في بيت أبو طلال..
في غرفة جنان
جنان مختبصه بكرره ملكتها واهي مهي بقادره خاايفه حيل
دخلت عليها ام طلال..
ام طلال: هاااه يمه كيف النفسيه
جنان: يمممه خااايفه حيييييييل
ام طلال: ههههههههه ليش؟؟
جنان: يمه ماتتوقعين كيف نفسيتي بالمره خايفه..
ام طلال: شي طبيعي
جنان: يمه انتي كنتي خاايفه مثلي لما تزوجتي ابوي
ام طلال واهي تذكر: ايه يمه بس ماكنت اتكلم الى امي لأن امي ماعندها دلع مثلك
جنان: حرام علييك يمه..أنا اتدلع..انتي قلتي بنفسك انك كنت خايفه..
ام طلال: ايييه يابنيتي كنت خااايفه بس بعدين تتعودين..
جنان جلست تبكي..
ام طلال وهي متخرعه: شفيك يا بنيتي..؟؟
جنان: ما ابي ارووح عن بيتنا
ام طلال ارتاحت: ومن قال انك بتروحين انا كل يوم بخلي فهد يجيبك لي .. وانتي زواجك بالاجازه الكبيره يعني باااقي كثييير
جنان هدت شووي وتذكرت شي: يمممممه فستاني جبتيه معك من مركز............
ام طلال: توووك تذكرين..ايه جبته معي هذا اهو في الصاله حطته الخدامه..
قامت جنان ركض للصاله تشووفه وتقيسه لأن بكره ملكتها
جنان: واااااااااااااااااااااااااااااو يمه صار حلو كثير..<<الوصف يوم الملكه احلى خخخخخ
ام طلال: أي والله مرره حلو ..وبغرور..طالعه على امك ياحبيبتي
..وكملت..ضابط عليك عدل مشاء الله
دخل ابو طلال عليهم..
ابو طلال: يه يه هذي بنتي والا انا غلطان..
ام طلال بغرور: شفت بنتي شلوون جميله مشاء الله طالعه على امها فديت بنتي
ابوطلال: ايه مشاء الله ..الله يوفقك يابنيتي..
جنان ابتسمت: شكرا يبه
---------------------------
في بيت شوق
دخل وليد
شوق: هلا حبيبي كيفك؟؟
وليد جا وباسها على خدها وتفشلت: تمامم.. ياعمري اللي يستحوون
شوق وهي مستحيه: اووووه ولييد لاتفشلني
وليد:هههههههههههههههههههه ماتعودتي علي
شوق هزت راسها بايه
وليد: أيه بااين ..
شوق كانت ساكته واهي جالسه على الكنبه وهو كان جالس جنبها قام ونام على رجلها واخذ يدها وباسها وحطها على شعره..>>يعني العبي بشعري..
شوق:هههههههههههه صرت بيبي
وليد: ههههههه اذا ما صرت بيبي عند زوجتي اصير لمنو..
شوق: ههههههه وانا اقوول بعد.. الله يخليك لي يا احلى بيبي
وليد وابتسم: ويخليك لي
شوق: خلصت شغلك مع أبوك
وليد: اييييييييييه كان كثير مره وتعبت كثير
شوق واهي مقضبه حواجبها: اذا تعبت كان رجعت البيت
وليد: وكيف أترك الشغل كله على أبوي لالا مستحيل حبيبتي أنا استريح واهو يكرف مستحــــــــــيل هذا ابووي
شوق: أنا ما قصدي شي بس حبيت انك ترتاح اذا تعبت
وليد تذكر شي: ايييه صح اتصل علي فهد وقال لي بكره بيروح يخطب رسمي بنت عمك..
شوق: ايييه يحليله قال لي اليوم انه بيروح يخطب ومررره كان متشقق من الونااسه ..
وليد: الله يوفقه
شوق: امين
-------------------------
في اليوم الثاني في بيت ابو فهد في الصباح
فاطمه قالت بتنزل تعتذر من ابوها لان مهما صار هذولا اهلها وما بيتغير شي بينها وبين جنان وبتضل تكرهها لان من ضنها انها اهي اللي فرقت بين فهد ومروه واهي ماتدري ان فهد حتى مايفكر فيها
نزلت فاطمه تحت شافتهم مجتمعين
فاطمه: السلام عليكم
كلهم داروا لها وسكتوا
فاطمه: ترى رد السلام واجب
الكل : وعليكم السلام والرحمه
توجهت فاطمه الى ابوها اللي كان ما يطالعها وحبته على راسه
فاطمه: اسفـ..فه يبــ..ـه
سكت ابوها عنها
فاطمه ونزلوا دموعها: واالله يبه اسفه وما بعيدها
ابو فهد حن قلبه على بنته ومسكها من يدها وجلسها جنبه وضمها : ما اقدر ازعل من بنتي الوسطيه ههههههههه
دخل فهد عليهم: السلام عليكم..
الكل : وعلييكم السلام هلا بالمعرس
ام فهد :ألف الصلاة والسلام عليك ياحبيب الله محمد كلللللللللللللللللللللللللللللللللللللللللوش
الكل: هههههههههههههههههه
قامت ام فهد الى ولدها الوحيد وحضنته واهو باسها على راسها: الله يوفقك ياوليدي ..ويبارك لك..والله يطول بعمري انشاء الله عشان بس اشووف عيالك
فهد واهو مستانس:اميـــــــــــــــــن
الجوري: فهد معليش توديني بيت عمي انا والريم لان بتجي الكوافيره هناك لأني اتفقت مع جنان انا احنا نتلاقى هناك
فهد طالع ساعته: اوووكي عشر دقايق وانا بمشي اذا كنتوا موجودين او لا بتمشي السياره
فهد يكلم فاطمه: وأنتي منتي رايحه معهم
فاطمه: لا بروح مع مروه كوافير ثاني<<<مروه يهمها الشكليات كثير اهي حزينه بس مستحيل تخفي جمالها او تحرم روحها من شي
فهد يفكر في نفسه فاطمه ليش تكره جنان ابي اعرف ليش اهي ايش سوت لها بعدين لازم اعرف لكن مو اليوم
--------------------------
في بيت ابو فيصل
مروه كانت تبكي وتدعي على جنان الله لا يوفقك وانشاء الله ترجعين مطلقه من ثاني يوم
دخلت عليها امها : مرووه يكفي خلاااص انتي تبكي واهو مهو بداري عنك
مروه بنظره كره وحقد: كل من هالكريها اخذت ولد عمي مني لكن مابتدوم معه وهذا ووعد يايمه
ام فيصل: الله يهديك يا بنيتي المهم اتصلت فاطمه لك تقول متى بتمرين عليها؟؟
مروه: يووووووووووه نسيتها هذي بعد اوووف
وكلمتها
مروه: هلا
فاطمه : هلا بك..متى بتمرين؟؟
مروه : ببدل وبجي لك
فاطمه : اوووكي انتظرك..سي يو
مروه: سي يا
---------------------
--------------------------------
في بيت ابو طلال..
كانت جنان ومعاها الكوافيره تحط لها مكياج عشان تخلص وتبدي في شعرها
دخلت عليها الجوري ومعها الريم
الجوري: كلللللللللوش اهللين بالعروسه
جنان: والله بااااموت من الخوف ماورى جيتي
الجوري: ترى اخووي ماياكل ولا يعض
جنان: احلفييي... مالي خلق اسمع منك شي..لييش تاخرتوا؟؟
الجوري جات وباستها على خدها: مو توك تقولين ماتبي تسمعين مني شي..
جنان: اوووف بتقولين والله شلوون
الجوري: اووف منك هذا فهد قال لنا عشر دقايق ونطلع وانا لبست بسرررعه ..وطلعت كن مشا عني وتصلت عليه قال لي تاخرتي دقيقه ومشيت عنك ماحد قالك وبعدين قالي اذا رجعت من الحلاق بوصلك..فراح حلق وجا لي..عرفتي
جنان: اهااا..((اكتشفت شي جديد منك يافهد انك دقيق في مواعيدك))
الجوري: اللي ماخذ عقلك يتهنا به
جنان انتبهت: هااه
الجوري: من قال هاااه سمع..
جنان حبت تغير الموضوع: علقي فستانك هناك..واشرت لها على الدولاب
الجوري: اووووووكي
الريم تهمس في اذن الجوري: لاتنسي اللي قاله فهد
الجوري بصوت عالي: يووووه نسيت..جنان.. يسلم عليك فهد ويقولك فهد انتي ماتحتاجين كوافيره انتي قمر من غير شي
جنان استحت بس ردت: يبغاني اكوون ماني حلوه..اسفه
الجوري: والله اليوم بتتقابلون وقوليله الي تبين..
جنان سكتت وفكرت في نفسها احنا صحيح بنتقابل اليوم بس للاسف ماتجيني الجرأه اني اقوله
--------------------------------
عند مروه وفاطمه..
مروه بعد مامرت عليها وهم بالسياره
قالت بقهر: اكيد بتطلع حلوه اللي ماتتسمى
فاطمه: أي واالله القهر والله تمنيتك انتي مرت اخووي..بس ابشرك مابتدوم معه
مروه: اكيد مابتدوم معه .. خليها تستانس فيه كم شهر بس بعدين علطول بخذه..أنا في بالي فكره بس استني وشوفي ايش بيصير
<<ياترى ايش يفكرون فيه ...رااح نعررف بعدين خخخ
---------------------------------
في بيت وليد وشوق بعد صلاة المغرب
وليد دخل الغرفه على شوق وهي كانت واقفه عند التسريحه ولفت لما سمعت صوته: يالله ياحبيتـــ... الله ايش هالكشخه ياعمري
شوق: دارت حول نفسها: ههههههه حلووو
شوق كانت لابسه فستان فوشي موصل لفوق الركبه وينربط على رقبتها وفتحت الصدر كانت على شكل 7 وكان ضابط على جسمه مرره وكاان حلوو كثير عليها
وليد تقرب لها ومسكها من خصرها: مرره حلو
شوق: تسلم حبيبي..
وليد سكت شوي بعدين قال: دوختيني
شوق: ههههههههههههه
وليد: تسلم لي الضحكه وراعيتها
شوق: وتسلم لي
وليد فك يده: الله يهداش نسيتيني وش كنت جاي عشانه .. بسررعه ترانا تاخرنا على الجماعه
شوق: بس دقيقه بلبس عباتي وبنزل لك
وليد ابتسم لها : أنا بنزل احسن لي لان اذا جلست بدوخ اكثر
شوق: هههههههههه .. أي إنزل احسن لي
وليد: ههههههههههه انتظرك في السياره..
-----------------------------
في بيت ابو طلال كااان الكل موجوود
عند الرجال
كان فهد واقف يسلم وجنبه طلال
طلال لفهد بعد ماجلسوا:هاااااه كيف النفسيه
فهد وهو يمسح العرق اللي على جبينه بالمنديل: تماام
طلال: هههههههههههههه..شووف نفسك كيف مرتبك ومنت عارف تجلس
فهد: عقبالك انشاء الله بشوف فيك يووم
طلال:هههههههههههه انشاء الله
فهد: كأنك ناوي..
طلال:حلال عليك وحرام علينا
فهد وهو فرحان: لااا يعني من جدك
طلال: اييه طبعا
فهد: هههههههههههه.. ومن سعيدة الحظ
طلال: اذا جا الوقت بتعرف
فهد: افااااا وانا من قبل لااخطب قلت لك افااا
طلال: وانا قبل لااخطب بجي بقولك
فهد: يعني وحده بوحده
طلال: افااا عليك
دخل الملاك اللي بيملك
طلال: وصل الملاك قوم اجلس بجنبه
فهد: ياالله مشينا
وجلس جنبه واخذ المعلومات عنه وبعدين سأله هل أنت موافق لو لا
فهد: موافق
الملاك: على بركت الاه..ومد له الدفتر عشااااان يوقع
فهد وهو ماسك الدفتر والقلم واهو يرتجف كااان يطالع في طلال
جا طلال جنبه وحط يده على كتفه: سم بالله
فهد سم بالله ووقع..
طلال: بالمبااارك
فهد يساسره: لاتقولي مبرووك الحين اول شي خل اختك توقع بعدين قول اللي تبي
طلال: هههههههههههههه.. صاير كأنك أنت العروس مو أختي
فهد: تستخف بدمك ... قم ودي الدفتر لأختك قم..
وقاام طلال يودي الدفتر لأخته وهو يضحك على فهد..
وفهد في نفسه.. أشوف فيك يووم ياطليل بشووف فيك
.
.
.

عند الحريم
طلال: طريق يااحريم
الحريم اللي يتغطى تغطى واللي يكشف يكشف واللي دخل دااخل المهم
أم طلال: أدخل ياطلال..
دخل طلال ومعااه ناصر..
طلال: السلام عليكم
الكل: وعليكم السلام
طلال: بالمباارك ياخالتي.. وحب راسها
ام فهد: الله يبارك فيك.. وعقبالك
طلال طالع في الجوري اللي كانت موجوده جالسه معهم:انشاء الله
الجوري لاحظت ونزلت راسها بس قالت يتراوء لك
ناصر سلم على ام فهد
طلال: يمه وين جناان
ام طلال قامت:فوق الحين اناديها لك
طلال: لا بركب لها انا .. واللي يبي يركب يركب
ركبوا ام طلال وام فهد والجوري وشوق والريم
دخلوا غرفة جنان كلهم
وجنان كانت خلاااص لابسه وخلصت وكانت جالسه على السرير
طلال جلس جنبها على السرير وهو مبتسم: كيفك يا العررووس الجميله
جنان ابتسمت بخوف لان شافت الدفتر: هلا..تممام
طلال: هاااااااه كيف النفسيه
جنان بهههمس: زففففففت
طلال:هههههههههههه..كانك فهد تحت المنديل في يده وينشف العرق اقووله كان اهو العروس مو انتي
جنان ضربته على كتفه: صججج ماتستحي..بشوف فيك يووم
طلال: افاا انا ما استحي..وكل هالدعوه توه فهـــــــ...
ام طلال: بلا مهامس ويالله اخلللص
طلال انسي نفسه: انشاء الله يمه
جت امها وجلست جنبها..
طلال: وييش موااافقه والله مو مواافقه
سكتت جنان تطلع فيه يعني انتا تعرف رددي
طلال: خلاااص خلااص السكووت علامة الرضا
الكل:ههههههههههههههههه
جنان اشويي وبتفقع قاعدين يضحكوا واهي بتمموووت من الخوووف طالعت في طلال بنضراات
طلال: اسف اسف خلاص واقعي واقعي
جنان: وين...؟؟
طلال اشر على موقع التوقيع: هنــــا
جنان مسكت القلم بتوقع بس توها بتووقع شالت يدها وقفوا قلووب كل اللي بالغرفه
جنان: يمممممممه خااايفه
رجعوا لقلووب تنبض هههههههههه
ام طلال: سمي بالله ووقعي
جنا طالعت في الجووري: ليش واقفه بعييد تعاالي جنبي
الجوري اشرت لها بمعنى ماافي مكاان طلال فهم لها وقاام اهو
وقف قدام جنان وقال للجوري:تعالي اجلسي هنا .. واشر على مكانته
الجوري رااحت وجلست ومسكت يد جنان
جنان: والله خايفه..
الجوري: غيير بتووقعي
جنان: صبريني مو غيير بتوقعي ..انشاء الله اشوف فيك يوم..طبعا الكلام هذا كلله بهمس بس مادروا باللي يسمعهم طلال..خخخخخخ
الجوري: اول شي خليه يجي بعدين بووقع ههههههههههه
طلال بصوت ماسمعوا اللا هم: هههههه قرييب انشاء الله
حسووا انا كاااان يسمعهم اهي راااح ماااااااااي وجهها من الخجل
الجوري: جنان وقعي خلااص
جنان حست باحرااجها وقالت في نفسها استنى علي ياطلال
وقعت جنان وضمت امها اللي كانت تقول: الله يسعدك يابنيتي ووفقك يارب
جنان جلست تبكي
ام طلال لام فهد: بالمبارك ياختي هالله هالله ببنيتي..وعامليها كأنها بنتك ياوخيتي
ام فهد: الله يبارك فيك..جنان بنتي من الاول ولاتوصين حرييص
طلال راح الى جنان وسلم عليها: مبروووك ياعرووس
جنان ضمت طلال بقوه: الله يبارك فيك..وعقبااالك
الجوري علطوول نزلت راسها ابتسم طلال: انشاء الله <<<وأخيييرا فهمت ههههههههههههه
ابتعدت عنه ونزل طلال وراح مجلس الرجاال
ام فهد ضمت جنان:بالمباارك يابنيتي
جنان: الله يباارك فيك ياخالتي
ام فهد:هالله هالله بولدي
جنان وهي مستحيه حييييل:انشاء الله
الجوري: ماتبيني ابارك لك
جنان: ههههههههههه
وضمووا بعض
الجوري: مبروووك
جنان بصوت هامس: الله يبارك فيك ..وعقبالك
الجوري: لالالا تكفيين
جنان: والله تمنيت لك اخووي من زماان
الجوري:ارجوش لالالا لاتقولين كذا ترااااني اخااف
جنان: توك تقولين خله يجي
الجوري:كنت بس هونت خلاااص..
شوق: من شااااف احباابه نسى اصحاابه ترانا هنا
جنان ابتعدت عن الجوري..:ههههههههههههه افاا علييك وانا اوخييتك هههههههه..وسلمت عليها
شوق: ههههههههههههه مبرووووك
جنان: الله يبارك فيك .. وعقبال مانشووف ولدك معرس ههههههه
شوق:هههههههه انشاء الله
الريم: مبرووك مرت اخوي
جنان:هههههههه الله يبارك فيك وعقبالك
الريم استحت
جنان: هههههههههههههههه
.
.
.
عند الرجاال
دخل طلال وهو لامبتسم ولا مكشر يبي يخوف فهد
فهد حط يده على قلبه
عطى طلال الدفتر للملاك ورااح الى فهد وقف فهد
طلال ضم فهد: بالمباارك
فهد ضحك على ولد عمه اللي وقف قلبه: الله يباارك فييك..خرعتني وانا اخووك
طلال:هههههههههههههه
الملاك: مبروووك
فهد وهو شااق الحلق: الله يبارك فيك
توجه الى ابوه وحب رااسه
ابو فهد:مبروك ياوليدي..منك المال ومنها العيال
فهد: الله يبارك فيك يبه..تسلم
ابوطلال: مبرووك ياوليدي
فهد اللي حب رااس عمه: الله يبارك فيك ياعمي
ابوطلال بحيث مايسمعه الى فهد: هالله هالله ببنيتي يافهد ولا ابيها تجي زعلانه تراها بنتي ياولدي
فهد:جنان في عيوني ياعمي..ارقد وامن
وليد قطع عليهم حديثهم: مبرروك يافهد
فهد:ههههه الله يبارك فيك..وسلم عليه
فواز ولد ابو فيصل: مبرووك منك المال ومنها العيال
فهد: الله يبارك فيك .. عقبالك


فواز: وينك ووين
فهد: الأخ مستعجل اركد
فواز:ههههههههههههههه
اتجه فهد الى ابو فيصل لان ابو فيصل ناداه
ابو فيصل: مبرووووك
فهد باس راسه: تسلم ياعمي
ابو فيصل: هالله هالله ببنت عمك
فهد: لاتوصي
.
.
.
عند الحريم
نزلت جنان في زفتها اللي كانت موسيقى هادئه والكل يصلي على النبي من جمالها
((جنان كانت لابسه فستان تركواز فوق الركبه على طول وكان كت من على الصدر فيه سيور خفيفه ينمسك بهم الثوب وحاطه على شعرها الذهبي ورده على جنب فضيه لان لابسه طقم الماس فضي ولابسه صندل كعب فضي وكانت حاطه لها مكياج الظل تركواز وفضي وبودره بلون الوردي الفاتح وحاطه لها رووج أحمـــــــــــــر))
ولا تخلى الجلسه من الحسااد ام فيصل وبنتها
مروه: شوووفي قليلة الأدب كيف لابسه من اول يووم
ام فيصل: أي والله اذا قدامنا وأول مره بشوفها كانت لابسه كذ اجل من ورانا ايش بتلبس
مروه: أي والله<<<<لو اقولكم لبس مروه ايش كانت لابسه كان علوووم كانت لابسه تنوره لربع الفخد وبلوزه فيها سيور يالله ينشافوا وكانت لبلوزه يالله تسترها <<<هذا اللبس السااتر ههههههههههههه
راحوا النااس كلهم يلمون على جنان ويباركون لها الا فاطمه ومروه وام فيصل طنشت جنان وقالت فينفسها اليوم ملكتي ولني معوره راسي بناس مايستهلوا طنشــــــــــــــــــــــت
جت الجوري لها: هااه تبين شي
جنان ابتسمت : تسلمـــــــــــين حبيبتي
الجوري: اليوم بس بتقولين حبيبتي بكره بتقولين لفهد مولي..وتغمز لها
جنان:تدري انك ماتستحين
الجوري: شكـــــرا
جنان:هههههههههه
جت ام فهد:ترى فهد بيدخل الحين
الجوري: صج اهو قال بيدخل بعدين لما يخفوا الناس
ام فهد: الساعه 9 وربع لمتى يعني لازم يدخل الحين وراحت عنهم
الجوري: اهااا
جنان كان قلبها بيوقف من الخوف الجوري كانت بتقوم مسكتها وقالت لها جنان:ويـــــــــــــــــــن
الجوري: ههههههههههههه برووح استقبل اخوووي
جنان سكتت وخلتها تروح..وراحت
اعلنوا دخول فهد
الكل لبس عباته واستعدوا لدخول فهد الجوري بعد كانت لابسه عباتها لان قالوا طلال بيدخل
دخل فهد بكامل اناقته ورزته اهو واهله<<ابو فهد اوابوطلال وابوفيصل وطلال
فهد يكلم نفسه اول ماطاحت عينه عليها..مشاءالله عليها جماال موطبيعي تبي تطيح قلبي من اول نظره اللــــــــــــــــه<<<الله يستر هههههههه
تقدم لها وبااس جبينها واهي انقلب ووجها على طووول احمر من الخجل
فهد: مبرووك
جنان بهمس لانها ميته من الخجل: الله يبارك فيك
فهد همس في اذنها :وانا مالي مبرووك
جنان طالعت فيه وبتسمت: مبرووك
ماسمعت رده لأن جا ابوها وعموميتها يسلمون عليها
ابو طلال ضم بنته: مبروووك يابنيتي
جنان نزلوا دموعها: الله يبارك فيك يبه
ابو طلال ابتعدد عنها ومسح دموعها: ليش هالدمووع
جنان: ما ابي ابتعد عنك يا الغالي
ابوطلال: هههههههههههه انتي بعدهي ما يجي عرسك وانتي سويتي كذا اجل لو جا عرسك ايش بتسوي
جنان افتشلت وسكتت فهد لاحظ عليها لانه ماشال عيونه من عليها لانه عجبته كثيير
راح ابو طلال الى فهد: مبروك ياعريس
فهد:ههههههه تسلم ياعمي
وجو الباقي يسلموون عليهم ويباركون لهم
طلال بعد ماسلم: شويشوي على اختي ترااك ذبحتها بهالنظراات
جنان اللي نقلب وجهها وقالت في نفسها هين ياطلالوه بتشوف شغلك
فهد: هههههههههههههههههههه شوف اختك اللي على طووول ينقلب وجهها .. واذا طالعت مو بحلالي
جنان خلااااااااااااص مهي قاادره من الحيه لكن يشوفوا ثنينهم
طلال: الا حلالك موصح ياجنان
جنان سكتت ولا ردت
طلال وفهد:ههههههههههههههههههههههههههههه
وطلعوا العموميه مع طلال
جوا الحريم يسلمون عليهم وكلهم يسلمون على فهد وجنان الا
فاطمه جات وسلمت على فهد وحضنته وكانت جنان تسمعهم: مبروووك يافهد
فهد: الله يبارك فيك
فاطمه بهمس لكن جنان سمعت هالهمس: مع اني تمنيتك الى مروه بنت عمي احسن لك من هذي
جنان في نفسها يعني كان يبي مروه من قبل
فهد بزمخه: فاطمـــــــــــــــــه خلااص الحين صارت جنان مرتي مو مروه وانتهى الموضوع اوووكي
جنان بينزلوا دموعها يعني ما يبيني يبي مروه ما انكر انه مايبيها كانت بتقوم عنه بعدين قالت والناس ماني مفشله امي عشانهم لكن احسن اكتشفت من الحين قبل لا يصير شي
مروه تشوف نضرات فهد الى جنان ومره منقهررررره
وضلوا جالسين بعدين جابوا الشبكه حقتهم وطرت جنان ان تنزع الطقم اللي عليها ساعدتها الجوري ونزعته وتساسروا
جنان: الجوري مابي البسها قدام الناس
الجوري: ههههههههههه تحملي شوي بعدين بتجلسي معه لحالكم
جنان بعصبيه: ياثقل دمك
حست الجوري ان جنان فيها شي بس سكتت..وراحت
فهد مسك يدها: حبيبتي ايش فيك
جنان بعصبيه وبقهر لكن بصوت هامس : مافيني شي ولو سمحت اسكت
فهد لانه عصبي وما يتحمل أي احد يكلمه بهالطريقه: تكلمي عدل معي
جنان سكتت ولا تكلمت وفي عيونها الدموع
فهد حس بزعلها انها بعد ماجت فاطمه انقلبت قال في نفسه ليكون سمعت فاطمه الله يستر بس لازم اراضيها
مسك يدها وحاولت تفكها بس فهد ضاغط على يدها كان يقول مانا فاكنها بعدين استسلمت له
وهم واقفين قبال بعض لبسها دبلتها ولما خلص باسها في يده والكللوووووووووووووووووش بينهم وهي حتى ابتسامه مابتسمت وبعدين لبسته الدبله ولاباست يده
شوق: يالله عااد بوسي يده مو بس اهو
طالعت فيها جنان بقهر
شوق: هههههههههههههههههههه
الجوري:أي والله
فهد: أي والله
الكل:ههههههههههههههههههههههه
وباست يده بسرعه وباعدتها بسررعه
وقال لها في اذنها: أحلى بووسه
جنان حست بفشيله وتقوول في نفسها لو انا ما سمعت كلامكم كان فرحت بس الحين احسك تقوول مو من قلب وطالعت فيه وابتسم لها ونزلت اعيونها احسك عيونك تقول من قلب بس ما ادري
وكملوا الشبكه
وجا وقت الكيك وكانت الكيكه كبيره 4 طوابق وقصوها بسيف
رفع يده بيعطيها وكانت كبيره ماكفت فمها فعض الكيكه من الجها الثانيه ولامس شفايفها وكلهم من حولهم يصفقوون
جنان استحت وتقول في نفسها ويلي ويلاه هذا قدام الناس ويسوي كذا الله يستر
فهد يحس بفخر بنفسه وخصوصا لما شافها مستحيه
مروه مرررره انقهرت وتطااالع فيه بقهر هذا لييش يسوي لها كذا انا لازم ما اخليها معه اكثر اصبري اسبووع ما بتجلسين معه
.
.
.
بعد ما خلصوا
ام فهد: هاااه تبوون تجلسون لحالكم او خلاااص تبي ترووح البيت..تقصد فهد
فهد: اففاااا يمه تبيني ارووح البيت والقمر قداامك..طالع في جنان اللي ابد ما بدت أي ملامح على وجهها
ام فهد: الله يسعدكم انشاء الله
فهد: انشاء الله
قالت لهم ام فهد: يالله قوموا بتقعدون في مجلس الحريم لأن المكان الوحيد الفااضي
فهد: عاادي حتى لو في المطبخ
ام فهد: هههههههههههه صيير رززين
فهد: افاا يمه بس شوفي لنا طريق يالغاليه
ام فهد: زين
ووقف واهي ما وقفت افتشل قدام الناس ومد يده واهي ما مدت يدها وخلاااص كل الناس يطالعون واهي كانت تطالع تحت وسرحااانه وبعدين قالت ام طلال: جنان ولد خالتك ماد يده
رفعت راسها وطالعته ومسكت يده وقالت : ما انتبهت كنت سرحاانه
الجوري: أكيد في أخوي
جنان طالعت فيها بنظراات قاتله
فهد في نفسه ماضنتي
ودخلوا المجلس وجلست في أول كنبه شافتها قدامها ..وحطت يدها على وجهها وجلست تبكي

أنتهى البارت الثاث..

البـــــــــــــــــــــــــــــــــــــــارت الرابـــــــــــــــــــــــع
ودخلوا المجلس وجلست في أول كنبه شافتها قدامها ..وحطت يدها على وجهها وجلست تبكي
قال فهد في نفسه انا اييش سويت
فهد راح جلس جنبها لان الكنبه شخصين يجلسوون عليها وحط يده على كتفها: حبيبي ايش فيك
جنان: لاتقول حبيبتي لأن انت ماتحس وباعدت يده وقامت من وراحت لكنبه ثانيه شخصيه..
فهد ماسك أعصابه: اوووكي انا ما احس اووكي انزيين.. ايش فيك تكلمي انا غلطت؟؟
جنان: انت لييش ماتزوجت مرووه
فهد درى انها سمعت حديثهم وفي نفسه منقهر من اخته لانه ضيعت هالليله منهم: لأن ابيك انتي ما ابي مروه ولو ابي مروه كان تقدمت لمروه مو انتي..
سكتت جنان لانها تقوول صحيح لو يبي مروه كان تقدم لها ما تقدم لي
جنان بهدوء: انزين وكلام فاطمه اختك ايش كانت تقصد فيه..؟
فهد: مادري عنها كل ماشافتني قالت هالكلمه انا اييش درااني عنها خرابيط فاطمه .. أتوقع لان مروه صديقتها..
(الطامه الكبرى ان كانت مروه تسمع ايش يتكلمون واستانست اهي سمعت لهوااش ورااحت ما سمعت البقيه لان سمعت احد جاااي وكانت الجوري)
الجوري: مرووه ايش تسوي؟؟
مروه: هاااااه لاكنت .. كنت ماره بس..
الجوري بشك: اهااااا
.
.
فهد قام لها وجلس عند رجلها وقال لها: والله اني ما ابي مروه لو ابيها كان اخذتها ..مسك يدها.. انا ابي جنوو حبيبتي مو هذيك اللي ماتتسمى..
جنان: متأكد
فهد ابتسم: اكييد لو ابيها قلت لك كاان اخذتها
ووقف فهد ووقفت جنان معه واول مرره فهد يوقف معاها من هالمكاان القرييب لها وهم برووحهم تقرب لها..
جنان ابتعدت: لالا
فهد: لالا..لييش..؟<<اهو يدري انها مستحيه
جنان بكذب لانها خجلانه مرره: فهد.. تدري انا تعباانه وابي ارووح اناام
فهد تقرب منها ومسكها من خصرها وقال: ادري انك تطرديني طرده غير مباشره لكن انا بطلع بكراامتي..حبيبتي لاتصدقين الكلام الا ينقال اووكي وانا والله اني ابيك ولا ابي احد غيرك ..وباسها على جبينها..يالله انا بطلع اووه نسيت حاجه.. طلع من جيبه علبه مغلفه وطالعت فيه وابتسمت.. ههههههه مابتسمتي الا لما شفتي ذي وانا قدامك مابتسمتي..
جنان: اوووه فهد هذي اول هديه.. كيف ما ابتسم؟؟
فهد: ههههههههههه خلاااص اجل بتتعبي من الهدايا
عطاها وياها وكانت برووش الماس فضي مرررره حلوو
جنان بفرح: الله مررررررررررره حلو.. تسلم حبيبي..
فهد ما أستوعب: عيدي عيدي..
جنان: تسلم..
فهد كشر: يعني مو من قلب؟؟
جنان: ايييش؟؟
فهد: حبيبي..
جنان سكتت شوي بعدين استوعبت انها قالت حبيبي ونزلت راسها
فهد: يااعمري والله جنووو..تدري انك هبلتي بي جننتيني من هالجمال ياقلبي..الله لايحرمني منك..
جنان: ههههههههه ولامنك
فهد: تسلملي الضحكه وراعيتها وركب البروش في فستانها وقال: شفته في المحل عجبني بس علييك احلى ..
جنان: تسلم..
وجلسوا على الكنبه شخصين وجلسوا يسولفون سوالف عاديه وبعدين قالت جنان: فهد..
فهد برومانسيه: عيونه..
جنان: فهههد..؟؟
فهد: عيونه..
جنان: تسلم عيونك .. ابتسم..من ايش هذا <<اشرت على رقبته كان في جرح من على جنب طوله تقريبا 5 سم
فهد: هذا لما كنت في امريكا اتهاوشت مع واحد معي وكان معه مشرط وجرحني به بعدين خيطووه لي كاان ذاك اليوم مشؤوم بالنسبه لي..
جنان: اسفه ذكرتك..
فهد: لاعاادي اصلا كل ما اشووف نفسي في المرايا اشووفه عادي تعودت..
جنان: والله اسفه..
فهد: لاتتاسفين اصلا في احد يقبل اسف من روحه انتي روحي وتقرب ..منها ونسا انه قال لها انه بيطلع..
ونطق الباب
فهد: اوهوووووووووووووو منهم
جنان: ههههههههههههه
فهد: اضحكي اضحكي
جنان قامت وفتحت الباب..
الجوري: مساء الخير
جنان ابتسمت:مساء النوور..وضمتها وبهمس:والله اسفه على اللي صاار من شوي..
الجوري: افاا علييك عاادي..من وينه لك هذا تأشر على البرووش..من اشوي ما كان عليك..
جنان: والله هذا من عند اخووك.. وطالعت فيه..
فهد حس انهم يتكلموون عنه:هييييه بعدي عن مرتي..
الجوري: والله صديقتي قبل لاتصير مرتك وانا ماقدر استغني عنها.. ودارت الى جنان ترى الجلسه من دونك ماتسوى تعالي اجلسي معي ..<<<<<<<تبي تقهر فهد
فهد: خليها لا كفين..
جنان: يمممه اخووك يخوف..
الجوري: أي والله يخووف الله يعينك عليه
فهد: الحين أنا اخووف؟؟
جنان سكتت..
الجوري:ايي مررره وخلي مرت اخوي تجلس معنا وانت خلاااص روح وبكره تعااال
فهد: لااااااا .. اقوول طلعي برررره..بررره.....وقاام لها
الجوري طلعت تركض:ههههههههههههههه وبعدين رجعت وقالت:ايش كنتوا تسولفون اوول ما دخلتوا هنا؟؟
طالعت جنان فيها
فهد: انتي ايش دخلك؟؟
الجوري: لابس من شوي كنت مااره من جنب المجلس شفت مروه بنت عمي واقفه ولما سالتها قالت انها كانت ماااره..
فهد طالع في جنان اللي تغيرت الوانها
فهد: سووالف عااديه..
الجوري: اهااا اووكي اخليكم انا برجع بيتنا مع ابووي وسلمت على جنان وقالت لها: انتظر اتصالك..
فهد: قصدك اتصالي
الجوري: اوووووف منك في كل شي تتدخل بلول كانت كلها لي والحين ترراك زهقتني بعيشتي..
فهد: الاول تحوول ويالله رووحي ابوي ينتظر .. مع السلامه..
ودفها وطلعها واهي تضحك وجنان تضحك وسكر الباب..
فهد: اوووف مابغينا..
جنان: حراام عليك ليش كذا؟؟
فهد: هااذي ماتنعطى وجه
جنان: المهم تتوقع مروه سمعتنا
فهد: مادري حتى لو سمعتنا احنا شيهمنا
جنان: على قولتك
فهد اشر على الكنبه اللي جنبه يعني تعاالي اجلسي هنا ورااحت جلست ومسكها من كتفها وقال برومانسيه: تدرين أنك جميله؟؟
جنان هزت راسها بمعنى لا وابتسمت
باسها على خذها
تقرب فهد لها بحيث انه مايفصل بينهم شعرا وانطق الباب<<خخخخخخخخخخخخخ
فهد: اووووووووووووووف مابنخلص منهم اليوم
جنان بخجل:هههههههههههههههههههههههههههههههههههههههه
فهد بعد ما ابتعد: تفضل
طلال: هلاا بالنسيب..
فهد: هلا فييك..
طلال: بتنام معنى الليله تراها السااعه 1 متى بترووح ترى اختي تستحي تقوول لك اطلع..
فهد مخترع: قوول والله السااعه 1 ؟؟
طلال: هههههههههههههههه نااايم بالعسل..
فهد: مسررع..
طلال: نحن في عصر السرعه
فهد: الحين انت بتلقي علي حكم
جنان: خله يافهد..
طلال: طاااح سوقك يا فهد هههههههههههههههههه
فهد: افاا يامرتي طيحتي سووقي؟؟
جنان : لاااا انت لك وقت محدد واهو له وقت محدد
فهد: افااا يامرتي وانا اقوول جنوو حبيبتي اهي بتدافع عني
طلال: هي انت لا تقول حبيبتي قدامي هذي لما اكون موجود ما اقولها الا انا..
فهد حط يده على كتفها: حبيبتي وحبيبتي بعد..
جنان افتشلت وباعدت يده عنها..
فهد وطلال:ههههههههههههههههههههههه.
جنان قامت: تضحكووون الغلط مني انا اللي جالسه معكم يالله تصبحوون على خير..
فهد مسكها من يدها : جلسي شوي وانت اطلع برره وانا لاحقك
حس طلال على نفسه وقال: لك 5 دقاايق اذا ما طلعت بشيلك من كشتك وبطلعك..
فهد: اوووكي اووكي بس أطلع..
وطلع طلال..
فهد: انتي كيف بترووحين اولا زعلانه وثانيا بتطلعين قبل لاتودعيني
جنان سكتت..
فهد :على الحااجه الأولى انا اسف والحااجه الثانيه اذا ما تبين تودعيني انا بودعك ووقف لها وباسها على الخدين وعلى جبينها وقال :مع السلامه يااقمري..

جنان واهي مستحيه من جرأته الزايده: مع السلامه.. اهو ابتسم لها ووصلته للباب.. وطلع.. وتوها بتصك الباب رجع:ههههههههههه ادري مليتي مني..
جنان ابتسمت :شدعوه..
فهد: ماعطيتيني رقمك انا كنت بخذه من الجوري بس الحين اهي ناايمه..
جنان: ماني بحافظته بس لحظه بجيب موبايلي وباعطيك اييااه..
فهد: اوووكي..
وراحت ركيض غرفتها من الدرج اللي مو بالصاله لان يمكن في احد بالصاله وركبت فوق وجابت موبايلها ونزلت..
جنان واهي جاايه مسررعه: تأخرت عليك..؟
فهد كان متضاايق: لاعااادي..
جنان: فههد ايش فيك؟؟
فهد: مافيني شي..
جنان: فهد قوولي..
فهد بضيق: لابس ابووي..
جنان مخترعه :ايش فيه عمي..؟
فهد: لما كنت جاالس معك اهو ارتفع ضغطه وطااح بالمجلس هنا بعد مارجع من بيتنا لانه يبي ياخذ ورقة العقد ونقلووه واهو الحين بالمستشفى ولا قالوا لي عشان مايزعجووني..
جنان بكت على عمها: وحالته خطيره؟؟
جا فهد لها وضمها ومسح دموعها: اييه في العناايه المركزه..بس حبيبتي بس خلاااص بخذ رقمك وبعدين بكلمك بطمنك اوكيييي..
جنان ابتعدت عنه: فهد ابي ارووح معك..
فهد: وين بترووحين معي اولا انتي بفستانك وبمكياجك شلون؟؟ وانا ابي ارووح له..
جنان: بس تطمني..
فهد: أي اكيييد سجلي رقمي xxxxxxxxxx دقي علي اووكي انا برووح المستشفى لما برجع بكلمك..
جنان: اوووكي بااي..
فهد:باااي..وطلع..
وراحت جنان الصاله وكان اثار الدموع فيها وكانت بس امها موجوده
ام طلال: ايش فيك تبكين؟؟
جنان: ليش ما قلتوا لي عن عمي؟؟
ام طلال: حبيبتي ماحبينا نزعجكم..
جنان: يمممممه هذا عممي..
ام طلال: المهم فهد طلع؟؟
جنان: ايييه راح الى عمي..
ام طلال: الله يقوومه بالسلامه..
جنان: امين..يمه انا بركب ابدل وباخذ لي شااور اووكي
ام طلال: انشاء الله..
وركبت جنان واخذت لها شااور وطلعت وكاان يرن جوالها
جنان: هلا فهد..
فهد: هلا .. كيفك؟؟
جنان: تمااام..وانت؟؟
فهد: تماام..
جنان: كيف عمي؟؟
فهد: نزل ضغطه بس مو كثيير بس صاار احسن<<يكذب
جنان:زييين الله يقومه بالسلامه..
فهد: امييين
جنان: فهد
فهد: عيوونه..
جنان: اذا تعباان رووح البيت خذ لك شااور واستريح شووي وارجع له
فهد: شكلي كذا لاني داايخ كثيير
جنان: انت تعباان
فهد: لاعااادي..انتي رووحي ناامي عشان بكره اجيبك تزورين ابووي
جنان: اووكي .. تصبح على خير
فهد: وانتي من اهله قلببي
وسكرت وراحوا تنام وفهد رجع البيت واخذ شاور ونام شوي وقاام وامه وخواته كلهم بالبيت قالبين محزنه وفهد يهديهم ورااح له وقال لهم بيطمنهم
راح فهد الى أبوه عزوته في هالدنيا ودخل إليه غرفة العنايه ودخل ولما دخل ماتحمل منظرابوه اللي كان مغمض عينه والأجهزه من حوله
جلس يبكي.. بكى بكى كثير عند أبوه:يبه الله يخليك لا تخلينا.. أرجووك ..يبه لاتخليني بروحي.. أمي وخواتي ينتضرونك يبه أنا قلت لهم أني برجع لهم بالأخبار السنعه قووووم يبه تكفى ..
حس بيد على كتفه طالع وراه إلا طلال
طلال: لاتبكي يا خوي .. انشاء الله عمي بيرجع لنا سالم
قام فهد وضم طلال: طلال هذا أبوي أبوي مانا قادر أشوفه كذا
طلال:وأبوي بعد هذا قضاء الله وقدره ولا نقدر نغير شي
فهد هده شوي:ونعم بالله
طلال:رحت الى الدكتور
فهد:لامارحت على طول جيت هنا
طلال:خلينا نروح
وراحوا إلى الدكتور وسألوا عن حالته
الدكتور:أنا صراحه عملت الا علي والباقي على رب العالمين أنتوا لما جبتوه كان مرتفع 225 والطبيعي 120 وتبغونه مايتضرر بس ان أراد الله شفاه أدعو له
فهد:آمييين
ورجعوا الى ابوفهد وجلسوا عنده للظهر وجا ابوفيصل
أبوفيصل:السلام عليكم
:وعليكم السلام
ابو فيصل:كيفه
طلال:الحمد لله ..احنا من الظهر جالسين هنا يمكن يجلس!!
أبوفيصل:يالله روحوا وأنا بجلس معه
فهد:بس ياعم...
ابوفيصل:بلا بس بلا خرابيط قدامي على البيت
فهد قام لان البارح مانام الا ساعتين: انشاء الله..
فهد وطلال:مع السلامه
ابوفيصل:مع السلامه والله يحفظكم
----------

في أستراليا
فيصل وهو مستانس:بكره طيارتي .. وبسويها مفاجأه لهلي..
حسين:لااا.. تدري أنك نفس طيارتي
فيصل: أدري أحنا حاجزين سوا
حسين بنفاذ صبر: يعني نفس طيارتي
فيصل:تستخف دمك ياحبيبي ترى دمك ثقيل
حسين:كم وزنه
رماه طلال بالمخده اللي جنبه


----------
في بيت ام بدر
مروه:وتهاوشوا والسبب آنا
هدى:منتي بهينا
مروه:أفااا عليك
رن جوال هدى
هدى:هلا حبيبي..ياعمري والله..وحشتني..وين..أووكي ..بكره..أووكي..بااي
مروه اللي حست بمشاعر غيير : أنتي مابتتأدبين
هزت راسها بمعنى لا
مروه:الله يهداك
هدى:أنتي جربي ولا بيضرك شي
مروه:مستحيييل..أخون أهلي
هدى : كيفك
----------
في بيت ابو طلال
كانت جنان تكلم الجوري
الجوري:هذا أبووي ياجنان أبووووي
جنان:وأبوي بعد بس أنشاء الله الله يقومه بالسلامه
الجوري:آميين
جنان بتردد: فهد ويين
الجوري: الحين جا وشكله مضايق ودخل غرفته
جنان خافت على فهد وقالت بتكلمه:اهاا..اووكي حبيبتي أنا بروح أكلم فهد بشوفه شلونه..
الجوري:اووكي..باااي
جنان:بااي
---------
دقت جنان على فهد بعد تردد تكلمه والا لا بعدين دقت
فهد وصوته هلكان : هلا حبيبتي
جنان وأهي مستحيه:هلا فيك..شلونك؟؟
فهد: تمام.. تدري أني توني بتصل فيك
جنان: هههههههه..! شلوون عمي
فهد بضيق: تماام ..ماتتخيلين قد أيش خايف عليه
جنان: لا أنشاء الله بيقوم بالسلامه
فهد:أنشاء الله
جنان: نمت البارح
فهد: نمت ساعتين ورجعت المستشفى وراسي بيفجر علي
جنان: اجل يالله بخليك أتنام شكلك تعبان وقبل لاتنام أشرب لك حبتين بنادول..
فهد بحنان: تخافين علي..
سكتت جنان
فهد بضيق: لهدرجه ما تخافين علي
جنان:والله ثم والله إني خايفه عليك..بس الحين أنت أرتاح ولما تجلس من النوم كلمني
فهد باس الجوال: اووكي تصبحين على خير قلبي
جنان استحت: وأنت من هله..
---------------------------
في بيت ابوفيصل
دخل فيصل في الصبااح..وكان البيت خااالي ياااااااه من زماان عن بيتنا وحشنيي كثييييييير .. مافي أحد ..وقال خلني أروح غرفتي أنام ولم اجلس من النوم اسلم عليهم واتجه لغرفته فتح الباب نفسها ماتغيير فيها شي بس مرتبين اغرااضي بس مثل ماتركتها هذا اهي وقال خلني اتروش وروح انام وتروش ورااح نااااااااااااااااام
.
.
.
في الظهر
ام فيصل كانت جالسه مع ابو فيصل ومروه وفواز يتغدون على الطاوله ..دخل فيصل
فيصل: افااااا تتغدون من دووني ما هقيتها
الكل التفت ويطالعون باستغرااب بعدين انتبهوا أن فيصل وااقف قدامهم قاامت مرووه رككككض الى اخوها وضمته: كيفففك مررررره وحشتني
فيصل: تمااام وانتي اكثر وانتي كيفك؟؟
مروه: كويسه
فيصل : بعددي خليني اسلم على امي وابووي..بعدت مروه
امه اللي كانت واقفه تنتظره واهي للحين مهي بمستووعبه توجه لها وضمها وجلست تبكي واهو ضامها وبااس راسها: شلوونك يممه مرره وحشتيني
ام فيصل بعدت عنه: يابعد قلبي يافيصل متى رجعت
فيصل: الباارح بالليل رجعت
ام فيصل: الحمد لله على سلامتك
توجه فيصل لأبوه وبااس رااسه
ابوفيصل: الحمد لله على السلامه
فيصل: الله يسلمك يا يبه .. تسلم
فواز: وأنا مالي سلام
فيصل: ألا لك ولك بعد شلوونك ابو الفوز..واتجه له
فواز: ههههههههههههههه .. تمام..انت كيفك
فيصل: والله الحمد لله
وأجتمعوا العائله كلهم من جديد
--------------------------------

نروح للبحرين
كان بدر جالس عن يمينه حرمه وعن شماااله حرمه وكان سكراان حييل... ولا يدري ان الدنيا دوااره ...اللعب بعراض الناس مهو بسهل هذا شرف لكن الجهلا اللي مثل بدر مايفهمون هذا الشي اهم شي متعتهم..
---------------------------
في بيت ابو طلال.. كانوا يتغدون
ابو طلال: كيف فهد معك ياجنان
جنان تذكرت معاملت فهد معها وقالت واهي مبتسمه: تمااام الحمد لله..
طلال يبي يفشل جنان: شووف يبه الأبتساامه من هنا لهنا كيف مو تمااام..وغمز لها
جنان طالعت في بنضرات قااتله ومنقهره منه ومن حركااته
ام طلال:هههههههههههه الله يوفقها انشاء الله
الكل: امييين
طلال: ووفقني انشاء الله
ماحد فهم عليه بس جنان وقالت لازم اقهره
الكل: اميين..قام ابوطلال..
ام طلال: شبعت
ابو طلال: اييه الحمد لله.. انا بروح الى ابو فهد المستشفى..
جنان تذكرت بس استحت تقول لابوها بعدين قالت: يبه فهد يبي يمر علي عشاان بنرووح لعمي .. ممكن
ابو طلال: طبعا يبه روحي وين ماتبين
طلال: تصرح لك
جنان سوت حركه له بمعنى حرره
راح ابو طلال..
جنان تكلم امها بس نضراتها على طلال: يمممه مادريتي
ام طلال: عن شنو؟؟
جنان: الجوري..دار طلال لها<<تقول في نفسها هذا المطلووب
ام طلال: اييش فيها؟؟
جنان: تقدم لها واااحد يقولوا من عاايله كبيره وغني مرره
طلال انقلبت ملامحه
ام طلال بفرررحه: صجججج والله .. الله يوفقها معه
جنان رفعت حواجبها وطالعت في طلال ببتساامة مكر
طلال مافهم عليها وهو يقول في نفسه رااحت الجوري كل مني كل مني
ااجل وأاجل وبعدين راحت مني وقاام من الطاوله منقهر..
جنان حست انه زعل بعدين قالت قبل لايروووح:يمه لكن اهي ماوافقت عليه
رجع طلال يسمعها وجلس مره ثاانيه
ام طلال: ليييش.......؟
جنان: صلت استخااره وما ارتااحت وبعدين ماوافقت وانشاء الله ..وطالع في طلال..بيجيها وااحد أحسن منه..وهني جناان ماقدرت من مسك ضحكتها عل اخوهاااا اللي شق الحلق..ههههههههههههههههههه
ام طلال: هوووو شفيك تضحكيين قلت شي يضحك
جنان: يممه أمزح معك ههههههه
طلال فهم أخيررا ان السالفه كذب ويأشر لها اصبر اصبري
جنان: ههههههههههههههههههههههههههههه
ام طلال: شفيك انتي بس تضحكيين
جنان: هههههههههه يمه تذكرت شي يضحك ههههههههههه
طلال في نفسه انا شي يضحك هيييين
وقاامت ام طلال عن السفره وبغت جنان تقووم بس اشر لها طلال تجلس
جنان: نعععععم
طلال: تلعبين بعصاابي انتي وعقلك الصغير
جنان: بكيفي
طلال: تررى بتشووفن اييش بسووي لك شي مااحلمتي فييه ابد
جنان: تخوفني يععني
طلال: بتشووفين
---------------------------
بيت شووق ووليد
شوق كانت منسدحه على السرير تعباااانه حييييل..وكاان وليد جنبها ناايم
شوق في نفسها اجلسه من النوم والا لا تعباانه ماني بقاادره ورااسي يدوور علي حست بلووعه وقامت بسررعه الى الحمام
وليد من النووع لو ينفتح الباب على طوول يوتعي راسه خفييف كثيير حس فيها واهي قاايمه ابسرررررعه قال شفيها وقاام وراها وشافها في الحمام ودخل لها وشاافها ترجع مسكها من خصرها واهي كاانت تغسل ولما خلصت تسندت على كتفه
وليد بخووف على شوق: أييش فيك حبيبتي
شوق ينزلوون دموعها : ما دري مادري فجأه حسيت بدواار ودخت ومادري..!
وليد: شوق لبسي عبااتك .. بس ببدل واغسل ونروح المستشفى
شوق هزت راسها بمعنى ايه
شوق لبست عباتها ووليد غسل وبد وساندها للسياره لانها كااانت تعباانه كثيييير
.
.
في السياره
وليد ماسك يد شوق واليد الثانيه يسووق بها: لييش ماجلستيني من النوم لما حسيتي نفسك تعباانه
شوق دموعها ما يوقفوون: ماحبيت ازعجك لأنك تووك جااي من الدوام
وليد: لما تكووني تعبانه لا تسكتيين على طوول قولي لي
شوق: انشاء الله
وصلوا المستشفى
ونزلوا وانتضروا دورهم
النيرس: شووق عبد الرحمن..شوق عبد الرحمن
قامت شوق ومعاها وليد
دخلوا على الدكتووره وشرحوا لها الحااله
الدكتوره: كم صاار لكم متزوجين
شوق: تقريبا شهر
الدكتوره: انا بخذ لك تحاليل وبعدين بنعرف النتيجه
شوق: اووكي
واخذوا تحاليل لها وقالوا لها التحاليل تطلع بعد سااعه فقال وليد نطلع من المستشفى ونرجع بعد سااعه ناخذ التحليل
وافقت شوق لانها تكرره الانتظار في المستشفى
في الفترى اللي راحت شوق تسوي تحاليل رجع وليد للدكتوره وقال لها انا شااك انا مررتي حاامل اذا حامل لاتقولون لها انا بقولها ووافقت الدكتوره
وراحوا يتمشوون بالسياره وخلصت السااعه ورجعون للمستشفى ودخلوا على الدكتووره
الدكتوره مبتسمه: مرحبا وهزت راسها لوليد بمعنى ايه حاامل وليد بغى يطيير من الفرحه بس سوى نفسسه عااادي
شوق: اييش نتايج التحليل
الدكتوره: والله ماطلعت لنا حاجه يعني معينه..بس عندك نقص في الهيموجلوبين ورااح نعطيك حبوب حديد وتقويه
شوق: اهاااا
وليد موقاادر يصبر يبي يقوول لها
الدكتوره كتبت لها الورقه وطلعوا ووليد يقوول لها شويشوي امشيين وشويشوي لاتتعبين...ومن هالقبيل
طلعوا ووليد عزمها على كووفي كانوا بينزلوا توها بتفتح البااب مسك يدها وقال لها: اختااري اسم لبنتي
رفعت شوق حواجبها باستغراب: بنتك
حط يده على بطنها: موجوده هنا
استوعبت شووق اخيرا: انـــــــــــــــــا حاامل
هز راسه بمعنى الايجاب
شوق بفررحه : واللــــــــــــــــــــــــــــه
وليد: هههههههههههههههههههههههههه والله
شوق: عشاان كذا تقول لي شويشوي ومش عاارفه اييش
وليد:هههههههههههه اييه يالله نزلي وشويشوي
شوق: انشاء الله
------------------------------
أنتهى البارت الرابع..