|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
06-24-2011, 03:33 AM
| ||
| | ||
| روايه "ورود من نوع اخر"(رواية سعواديه) بسم الله ... احم احم <<<< حشى محاضرة  الاسم : " ورود من نوع آخر " النوع : سعودية // جريئة // رومانسية // صرقعة  الجـو بـارد ,, المطر يسقط بغزارة ,, الأشجـار تتحرك من شدة الهـواء ,, النـاس يركضون إلى بيوتهم للاختباء عن المطـر حتى لا يتبللوا ,, وأنـاس أمـام نـار الموقد بحثا عن الدفء .. لكن هناك ورود ظلت تحت المطر تبحث عن مكـان دافئ ... فهي من نوع خـاص صعب نزعها من مكانها تحمل جميع مشاعر الحب والوفـاء في زمن لا يعرف سـوى الحقد والخيـانة ... لا أريـد إطالة حديثي عنها فـ مع أحداثها ستعرفون عنها الكثـير .. " ورود من نـوع آخـر " .. ( بنـات في السكن الجامعي ) . .................................................. ....................................... الجـزء الأول : دخلت الغرفة وهي تدور عليها : لينـا لينـااا بس الغرفة كانت فاضيه ما فيها أحـد .. نـدى باستغراب ( وينها اختفت ) طلعت من الغرفة مثل ما دخلتها . نزلت تحت في الكافتريا .. وشافت روان جالسة تتلفت يمين وشمال وكأنها خايفة من شي جاتها من وراها : روااااان روان فزت من الخوف : يمـه نـدى ضحكت على شكلها : هههههههههههههههههه روان عصبت : وتضحكين مع وجهك نـدى جلست مقابلها : ههههههههه وش فيك انرعبتي ! ... ما كنت قاصدة أخوفك روان ارتبكت : ولا شي نـدى بـ شك : روان فيك شي ؟! روان ابتسمت : لا ما فيني شي نـدى : بس شكلك يقول غير كذا روان : ما عليك من شكلي نـدى : بس تصـ ............. جات فرح وانقذت الموقف .. روان أحمدت ربها : فروحه شوفي نـدى وش تبغى انا رايحة أشوف البنات نـدى : لحظـ ......... ما عطتها مجال تكمل ... لأنها مشت عنها فرح تجلس : نـدى وش فيك .. ؟! نـدى عصبت : أنا ولا انتوا فرح تناظرها مستغربه ( حنا وش فينا ) نـدى : لا تناظريني كذا فرح : اللحين ليه معصبة ؟! صاير شي ! نـدى : لينـا مختفـية و روان مدري وش سالفتها فرح : كيف يعني لينـا مختفيه ؟؟ نـدى : يعني انتي ما تدرين وين ؟! فرح : لا طبعا انا ما شفتها غير الصباح ... حسبت انها معك نـدى خافت : اجل وين بتكون ؟؟ فرح : يمكن في الغرفة نـدى : توني هناك ماشفتها فرح قامت : اجل خلينا ندور عليها نـدى : امشي يلااا بحثوا عنها في الكفتريا وما لقوها .. نـدى : وين بتكون طيب ؟؟ فرح بتفكير : خلينا نطلع برى نـدى : اخاف يمسكونا فرح تمسك يدها : ما عليك امشي طلعوا برى بحذر ... ونـدى راحت في مكان وفرح في مكان بس النتيجه وحـده !؟!؟!؟!؟!؟ نـدى سمعت صوت قريب منها وكان الصوت عالي شوي ... حاولت تميز الصوت بس ماقدرت لأن صوت البنات من داخل صاير مره إزعاج .. قربت ندى من مصدر الصوت بس ما شافت احد .. خافت انها تتوهم بس هي متأكده انها سمعت صوت بنت ناعم ومو غريب عليها .. جاتها فرح : هااا نـدى لقيتها ؟؟ نـدى : لا ما لقيتها فرح باسغراب : ولا أنـا نـدى : غريبة ! فرح : وش الغريب ؟؟ نـدى : توني من شوي سامعة صوت بنت يوم رحت للصوت ما شفت احد فرح ما اهتمت : يمكن تتوهمين ... تصير أحيانا نـدى باستغراب : يمكن فرح : خلينا ندخل ندور عليها في الغرف نـدى : يلااا .................................................. ........ عند البنات كانوا كلهم مجتمعين في غرفة نـدى ولينـا ... يفكرون بالمصيبة اللي جاتهم نـدى والجوال بيدها : يا ربي ما ترد فرح : اتصلي مره ثانيه نـدى وهي تحاول : بليييز لينـا ردي حلا : وين بتكون راحت ؟؟ الهنوف : قلبنا السكن فوق تحت وما شفناها مي : اجل اكيد برى السكن نـدى ناظرتها : شقصدك ؟! مي خافت من نظراتها : اقصد بدامها مو هنا اكيد برى حلا : كلام مي صح اكيد هربت من السكن لأن مستحيل راح يخلونها تطلع نـدى : ايه بس لينـا مو من هـ الحركات حلا بسخريه : وش يضمن يعني ! نـدى عصبت : حلا احترمي نفسك حلا تنرفزت : وانا وش قلت طيب نـدى : معنى أسلوبك يأكد انها مسويه شي غلط حلا : شي أكيـد نـدى خلاص اشتعلت : حـلاااا فرح : ندووش اهدي شوي ... حلا ما تقصد نـدى جلست ع السرير : لو كلام مي صح وطلع ان لينـا برى السكن راح تروح في داهيه روان : الغايب معه عذره كل أنظار البنات توجهت عليها .. روان خافت من نظراتهم : ليه تناظروني كذا ؟؟ نـدى بشك : روان انتي عارفة لينـا وين ؟! روان ارتبكت : لا وش عرفني نـدى وقفت : روااان احكي الصدق لينـا دخلت عليهم : لا تحكين فرح : لينـا انتي وينك ؟! قلبنا السكن كله وين اختفيتي لينـا ترمي عباتها ع السرير : وليه تتعبون نفسكم ... أنا ماكنت بالسكن نـدى : وين كنتي طيب ؟! لينـا تفتح ربطة شعرها : مالك خص نـدى تخصرت : نعـم ..!! لينـا ناظرتها : وين ماكنت ماحد له خص فيني حلا بسخريه : حلوو والله الهنوف انقهرت : بعد ما قلبنا السكن وخفنا عليك هذا الشي ما يخصنا ... اجل يخص مين !! لينـا : يخصني أنـا فرح : طيب من حقنا نعرف وين كنتي ؟! لينـا ابتسمت : لا مو من حقكم حلا : يا بنات ليه تتعبون أنفسكم خلاص هي تقول ما كانت هنا ... الله واعلم وين كانت .. وناظرتها بإستخفاف لينـا حبت تنرفزها : كل من يرى الناس بعين طبعه حلا انقهرت بس طنشتها .. مي : لينـا احنا ما قلنا شي ... احنا بس كنا قلقانين عليك وحابين نعرف وين كنتي لينـا رمت نفسها ع السرير : سوري اذا خليتكم تقلقون علي ... بس برضوا ما راح اقولكم وين كنت نـدى مستغربة من تصرفاتها هـ اليومين : بـرآإحتك .. بس آخرتها بعرف لينـا ما اهتمت : أنتظـر روان : اوكـ اجل أنا أستأذن فرح : روان روان قبل ما تطلع : هـلا فرح : ترى ان عرفت انك تدرين وين لينـا ... وخليتنا نقعد على اعصابنا روان تناظر أظافرها : طيب فرح : فـ هذه حركـة سخيفة روان : ههههههههههههههه فرح رفعت حاجبها : مافي شي يضحك روان : ايه اعرف وين ... وأنا أمرتها تروح نـدى : بدامك انتي اللي قلتي لها ... ليه خليتنا نكسر جوالها ونقلب المكان فوق تحت روان : عشان ما تمسكون فيني ... وانا ما ابي احد يعرف نـدى : تدرون كيف ..! روان : إيـش ..!؟ نـدى : انك انتي ولينـا سخيفين .. وما عندكم سالفة حلا : ولو اشتكينا عليكم راح يطردونكم روان ناظرتها بـ حده : سويها لو تقدرين حلا بنفس النظرات : لا تتحديني فرح : خلااص لا تبدونها خناق ... هذي هربت هذي عملت بالعنـا لينـا : وما حد له خص في الثاني نـدى : انتوا بتصرفاتكم هذي تخلونا أغراب حلا بسخريه : ليه احنا نقرب لـ بعض أصلا نـدى : صحيح ما يربط بينا لا قرابة ولا دم بس برضوا حنا صديقات من عمر ليه تتصرفون كذا لينـا : لأنكم انتوا تنرفزون نـدى ناظرتها : اللحين صرنا ننرفز .. ؟ لينـا : أنا مالي خلق جدال ... خلاص خلوا الواحد في حاله مهما عمل نـدى ناظرت كل البنات : تبون كذا ؟! البنات يناظرون بعض : .......................... نـدى : جـاوبوني البنات بتردد : إيـــه نـدى ابتسمت بسخريه على غبائهم : اوكـ من اليوم ورايح ماحد له شغل في الثاني ان شاء الله لو يموت لينـا : هذا أحسن حل نـدى : أنا مدري وش تبين من هـ الحل لينـا : عشان ما تصير مشاكل نـدى تصفق بسخريه : صح مشاء الله عليك .... عين العقل والله لينـا تنرفزت : نـدى روحي عني خلااااص نـدى مافي جدوى معها : اوكـ يا بنات انا نازله الكافتريا سي يوو وطلعـت .... فرح : هذا اللي تبونه حلا : المفروض نسوي كذا من زمان روان تضايقت : انا رايحه الغرفة الهنوف : وانا بعد مي : جاية معك حلا تنهدت : أجل أنا نازله وبعد ما طلعوا ... لينـا : وش عندك انتي الثانيه ؟! فرح : انتي السبب انتي لينـا : وانا وش ذنبي .. ! فرح : لا تنكرين ... كذا انتي بتفرقينا لينـا : اللحين صار الغلط علي فرح : ايه انتي الغلطانة لينـا تنرفزت : فرح تفضلي من غير مطرود فرح : لا تخافين انا طالعة بـكرامتي ... عطتها نظرة وطلعت لينـا تنهدت و في نفسها ( أدري انكم مقهورين بس ما بيدي شي) .. .................................................. ........................ في مكـآإن ثـاني برى السكن وبرى السعودية .. الساعة 11 الليل بـ توقيت بريطانيا .. فـارس يطَّلع ع المجلة وبيده الكوفي <<< الساعة 11 وكوفي ( متفرغ ) سكر المجلة بطفش ... وأسند راسه ع الكرسي الهزاز ( اليوم أخر يوم له في بريطانيا .. مشتاق لـ أهله ولـ ربعه ولـ خطيبته ( مـروهـ ) .... من زمان عنها .. كانت كل يوم تتصل عليه بس صار لها فتره ما اتصلت .. كان راح يقولها انه بيجي بس خلاها مفاجئه لها ... أكيد بتفرح بـ شوفته من بعد أربع سنوات غايب عنها ) ( بعدين تعرفون من هذي مـروه ..؟! وليه فارس متعلق فيها لهدرجـة ) .................................................. .......................... نـرجع للبنات في السكـن ,, الجو كان متوتر في الكافتيريا ... بين نـدى وحـلا وفـرح )) فرح : نـدى آسفـة نـدى : وعلى إيـش ..! فرح : على تصرف لينـا من شوي نـدى تبي تنفذ رغبتهم : عادي ما يهمني اللحين فرح : بس يا نـدى ................ نـدى قاطعتها : خلاص انسي اللي صار فرح : وكيف تبيني آنسى ... ما شفتي لينـا وش قالت نـدى : خليها برآإحتـها اذا تبي كذا خليها فرح : بس أنا ما أبي .. أنا ماجيت السكن إلا عشانكم نقوم نفترق وش هذا نـدى : خليهم كم يوم ... بعدين يرجعون انتي عارفتهم قول بس حلا : بس شكل لينـا مصره نـدى : اللحين ليه تفكرون بالموضوع انسوا السالفة سكتوا فتـره ..... حلا بهدوء : تتوقعين وين كانت ؟؟ نـدى بنفس الهدوء : آخرتهـا بعرف حلا تنهدت : اوكـ اجل انا رايحة أنام ... ووقفت فرح : تو النـاس ... ما راح تتعشين ..! حلا : لا مالي نفس نـدى : واذا سألت عنك نجـاة حلا بتأفف على طاريها : تكفوون مالي خلقها نـدى : برآإحتـك حلا : أوكي تصبحون على خير نـدى وفرح : وانتي من أهله فرح بقهر : نفسي اعرف وين كانت ..؟! نـدى بهدوء : كل شيء بوقته حلو فرح : والمشكلة إن رويين هي اللي خلتها تروح نـدى : اللحين انتي ليه معصبة .. مثل ماهم مو مهتمين طنشيهم فرح : بس مو قادره اشوف في عيونهم البرود وانا من داخل أشتعل نـدى ابتسمت : اذا ما خليتهم يولعون نار ما اكون ندووش فرح : يا ليت والله نـدى : متى العشـاء .. ؟! فرح تناظر ساعتها : أتوقع انه بعد ساعتين نـدى : أوه ماي قوود فرح : ليـش !! نـدى تحط يدها على بطنها : عصافير بطني تزقزق من الجوع فرح : هههههههههههه تبين أباشر عليك نـدى : لاااا لاااا تكفين .. إنتي وحده نذله تذلين الواحد على نص ريـال فرح ابتسمت : حراااام عليك ... والله اني مو كذا نـدى تناظر الزحمة اللي عند الباب : كذا ولا كذا .... تعالي نشوف وش صاير هناك ؟؟ فرح باستغراب : ليه وش صاير ..!؟ نـدى تهز كتوفها : علمي علمك عند الباب .. : كم عمرك ؟؟ : وش أسمك ؟! : وليه توك تجين ! : ومن وين إنتي ؟! أسئلة كثيرة تتوجه للبنت اللي قاعدة ع الباب ومن كثرها مو عارفة تجاوب .. والبنات زحمة عليها مو معطينها مجال تتكلم . نـدى تدخل من بين البنات : خير يا بنات وش صاير ؟! وباستغراب : ومن هذي البنت ..!؟ البنت توها بتتكلم : أنـ........ وحده من البنات قاطعتها : هذي طالبة جديده بالسكن نـدى رفعت حاجبها : في نص السنـه !! البنت ابتسمت : أدر....... قاطعتها وحده من البنات : غريبة صح .... بس الظاهر انها من سنة أولى نـدى ناظرتها : جد !! البنت : إيـ....... وحده من البنات : إيه مبيـ ....... قاطعتها فرح : خلي البنت تقول اللي عندها ... وبعدين ناظرتها ... ما عرفتينا ؟! البنت ابتسمت : معك ريمـه فرح : وأنا فـرح ريمـه : تشرفنا فرح : الشرف لي نـدى : انتي لك اول سنة بـ الجامعة ؟؟ ريمـه : ايوه .. وانا جيت اللحين بـ الواسطة نـدى : وليـه ؟! سوري اذا تدخلت ريمـه ابتسمت : لا عاادي ... بس حبيت اعتمد على نفسي هنا بـ السكن نـدى هزت راسها : اهااا جاتهم نجـاة وهي المساعدة للمسؤلة على السكن : خير يا بنات وش عندكم على هـ الزحمة ؟؟ أبعدتهم عنها بقرف : إبعدوا بس إبعدوا نجـاة يوم ناظرت البنت رفعت حاجبها : نعـم ؟! ريمـه ابتسمت بشاشة : أنا ريمـه الجاسر نجـاة فتحت عيونها : إنتي بنت مشعل الجاسر ريمـه : إيـه نجـاة ناظرتها باستخفاف : غريبة جاية ؟! ريمـه تضايقت من أسلوبها : ممكن أقابل المسؤلة نجـاة انقهرت من تطنيشها : إمشي وراي ... وأبعدت البنات ... إبعدوا عني أقرفتوني نـدى ناظرتها من فوق لـ تحت : والله ماحد مقرفني غيرك فرح : بنت الجاسر جاية ..! غريبـة !! نـدى مستغربة من ردة فعلهم : وطيب وإذا بنت الجاسر فرح : لا تقولين انك ما تعرفينه ..! نـدى : لا والله ما بعد أتشرف فرح : يا ماما أبوها ملياردير بطرااااان نـدى : جد !! يعني مشهور فرح : هههههههههه إنتي ما شفتي نجـاة كيف انصدمت نـدى : ههههههههههههه إيه لاحظتها طلعت عيونها فرح : بس أنا أبي أعرف وش مجيبها في السكن .. وهي تقدر تدخل في أي جامعة نـدى : مو هي قالت بتجي عشان تعتمد على نفسها فرح : لا ما أقنعني جوابها نـدى : ولا أنا فرح : أكيد في إن في الموضوع نـدى تسحبها : يا ملقووفه وش لك بأسرار الناس فرح : عشقي هذا نـدى : بس عيب فرح : فكينا بس .. وتعالي نخبرهم فوق نـدى : لا ماني جاية فرح : يلا ندووش لا تصيرين سخيفة نـدى : قلت لا يعني لا فرح : مليقـة نـدى ابتسمت : قولي اللي تقولينه فرح من طرف عينها : عنيـده نـدى : اللحين بتفكينا ولا كيف !! فرح خافت : لا رايحه نـدى : أنا تحت في الكافتريا أنتظرك فرح ما سمعتها .. وصعدت فوق نـدى جلست على أحد الطاولات وأغلبهم يتكلمون عن بنت الجاسر ... وهي فعلا مستغربة منهم ( طيب والجاسر ) <<<< الظاهر للحين ما عرفتي مين يعني الجاسر .. فــوق ,,, مي : حلفي برربك فرح : ورربي الهنوف : اللحين هي تحت ! فرح : دخلت عند المسؤلة مي : حلـوه ؟! الهنوف : أهم شي فرح : ههههههههههه لا مملوحـة مي تركت اللي بيدها : خلونا ننزل أبي أشوفها الهنوف : وين رايحه ... مو انتي قلتي ماني طابة تحت لين بكره مي : غيرت رايي الهنوف : وش اللي غيره مي : بنت الجاسر الهنوف : أجل بنزل معك مي : بسرعه الهنوف تمشط شعرها : ايه لحظـه مي بعصبية : بسررعة ماله داعي تسرحين شعرك الهنوف : بنت الجاسر تحت تبيني أطلع لها بخشتي فرح : هههههههههه ياذا بنت الجاسر الهنوف : خلصت يلا نمشي مي : يلا ونزلـوا تحت .. شافوا نـدى جالسة ع الطاولة لـ وحدها مي بسرعه : وينها وينها ..! نـدى باستغراب : مين !! مي : بنت الجاسر نـدى تتأفف : وش تبين فيها ؟! مي : أبي أتعرف عليها نـدى : وليه !! مي : وش هو ليه بعد ! نـدى : مايحتاج تتعرفين ... لا تقطين نفسك عليها مي رفعت حاجبها : لا والله نـدى : بكيفك .. وأنا وش دخلني فيك ..! مي : طيب وينها ؟! ريمـه وهي توها طالعة من الغرفة .. نـدى : شوفيها ... وهي تأشر عليها مي عدلت نفسها وعلى طول راحت لها . مي : آهليـن ريمـه ابتسمت : هلا مي : توك جاية صح !! ريمـه : أمـدا انتشر الخبر مي : يا هلا وغلا تو ما نور السكن ريمـه : منور بوجودك مي : الا ما عرفتينا بالأسم ريمـه : أسمي ريمـه الجاسر مي تستهبل : بنت مشعل ريمـه : هههههههههه إيه مي : يا هلا وغلا ريمـه : وإنتي عرفينا ؟! مي بفخر : معاك مي عبدالرحمن السفير ريمـه : تشرفت والله مي : الشرف لي مي : تعالي أعرفك على ربعي ريمـه بشاشه : اوكي يلا راحت عند البنات .. مي وهي تأشر على نـدى : أعرفك هذي نـدى ريمـه ابتسمت : يا هلا والله نـدى بنفس الابتسامة : آهلين مي : وهذي الهنوف .. معي بنفس الغرفة الهنوف ابتسمت لها : نـورتي ريمـه : منور بوجودك فرح : أظنك تعرفيني ريمـه : فرح صح ! فرح : هههههههههه أيوه ريمـه : تشرفت فيكم والله الهنوف : الشرف لنا نـدى : حياك إجلسي ريمـه تجلس : أخبـاركم ؟! البنات بردود متفرقة : تمـام .. بخير فرح : انتي كيفك ؟! ريمـه : والله ماشي الحال وقاموا يسولفون بأشياء عامة عن السفر .. ووو ..... الخ (: انتهى الجـزء .. وش توقعاتكم للجزء الجاي ؟! لينـا يا ترى وين كانت ؟؟ فارس وخطيبته مروه وش قصتهم ... ؟! ريمـه وش السبب اللي خلاها تجي ؟! وباقي بطلاتنا وش بيصير معهم ..! كل هذا بتعرفونه في الجزء الثاني تحياتي : دفء الذكريات ((ورود من نوع اخر)) |
|
#3
06-24-2011, 03:43 PM
| ||
| | ||
|
الجـزء الثانـي : قاعدة تتصفح المجلة بطفش .. سكرتها ... وناظرت الساعة اللي معلقة ع الجدار ( الساعة 8 ونص ما بقى شي ع العشـاء ) نزلت من على السرير ... وأخذت المشط وقامت تسرح شعرها وهي تدندن .. دخلت عليها لينـا ) روان تناظرها من المراية : نعم لينـا لينـا : رحت لها روان لفت عليها : وش قالت ؟! لينـا تجلس ع سرير روان : قالت بـ تحاول روان : انتي قلتي لها اني روان آل الشيخ لينـا : ايه قلت لها وقالت بتحاول مع انها ما راح تقدر روان : انزين وش قالت بعد لينـا : هذا اللي قالته روان تنهدت : يا رب ترضى يا رب لينـا : ايه صح ... ليه يهمك ان أحمد يعرف بـ الموضوع روان : انتي عارفة ان أحمد وش يعني لي لينـا : عارفة ... بس وش دخل أحمد في السالفة ماله خص أصلا روان : أي شي يخصني معناه يخص أحمد لينـا : نفسي أشوفه روان : والله لـ تخقين عليه لينـا تناظرها باستخفاف : لا ما أظن روان : وبتشوفين لينـا بخبث : يعني أخذه ..! روان ناظرتها بـ حدة : والله لأدفنك هنا لينـا : ههههههههههه بدام فيها دفن ... خلاص بطلنا روان : ايه بعد أحسب لينـا تنهدت : اللحين وش اقول للبنات روان ترجع للمرايه : طنشيهم وبكره يرضون لينـا : يعني الموضوع ما يهمك روان : لا طبعا لينـا : انتي شفتي نـدى وش قالت روان ناظرتها : مو انتي طلبتي كذا لينـا : ايه أنا طلبت .. بس ما توقعت انها بترضى او البنات بيرضون روان : طبخن طبختيه إكليه .. ما حد قالك تقولين كذا لينـا : اللحين هذا جزاي اني غامرت بنفسي وهربت من السكن ورحت لها بس عشان السيد أحمد روان : لا تقعدين تذلينا .. أنا ما أجبرتك تروحين انتي وافقتي من نفسك لينـا : الشرهه مو عليك ... الشرهه علي انا الغبية طاوعتك ورحت ولا انتي ما تستاهلين روان : فكينا واللي يسلمك لينـا ناظرتها نظره أخيره : هذا ردك روان : وما عندي غيره لينـا : اووكي ... بنزل تحت وبخبر البنات بكل شي روان : تسوينها والله .. بس انا اقدر اروح لـ حمده وأقول لها كل شي وانتي عارفة بعدين وش بيصير لينـا انقهرت : حقـيره روان تتأفف : اووه مو كأني عطيتك وجه ... يلا تفضلي لينـا : ماشي يا روان روان : طالع ... تهددني لينـا : ما راح أتناقش مع وحده عديمة احساس روان : لينـا وبعدين لينـا : اوكي طالعة وطلعت من الغرفة .. روان تكلم نفسها ( مو كأني زودتها ) .. تحت في الكافتيريا .. فرح : هههههههههههه من جدك ريمـه : ورربي نـدى : هههههههه طيب وبعدين ؟؟ ريمـه : آخرتها اخذ اغراضها وهرب مي : هههههههه اخوك فـلـه ريمـه : ههههه بس مو لـ هدرجة يخوفه نـدى : ما علينا ... انتي اللحين في أي غرفة ؟! مي : اكيد في غرفة خاصة ريمـه بهدوء : لا في غرفة مشتركة الهنوف تناظر مي ( غريبة ) مي ( وش سالفتها ) فرح باستغراب : ليش طيب ؟! ريمـه بهدوء : وش اللي ليش ..! أنا حالي من حالكم طالبة في السكن نـدى : ايه عارفين بس انتي ...................... <<<< ما عرفت شتقول ريمـه ناظرت نـدى : مو عشاني بنت مشعل الجاسر أكون غير عنكم نـدى ناظرت البنات .. فرح : براحتك ريمـه ابتسمت : اوكي البنت اللي بتشارك معها اتوقع انها في الدور الثاني نـدى : قولي لي وش اسمها وادليك الغرفة ريمـه : مشاء الله حافظة أسماء البنات نـدى : هههههه انتي بس قولي لي ريمـه تفكر : مممم اتوقع اسمها حلا نـدى : حلا ...!!! ريمـه : ليه تعرفينها ..؟! نـدى : وكيف ما اعرفها هذي من الشلة ريمـه فرحت : جـد !! نـدى : وربي فرح : واذا مافي مانع تكونين من الشلة ريمـه طارت من الوناسة : طبعا أكيــد ... اذا الشي ما يضايقكم مي ما صدقت على الله : لا وش يضايقنا ... اصلا يشرفنا تكونين صاحبتنا الهنوف : هذا غير انك حبوووبه ودخلتي قلوبنا بسرعه نـدى : عكس ما تصورتك ريمـه فرحت من كلامهم وحمدت ربها انها تقبلوها : والله اني مو عارفه وش اقول ... فرحتوني بـ كلامكم فرح : ماله داعي تقولين شي ... انتي اللحين صاحبتنا ومن حقك تمونين علينا ريمـه اكتفت بس بـ ابتسامة .. لينـا يوم نزلت قامت تتلفت يمين وشمـال تدورهم ... شافتهم من بعيد وجالسين مع وحده واستغربت من تكون ! راحت لهم : سـلام البنات : وعليكم السلام نـدى صدت للجهة الثانية .. لينـا باستغراب : مين معنا ؟! ريمـه ابتسمت : معك ريمـه الجاسر لينـا رفعت حاجبها : بنت مشعل الجاسر ريمـه : ايوه لينـا ابتسمت لها وسلمت عليها : هلا وغلا شخبارك ؟! ريمـه : تمام وانتي كيفك ؟! لينـا : بخير ريمـه : وانتي عرفيني ؟! لينـا جلست : أنا لينـا الباقي ريمـه ابتسمت : تشرفت فيك لينـا : الشرف لي لينـا تناظر البنات باستغراب .. بس ماحد عطاها وجه غير مـي مي : ليوون ما قلت لك ريمـه صارت تبع الشله لينـا ابتسمت : لا جد ..! مي : تصوري هي بنفس الغرفة مع حلا لينـا : ههههههههه أكيد بتطير من الفرحه ان في احد اخيرا شاركها في الغرفة الهنوف همست لـ لينـا في اذنها : تطنزين لينـا بنفس الهمس : أكيد بتفرح بدام بنت الجاسر مشتركة معها ... بس مو غريبة الهنوف : لا تسأليني ... أنا نفسي مستغربة فرح خزتهم من بعيد يعني اسكتوا ( فشلتونا ) : إلا ما قلتيلي أي تخصص داخلة انتي ؟! ريمـه : داخلة طـب فرح : مشاء الله ... بس هنا في طب نـدى : هههههههههه فرح وش فيك ..؟ أكيد في طب هنا فرح : لا توقعت يعني فيه اختلاط ريمـه : إلا أكيد فيه ... بس جامعتنا مو هنا برآ مثلكم فرح : يؤ فكرتك غير ريمـه : هههههههههه يعني كيف غير فرح : مدري شفيني قمت أخبص الظاهر علامات الجوع بدت تطلع لينـا : أصلا جاء موعد العشاء مي : بس ما قالوا بالمايك ..؟! نـدى : امشوا ندخل نحجز لنا طاولة خصوصا ان اللحين صرنا 8 بنات ... وغمزت ريمـه ابتسمت : اذا بضايقكم عادي أقعد مع أي طاولة مي مسكت يدها : انتي للحين مصرة انك تضايقنا ... لو نبيك كان ما جيناك أصلا ريمـه : تسلموون فرح : لينـا أو الهنوف روحوا نادوا روان ولا ما تبي هي الثانية لينـا تدخل مع البنات : أنا ما راح أناديها ... خلي الهنوف تروح فرح ناظرت الهنوف : روحي انتي الهنوف تأففت : أمري لله وصعدت فوق .. الهنوف توها بتدخل الا تسمع ضحكات عالية طالعة من الغرفة ... قربت أذنها تبي تسمع روان : ههههههه لا من جدك أحمد : ايه اكيد واذا حابة اتوسط لك ما عندي مانع ... انتي عارفة غلاتك عندي روان استحت : تسلم .. كلك ذوق ... بس مدري بشاور أهلي وأعطيك خبر أحمد ابتسم : أنتظرك روان : اوكي بـاااي أحمد : باي بعد ما سكرت ضمت الجوال بـ حلم .. وقاعدة تخطط لـ مستقبلها مع فارس أحلامها " أحمـد " الا والهنوف تدخل عليها .. روان اخترعت : بسم الله الهنوف بسخرية : خفتي روان عصبت : انتي هييي كيف تدخلين بدون ما تدقين الباب ما تعلمتي الادب الهنوف : لا والله تعلمت واهلي علمووني بعد .. بس الظاهر ان في ناس ما عندهم ادب روان : شقصدك ..؟؟ الهنوف ابتسمت : ولا شي ... واذا تبين تتعشين تعالي وقبل ما تطلع : فيه مفاجأة تحت روان : لحظـ............. ويتسكر الباب في وجها .. روان رافعه حاجبها : مفاجئة !! نزلت تحت بسرعة بعد ماحطت الجوال ع الكومدينه ... وراحت لهم .................................................. .............. في مكـان ثاني .. ومنطقة ثانيـة ... " الشرقيـة " قاعدة تناظر التلفزيون بحماس ... ومطفية الأنوار .. والشيبسات والشوكلت قدامها وهي أثناء ما تطالع ... شغلوا النور ريناد : وووجع طفوا النور رائد : مو زين تطفين الأنوار وانتي تطالعين التلفزيون ... يضر عيونك ريناد : وانت وش عليك مني ... عيوني ولا عيونك رائد : هذا جزاي اني خايف عليك ريناد قامت تطفي الانوار : مشكوور ... بس لا تطفيها مره ثانيه .. قطعت علي فلمي اوف وتربعت ع الأرض وكملت الفلم رائد : انتي ما تخافين على نفسك ريناد تأشر بيدها انه يروح ( مالي خلقك ) رائد : انتبهي لا يطقك عرق ريناد عصبت : رااااائد انقلع عن وجهي رائد : ووول ... خلاص بطلت ما راح اتكلم معك ريناد رجعت كملت فلمها .. رائد تأكد ان مافي جدوى معها ... صعد فوق خذ شور سريع وبعدين اتصل على ريمـه أخته ( نتوقف شوي ... اعرفكم على عائلة ريمـه .. أخوها رائد أكبر منها بـ ثلاث سنوات عمره 22 سنه ... وعندها اخو ركان هذا آخر العنقود عمره 14 سنة .. وطبعا ريناد الهبله عمرها 17 سنه ) رن جوالها بـ أغنية أصالة لا تخاف من الزمـان الزمن ماله أمـ.......... ريمـه ابتسمت : اهليييين رائد : هلا والله .. أخبارك ؟؟ ريمـه : تمام ... وانت كيفك وكيف أمي ؟! رائد : انا بخير ... بس أمك تعرفينها ما تقعد في البيت ريمـه تنهدت : المووهم .. اشتقت لكم رائد ابتسم : اليوم هادتنا ... امداك اشتقتي لنا ريمـه : اصلا انا اشتاق لكم حتى لو كنتم معي رائد : ايه مبين ريمـه قامت من على الطاولة : رائد رائد : هلا ريمـه بهدوء : أخبار أبوي ؟! رائد : يعني ما تدرين ..! ريمـه تنهدت : بس يعني درى إني في السكن رائد : لو درى بيهمك ..! ريمـه : أكيد بيهمني رائد : انتي عارفة رده ريمـه : معليه ... أكيد بيرضى بعدين لما يتفهم موقفي رائد : أي موقف يا ريمـه أي موقف إنتي بس تتهـ....... ريمـه قاطعته : رائد بليييز مابي اتناقش في هـ الموضوع رائد تنهد : براحتك ... يلا بسكر تبين شي ريمـه : سلامتك ... سلم على أمي وريناد وراكان رائد : يوصل ريمـه : لا تنسى .... باي رائد : باي سكرت من أخوها ورجعت لهم .. ريمـه وهي تجلس : سوري لو تأخرت عليكم نـدى : لا عادي ريمـه ابتسمت : هذا أخوي يسأل عن أخباري مي بلقافة : ايه صح ... ما عرفتينا عن عايلتك ؟! لينـا دزتها بكوعها وبهمس : عيب استحي على وجهك مي بنفس الهمس : انقلعي عني ريمـه ابتسمت : عندي اخو اكبر مني وهذا اللي مساعة كلمني .. واخت اصغر مني بسنتين واخوي اخر العنقود في متوسط فرح : مشاء الله نـدى : الله يخليكم لـ بعض ريمـه : اميييين روان جاتهم : هااااااي البنات : هايات روان كشرت وناظرت فرح ( من هذي ..؟! ) فرح ابتسمت : اعرفك ريمـه الجاسر .. وهذي راح تكون صاحبتنا روان فكت فمها ... مو مصدقة فرح تفشلت : وهذي روان صاحبتنا ريمـه بشاشة : آهلين روان وعيونها متعلقة عليها : هلا الهنوف : روان جلسي ليه واقـفـة روان : هااا .... ايه ان شاء الله نـدى : الا وين العشاء والا ينادي ع المايك ( العشاء جاهز ... رجاء من الطالبات التوجه الى المطعم ) نـدى وقفت : اخيييرااا ريمـه : ههههههههه شكلك هلكانه جوووع نـدى تروح للمطعم قبل الزحمة .. وبصوت عالي : مررره ريمـه : ههههههههههه .. ياحليلها نـدى هي على طول كذا فرح : ههههههه لا ساعات ... بس تراها مزااااجية مرره ريمـه : الله يعينكم ههههههههه فرح : متعوديـن ريمـه : هههههههههه لينـا تكلم مي بخفيف : باين عليها حبوبه مي : ايه يا لبى قلبها ... دخلت قلبي لينـا وهي تناظر ريمـه : توقعتها مغروره ومو شايفة احد مي : لاااا لاااا بالعكس ... دمها شررربات اووي لينـا : شربات مره وحده مي : امشي امشي ... خلينا نتلصق عندها يمكن نلقى شي لينـا : مي بلا هـ الحرركات ... كأنك مو شايفة خير مي : فكينااا واللي يرحم والديك ... كل واحد ومصلحته ماحد يفكر بالثاني لينـا : انتي مشكلتك انك تعشقين الفلووس ... هذا اهم شي عندك مي : هو في احلى من الفلوس لينـا : السعادة ..! مي : اصلا السعادة ماتجي الا بالفلووس لينـا : انتي الكلام معك ضايع ... وهذا وانتي بنت السفير عشقتيها اجل لو انك بنت فقر مي : بسم الله علي .... وش هـ الفال لينـا ابتسمت : اقول مثلا مي : يمـه تخوفين الواحد بـ كلامك لينـا : ههههههههه طيب خلينا نروح نلحق بس مي : يلا امشي فوق ... في غرفة حـلا الغرفة ظـلام ... والتكيف بارد .. وهي مندعسة داخل البطانية .. بس ما جاها النوم طول الوقت تفكر في حالها وبـ كلام اهلها لها .. لو وافقت بيرضون اهلها ولو رفضت ما راح تشوف اهلها ابـد ..... ودها تفضفض باللي داخلها .. ودها احد يسمعها ويقول لها الحـل .. ايش الاهم سعادتها ولا سعادة اهلها .. مو قادرة تفكر ولا عارفة تتخذ القرار .. لو وافقت راح تنحرم من شوفة صديقتها وحبايب قلبها ومو بس كذا بتنحرم من سعادتها ومستقبلها ..! يا ترى وش الحل سعادتي ولا سعادة أهلي ....!!! .................................................. .................................. تحت عند البنات ... ضحك وسوالف ولا كأن شي صار ( قلت لكم قلبهم أبيض ) .. ريمـه : ههههههههههههه ورربي انكم مو سهلين فرح : وفي اعظم من كذا ريمـه : بعـد نـدى : أجل في حصة العربي تذكرون يوم طاحت على ظهرها لينـا : هههههههههههههههه يوم كبينا الماي في الارض فرح : اتوقع دعت علينا ذيك الساعة ريمـه : ههههههههههههه من جد انكم هبلاااان .... ما خفتوا مي : نخاف من وشو ... الا كتبنا تعهدين وما تبنا بعد ريمـه : ههههههههه ما الوم معلمتكم اذا جاها الضغط الهنوف : ولا يوم نلزق العلك على تنورتها ريمـه : بالله ما حست روان : لا والله .... لين قالت لها المعلمة وراك علك لينـا : تذكرون يوم ندخل القطة في المدرسة ريمـه فتحت عيونها : من جدكم ..!! نـدى : ههههههههه هذي فكرة روان مي : بس وناااااسة لعبنا في المدرسات لعب الهنوف : والطالبات ورربي انهم فوق الطاولة ريمـه : ههههههههههههههههه مو صاحين روان : وين أيام الثانوية والله راحت فرح : نبي نهرب مثل المره اللي راحت ريمـه : لا تقولون انكم هربتوا من المدرسة نـدى : مرااااات مو بس مره لينـا : يوصلونا اهالينا المدرسة ... وبعدين نهرب ريمـه : ايا الخوونه الهنوف : ودنا نسويها والله ريمـه شهقت : انا شيلوني من القائمة روان : يا جباااااانه ريمـه : لا من جد هبالكم هذا مش صاحي نـدى : لا اللحين عقلنا ... ما نسويها ريمـه : فكرة مين هذي لما هربتوا نـدى : مـي ريمـه : اثرك انتي راس الشر هاااا ..! مي عوجت فمها : الله يفشلكم .... فشلتوووني ريمـه : ههههههههههههههههه البنات كلهم ابتسموا لها .. وهم فرحانين من هـ البنت بنت ناس واخلاق ومال وخير كذا حبوبه ومافيها غرور زي بنات البطارة .. أما ريمـه ارتحات لهم وحبتهم .. وحمدت ربها انها لقت ناس تقبلوها .... وما خذوها على أصلها وفصلها ... وهذا اللي تبيه ..! نـدى ابتسمت : كأنا خلصنا البنات : ايه نـدى : يلا أجل خلونا نودي صحونا ... وبعد كذا نوصل صابحتنا لغرفتها الجديده ريمـه ابتسمت : تسلمين نـدى بنفس الابتسامة : هذا اقل من واجبي . لينـا : انتوا ودوا صحني ... أنا رايحة لـ حلا فرح خذت صحنها : اوكي .. صحيها يمكن نايمة لينـا وهي تروح : اوكـ بعد ما ودوا صحونهم ... صعدوا فوق وهم يسولفون ونـدى ورتها غرفهم قبل ما تروح غرفتها . انتهـى الجـزء ,, إيش هي توقعاتكم للجـزء الجاي ...!! روان وتعلقها الكبير لـ أحمد ..؟! حـلا وقصـة أهلها ..؟؟ ريمـه وش السبب اللي خلاها تجي ... واللي الكل معترض على روحتها ؟! والهنوف وش موقفها من روان ..؟! وبـاقي أبطالنا ............؟؟!! كل هذا بتعرفونـه في الأجزاء الجاية تحيـاتي : دفء الذكريات :wardah: :wardah: :wardah: |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| @البتراء المرشحة رسميا "لعجائب الدنيا الجديدة""""""" | МŘ. ali afandi | غرائب و عجائب | 39 | 10-11-2015 04:06 PM |
| طفل يولد واسمه مكتوب على خده "صوره" لاتخرج بدون كتابة """سبحان الله""" | darҚ MooЙ | موسوعة الصور | 132 | 12-15-2011 09:33 PM |
| ""لعشاق الساحره"""""""اروع اهداف القدم 92-2005""""""ارجوا التثبيت""""""" | mody2trade | أرشيف المواضيع الغير مكتمله او المكرره او المنقوله و المخالفه | 2 | 05-14-2008 02:37 PM |
العرض العادي
