|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#8
07-29-2011, 12:45 PM
| ||
| | ||
| فاطمه اللي كانت الدنيا مو شايلتها ليش بيروحون بيت خالتها وتحوس بكبتها تدور شنو تلبس... فاطمه: تنوره؟؟ ... ولا بدي وبنطرون؟؟ .. لا هلاقه جنه تنوره احلى ..(وتطلع تنوره بيج قصيره بكسرات وتركب عليها بدي بني داخله معاه درجات بيج روعه) .. أي هذا حلو وماشافوه علي ..(وتحطه عليها وتطالع المنظره) حلو مع الميك اب وارفع شعري لا انزله احلى واحط كلبس صغير ايي وصج لبست وحطت ميك اب بني هادي مع حمره بيجيه وحطت عليها قلوس لونه وردي طبيعي وشوي بليشر وحكل داخل عيونها وشعرها مفلول كان طويل ومدرج ، واهي قاعده تلبس تراجيها ولا احد يطق البـاب .. فاطمه: منو؟ عبدالله: انا فطوم .. ادخل؟ فاطمه: لحظه مقفول خل افتح ... (وتفتح الباب) هلا عبادي عبدالله وقف يطالع فاطمه: ماشاءالله ..فطوم وايد حلو شكلج فاطمه بحيا: صج ؟؟ احلف؟ عبدالله: والله العظيم شنو اقص عليج تدرين انا ماعرف اجامل فاطمه: تسلم لي والله .. الا ما قلت بغيت شي؟ عبدالله: أي والله فطوم بغيت ... فاطمه تطالعه وتنطره يتكلم: بغيت شنو؟ عبدالله يحك راسه: ولا اقولج خلاص مره ثانيه فاطمه: لا لا قول عبدالله شفيك عبدالله: لا والله مره ثانيه احسن، مو شي ضروري .. يلا انا ماشي بروح امر احمد ولد عمي علشان نروح الشاليه يلا باي فاطمه تطالعه مستغربه واهو رايح: الله وياك .. (وتكلم روحها) شفيه عبدالله (وتسمع صوت امها) سعاد: فطوووم يلا ماخلصتو صارت الساعه 7 واحنا بعدنا ماطلعنا يلا يمه فاطمه: ايي ان شاءالله كا بس البس عباتي وشيلتي سعاد: انزين وندوي ؟؟ فاطمه: كا اشوفها وننزل ... (وتطق الباب على غرفة ندى اللي يمها) ندى: منووو؟ فاطمه تفتح الباب: ندووووي!!!! بعدج ما لبستي يلا بنروح ندى اللي كانت تطقطق على الكمبيوتر: بلى لابسه فاطمه تطالعها: بتروحين جذي ؟؟؟؟ ندى وعينها على الشاشه: ايي فاطمه: انتي هلاقه!! يمعة بنات وحريم وانتي لابسه برمودا قطن وتي شيرت؟؟ رايحين البر احنا ولا الشاليه ندى لفت : فطوم تدرين انا ماشتهي سوالف التكشخ والرسميات بعدين بروح وبقعد بغرفة بدور مابنزل لا تخافين ما بفشلكم فاطمه: ياشقول لبسي شي عدل ندوي كبتج متروس ملابس ندى: افففف ... انتي مو تقولين امي تنطرنا يلا يلا خل نروح لا نتأخر وتقوم بسرعه وتسكر الجهاز وتطلع من الغرفه .. فاطمه ظلت تطالعها: والله اشك ان انتي توأم بدور مو بدر والكل يقول نفس الكلام .. لان بدور وندى صج نفس الستايل باللبس والتفكير ماهمتهم الموضه وشنو نزل من لبس ومكياج كثر ما يهمهم شنو نزل من برامج كمبيوتر واجهزه يديده، عكس شخصيات شوق وفاطمه اللي يموتون على شي اسمه لبس وميك اب وما يخلون برنامج بالتلفزيون عن الازياء والميك اب ما يتابعونه والمصروف اللي رايح على مجلات الازياء في بيت مبـارك اخو سعاد وليلى وحياة ... ساره عد باب الصاله: يلا يمه بسرعه تأخرنا نوره: واهي تنزل من الدري .. وي عليج كاني كاني مافيج صبر انتي (نوره زوجة مبارك) ساره: تعرفين ماحب اروح متأخره ولا صوت من على الدري.... يوسف: طالعه على عمج نوره: كملت يوسف: افا يامرت اخوي .. انا كملت ؟؟ ماشي من باجر مالي قعده بالبيت (ويسوي نفسه يصيح) انا اكرهكم (ويقط نفسه عالغنفه) اكرهكم كلكم طلقوني خلاص ارحموني ساره تيي يمه وتتكلم مصري: بس بس علشان اللي في بطنك يا نفيسه يوسف: مش قادره تعبت يا يسريه تعبت انا لازم انتحر .. (ويخنق نفسه ويسوي نفسه مات) ساره تقط روحها عليه وتصرخ: لاااااااااا نوره اللي طول الوقت قاعده على القنفه وتطالعهم: الحمدلله والشكر .. انتي مو توج مستعيله وماتبين تتأخرين ولا حلت لج التمثيليه مع عمج؟! يوسف يطالع ساره: هقيتها بتصفق ساره تطالعه: انا هقيتها تنقطنا بفلوس نوره عصبت: خلصونا يوسف واهو قايم: اوو ياك الموت يا تارك الصلاة نوره وعصبت الحين تطردني عادي خل اقوم احسن.. خاالد يلا ورانا درب لي بنيدر خالد نازل من الدري: كاني خالص يوسف: زين يلا مرت اخوي تامرينا بشي؟ نوره تبتسم: ابي سلامتكم وديرو بالكم على روحكم وبــ... يوسف يقاطعها: وبس توصلون دقو طمنونا .. من عيوني الثنتين جم ام خالد عندنا تامرني امر يلا في امان الله. نوره وساره: مع السلامه ساره: يلا يمه نوره: يلا بس شيلي السلطه معاج ساره: ان شاء الله عبدالله بسيارته عند بيت عمه سعد ناطر احمد ويتكلم بالتلفون... عبدالله: هذا انا ناطر احمد يطلع بس ونيي .. انتو وصلتو؟ سعود: لا انا رايح البيت ابدل واييكم عبدالله: خلاص نتلاقى هناك يلا باي ... (ويطالع باب البيت) هذا وينه بعد (ويطق هرن) ولا ينفتح الباب الشغاله شايله اطباق وتبطل سياره وتحط .. شوي ولا تطلع اميره بنت عمه تنتبه ان اهو تروح صوبه وينزل من السياره.. اميره: السلام عليكم شلونك عبدالله؟ عبدالله : هلا والله اميره بنت عمي شلونج شلون صحتج؟ اميره: بخير الحمدلله .. ليش قاعد بره تفضل داخل عبدالله: دام فضلج لا والله ناطر احمد بنروح الشاليه اميره: ايي بره عاد بعدين جنكم تأخرتو الشاليه حلاته من الظهر عبدالله: شنسوي بعد على اللي عندهم دوامات عصر بس ماعليه سهاري باجر اجازات اميره: على قولتك يلا استانسو عليكم بالعافيه عبدالله: الله يعافيج .. ولا تطلع شيخه مرت عمه ووراها احمد .. عبدالله : شلونج عمتي شيخه شيخه: هلا والله بولدي عبدالله شلونك عبدالله: الحمدلله بخيــر ..انت وينك زرعتني احمد: لا بس كنت ادور الكاميرا .. شيخه: وين اللي عطيتك احمد؟ احمد: اوووو نسيت (ويرجع يدخل الحوش ولا يشوف عاليه طالعه وبصوت عالي) علوي علوي حبيبتي انتي ييبي الصحون اللي على الطاوله بالصاله .. (ويرجع يطلع) شيخه: شفيك انت وين الصحون احمد: كا عاليه بتييبهم عاليه واهي طالعه: مطراش مسويني ماتعرف تدخل تاخذهم (مانتبهت ان عبدالله واقف) احمد: خو انتي قريبه من الباب شصار عبدالله: شلونج عاليه؟ عاليه ويها صار احمر على اصفر من الفشيله: بخير الحمدلله عبدالله يروح صوبها: عنج عنج .. ويروح صوب سيارة اميره ويحطهم احمد يطالعه: تعبناك عبدالله .... (عاليه واميره ميتين ضحك) عبدالله: لا عادي شدعوه تعبكم راحه احمد: لا بس بكلف عليك مره ثانيه هالصحون لنا يعني ياريت تحطهم بسيارتك عبدالله متفشل: هاا .. مادري حسبت لهم قصدي لكم .. اقصد حق بيت عمتي .. قصدي خالتي ليلى احمد: خلص خلص وظلو عاليه واميره يضحكون من تحت لي تحت واحمد يعلق على عبدالله وعبدالله ماقصر معاه لين كل واحد ركب السياره ومشى بطريجه ..... في بيت ام سعود ليلى اول الواصلين طبعاً كانت حياة وبعدها سعاد وبناتها فاطمه وندى اللي اول ما وصلو صعدو فوق، ندى طبعاً مع بدور على الكمبيوتر يتابعون اخر صيحه بعالم البرامج وفاطمه مع شوق... فاطمه: بس المهم افتكيت من الاحصاء باقي ادارة تسويق يوم الاحد شوق: يلا زين ... فصخي عباتج وشيلتج ماكو احد فاطمه: انزين بس قوليلي اول.. نوريه مرت عمي خليفه بتيي؟؟ شوق: مادري فاطمه تعفس ويها: الله يعينا على سخافة منيره يا ريت ما تيي شوق: لا بتيي حبيبتي نسيتي تمووت على الترزز بين الحريم تدور ريل فاطمه: ههههههههه على قولتج احس اذا ما تزوجت بسرعه بيصير فيها شي هذي شوق: ههههه أي والله على قولتج .. انتي ما تشوفينها بالجامعه؟ فاطمه: بلى بس بينا سلام ماقعد معاها شوق: ايي بس شاطره صح؟ فاطمه: ايي ماشاءالله عليها شاطره .. متخصصه تمويل تدرين؟ شوق: ايي قلتيلي مره .. (وتسمع صوت امها تناديها) ليلى: شوق تعالي شوي شوق: ان شا ءالله يمه .. شوي فطوم وايي اخذي راحتج وقطي عباتج وشيلتج فاطمه: اوكي .. فاطمه قعدت تحوس بالغرفه ولقت مجله الاسطوره قعدت عالسرير تقلب فيها .. وكان باب الغرفه مفتوح ولا يدخل سعود.... |
|
#9
07-30-2011, 09:19 PM
| ||
| | ||
| الروايه روعه كمليها وتقبلي مروري
__________________ http://vb.arabseyes.com/t255820.html |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ارجوك لا تضيعنى .........العشر تناديك | معا نحو طريق الجنه | نور الإسلام - | 1 | 11-29-2008 12:34 PM |
العرض العادي
