|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#12
07-19-2011, 05:21 AM
| ||
| | ||
| فديتكـم على هـ الردود والله ماحد مشجعني غيركم وهذا بارت لـ عيونكم ,, الجزء الخامس : لينـا غرقت عيونها : نـدى خايفـه نـدى : من الحقيره اللي سوت فينا كذا ..؟! لينـا : أكيد نجـاة ! نـدى : والله لو طلعت هي والله لوريها شغلها لينـا : أكيد ما في غيرها هي ما تطيق البنات نـدى : طيب فكري .. كيف بندخل داخل ..؟! لينـا : لا تسأليني .. مو عارفه افكر نـدى حطت ايدينها على راسها : ولا أنا بعد مـده ,, لينـا بتفكير : معك الجوال..؟؟ نـدى ناظرتها : لا لينـا بإحباط : خساااره نـدى : وانتي جبتيه معك ..؟؟ لينـا : وليه أسألك طيب ؟! نـدى : كان جبتيه لينـا : وأنا وش دراني ان بيصير معنا كذا نـدى قامت تتأفف : اووف لينـا : يعني اللحين انا الغلطانه ..! نـدى : ومن قال أصلا لينـا : طريقتك تقول كذا نـدى عصبت : لينـااا مو وقته ... وقامت تروح وتجي .. تبي طريقة يدخلون فيها داخل لينـا : نـدى بسررعه الله يخليك نـدى : وش تحسبيني كمبيوتر ..! لينـا : إيه بس اللحين الساعة 3 الفجر نـدى : وإذا يعني ! لينـا : بيصحون البنات عشان يصلون وبيكشفونا أكيد نـدى : طيب فكري معي لينـا : وأنا وش أسوي يعني ... أرقص نـدى : مو وقت ضحك اللحين لينـا طلعت لها فكره : لقيتهااا نـدى ناظرتها بسرعه : وشوو ؟؟ لينـا بإبتسامه : بندخل نـدى : إيه أدري بس كيف ..؟! لينـا بخبث : بالحماااام .................................................. ..... في غرفة حـلا & ريمـه حلا بصوت واطي : أمي بعدين أكلمك أم حلا : لا تقعدين تضحكين علي مثل كل يوم ... وتقولين بتصل ولا تتصلين حلا تنهدت : لا هـ المره بتصل ... بس البنت نايمه مابي اصحيها أم حلا : طيب خلاص ... بس بعد شوي تدقين حلا : ان شاء الله .. اللحين بسكر مع السلامه أم حلا : في حفظ الله حلا يوم سكرت جوالها طلعت من الغرفة ونزلت تحت وقعدت على أحد الطاولات .. واتصلت على أمها أم حلا : زين اتصلتي ..! حلا بضيق : نعم أمي تبين شي أم حلا : ترى الرجال ينتظر حلا بترجي : أمي الله يخليك مابيه أم حلا : وش اللي ماتبينه ..؟! حلا : مابي زياد مابيه أم حلا : لا بتاخذينه وإنتي مره سامعه حلا غرقت عيونها : إيه بس بترك الجامعه وصديقاتي ماراح اشوفهم بعد أم حلا : و خير يا طير ... الجامعه ما راح تنفعك وصديقاتك مرده في بيت أزواجهم حلا تدور لها أي عذر : بس أنا لسى صغيره ع الزواج أم حلا : أقول بلا دلع عاد ... بنات أصغر منك متزوجين وعندهم عيال بعد حلا : أمي الله يخليك أم حلا بحده : بتتزوجينه فاهمه ! حلا دمعت عيونها : طيب أم حلا : ويوم الخميس تنزلين للشرقيه ... يبي يشوفك الشوفة الشرعية حلا بسرعه : لااا مابي أم حلا : كأن لا صارت سهله عندك .. الرجال يبي يشوفك ومن حقه بعد حلا بصوت مخنوق : ان شاء الله أم حلا : يلا مع السلامه حلا بسرعه : مع السلامه سكرت بسرعه ... ونزلت راسها ع الطاوله وقامت تبكي لـ درجه إنها تشهق .................................................. ..... عند نـدى ولينـا ,, لينـا من داخل الحمام وماسكة يد نـدى اللي واقفه ع النافذه وخايفه تنزل. لينـا : يلا بسررعه نـدى بخوف : أخاف لينـا : مافي شي يخوف ..! نـدى : أخاف أطيح ولا اتكسر لينـا : لا لا تخافين ... أنا ماسكه يدك نـدى: تيب مسكيني زين ..! لينـا ماسكه يدها بقوه : يلا نـدى غمضت عيونها وبسرعه نزلت وطاحت على لينـا .. نـدى ولينـا : آآآآآه نـدى بسرعه قامت : بسم الله عليك ... تعورتي !؟ لينـا بألم : آآآه ظهري نـدى تساعدها توقف : تعرفين توقفين ..؟! لينـا وحاطه يدها على ظهرها : آآآه نـدى شوي وتبكي : يارربي كله بسببي أنا لينـا غمضت عين : إنتي مالك دخل نـدى قامت : لا تواسيني ... أنا الحين بنادي وحده من البنات تساعدني لينـا تحاول تقوم بس الالم يمنعها : لا ماله داعي نـدى بدون ما تسمعها طلعت من الحمام ... وبسرعة صعدت فوق بس رجعت نزلت يوم شافت بنت منزله راسها ع الطاولة وصوت بكيها واضح .. تقدمت لها بهدوء : مين !! حلا رفعت راسها ومسحت دموعها بسرعه : مين انتي ..!؟ نـدى عرفتها من صوتها : حـلا ! حلا باسغراب : نـدى وش مجيبك هنا ..!؟ نـدى بدون ما تجاوبها : تعالي معي بسرعه حلا مو فاهمه شي : وين ؟! نـدى مسكت يدها : لينـا طاحت بالحمام ومو عارفة تمشي حلا : هااا نـدى ما ردت عليها وبسرعة خذتها ع الحمام بدون ما تفهمها وش صار . حلا : لينـا وش فيك ..!؟ لينـا بألم : ظهري يألمني حلا بخوف : كيف طحتي !؟ نـدى تشيلها من أكتافها : مو وقته ... شيليها معي حلا : طيب حلا شالتها من رجلينها ونـدى من أكتافها .. وبالموت صعدوا فوق يوم وصلوا للغرفة .. نـدى تحاول تمسكها : لينـا إفتحي الباب لينـا بألم : تيب فتحت الباب ... وعلى طول حطوها ع السرير حلا حطت إيدينها على أكتافها : يا ثقلك ليوون نـدى طاحت ع الارض من التعب : راحت طاقتي لينـا : شدعووه أنا مو ثقيلة لـ هالدرجه حلا ناظرت نـدى : ما جربت نفسها ..! نـدى : اللحين وش نعمل مع ظهرها ؟؟ حلا : تقدرين توقفين ..!؟ لينـا شوي وتبكي : لااا حلا بخوف : لا يكوون كسر !! نـدى بخوف أكثر : يمه بسم الله عليها لينـا : لا حرااام توني صغيره على هـ الإصابات ! حلا : شوفي وش تفكر فيه .... اللحين انتي مو خايفه على نفسك ؟ لينـا : الا اكيد نـدى وقفت : طيب تحسين بألم شديد ؟؟ لينـا : مررره حلا : طيب وش نعمل ..!؟ نـدى : نتظر لـ بكره حلا : لااا خلينا نشوف وش فيها يمكن بس رضه نـدى : وش شايفتنا دكتورات ! حلا راحت لـ عند لينـا : انبطحي على ظهرك لينـا : مو قادره حلا : حاولي لينـا تحاول بس الالم مسيطر عليها .. هزت راسها بـ ( لا ) نـدى تساعدها : لازم تحاولين لينـا بألم : آآآه نـدى ورربي يألم نـدى : تحملي شوي لينـا غمضت عيونها من الالم ( يارب ما يكون كسر ) حلا تناظر لينـا و تشد على ايدها تحس نفسها تتألم مثلها .. نـدى بحزن : يألم لـ هدرجه ؟! لينـا هزت راسها .. نـدى غرقت عيونها : كله بسببي أنا .. لو ما قلت خلينا نطلع كان ما صار اللي صار لينـا ابتسمت بألم : لا تقولين كذا حلا حطت ايدينها على كتف نـدى : ربي كاتب كذا .. وبعدين وش دراك يمكن إصابة بسيطة ولينـا شوي تبالغ نـدى : بس واضح انها تتألم لينـا ابتسمت مجامله : مافيني الا العافيه ... بس انتي مسحي دموعك ما يستاهل كل هذا حلا : طيب أشوف لينـا باستغراب : وش تشوفين !! حلا : ظهرك يعني إيش ! لينـا : حلفففي حلا : خليني أشوف وش فيه !؟ لينـا : لا ماابي ... عيب نـدى : لا خليها يمكن رضه أو شي لينـا : طيب بشويش .. أعرفك دفشه حلا رفعت حاجب : لوما مو كاسره خاطري كان شوفي وش بيجيك ..!؟ لينـا بابتسامه : الحمدلله اني كاسره خاطرك حلا يوم رفعت بلوزتها ما شافت شي .. حلا ضغطت على ظهرها : يألم ! لينـا : آآآآآه وجع حلااا حلا ابتسمت : أسألك يألم ..؟! لينـا انقهرت : يعني وش رايك ؟؟ حلا : بصراحه أنا ما أعرف بـ هالأشياء نـدى تبعدها شوي : أجل لا تتفلسفين علينا حلا : تيب خلونا نصبر لـ بكره لينـا : أنا مو عارفة أتحرك .. كيف بصبر طول هـ الوقت نـدى بحزن : يا عمري ... آسفه لينـا إبتسمت : ماله داعي الأسف .. وبعدين أنا اللي قلت إنا ندخل من الحمام يعني أنا الغلطانه نـدى : إيه بس ماكان في بالنـا إلا هـ الطريقه .. يعني كنا مجبورين نعملها لينـا : ولا يضيق خاطرك نـدى إبتسمت وهي من داخلها ندمانه ( وربي إذا صار فيك شي ما راح أسامح نفسي ) حلا تناظر ساعتها : الساعة 4 اللحين ... خلونا نواصل مابقى شي لينـا بسرعه : لا تتعبون أنفسكم ... أنا ان شاء الله بصير كويسه نـدى : ما يدعي قلبنا ننام ونخليك لينـا ابتسمت : فديكتم والله حلا إبتسمت : كل هذا بس عشان كاسره خاطري لينـا : هههههههههه تيب الحمدلله نـدى تذكرت شي : أيوه حلا حلا ناظرتها : نعم نـدى : وش فيك تبكين من شوي ؟؟ حلا ارتبكت : هاا ... ومن قال !؟ نـدى شكت في السالفه : سمعت صوتك تبكين وبصوت عالي بعد ... فيك شي ؟! تعبانه حلا نزلت راسها : لا مافيني شي نـدى ناظرت لينـا وبعدين ناظرتها : متأكـده !! حلا وهي منزله راسها( ليه ما أقولهم وأرتاح ... آخرتها بيعرفون إذا مو مني من روان ..! ) ( نتوقف شوي .. روان تقرب لـ حلا من طرف أمها وأكيد بيوصل لها الخبر ) نـدى باستغراب : حلا ! حلا بحزن : راح أتزوج نـدى ولينـا ناظروها : إيــــش !! .................................................. ............... قاعده تناظر نفسها بـ المرايه وتضحك على شكلها <<< خبله ريناد تكلم نفسها : ههههههههههههههه مو مصدقه ... فتحت شعرها وقامت تلعب فيه ... ههههههههههه يمه أجنن وقامت تحرك خصرها يمين وشمال وتغني أغاني أجنبيه وتنقز هنا وهناك وتصرخ .. يعني مهستره ع الاخير دخل عليها اخوها راكان اللي أصغر منها ويوم شاف شكلها .. فتح عيونه على وسعهم !! ريناد ناظرت الباب وشافت أخوها مندهش ... رجعت ناظرت في المرايه وتأملت شكلها شوي وبعدين ناظرت أخوها : شكلي غلط !؟ راكان فاك فمه !! ريناد عصبت من نظراته : إنت هييي وش فيك تناظرني كذا ؟؟ كأني مو عاجبتك ؟! راكان استوعب : بصراحه لاااا ريناد شدت على إيدينها : ما طلبت رايك راكان يناظرها من فوق لـ تحت : وش لابسه إنتي ؟! ريناد تناظر لبسها : وش فيه لبسي ؟! راكان : عاجبك !! ريناد : إيه راكان : اقول روحي غيريه ريناد تخصرت : نعععم وش قلت ..؟! راكان أسند أيدينه ع الباب : أقولك غيريه ... طالعي وش لابسه ؟! ريناد : وش لابسه بعد .. تي شيرت وجينز راكان : إنتي وين قاعده بالله ..؟! ريناد : وانت مين عشان تسألني لا يكوون أبوي وأنا مدري راكان : لا والله أخوك ريناد : وخير يا طير راكان : الظاهر إن أمي مدلعتك بزياده ريناد بدلع : مووت قهرر يالبزرر راكان منقهر منها ومن تصرفاتها : والله ماحد غيرك بزر ريناد رفعت حاجب : وش قلت ؟! راكان باستهزاء : على لبسك ومصخرتك أكيد بزر ريناد عصبت : اطلع برره راكان بعناد : مابي ريناد وصلت عندها : اذا ما طلعت بكرامتك أنا بطلعك بنفسي راكان بتحدي : وريني شطارتك يالبزر ريناد من بين أسنانها : أوررريك وتوها بتنقظ عليه إلا يجي رائد وينقذ الموقف .. رائد : وش فيه صوتكم واصل للشارع ؟؟ راكان : أسأل أختك ؟! رائد ناظرها : وش فيك ؟؟ ريناد : أنا مافيني شي ... أسأل أخوك الدووب اللي متسبب راكان : أنا ..! ريناد باستهزاء : لا جدي رائد يسكتهم : وش فيكم ليه الخناق على هـ الليل ريناد : والله مدري عن أخوك اللي مو عاجبه لا لبسي ولا حركاتي راكان : بالله رائد ..؟! شوف وش لابسه رائد ناظرها من فوق لـ تحت ... وكان لبسها فاضح تي شيرت لنص البطن وكات .. شورت واصل لـ فوق الركبه بشوي. رائد : وش هـ اللبس يا ريناد ؟! إنتي وين قاعده ؟؟ ريناد رفعت حاجبها : والله عاد أنا كنت قاعده في غرفتي والبس أي شي يريحني والمفروض يا الاخوان ما تدخلون غرفة أختكم صح ولا لا .... يعني فرضا فرضا كنت ألبس بتقولون وش قاعدة تسوين ؟! رائد وراكان طاح وجهم .. ريناد : واللحين تفضلوا برآ راكان : طالعين بكرامتنا ... وبعدين حتى لو قاعده في غرفتك اقفلي على نفسك الباب فاهمة ريناد بصوت عالي : والله من الذوق تطق الباب قبل ما تدخل أي غرفة سواء كانت غرفتي ولا غرفة ثانيه راكان : على الاقل انا احسن منك عندي عقل وأعرف الادب والاحترام مو زي بعض الناس تسوي حراكات هلاقه ريناد عصبت : رائد أخذ أخووك هـ النتفه ... ترى ورربي لا أذبحه اللحين راكان بسخريه : وريني شطاترك ريناد توها بتعطيه كف ... الا رائد يمسك يدها : ريناد اهدي ريناد : ما تشوف أخوك كيف يتحداني ؟! رائد ابتسم بحنان : معليه يا قلبي ... هو ما يقصد راكان : لا أقصد ريناد تحاول تسحب يدها : إتركني عليه راكان يضحك : هههههههه ما تقدرين ريناد سحبت يدها وتوها بتضربه .. رائد صرخ : رينااااااد خلاص ريناد وقفت .. أول مره تشوف رائد يصرخ كذا رائد بعصبيه : ما تستحون على وجهكم ... أنا واقف قدامكم ولا كأني موجود مافي احترااام ريناد عيونها بالارض ومو عارفة تقول شي . راكان مستغرب من ردة فعله وقام يناظره . رائد يكمل وهو يناظر ريناد : تحطين عقلك بعقل أصغر منك يالعاقل ... وناظر راكان ... وانت اللي تسوي نفسك فاهم ما تحترم اختك الكبيره وتتلكم معها بهدوء راكان ناظر ريناد يبيها يتكلم .. رائد : ما اسمع شي ؟! ريناد وعيونها بالارض : آسفه رائد هدأ : عديها مره ثانيه ! ... وطلع ريناد بسرعه رفعت راسها وناظرت راكان : كله بسببك إنت راكان : وانا أي شي غلط تحطونه فيني ! ريناد : إيه انت اللي دايم تسبب !؟ راكان مشى وتركها : فكينااا زين ريناد ناظرته نظره أخيره وسكرت الباب بقوه ... وغيرت لبسها ونامت .................................................. ............... نرجع للبنات ,, نـدى :ما تبينه !! حلا جلست ع الكنبه : لا طبعا نـدى : طيب ليه !؟ حلا : أصلا أنا رافضة فكرة الزواج في هـ السن ... وبعدين أنا أدرس هنا يعني لو تزوجت ما راح أشوفكم نـدى ابتسمت : وهذا اللي مضايقك ومخليك تبكين ! حلا ناظرتها : يعني ما يستاهل ؟! لينـا : طبعا ما يستاهل ... المفروض تفرحين إن في أحد بيشاركك في حياتك وبيكون لك بيت ومسؤلية حلا : وهذا اللي مابيه ... مابي أحد يتحكم في تصرفاتي وعاداتي ومابي أكون مسؤلة عن بيت وزوج مابي نـدى : هذي سنة الحياه حلا ناظرتها : واذا قلت اني ما احبه ..؟! لينـا بمرح : مو مشكلة بكره تحبينه حلا ناظرتها بهدوء .. نـدى : وانتي لا يكون تبين تعشين قصة حب قبل الزواج ؟! حلا : أظنه من حقي ! نـدى : الحب قبل الزواج مو شي ضروري ... وبعدين إنتي تعرفي عليه قبل يمكن يعجبك حلا : ما ادري مو مقتنعه نـدى : على فكره اذا ما تبينه عطيني اياه حلا رفعت حاجب : نعم ! نـدى : ههههههههههههه بلشت الغيره تشتغل حلا : خليني أشوفه أول لينـا : إلا أنتي بتشوفينه ؟! حلا : على قولة أمي هو اللي طالب يشوفني نـدى غمزت : يا حررركات حلا ابتسمت .. لينـا : أحسن عشان انتي بعد تشوفينه وتتعرفين عليه حلا : أصلا أنا ما ودي بس أمي أجبرتني لينـا : هو المفروض لازم تشوفون بعض نـدى تبي تنرفزها : تخيلي حلا إنك ما تعجبينه ؟! حلا بغرور : يحصل له وحده مثلي نـدى ابتسمت : يا عيني لينـا : بس لازم تحطين هـ الشي في بالك إن ممكن ما تعجبينه أو انه ما يرتاح لك حلا : تكفوون انا اللي ميته عليه نـدى : هههههههه أخاف تنصدمين حلا بقهر : والله لا أخليه يفك فمه لينـا : ههههههههه لا توك تقولين ما تبينه حلا : بعد تبونه يرفضني !؟ نـدى : نقولك مثلاا حلا : والله لا أوريه مين حلا لينـا : ههههههه اللحين طلعت حلا الحقيقيه حلا : ههههههههههه يعني أنا لي وجهين نـدى : وثلاث وجيه بعد لينـا من الفرحه نست الالم : هههههههههههههه نـدى بحنان : خفيتي اللحين ؟! لينـا رجع لها الالم من جاب طاريه : لا تذكريني نـدى : معليه حياتي تحملي شوي ... بعد ما يصحون البنات بناخذك ع المستشفى حلا : بس أخاف يسألونك كيف طحتي ؟! لينـا : طيب عادي .. بقولهم طحت في الحمام نـدى ناظرت حلا : يعني تبينها تقول اني انا اللي طيحتها ؟! حلا بسرعه : لاااا لااا تفهميني غلط ... بس لما تقولهم بالتفصيل بيمسكونك نـدى بخوف : وليه !! حلا : اقول مثلا يعني لو صار لها شي لا سمح الله وتأذت وقالت لهم انك انتي في السالفه اكيد بياخذونك لينـا : شدعوه تبيني أضر ندووش أصلا أنا اللي ما مسكت نفسي نـدى : حاولت بس تمسكني لينـا : احم شفتي التضحيه ؟! نـدى ابتسمت : وأحلى تضحيه لينـا : هههههههههه كل وحده فيهم ابتسمت للثانيه ... وكل وحده نستها وش تحس فيه ؟! حلا وموضوع زواجها ..؟! ولينـا وألم ظهرها ..؟! وطبعا نـدى ..............!؟ ما راح أخرب عليكم .. بتعرفون الاحداث في الجزء السادس ^_* أرق تحيه ~ |
|
#13
07-23-2011, 12:30 AM
| ||
| | ||
| وهذا البارت السادس ان شاء الله تعجبكم الاحداث الجزء السادس : يوم الثلاثاء .. الساعة 6 ونص الصباح رن المنبه اللي في جوالها .. بس ما حست عليه روان أزعجها صوت المنبه وحطت راسها تحت المخده : طفووه فرح : .................. <<<< لا حياه لمن تنادي روان بصراخ : فرررررررررح فرح فتحت عيونها ورجعت غمضتهم .. مو حاسه بالدنيا روان ما ستحملت صوت المنبه وقامت طفته : فرررح فرح فتحت عيونها بشويش : نعم روان : أخيرااا فرح كشرت : نعم وش تبين ؟! روان : بدامك ما تجلسين على صوت المنبه ... ليه تحطينه ؟! فرح قامت وأسندت ظهرها ع المخده ومدت ايدينها لـ فوق : صباح الخير روان صباح النور .. صح النوم فرح تتثاوب : وش فيك معصبه ؟! روان بقهر : هذي اللي بتجنني فرح بابتسامه : ليه !! روان شدت على ايدينها من القهر : أحر ما عندي أبرد ما عندك فرح : وش فيك طيب ؟! روان بصراخ : مرره ثانيه لا تحطين المنبه ... طير النووم من عيوني وبسرعه دخلت الحمام .. فرح رفعت حاجب : وش فيها هذي ؟! <<< من جد نايمه ^_^ ........................................... في غرفة لينـا نـدى ,, حلا حاطه راسها ع المكتب ونايمه ... ونـدى نايمه ع الكرسي جنب لينـا ولينـا في السرير شكلهم غرقانين نووم . بس دخول روان بدفاشه خلتهم يصحون بروعه .. روان رفعت حاجبها : في شي غريب ؟! نـدى عصبت : ما تعرفين تدخلين بهدوء ... روعتيني يا دووبه روان ناظرت حلا : وش مجيبك هنا ؟! حلا بهدوء : مالك شغل روان رفعت حاجب : نعم ! حلا ابتسمت : صباح الخير اول روان عوجت فمها : صباح النور لينـا بتعب : روان ماعندك ذوق ولا ماعندك ؟! روان : شقصدك !؟ لينـا : ما تعرفين تدقين الباب قبل ما تدخلين ... ولا وشوو روان جلست ع الكنب وحطت رجل على رجل : طبعا اعرف ... بس انتوا عاتي نـدى تدخل الحمام : لا والله مو عاتي روان : الا حلا وش عندك هنا ؟! حلا : سالفه طويله ... الا كم الساعة ؟؟ روان تناظر ساعتها : 7 الا ربع حلا تروح لـ عند لينـا : يلا ليوون عطيني يدك روان باستغراب : وش هـ الدلال الزايد ؟! حلا : بدال ما تتمصخرين علينا تعالي ساعديني نشيل لينـا روان : ليه !! حلا : أمس طاحت بالحمام على ظهرها وبعدين ما قدرت توقف ولا تمشي روان شهقت : من جدك !! حلا : لا من كذبي روان بسرعه لـ عند لينـا : سلامتك يا بعد قلبي ... وش اللي يألمك ؟؟ لينـا ابتسمت ابتسامه صفرا : ولا شي يا حياتي لا تخافين علي روان : تيب كان صحيتووني كان عرفنا نتصرف حلا : لا ما حبينا نخوفكم ... بس انتي روحي خبري حمده بالموضوع نبي ناخذها ع المستشفى روان : اوكي ......... وبسرعه نزلت تحت نـدى طلعت من الحمام : وش رايكم ننادي الاسعاف عشان يشيلونها حلا : هذه أحسن طريقه لانها مو عارفة توقف اصلا لينـا دمعت عيونها : شكلي بصير عاجزه طول عمري نـدى بسرعه : بسم الله عليك ... الله لا يقوله حلا بحنان : ان شاء الله بتخفين وبتصيرين احسن لينـا لفت للجهة الثانية : انتوا تبون تواسوني عشان ما اتضايق على حالي ... وانا عارفه ان فيني كسر وبصير معاقه نـدى مسكت يد لينـا : لا تتخيلين اشياء مشئومه ... انتي بعدك شباب والعمر عندك طويل اذا الله بلغك لينـا مسحت دموعها : خايفه من بكره حلا : انسي بكره وفكري باليوم لينـا : يا ليت أقدر حلا ابتسمت : بتقدرين ان شاء الله .................................................. . في مكتب حمـدهـ ,,, حمده : ومتى صار هـ الكلام ؟! روان : أمس بـ الليل حمده وقفت : تعالي خلينا نشوف طلعت من مكتبها .. وصعدت فوق لـ غرفة لينـا ونـدى دخلت الغرفة شافت كل البنات متجمعين في الغرفة حمده : وش فيكم متجمعين هنا ؟! مي : جاين نشوف صاحبتنا حمده : شدعوه ما فيها الا العافيه نـدى : ان شاء الله ... بس نبي ناخذها ع المستشفى حمده : خير ان شاء الله حلا : سلامتك .... بس هي مو قادره توقف وحنا خايفن عليها فنبي ناخذها ع المستشفى حمده : ايه معليه ... بس بنتين تروح معها كل البنات : أنااا حمده ابتسمت : لا ما يصير .... بس بنتين تروح نـدى : أنا اللي بروح معها مي بسرعه : وأنا بعد حمده : خلاص اجل ... بس بنادي إيمان تروح معكم انتوا لحالكم لااا حلا ابتسمت : مشكوره حمده : هذا واجبي ... وابتمست في وجه لينـا ... سلامتك ان شاء الله خير لينـا بابتسامه صفرا : ان شاء الله وطلعت .. روان بسرعه : مي ماله داعي تروحين معهم .. خليني أنا أحسن مي تخصرت : يا سلااام وش معنى انتي يعني ؟! روان : لا بس احس اني انا افضل ... بليييز مي بعناد : لا روان : وانا ليش اخاذ رايك بروح يعني بروح فرح : فكوونا انتي وياها مو وقت خناق ... ما تشوفون حالة لينـا كيف !! روان بوزت : تيب حلا : ها ندق ع الاسعاف ولا تشيلونها إنتوا الهنوف : لا تدقون ... لان ما راح يدخلونكم كووكلم نـدى : أجل والحل ؟! الهنوف : في كرسي متحرك تحت حطوها فيه ومشوها لينـا لفت وجها للجهه الثانيه : دقوا ع الاسعاف أحسن نـدى ناظرتها بحزن : براحتك لينـا بسرعه : إيه أهم شي راحتي ريمـه كانت موجوده معهم : بس مو الصح إن أهلك يعرفون ؟! لينـا بسرعه التفت : لا أهلي لااا مي : ليه !! لينـا : بس أهلي لا ... أكيد بينزلوني للشرقيه لا مابي ريمـه : بس لازم يعرفون لينـا صرخت في وجها : قلت لااا ما تفهمين ريمـه خافت من ردتها .. فرح : خلاص لينـا ما يصير خاطرك الا طيب لينـا : اطلعوا برآ البنات : !!!!! لينـا بصراخ : ما تفهمون اطلعوا برآ نـدى : لينـا مالـ............ لينـا : انتي بالذات اطلعي مابي اشوفك نـدى علامات التعجب في وجها : !!!! حلا : لينـ........... لينـا : أقولكم اطلعوا مابي اشوفكم مي عصبت : ترى احنا مالنا ذنب تعصبين علينا وتطردينا ... هذا اللي ربي كاتب لك وبعدين انتي ما تعرفين وش فيك عشان تتضايقين كل هـ القد لينـا : انتي اصلا ما عندك احساس ... لو انتي في محلي كان حسيتي فيني وعلى قولتهم اللي ايده بالماي مو مثل اللي ايده بالنار مي : اللحين أنا ماعندي احساس ..؟! لينـا ناظرت الجهه الثاني : كل واحد عارف نفسه مي غرقت عيونها : الله يسامحك وطلعت بسرعه .. الهنوف تضايقت : لينـا ليه كذا ؟! فرح : ما يسوى عليك تزعلين وتزعلينا معاك لينـا : خلاص اطلعواا إيمان تدخل : وش هـ الصراخ ؟! حلا ابتسمت بإرتباك : لا ولاشي إيمان : طيب اللي بيجي مع لينـا يلبس عباته ولبسوها معكم الاسعاف جاي في الطريق نـدى بسرعه : تيب ثواني لبسوا لـينـا عباتها بصعوبه ... وفي ثواني جاء الاسعاف وخذوها ع المستشفى .................................................. . قاعد يتصفح المجله وباله مو معه .. مو من عادته يصحى هـ الوقت ولا عادته ينام بدري بس التفكير يطير النوم . نزلت أمه من الدرج بجلابيتها الناعمة حق طلعات الصبح ^_^ طلال قام وحب راسها : صباح الخير يا الغاليه أم طلال تجلس ع الكنب : صباح النور ... غريبه من وين الشمس طالعه ؟! طلال ابتسم : قلت اصحى بدري اونس امي شوي أم طلال : عيارتك تضحك علي ! طلال : ههههههههههه وأنا أقدر أضحك على أمي حبيبتي وكل دنيتي أم طلال تضربه بخفيف : يمه منك يا العيار طلال ابتسم : افااا ... أنا عيار ؟! أم طلال : عيار ونص ... على أبوك طالع موب سهل أبو طلال كان توه نازل ويوم سمع أسمه : وش فيه أبو طلال بعد ؟! أم طلال ابتسمت : والله مافيه الا الزين أبو طلال يتنحنح وهو يكلم طلال : شفت أمك وش حلاتها اليوم ... بس ما تقول هـ الكلام الا اذا تبغى شي ... وناظرها ... آمري وش تبين أم طلال : الله يسامحك بس .. يعني ما ادلعك الا اذا بغيت شي أبو طلال : والله كلووكم يالحريم كذا ... ينخاف منكم أم طلال : لا يا عيوني انتوا اللي ينخاف منكم ... احنا مساكين على نياتنا وانتوا يا غافلينكم الله أبو طلال يضيع السالفه لان عارف اذا بيرد عليها ما راح يخلصون : اقول يا مره .. الفطور أم طلال : إيه ضيع السالفه تبي تفتك من حنتي أبو طلال : افاا يالغاليه أنا ابي افتك منك ومن حنتك ... اصلا مو محليتك غير حنتك بس الله يعافيك الفطور وراي دواام أم طلال تكلم طلال وهي واقفه : اقولك طالع على ابوك عيار مايحب الا نفسه أبو طلال : لااا حول ... ترى اقوم أم طلال : لا لااا خلاص اللحين الفطور يكون جاهز وبعد ما راحت .. أبو طلال : ايه اللحين انتي ام طلال ... والله انتوا يالحريم ما تصلح لكم الا العين الحمرا طلال ابتسم على كلام ابوه وهو يناظر الفراغ . أبو طلال لاحظ سكوته ماهو من عادته : طلال طلال انتبه : هلا أبو طلال : خير يابوك فيك شي ؟! طلال ابتسم : لا سلامتك يا الغالي أبو طلال : أبد مانت بطبيعي اليوم قاعد بدري وساكت مو من عادتك طلال : مشغول مع معاذ ... وأنا اللحين انتظر رده أبو طلال : في ايش ؟! طلال ابتسم : كل شي بوقته حلوو أبو طلال : عسى بس شي زين طلال : وانا اسوي غير الزين ... طبعا زين وبيعجبك أبو طلال : الله يوفقك طلال : آمين ان شاء الله أم طلال من بعيد : يلا الفطور جاهز أبو طلال يوقف : يلا جايين جلسوا يفطرون ... وابو طلال وام طلال قاعدين يسولفون وطلال يسولف معهم مره ويسكت مره كل تفكيره باللي قاله له معاذ .. هو وده بس متردد ... يعني بيحس نفسه غلط بس تشجيع معاذ وربعه له تحمس بالشغله . .................................................. .......... في المستشفى .. الدكتور طلع من الغرفة من هنا .. ونـدى وروان بسرعه لـ عنده نـدى بسرعه : طمنا دكتور الدكتور هز راسه : للاسف كسر في العمود الفقري روان شهقت .. ونـدى مو مستوعبه وش قال : هااا إيمان : طيب دكتور هي كيف حالها ؟! د : هي كويسه بس انا لسى ما قلت لها .. حاولوا تفهموها وضعها روان : يعني ماراح تتعافى د : في حل واحد بس ؟! نـدى وروان بسرعه : وش هو ؟! د : تعمل عمليه بس العمليه ................ روان قاطعته بسرعه : مستعدين ندفع كل التكاليف نـدى : واذا العمليه ما تعمل الا برى راح نسفرها الدكتور ابتسم : المشكله مو في التكاليف ... المشكله من العمليه نفسها نـدى بخوف : شقصدك دكتور ؟! د بأسف : نسبة نجاحها ضعيفه جدا واذا ما نجحت راح يسبب لها شلل طول عمرها روان : شلل !! إيمان : لا حول ولا قوة الا بالله نـدى : مافي خيار ثاني ؟! د : للاسف هذا هو الحل روان : طيب يعني لو سوينها برى ممكن تنجح !؟ د : حتى لو كان برى ... راح يقولون لكم نفس الكلام إيمان : مشكور دكتور تعبناك معنا د : هذا واجبي ... عن اذنكم نـدى غرقت عيونها : يا عمري يا لينـا روان دمعت عيونها : الله يساعدك إيمان تهديهم : وش فيكم يا بنات ان شاء الله لينـا بترجع مثل اول واحسن ... والعمليه ان شاء الله بتنجح نـدى : يعني ناويين تسون العمليه ؟! إيمان : اذا وافقت ليش لا احنا ماراح نخليها كذا ونقول لها بتتعافين .. احنا لازم نساعدها وهي لازم تصبر وتشد حيلها وتحمد ربها مهما كانت النتايج ... واهلها لازم يعرفون بالموضوع وراحت تتصل ع المبنى تخبر حمده عشان تتصل بـ ولي أمرها . نـدى تلوم نفسها: أنا السبب !! روان تمسح دموعها : لا يا نـدى هذا ربي اللي كاتبه لها ماحد المتسبب في المكتوب نـدى تبكي : بس أنا اللي طحت عليها أنا اللي مامسكت نفسي روان تبكي معها : انتي مالك ذنب نـدى : ماراح اسامح نفسي لو صار لها شي .... أكيد هي اللحين مو مسامحتني روان : نـدى لا تقولين هـ الكلام ... انتي مالك دخل لو ربي كاتب لها تمشي تشمي انتي مالك سبب ! نـدى : ادخلي انتي وخبريها .. انا مالي عين اناظرها روان : نـدى انتـ ............ نـدى قطعت كلامها : قولي لها روان روان تنهدت ودخلت داخل وهي ماهي عارفه كيف بتقول لها . .............................................. في السكن عند البنات .. حلا جالسه ع الكرسي وقاعدة على اعصابها .. وفرح تروح وتجي ينتظرون يتصلون رن جوال الهنوف .. وبسرعه شالته الهنوف بفرح : اتصلوا كل البنات تجمعوا عليها .. وقالوا لها تحط سبيكر الهنوف : هلا نـدى ... وش قالوا ؟! نـدى وصوت بكيها واضح : كسر في العمود الفـ...بلعت ريقها... الفقري البنات شهقوا .. حلا : قولي انك تمزحين ؟! نـدى : في احد يمزح بـ هالاشياء مي : تيب هي كيف حالها ؟! درت بالموضوع ندى : روان داخل عندها تقول لها الهنوف دمعت عيونها : يابعد قلبي ... اكيد زعلانه ريمـه تدخلت : بس ما قالوا لكم ان في عمليه او علاج ؟! ندى بصوت مخنوق : الا فيه ريمـه فرحت : تيب كويس ندى : بس نسبة نجاحها ضعيف ويمكن اذا ما نجحت حلا شدت على يدها : كملي ندى بكت : يجيها شلل فرح حطت يدها على فمها : لاااا حلا بحزن : يعني مافي امل ندى بصوت مخنوق : ان شاء الله فيه ريمـه تضايقت : الله يساعدها ندى : آمين ... يلا مع السلامه الهنوف بسرعه : اذا قلتوا لها طمنوني .. اوكي ندى : اوكي باي الهنوف : باي يوم سكرت .. البنات جاتهم حالة اكتئاب وطول الوقت ساكتين وقلبهم متقطع على لينـا. .................................................. . السـاعة 11 الظهـر .. في الشرقيـه قاعد يناظر التلفزيون ولا كأنه يناظره .. لان باله في شي ثاني جات اخته من وراه وغمضت عيونه . زياد تأفف : عارف انك انتي .. ابعدي يدك أمل ابتسمت بس مابعدت يدها .. جات اختها لبنى اللي عمرها 6 سنوات وقعدت جنب اخوها لبنى ببرائه : تيب مين انا ؟! زياد ابتسم : لبنى ... بس اللي وراي أمل أمل ابعدت يدها : ووجع كيف عرفت يا الدووب زياد : عارف حركاتك أمل قعدت قباله : مادريت زياد : وش هو ؟! أمل : ردوا على أمي زياد فهم قصدها بس حب يستهبل : مين !! أمل : تستهبل مع وجهك زياد : اقولك مين ! أمل : يعني مين بالله خطيبتك زياد بهدوء : يعني أمل :يعني وافقت .. اجل بترفضك اصلا ماراح تلقى واحد مثلك زياد ابتسم : زين اعترفتي ان مافي احد مثلي أمل : اقول لا تصدق بس اجاملك شوي زياد : ما يحتاج تجاملين .. واثق من نفسي أمل : ياربي ع الثقة .. لا تصدق حالك بقوه يمكن ما تعجبها زياد رفع حاجبه : قولي هي ما تعجبني أمل بحماس : لا ترى هي حلوه .. بيضه وشعرها بني وناعم اقول اسم على مسمى ازياد مو مهتم : اهاا أمل : بس انها هاديه ومغروره مررره مو شايفه حد زياد تحمس بس ماحب يبين : مغروره ؟! أمل : ايه مره زياد : وش دراك ؟! أمل : صديقتي بنت عمتها معها في السكن وكل الاخبار تجيني زياد : اهاا أمل : بس احسكم مع بعض غلط زياد رفع حاجبه : ليه .. مو عاجبينك ولا مو عاجبينك ؟! أمل : هههههههههه لااا بس انت وهي مغرورين ومو شايفين اللي جنبكم هذا غير انكم هادين يعني اتوقع بيجيكم ولد سايلنت ههههههههههه زياد : ها ها ها بايخه ما تضحك أمل : سخيف مره وهي اسخف على فكره زياد طنشها .. أمل : أناني وماتحب الا نفسك زياد ولا كأنه يسمعها أمل انقهرت : يمه منك تعرف تقهر زياد يلعب بجواله .. وهو مبسووط على قهرها أمل حبت تقهره وكلمت لبنى اللي تلعب بعروستها : لبنى قلبوو لبنى رفعت عيونها : نعم أمل : تدرين ان في واحد جنبي مليق مره وثقيل دم واللي بياخذها أثقل وأثقل زياد يكمل بهدوء : وتدرين ان في وحده تبي تقهرني بس مو عارفه كيف أمل شدت على يدها : وتدرين ان هذا شايف نفسه بس مدري على وشو زياد : وتدرين ان هذا أسم أمل قامت : وتدرين ان اخوك اكرهه زياد ابتسم : تدرين ان الشعور متبادل أمل بقهر : يمه منك تقهررر زياد ناظرها : مره ثانيه لا تحاولين على شي مانتي بقده أمل : ان شاء الله تجيك وحده تكسر خشمك يارب زياد : وان شاء الله يجيك واحد يقص لسانك ويعلمك الادب أمل من بين اسنانها : زياااادوه اسكت احسن لك زياد ابتسم : قبل ما تسكتين اول أمل استسلمت : اصعد فوق احسن لي زياد ابتسم من داخله ( ماتعرفين كيف تستفزين ) .. لبنى اللي مو فاهمه ولا شي : زياد زياد خذها في حظنه : عيونه لبنى ببرائه : انت بتتزوج ؟! زياد ابتسم : ايه وبجيب وحده حلوه تلعبك وتسولف معك لبنى بفرح : وش اسمها ؟! زياد : حلا لبنى : الله اسمه حلوو زياد : انتى احلى يا قلب زياد لبنى سكتت فتره وبعدين اسألته سؤال ما يخطر على باله .. وهي بدون تفكير قالته لبنى : زياد زياد : نعم يا عيونه لبنى ببرائه : انت تحبها ...؟!! انتهى الجزء .. وش هي توقعاتكم للجزء الجاي ! زياد وش راح يرد على لبنى ؟؟ ولينـا وش هو ردة فعلها لما تدري ؟! وطلال وموضوع معاذ ..؟! وفارس بينسى مروه ؟! ويبدأ حياه جديد وباقي بطلاتنا ,,, بتعرفون الاحداث في الجزء السابع آتمنى يعجبكم البارت |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| @البتراء المرشحة رسميا "لعجائب الدنيا الجديدة""""""" | МŘ. ali afandi | غرائب و عجائب | 39 | 10-11-2015 04:06 PM |
| طفل يولد واسمه مكتوب على خده "صوره" لاتخرج بدون كتابة """سبحان الله""" | darҚ MooЙ | موسوعة الصور | 132 | 12-15-2011 09:33 PM |
| ""لعشاق الساحره"""""""اروع اهداف القدم 92-2005""""""ارجوا التثبيت""""""" | mody2trade | أرشيف المواضيع الغير مكتمله او المكرره او المنقوله و المخالفه | 2 | 05-14-2008 02:37 PM |
العرض العادي
