سوفليه الباشن فروت - عيون العرب

**سارة سرسور** · #1 01-30-2012, 08:23 PM

المقادير
بيضتين مفصولة على حرارة الغرفه ملعقة كبيره + ملعقتين صغار سكر ( للمرانج )
ملعقة كبيرة + ملعقتين صغار سكر ( للأساس )
ملعقة كبيره عصير باشن فروت مصفى تقريبا ٢-٣ حبات

* الباشن فروت يجي بلونين أساسيين حسب المصدر ، الباشن فروت البرازيلي يكون أصفر وبحجم الجريب فروت تقريبا و غالبا ناعم من برا وهو مستوي ، الباشن فروت الأسترالي يكون بنفسجي و بحجم الليمون تقريبا ومجعد من برا وهو مستوي.
داخل الباشن فروت فيه بذور مع عصير ثقيل هذا هو اللي نستخدم. نصفي القلب بصفايه ونستخدم العصير بس كون البذور مزعجه في الأكل شوي.

الطريقة :
نسخن الفرن على ٣٧٥ فهرنهايت .
ندهن صحنين سوفليه ( أو حتى أكواب قهوه عاديه أو أي صحون سيراميك ) بزبده دافيه بشكل جيد وبعدين نرش داخلها سكر ونغطي الداخل كله بالسكر.

الحين نخفق صفار البيضتين في صحن مع السكر إلين يصير لون الصفار أصفر باهت.
نضيف عصير الباشن فروت ونخفق إلين يتمازج مع الصفار.

في صحن معدني نظيف نسوي مرانج فرنسي ببياض البيض مع السكر وناخذه لمرحلة الرؤوس الصلبه stiff peaks أو منقار الطير مع الإنتباه إننا ما نخفقه أكثر من اللازم.

نخلط ١/٣ المرانج مع الأساس حق السوفليه ( صفار البيض و الباشن فروت ) بقوه إلين يخف الخليط شوي بعدين نحط باقي المرانج ونخلط هذي المره شوي شوي عشان ما نفجر الفقاقيع اللي راح ترفع السوفليه.
بعد ما ينخلط كل المرانج نوزع الخليط على صحون السوفليه بالتساوي شوي شوي بعدين بطرف الإبهام نمسح طرف الكوب بإننا نسوي زي الحلقه على طرف الكوب.
هذي الحلقه راح تساعد الخليط ينرفع بالتساوي وتعطينا تاج حلو على السوفليه بدال ما يكون مايل أو لاصق في الكوب.

نحط الصحون فوق صينية فرن وندخل السوفليه الفرن إلين يرتفع ويستوي من داخل ( يعني ما يكون سايل من داخل ) ويطلع منه عود نظيف تقريبا ١٢ – ١٤ دقيقة.
نرش الوجه بسكر مطحون و نقدم السوفليه علطول مع سوربيه فراولة أو أي سوربيه أو إسكريم ثاني.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل تعرفون شجرة الكستناء (أبو فروة )؟؟؟؟؟؟	هيمو_العسل	علوم و طبيعة	10	07-29-2010 08:24 AM
صورانمي فروت باسكت	دمعة ساكورا	أرشيف المواضيع الغير مكتمله او المكرره او المنقوله و المخالفه	11	08-10-2009 05:18 PM
هل رأيت أبو فروة على الشجر	hanom	أرشيف المواضيع الغير مكتمله او المكرره او المنقوله و المخالفه	6	07-27-2009 06:45 AM
تقرير عن الأنمي الطيف فروت باسكيت	دلع صغيرونه	أرشيف المواضيع الغير مكتمله او المكرره او المنقوله و المخالفه	8	05-07-2009 04:37 PM
كريم جريب فروت والزنجبيل المطور	امل الحب1	إعلانات تجارية و إشهار مواقع	0	04-07-2009 06:43 AM