..القصه تدور عن حياة ديدارا مع عيلته و زواجه الاول من بنت السناعيس تراها انا....هع
ندش لبيت القصيد..خخخخخخ..اقصد القصه





الأم : ياوليدي منتب ناوي انجوزك
ديدارا : والله يما مدري ..لاني زي ماتشوفين مقرق و دور على وظيفتن سنعه
الأم : بس ياوليدي ودي اشوف عيالك قبل تجيني هالمنيه..
ديدارا : جعل يومي قبل يومس يالغاليه..بعد عمراً طويل ان شاء الله وتشوفين عيال عيال عيالي
الأم : يابعد تسبدي..اقول وانا امك شفت لك بنيه هالحلال ومزيونه ومن عايله اجاويد..
ديدارا : إيه..لعاد اعقبي عليهم ومنا ومنا اسأليهم عن المهر وبعد وش تبي هالبنت تشرط علينا
الأم : مايخالف ياوليدي...الوكاد مع هالعصريه توديني لهم ..
ديدارا : سم يما
وتطلع دارين تناطى من باب الغرفه وتزقح فوق ظهرها نديرا....>>>ترى دارين اخت ديدارا الوسطى
و نديرا اخته الصغيرة
دارين : وجع نديرا وش قاعده تسوين اذلفي عني
نديرا : لا والله وليه تقزين بعيونس من الباب قز
دارين : كولي تبن
نديرا : بصوت يصج صج..(يمـــــــــــــــــــــــــــــــا
الأم : هابنيتي وش عندتس تناديني
نديرا : دارين قاعده تخانقني
الأم : اعقلي يادارين ترى والله لجيتس ذالحين
دارين :يووووه يما والله ماسويت لها شي
نديرا : يما قبل شويه وش كنتي بتقولين لخوي
الأم : اجوزه له بنيه من ربعي
دارين : اها زين لعاد بتخطبينها له متى
الأم :هاليوم
نديرا : والله ياسلااااااام احسن خبر بحياتي...بالله يما خوذيني معس
دارين : احم احم وانا بعد لاتنسيني
الأم : الوكاد جهزن حالتسن و ياويلتسن تأخرني
دارين + نديرا : إن شاء الله يما
الأم : وانت بعد ياوليدي
ديدارا : اكيد يالغالية لاتوصين حريص
الأم : كفو وليدي
نديرا : يما ابوي وينه
الأم : يصلح سيارته وللحين مارجع
دارين : طيب اتصلي عليه
الأم : اي والله يابنيتي عشتي جيبي جوالي تلقينه برف النمليه بالمطبخ
دارين : سم يما
ديدارا : يما عسى ماشر وش بلاها سيارة ابوي
الأم : يادفع البلى خربانه
دارين : يما هاس الجوال
الأم : يالله يالعافية...عسى بس يرد علي
الجوال : رننننننننننن
الأم : السلام عليكم يابو ديدارا
ابو ديدارا: وعليكم السلام..هلا وش عندس متصله علي تبين شي..
الأم : سلامتك ياطويل العمر ابد بس ودي التطمن عليك..وش سويت بهالسيارة إن شاء الله تصلحت
الأبو : بأذن الله قريب تخلص..بس بقى اغير القماشات لأنهن تعبانات
الأم : زين لعاد نستناك عالغداء
الأبو : إن شاء الله..يلا مع السلامه
الأم : بأمن الله وحفظه
ديدارا : ها وش عنده ابوي خلص ولا لا
الأم : يقول شوي ويخلص
ديدارا : الحمد لله
نديرا : يماااااااااااا..
الأم : ومصع وش فيتس تصارخين علي
نديرا : المرقه حقت هالحمه تبي تنش تعالي بسرررررعه
الأم : هذاني جايه...يملا الثقاف حتى المرقه ماتعرفين تصلحينها
دارين : يما احط السفرة
الأم : إيه عجلي عليها..قبل لا يجي ابوتس
ديدارا : يما تبين شي من البقاله
الأم : لا ياوليدي
نديرا : جب لي عصير بيبسي
ديدارا : طيب
الأم : وانتي ماتبطلين شرب هالغاز
دارين : هذي موضه العصر يما
الأم : بالله تسمين ذا موضه...ماقول غير الله يرحم أيام جدي
........
...
برا البيت
عند ديدارا بالبقاله
ديدارا : يا معلم..
راعي البقاله : إيوه اس يبغى
ديدارا : جب لي عصير بيبسي وشويه مكسرات ولبن
راعي البقاله : معلوم
و يدشن للبقاله بنيتين من طالبات هالمدارس
البنيه الأول : ريما شوفي ذاك الولد يالبيه يهبل
البنيه الثانية : هاه ساره إيه ادري هذا ولد جيرانا
ساره : بالله احلفي من صقس
ريما: والله ما اكذب عليس
ساره : عمرس كلمتيه..
ريما: لا والله بس مره هو سأل عن ابوي
ساره : لعاد تعالي نتعرف عليه
ريما: اهاه وش قلتي نتعرف انتي خبله تبين الناس تقول عني هايته تكلم عيال
ساره : ليه هو احد يبي يعرفس وانتي لابسه هالعباه
ريمت : ايه والله فشله اخاف احد يعرفني
ساره : امشي امشي
ريما : ساره وش فيس وقفي ليه تجريني
ساره : قلت لس امشي ماتردين علي
ريما : خلاص بمشي معس امري لله
ساره : يلا
وعقب الهرج والمرج راحن يم ديدارا
ساره : سلام ياحلو
ريما : بصوت واطي وجع ياساره لاتفضحينا
ديدارا : وعليكم السلام هلا..ها من هذاي انتي ياريما
ريما : اااي ه..اقصد إيه هذي انا ..بس شلون عرفتني.؟
ديدارا : من عيونس
ساره : ريما يا حظس
ريما : انطمي يالخبله والله لوريس طبس عندي بعدين تشوفين هين
ديدارا : ها وش فيكم تناقرون..؟
ريما : لا مافي شي الا شلونك انت وش مسوي مع دروسك
ديدارا: الحمد لله تمام هذي اخر سنة لي واتخرج
ساره : ماشاء الله عليك نمس
ديدارا : تسلمين
ريما : عن أذنك ديدارا باخذ اغراض البيت لأنا تأخرنا
ديدارا : السموحه ماكان قصدي
ساره : لا ماعليك
ريما: تعالي سويره
ساره : ها ريري يلا هذاني جايتس
ريما :ها وين الورقه الي اعطتس اياها
ساره : إيه معي الحين بطلعها...ها هذي هي هاس
سوزان : طيب
ديدارا يطالعهن ويقول بقلبه(ياحليلهم هالبنات )
ساره : ريما ريما طالعيني
ريما : هاه وش تبغين
ساره : ديدارا قاعد يطالعس
ريما : وش اسوي كله منس
ساره : خخخخخخخخ
ريما : يلا تعالي نحسب قيمه الأغراض
ساره : حاظر ست ريما
ريما : ساره بلا كلام فاضي
ساره : طيب طيب بسكت احسن
ريما : لاتنحين قدامي شيلي معي مو بس واقفه تقل عمود كهرباء
ساره : يوووووه دايم بشيل معس اف
ريما : لو سمحت كم الحساب
راعي البقاله : هذا كلوه سمسم يهسب واهد
ريما: إيه كلها لي احسباها مع بعض
راعي البقاله : 50 ريال
ريما : طيب معي 100 ريال افرطها ورجع لي الباقي
راعي البقاله : كلاس معلوم
ديدارا : يا حباب وين اغراضي
راعي البقاله : انا جيب اغراض وانتا مافي شوف هساب
ديدارا : اي ماكنت يمك السموحه
راعي البقاله : مافي مشكل
ديدارا : طيب كم الحساب
راعي البقاله : 18 ريال
ديدارا : هاك
ريما : ساره امشي
ديدارا : تبين خدمه ريما
ريما: لا مشكور والله ماتقصر
ساره : يلا مشينا
ريما: يلا
ساره : مع السلامه ياحلو
ريما : امشي امشي يا قشرس
ساره : لا كوليني احسن
ريما: اقول ماعد اروح معس ولا عاد البس برقع توبه توبه هي النوبه
ساره : ليه
ريما : تدرين ليه لا تتغيشمين علي..تعرفين لما شاف ديدارا عيوني عرفني
ساره : هههههههههه على شان كذا والله منتيب بسيطه
ريما : هين وبعد تتمسخرين هين يا سويره
..............
.....
عند بيت ديدارا
ابو ديدارا : السلام عليكم
نديرا : وعليكم السلام هلا يبا
الأم : هلا والله بو ديدارا
الأبو : تسلمين يالغاليه
دارين : يبا نجفي الغداء
الأبو : والله على راحتكم
الأم : اقول ماشفت ولدك ديدارا طلع للبقاله وللحين مارجع
الأبو : لا ما شفته ..لعاد نستناه لين يجي
ديدارا : هلا يبا هذا انا جيت غديني طولت عليكم
الأبو : لا والله ياوليدي انا بعد توي جاي
الأم : يعني نجفي الغداء
الأبو : اي والله ياام ديدارا هلكنا الجوع
الأم : إن شاء الله شوي ونجهزه
دارين : نديرا عطيني التبسي (صحن الرز)
نديرا : وليه انتي ما تجيبينه بنفسس
دارين : يوووووه انا مشغوله اصلح الغداء
نديرا : يالله ياكبر العذر
الأم : هه ماخلصتن للحين
دارين : يما تبين اجفي بالتبسي الكبير ولا الوسط
الأم : لا بالتسبير احسن
دارين : طيب
الأم : نديرا حركي المرقه وحطي القفاره على القدر لا تخلينه كاشف
نديرا : ولعاد المرق الي بطاسه وين اوديه
الأم : لا خليه بمكانه انتي رفله يمتسن تزلعينه علينا
وبعد هالحوسه قلطن الغداء
الأبو : تسلم يدياتكن
الأم : عليك بالعافية
نديرا + دارين : عوافي يبا
ديدارا : يبا لاتنسى اليوم تروح معنا
الأبو : اروح وين ياوليدي
ديدارا : تخطب لي
الأم : اي والله نسيت بقول لك يا بو ديدارا اني اخترت لولدك بنت حلال من ربعي
الأبو : زين على خير إن شاء الله
نديرا : يا حظك يا ديدارا
ديدارا : وليه
نديرا : لأنك بتتزوج
الأم : صدز انتس ماتستحين وتقولينها بعين قويه زدامي
نديرا : ليه هو عيب البنت تتمنى الزواج
الأبو : لا يابنيتي ما صيدها عيب تقصد لس انس صغيره على هالسوالف
دارين : خخخخخخخ
نديرا : دارين انقلعي
دارين : والله
نديرا : طسي
الأبو : هه جينا للهواش لا وبعد قدامي ماشاء الله وين الأحترام على قول المثل رب جريوك ياكلك
دارين+ نديرا : السموحه مانعودها
الأم : وانتي يا دارين متى انجوزتس
دارين : لين يجيني النصيب...بس ليه طفشتي مني ماعاد تبيني
الأم : لا والله يا بنيتي ودي افرح بتس وشوف عيالتس
نديرا : يا حمار استنى لين يجيك الربيع
دارين : وش قصدس يعني انا حماره ولا وشو
نديرا : حشاس مو ذا قصدي
الأم : بستس يا نديرا ترى والله ان ماسكتي لسد حلقتس
نديرا : طيب بسكت
وبعد مروووووووور الوقت جت حزه العصر
الأم : يا وليدي ديدارا هو انت جاهز
ديدارا : ايه يما
الأم : لعاد صح ابوك من النوم ..انا رايحه اشوف خواتك هن اخلصن ولا لا
ديدارا : سم يما..اذا خلصتوا تلقونا بالسيارة
دارين : وش البس هذا ولا هذا امممممم والله محتاره بين هذولا الثوبين
نديرا : وليه الثوب الوردي ايجنن البسيه ترى يطلع يهبل عليس
دارين : من صقس يطلع حلو علي
نديرا : ايه
الأم : ها بنياتي خلصتن
دارين : لا يما محتاره بين هذولا الثوبين اي احسن البس العنابي ولا الوردي
الأم : والله انا اشوف العنابي احسن وثاني شي انه مهوب امصلخ
نديرا : لا يما الوردي يهبل
الأم : اجل وشوله تاخذن رايي
دارين : من عيوني يما بلبس العنابي لأن ذوقس حلو
الأم : والله راعيته تهبل اكثر منه
دارين : تسلمين يما الله يخليس لنا يارب
الأم : ويخليكم لي ولبوكم يا بعدي...يلا انا بروح اجهز روحي وانتوا لا طولون لأن ابوكن وخوكن يستنونا بالسيارة
دارين : ان شاء الله
نديرا : صح يهبل ثوبي
دارين : بس الموف مايروقني
نديرا : ماعلي من ذوقس الباهت
وبعد نص ساعه خلصوا وركبوا السيارة
الأبو : على بركة الله توكلنا بسم الله
الأم : ماوصيك ياوليدي لا تنسى تقول للربع عن نفسك و وضعك
ديدارا : إن شاء الله يما منيب رايح انسى
نديرا : احلى ديدارا كاشخ حده وماحد قده
ديدارا : مشكوره ندوره
دارين : اكيد ليه لا..اصلاً كل بنات الحاره يحلمن بك
ديدارا : تسلمين رينوه
نديرا : اي والله محضوظ مو مثل بعض الناس
دارين : ندو اسكتي ترى والله منيب فاضيه لس
ديدارا : والله نفسي اشوفكن متفقات مو متخانقات بكل شي ترى مهوب زينه ذي الحركات
دارين : هو انا ادري هذي دلوعتك هي السبب بالخناق كل يوم
نديرا : ديدارا شوفها هي البادايه
ديدارا : يا ندوره يا حبيبتي مهما صار هذي اختس الكبيره وعيب تغالطين عليها لأن مهما سوت تبغى لس الخير
نديرا : حاظر اخوي الحبيب
الابو : اهه وصلنا انزلوا
الأم : يالله بنياتي انحدرن زدامي
دارين + نديرا : سم يما
الابو : وليدي ديدارا ونا بوك نزلنا
ديدارا : سم يبا
وعقب كذا دشوا للربع
الأم : السلام عليكم خواتي
شوما : وعليكم السلام ورحمه الله هلا والله وغلا حياكم الله نورتو دارنا
نديرا + دارين : هلا عمتي شلونس
شوما : هلا والله ببنياتي الحمد لله بخير ونعمه
نديرا : يااااااااااه
دارين : وش فيس
نديرا : القمر الي قدامس
دارين : من؟؟؟؟
؟؟؟؟؟
..............
.........
انتهى العرض..خخخخخخ
في الحبكه الجايه رايح تشوفون وش يصير بالعايلة ومن البنت الي بيخطبونها لديدارا
هع


سؤال
وش بتتصورون تكون البنيه
-دلوعه
-هبله
-رفله
-قرمه
-قويه
نيهاهاهاهاها ياويل الي مايختاااااااااار ترى بعفسه ومصع اشدوقه :n3m: ....خخخخخ..امزح ..


اشوفكم على خير بأذن الله
بأمان الله وحفظة

__________________
اسل سيفي من غمده واوقف بوجه العدو مثل البحر الهايج
ذا طبعي بنت الذيب عمرها ماتخيب
بنتس ياشمر ترفع الحمايل بهيبتها
فديت ترابتس يالسعودية

كهكهكه
شووووكرا
هع
بس ما فهمت من الكلام ولا حرف
كل يلي فهمته ان دوور يبي يتزوج
و الباقي ما فهمت =_=

__________________

انا زي لقوقي ما فهمت و لا شيئ =_=
بس خلنا نقول
كل لفهمتوا هو انا الشخصيات هم دودو و الام و الولد ...~~ يا سلام ان شاطرة
يكون من الاحسن تخلي القصة بالعربي ..اوكي
بس تسلمي على تعبك ...ربما يوجد اللي يفهم القصة

__________________

اللهجه كانت صعبه علي شوي
انما طالما ديدي بلقصه فكانت رووووووووووووووووووعه

__________________