|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
02-14-2012, 01:38 PM
| ||
| | ||
 روايات غرام بحرانية الجزء الثاني الجزء الثاني الفصل الاول في بيت ابو علي وبعد ما خلص هاليوم الشاق والطويل رجعوا ام علي وابو علي تعبانين بس خديجة ظلت مقهوره من حركة رباب وكلامها على ولدها علي وماقدرت تسكت وتخليها في قلبها ولا تقول لحسن وتفضفض له اللي بداخلها خديجة وهي متردده وخايفه ان حسن يفهمها غلط انها تكون مكبره السالفه وغاوية مشاكل : حسن حسن وهو يبدل ثيابه وداير ظهره لها : هاا خديجة : شخباركم اليوم انشالله كلشي صار تمام ومانقصكم شي حسن وهو يقعد على الكرسي الموجود في غرفتها الكبيره واللي هو قريب من البلكونه : اي والله كلشي كان تمام والحمدلله خديجة : الحمدلله وسكتت ونزلت راسها ورددت رفعته بتردد : حس...حسن حسن بإستغراب : فيش شي خديجة ؟؟؟!!! خديجة وهي تبتسم لحسن عشان ماتخوفه : تبي شاي ؟؟ حسن : لا مشكوره بس ما ادري ليش احس ان في خاطرش شي قولي لاتترددين خديجة : اي في خاطري بصراحة علي مو قادره اتحمل اشوفه يضيع شبابه جدي ولمتى بنقعد نتفرج عليه ونسكت عن اللي يسويه اني : .......، سكتت وبدت عيونها تلمع وتتجمع فيها الدموع وكانت تبي تكمل كلامها بس ما قدرت لانها حست روحها مختنقه وقامت وطلعت للبلكونه وبدت تصيح بصوت عالي قام حسن وراح وراها عشان يهديها وحط ايده على جتفها : خلاص يا خديجه بحاول اكلمه بس ما ابي اضغط عليه انا بسوي اللي اقدر عليه وانشالله يصير خير لفت خديجة وجهها ورمت روحها في حضن زوجها وهي تصيح بهدوء : ابي اشوف اولاده قبل لا اموت مو هاين عليّ حالته وياسر اذا شاف اخوه جدي هو بعد ما بيرضى يتزوج ولمتى بنظل على هالحال يا حسن اني امه ومو ذنبي ان خطيبته توفت وسببت له عقده اللي من عمره صار عندهم اولاد حسن قاطعها وهو يدخلها داخل الحجره : خلاص يالغاليه انشالله يصير خير خديجة وهي تبتسم : انشالله تحت في المطبخ كان ياسر قاعد يشرب كوفي وهو يقرأ مجلة طبية ويدخل عليه علي وهو فاتح الثلاجه وياكل بشراهه ياسر وهو مستعجب من تصرفات اخوه : علي شوي شوي لا يصيدك اضطراب معوي علي وبوزه مشحون اكل : جوعان ياخوك ياسر وهو يبتسم : اوكي بس شوي شوي علي حط الاكل فوق الطاوله : الا هدى وينهي العاده اشوفها سهرانه وبدووور مختفي غريبه ياسر وهو قايم رايح عند باب المطبخ بعد ماخلص من شرب الكوفي : هدى نايمه في البيت العود ويا امي العوده وزينب بنت عمي حسين وبدووور نايم من الساعه 8 تعرف باجر عليه مدرسه مايقدر على السهر علي : اهااا هدوووي ماتعطل روحها تستغل الفرص عشان تقعد ويا زنوب وانت وين بتروح توها الناس ما صارت الساعه 12 ياسر : لا والله قالوا ليك اشتغل في شركتكم تداومون على كيف كيفكم انا مرتبط بدوام وعندي مراجعات من الصبح زين يمديني انام لي جم ساعه علي : محد قالك تشتغل وتلتزم افتح لك عياده خاصه وداوم على كيفك ياسر : لا انا عاجبني الوضع جدي احب اخدم الناس علي : اقول انت الحجي وياك ضايع مامنك فايده روح نام احسن وطلع ياسر من المطبخ وقعد علي بروحه مرت عليه ذكريات مايحب انه يذكرها قعد يسترجعها ويقول لنفسه :آآآآآآآه يا دعاء ليش انتين انانيه لهدرجه انا ما احب اعيش في دنيا انتين مو فيها ليش ماخذيتيني وياش كلهم من يجي الليل يروحون لزوجاتهم انا من لييّ اروح لمن واكلم من ارتاح ويا من انا ما ابي شي من الدنيا ابيش تكونين وياي وانا اجي وياش نزلت دموعه ورجع لوعيه واستغفر ربه وركب حجرته ونام الفصل الثاني اما في بيت حسين فكان الجو هادئ والكل نايم ما عدا واحد رجع البيت الساعة 12ونص ودخل حجرته بدون لا احد يدري عنه وفي بيت محمد وفاطمة الحياة روتينيه كل واحد فيهم ينام بغرفه لانهم مو قادرين يتحملون بعض اكثر محمد يروح البيت بس حق النوم وفاطمة تنام وفي حضنها بناتها وعايشه حياتها التعيسه كل يوم بدون اهتمام من زوجها والبيت العود كانوا الشباب كلهم سهرانين أحمد العم الصديق وأمير الشاب الطايش وزينب الدلوعه وطبعا هدى اللي كان الكل يراقب تصرفاتها من بعد ما جاها داك الاتصال اللي عفس مزاجها فوق تحت كانوا قاعدين يطالعون فلم رعب ومطفين الليتات وطبعا احنا ماننسى فضل احمد وامير في تخويف البنات واستخدامهم اساليب الرعب وهم فرحانين بصريخهم ولون وجههم المنصفق من الخوف زينب : حموود والله اخاف لا تسويي ليّ جدي احمد وهو ناوي على زينب : اقول زنوووبه قومي عمي جيبي ليّ ماي من تحت امير واحمد يطالعون بعض ويتآمرون على زينب لانهم يدرون انها تخاف ويبون يسوون فيها مقلب مرعب زينب وهي تبلع ريقها ومو عارفه شتقول لعمها وهي منحرجه منه : اني احمد وهو يبتسم بخباثه : اي انتين زينب بترجي لعمها : بنادي على شيري تجيب من الثلاجة احمد : لا هذا الماي حار ابي من الكولر اللي تحت وشيري نامت من زمان زينب وعيونها طالعه لبرا ولونها انقلب احمر واتغبنت : خل هدى ولا امير يجون وياي احمد يقاطعها : اقول زنوووب لو كلنا ننزل وياش مو احسن زينب وهي تسحب رجولها وخلاص بتصيح من الخوف : انشالله عمي بروح وهي دايره ظهرها ونازلة على الدرج وتصيح بصوت خفيف شوي شوي راح احمد وحملها من رجولها وخلاها على رقبته وبعدين حملها امير من ارجولها واحمد من ايديها وفلتوها على الكرسي وعصبت عليهم زينب وقعدت ترمي المخدات وتفلعهم بالاغراض اللي على الكرسي وهدى تشوف هالمشهد وميته من الضحك على بنت عمها الا ويرن تلفونها مره ثانيه ماعرفت شتسوي في هالحظه تمنت لو الارض تنشق وتبلعها تغيّر شكلها وسكرته بسرعه عشان محد ينتبه لكن تجري الرياح بما لا تشتهي السفن احمد : هدى من يتصل ليش هالحزه؟؟ هدى سوت روحها تطالع التلفزيون وماتسمع عمها شيقول احمد بدى يعصب على هدى : هدى .. هدى هدى طالعت عمها : نعم احمد بصراخ : اكلمش ليش ماتردين هدى بخوف وارتباك : ما ادري اسفه ما حطيت بالي احمد بطول صبر : سألتش من متصل فيش هالحزه هدى وهي تحاول تعدل السالفه : ولا احد عمي وحده من صديقاتي تملل كله تتصل بهالوقت واني ما احب ارد عليها لان ماعندها سالفه احمد وهو يبين عليه كلش مو مصدق : اييي فهميها انش بنت عايله وماتكلمين احد بنصاص الليالي هدى وهي تهز راسها بالايجاب : انشالله .. انشالله عمي الكل سكت وتعكر مزاج احمد وقام عشان يروح ينام وامير راح وراه وطبعا هدى قامت اول وحده كانت تبي تشرد من نظرات عمها المليانه شك وخوف وزينب ظلت قاعده في الصاله احمد وامير وهم رايحين غرفهم مروا على غرفة البنات الا يسمعون صوت ..... : خلاص ما اقدر اتحمل بس لاتتصل فيني هالوقت ما ابي مشاكل ويا اهلي مستحيل ... مستحيل اسوي اللي تبيه روح دور على غيري ........ احمد مسك ذراع امير : وقف زينب برا اشلون في صوت هذي تتكلم ويا من امير :........... احمد عصب وفتح الباب بقوه وهدى ظلت واقفه مجمده مكانها ومنصدمه من دخلة عمها وولد عمها عليها وما عرفت شتسوي ظلت ماسكه التلفون ومبطله عيونها ودخل احمد والشرار طالع من عيونه وسحب التلفون من ايدها .............: حياتي وينش عطيني جواب طال انتظاري متى تجيني الشقه ولا انشر صورش بكل مكان ألو ليش ساكته ألو احمد : سكر التلفون في وجهه شبصير لهدى وشنو سالفة هالتلفون وهالصور ؟!! وأخبار علي ولمتى بظل على هالحال؟!! انتظر ردودكم ومروركم اخواني |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مولان الجزء الاول و الجزء الثاني مدبلج (مصري) 00 | fafa11 | أرشيف المواضيع الغير مكتمله او المكرره او المنقوله و المخالفه | 31 | 05-15-2012 04:50 PM |
| روايات غرام بحرانية | jaroo7 | أرشيف المواضيع الغير مكتمله او المكرره او المنقوله و المخالفه | 1 | 02-14-2012 01:46 PM |
| رنتك باسم حضرتك - الجزء الأول & الجزء الثاني | ! الجوكر ! | أرشيف المواضيع الغير مكتمله او المكرره او المنقوله و المخالفه | 4 | 05-16-2008 08:49 PM |
| شاعر المليون الجزء الثاني 2 الحلقة الاولى مرحلة 48 الموسم الثاني | script | أرشيف المواضيع الغير مكتمله او المكرره او المنقوله و المخالفه | 1 | 12-26-2007 08:23 PM |
| اول حلقات شاعر المليون الجزء الثاني مرحلة 48 الموسم الثاني | script | أرشيف المواضيع الغير مكتمله او المكرره او المنقوله و المخالفه | 0 | 12-26-2007 05:55 AM |
العرض العادي
