سووووووووري عالتاخير ولكن حصلت لي ظرووووف خاصة
وهذا البارت لعيونك

(( في غرفة هبه ))
كانت نايمة مع اخوانها كلهم بغرفة
تحس انها مش متعودة تنام ببيت عمها
ظلت تتقلب بالسرير
سمعت صوت علاء
كان قاعد من نومه
هبه : علاء
علاء : هبه ابي ماي
هبه : ماي
علاء : ابي ماااي
هبه
ماعرفت شلوون تعطيه الماي
في النهاية قررت تنزل المطبخ
اخذت شيلتها
ونزلت تحت المطبخ تاخذ ماي لعلاء
(( مازن ))
دخل البيت وقعد في الصالة
وجلس على الكنب
يراسل صاحبه بالجوال
بعدها وقف
دخل المطبخ حتى يا خذ شي ياكله
لكن سرعان ماوقف وظل واقف عند بداية باب المطبخ
ظل يطالع البنت إلا عاطته ظهرها
(( هبه ))
كانت تصب لأخوها ماي بالكاس
نزلت الشيلة من على راسها
التفتت حتى تمشي
لكن لقت مازن قدامها
خافت
وطاح الكاس من يدها
(( مازن))
انصدم لما شاف هبه
تغيرت كثير
ماعادت الطفلة إلا كان يغار منها
عرفت الحين شنووو إلا مخلي اخوي يتمسك فيها
ليه كان يطالعها بنظرات ساحرة
هبه ارتبكت
وحطت بسرعة الشيلة على راسها
هبه : ا اخ ماازن ممكن تبعد
مازن انقطع حبل افكاره : ليه ابعد
هبه رفعت راسها
مازن حس لنفسه و انحرج وطلع برا
هبه حست ان دقات قلبها تزيد
ماتدري ليه تحس بشعور غريب
حطت يدها على قلبها
هبه بسك تفكير
بعدها نظفت الارض من زجاج الكاس ومسحت الماي
واخذت كاس ثاني فيه ماي
وطلعت من المطبخ وتوجهت بسرعة لغرفتها مع اخوانها
.................................................. ................

بيت ام مسعود
دخلت وهي متبرقعة ولابسة عباة راس
خايفة حدا يعرفها او يشوفها
أم مسعود : هلا والله با الاخت شذى
شذى خلعت برقعها بقرف : هلا ام مسعود
أم مسعود : خير اشوفك جيتين لي
شذى : أي شنوو سويتين بخصوص السحر
أم مسعود : ولا شي لأ نكم ما سلمتوني (( تأشر بيدها )) لفلوس
شذى : ماراح نسلم شي والغي هالشي ما نبي لا سحر ولا خرابيط
أم مسعود عصبت : خرابيط !!!!!
شذى وقفت وطلعت ولا ردت على ام مسعود
حست نها ارتاحت
كفاية انها عذبته بصغره عقدته بحياته وهو كبير جاية تسحره بعد
نزلت دموع منها
مسحتها بسرعة ابتسمت الحين تحسين بالندم يا شذى بعد ماضاعوا عيالي
خالد
ماتشوفه بعد عنها وطلع من البيت
غمضت عيونها وهي تذكر آخر لقاء لها مع ولدها
شذى : خالد وين رايح
خالد ماسك شنطته : طالع من البيت
شذى شهقت : خالد شنوو تقول
خالد تماسك اعصابه : ما ابي اعيش وسط ناس قذرة
غرام وقفت : سمعتين ولدك اكيد خرف ولا صار له شي
شذى عصبت : خلود لا تسوي الحين فيها مرجلة
خالد : ماعدت صغير حتى تقوليلي خلود وانا جاد وابي اسافر
بعد بخطوات قليلة عن امه
شذى لحقته ومسكت يده : انت جنيت وين بتروح
خالد طالع امه : أي مكان بس ما اكون معك انتي وبنتك واختك
طلع خالد وشذى للحين مصدومة
غرام : لا تخافين يومين بيرجع
شذى : ما اضن
فتحت عيونها بألم
وفتحت باب السيارة
دخلت البيت
ولقت غرام تضحك بصوت عالي
غرام : هههه احبك موووت هههه (( بدلع اكثر )) وين تشوفني بالسيارة هههه لا ما اقدر لو انا بالنسبة لي عادي حتى لو التقي معك (( بدلع )) بالشقة

شذى ما تحملت إلا تسمعه من بنتها
توجهت بسرعة لها
سحبت منها جوالها وكسرته قدامها
شذى : يلي ما تستحي هاذي تربيتي فيكِ
غرام وقفت : اووو وانتي شنوو دخلك
شذى : انا امك يا لي ما تستحي
غرام : عارفة انك امي ولأنك امي انتي قدوتي وعلى ما اضن انتي وخالتي يوم كنتوا بعمري تسون حركات اجرأ مني وانتوا متزوجين بعد ليه حنا لأ
شذى ما قدرت وعطت غرام كف
غرام : ههههه لا تخافين انا عارفة شنوو سويتين وانتي بشبابك ولي مو عارفته انا بنت منوو بالظبط بنت ابوي ولا واحد غيره وإذا خالد سافر فأنا يوم من الأيام بتركك انتي ووجهك وباعيش مع احمد
مشت عنها وصعدت غرفتها
شذى ظلت واقفة
مصدومة
وين عيالها
هذيلا هم املها وكل حياتها
ليه يا هناء قلتي لبنتي ليه الله ينتقم منك الله ينتقم منك
.................................................. ...............
اليوم الثاني
بيت زياد
صحت غرور بدري
جهزت الفطور وراحت تقعد زياد يفطر معها
غرورقربت منه و بهمس : زياد ... زياد
زياد : هممم
غرور : ماراح تقوم تفطر معي
زياد فتح عيونه : الساعة كم
غرور : الساعة 8
زياد : يا شيخة وتبيني اقوم من الحين واليوم اجازتي
غرور : زياد ماراح تفطر معي ولا شنوو ؟؟
زياد قام من السرير ودخل الحمام
ابتسمت غرور وطلعت برا الحديقة وجلست بطاولة الفطور تنتظر زياد
بعدها بلحظات جا لها زياد وهو يبتسم
زياد : هالفطور الحلوو انتي إلا سويتيه
غرور بخجل : أي
زياد ابتسم لها
غرور : زياد خايفة اختبارتي قربت
زياد : لا تخافين ذاكري وراح تنجحي
غرور نزلت راسها وكملت فطور
.................................................. .............

في محل الأطفال
الساعة
3 عصرا
مسك نواف يد ندى وهو مبتسم نواف بعد عنها واشر له على لبس عجبه
ندى : حلووو بس
نواف : بس شنوو
ندى : نواف انا مدري إذا بنت او ولد وان كل شي شفته ولادي اخذته
نواف : لانك راح تجيبين لي ولد
ندى حست بالخوف من نواف وتفكيره : ا نواف ايش رايك نطلع
نواف : براحتك
طلعوا من المحل
وراحوا مطعم يتغذوا
اكل نواف وبعدها شرب عصيره
رفع راسه وطالع ندى إلا ماكلت شي ومن جو وهي سرحانه
نواف : حبيبتي
ظل يطالعها ويطالع سرحانها : ندى
ندى : هاا تناديني
نواف : ليه ما تكلين
ندى : ما ابي ومالي نفس اكل
نواف : لا وتخلين حمودي إلا ببطنك بدون اكل
ندى رفعت راسها : نواف لو جبت بنت
نواف ابتسم لها
ندى : ما فهمت
نواف : حبيبتي كل شي يجي من الله نشكره عليه بنت أو ولد مو مهم المهم انه منك
ندى ابتسمت لأنها كانت خايفة من تفكير نواف
مدت يدها واكلت من الصحن لحد ما خلصته كله
نواف ظل يطالعها : مالك نفس هااا اكلتين كل شي ما باقي إلا تاكلين لصحون بعد
ندى : هههه طيب انا خلصت ابي اروح البيت ارتاح
نواف وقف : يا الله نروح
.................................................. .........
بيت عبد العزيز
(( نور ))
سمعت كلمة اختها الأخيرة وشهقت
نور : انتي شنوو تقولين بتتزوجين هذا غلا ما يتسمى ابو سارة
اريام : شنوو اسوي يا نور مالي غيره
نور : اريام انتي من صغرك تتهاوشين مع بنته بالمدرسة ولا تحبينه تروحين تتزوجينه
اريام : شنوو اسوي يا نور الناس نظراتهم علي دوم هالكلمة اسمعها عانس عانس عن جد نور هالكلمة قلبت حياتي وانا خلاص قابلة بأبو سارة
نور حست بالحزن لختها :
الله يهديك يا عبد العزيز ليه سويت كذا
اريام : لا تلومين عبد العزيز الحين امس يوم كلمني لقيت بعيونه الندم عبد العزيز مو بس تغير يا نور صار لنا كل شي لدرجة اني كلمته بموضوع الزواج بس رفض ما يبي يتزوج
نور تنهدت : وانا اختباراتي راح تبدأ وزواجي قرب مدري استعد لختباراتي أو لزواجي
اريام : اقول خلصنا حكي خلينا نقوم ونحط الغذا لأخوكِ يقول ان معه صاحبه
نور وقفت : يا الله انا سابقتك على المطبخ
اريام هزت راسها
طلعت نور من الغرفة
وبعدها بثواني طلعت اريام
ودخلت المطبخ مع نور
نور وهي تغسل الصحون : اريام تتوقعين ان
قطعها عبد العزيز : تتوقعين شنووو
نور خافت وانكسر الصحن إلا بيدها
اريام : هههه
نور : تضحكين هااا ترا مافي شي يضحك وانت ليه تخوفني كذا
عبد العزيز : لا بس جاي اسأل خلصتوا الغذا
اريام : أي عشر دقايق وبيجهز
عبد العزيز : طيب اريام حطينه بالمجلس
اريام : ان شاء الله
نور غسلت يدها بعد ما خلصت كل الصحون : عبد العزيز صدق إلا سمعته من اريام انت مو ناوي تتزوج
عبد العزيز تضايق : نور سكرين الموضوع
نور : طيب براحتك (( وجهة نظرها لأريام )) : ريموو ماراح اتغذا معك لأني راح اذاكر
اريام : طيب تغذي وبعدها ذاكري
نور : تصدقين مالي نفس آكل ولا شي لأني من امس احس بضيقة بصدري
عبد العزيز : قصدك ناوية ترجعين للمستشفى أي وش عليكِ سرير مرتب واحمد طالع وراجع يشتري لك ودخل وطالع يوصيني عليك
نور ابتسمت : احمد
اريام ابتسمت لختها : اقول خايفة تروحين غرفتك وما تذاكري إلا تظلي سرحانة ببعش من الناس
عبد العزيز ابتسم وطلع من المطبخ
نور : ليه تقولين قدامه كذا
اريام : اخوك وعادي اقول أي شي قدامه
نور : لأ مو عادي
اريام : طيب انا طالعة اجهز إذا اخوكِ بالمجلس
نور
طلعت من المطبخ وتوجهت لغرفتها
دخلتها وقفلت الباب
القت نفسها على سريرها
اخذت جوالها
ولقت رقم احمد
انا شنوو بالنسبة له شنوو ؟؟ يحبني ؟؟
يكرهني ؟؟
مالقت نفسها إلا تدق على رقمه
سمعت رنة وسكرت
ما تدري لييه بس خافت
خافت يجرحها ويهينها ويدوس بكرامتها مع كلامه
فزت لما سمعت صوت جوالها يدق
لقت اسمه
ارفعه
لالا يا نور لا ترفعينه
سمعت صوت الدق بالنهاية قررت تتشجع
نور اخذت نفس : الووو
أحمد بصوت كله نوم : نعم
نور حست بأحراج : شنوو أحمد تبي
أحمد : انتي إلا كلمتي
نور: انا !!!!!
أحمد : لا انا
نور : ...
أحمد : اقول نور اخلصي تبي تقولين شي
نور : لا
أحمد : طيب باي ولا تكلميني بهلوقت مرة ثانية
نور : شنوو تضن نفسك !!تضن اني ميته على اتصالك
أحمد والنعاس غالبه : شقاعدة تقولين
نور ابتسمت
طيب يا احمد اشوي وبتنام خليني ازعجك واوهاوشك وانت ولا حاس هههه
نور : احمد اسمع انت انسان غبي تافه ما عندك مسئولية
أحمد (( من مدة نام ))
نور حست انها معصبة
نور سكرت بوجها
عن جد ترك جواله ونام
صدق زوجي فيه بعض الغباء
قطت جوالها بعيد
فتحت كتابها وبدت تذاكر
.................................................. ...................
بيت ابو ناصر
نزلت ياسمين من غرفتها بصعوبة
تحس بالآلام بكل مكان
حاولت توقف وبالأخير جلست على اقرب كرسي
(( شهد))
دخلت المسنجر بسرعة
وهي تذكر وعدها مع سارة إلا تقربت لها بالفترة الاخيرة لكن بعض التصرفات ما تعجبها من سارة
سارة / هاااي
شهد / هلا والله كيفك سارة
سارة / بخير
شهد / الحمد الله
سارة / تعرفين فارس احلامي إلا كلمتك عنه
شهد / أي
سارة : تبين تشوفين صورته
شهد / صورتيه !!!
سارة / أي
شهد / كيف
سارة / آخر مرة شفته بالسيارة صورته بجوالي
شهد / عن جد انتي مجنونة
سارة / بس تغير كثيير
شهد / مو فاهمتك
سارة / كان اصيع واحد بالسعودية ومافي بنت ما يعرفها والحين مدري شفيه غير رقمه وصار مايعطيني وجه
شهد / مدري
سارة / تبي تشوفيه
شهد / سكتت
سارة / طيب
رسلت سارة لشهد الصورة
شهد فتحتها وانصدمت من إلا شافته
خالد !!!!!!!!!
سارة / حلووو صح
شهد ارتبكت وماعرفت شنووو تقول
شهد / سارة انا طالعة الحين باي
سكرت المسنجر بسرعة
وطلعت من غرفتها
نزلت الصالة
لقت ياسمين
حست ان ياسمين فيها شي
شهد : ياسمين فيكِ شي
ياسمين : شهد مو قادرة آآآه
شهد خافت : ياسمين شنوو إلا يألمك
ياسمين : آآآآآآ
شهد لبست شهد عباتها وراحت تلبس عباتها
طلبت من السواق ياخذهم للمستشفى
.................................................. .
بيت ابو احمد
(( احمد ))
صحى الساعة 9 مساءاً
نزل في الصالة مالقى احد
كالعادة البيت فاضي مافيه إلا هو والخدم
قعد بالصالة
مسك جواله
ولقى ان آخر المكالمات من نور
ليه نور كلمت
حاول يتذكر
شنوو قلت لها

تذكر آخر شي لما لقى هناء
وشريط الماشضي رجع له من كثر تفكيره ماقر ينام إلا العصر
فمايدري إذا صحى او رد عليها
دق على رقمها
نور: نعم
أحمد : كلمتيني العصر
نور : أي
أحمد : ليه شنوو كنتي تبين
نور : لا بس كنت ابي اسأل عليك
احمد ظل ساكت
تسأل علي
ياحلووو شعور ان حد يسأل عليك
لا لا
اكيد تكذب مستحيل حتى انها تفكر فيني بس تفكر بحبيب القلب
نور : احمد
أحمد : نعم
نور : وين رحت
أحمد : باقي كم يوم وتخلص امتحاناتك
نور : باقي اسبوع
أحمد : طيب ذاكرين مو تجيبي لي شهادة مثل وجهم زوجة احمد ونسبتها مثلها
نور : انت ليه تقول كذا ياالمغرور
أحمد : نور بلا كثر حكي انا يضيق صدري من اسمع صوتك
نور : وانا بعد باااي
احمد
سكر بوجها
تنهد مابقى شي على زواجه من نور
يحس انها لو جات البيت راح يذبحها
يحس ان راح تكون هوا يتنفسه يقتل وسام بالنسبة له
.................................................. ...................
بيت زياد
غرور نامت بدري حتى بكرا تقدم عدل بالاختبار
زياد ظل معها
ويذاكر لها لحد مانامت
ابتسم لها
غطاها عدل
وبعدها طلع برا مع اصحابه لأنهم عازمينه
.................................................. ...................
في المستشفى
شهد ظلت واقفة
تروح وتجي
ياربي ياسمين شفيها
الله يستر بس الله يستر
طلع الدكتور
شهد طالعته تبي تعرف شنوو بيقول
الدكتور ابتسم : مبروك اختك حامل
شهد ظلت واقفة منصدمة : شنووو تقول
الدكتور : حامل
شهد حطت يدها على فمها
ليه كذا يصير لها
يوم ارتاحت من عبد الله تحمل ليييه ياربي ليييه
شهد : ممكن ادخل لها
الدكتور : الحين لأ بس تقدري بعد ساعتين تدخلي
شهد نزلت راسها
الدكتور بعد عنها
ماتدري ليه جا ببالها ريمه
رفعت جوالها وكلمتها
ريمه : خلاص حبيبتي ان شاء الله مايصير شي
شهد : خايفة عليها من عبد الله
ريمه : لا تخافين ولا شي
شهد : طيب ريمه احس اني مخنوقه
ريمه : شربين لك ماي
شهد سكتت شوي
ريمه : شهد انتي معي
شهد : اوكي ريمه اخليكٍ الحين
ريمه : براحتك حبيبتي مع السلامة
شهد : الله يسلمك
سكرت شهد
وقامت تشتري لها شي من الكوفي
.................................................. ..............
في ماليزيا
وصل سعود ومرام من السعودية
توجهوا للفندق
اول مادخلت مرام الغرفة
القت نفسها بالسرير
سعود : بتنامين
مرام : وانت وش رايك اكيييد راح اناااام
سعود ابتسم : طيب بس انا مو جايني نوم
مرام قامت
عدلت اغراضها وملابسها مع ملابس واغراض سعود
بعدها دخلت الغرفة لقت سعود نايم
ابتسمت
الحين هي إلا مو جاينها نوم
.................................................. ..................
في المستشفى
دخلت شهد الكوفي
وتوجهت للي يبع ماي
شهد : لو سمحت هاتي ماي
سمعت صوت بجنبها : أي من هذا هاتيه
التفتت
ولقت خالد
توترت وتمنت انه مايعرفها
وهو إلا تحبه سارة
إلا تقول انه تغير
كيف تحب انسان مثل هذا
الشاب : يا اخت ما تبي الماي
ظلت سرحانة وحاقدة على خالد وتطالعه
خالد التفت
لها حس ان شافها من قبل بس ليه تطالعه
الشاب : يا اخت
خالد : لو سمحتين اختي الرجال يكلمك
شهد انتبهت لنفسها
حست بالأحراج
مدت فلوسها لشاب واخذت الماي
لقت بنت كاشفة مارة بجنبهم
خالد نزل راسه وظل يكلم الشاب
بعدت عنهم و
ابتسمت
صدق تغير .. معقولة يبعد عن هذا الطريق
.................................................. ...........
في اليوم الثاني
الساعة 10 صباحا
بيت عبد العزيز
اريام : كيف ماتقدر تجيبها
عبد العزيز : قلت لك السيارة عطلانة
اريام : ونور منوو راح يجيبها
عبد العزيز
راح اكلم صاحبي واشوف
كلم عبد العزيز محمد وقال له انه جاي
سكر منه
وبعدها جاه اتصال من احمد ولد عمه
عبد العزيز : هلا احمد
احمد : هلا عبد العزيز ماراح تجي الشغل
عبد العزيز : والله سيارتي عطلانه و
أحمد قاطعه : طيب خلاص انا جاي لك
عبد العزيز : لكـ
أحمد : يا الله وصلت اطلع برا
عبد العزيز
سكر
قال لأريام انه راح يجيب نور
طلع برا البيت وصعد مع احمد
عبد العزيز : السلام عليكم
احمد : وعليكم السلام
عبد العزيز : ها شنو صار بالصفقة
أحمد : نجحت
عبد العزيز : حلوو
أحمد : ..........
عبد العزيز : طيب احمد غلا تقدر تمر على اختي لأن محد راح يجيبها من المدرسة
أحمد : نور
عبد العزيز : أي
أحمد : طيب راح آخذك على الشغل وراح اروح لها
عبد العزيز ابتسم : تسلم والله
أحمد
وصل لشركة نزل عبد العزيز وهو توجه لمدرسة نور
.................................................. ............
(( محمد ))
طلع من البيت
وهو يعدل شماغه
توجه لبيت عبد العزيز حتى يروح له
وبعدها بدقايق
وصل البيت ودق الجرس