|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#6
06-24-2011, 11:57 PM
| ||
| | ||
| وهذا علشانك الجـزء الثالث ,, المكـان مالي ازعاج بصوت الأغاني والصراخ .... وأنواع الشرب والشيشة ... وأشكال وألوان من البنات والشباب ( رقص , مسخـره , غـزل ......!! ) وغيره . كان يناظر المسخرة اللي قدامه متعود على هـ الأشياء .. بس هو ما يحب يسويها . جاه صاحبه معاذ ... معاذ : وش فيك هاجد اليوم ...؟! طلال : يعني ماتعرف اني ماحب هـ السوالف معاذ : بدام مو حابها ليه جاي طلال : مليت من قعدة البيت لا شغل ولا مشغله معاذ : والله احسن لك كذا ... مو متعب حالك المصروف جاي لعندك طلال : ايه بس الاهل قاموا يعايروني كأني حرمه جالسه في البيت معاذ بتفكير : ياخي تدري كيف ..!! طلال ناظره .. معاذ : امش معي طلال رفع حاجبه : وين ..!! معاذ : مو انت تبي شغل طلال : اكيد معاذ : أجل تعال معي طلال : الله يستر منك طلعوا من الاستراحة .... وركبوا السيارة .................................................. ................... عند بطلاتنا في السكن ... حلا رفعت حاجبها : خييير لينـا : شكله مو عاجبك ..؟! حلا : لا طبعا ... انا ماحب احد يشاركني في غرفتي لينـا : اول شيء هذه مو غرفتك الخاصة .. ثاني شيء انتي مو عارفة مين اللي بتشاركك في الغرفة حلا : ما يهمني أعرف لينـا : لا يهمك .... وهذه اوامر من المسؤلة وأي اعتراض .. عارفة وش بيصير بعدين ما يحتاج اقول حلا بتأفف : ومين الآنسة اللي بتشاركني ..؟! لينـا ابتسمت : ريمـه الجاسر حلا فتحت عيونها : إيــــش !!! لينـا : هههههههههههه مو مصدقة .... بس هي بتشاركك حلا هزت راسها بعدم استيعاب : معقولـه !! لينـا : ايه .... يلا هي جاية اللحين حلا : ايه بس مابعد استعد لينـا : مقابلة هي عشان تستعدين ..! بس سرحي شعرك عشان ما تخترع من شكلك حلا بسرعة قامت : طيب كان قلتي انها هي من قبل لينـا ابتسمت : هو انتي عطيتيني مجال اقول حلا : لا يكثر لينـا : ترى هي اللحين من الشلة ... بيضي الوجه لا تقول هي ثقيلة دم ومش عارفة ايش حلا بعد ما خلصت من شعرها التفت لها وغمزت : اوكي لينـا ابتسمت لها ... دق الباب .... تق تق تق حلا : احم ... تفضل لينـا مسكت ضحكتها ( أمدا تعلمت الذرابة ) نـدى وهي تأشر على حلا : هذي حلا اللي اقولك عنها ..... وبعدين اشرت على ريمـه ... وهذي ريمـه اللي بتشاركك في الغرفة حلا ابتسمت : حيـاك ريمـه بنفس الابتسامة : تسلمين نـدى : أجل انتهى دورنا ... الباقي عليك يا حلا حلا : هههههههه اوكي لينـا : أجل نستأذن روان : نشوفك بكره ريمـه ابتسمت : ان شاء الله ... تصبحون على خير البنات : وانتي من أهله طلعوا وسكروا الباب وراهم ... وبعدين راحوا لغرفهم حلا : تفضلي ريمـه : مشكوره حلا : ولو ما سويت شي ريمـه : الا أنا على أي سرير بنام ..؟! حلا وهي تأشر عليه : هـذا ريمـه ابتسمت : اوكي ريمـه فتحت الشنطة وبدت ترتب اغراضها .. حلا ظلت واقفه مش عارفة وش تقول .. ولا ايش تسوي ريمـه : أي دولاب فاضي فيهم ..؟! حلا توهقت كل الدواليب مليانه .. على اساس ان ما معها احد في الغرفة حلا : ئ......ئ بصراحه ولا واحد ريمـه : ههههههههههه طيب عادي ليه متفشلة حلا خلاص طاح وجها ( اكيد بتقول حشى مب ملابس ) .. ريمـه ناظرتها : عادي .. اخلي ملابسي في الشنطة ليـ ............. حلا بسرعه : لااا اللحين افظي لك اثنين لاني ما احتاجهم ... بس مليتهم كذا لاني ما احب اشوف دولاب فاظي ريمـه ابستمت : سوري بتعبك معي حلا : لا بالعكس لا تعب ولاشي ريمـه : أجل خلينا نفظي اللحين حلا ابتسمت : اوكي يلا ريمـه : أساعدك حلا بسرعه : لا ماله داعي تتعبين نفسك ريمـه : حلا من اللحين اقولك ... مابي الحساسيه تكون بينا يعني أي شي تبينه او محتاجه احد يساعدك قولي حلا ابتسمت : اكيييد ... بس تدرين انتي طالبة جديده فأكيد ما راح اتعبك بشي ريمـه : لا شدعووه حلا : اوكي ... أجل تبين تساعديني ريمـه ابتسمت : اكيد حلا : ههههههه اجل انتي دولاب وانا دولاب ريمـه : ههههههههههه من اللحين حلا : ماحد قالك تطلبين ريمـه : تووبه حلا ابتسمت لها ... وراحت تشيل ملابسها من الدولاب .. ريمـه : عادي اشيل ملابسك حلا : ايه لا تخافين ...كلها تي شيرتات وبنطلونات ريمـه : اوكي وبدوا يفظون الملابس ... وبعد ما خلصوا دخلت ريمـه اغراضها وطبعا بـ مساعدة حلا . .................................................. ......... في السيارة عند شارع خالي من السيارات .. طلال وهو رافع حاجب : من جدك انت ..!! معاذ : ايه وش فيها ..؟! طلال : لا فيها ... اعنبوك أنا أشتغل سواق عند بنات معاذ : ياخي كم مره اقولك مانت بسواق ... بس توصل الطلبات لسكن البنات طلال : وهذا ما يسمونه شغل سواق ..! معاذ : لاحووول طلال : لا تحاول ما راح اشتغل هـ الشغله ... تبي الناس تتشمت فيني معاذ يحرك سيارته : بكيفك شغلي ولا شغلك طلال : قال ايش قال سواق معاذ : يا ليييل ترى ما يسوى علينا كلمة قلناها طلال : مرره ثانيه لا تعيدها معاذ : ان شاء الله ... هذا جزاي اللحين ادور لك شغله تلهيك طلال : عاد سواق ..! معاذ : انت اللحين تبي شغله مثل الناس بس عشان الراتب ولا بس عشان تغير جو عن البيت طلال : الاثنين. معاذ : من وين اجيب لك طيب ...! طلال تنهد : حسبي الله على اللي كان السبب معاذ تضايق على صديقه : معليه يا طلال ترى الشغل ما يسوى كل هـ الضيقة طلال : ما علينا من الشغل .... أبي شغل ثاني غير هذا معاذ : هذا اللي عندي طلال بتفكير : هي وش الوظيفة بالضبط ..؟! معاذ : بس توصل الطلبات للسكن على حسب اللي يبغونه طلال : وينه هذا السكن ؟؟ معاذ : هنا في الرياض طلال : بفكر وأعطيك خبر معاذ : براحتك ... مو تقول اني اجبرتك طلال ابتسم : لا لا تخاف معاذ : ايه بس الشغل يبيله صبر طلال بمزح : بدام السالفة فيها بنات أكيد بصبر لعيونهم معاذ : هاااا اشوفك استانست بـ الشغلة طلال : ياخي الواحد ما يعرف يمزح معك معاذ : ههههههههههههه بعد سكوت طويل ... طلال : تصدق ودي أشتغلها معاذ : وش تستنى طيب ؟! طلال تنهد : أبوي لو درى أكيد بتضايق ... ولا والناس بتستغرب من مهندس معماري لـ سواق يوصل الطلبات والله دنيا معاذ بتفكير : طيب انا عندي شغله احلى طلال : لا تقول حارس معاذ : ههههههههههه شدعوه أرضاها لك طلال : ما يندرى عنك معاذ ابتسم : لا شغله تناسب تخصصك طلال فهمها : أصمم ديكور ..! معاذ : مشاء الله عليك ... جبتها طلال عجبته الفكره : حلووو بس كيـف !! معاذ : عمتي تعرف المسؤلة عن السكن ... اخليها تتوسط لك عندها طلال : طيب يمكن ما يحتاج السكن أي تغيير معاذ : عاد انت وخبرتك ... تدخل وتشوف هذا ولا هذا واي شي مو عاجبك تغيره طلال : وبعدين ..!؟ معاذ : وش بعدين !! طلال : يعني بس مرره أصمم لهم السكن .. وبعدين وش احصل ...؟؟ معاذ : عاد لو عجبهم تصميمك يمكن يكتبون اسمك ضمن المهندسين وتتوظف طلال ابتسم بخبث : ومنها اتعرف على شريكة حياتي معاذ : لا يا شيخ طلال : هههههههههههه امزح معك ... انت تعرف ما احب هـ الحرركات معاذ : ايه نشوف طلال : طير عني ... شكل انت اللي ميت عليهم مو انا معاذ : لا ودي بس اشوفهم طلال : ههههههههههههه واذا عجبوك تاخذهم معاذ : والله ما ادري على حسب طلال ابتسم : اقول سوق وانت ساكت معاذ ناظر الطريق وابتسم ... معاذ يحب البنات ويحب يستهبل عليهم بس انه حنووون وللحين ما لقى البنت اللي تناسبه على قولة طلال (( على كثر البنات اللي عرفتهم ما عجبتك ولا وحده )) . نفس الشيء طلال هو ما يكره البنات بس يكره دلعم وتصرفاتهم وهو بظنه ان ما في ولا وحده تستحق تملك قلبـه .. <<< لا فيه يا طلال .................................................. .................. بعـد ما مر اليوم بلحظاته الحلوه والمره على بعض النـاس مثل ما قالوا (( للبيوت أسرار )) وجاء اليوم الثاني واللي هو يوم رجعة فارس لـ السعودية ... في المطـآإر .. الساعة 1 الظهر . فارس قاعد يناظر ساعته كل شوي ( ماحد جـاء غريبة ) .. انتظر ربع ساعة تقريبا فارس : تأخروا جاه صوت من وراه : آسفيـن فارس لف عليهم وابتسم وحضنهم ... مو مصدق انه اخيرا جاء للسعودية والتقى بأهله وأعز أحبابه .. مشعل : وينك يا الغالي لا تسأل ولا شي فارس ابتسم : ورربي انكم ع البال دايم .... بس البعد يلهي الواحد مشعل : ايه علينااا فارس : عاد انت وش يفهمك ..؟! مشعل بطرف عين : نعـم !! فارس ابتسم : الله ينعم حالك بـدر : الا عسى ما تكلفت بالطياره ؟؟ فارس : يعني تدري الطريق طويــل وممل مشعل : ما علينا ... الربع ينتظرونك ..! فارس : ودي اجيكم ... بس لازم اروح للأهل مشعل بخبث : الأهل هااا ؟! فارس : طير بس . بـدر : لا تقول مانت جاي الليله فارس : لا ما اظن .. بجلس مع الاهل وبسلم عليهم وبعدين برتاح وانام مشعل : يعني ما ننتظرك ..!؟ فارس ابتسم بتعب : لاا عليكم بالعافية بـدر : أجل مشينا مشعل : الا انت ما قلت للأهل انك جاي ..؟؟ فارس : لا حابب اعمل لهم مفاجئة مشعل غمز : ولـ بعض الناس فارس ضحك بتعب وهو حده دايخ ... ما يدري كيف بيستقبل أهله ..! فارس : مشيناا ... ولا مطولين بـدر : الاخ رايح فيها فارس : موصل ع الأخير مشعل : أجل خلونا نمشي قبل ما يصير في فرووسي شي فارس ابتسم : تتطنز ....! مشعل : والله حبيبة القلب هي اللي قالت فارس تركهم ومشى .... لانه من جد ماله خلق احـد . .................................................. .............................. في السكــن ,, في غرفـة نـدى ولينـا .. الجو متوتر شوي ... وكل وحده مو عارفة شتقول للثانية ..! لينـا بتردد : احم ... نـدى ! نـدى بهدوء : نعـم لينـا : زعـلانـه ...!؟ نـدى كتمت ابتسامتها : علـى إيــش ..! لينـا : على أسلوبي اليوم .. بصراحه ما كنت ودي اقول هـ الكلام بس مدري وش جاني انتي عارفتني نـدى اني ما أعنـ............ نـدى قاطعتها : عارفـه لينـا ابتسمت : يعني مو زعلانـه ؟! نـدى ناظرتها : لااا لينـا قامت باستها : يا لبى قلبك ... فديتـك نـدى : ههههههههه ايه اللحين تفديني بـ........ لينـا تجلس على سريرها : مو قلنا مافي زعـل ..!؟ نـدى : هههههههههه قلنااا ولا يهمك لينـا : هههههههههه .................................................. ... في غـرفة الهنـوف ومـي ... جنبهم على طول الهنوف وهي ماسكة مخدتها ومتحمسه باللي تقوله مي : ياااي وناسه مي بقهر : بس يا ليت يرضون الهنوف : وش علينا منهم ..؟! مي : يعني بتفهميني انك تبينااا .....!! الهنوف : ايه مثل ما هربنا من المدرسه نهرب اللحين . مي : بس المدرسه غيـرر . الهنوف : وش تفرق يعني ..؟؟ مي : لا تفرق ... هذي لو اكشوفنا على طول برى ساعتها شوفي وش بيجيك من اهلك الهنوف : اوووف اجل وش نسوي لا روحه ولا جيه مي : والله عاد حبيبتي هذا السكن .. تبين ولا كيفك ..؟! الهنوف : طيب وش رايك ناخذ راي نـدى ..! مي : وش معنى نـدى يعني ..؟! الهنوف : احس ان نـدى عاقل وتفهم مي رفعت حاجب : يعني حنا اغبياء مثلا ..! الهنوف : لا بس يعني نـدى تعرف تحل المشاكل وتعرف تخطط زي كذا مي ما اقتنعت : اعرف رد نـدى ... بتقول لااا الهنوف : طيب حلا ..؟! مي ناظرتها : وليه حلا بعد ..!! الهنوف : عشانها هي اللي خططت لنا يوم نهرب مي : تتوقعين ترضـى ..؟! الهنوف ابتسمت بحماس : اكيييد ..... اعرف حلا وهبالها مي : ايه بس ريمـه !؟ الهنوف : وش فيها بعد ..؟! مي : يعني وش بتقول عنا ... بتقول صدق هبلان وبتتحسف انها صادقتنا الهنوف تخصرت : والله اذا ماخذتنا على تفكيرنا فـ هي ما تعرف تختار مي تصفق : اخص عليكي الهنوف : لا من جدي اتكلم ..! مي : اوكي ... خلي الامور تهدأ وتتعود علينا ريمـه اكثر واكثر وبعدين نقول لـ حلا الهنوف بحماس : اوكي .................................................. غرفة روان وفـرح ,,,, روان في سريرها ترسل مسجات لكل اللي في جوالها <<<< والله هذا من الفظاوه وفـرح قاعدة تتفرج ع الصور اللي في المجله .. فرح : واااااااااااو روان ناظرتها : إيـــش ..! فرح : تعالي شوفي هذي الصوره ورربي خطيره روان قامت وبيدها الجوال : وريني أشوف . روان شافتها : ووووع اليسـا ... احسب عندك سالفه فرح : بررربك مو خطيره روان ترجع لسريرها : لا والله تحوم الكبد فرح : والله انتي اللي ما عندك ذوق روان : مالقيتي الا هذي البايخه .. فرح : ما البايخ الا وجهك ... ورربي انها كيوت في الصوره روان : اسكتي بس لا تلوعين كبدي زياده فرح طنشتها وكملت .. روان بعد ما خلصت ارسال المسجات طفشت. روان : فرح فرح وعيونها ع المجله : هااا روان رفعت راسها للسقف : انتي في بالك واحد ..؟! فرح ناظرتها : ما فهمت !! روان : يعني يا ذكيه تحبين واحد او هو يحبك زي كذا يعني فرح صغرت عيونها : رواااان روان : هممم فرح : لا يكوون انتي اللي في بالك ..؟! روان ابتسمت : الى الآن فيه واحد فرح فتحت عيونها : ميـن !! روان تنهدت بـ حلم : واحد وسيم يجنن صوته عذاااااا............ فرح قامت عليها : ايا اللي ما تستحين ... كيف تعرفتي عليه .! ومتى ..؟ ومين هو اصلا ؟؟ روان خافت : بسم الله فرح : اعترفي مين ..!! روان : انتي هيي شفيك .... ترى مو اول وحده ولا اخر وحده تحب وبعدين الحب لاهوعيب ولا هو حرام . فرح هدت : بس قولي لي مين !؟ روان : توعديني ان ماحد يعرف .! فرح : وعــد ..! روان : واحد اسمه احمد ... لي معرفة قديمة معه يعني بس كنا اصدقاء وهو يعرف اهلي وكذا . وانا طلبت منه انه يساعدني في بعض الاشياء عشان كذا خذت رقمه و في نفس الوقت ابي اسمع صوته . فرح : يعني ما يدري انك تحبينه !؟ روان تنهدت : لاااا فرح : ايه خوفتيني روان : ترى انا مو رواعي هـ الحركات. فرح : بس انتبهي لا يضحك عليك. روان : ههههههههههههه مين احمد !! احمد يضحك علي ..!؟ تبقين غلطانه فرح تكتفت : لـ هدرجه واثـقـه فيه ..!؟ روان ابتسمت : وثـقـه عميـآإء بعد . فرح : لا تثقين فيه بزياده ... ترى في هـ الزمن مافي امان. روان : عاد الا أحمد . فرح ناظرتها ( الله يعينك على حبك ) . روان ناظرتها وابتسمت . فرح ردت لها الابتسامه ... وبعدين كل واحد فيهم . " أحـــلااام سعيــده " ............................................. انتهـى الجـزء .. توقعاتكم للجزء الجـــاي .. اشوووفكم على خيـرر تحيـاتي : |
|
#7
06-25-2011, 11:46 PM
| ||
| | ||
| الروايه حلوه كمليها بلييييييييز :hmmm:
__________________ http://vb.arabseyes.com/t255820.html |
|
#8
07-18-2011, 07:39 PM
| ||
| | ||
| وهذا البارت الرابع الجزء الرابع : في اليوم الثاني واللي هو يوم الأثنيـن . الساعة 8 الصبـاح .. في غرفـة نـدى و لينـا نـدى تصحي لينـا : ليوون يلا اصحي لينـا تلف للجهة الثانية : بليز نـدى اتركيني انام نـدى وهي تسحب اللحاف : والله ودي بس وراك جامعة لينـا ترجع تاخذه : لا ما عندي نـدى : كم الساعة تبدأ محاضرتك ..؟؟ لينـا : 10 نـدى ابتسمت : أجل اخليك تنامين لينـا : وانا وش اقول من الصبح نـدى : هههههههه تيب بس حاولي تصحين بدري عشان ما تتأخرين على محاضرتك لينـا : ورربي ادري ... بس خليني انام بليــز نـدى ابتسمت : اوكي .. باي طفت الأنوار وطلعت .... ولينـا كملت نومتها ( : .................................................. ......... تحت في الكافتيريا .. نـدى جاتهم : صباح الخير البنات : صباح النور روان بتأفف : وين لينـا بعد ..؟ نـدى : لينـا ما راح تروح مي : ليه تعبانه ؟؟ نـدى : لا بسم الله عليها .... بس محاضرتها تبدأ الساعة 10 تو الناس على روحتها مي : اهااا فكرت فيها شي ! نـدى : لا ما فيها حلا جاتهم بسرعه : سوري يا بنات تأخرت عليكم روان بسخريه : والله زين اعترفتي .؟! حلا ناظرتها بس ما علقت. نـدى : الا وين فرح ..!! مي : يعني ما تدرين انها بنفس تخصص لينـا نـدى ضربت راسها بـ خفيف : يؤ نسيت روان تناظر الساعة وقالت بعصبية : بسررعه ترى تأخرت الهنوف : طيب طيب خلصنا روان اتركتهم وطلعت برى .. نـدى : وش فيها !! مي : شوي وتبدأ محاضرتها نـدى : اجل ليه واقفين يلا تحركوا الهنوف بملل : جاتنا الثانيه حلا تلف الشيلة على راسها : بلا تعليقات الهنوف : طالع من يتكلم .! حلا بطرف عين : نعم الهنوف ابتسمت : لا ولا شي حلا سمعتها بس ماتبي تجادل ... عشان ما تأخرهم طلعوا من السكـن وعلى طول ع الجامعة ,, .................................................. ............. في نفس المنطقـة بس في مكان ثاني . فارس يمشط شعره وهو يدندن وهو حده فرحان إن اللحين بيروح يشوف خطيبته . ( مستغربين ..! بس ما راح اخرب عليكم ) . نزل من الدرج وهو يغني اغنية ايه أحبك لـ راشد الفارس. ايه احبك واعترافي لك كفاية ... نبض قلبي وانشغالي هو الدليل يا هوا نفسي ويا غاية منايا ... في ظليم النبع حبـ ......... سمعه اخوه وقطع عليه جوه : الأخ رايق فارس ابتسم في وجه اخوه وجلس ع الكنب : أنا رايق وجوي رايق ولا فيني أي ضيقه ... وأنا أحبك ولجل حبك صرت أعشقها حياتي سعود : وكاشخ بعد ... وين على الله !؟ فارس بشوق : بروح اشوفها. سعود بهودء : مين ؟! فارس : يعني مين بالله ؟؟ سعود بنفس الهدوء : مـروهـ !! فارس : فديت قلبها. سعود ناظر الفراغ مده طويله .. يفكر في مشاعر اخوه لما يدري عن مروه ما وده يحطمه او يكسر قلبه بس هذا هو الواقــع ..! سعود بهدوء يخوف : فارس فارس ناظره : هلا سعود : مروه فارس خاف من هدوئه : وش فيها مروه ..؟! صاير لها شيء سعود : سلامتك ... ولا شي فارس : أجـل سعود خذ نفس : مروه تزوجت بـ واحد ثاني فارس ما استوعب : هاا سعود ناظره : تزوجت فارس ضحك وهو مو مستوعب : امزح على غيري سعود هز راسه : فارس انا من جدي اتكلم فارس وقف : سعود بلا جنان سعود تنهد .. فارس : سعود انت عارف وش تقول ..؟؟ سعود : هذا اللي صار فارس جلس ع الكنب ... وهو أبد مو مستوعب اللي سمعه .. صررخ في وجه سعود ولأول مره نزلت أخته فجر بسرعه من الدرج يوم سمعت صوت الصرخه : خير وش صار ؟؟ يوم شافت شكل فارس تأكدت انه عرف بالموضوع .. ونزلت راسها فارس تقدم لـ فجر بهدوء : الحكي هذا صدق ..!؟ فجر تقدمت لـ عنده : فارس الله يعوضك بـغـ......... فارس قطع كلامها وقال بحده : صحيح اللي قاله ؟! فجر بلعت ريقها وقالت بصوت خافت : إيـه فارس غمض عيونه و قال : يصير خير وطلع بسرعه من البيت .. فجر بصوت عالي وهي تلحقه : فااااارس لحظه ... لا تتهور بس صوت سكرة الباب هزت البيت هز .. فجر راحت لـ سعود : سعود روح الحقه .... اخاف يروح لـ بيت عمي ويسوي مصيبه سعود : بزر هو يروح بيت عمي ويتهاوش معه ... هو عارف ان كل هذا قسمة ونصيب ومروه مو مكتوبه له خلااص فجر دمعت عيونها : ايه بس انت ما شفت شكله واضح ان ناوي على شي سعود يطمنها : لا تخافين فارس عاقل ولا يسويها فجر : طيب قول لـ أبوي خليه يكلمه. سعود : في ايش يكلمه انتي الثانية .. خليه يستوعب الصدمة اللي جاته أول فجر تدعي على مروه : كل منك انتي الله ياخذك .... لو صار في اخوي شي والله ما راح اسامحك سعود : فجر ما يحتاج تقولين هـ الكلام على بنت عمك .. كل شي مكتوب ومافي اعتراض علي قسمة ربي فجر : آمن بالله ... بس هي كانت تحب فارس وش اللي غير اللحين ؟! سعود تركها وصعد فوق : اللي غير ان مروه ماهي من نصيبه ... فكينا زين فجر مسحت دموعها و راحت للتلفون تتصل على بنت خالتها واللي هي توأم روحها وتقولها اللي صار. .................................................. ........... نرجع لـ لينـا وفرح في السكـن ,, دق المنبه عند الساعة 9 بالضبط .. و قامت سبحت ولبست وجلست ع الكنبة اللي بـ غرفتها لينـا تكلم نفسها ( يا ترى أقول لـ نـدى عن سالفة روان وارتااح ... ولا أسكت! .. تنهدت .. بقولها عن سالفة أحمد ... أخاف يضحك عليها ولا شي وبعدين بتصير السالفة فيني .. طيب واذا زعلت روان ..؟! اووف ياربي منك يا روان لو إني ما سمعت كلامك أحسن لي اوف) خذت شنطتها وعبايتها ونزلت تحت في الكافتيريا. .................................................. .... في الجامعـة عند البنات ... في الكـلاس روان من اول ما دخلت الكلاس وهي ترسل بلوتوث للبنات في بعضهم يستقبلون وفيه بعضم لا على قولتها ( ثقال دم ) . شافتها الدكتوره وصغرت عيونها : روااان روان رفعت عينها وهي للحين ماسكة الجوال : نعم الدكتوره : بتعملي إيه ..؟! روان ابتسمت : ولا شيء الدكتوره وهي تحاول تناظر : واللي بأيدك ده إيه ؟! روان تستهبل : اهااا قصدك الجوال .. ايه والله مدري شفيه ازعجني البلوتوث واحد ورى الثاني الدكتوره : إئفلي الموبايل دلوئتي ..؟! روان رجعت ناظرت الجوال : سوري الدكتوره رفعت حاجب : إيه !! ( يعني نعم ! ) هع روان ناظرتها وابتسمت : سوري ما اقدر الدكتوره تأشر ع الباب : تفضلي انتي مطروده روان ما صدقت على الله بس سوت نفسها انها تبي تجلس : ليه دكتوره ..!؟ وش عملت الدكتوره : بتعملي نفسك ما عملتيش حاقه ... وانتي بتهرقي عليا ( تسوين نفسك ما عملتي شي وانتي تستهبلين علي ) روان كتمت ضحكتها : وانا وش سويت ..!؟ الدكتوره عصبت : خودي موبايلك وتفضلي روان قامت : اكيد باخذه اجل اخليه الدكتوره : وكمان بتردي ... انتي مطروده لمدة يومين روان ماتت من الفرحه .. وبسرعه طلعت من الكلاس وراحت تبشر البنات <<< اما بشاره .................................................. ......... عند نـدى في الكلاس .. طول الوقت وهي تناظر الساعة .. توها داخله من شوي ( متى بخلص من هـ المحاظره .. طفشت وربي ) اللي جنبها حست انها طفشانه .. فحبت تونسها و فتحت بلوتوثها وخذت تدور ع الاسماء ..ابتسمت ( مشاء الله عليهم .. كلهم فاتحين ... طيب ياربي وين اعرفها هذي اللحين ). شافت أسم شذها ( لـ كبريائي رواية ) شكت انها هي .. وارسلت لها. دقت نغمة جوالها وفتحتها .. من " تعبت أعطي " ( شكلك طفشانه ) رفعت حاجبها وتلفتت يمين وشمال وشافتها تبتسم .. وابتسمت لها " لـ كبريائي رواية " ( ههههه وش دراك ) " تعبت أعطي " ( واضح من شكلك ههههه) " لـ كبريائي رواية " ( من جد طفشت ... الا أنا أول مره أشوفك ! ) " تعبت أعطي " ( بس أنا مو أول مره ^_^ ) " لـ كبريائي رواية " ( غريبـة ! ) " تعبت أعطي " ( لا غريبة ولا شي ... بس أنا أول مره أجلس هـ المكان ويمكن بعد انتي ما انتبهتي لي ) " لـ كبريائي رواية " ( يمكن ) " تعبت أعطي " ( انتبهي .. الدكتوره تناظرنا ) " لـ كبريائي رواية " ( أجل باااي ) " تعبت أعطي " ( باي ) نـدى قفلت بلوتوثها وانتبهت <<< مؤدبه تمت المحاضرة ثلاث ساعات تقريبا.. وطلعت ^_* ................................................ مـر اليوم على خير ,,, وجات الساعة 2 في الليل. قاعده تناظر نفسها بالمراية ومستانسه على عمرها : يمه أهبل رن جوالها بـ نغمة الحب خالد .. شافت الرقم غريب وماردت بس الجوال مازال يرن .. استغربت ( من هذا اللي داق في نص الليل ..!) ردت : آلـوو الطرف الثاني : ...................... مروه : آلو نعم .. مين معي ؟! الطرف الثاني بهدوء : مروه ..! مروه عرفت الصوت واللي مستحيل تنساه .. وكيف تنساه وهو صوت حب حياتها .. الصوت اللي أسرها وأنساها كيانها .. صوت عشيقهـا..! مروه بهدوء : فارس فارس : تذكرتي صوتي ..؟! مروه ماردت .. فارس : مروه مروه خذت نفس : نعم فارس بهدوء : الكلام صحيح ..؟! مروه بلعت ريقها : آسفه فارس غمض عيونه .. مروه كملت : ما وفيت بوعدي لك فارس : ليـه !! مروه دمعت عيونها : مافي سبب ..! فارس : الا أكيد فيه ..! مروه : فارس اللي صار صار وأنا اللحين على ذمة رجال ومابي أخونه فارس ابتسم بضيق : وتخونيني ..؟! مروه وعيونها قامت تذرف دموع : انت تركتني فارس بـ وله : بس قلبي معاك ..! مروه : مو بس كذا ... انشغلت عني بدراستك ولا فكرت فيني فارس : ومن قال ..؟! مروه مسحت دموعها : قلبي يقول فارس : مروه هذا مو سبب انتي وعدتيني اني اكون لك ... والاهل يعرفون بـ هالشيء مروه : الناس قامت تتكلم عني وأهلي بعد عايروني وأمـي ............. سكتت فارس : وش فيها ..؟! مروه بلعت غصتها : فارس إنساني ..! فارس : ....................... مروه : إنساني خلاص ... أنا مو لك ولا مكتوبه لك فارس : أتمنى انك بعد تنسيني مروه قامت تنزل دموعها .. فارس بضيق : الله يوفقك ويسعدك مع غيري مروه ماتحملت وقفلت الجوال بـ وجه ( لازم تذكرني فيك ) . فارس ناظر الجوال وابتسم والغصة واقفة بقلبه ( الله يوفقك ) .................................................. ... في نفس اللحظه ... في غرفة نـدى ولينـا قاعده تتقلب في السرير وعفسته فوق تحت .. حاولت تنام بس مو قادره النوم طاير من عيونها ودها تنزل تحت وتتمشى برى بس تخاف لحالها.. ناظرت لينـا اللي واضح انها غرقانه نوم لانها ما نامت من اول ما جات العصر . نـدى قامت من سريرها بهدوء وراحت لـ عندها وقامت تهزها بخفيف : لينـا لينـا عشان نومها خفيف سمعت بس ما ميزت الصوت : هممم نـدى بهدوء : اصحي أبغاك بكلمة لينـا فتحت عيونها بصعوبه : اللحين ..! نـدى ابتسمت : إيه اللحين لينـا خافت : ليه احد صاير له شي ..؟؟ نـدى : لا سلامتك .. بس أبغاك ضروري لينـا باستغراب : تيب .... وقامت ودخلت الحمام ( الله يكرمكم ) نـدى ابتسمت ( لو تعرفين وش أبيك فيه ... كان ذبحتيني ) لينـا يوم طلعت : نعم نـدى خوفتيني نـدى رجعت خصل من شعرها لـ ورى أذنها وقربت من لينـا : ليووون قلبي لينـا : بدام فيها قلبي ... أكيد وراها مصلحه نـدى : هو يعني مو مصلحه مصلحه .. بس اذا تحبيني بتنفذينه لينـا : الله يستر منك نـدى شبكت اصابع ايدينها بـ بعض : بصراحه أنا مو جايني نوم .. وأبيك تطلعين معي برى نتمشى غمضت عيونها بسرعه لأن أكيد بتاخذ ضربة من لينـا .. انتظرت تشوف ردة فعلها بس ما شافت رد .. وفتحت عيونها بشويش وشافتها تناظرها بـ برود نـدى استغربت : لينـا لينـا : تدرين كيف ..!؟ نـدى بـ برائه : إيش ..!! لينـا ابتسمت : بطلع معك لاني أصلا شبعت نووم نـدى فتحت عيونها : حلففي لينـا ضحكت : ههههههههه وربي نـدى : الحمدلله لينـا : بس مره ثانيه لا تعيدينها نـدى غمزت لها : اوكي لينـا ابتسمت هي اصلا فيها النوم بس ماحبت تكسر بخاطرها وبعدين هي قامت يعني ماله داعي إنها تستكثر عليها .. نـدى : يلا خلينا ننزل لينـا : وكيف بنطلع يا ذكية .. والباب مقفل نـدى ضربت راسها : يؤؤ نسيت لينـا ضحكت : ههههههههه هذا من زود الحماس نـدى : بنطلع يعني بنطلع لينـا : وريني كيف ..؟! نـدى بخبث : تشكين في هذا ..! وأشرت على عقلها لينـا خافت : تكفين مابي اتهور معك نـدى : مثل ما تهورتي وهربتي ... احنا برضوا بنتهور وبنطلع لينـا : ايه بس اخاف نغرق نـدى بابتسامه خبيثه : بدام أنا معك لا تخافين لينـا بلعت ريقها : لو اني ماسمعت كلامك أحسن لي نـدى فتحت الباب بهدوء : اششش بدون صوت ... مابي أحد يحس لينـا حطت يدها على فمها وهزت راسها. طلعوا من الغرفة بخفة كأنهم سارقين شي .. والممر كان مظلم ويخـوف نـدى بلعت ريقها وقالت بهمس : ليه المكان كذا يخوف .. ؟! لينـا متمسكة بذراع نـدى وبنفس الهمس : يعني الساعة 2 في الليل وش تترجين ..؟ نـدى : اششش .. كملوا طريقهم ونزلوا من الدرج بهدوء وحذر .. ويوم وصلوا الدرجة الاخيره شافوا نور من مطعم اللي في الكافتيريا .. لينـا بهمس : يا ويلي من اللي هنا ..؟! نـدى : غريبه ليه تاركين الكافتيريا مفتوحه بـ هالوقت ! لينـا : من الغبي اللي بيتركها مفتوحه ... الا قولي هذا واحد جاي يسرق نـدى ضربت راس لينـا بخفيف : وكيف بيدخل يا ذكيه ... بينط من الشباك مثلا لينـا : كل شي جايز نـدى حست ان الشخص بيطلع ومسكت لينـا وتخبوا تحت الطاولات .. لينـا تأشر لها ( مين ..! ) نـدى تسكتها ( ما ادري اششش ) نـدى حاولت تناظر من هذا الشخص بس ما قدرت لان المكان ظلام . أما لينـا قدرت تميز الشخص من النور العاكس اللي من الشباك ... وعرفت انها بنت من شعرها لينـا بخفيف : عرفت مين ..؟! نـدى تقصر صوتها : مين ؟؟ لينـا : هي بنت بس مدري مين بالضبط ..! نـدى : شكلها راحت إمشي يلا لينـا تشد ملابس نـدى : خايفه نـدى بلعت ريقها : مو أكثر مني طلعوا من تحت الطاوولة وراحوا للمطعم وشافوه مقفل .. ناظروا بعض باستغراب لينـا : هذي يا حمده يا نجاة ؟! نـدى : أو وحده من البنات سرقت المفتاح ! لينـا بتفكير : تتوقعين مين !؟ نـدى : وإحنا بنصير المحقق كونان على غفلة .. خلصينا نبي نطلع لينـا : طيب كيف .!! بنسرق المفتاح نـدى : لا طبعا .. بنقفز من الشباك لينـا : هااا نـدى : من قال ها سمع .. يلا بسرعة لينـا : طيب انتي أول نـدى : اوكي خلاص راحوا عند الشباك وفتحوه بشويش عشان ما يطلع صوت. لينـا : تخيلي ان في احد يراقبنا نـدى وهي تحط رجلها : وحنا مسوين شي غلط يعني ؟؟ لينـا : وش دراهم ان نيتنا زينه ... طبعا بيروح بالهم بعيد نـدى : كل من يرى الناس بعين طبعه لينـا ابتسمت .. وقامت تتلفت يمين وشمال تشوف اذا في احد جاي ولا لا نـدى بعد ما خلصت : يلا انزلي لينـا : اوكي ... وقفزت بسرعه خلوا الشباك مفتوح .. عشان يرجعون وهم في بالهم ان مافي احد شافهم ..! لكن هيهااااااات .. مشت البنت بهدوء لعند الشباك وبكل برود سكرته وقفلته من داخل وبإبتسامة خبث ( وريني شطارتك يا نـدى ) . وصعدت فوق ولا كأنها عامله شي. نـدى بإنتعاش : وااااو الجو رووعـه لينـا ابتسمت : ايه مرره نـدى قاعدة تناظر القمر وتبتسم .. ولينـا نفس الشيء نـدى بهدوء : قمرين في وقت واحد مشكلة ..! لينـا : احم شكرا نـدى بطرف عين : ومن جاب طاريك أصلا لينـا : لا تقولين انك انتي القمر الثاني ! نـدى : مافي شك لينـا : ههههههههه تضحكين على نفسك نـدى بجديه وهي مقابله لينـا : جد ليوون أنا حلوه ..؟؟ لينـا رفعت حاجبها : وش طاري عليك هـ السؤال ..! نـدى تنهدت : سؤال جـاء في بالي لينـا بصراحه : ممم إنتي ما تعتبرين حلوه مثلي يعني نـدى رفعت حاجب : تكفين الجمال مقطعك لينـا : عندك شك ..؟! نـدى تسكتها : لا لاا خلصينا أنا إيش ..!! لينـا : ممم يعني إنتي عندك خاصيه حلوه ماحد عنده من البنات اللي في الشله نـدى تحمست : وش هي ؟؟ لينـا : ممم إنتي جذابه ومملوحه بس ما تعتبرين جميله لا طبعا نـدى تحطمت : لا تقولين لينـا : يا غبية الصفة هذي تخلي الشباب يموتون فيك نـدى بـ فرح : جد !! لينـا : إيه أكيد يعني إنتي لما تكونين ثقيلة مع الشباب وجذابة .. تصيرين مثل المغناطيس ينجذبون لك ^_^ نـدى تنهدت : لا تقعدين توهميني في أشياء تافهة ... يعني أنا فارسة أحلام كل واحد وش هـ الغباء لينـا : لا طبعا ... بس أغلب الصفات اللي يتمنونها موجودة فيك نـدى بفضول : وش هي الصفات ؟! لينـا : مممم إنتي هاديه وخجولة وطبعك كتومة ... يعني بعض الرجال ما يحب الوحدة اللي طول الوقت تهذر فوق راسه وتطلع كل اللي في قلبها وما تعطيه مجال يقول شي نـدى ابتسمت : كأني وحده بتزوج عن قريب وقاعدة تعطيني نصايح لينـا : وش دراك يمكن يجيك واحد ما تتخيلنه إلا في الأحلام نـدى : هههههههههه لا ما أظن لينـا : ما تعرفين وش اللي مكتوب لك ! نـدى : بهذي صادقه ..! لينـا : تخيلي يجيك دكتور أو مهندس أو ضابط برزتـه أو كابتن طيار ..؟ نـدى : ههههههههه كابتن قويه شوي لينـا : ههههههههه من جد وش دراك ..!؟ نـدى : تركينا من هـ السوالف خلينا ندخل لينـا : أوكي يلااا راحوا للشباك ... ولينـا حاولت تفتحه بس ما فتح لينـا : وش فيه هذا ما يفتح ..! نـدى : ما خليت إلا إنتي تفتحينه. لينـا بطرف عين : شقصدك ..؟! نـدى وهي تحاول تفتحه : ولا شي لينـا ابتسمت : ورينا شطارتك اللحين نـدى : يارربي مش راضي يفتح لينـا بخوف : نـدى نـدى وهي تحاول قد ما تقدر : نعم لينـا تمسكت بملابسها : مو إحنا خلينا النافذه مفتوحه ..! نـدى ناظرتها : إيه لينـا : مين اللي سكرها ..؟! نـدى : قولي مين اللي قفلها من داخل لينـا بخوف : شقصدك ..؟! نـدى بلعت ريقها : في أحد شافنا لينـا : طيب يمكن تسكرت لحالها نـدى : بس مستحيل تنقفل لحالها لينـا شوي وبتبكي : يمــه نـدى خايفه أكثر من لينـا بس حاولت تسوي نفسها عادي لينـا : وش بنسوي اللحين ..؟! نـدى ناظرتها وعيونها واضح فيها الخوف : ما ادري ............................................... خلص الجزء .. وش هي توقاعتكم للجزء الجاي ...؟! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| @البتراء المرشحة رسميا "لعجائب الدنيا الجديدة""""""" | МŘ. ali afandi | غرائب و عجائب | 39 | 10-11-2015 04:06 PM |
| طفل يولد واسمه مكتوب على خده "صوره" لاتخرج بدون كتابة """سبحان الله""" | darҚ MooЙ | موسوعة الصور | 132 | 12-15-2011 09:33 PM |
| ""لعشاق الساحره"""""""اروع اهداف القدم 92-2005""""""ارجوا التثبيت""""""" | mody2trade | أرشيف المواضيع الغير مكتمله او المكرره او المنقوله و المخالفه | 2 | 05-14-2008 02:37 PM |
العرض العادي
