قلبي شباب ولزوم اني اعرس ,,, ما ابي العجوز الي تتوسد الباب

الخير واجد وانا ماني مفلس ,,, عندي فلوس تدعم البنك في الحساب


العجوز

ما باقي غير خشمك وهالضرس ,,, تبغي تعرس وانت وجهك شبه الغراب

قابل صلاتك الله يشفيك من المس ,,, او ترى بطب وجهك بهالتراب


الشايب

إنتي عجوز وأكلك الروب والخس ,,, اما انا ما باكل غير تكه و كباب

ما فيني سكر غير ضغطي نازل بس ,,, دام الهوى فيني ترى كل شي طاب


العجوز

لا بارك الله فيك يا الشيبه يا النحس ,,, ما تنفع معاك الرمسه ولا كلام العتاب

قصر لي صوتك ما ابي اسمع ولا حس ,,, عطني طلاقي وانقلع واقبض الباب


الشايب

دومك نحيسه وذا لسانك يبي قص ,,, ربي ترى حلل لي اربع بالكتاب

هذا خميس الاعمى جارنا كم وحده اعرس ,,, مرتاح في الدنيا بلا هم واعصاب


العجوز

بطران وراسك كالصخر يابس وعص ,,, مالوم طبعك يوم ربعك هالكلاب

صاير زي الاريل ودومك اتحيس ,,, استح على وجهك أصلع ولعاب


الشايب

فكيني من وجهك ترى مالي أي نفس ,,, زهقان من شوفتك وابغي لي أحباب

وهاذا طلاقك و طالقة بالاربع والخمس ,,, شيلي طلاقك من ضميري بلا احساب


العجوز


مشكور يالشيبه ومن دون أي دس ,,, عندي حبيب ما ابتعد لحظه وغاب



:hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: :hehehe: