|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#16
09-24-2011, 03:10 AM
| ||
| | ||
| * 10 * بعد صلاة العشاء وحنا نتعشى خلود = خالد اليوم فيه واحد اتصل يقول ان مستأجرين الشقة طلعوا والحين هي جاهزة تفاجأت ما مر شهر ونص على كلامهم انا = متى اتصلوا .؟ خلود = اليوم العصر انا = وتوك تعلميني خلود = نسيت ,,, يعني خلاص بنطلع من بيتنا انا = شنسوي غصب خلود = وكيف بنقل الاثاث .؟ انا = الشقة مفروشة ,,, امم انا ابمرها واشوفها اول ,,, واثاثنا الي مانحتاجه ابيعه ,,, بس انتي جهزي الي بناخذه من الحين ماردت علي و كنها تفكر انا = وش فيك .؟ خلود = لازم اعلم امي اننا بنقل انا = ماتصلت .؟ خلود = لا ,,, أخر مرة اتصلت من اسبوعين انا = هي تعرف رقم جوالي ,,, اذا اتصلت علي علمتها ,,, بس قولي عاد زوجها يخليها تتصل خلود = حسبي الله عليه أي والله حسبي الله عليه ,,, مايكفي حارمنا منها بعد بيحرمنا من صوتها ,,, آآآآه ماباليد حيلة المهم كملت عشاي و طلعت من البيت ,,, خلني اروح اتطمن على خالد واشوف وش اخباره ,,, من الصبح ماشفته لا هو ولا صالح رحت لبيت ابو عبد الله وضربت الباب وطلع لي صالح صالح = هلا خالد انا = هلا فيك ,,, جيت اشوف خالد ,,, وشلونه الحين .؟ صالح = الحين انا الي فاتح لك وتسأل عن خويلد انا = هههههههه هذا انت قدامي مافيك بلى ,,, وبعدين خالد كان تعبان الصبح وجيت اتطمن بس ,,, لا تصير غيور صالح = التعبان الي تقول عليه شف وش سوا فيني وأشر على جبهته ,,, كان فيه خدش بسيط وشكله توه طازا ,,, وبعدين يعني شكلهم توهم متهاوشين انا بملل = وشو بعد .؟ صالح = المغرب سألته سؤال عادي وعصب ,,, انا ابي افهم انت وش تبي فيه هالمغرور انا = والله مدري من الي معطي الثاني كف اليوم ,,, لا تنسى انك مصبحه على كفوف ,,, صالح خف عنه شوي يكفي المرض الي فيه صالح = المهم انت وش تبي الحين انا = نادلي خالد او دخلني عليه صالح = ماني فاضيلك ابطلع عندي مشوار انا = ياخي الملحق هذا هو بالحوش ناده لي شوي ماراح يكلفك صالح = وش تبي فيه .؟ انا بعصبية = رح لمشوارك ,,, آسفين عطلناك ( وطلعت جوالي ) انا ابتصل عليه يطلع = ماله داعي تتصل رفعت راسي لمصدر الصوت وكان خالد جاي لنا وقف بجنب صالح ,,, لا حظت كدمة زرقا بجنب الحاجب الايمن ,,, هذا فيه خدش وهذا فيه كدمة وبعدين مع هالاثنين خالد = ماله داعي تتعب نفسك مع واحد مايفهم صالح = لو ماني مستعجل كان رديت عليك وراح صالح باتجاه سيارته ,,, التفت على خالد لقيته يناظر صالح وهو يمشي ,,, التفت لي وابتسم خالد = وش رايك حنا نطلع بعد انا = نطلع وين .؟ خالد = مدري أي مكان انا = يله ,,, بس قلّي اول راسك وشلونه الحين .؟ قال بلهجة مصرية خالد بابتسامة = عمر الشئي بئي ركبنا سيارته وطلعنا من نا ,,, صح قبل انسى ,,, التفت لخالد انا = فيه واحد اتصل على الاهل يقول الشقة الي استاجرناها صارت جاهزة قطب خالد حواجبه خالد = مو يقولون بعد شهر ونص .؟ انا = هذا الي مستغرب منه ,,, بس يمكن المستأجرين طلعوا منها بدري ,,, خلنا نمرهم الحين قبل يسكر المكتب خالد = معك ورقة العقد وسند المقدم .؟ انا = اوه لا مو معي ,,, بالبيت رجع خالد لنا وقف عند بيتي ,,, نزلت بسرعة وجبت الاوراق وطلعت ,,, لقيت سالم واقف عند خالد ,,, ركبت بسرعة انا = سالم رح العب مع ربعك وياويلك اذا تعدت الساعة 10 وانت برا سالم = وانت بعد لا تتعدى الساعة 10 خالد = ههههههههههههههههههههههههههه انا بعصبية = انا عندي شغل ( والتفت على خالد وضربته ) وانت لا تضحك ,,, امش لا نتأخر خالد بابتسامة = مع السلامة سلومي وصلنا المكتب ونزلنا وبعد ماخلصنا من عنده راح معنا هندي يورينا الشقة ونستلم مفتاحها كانت شقة حلوة بس صغيرة شوي واثاثها حلو بعد ,,, تفرجنا فيها انا وخالد على غرفة غرفة ومعنا الهندي صالة وغرفة مخصصة للمجلس والمطبخ باثاثه كامل وحمام واحد وغرفة فيها ثلاث أسرة وفيها دولاب واحد وغرفة ثانية فيها سرير مزدوج ودولاب كبير وتسريحة ,,, تأملت السرير المزدوج آآآآه المفروض تكون الغرفة هذي لبوي وامي ,,, بس هم وينهم ,,, آآآه ليتهم هنا ,,, انا تألمت يوم شفت السرير اجل خلود وش بتسوي انتبهت بذراع يلف اكتافي ,,, التفت لخالد بحزن خالد = تعال خذ المفتاح من هالهندي وخله يروح ,,, حنا دفعنا المقدم ونقدر نقعد بالشقة براحتنا ( وابتسم ) هزيت راسي والتفت على الهندي الي من اليوم وهو ورانا انا = عطني المفتاح الهندي = انا مافيه يشوف حرمة انته ,,, هذا عمارة عوايل مافيه يجي شباب انا = حرمة بجيبها بعدين بكرة او بعده ,,, انت عطني المفتاح الحين ولا يكثر عطاني المفتاح وراح رحنا للصالة وشغلنا التلفزيون ,,, نزلت شماغي وتمدت على الكنب براحة خالد بعد ماجلس = منزلاً مبارك ,,, ماشاء الله شقة حلوة انا = الله يبارك فيك ,,, الصراحة لولا الله ثم عمي ابو عبد الله كان ضعت خالد = الحمد الله التفت على خالد انا = صح خالد ,,, ابو عبد الله من يوم الاثنين الي فات وهو بالرياض ,,, اول مرة يطول في السفر ,,, عسى خير .؟ سكت شوي وبعدها مد رجليه على الطاولة الي قدامه وهمس خالد بهمس = عنده شغل ,,, متى بتنتقلون للشقة .؟ حسيته يصرفني عن موضوع ابو عبد الله وسفره المفاجئ ,,, اخذت الريموت وجاوبته انا = مدري الصراحة ,,, ماحنا مستعجلين اول شي ابشوف اثاث بيتنا الي نحتاج والي مانحتاج ماسمعت منه رد والتفت عليه لقيته سرحان ,,, لا حول ولا قوة الا بالله وش فيه ذا من امس ماهو على بعضه سكت عنه ورحت اقلب في القنوات ,,, خذنا ربع ساعة وكل واحد على وضعه ,,, اف مليت ,,, جلست معصب انا = ياخي انت ممل ,,, لنا ربع ساعة ساكتين التفت لي بكسل ومارد انا = وش فيك خالد وش الي شاغل بالك خالد بتنهيدة = امور كثيرة ( واعتدل في جلسته ) خالد وش رايك نعتمر سكت من المفاجأة خالد = اربعاء وخميس وحنا راجعين ماراح نطول انا = ماقدر اترك اخواني نزل راسه خالد = صح نسيت انا = هذا غير شغلي ,,, لا تنسى اني تحت التدريب ,,, ومديري عصبي أي غلطة يسجلها علي رفع راسه وابتسم خالد = من هالناحية اطمئن ماراح احد يطردك الحين لكن مثل ماقلت لك مارتحت للمدير واخاف يسبب مشاكل بيني وبين وينلي ويطردك بعد كم شهر انصدمت مشاكل بينه وبين وينلي وش دخله بشغلي انا منصدم = مشاكل ! خالد = خالد من الحين لازم تاخذ دورات انا = تكلم وكأنك واثق ان ماحد يطردني ,,, واي مشاكل تقصد ,,, خالد ماني فاهم شي قمت وجلست عنده يانا ياهو هاليلة يجاوبني غصب عنه وابن امه يتهرب خالد = انا واثق انك بتشتغل كم شهر عندهم بس ماني واثق انك بتستمر انا بسخرية وبنفاذ صبر = وليش واثق ان شاء الله لا يكون مستشفى ابوك خالد = ماهو مستشفى ابوي ( وابتسم ابتسامة جانبية ) بس اذا تضرت انت بيتضر وينلي فتحت فمي مندهش مسكت راسي ,,, آآآه بديت اصدع انا = جننتي باسرارك قال يتصنع البراءة خالد براءة = أسراري .؟ ماعندي اس قاطعته معصب وفاير دمي منه انا بصراخ = للمرة الثانية اسألك وش المصلحة الي يبيها وينلي منك .؟ ولا تلف وتدور تجاوبني الحين الحين تفهم خالد = طيب اعصابك انا بعصبية = جاوب خالد = ابقولك بس خله سر بيني وبينك |
|
#17
09-24-2011, 03:42 PM
| ||
| | ||
|
الله وناسة حلو البارت بانتظار المزيد 
__________________ أَخِلاَّءُ الرِّجَالِ هُمْ كَثِيرٌ وَلَكِنْ فِي البَلاَءِ هُمْقَلِيلُ فَلاَ تَغْرُرْكَ خُلَّةُ مَنْتُؤَاخِي فَمَا لَكَ عِنْدَ نَائِبَةٍخَلِيلُ وَكُلُّ أَخٍ يَقُولُ أَنَاوَفِيٌّ وَلَكِنْ لَيْسَ يَفْعَلُ مَايَقُولُ سِوَى خِلٍّ لَهُ حَسَبٌوَدِينٌ فَذَاكَ لِمَا يَقُولُ هُوَالفَعُولُ ادخل واطلب احلى التوقيعات مع و وردة:rose: http://vb.arabseyes.com/t279006.html |
|
#20
09-26-2011, 01:59 PM
| ||
| | ||
|
افا يعني ردودنا ماتكفي:eesh:
__________________ أَخِلاَّءُ الرِّجَالِ هُمْ كَثِيرٌ وَلَكِنْ فِي البَلاَءِ هُمْقَلِيلُ فَلاَ تَغْرُرْكَ خُلَّةُ مَنْتُؤَاخِي فَمَا لَكَ عِنْدَ نَائِبَةٍخَلِيلُ وَكُلُّ أَخٍ يَقُولُ أَنَاوَفِيٌّ وَلَكِنْ لَيْسَ يَفْعَلُ مَايَقُولُ سِوَى خِلٍّ لَهُ حَسَبٌوَدِينٌ فَذَاكَ لِمَا يَقُولُ هُوَالفَعُولُ ادخل واطلب احلى التوقيعات مع و وردة:rose: http://vb.arabseyes.com/t279006.html |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ( غموض ماسامي ) | عشيرة اليوتشيها | أرشيف المواضيع الغير مكتمله او المكرره او المنقوله و المخالفه | 2 | 03-15-2013 12:37 PM |
| ((غموض خالد)) | احساس مصرقع | قصص قصيرة | 65 | 08-06-2010 10:55 PM |
| غموض الحب- | العنيد1985 | أرشيف المواضيع الغير مكتمله او المكرره او المنقوله و المخالفه | 6 | 11-07-2009 09:51 PM |
| الاصفر اناقه -غموض-وكبرياء | غادةالكاميل | حواء ~ | 25 | 10-18-2009 09:17 PM |
<<شعندها ذي 
العرض العادي
