حبيبتي صدقيني انتي غلطانه
وقاعده تطلي للموضوع من جانب غلط تماما
تفكيره طبيعي جدا
حب ساكورا هوا الي اسطوري ! باعتراف كيشي انها بطله وخصوصا من الداخل هيا بطله الحب وقصتها كلها تتعلق عن حبها ومدى اخلاصه

ولا الشخص الطبيعي ما بينتظر شخص لسنوات وهوا فقط مر بمواقف مع هذا الشخص وما سمع رد على اعترافه حتى

لا تتوقعي ساسكي لمن طلع من القريه اول مره كان متوقع انو ساكورا بتظل تحبه بالعكس كان يبغاها تسير حياتها او هذا ما ظهر معنو اول شخص ما بيتحمل وبيكره دا الشي لاكنه مو اناني

ولا تتوقعي لثاني مره لمن التقو في مخبأ اوو او لثالث مره لمن دخلها في الوهم وكمل كان متوقع منها تظل تحبه

والدليل نظرات وجهه وقت اعتذاره بعد دا الموقف

كانه في داخله خوف انو يكون هاذا نهايه حبها له

هاذا مو شك الغلط مو منها هيا الغلط منه هوا من البدايه ويحقلها انها تنساه
وتكمل حياتها

لاكن لانها بطله وحبها قوي و اسطوري له ما نسيته وظلت تحبه زي ما كانت

اذا انتي تبغي تفكيره كدا من قبل ما يتزوجو من قبل اعترافه لها بحبه واستعداده لتكوين عائله معاها

انو يروح ويجي واخر همه ويكون واثق ومطمن انها تحبه ايش ما صار بدون ما هوا يديها رد

كدا فبالعكس هاذي نتيجه عكسيه تدل انه اناني درجه اولى ولانه واثق انها بتظل تحبه لو ايش ما سوى هوا بياخد وقته

حتى لو قالها انا احبك برضو بتكون انانيه منه اصلا يقولها كدا ويعلقها ويخرج وياخد وقته

حالتك دي حق الشك تنطبق بس في حاله اذا كانو متزوجين
هنا نقول ايوه شك فيها وفي حبها

لاكن الفي الروايه وفي المانجا البنت يحقلها بكامل قلبها 100% انها تكمل حياتها وهوا ما قلها شي ولا اداها كلمت حب قبل ما يطلع سواء اول مره من القريه او ثاني مره بسبب دا الشي

هوا مو اناني وما بيعلقها
ومع كدا اكره ما عنده واخس مخاوفه انه يرجع ويلقاها مع احد ثاني لاكنه مو اناني انه يعلقها بيه قبل ما يتزوجها حتى

قولي بعد ما سابها في القريه بعد الزواج الموضوع منطقي عندها بنت وهيا قدها متزوجته وبتشيل اسمه
لاكن قبل ما يرتبط بيها ويكون عيله معاها لا

هيا ساكورا الي حبها اسطوري جدا وانتظرت وصبرت كل دا لاجل دا الحب الي ما تغير في قلبها