STORY13
"فلم رعب "

على ام بي سي تو 9 pm .. استهبل مافي فلم ولا شي كل واحد يكبر مخدته
وينام .. فلم الرعب الحقيقي ..يوم انك تكون صاحي بالليل تشوف الاحداث
اللي تسير لاهلك بعد ساعه متاخره بالليل .. النشاط يسير زايد وغريب مثل الحلوين المطفرين
الي ماتطلع جنونهم الا بالليل << على فكره السالفه سالفه فلم رعب جد << مخولتنا فيه فلم ولالا ؟ @_@

ساكورا ( ماسكه راسها تبي تحفظ كلمه مو قادره) : =_=
لوفي( يدخل على سويكر ) : سويكر يللا قومي عشا ^^
ساكورا : اطفحه لحالك يبا بالعافيه بس لاتجلس تركض بالسيب الله يعافيك ابي ادرس ^^"
لوفي : يعني ماراح تتعشين ؟
ساكورا : @_@ عارفه وش تبي كل ساندويتشي خلص اذلف ( ويسكر الباب بقوه )
شانكس ( يصارخ من غرفته ) : البااااااااااااااااااااااب انت وياه ياحمار ياحماااااااااااااار
ساكورا (تحط راسها على الدفتر ) : انا فاتحه الكتاب من 3 ساعات ولا حفظت ولا شي ( تفتح سايا الباب معاها كوناتا ) 0_0
سايا : يللا يابنوته يللا يابنوته ياادمل بنوته تعالي نسولف مسويه لك الكابوتشينو اللي تحبينه ( تحضن سويكر
ساكورا :سايا ممكن تفكيني من صدعه العيال وتكتبين على الباب ممنوع الازعاج
كوناتا : متفائله انهم عاد بينبهون على اللافته المروريه اللي بتنحط
سايا : ههههههههههه لامافهمتيها ياكوناتا هي قصدها يسير لها حجه تطلع تذبحهم لانها نبهتهم .. على العموم بما ان مافي فايده
يللا يابنوته استسملي وانزلي
كوناتا : يعني سوال وجيه . البنت يدلعونها بنوته والصبي وش يدلعونه ؟ صابونه << ياااااااااو =_=
ساكورا ( تدفهم وتطلعهم ) : طيب يابنوته انقلعي الى الخارجي وقولي للصوابين اللي برا يخسرون الله يخليك انتي وياه ( تسكر الباب وارهم )

انا (افتح باب غرفتنا والقى ايتاشي متنح ) : اتووووووش وش هالقعده
ايتاشي : الله بالخير اسكت في ابليس يوسوس لي بس الارسال يقطع *_*
انا ( ميت ضحك ) : اتوقع هو ابليس واحد يوسوس 0 يفهمونك لان استيعابك شبه معدوم ... مالت عليك ( اسكر الباب واروح افتح غرفه جوينجي وفوبوكي)
سلام سديق
جوينجي ( يقرى كتاب ) : البقاله مقفله تعال الصبح هههههههه
انا : وش تعشيتو اليوم بالملعب
جوينجي : جدري ^^
انا : اسمها مجدره ياقوطي جعلك الجدري ان شاء الله
جوينجي : والصق فيك واعديك ويااااااااانعيش مع بعض حبيبي .. يانموت احنا الاثنين ^_*
انا : اقسم بالله مانت صاحي ( ودووووووووب اسكر الباب ) ^^ ( يمسكني شانكس ) 0_0
شانكس : وش قايل انا بخصوص الابواب اللي تتقفل وتتسكر ها ؟ @_@

طاخ طيخ طوخ .. يااخي قهر البيت كله يدبك واخرتها لاني سكرت باب واحد وفتحته انطق وش هالديكتاتوريه -_- << وهاللي يتمخطر
من ساعه يمشي ويفتح البيبان مين جني ؟؟؟

دايشي : والله ماثار فلم متى تثغلين
امو ( جالسه تركب الافياش في البلازما علشان يشتغل الفلم ) : يادايشي صبرك علي ><
شوكي : عووووووو @_@
امو : وشو عو انتا بعد ؟ ليه قاعد ليكون تفهم
شوكي : البيت كله مايفهم جت علي انا ؟
اينو : يللا يااامو على فلمك هذا ماادري وين جبتيه مادري وين شفتي
امو : خطيييييييييييييييير خطيييييييير لايفوتك جبته من صاحبتي اليوم وتقول انه يجنن
اينو :اتتي بس قالت صديقتك يجنن خلاص وثقتي فيها ؟؟
امو: صديقتي ماتغلط دايم ذوقها بالمكياج يجنن @_@ << المكياج شي والافلام شي ياحبيبتي
دايشي ( انسدح) والله ماعندها ثالفه
فوبوكي( توه جاي من برا ويجلس جنب اينو ) : وش فيه القمر هاجد اليوم
اينو : والله طفشانين وبنشوف فلم مع امو
فوبوكي : وش دخل الفلم باللي قلته
اينو : مو تقول قمر تناديني ؟ 0_0
فوبوكي : شكرا على الحماس بس كنت اقصد القمر جماد مايتحرك ليه انتي جماد
اينو ( تضربه على راسه ) : ههههههه ياثقل دمك يللا شوف ويانا نوتنس
فوبوكي : شوفي ياامو لو البطله حلوة وبياكلها الوحش ياويلك @_@
امو : ليه مخرج الفلم ابوي وانا ماادري @_@؟ ( وسارت تحوس بالاسلاك على امل الشاشه تطلع على التلفزيون )

كوشينا : شكرا ياجنودي يعطيكم العافيه ^^
ساسوري ( شايل كارتون الموز بيدخله ) : على عشره على عشره
ايس ( شايل كارتون المانجا والكيوي ) : اووووووه هذا وجهي اذا ماقمنا الصبح ومالقينا شي
كوشينا : لا العيال شبعانين ارتاح
ايس : ومن قالك انهم بياكلون لانهم جوعانين ؟ بس يقزرون وقت من الطفش << صحيح صحيح بس انت مو معانا ولا ؟
ساسوري ( بعد ماخلص ) تم بحمد لله ايصال جميع الفاكهه للمطبخ واصبح كانه بستان اخضر من زود الفاكهه اللي فيه
كوشينا : حبيبي انتا .. انا مستغربه لين الحين الكيوي اغلى من المنجا ليه على ان كلهم نفس الشكل << الله لايعمينا
ايس : بعد هذا سؤال ( ويطلع كيوي من الكارتون ويطلع مانجا ) شوفي الكيوي كيف مخمل والمانجا جلد<< بيجيك جلد انتظر انتظر
اينو ( تناديهم من الصاله ) : ياللي في المطبخ تعالو بنتفرج فلم وجيبو من اللي تاكلونه
ساسوري : شفتي صح كلام ايسوه @_@ اشتغل خدامه انا
كوشينا ك جيب صحن ومعاه الفاكهه وخلينا نروح الصاله نشوف وش عندهم

سايا (معصبه من الحوسه اللي في المطبخ ) : انتم وش فيكم ؟ مالقيتو الا مطبخي تحوسون فيه ؟ @_@
انا : سايا ياعزيزتي تبين تاخذين راتب على الفاضي ؟؟ لازم تشتغلين
سايا : شانكس اللي يدفع راتبي مو انت مع وجهك ماكانك انطقيت من شوي << اول مره ؟؟
فوبوكي : بعدين ترى شانكس مايدفع شي من جيبه يعطيك من الفلوس اللي احنا ندفعهم له @_@
شانكس : وانتو متى اخر مره دفعتو الايجار يااحبائي العظماء انتو ؟ وانتي ياساكورا وش منزلك
ساكورا : كذا ولا كذا مابذاكر خليني اشوف الفلم احسن =_= << بعدين لاسقطتي لاتقولين احنا @_@
كوناتا ( جايبه بطانيه ) : يللا انا على استعداد
كوشيينا ( من الحين فصفص وشاي قبل لايبدى الفلم ) : على استعداد لوشو الاقلاع ؟ وش لزمه البطانيه والدنيا حر ؟
كوناتا : ماله دخل بس اذا الجا الوحش في اللقطه مايشوفني << الحين مين يشوف ؟ مين =_= " ؟
ساسوري : والله ابداع انتو مو صاحين هههههههههههههههه اجل اسمعو نكته ايتاشي الجديده
اينو : ايتاشي وش عندك وشهي النكته يانكته انتا
ايتاشي : الله بالخير سويتها نكته @_@ .. وربي تفكيري منطقي يعني عيب الواحد يشتري دولاب
امو ( لازالت تحوس بالافياش ) : طيب حلو علشان تضب ثيابك اللي بكل مكان
ايتاشي : هااااااااااااااه هذا انتي قلتيها
لوفي : السؤال الحاسم هوا ؟ من اين لك الفلوس اتوشي ليكون سرقت مني وانا توني سارق منك << دنيا سبحان الله
ايتاشي : لالالا حشا لله .. يوم مالقيت ان ماعندي فلوس .. فقررت ابيع ثيابي كلها علشان اشتري دولاب
الكل : 0_0 ( وماتو ضحك )
جوينجي : سوال سوال اتوش ... بعت ثيابك وشريت دولاب ؟ وش بتعلق في الدولاب ؟ رجولك الاحتياطيه ؟
دايشي : انت ياايتاثي دولاب مايحتاذ << بعد انت تعلق ويا وجهك ههههههههه
شوكي : عوووووووووووووووووووووووو مليت =_=
امو :دقيقه دقيقه اشتغل اشتغل
ايس : وش هذا انتي سار لك ساعه تقولين دقيقه خلصي اشوف &_&
ومع الحوسه والهواش الا شوي وتشتغل الشاشه مع تشويش والكل تنح مع الشاشه متحمس
الكل متحمس : 0_0

الكل ( صارخو وتمسكو ببعض ) : اااااااااااااااااااااااااااااااااااااااااااااااااااه
شاكنس ( منسدح ) : سلام قولا من رب رحيم وش هالهوله يارب
انا : من اولها كذا ؟ ههههههههه استنو خلونا نفهم وش هالسالفه
دايشي : عفوا 0_0 بروح انام ( ويقوم يركض )
ساسوري ( ياكل مانجا ) : الحين هذي عيون ولا ازراار ؟ ليه عيونها حمرا كذا ؟
ايتاشي ( ياكل كيوي ): الله اعلم شاربه فيمتو
لوفي ( يتنافض ) : الحين انتو من جدكم ماخفتو ؟؟؟
شوكي : غريييييييييييييييييبه حرامي خواف
ايس : وش فيكم كذا جردتو اللصوص من المشاعر ؟
ايتاشي : لاخايفين بس مسوين فيها << اوووه اعترفت ههههههههههه
فوبوكي ( يطالع كوشينا ): انا مايضحكني الا انها تذكرني بوحده اول ماتقوم من النوم
كوشينا : يالخايس انا كذا ؟ اوريك هههههههههههههههه
دايشي (خاف يروح فوق ورجع ) : لا خلاث بكمل الفلم اثلا خرابيط ( وينخش عند شانكس ) << شانكس خلقه خايف =_=
جوينجي : اموت على اللي يطمن روحه هههههههههههههههههههههه

امو : ويييييييييع كان عندي زي هالفستان بس من شفته عليها كرهته
ساكوره : حلاه من يعطيها رفسه على ظهرها تتكرفس علشان ماتنفخ خدودها
اينو : نشوف اشكالكم لاجا طار صرصور بس مو لاشفتو جنيه زي كذا هههههههههههههه
سايا : انا عجبتني الاباجوره اللي هناك شكلها من سيدار
كوناتا : سيدار ؟ وشو انتي بعد هذي موجوده بغرفتنا ماتجي 10 ريال =_=
انا : ياجماعه لو سمحتو نركز شويا بالفلم .. كل وحده وين الاباجوره ووع الفستان وش هذا انتو
كوشينا : يعني ماتعرف النسوان ياددور .. خذ اشرب شاهي ووسع صدرك

دايشي ( ميت من الخرعه ) : اثنانه كانها ثكين
شانكس : اوووووووووووووه يذكرني بالمرحوم ابوي
ساكورا : لااه هذا يشبه جدي ؟؟؟ اشوفني حلوة مره -_-
جوينجي : ههههههههههههههههههههههه هذا ماكدونلز بعد ماسار شرير
اينو : الشعر متعوب عليه .. مقطعين المكنسه وملزقينها بصلعته
ساسوري : ياشانكس متاكد انه ابوك ؟ اخاف انه ابوي يشابهني ههههههههههههههههههههههههه
شانكس : والله لو تطلع تقرب لي اشرب كلوركس واموت احسن
ايتاشي : الحين كم جني بالقصه ؟؟ البنت ولا العجوز ذيك ولا جد ساكورا ؟ << ههههههههههههههههههه
امو : يبدو لي ان مافي احد مو شرير بالقصه كلهم جنانوه -_-
لوفي : خلاص امو مانبي الفلم سكيه مو حلو
كوناتا : وشو ماتشوف انت الحين هالشايب الوسيم ماعجبك .. ناقصه بس استشوار وهو تمام
فوبوكي : جد والله امو =_= الفلم مادري شلون صاير غيريه << حطمتو البنيه المسكينه
سايا : خلوه عقب مااندمجنا .. اللي مو عاجبه يقووم ينام يريحنا شوي @_@
ايس : مافيه اي اثاره الفلم صراحه بس عاهات ماادري وش تحس
شوكي ( يهف ذيله ): ماادري من اللي تمسك فيني من الخوف قبل شوي ؟ وداس ذيلي
امو : يعني شلون اشيل الفلم ؟؟
ايس فوبوكي لوفي : مانبييييييييييييييه @_@

ايس لوفي فوبوكي : لالالاخليه خليه :7b:_:7b: << ياانذال
كوناتا : اكره البنات يصيحون ان شاء الله جد ساكورا ياكلها

ساكورا : اطلب معاها واحد شاورما ويا وجهك
شانكس : حرام ترده ابن حلال والله هههههههههههههههههههههههه
دايشي ( مغمض عيونه ) : هالفلم مثخره والله

شوكي ( تحمس راح يركض ) : عووووووووووووووووووو
ايس : انت ياهيييييييي وين رايح تراها بالفلم مو هنا 0_0
سايا : مفكر الظاهر معاها عظمه
اينو : الحين فرحانه تركض بشعرها المزيت وعععععع -_-
كوشينا : تتوقعيه هذي قصه وشو ؟؟ فرواله << يموت ضحك من اسامي القصات هههههههههههههههه
اينو : حتى لو هي مو مضبوطه شعر ددور ارتب من شعرها
انا : عن التهزيء انتي وياها
جوينجي ( جاي من المطبخ معاه كودرد ) : نشوف اخرتها مع هالفلم الحوسه ههههههههه
فوبوكي ( طارت عيونه على الكودرد ) : جوينجي تذكر يوم كنت صاحبك ؟
جوينجي : ليه الحين انت زوجتي ؟

ساسوري : هههههههههههههههههههههههههه تبي توصيله يالحبيب
ايتاشي : انا افتر مخي ياعالم الحين مين يركض ورا مين البنت ولا الهيكل العظمي ؟ .. الله بالخير بس -_-
امو : قاعدين يلعبون غميمه يبا ارتاح محد فاهم شي ههههههههه
كوناتا : تصدقون ان هذا حبيبها الاولي بس فاصخ جلده لانه حران شوي هههههههههههههه
لوفي : ان طاح وتكسر حطه ياايتاشي في دولابك احتياط << من جدك ؟؟؟

ايتاشي : بسم الله تناديني 0_0
جوينجي : لا تعطس مزكمه الله يشفيها
كوشينا : شكلها ذي الجنيه اول الفلم استشورت شعرها
امو : يب بس الظاهر نست تحط مكياج فنزلت شعرها على وجهها << على اساس كانت متمكيجه من اول يعني =_= ياليل البنات
شانكس : وش هالمكان الحوسه الاغراض عفسه والاوراق بكل مكان
سايا : والله انظف من بيتك لا عفسوه المطفرين @_@

انا : هههههههههههههههههههههههههه وش يقرب لها قلندايزر ؟ وين قاعدين
اينو : وش فيك احنا عصر السرعه حتى الجني عنده محرك نفاث
ساكورا : عصر ولا مغرب عاد وش هالمنطق مادري نضحك ولا نخاف

دايشي : ذد ثاكووووووووووووووووووووووووووووووووووووووورا 0_0
ايس : يعني وش قاعد يسوي يموه البنيه بتفكره طفايه حريق
شوكي ( قلوب من عيونه ) : صلعته كنه عظها قلوب << كلن على همه سرا
كوناتا : اهم شي انه موجود خليه ياكلها بضروسه اللي كانها خرامه
فوبوكي : لا عاد والملابس حقته ههههههههههههه كانها علم النيجر
ساسوري : لاااااااااااا ان قتل البنت باخ الفلم ><
لوفي : اصلا ماباقي شي على الفلم بس مااتوقع ان البنت تموت

لوفي : اووووووووبس 0_0
ايتاشي (يضرب لوفي << وش دخله ): انت بومه يالوفي موتت البنيه .. الله بالخير
ساكورة ( قامت من مكانها ): احلى مافي الفلم جدي هههههههههههههههه الله يرحمه
كوشينا : يوووووه خلص الفلم بدري طيب نشوف وش سار
جوينجي ( بيروح غرفته ) : انتي مانتي معانا اصلا قاعده تفصفصين وحالتك حاله ..شكرا ياامو على الفلم مع اني مافهمت شي بس شكرا
ايس : لا يااخي جد احداث الفلم مبهمه وعسيرة الفهم
شانكس : لاتتكلم لي كانك بنشره اخبار .. فلم كله خرابيط وشو مبهمه ومو مبهمه ..
انا : انا بقولك النهايه البنت ماتت وعاشو بسعاده وسلام منذ ذالك الحين << منهم اللي عاشو والبنت ميته ؟ =_=
سايا : ياحليلك امو كل مره تجيبين فلم جمعينا كذا خلينا نستانس ونحش ونعلق
فوبوكي : سلمي على صديقتك اللي عطتك الفلم ..ها ؟ ههههههههههههه يللا تصبحون على خير
امو ( تفك الاسلاك ) : ولا احد يساعدني ولا هم يحزنون
شوكي ( يجي يفك الاسلاك باسنانه ) : عوووووووووووووووووووووووو
اينو : شفتي كاهو شوكي بيساعد ولو انه بيخرب الاسلاك ( وتساعدها بفك الاسلاك )
ساسوري ( يتكلم من المطبخ ) كوشينااااااااااااااااااااااا يبي لنا نروح بكره السوبر ماركت بعد لان الفاكهه حقه الادغال خلصت
دايشي : انا وثلون بنام -_- اخاف يطلع لي
كوناتا : تعال عندي نام بقولك قصه الوحش والذيب << هو ناقص ؟؟؟ =_=

*************************
اشكركم جدا على المتابعه
واسف سامحوني على القصور
تابعوني في الحلقه القادمه
دمتم بحفظ الله ^^
akatsuki boy

🍁🍂لَا تَكُن صُلبًا فَتُكسَر وَ لَا لَينًا فَتُعصَر 🍁🍂

"الحمدلله على الاعتّياد ، على التخطي ،
على التجاوز والتناسي
و على كلّ فترة استصعَبنا مرورها ومرّت "
🌷