهلا الفو يالربع
ديدارا : تسلم ياطويل العمر
ايتاشي : مشكور يالأخو
ديدارا : اقول أنطم وتكرفت قدامي
ايتاشي : يارجال علامك معصب فلها
ديدارا : منيب فاضي لوجهك و هالحريم بهدلني الله ياخذهن
ايتاشي : عين من الله خير هذولا الحريم دايم نغسه ويدبلن التسبد
ديدارا : بلا هرج و كثيرة حن اقولك تكرفت و خلصني
ايتاشي : سم طال عمرك ابشر

وبعد تسذا الفو يم صالة الرجاجيل

ابو العريس : هلا والله بطير شلوى حيا الله المعازيم
ديدارا + ايتاشي : من عمرك ياشيخ
ابو العريس : من زمان عنكم وين منجحرين مشوفكم عسى ماشر خبري بكم ذيك المرة
ديدارا : والله هالظروف صعبة الله لا يوريك
ايتاشي : إيه والله مراميق
ابو العريس : الوكاد انكم بخير والله فرحتونا بجيتكم لحفل زواج اوليدي كايد
ديدارا + ايتاشي : هذا واجبنا يابو كايد
ويجي وليدن صغير...
الولد : يبا من ذولا الرجاجيل بعدين وش فيه ذاك شعره تقل حرمة
ابو الولد : أنثبر خل عنك الشتايم لصقعك كف
ديدارا : نعم وشو قلت منو الى فينا تقل حرمه يا ولد
الولد : انت
ديدارا : افا عليك هذا منيب رجال قدامك الله يصلحك
ابو الولد : سامحنا يا رجال حقك علي امسحها بوجهي ولدي ملقوف زي ما تشوف لا تزعل يالأخو
ديدارا : الله لا يجيب الزعل عادي تعودنا ياكثر ما نسمعها
ايتاشي : يالخبل ليش ساكت ورا ما تقوم تلطمه
ديدارا : تراك منتب صاحي تبيني ارد عقلي للوغد يالله يصغر عقلك
ايتاشي : ما صيدي بذا
ديدارا : لا يالحروش انك تسذوب

عند قسم الحريم

يوكي : عاشو والله شيشن يابنات
ميوكوسان : آخ يا دماغي دخت
يوكي : ليش تعبتي ترى رقصتس مهوب زين
ميوكوسان : لا والله يعنني طسي غاد
يوكي : كولي تبن
ساكورا : يا بنات وش بلاكن تناقرن ترانا بحفل موب بالبيت
ميوري : ساكورا شوفي من ذيك الحرمة
ساكورا : وانا وش دراني عن قلعتها
ميوري : بسم الله منتس دفشه
و تجي الحرمة عندهن
الحرمة : حيا كن الله يابنيات ماعرفتني
يوكي : لا والله آمانه من تكونين
الحرمة : انا ام العريس ام كايد
يوكي + ساكورا + ميوكوسان : هلا والله وغلا ..السموحة والله ما درينا يا عمتي
ام كايد : اقول يابنات من منكن ميوكوسان
ميوكوسان : سم طال عمرتس إيه ذي انا
ام كايد : ما شاء الله عليتس يابنيتي شدوقتس مورده زي الوغدان والله مزيونة اللهم لا حسد
ميوكوسان طبها تجمهر
ميوكوسان : والله انمسح وجهي من الحيا. تسلمين يأم كايد
ام كايد : و شسم رجلكن يا بنياتي
ساكورا : ديدارا
يوكي : وراى ما تنطمين و تفكينا من حستس
ميوكوسان : لا دودو
يوكي : وش قلتي يالهبله وش هالاسم دودو بعينتس
ميوكوسان : مالتس دخل فيني ...الدلعة زي ما ودي
ام كايد : يا بنياتي ليش كل هالخناق
ساكورا : مدري اسأليهن هالخبلات
يوكي + ميوكوسان : كش عليتس يا راس الحيه
ام كايد : الوكاد اسمعن بو كايد قال لي ان رجلكن يهرج كل ساع عن ميوكوسان
ميوكوسان : قولي والله وش بيقول عني
ام كايد : والله مدري..يا بنيتي وعيب احش بخلق الله
ميوكوسان : أخس عليك يا دودو من وراي يجي ذا الحتسي
يوكي + ساكورا : يا حسرة علينا
ميوكوسان : حرن فيكن تستاهلن

عند الرجاجيل

ايتاشي : اقول ديدارا تراك هاليوم منتب على بعضك
ديدارا : وش نوحك علي
ايتاشي : مدري
ديدارا : حلواتك تعيدها يالرخمه
ايتاشي : ما تعرف ذاك الرجال
ديدارا : منو أي واحد تقصد
ايتاشي : الي قبالك جنب ابو كوشه زرقه
ديدارا : إي صادز ذا ساسوري.. يملاه بالمنصل شكله ماعرفني
وراح ديدارا يم ساسوري
ديدارا : هلا بلي ينسى خويه
ساسوري : هذا انت والله ماعرفتك حسبتك رجالاً غريب
ديدارا : ليش ياحظي
ساسوري : لأنك كاشخ و راز خشتك
ديدارا : والله شادخ وشحاته حسبيا الله عليك
ساسوري : اقول وش ذا
ديدارا : وش فيك اطالعني شايفن بي عذروب
ساسوري : يا عيباه يا ديدارا حاط مكياج
ديدارا : منيب حرمه حتى احط ذا المساحيق
ساسوري : ادرج طالع روحك بالمرآيه
ديدارا : من صدزك
ساسوري : لعاد اتسذب اختشي قم شيلة لا تصير دميغه قدام الرجاجيل
ديدارا : حسبيا الله عليهم هذولا حريمي يمن نخوتهن يحطن لي كحل بعويناتي لو اني داري كان ما خليتهن يلعبن في وجهي طبهن عندي
و نحدر ديدارا يم المغسلة وغسل وجهه
ديدارا : بسم الله عليك يا ولد وش تسوي عند الدريشه
الولد : ما بي
ديدارا : والله ما فهمت شي تعال اوديك شكلك غادي... وشسم أبوك
الولد : ساساري
ديدارا : أغديه ساسوري ومدلع أبوك يالمصروع
الولد : إيه
ديدارا : ادرج لا بارك الله بأبوك
و نحدروا عند الرجاجيل
ديدارا : انت يالمشلوح غادين ولدك لك عين رابض بذا
ساسوري : الله لا يهينك داوجت عليه هالمقرود
ديدارا : يعدمني شدوقك ما عندك عذر يالرخمه

وبعد مقطار ساعه ونص خلص الحفل بحمد الله وتهنيه العريس والعروسة
ديدارا : يالله فضلك خلصن من الحوسه والقروشه
ايتاشي : تبي تهج لبيتك
ديدارا : لعاد وش يالوعتي منك
ايتاشي : والحريم وشلون ننهقهم من هناك
ديدارا : يخرب بيتك...والجوال وش حقه معك
ايتاشي : إيه والله نسيت قرم يا ديدارا
وبعد تسذا دق كلن من ديدارا وايتاشي على حريمهم

عند الحريم
ساكورا : ياويسي على تن تن طالعتن تهبل كلها ملحه
يوكي : غيرانه منها
ميوكوسان : اقول ساكورا وشوله تجخين يا رفله
ساكورا : بكيفي
يوكي : أنثبرن الجوال يدق اكيد ذا ابو الشباب يبي يسرينا
وتمرط ميوكوسان الجوال من ايد يوكي
يوكي : سبعتس يالملقوفه
ميوكوسان : هلا والله بعويناتي
ساكورا + يوكي : عساتس ماتقوين
ميوكوسان قاعده تنومس على ديدارا
ميوكوسان : بغيت شي يابعدي
ديدارا : عويناته..ابد بس تبون نهج للبيت
ميوكوسان : بدري من عمرك....<<<<< وتقز عويناتها يم يوكي وساكورا
تامر أمر من عويناتنا ذي قبل ذي وين ما تبي ندرج معك...بس صوتك تعيبان ياقليبي
يوكي + ساكورا : قطيعه تقطعتس
ميوكوسان : كفينا شركن ..عين الحسود بعينها عود
ساكورا : وش قصدتس يالهبله
ميوكوسان : مدري
وبعد ماخلصن سب وهب اطلعن برا القصر
ديدارا : امرقن بسرعه
يوكي : وشوله مستعجل
ديدارا : انطبي ياحرمه وقصري حستس
يوكي : افا عليك زعلت مني
ديدارا : لا بس تعيبان ودي انخمد
يوكي : توجس شي ياعمري
ديدارا : لا
ساكورا : غريبه تبي تنود بذا الحزة بدري أخبرك تعلل
ميوكوسان : انطمي يالشيبة..قالتس حبيبي بينخمد بسابع نويمه
يوكي : تراه مهوب حبيبتس انتي..واذا عدتيها بفقع عيونتس سامعه
ميوكوسان :عنادن فيتس ياعجوز بليس
ديدارا : بدينا بالهواش تنثبرن ولا شلون
يوكي + ساكورا+ميوكوسان : اش اش بنسد حلوقنا..لا تعصب

وبعد مسير دقايق أوصلوا للبيت
يوكي : وين بتنخمد ياطويل العمر
ديدارا : لاعند ذي ولا ذي..برقد بالصالة
ساكورا : ليش
ديدارا : بدون قرقره وكثرة حتسي
ميوكوسان : ليه حبيبي تسوي فينا تسذا
ديدارا : عصيبه زمانتس... ما ريد
يوكي : آخ منك
ديدارا : أذلفن عني

و دورجن هالزوجات يم مجلس الحريم يتعللن
يوكي : صدز الرجال ما ينعطى وجه
ساكورا : معتس حق بذا
ميوكوسان : بس موب كلهم فيه منهم الزين والشين
يوكي : انزحي عصاقيلتس عني يا سكورا
ساكورا : بسم الله منيب يمتس يالخبله
ميوكوسان : اقول يا بنات ما فيه عندكن شاهي
يوكي : لا والله قومي على حيلتس وصبي
ميوكوسان : مابوه حبق بس شاهي ليش
ساكورا : عز الله انتس عجوز
يوكي : قومي ردردي الشاهي حتى يخدر
ميوكوسان : يملا عجوز بقعه تبقعتس
يوكي : بنات جت في بالي نطلع كشته للبر
ساكورا : إيه والله ياعمار على البر والفلة
ميوكوسان : بس تهقن بيوافق الرجال
يوكي : خلنه علي مدباره عندي انا اقنعه على طريقتي



في الحبكة الجايه وش بيكون ردت ديدارا لزوجاته مع سالفة الكشته وشلون بيقنعنه؟
تلحقون التكملة على خير بأذن الله

تحيـــــــــــــــــاتي لكم

__________________
اسل سيفي من غمده واوقف بوجه العدو مثل البحر الهايج
ذا طبعي بنت الذيب عمرها ماتخيب
بنتس ياشمر ترفع الحمايل بهيبتها
فديت ترابتس يالسعودية

اول من يرد مشكوره يا ضلعي وبعد حيي فطست من الضحك من الطفل كال على ديدارا شبه الحريم نياهاهاهاهاهاها اكيد هالزوجات حاطتله كحل وحمره ولاعبات بي لعب خخخخخخخخخ بس والله زين صابر عليهن هاي تكول دودو والثاني اني بكيفي ادلعه وش فيجن دعوفوا الريال بحاله هع بس والله عجبني هالبارت خخخ وابن ساسوري يكول على ابو ساساري خخخخخخخخ من دهر فره ابو ومحافظ اسمه يسلموا يا مهاوي الورده احبس يا بعد حيي تره كوكو هم قره البارت معي ويكول تسلملي مهاوي طبعا حبيبي يعرف الاصول خخخخ مشكوررررررره:glb:

__________________

مشكووووووووووورة القصة مرة روعة

ودي

__________________
»-(♥ mizore♥)->

القصة مرررة حلوة وتفطس ضحك فديت:wardah: اللهجة الشمرية وفديت :wardah: كل بنات الشمر
ارجو ان تتقبلي مروري
تحياتي