|
|
#66
07-02-2012, 09:11 AM
| ||
| | ||
|
__________________  IWill be okay ^.*   مشتركة في حملة تنشيط المنتدى ^^  |
|
#67
07-03-2012, 10:51 PM
| ||
| | ||
|
القصة مرة حلوة وتسلمي عليها:rose::rose: بس جايني شعور انك راح تتغلاي شوي قبل لا تكمليها :77::77: بس كملي القصة وبعدين اتغلاي على كيفك ههههههههههههه  ارجو ما اكون ازعجتك بكلامي وكمان نحن في انتظار البارت شكلو راح يكون فيه احداث مرة حلوة |
|
#68
07-04-2012, 04:06 AM
| ||
| | ||
|
ووواااي مومصدقه نزل روعه روعه روعه
__________________ تبســـــــمـ لان التبسم في وجه اخيك صدقه  اصـــبر فان الله مع الصابرين رواية ★~~اسطورة صانع المعجزات~~★ |
|
#69
07-04-2012, 04:36 PM
| ||
| | ||
| روووعة البارت .. عن جد يسسلمو لايدك الحلوو .. بانتظارك
__________________ سنين فاتت ،و العشرة ماتت ، وناس على اصلها بانت |
|
#70
07-07-2012, 01:44 PM
| ||
| | ||
| ام فهد : يا الله نور احمد داخل نور داخل !!!!!!! لا يا احمد ليه تدخل شنوو تبي تسوي بعد شنوو ظلت مرتبكة وخايفة ومنزلة راسها ما ابي اشوف وجه ما ابيه اخذت نفس ورفعت راسها ماراح اضعف انا نور القوية ومستحيل اخاف منه او اضعف ابتسمت ووقفت بثقة وكبرياء البنات تغطو وهم مبسوطات لنور ريمه ظلت تطالع بنور المتغيرة من بنت خايفة ومتوترة لبنت كلها غرور وكبرياء شصاير لها لهدرجة تكره احمد انا اشوفه انسان طيب هبه : الله يسعدها نور انسانة طيبة وتستاهل غرور بتعب واضح : الله يسعدها ان شاء الله ريمه : غرور انتي بخير غرور تحس بدوخة : أي لا تخافين علي ريمه وهبه ناظروا ببعض وهم مو عارفين شفيها صاحبتهم متغيرة لدرجة انها صارت تلبس عباة راس العباة إلا تنحرج منها ولا تحبها صارت تلبسها وتتغطا !!!!! وحتى ملامح وجها تغيرت ريمه مسكت يد غرور : غرور روحين غرفتك ارتاحي ونور ماراح تزعل غرور نزلت راسها تحس بتعب فضيع مشت وطلعت برا ومن طلوعها لدخول احمد دخل احمد وهو مبتسم ومنزل راسه نور دق قلبها والغرور والكبرياء كلا راح مو قادرة ترفع راسها اصلاً ياربي ساعدني شفيني حاولت ترفع راسها بس ماقدرت تحس بالخجل وقلبها يدق ابتسم لها احمد وباس راسها والبنات يضحكون على شكل نور من ورا غطاهم نور للحين مو مستوعبة هذا شسوا تحس بشي غريب شعور اول مرة يجيها مو مصدقة أم فهد عطت احمد الطقم حتى يلبس نور نور مدت يدها احمد مسكها ولبسها الخاتم في يد نور إلا ترتجف وبعدها اخذت الخاتم والخجل ذابحها مد لها يده نور ابتسمت لبسته الخاتم وبعدت يدها بسرعة مر الوقت وطلعوا الناس وظلوا احمد ونور إلا للحين ماشافوا بعض عدل نور منزلة راسها بخجل واحمد صاد عنها أحمد : لا تصدقين التمثيليه إلا سويتها نور رفعت راسها حست ان في شي مستحيل احمد يسوي لي شي مثل هذا نور وهي منزلة راسها : لا تضن اني مصدقة ولا تضن اني ميته فيك انا اخذتك عشان اخواني ولا انت ولا بنت تبيك أحمد : وانا ما ابي ولا بنت من امثالكم يا نور يا حقيرة نور وقفت وهي معصبة احمد مازال صاد عنها : تصدقين انك من امثالهم وشكلك كل يوم طالعة مع واحد ولا انا غلطان يا نور نور بعصبية : لا انت غلطان أحمد رفع راسه : شـ قطع كلامه وهو يشوفها انصدم ماتوقع ان نو ر تكون بهذا الجمال نور : كمل ليه سكت رفعت راسها لقته يطالعها حست بالأحراج ليه يطالعني كذا إلا هي إلا نست نفسها وظلت تطالعه حس انه ارتبك اتجه للباب وطلع نور : ياربي شفيني فهيت ياربي صدق اني غبية شنوو بيقول عني الحين بعد لحظات دخلوا ريمه وريناد وشهد ريمه : الحين الحين تقولي لي بالتفصيل شنوو صار شهد : علينا زوجك باين عليه رومانسي دق قلبها من كلمة زوجك احمد احمد زوجي ريناد : ههههه البنت خجلت اضن ان الرومانسية اليوم زادت عند احمد نور : خلاص تعبتوني انا رايحة انام البنات : هههههه ريمه : احلا صرفه ............................ في اليوم الثاني غرفة متعب وشروق متعب : حبيبتي يا الله قومين شروق : متعب بعد ابي انام متعب : طول نومك يا الله قومين الساعة 2 شروق قامت من السرير ابتسمت لمتعب ودخلت الحمام (( الله يكرمكم)) ظل متعب سرحان آه يا شروق تغيرتي وياليتك تظلي كذا وما تتغيرين صار يعشقها ويحبها بشكل جنوني طلعت وابتسمت له راحت تصلي وبعدها لبست شروق : متعب ابي اطلع متعب : وين شروق : مدري بس الأهل ماراح يطلعون متعب : لا سمعت انهم راح يروحون سينما السيف شروق : متى متعب : الليلة شروق : طيب ابي اروح معهم متعب ابتسم : بحالك شروق : اكيد انت معاي يا غيور متعب : طيب انا طالع لشباب شروق : وانا رايحة للبنات اشتقت لهم لأنك دوم بوجهي متعب : افااا مليتي مني شروق : ههههههههههههه (( وقامت )) .......................... في مجلس البنات مرام : لا مانبي هذا الفلم غرور : انا ابي هذا شهد : شنووو هذا الفلم باين عليه رومانسي ابي ادخله ريمه : ما احب الرومانسين مايقصرون هم مع لقطاتهم شهد : وانتي شدخلك ابي ادخله نور : انا ابي ادخل أي شي بس ادخل سينما د بعد لحظات دق الباب ودخلت شروق ريناد : هلا بالغلا شروق : هلا بيكِ نور : كيفك يا الغايبة ريمه : أي مع الحبيب اكيد راح تنسانا اريام : حرام عليكم ندى ابتسمت لشروق : تعالين قعدين شروق ابتسمت لها وقعدت ظلوا يتكلمون ويضحكون وبعدها البنات قاموا يتجهزون لطلعة السينما في غرفة فرح وراشد راشد : حبيبتي يا الله جهزين حلوتنا حتى نطلع نتعشا برا فرح : طيب بس وين راح تعشينا راشد : بأي مكان تبيه فرح : طيب انا رايحة اشوف سنين وراجعة طلعت فرح من الغرفة متجهة لغرفة سنين المتغير هذي الأيام دقت باب غرفتها ودخلت لقتها على السرير فرح : سنين حبيبتي فيكِ شي سنين : لأ فرح : طيب ماراح تروحين السينما معهم سنين : لأ فرح : حبيبتي سنين فـ سنين تقطعها : قلت لك مافيني شي طلعين برا فرح نزلت راسها وطلعت برا الغرفة هاذي شفيها مرت غرفتها وجهزت وطلعت مع راشد ومي يتعشون الشباب والبنات تجهزون وطلعوا للسينما (( السيف)) نور : واااااااااااااو بدخل سينما ريمه : اقول اهدأين شوي ازعجتيني نور بحماس : شهد راح تدخلين بأي فلم شهد : هذا البنات : شنوووو شهد : أي غرور : ماراح تدخلين معنا شهد : ما ابي الفلم إلا راح تدخلونه بليز أي وحدة منكم تدخل معي نور : في الحقيقة ما احب هالنوع من الأفلام ريمه : انا بعد ريناد ابتسمت : وانا شاهدت الفلم إلا تبيه من قبل مع زياد غرور رفعت راسها ووجهت نظرها إلا الشباب والواقفين وخصوصاً زياد وبعد لحظات جا رياض ومحمد يسألونهم عن الأفلام إلا بدخلونها ناصر : شهد شتبين بهالفلم شهد : ناصر عن جد انا من مدة ابي ادخله بس محد راضي يدخل معي بليييز اخوي ادخل معاي ناصر : للأسف راح ادخل مع زوجتي شهد : اف نور ابتسمت : خلاص دخلين معانا شراح يصير يعني شهد : البطل ما يعجبني وع انقرف منه اروح ادخل فلم له رياض : طيب دخلين بس بروحك شهد بقهر : اوكي رياض : حبيبتي ريناد حنا راح ندخل هذا اوكي ريناد : انا كنت راح اقول لك عنه محمد : خلاص اتفقتون مشوا الشباب يحجزون لهم بدا فلم البنات ظلت شهد تنتظر فلمها يبدي اشترت لها أكل تتسلى عليه اثناء الفلم واخذت لها فوشار مشت وهي مبسوطة لأنه بدا .................... في جهة ثانية نواف : متعب متعب : هلا نواف : يا الله بدا الفلم راح ادخل متعب : جاي معك نواف : أحمد راح تدخل معنا أحمد ابتسم له : أي جاي متعب مسك يد نواف وظل يمشيه معه أحمد : طفل يمشيك نواف وقف ومتعب نزل راسه متعب : نواف ما يشوف يا احمد احمد انحرج وحس انه ما يعرف ولا شي عن عيلته وهله أحمد : ا نواف اعذرني بس ما كنت اعرف متعب رفع راسه من متى احمد يعتذر لناس !! حتى نواف استغرب بس ابتسم : لا عادي أحمد : طيب ليه ما تسوي لك عملية متعب : اقنعته بس مو راضي أحمد : ليه لا تكون خايف شف يا نواف راح اقول لك شي لا تخاف من وتذكر ان الله معاك ولا تفقد الأمل نواف : مدري بس انا فكرت اسويها بعد ما ارجع من البحرين بس متردد أحمد : لا تتردد ولا شي وانا راح اكون معك متعب رفع راسه احمد متغير يمكن لأنه خطب وفكر انه يعقل شوي نواف : طيب ماراح تدخلون الفلم متعب : يا الله مشينا ............................... (( شهد)) مشت مع فوشارها متجهة للبوابه وهي مبتسمه لكن اختفت ابتسامتها وهي تشوف الفوشار طاح من بين يدها وتناثر بالأرض رفعت راسها تشوف من إلا صدمها خالد : اقول يا ماما انتبهين لا تطيحين علي بعد غرام بدلع :ههههههه البنت شكلها مضيعة شهد حست بالخجل : انا آسفة ما شفتك غرام وهي تلعب بشعرها : خالد حبيبي خلنا ندخل لا يخلص الفلم علينا دخلوا وهي وقفت نفس الفلم إلا كانت تبيه دخلت وقعدت التفتت إلا لجالس جنبها لقته هو نفسه ياربي انا الغبية إلا اوافق اني ادخل اشاهد بروحي غرام ظلت متمللة هي اصلاً ما تحب السينما بس كانت تبي تروح السيف خلص الفلم قفت شهد وهي حاسة انها دايخة ولا شاهدت الفلم غرام : هاذي انتي شهد تستحقر هالبنات : نعم في شي غرام : هي انتي كلميني مثل الناس انتي تدرين انا بنت منوو شهد تقلدها : انتي تدرين انا بنت منو (( عدلت صوتها)) لا تهميني لا انتي ولا هلك الحمد الله والشكرا انتي الستر ما تعرفينه وانا ما اكلم هالأشـ ماكلملت كلامها إلا تلاقي خالد ماد يده عليها : احترمين نفسك رماها وسط كل الناس على الكراسي خالد : تكلمين معنا بأدب إلا بمرور متعب ونواف وأحمد تحتهم أحمد عرف شهد لأنها الوحيدة إلا تتغطا ولا تلبس نقاب من بين بنات عمه طلع متعب ونواف من السينما توجه لشهد إلا على الأرض مو قادرة تقوم أحمد : هي انت انت منووو حتى تضرب هاا خالد : وانت ليه حاشر نفسك بينا غرام تدلعت ورفعت راسها لكنها انصدمت من إلا تشوفه نفسه إي هذا هو هذا هذا صاحب الصور هذا الطفل إلا صورته كانت عند امي دق قلبها بقوة مو قادرة تطالعه تحس انها ماشافت مثل جماله وكبريائه غرام : خالد خلاص اتركهم ابي امشي خالد : اسمع يا اخ هاذي عشيقتك مدري حبيبتك مدري شتقرب لك أن لقيتها تتعرض لأاختي راح اوديم بداهيه أحمد : تصدق اني خفت من تهديدك وان لقيت اختك تتعرض لها انت إلا راح تروح بدواهي مو داهية غرام ما قدرت تطالع فيه اكثر مسكت يد خالد وطلعت معاه شهد قامت من وسط دموعها تحس انها تعبانة خجلانة ومو قادرت تتكلم شهد : أحمد انا أحمد مشى عنها وطلع شهد طلعت وبعدت عن الناس إلا تطالعها طلعت من البوابه لقت البنات ينتظرونها غرور : ليه تأخرتين الكل طلع إلا انتي شهد بتعب : لا بس نور ظلت تطالع بأحمد إلا يكلم نواف ومتعب خايفة بس يسوي بزوج اختي شي هالأنسان قذر واي شي يسويه ريمه : آآآه ما اقدر على إلا يخقون بحبايبهم البنات : هههههههههههههههه نور : هي انتي وياها لا تفهمون غلط ريناد : اقول نور ترا انكشفتي نور : ريمه لكن راح تشوفين ريمه كتمت ضحكتها بعدها الشباب راحوا الكوفي والبنات راحوا يتسوقون في الكوفي خالد : شبلاكِ مو على بعضك غرام بدلع : ولا شي خالد قعد يطالع بالبنت إلا مرت بجنبه غرام : شناوي عليه خالد وقف : راح اتركك اشوي غرام ابتسمت بخبث فهمت قصد اخوها كانت البنت لابسة لبس فاضح وتتمشى بدلع غرام : على فكرة تراها مو احلا مني ظلت بالكرسي تعدل ملابسها الفاضحة إلا تعودت انها تخلع عباتها برا السعودية رتبت شعرها وماكياجها تعطرت وفتحت لبلوتوث وبعد لحظات قعدوا معها مجموعه من الشباب غرام : هههههههههههههه مروان : ههههه يا حلوك غرام تجامله : ههه انت الحلووو حست انها ملت من الشباب وكلامهم وقفت لكن طال وقفوها وهي تشوف أحمد داخل مع شباب معها منووو هذا وليه مهتمه فيه وهل هو نفسه صاحب الصور لقت نفسها تتجه له غرام : هي انت أحمد : اقول تبي تتهاوشين انا ما اتهاوش مع قذرات مثلك (( بعدها عن طريقه ومشى)) متعب : احمد يا الله غرام : اووووف ياربي شكله مش من نوع الشباب إلا ببالي اسمه احمد لهالدرجة ما اعجب بجمالي انا غرام الكل ميت فيني ويبي كلمه مني هذا يتكبر علي منووو هذا اصلاً ................................. بعد مرور الساعات خلصوا البنات من التسوق وطلعوا من السيف متجهين للفله ................. الكل دخل غرفته ورتب ملابسه حتى يستعد لأنهم بكرا راح يرجعون من البحرين في غرفة غرور نور : غرور حبيبتي شصاير لك فتحين قلبك غرور : نور انتي الوحيدة إلا تدرين شنوو بقلبي نور : غرور غرور بدت تبكي : ريان هو إلا دمر حياتي هو إلا دمرني وزياد زياد ما يبيني يا نور صار يكرهني يكرهني اكيد راح يكرهني لأني لأني (( وظلت تبكي)) نور ضمتها (( أحمد)) كان مار يبي يروح لمتعب سمع صوت نور ما اهتم لكن سمع صوت بكا بنت مايدري ليه جاه لفضول انه يسمع غرور : ريان هو إلا دمر حياتي هو إلا دمرني وزياد زياد ما يبيني يا نور صار يكرهني أحمد : ريان الحقير راح ادفعك الثمن غالي بعد وهو معصب من إلا سمعه كيف وثقت فيه كيف ............................. في الصباح طلوا العوائل كلها متجهين لسعودية وصلوا بحدود الساعة 10 صباحاً بيت أبو خالد غرام : يمه ابي اكلمك بموضوع شذى : مو فاضية لك اليوم راح تجي خالتك هناء غرام : يمه شذى : قلبي غرور قولين يا الله ما ارضى على زعلك غرام : ابـ قطعها صوت الخدامة : ماما هناء جات شذى : تعالين سلمين على خالتك غرام : اف هذا وقتها دخلت شذى وسلمت على ختها هناء غرام : كيفك خالو هناء وهي تعدل بتنورتها القصيره : هلا غرام ظلوا يتكلموا غرام ملت : ماما ابي اسأل سؤال ممكن شذى : قولين غرام : منووو احمد طاح الكاس إلا بيد هناء شذ ارتبكت وبخوف : شعرفك فيه و و هناء قطعتها : ما نعرف حد بهالأسم يا غرام غرام شكت وقامت منو احمد شقصته لازم اعرف بعد ماطلعت غرام هناء بخوف : كيف عرفت باحمد شذى : شوفين إذا ابوه قال شي انتي السبب ها مو انا هناء : شذى انتي إلا سويتين كذا وانا ما سويت ولا شي شذى : اف ياربي ان شاء الله وادك لسه شخصيته ضعيفة حتى نقدر نلعب على عقله هناء : لا تقولين ولدي انا ماعندي ولد ....................... في بيت نواف نواف : ندى ابي اكلمك بموضوع ندى : شنووو نواف : راح اسوي لي العملية ندى شهقت : نواف نواف ابتسم لها ندى : ومتى وقتها نواف : بعد اسبوع ندى مسكت يده : يارب تشوف يا نواف نواف : انا راح اسويها يا ندى بس عشان اشوف حبيبتي بس ندى خجلت ونزلت راسها نواف ابتسم لها وتمسك بيدها في بيت زياد غرور قعدت ترتب ملابسها لكن وقف لما سمعت صوت الباب زياد : السلام غرور بهمس : وعليكم السلام زياد : غرور ابي اقول لك شي غرور وقف قلبها : شـ شنوو زياد : انتي طالق غرور وقف جامدة مانزلت منها أي دمعه زياد : وورقت طلاقك راح توصلك وطلع من الغرفة اجزل بيوت الشعر وحكم معانيه ......................ولا هزيل القاف واضح ثناياه ياللي حرقت القلب منهو يطفيه .....................النار نار ٍ تتعب القلب واحشاه يا مانسيت اللي من الناس نغليه ........................ولاعاد به شي ليا حل طرياه استر عيوب الناس والطيب ابديه. ...................وش خانت اللي ماسترعيب رفقاه اخذت ملابسها وحطتهم بالشنط وكلمت السواق وراحت وتوجهت لبيت اهلها (( بيت أبو فهد)) أبو فهد : اشتقت لغرور رياض : انت ما تقدر يايبه على فراق دلوعتك أم فهد : هههه أي وانت الصادق بعدها بلحظات سمعوا صوت الجرس فتحته الخدامة ودخلت غرور وهي كلها بكا وصياح مو قادرة تستوعب ان زياد طلقها ام فهد بخوف : غرور شفيكِ أبو فهد يطالع شناطها : غرور غرور تركتهم وتوجهت لغرفتها رياض :شصاير وليه جايبه شنطها معاها أم فهد صعدت لغرفة غرور ووحاولت تكلمها وتعرف القصة أم فهد : طلقك !! أبو فهد : النذل الحقير الواطي غرور : لا يا يبه انا إلا طلبت منه الطلاق أم فهد : ليه يا يمه غرور : بسبب خاص فيني أبو فهد أوم فهد طالعوا ببعض وتركوها ترتاح وبعدها بأيام الكل عرف ان غرور تطلقت بس شنوو السبب محد يعرف (( في المطعم)) أحمد وقف : ليه سويت كذا ريان : ماكنت عارف انها بنت عمك أحمد : ماشاء الله عذرك حلو ما تدري انها بنت عمي ريان : أحمد لا تصدق إذا ما تبي تصدق أحمد : اكيد سويت جريمتك وبعدت انت انسان نذل و ريان قطعه : وشنو ما تقدر تسووي شـ أحمد قطعها : لا اقدر ولو ابي من اليوم ريان : ههههه أحمد عطاه كف ريان رفع راسه وحط يده مكان الكف : حلوو حلوو منك يا احمد بس اعرف ان الكف راح تدفع ثمنه وانا من قبل قلت لك راح تفقد انسان غالي عليك وراح تشوف وعدي أحمد : ههههه وريني شطارتك ريان بعد عنه وهو بدأ بتنفيذ خطته أحمد وقف وهو ينتظر زياد بعدها بساعة جا زياد زياد : السلام عليكم أحمد : وعليكم السلام زياد : هلا أحمد قلت لي انك تبيني بموضوع ضروري أحمد : أي زياد : تفضل أحمد : ابيك ترجع لغرور زياد نزل راسه : أحمد لا تدخل بشي بيني وبين زوجتي أحمد : زياد غرور مالها ذنب لأنها طاحت بيد ذئب شرس ما يفكر إلا بنفسه وبس زياد رفع راسه وبصدمة : انت تعرف أحمد : اعرف هذا الشخص وصدقني ماراخ اسكت له هو لعب بمشاعر زوجتك وكثير من البنات الشباب استغلوهم ولكن للأسف نظرتنا لهم انهم حقيرات ولكن الكثير منهم مو بأيدهم هالشي صدقني غرور اكي تحبك ومستحيل تخونك واستر عليها وعيش معها تخيل انك بمكانها شنوو راح يصير لك يا زياد أو شنوو راح تسوي زياد سكت وأحمد بعد سكت ابتسم مستغرب من نفسه أول مرة يدافع عن البنات او يمكن أول مره يطلع هذا الكلام منه يحس كرها للبنات يخف ما يدري شنوو سر هالتغير زياد : مدري شقول بس أحمد : لا بس ولا شي رح ترجعها وتكونوا حلى زوجين غرور مستحيل تسوي هالشي صدقني وانا فاهمك ان مافي انسان يرضى انه زوجته تكون مع غيره وفكر مع نفسك واقعد مع نفسك زياد : انت ريحتني مشكرو يا احمد أحمد : هذا واجبي بعد مرور اسبوع بيت أبو عبد العزيز عبد العزيز : آه الشغل تعبني نور : وليه ما تاخذ اجازة عبد العزيز : هههههههه آخذ اجازة هااا في الأحلام نور : اف من هالأحمد القاسي هذا عبد العزيز : بما انك واسطة اعزميه اليوم وكلميه يمكن يعطيني اجازة نور : انـــــــا !!!!!!!!! عبد العزيز : أي انتي اريام : وليه لأ اعزميه مو هو خطيبك نور : لا ما ابي اريام : لا تسوين فيها انك خجلانه عادي عبد العزيز اخذ جواله وكلم أحمد نور وقفت مصدومة على كيفهم بعد يعزمونه يارب ما يجي عبد العزيز: أحمد جاي نور : هاااااااااااااااااا عبد العزيز و اريام : ههههههههههه نور : مافي شي يضحك اريام : روحين لبسين شي حلووو نور : ما ابي شفيها البجامة حلوة ومو بلازم اغير عبد العزيز : خلاص براحتك اريام : شنوو براحتها حد يستقبل زوجه بهالبس بعد ساعة تقريبا جا أحمد وهو مو طايق البيت وأهله يحس انه اليوم تعبان بس قرر انه يجي لنور استقلته ببجامتها متعمدة لأنها مو طايقته دخلته المجلس عبد العزيز : ها مو تننسين نور: ههههههههه دخلت المجلس نور : السلام أحمد : ........... نور : ا ا أحمد قطعها : وعليكم السلام مد لها كيس : خذين نور : شنووو هذا أحمد : جوال نور : شنووو !!!!! أحمد : أي ما ابيكِ تفشليني زوجة أحمد وما عندها جوال نور : لا مشكور ما ابي أحمد : مو على كيفك يا (( بسخرية )) نور نور : انت ليه كذا ليه تحب تذل الناس أحمد :مزاج وانتي بعدين شدخلك نور : شنوو هي احترم نفسك وكلمني بأدب أحمد مسك يدها وألمها : لا تكلميني بهاذي الطريقة نور : آي يدي بعد أحمد تركها ووقف وطلع من البيت نور : شنوو هذا حتى ماقال لي خذين لي طريق نزلت راسها ولقت الكيس اخذته وهي معصبه ياربي اكره هذا الأنسان ............................ في المستشفى بعد العملية بيومين دخل الدكتور على نواف تكلم معاه بس بعدا قال نه راح يشيل الغطا على عيونه نواف اخذ نفس تقرب منه الدكتور وشال الغطا كان نواف مغمض عيونه خايف يفتح وما يلقى إلا السواد فتح عيونه ولقى ضوء غمض بسرعة وبعدها فتح لوقى اشخاص قدامه الدكتور : نواف انت تشوفني نواف كان منصدم انا انا اشوف الدكتور ابتسم : الحمد الله على السلامة نواف ساكت مو مصدق مو مصدق ولا شي بعدها بأربع ساعات جا متعب يبارك له متعب : شفت با نواف انا قلت لك انها راح تنجح نواف : كلم هلي وقول لهم متعب : ابشر رفع جواله وكلمهم متعب : هههههه اسمع انك بعد يومين بتطلع نواف يضحك : أي متعب : اكيد راح تفرح لأنك اشتقت لوجهي وم مدة ما شفتني نواف : هههههههههههه وانا شبي بوجهك متعب : عارف انت تبي تشوف بعض الناس نواف نزل راسه وهو مبتسم بيت أبو نواف ريمه تصارخ : يااااااااااااااااااااااااااااااااااااااااااااي علياء : ههههههههههههههههههههههههههه بسك صراخ ريمه : راح اطير من الفرح مو مصدقة حالي نزلت ندى من الدرج : شصاير ريمه : لك عندي احلا خبر ندى : شنووو ريمه ابتسمت لعلياء : نواف نواف يا ندى صار يشوف ندى ما قدرت ونزلت دموعها ورجولها ماقدرت تشيلها قعدت على الدرج : الحمد الله يارب الحمد الله علياء : ههه تجهزين الحلوو بعد يومين بيكون هنا ................................... بيت أبو فهد (( غرور )) كانت قاعدة بالسرير رجعت لحالتها وزدات بعد اكثر سمعت صوت دق باب غرور مو قادرة تتكلم : منوو أم فهد دخلت : هلا حبيبتي غرور: ن عـ م ي مه أم فهد ابتسمت : ابي اقول لك شي غرور : شـ نو أم فهد : زياد غرور بخوف : شفيه أم فهد : يبي يرجع لك غرور حطت يدها على فمها مو مصدق هزت راسها لأمها أم فهد : أي يا يمه أي زوجك يبيكِ غرور ما قدرت وضمت امها وضلت تبكي بحضن امها ............................ بعد يومين ((نور)) مبسوطة بالجوال الجديد إلا مافيه إلا رقم واحد رقم ريمه (( شهد)) حالتها تعبانة ولكنها تحاول تتناسى مازن (( هبه )) ككل يوم معها ومع اخوانها وامها (( ندى )) هاذي ندى حالة خاصة من الفرح تأنقت وتعطرت اليوم راح يجي نواف راح يشوفها تحس نفسها انها توها راح تتزوجه نزلت تحت الصالة مع ريمه وعلياء وأم نواف أبو نواف راح يجيب نواف كلهم ظلوا ينتظرونه في السيارة أبو فهد فرحان : آه يا ولدي نواف ظل يطالع الشوارع إلا من مدة ماشافها يحس بالحياة ابتسم لكن ابتسامته ماطالت ................................... بيت أبوراشد مازن : محمد محمد : هلا مازن : ايش رايك تطلع معاي محمد : وين نروح مازن : أي مكان بس نطلع من البيت الكئيب محمد : انا معاك لأني مليت مازن : يا لله راح ةاروح اجهز واجي بعد مازن من محمد إلا بدخول ام راشد أم راشد : محمد محمد : هلا يمه أم راشد : ابي اكلمك بموضوع واكيد انت عارفه محمد : يمه زواج ما ابي اتزوج أم راشد : ليه يا يمه ليه تحرمني من شوفت أولادك محمد : مش كذا بس أم راشد : لا بس ولا شنوو انا ابي اخطب لك محمد نزل راسه : إلا تشوفينه أم راشد فرحت : انا من الحين راح ادور لك على عروس ...................................... في المستشفى قعد ولقى نفسه بالسرير أبو فهد قعد يتكلم جات له الممرضة وهدته لين مانام بعدها بلحظات جا متعب يسأل عنهم وعن الحادث إلا صار لهم متعب قعد يسأل الدكتورك كيفه عمي أبو فهد الدكتور : الحمد الله فيه جروح بس علاجنها بس متعب : شنووو الدكتور : مش اكيد بس يمكن اقول لك انه فقد رجله بس مو اكيد متعب : لا حول ولا قوة إلا بالله طيب نواف نواف شصار له الدكتور : اسأل المسؤول عن حالته متعب مشى وتوجه لدكتور متعب : ها يادكتور بشرني الدكتور نزل راسه : في الحقيقة ما بودي اقول لك هالشي وانت قوي قلبك المريض فقد الحياة متعب بصدمه : شنووو يعني نواف مات !!!!!!!
__________________
الرواية الثانية بعض العيون حقدها فيها تفضلوا |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هل جربت في لحظة صفاء ان تقول احبك ربي | mak_layla | نور الإسلام - | 6 | 04-03-2012 11:09 PM |
| هل تقول كلمه احبك بصدق... | لمسه رقه | مواضيع عامة | 4 | 07-18-2009 01:44 AM |
| سانتظر ان تقول لي احبك.. | فتاة الزمن | أرشيف المواضيع الغير مكتمله او المكرره او المنقوله و المخالفه | 6 | 10-26-2007 02:52 PM |
العرض العادي
