¨°o.O (صارحتك بما يكن القلب يا حبيب ) O.o°¨ - عيون العرب

عينــ خطير ـاوي · #1 02-23-2006, 11:41 PM

¨°o.O (صارحتك بما يكن القلب يا حبيب ) O.o°¨

السلام عليكم ورحمة الله وبركاته ..

اشحالكم ؟

عسااكم بخير وسهاله ؟..

بكتب لكم قصه يديده من تأليفي ..واكيد هذي القصه بتكون مختلفه عن القصه الي كتبتهاا عاام 2003 وان شااء الله تعيبكم ...واذا عيبتكم بكمل اكتبهاا وان شاء الله ما بطول عليكم بالاجزااء ..حسب ظروف الدرااسه ...بس اكيد بستغل الاجاازاات وبكمل القصه وياااكم ...

بو سعيد : اشوه هذا الميلس متروس ترباات وغبااار وكجره والحب واستكانات الجاهي الي محطوطه على الارض والتكي مفرره ..والتلفزيون مشغل على دبي الريااضيه ...بو سعيد في خااطره ( امس على اي قنااه كانوا حااطين حاير طاير .....)

وتذكر القناه ..كانت ابوظبي ....دخل الميلس وساار صوب دلال القهوه والجااهي وفج غطي الدلال
واستغرب ما فيهن شي ..وملت السح لاحسينهاا لحااس ما تم فيها شي ..

بو سعيد : ما شي اكيد سعيد يعرف منوه جالب الميلس جذيه ....وسحب تلفوونه من مخبااه واتصل بسعيد ...

بو سعيد ريال في الخمسينات من عمره ..يداااوم الصبح في شركة للمقاولات والعصر يبرز في ميلسه الي في العزبه يتقهو ويسولف شوي وقرب المغرب يطالع الحلال ..

بو سعيد : الووووووووووووه

سعيد : هلا مرحبا بويه ...حي ذاا الصوت ..

بوسعيد " يتنهد " : بخبرك عااد لا تيلس لي تتغزل اللحين ....اسمع .

سعيد : تباااني اتغزل بصووت بعيرك التعبااان يعني ؟

بو سعيد : خل البعير في صوب لا افجه عليك ..

سعيد " وهو يضحك " : هلا هلا بو سعيد ....امر يا احلى ابو في الدنيا ..

بو سعيد في خاطره يقول " الله يحفظك يا ولدي ..ويحفظ لك عيالك .." : الغالي ...امس منوه مبرز في ميلس العزبه ..

سعيد : ليش تتنشد ؟؟

بو سعيد : الميــــــــــــــــ ـــــــــلس مجلووب جنه الجلاب لاعبه فيه ...خبرنيه جاان تعرف منوه مخرب ..

سعيد " اخاف اقوله منوه ...وتشب حريجه حتى المطاافي ما تقدر عليها " : هاه سم ..

بو سعيد : سم بدنك ...خبرني عااد منوه ..
سعيد : ابويه فديتك ..اذا خبرتك بتوري الظو وبتشوينااا عليهاا ..

بو سعيد : انته خبر بس ..ارتاااح مب متفيج اعصب ..روح الضغط مرتفع عندي وابغي انزله ..

سعيد " وهو يضحك " : حط له دري وبينزل ..

بو سعيد : تنكت على بوووك ..

سعيد : ما عاش الي يضحك على ابوويه ......بو سعيد ..ولدك رااامس ميمع ربعه من كل داار وديره ..وقعدهم في الميلس عشاان يتاابعون مبااره العين والوصل ..

بو سعيد : الهرم ..مسود الويه هو ..هذا مني عااطنه مفتااح السبير ..ما عليه بسحبه منه ...هرم ..

سعيد ...الولد الاكبر لبو سعيد ..عمره 25 سنه مااخذ بنت يراانهم وعنده ولد وااحد عمره سنه ونص واسمه زايد..لنه انولد بعد ما توفاا القاائد بيومين ...فسماااه زاايد ..

في بيت بو سعيد ..

ام سعيد من يحل الظلام تسير صوب خيمتهاا الي حذا المطبخه وتوري الظو وتحط جدرهاا مال العيش ...وتحط دلة القهوه وحقه السح وتيلس تتقهوى ..

ام سعيد : يالله يا هل البنات كله متفيزراات في البيت ...مليت انا برووحي يالسه لا ونيس ولا صديج ...

ورن تلفونهاا ..وكل العاده ختهاا موزه متصله ...جان تنسدح وترمس ويااها ..

رميله ..ام سعيد ..حرمة بيت والكل يمدح فيهاا ويمدح طبيخهاا ...وبعد هيه صغيره في السن عمرهاا في الثلاثين وما ينباان عليها الكبر ..

" داخل البيت "

ريمه 18سنه اصغر بنات رميله من بعد هيا الي عمرهاا 23 سنه وعفراا الي اكبر عن ريمه بثلاث سنين ...

ريمه كانت يالسه في حجرتهاا تجهز ثياابها وشنطتهاا لاول يوم كليه بعد اجاازة الربيع وسمعت صوت التلفزيوون مطول عليه في الصاله ..وجان تتطلع عشاان تقصر عليه ..

في الصاله كانت سلامه حرمت سعيد وولدهاا زايد يتابعون توم وجيري وياااكلون شندويجاات ..

ريمه وقفت عند مدخل الصاله وهيه حااطه ايدهاا على خصرها : ياسلام ...عليج يا حرمت اخويه تاكلين انتي ولدج ولا تعزميناا ..هاه ..ما عليه يوم بسوي كيك ما بعطيج ....حرماان ابدي .

سلامه من سمعت طاري الكيك صدت صوبها ...ريمه تسوي كيك الي في كرااتين جاهزه ..بس ريمه تخلط كريمه وكوفي وكاكاو وتحطه فووق الكيكه ويحليهاا اكثر ..

سلامه " وهي تضحك " : كله ولا كيكج ..تعالي تعالي تبين شندويج جبن هذا الموجود ..
ريمه " وهيه تضحك " : يالمكوور خخخخخ ..اللحين عزمتي ..بس ماشي الحال بزط من هل الجبن يمكن يسد اليوع ..

حطت ريمه ايدها على كوب الجبن ومن طرف ثااني كان زاايد مااسك الكوب ...

ريمه : حبيبي بطل ايدك ...انا عمووتك الحلوه ..وهيه تغمز بعيونهاا له ..

زاايد ما شااء الله يعرف يتكلم ويتحرطم مراات ..

زايد : دوووكنته ...بتي بتي مالي ...مالي ..وينزل دموع التمااسيح .

ريمه " وهيه تبحلق بعيونهاا " : فج ياا زيوود ...بعطيك حلاوه ..

زاايد : ولي ....حبيبي ماماه ..

سلامه وهيه تطالع ريمه ..وريمه تضحك على تحرطيم زاايد ..: حبيبي عط ماماه يالله قوود بوي ..

وعطااه امه وسلامه عطت ريمه الجبن ..

سوت لها سندويشه وساارت صوب امها في الخيمه ..وهي تغني وتأشر صوب امهااا

" احبك لو بعيد الداار عنك ..جدااك يحني قلبي للرجووعي ..لو عني الليالي مبعدنك غلا في خاافقي تحت الظلووعي "

ام سعيد : هيه اطربت الصخله ...

ريمه " فااجه ثمهاا " : صخله !!! اماايه ولا يوم مدحتي فيه وكله تذميني ..صخله الله يساامحج ..

امي تعرفين وحده اسمها ريمااني ؟؟

ام سعيد : ما اعرفهاا انتي تعرفينهاا ...وضحكت على خبال بنتهاا ..

وكملت عليها ريمه وضحكت ويااها ..

وشوي وتيلس ريمه تتميلق على امها ..وتسولف لها عن شيطاانتها يوم كانت صغيره ..

ريمه : اماايه ..تحيدين يوم شرد التيس الي ياابوه لج قووم خالوه ..

ام سعيد : هيه ..

ريمه وهيه تضحك : فجيت عنه الحبل قلت بمشيه في ربووع بيتنا ياكل من هل النخل والزرااعه ..بس خون فيني الهرم وتم ربع جداامي ما قدرت امسكه وشرد ..

ام سعيد : يالقويه انتي ..

ونفس اللحظه وصل بو سعيد وورااه سعيد البيت ....هم يردون البيت السااعه 9 ويتعشون ويرقدوون ..
ولكن هل المره بو سعيد معصب على راامس ورااد البيت يدور على راامس ..

دخل وهو يزقر على راامس ..

بو سعيد : راااامس ....يا رااامس ..

راامس شااب صغير ..عمره 20 سنه وهو ما كمل درااسه من بعد الثاانويه ..حلو وعليه جمال الكل يتمنى يكون بمثل جماله ..ولكن انسان مزااجي بدرجه فضيعه ..ما يحب يظهر مشااعره للغير ..جامد في كثير من الموااقف ..بختصار شخصيه غير متزنه ..

راامس في الوقت الي كان ابويه يزقر عليه ..كان يرمس وياا شيطان االانس منصور ربيعه ..

وبند عنه بسرعه وطلع من حجرته صوب ابوه الي كان معصب ..

تتوقعون بو سعيد بيصكت عن الي سواه راامس ؟؟

وام سعيد بتحااايز عن ولدها وبداافع عنه ؟؟

وراامس بيسمع كلام والديه ؟؟

كل هذا في تكملة القصه اذا حبيتواا تكملونهاا وياي.....

.
.

**RooT** · #2 02-24-2006, 02:48 AM

مو متعودين على اللهجات المحلية الاماراتيه ولكن اكمل يعزيزي

سنتعلمها منك

سيـــــــرين · #3 02-24-2006, 12:43 PM

صراااحه ما فهمت شي ^45^

اللهجه كتير صعبه ^بب^

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جراحات القلب المفتوح فى مصر	الداعية	صحة و صيدلة	3	10-15-2007 12:15 PM
هل طيبة القلب ضعف في الشخصية ؟؟؟؟	بــو راكـــــان	حوارات و نقاشات جاده	10	05-01-2007 10:02 PM
أسباب نمو التوحيد في القلب	بــو راكـــــان	نور الإسلام -	6	08-22-2006 07:16 AM
¨°o.O ( خطورة منع العطس ) O.o°¨	توتا	صحة و صيدلة	11	06-25-2006 02:22 AM