مسلمينَ بلآ اسلآم [ مو كلنا بعضنا ] ليش ؟؟ - عيون العرب

ممُثلى :$ · #1 12-13-2011, 12:32 AM

سلآم عليكمٌ و رحمهَ اللهَ و بركاتهُ

اخباركمَ و شلون الددوآم معكمً ؟؟! < - - - - - - - مللً ,, صح!!

العنوانً يمكن تفهمونهً غلط ,, لاحد يفهم اقروا الموضوع للآخر وبعدين شاركوا و علقوا على راحتكمً ok

طبعا خذيت الموضوع من جملهَ قالتها عامله في حمام المولً طبعا هيً ما قالت مسلمين بلآ اسلآم بسَ
قالت جملهُ تشبه هذه الجملهً قالـتً : { نفـر مسًـلم بس قـلب مافـي مسـلمً <- - - - - - - - - - اللي عندهم خدامه هنديهً بيعرفون الجمله من دون ما افسر بس انا بفسرً ,, الحرمهَ تقول : { كل الناس مسلمينَ بس قلبهم مو مسلمً }

طبعاُ بهذه الجمله بفتتحً موضوع حقيَ - طبعاُ في نص الموضوع بقول لكمً ليش قالتً هذه الجملهً اللي يمكن ضايقت البعض منكمً ,,

قبل ما ابدء الموضوعَ بقولً لكمَ لآ حد يزعلً لآنووَ مثل ما انا كاتبهً في العنوانَ [ مو لكنا بعضنا ] لان فيه ناسَ يسعون لتحقيق صوره المسلمين في كل مكان في العالم بشكل حلوَ ,,

علشان هذه الجملهً بفتح موضوع من زمان في خاطريَ و بتكلم فيه منَ جميع النواحيً و ما راح اخلي شيء يبقى ما قلتهَ بقرقر الينَ تملون منيً , انا متفيقهً لكم آخر درجهَ , يعني اللي راسها يعورهاَ
تطلع تسوي لها كوفيً و تنام و تريح شوي و ترجع هوون للموضوع ,,

خلونا نرجع الى صلب الموضوع و الآساسَ و هو الجملهً بقول لكم من قالتها وَ ليش وَ وينَ وَ كل شيء سبب هذه الحرمه تقولهاً ,,

{ أول شيء احنىً كناً في مولً انا و خواتيً و اميً طبعاً انا قبل لآ اشتري اي شيء اروح الحمامات أعدل كشتي و لفتي وعباتي و كذآ , بعدينَ يوم وصلتً أنا اختيَ قالت لي : امسكي شنطتي بدش الحمامً قلت : ok و انا انتظرهاُ عند المرايآ مالت الحماماتُ و اطالع اللي يلطخون في نفسهم بهذه المكياجُ ما ادري يمكن جايه تشتري كعب او اسوارهً وتروح بعدها لصاله أعراس ,, شكلها يقول كذا ألمهم .
وانا قاعده اطالع جات العامله طبعا الفراشه هنديه ,محجبه , مسلمه , كبيره بالعمر عمرها يمكنً بالاربعينَ كسرت خاطري بعدين ابتسمت لها وَ ابتسمت ابتسامه حزينه طبعا انتوا بتقولون : شلون ابتسامه حزينهُ ,, { ابتسامه حزينه يعني َالوحده كانت حزينهً بعدينَ شافت حد ابتسم و ابتسمت ْ} ,,
بعدين جات تلم وصخ تحتيَ طبعا انا وخرت لان وحده كبر ابوي ً تجي تلم من تحت رجليَ طبعا اللي كانوا جمبي و يلطخون بالمكياج ما تحركوا ولا اهتزت فيهم شعرهُ , الحرمه ابتسمت ابتسامهَ ندم <- - - - - -[ طبعا انتوا بتقولون : كم نوع ابتسامه في الحياه HHHHHH سوريَ بسَ والله انا عندي شعور غريب اشوف الابتسامه و اقول هذه ابستامه كذاً ] ابتسامتها كانهاُ تقولً : وحده كبر بنتي اشيل الوسخ تحت رجلها و ما تحركت !!! و تلوم حظهاُ طبعا انا ما ادري شنو شعورها او شعور ابوهاُ بس شعوري يقول شعروها يقول كذا < - - [ السالفه معقده يبيلها حبل افكارً وانا قلت من البدايه لاحد يدخل تعبانً ارتاحووآ شوي و تعالوُ مو ؟؟! ]
بعدين قربت مني , انا قلت : الله يستر شنو بصيرً ؟؟! ابتسمت { هالمره ابتسامه طبيعيه } وقالت الجمله اللي انا أفتتحت الموضوع عشانهاُ : نفر مسلمُ بسَ قلب مافي مسلمُ ,, لحظتها ودي المها و ابكيً }

هي قالت كذا من الاوساخ اللي تنقط قدام عينها و سله المهملات جمب الوحدهً اللي تقط وسخهآ ,, صح يمكن تقولون موقف عادي بس انا احس هالجمله تعني اشيا واجد مو بس وسخ و نظافه لآ في اشياء ثانيهَ ,,

انا فكرت في هالجمله الى اللحينً و طبعاً ما ترددت لحظه وحده انوو أاجل الموضوع ليوم ثانيً ,, لآن الموضوع يهم كل وحده فيناً و كل مسلم و مسلمهً ,,

خلينا نتكم شوي و نقرقر في الموضوع خلينا من النيه حقت الحرمه يوم قالتها هي نيتها اوو محد يهتم في النظافه و النظافه من الايمان ,, بس خلينا نتكلمً بشكل عامُ في أخلاق المسلمينً و عكس الصور عنى كمسلمين و الاخطاء اللي مفروض تتصحح ~

بآقي قرقر X قرقر
لآ حد يرد لو سمحتوآ

ممُثلى :$ · #2 12-13-2011, 12:40 AM

تآبع

ألحينَ رآح نبداء بآلاشياء الي ممكن تعطي عنآ طابع خآطئ ,,

الشكلً |o:~

- اشكال البناتَ ( لآن عيون آلعرب فيهه منههُم بنآت), يوم تكون في السوق مكياج على الاخرً ,, انتوا لآ تفهموني انو معارضه ع المكياج كلنا نسوي مكياج حتى بالسوق بس قصدي اللي الوان صدق حق عرس و روج أحمر او فوشي ورديً و ظل اخضر غامق او اسود غامق ,, هذه المكياج اللي ما احبه ,
تخيلوا وحده أجنبيه و قسم انها جايه السوق بلبس لآ ضيق ولا واسعَ ومو حاطه شيء و هذه و هي أجنبيه مع ان لو حاطه بكيفها هذه مهما كان مسيحيه او من ديانه مو مسلمهً , و البنات الليً اشوفهمً ,,
ولللآسف مسلمات عبايه الوان و اشكالُ ,, ممكن نفصل عبايه موديل اخر شيء و لون واحد مو كل الالوان , و مو ملطخه بالوان تقولينً عبايه عيد ,, يعني ممكن عبايه للعيد والزيارات هذه تكون ملطخه الاوان و اشكال و عبايه الثانيه للمستشفيات والاسواق و غيرهاً تكون مرتب ستايل حلو لون عادي راقي .. المقصود ما نروح اسوق بمكياج فل ,, و عباياتً أضيق ما يكونَ والوانً وحالتنا تكسر الخاطر كأن احنا محرومات من كل هذه و نبغي نطلع حرتناُ , لا احنا مو كذا احنا بالعكسَ حبا لله وطاعه لهً نسويً كذا
وحبا لنبينا محمد صلى الله عليه وسلم ,,

بس مو قصدي تروحون السوق و شكلك خربان و العبايه مو مكويهَ و حالتكِ حالهً , no روحي حطي شوي قلوسَ و ادهني وجهك بكريم معين أو فازلينَ بس اهم شيء ما تصير بشرتك خربانه , خليك مهتمه ببشرتكً و عبايتك و ريحتكَ الحلو

الريحهً يفضل ما تكون عطر فايحً اللي عند البوابه يشمونهُ , ولآ ريحه خايسه الناس يختنقونُ , تعطريً و بشكل بسيطً و اطلعي السوق و الحديقه والمستشفى و على كيفكً و شكلكَ مرتبَ , خلي اللي مو مسلمه و تشوفكمً تقولً : عفيهُ , بناتً مرتبين نظيفاتُ و حلواتً ,,

المقصود من هذه كلهَ ان ( تلتزمينَ بصفات لبس المراه بالاسلامُ بشكلً مرتب وستايل حلوً من كيفكَ )

الاسلوبَ |o:~

فيه ناس وقسم قدامي يوم يطلبون من مطعم يسمعونه المطعم اللي جمبه يحسبونها طالبه من عندهم ,, أو اذا نقصت وجبه من الطلب اللي هي طلبته تقوم من كرسيها تصرخ الى ان توصل الى المديره المطعم وتسوين سالفه ,, سوي سالفه عادي بس مو تسوين نفسك معصبه و تصارخين و تزعجين اللي حواليكً ,, يعني هذه الحركه شنو تسوي ,, تدرون شنو تسويً ؟؟ ,, خلوني اقول لكم : مره في واحد في منتدى العرب المسافرون يقول عن رحلته و أذكركان يقول انو : راح مطعم و منعووه يدخل لانه عربي مسلم وصور لنا الوحه مكتوب عليها ممنوع دخول الكلآ ب و العرب <- - - الاغلبيه العرب مسلمين مو كلهم ,, طيب ليش نعكس الاخلاق كذا لدرجه انو حطوا مقامنا مقام الكلآب

مو أنا , ما اعرف , مالي خص |o:~

مثلآ انتي بالكويت أو الرياض أو ابوظبيَ , و رايحه مكانً و اللي يوصلكَ أخوك أو ابوكً أو السواقً و شفتي واحد مو مسلم : هندي , فرنسي , بريطانيً و يسالكَ عن فيه ناس يقولون : ما اعرف لآنهم يبون يوصولون للمكان اللي يبونه مستعجلينً,, ممكن لخمس دقائق اللي تتوقف فيهاً تعطي لهذه الشخص فكره حلو عن المسلمين ,, او اذا فيه جذع شجره في نص الطريقً و لآ كرتونً محد راح يوقف حتى انا متأكده لو رايحه السوق ماراح اوقف ابغي اوصل ,, واقول : مو انا اللي حطيت الكرتون او فيه الف وحده تشلهم غيري صح ؟؟ لا ليش انتي ما تكونين احسن من لالف وحده و تشلينهم ,, تخيلي اللي بتشوفكَ مو مسلمه بتقول : يحبون المساعده و هذه صح هذه الصفه فينا كالمسلمينَ ,,

ما ابغي اطول
بس لآزم أتكلمً

قبيل أخر شيء و تفتكون من القرقره

ترى مو كلنا كذا , وقسم انووه فيه ناس يعكسون صوره المسلمين بشكل راقي و حلو
فيه ناس يحتاجون الشكر والتقدير و ترا على اي شيء بسيط يسونه يعكس اشياءِ

وً الكلآم موجهه لليَ ما يتصفون باخلآق الاسلآمً ,, فيه ناس من بيناً وايد افاد ً الاسلآم باسلوبه و عكس صورر عنهم حلوه.

أهماَ ناس عاددين ما طلعواُ بـT.V ,, ولا سووى شيء كبير يعكس صوره الاسلام
بس الناس العاديين كل يوم يكثرون وً يكونون جيل مسلم نفس جيل الاسلام قبل ,

يعنيً االلي قال ( مسلمين بلآ سلآم و سلآم بلآ مسلمين ) واحد غلطان , انا يمكن ما اعرفه , و لكن حطيت جمله في العنوان عشان تخليكم تقرون الموضوعِ ,, والآ احنا ناس مطورين و اسلوبناً و اخلآقنا كل الديانات تتمنى مثلهاً و عبداتنا لله و حبناً لله و رسولناُ اكبر دليلًا على ان احنى احسن من كل الدياناتَ بسِ انا يوم طرحت الموضوع عشان الاقليهَ اللي عكسو صور عن الاسلآم مو زينه يصلحونهًا و بسَ لآني تضايقت من الجمله اللي قالتها العامله ( نفر مسلم و قلب ما في مسلمً }

خلونا نشوف برامج اللي قاعده ترجعنى على خطى سيدنا محمد و على منهج الاسلآم

- خواطرً

{ برنامج رائع وَ ينقل لنا الاشياءاللي تساعد على رقي مجتمع الاسلآمَ ْ وَ برنامج يضع لنا اخطائنا و يضع حلولاً لها يعني محط الاخطاء وقال: شوفوا انتوا كذا و كذا no حطى الحلول عشان يترقى المجتمع المسلم أكثر مما هو مترقي }

- لو كان بينناً

{ برنامجٌ حلوً و يتكلمً عن اخلاق المسلمين والمزايآ و جدا رائع ويعرض حالياً على قناه mbc }

و من الناس اللي عكسوا صور المسلمينَ صح :

- احمد الشرقي
- عمر خالد
- محمد العريفي
- مشاري العفاس
{ صوته حلو و ما قال بغني راح يسوي اناشيد }

آخر شيء
الاخير و الاخيرَ

وقسم خلآص بوقف قرقرَه

الاسلآم قبلً كان قمه في كل شيء بس في وقتنا الحاضرَ تغيرت اشياء واجدَ ,, وللاسف تغيرنا للاسوء

تدرون ؟!

قبل الاسلآم منتشر في العالمَ . و المسلمين يفتحون بلد و راى بلد و كانوا اقوياء , و يوم وصلوا الى اوربا وكانوا يسمونهم العصور المظلمه لآنهم كانوا جاهلين و عندهم الظلم والفساد لدرجه ان الحرمه اذا توفى زوجها تنباع مع اثاث بيت زوجهاُ أو تنحرق و تموت معهً الة هذه الحد وصل الظلم والجهل وبعدين يوم وصلوا المسلمينُ وفتحوهاً جاهم العلم من عندناً و الحضاره والحريه و احنى جانا من عندهم الظلم والفساد والجهل لدرجه انو قبل كم سنه كان عيب انو القبائل منعوا لتدريس و يوم فكروا يدرسوا درسوا الاولاد و البنات لآ ,,

واحنى اللحين روح عندهم لبلآدهم عشان ناخذ الشهاده الجامعيهَ و بالاصل الجامعه سوها واحد عربيً وفي مصر بُنيت اول جامعهُ , لكن قلتها من قبلَ : جانا من هم الجهلً و تكسلناَ ورحناِ عندهم ما عد نبغي ندرس عندناً , و العلماء كانوا عرب بسَ مادريَ تكاسلناً و صرنا نبغي كل شيء جاهزَ

انا قلت هذه الكلآم عشان تدرونً انو احنى كنا اصل : العلم والثقافه والرقيَ و تتشجعواً و تصبحوا علماء نفس الخوارزميَ ,,

{ انا هذه المعلومات اللي عندي , و ما عندي اكثر منها , و مسمعتها من الt,v و النت و الناسَ و الله اعلمً و يوم اكبر و يكون عندي معلومات اكثر بجي لعندكم و بقول لكمَ بس هذه المعلومات اللي عندي وانا للحين ما تعدى عمر 19 سنهَ ,,

{هدفي بالموضوع يكون دافع للرقي الاسلام والمسلمين ,, احلل النشر و النقل بس بذكر آسم عيون آلعرب
و اللي بتشتمَ او بتعارض من اللحين اقول لا ترد ولا تشاركَ و اذا حابه تزيد و تشكر و تصلح معلومات ممكن و عاديً ,, وهذه نضيرتي و كل واحد و نضيرتوه ْ}

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مع بعضنا ( بقلمي )	abo.omar33	أرشيف المواضيع الغير مكتمله او المكرره او المنقوله و المخالفه	12	10-03-2011 02:29 PM
وما زال بعضنا يكذب	(( الطائر المهاجر ))	مواضيع عامة	0	11-13-2010 11:30 PM
كلنا مصر-- كلنا جزائر	الحسني ابو بلال	حوارات و نقاشات جاده	13	12-04-2009 06:15 PM
لماذد نقّبل بعضنا!!؟	المعلم سطح	ختامه مسك	11	04-18-2006 01:25 PM