وينكـ ! - عيون العرب

غصن تفاح · #1 09-06-2011, 05:13 PM

تمر طيوف , في بال الحزين الهايم الذبلان ..

....................... و يرسمها على أطراف الورق , و يكسّر أقلامه ..

يضج الشوق في قلبه , و يتأسف على النكران ..

............................و يهتك غربة الليل الطويل بـخطوة أقدامه ..

يسولف عن بقايا رحلته للي ورا الجدران ..

........................... ولا يدري وش اللي خبته دنياه لأيامه ..

رحل , زاده حنينه و الورق و الحبر و الأوزان ..

...........................و تغريبة عمر ضاعت مواريها بأحلامه ..

رحل , يطرد سراب ٍ لا هو بـراوي ولا ظميان ..

............................تشتت بين رغبات الشعور و بين أوهامه ..

تعدّيه السنين , و ينتظر شادي على الأغصان ..

...........................تناجيه الليالي مغرمه , و العمر ما سامه ..

كتب , حتى غدا من شعره إحساس الشعر نشوان ..

...........................نزف , حتى تملّك رغبة الحرمان و أيتامه ..

تعدّا رغبة اللي عاش عمره غربة الأوطان ..

...........................يراوده الحنين اللي تمثنى عالم إلهامه ..

ذبل بين إنكساره للرجوع , و رغبة الشجعان ..

...........................يتمتم للحزن عقب الفرح , و العمر دوّامه ..

رضا يبقى على طول السنين القاسيه , إنسان ..

...........................رفض يحني جبينه للزمن , لو الزمن ضامه ..

بقى إسمه على رمل الدروب , الهايم الذبلان ..

...........................يسولف غربة الليل الضرير لـخطوة أقدامه ..

ما قلت لك يا حبيبي طول غيباتك ..

....... تلعب بحسبة سنيني يا هوا سنيني .. !!
وش فيك تبعد وتزرع فيني آهاتك ..
وتحصد قصايد حزن مستوطن ٍ فيني ..!!
طالت دروبي وأنا أركض في متاهاتك ..
....... حتى وصلتك وأسأل خطوتي ويني ..؟؟
زعلان جيتك وقلبي ذاق حسراتك ..
....... جيتك أبيك إتعذر لي و تغريني ..
ماجيت أدور عذر عادي من شفاتك ..
.......جيتك تراضي شموخي .. مو تراضيني ..!!
وقلي وش أسباب غيباتك وصداتك ..
...... وأقول لك شنهو اللي ( جابني ) فيني ..
ما جابني غير ( إنت ) وطيب نسماتك ..
....... والشوق .. و اللهفه .. وضحكة عدوّيني ..
تعال إسمع بوسط القلب دقاتك ..
....... وأحلام دنياك .. لكن لا تصحيني ..
ودي أرد ما مضى لي منك و فاتك ..
...... وأطير بك لين أضمى .. ثم ترويني ..
طموحي إني أحقق كل طموحاتك ..
....... حرام تقتل طموحاتي وتنهيني ..
تدري حبيبي .. دموعك وإبتساماتك ..
...... ما شفت أنا مثلهم من شافتك عيني ..
يا خي إعتبرني طفل ما يسمع وصاتك ..
....... وش كان ذنبي لجل بالهم ترميني ..!!
حرام تبخل على عيني ب شوفاتك ..
....... لا تحسب إنها سهاله يوم تجفيني ..
أنا طلبتك حبيبي أرجوك و حْياتك ..
..... من بعد حرب الجفا والشوق .. تلفيني ..
وخلني أعالج جروحك وإنكساراتك ..
...... ب دموع عيني وأضمدها ب شراييني ..
وخلني ب جنبك أخفف من معاناتك ..
..... وإنسى معاناة قلبك في مياديني ..
( وروحي وقولي ل عماتك وخالاتك ..
..... قولي : بيرجع وأحط إيديه بيديني ) ..
وبلغهم إنه خيالي في مداراتك ..
...... ماني بناسيك وإنته منت ناسيني ..
وبلغهم إنك إذا إسمي في خيالاتك ..
..... ماعاد به شي فوق الارض يغريني ..
وبلغهم إنك إذا جيت ب مساءاتك ..
..... نورك يضوّي دروبي لين يهديني ..
وبلغهم إنك إلا من قلت لي .. هاتك ..
...... أجيك ممنون وأشواقي توديني ..
وبلغهم إنك إذا زادت حركاتك ..
...... وجا على بالك تعنّيني .. تعنّيني ..
بس قبل هذا بلاش تطول غيباتك ..
...... وبلاش تلعب ب حسبة جد أبو سنيني ..
عشان ما يبلغونك إني ب سواتك ..
...... صرت الضحيه ما بين عنادك وبيني .

لِ شآعر الحَرف} ..

مشاري الشليمي

**بلاتين** · #2 09-07-2011, 08:25 AM

غص تفاح
يسعدنا انضمامك الى عيون العرب
مع التمنيات الصادقة بالفائدة
شكراً لكِ على المنقول الجميل
ويا هلا

غصن تفاح · #3 09-07-2011, 06:39 PM

بلاتين يسعدني مرورك الراااائع
وترحيبك اراقي
كل احترام وتقدير لسموك

**نسمة قلب** · #4 09-12-2011, 07:16 PM

مشكورة اختي طرح رائع
مزيدا من التالق

**سالي** · #5 09-14-2011, 02:26 PM

غصن تفاح اهلا بكـي بيننا

القصيده رائعة ^^

شكرا جزيلا لكي .. دمتـي متألقه ^^

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وينكـ في غيابكـ احس اني في سجونكـ :	SnipeR•	شعر و قصائد	11	10-24-2010 06:14 AM
نشيد { وينكـ ياغالي ؟ جديد المنشد علي الحديب ..	همسات الامل	خطب و محاضرات و أناشيد اسلاميه صوتية و مرئية	0	08-28-2010 06:22 PM