نعم دفعت حياتها ثمن لاصرارها على رأيها

هذه قصة حصلت قبل4 سنوات

كانت اختي الغالية تعيش في اسره شبة هادئة وكل وسائل الراحه متوفرة مع بعض التحفظات بوجود ام مشاكسة لاتحب الا الاوامر والسيطرة على عيالها من جميع الجوانب .
تعرفت الفتاه على شاب وطلبت منة الحضور لخطبتها من الاهل رغم ان مستواه التعليمي متوسط وهي في مرحلة البكالوريوس طبعا اقتنع الشاب بصعوبة بالحضور وهو على علم ان الوالد سوف يرفض طلبه , تعلق هو بالبنت لانة علم ان الوظيفة جاهزة عند الباب والاهل ممكن يدبوا لبنتهم كل شئ .

تم السؤال على الولد كما هي العادة في بلادنا وعن الاهل رغم ذلك في بعض النواحي لم تعجب الوالد فرفض الزيجة الا انها اصرت وطلبت من الوالد بالموافقة والوالد من حبه لها لم يرفض لها الطلب لكن طلب الملكة بعد ما يشتغل او ويدبر حاله طبعا الاخ راسم اشياء مستقبلية له هوا فقط , جاء موعد تحديد الزواج الاخ طلب الشراكة وقال انا ابغى اشوف الصالة قلنا طيب ده دافع ممكن يختار معانا , قبل الفرح بيومين سحب نفسة وادبسنا في الصاله لوحدنا وقلنا معليش عشان بنتنا وجات الزفة وانزف العريس للعروسه وجالسين ننتظر وايش راح يلبسها طلع اسور والله لو ابيعها في سوق الحراج ما تطلع شي قلنا راح يمشيها يسفرها وقال راح اوديها شرم الشيخ شهر عسل قلنا معليش يوفر ثمن التذاكر .

تمر الايام والبنت ما سافرت ولا راحت ولا جات بعد شهرين من الزواج تتصل فينا وتقول تعالوا خذوني ان محبوسة في البيت السيد خر وفصل الكهرباء والتلفون والمويه عني عشان ما سمعت كلامة في موضوع وحبسها من الصبح الى الليل

واختي الغالية صابرة وجالسة طبعا جاءعلى البيت ودخل عند اهلة وساب البنت في البيت , صارت تدق الباب عشان احد ينتبه انها بالبيت وما اكتشفوا الا الساعة 12 في الليل وافتكر الاخ انها بالبيت , طلبت تجى عند الوالد وجات وقالت ان ما ابغى ارجع عندك طبعا باصرار من الام نحن ما عندنا بنات يطلقوا رجعتها وبدات المعاناه الحقيقة

الخروج من المنزل ممنوع فقط للكلية واذا كنت تبغي تروحي عند اهلك لازم لازم انام معاكي بحيث يكون نظام النوم كالتالي :
عند الاخت 4مرات في اليوم
الاخ الاكبر والوسط 3 مرات في اليوم
الام والاب 2 مرة في اليوم
توقيت الخروج من المغرب الى 10,5في الليل ولو كانوا يتعشوا ما تاكلي معاهم لازم تجيبي اكل لبقية الاسبوع في العلب انا ما راح اجيب مقاضي للبيت واعملى حساب اهلي كمان

تحملت وصبرت وهي ساكتة وتقول في نفسها هذا بسبب اصراري على رائي الوالد ما كان راضي وانا كسرت كلامة يعني لازم اتحمل

حملت وانجبت بنت ذي الورد بياض ونقاء وجمال عكس ابوها تماما حتى والله انو مو مصدق ان البنت جات بيضة ذي القشدة , وحبا في اختنا الاخ الاكبر جاب السيارة واعطاها المفاتيح والثاني جاب الى قدر علية وانا حاولت وافرلها كل مستلزمات البيبي الى سنة قدام والاخ ما جاب غير كوفلة وكيس بانبرز وقطعتين للبيبي وبوكية ورد ب 30 ريال فقط

اخذ المفاتيح وباع السيارة من غير علمها , واخذ الفلوس الذهب الى جاه للبنت والام اتصادر وراح منه لاخواتة المطلقات والعياذ بالله والباقي للخصوصيات ؟؟؟؟؟؟؟؟؟

المهم سكتت وما اتكلمت وما نطقت بكلمة لنا احنا اهلها , بعد 3 شهور حست بالم في صدرها وطلبت تروح الطبيب الاستاذ رفض , عشان ماكان يبغى يخسر شئ عشانها ؟!!!!!ا الاحوال سأت ووصت الامور لمد اليد والضرب والاهانة

والله هذا الشحات ابن الشحات لو اني انا راجل لكنت عملت فية الى ما راح احد يعملة في الدنيا لكن ما اقول الا حسبي الله ونعم الوكيل فية
المهم زاد الالم والوجع وزاد الضغط عليها منه , سحبتها عندي وحاولت اعمل المستحيل انا واخواني لاسعادها بعد ما عرفنا القصة وما فيها وكان الوالد في تلك الفترة بره البلد هوا الوالده , طبعا لما عرف زعل ورجع واتالم لما حصل
وطلبت طلاقها منه المهم خالعناه الحيوان طلب المهر - الشبكة - والذهب تبع الزواج - ووووو - اعطيناه الى يبغاه ني البنت ترجع صحتها ذي اول

تدهورت صحة اختي الغالية اختي الوحيده قرة عيني , ومرضت مرضا شديدا اقعدها واكتشفنا المرض وهو السرطان سلامة السامعين .اخذنا طلاقها

كنت احلم واقول انا لما اكبر انت الى راح تنتبهي على البنات وتربهم ,والله اعلم ممكن اموت كانت نقول لالالا انت الى راح تربيهم وتزوجيهم وتعتني فيهم والله يعطيكي طوله العمر .

شد المرض واصبح الموت قريب جدا ولا امل في العلاج او الشفاء طلبت الكشف عليها عند احد اشيوخ قال كلام والله يشيب الراس .....!!!!!!! عموما بنتكم فيها عمل مررررررررررره ماهو زين نجس وسخ من اقرب الناس لها ومدفون مع الموتي !! قلنا ليش يا شيخ قال عشان راح تصير تحت امر وكل الفلوس تصير ملكة وهي كمان تمشي تحت امرة وما ترفض اي طلب يطلبة مهما كان واذا ما رجعت بيتها راح يذوب في عظمها .
والله قلنا ان هذا مو شيخ هذا دجال !!!

وتمر يومين الاستاذ يتصل ويقول اذا كنتم تبغوا بنتكم تتعافى لازم تدخل بيتي وتدعس باب شقتي وراح تقوم بالسلامة
ومتعافية ثاني يوم هذا كلامة
قلنا الكلام ده لها فصدمنا بما ردت (( انا ما اروح عند الانسان هذا ده بيدخل سحرة ومشعوذين البيت ولو انا قلت طيب ماراح يرحم احد فيكم ))ومن الكلام الى قالتة (( انا لما اصلي كان يصرخ فيها ويقولها هوا ده الى فالحة فية كل ما كلمتك فرشتي السجادة وصليتي بتدعي عليا ))ونهاية كلامها مهو كفاية انو يدخل اصحابة الحشاشين البيت انا وبنتي ويتركهم يناموا عندنا

صبرت ونالت ولكن ودعت الدنيا بما فيها بنتها

انتقلت الى رحمة الله بعد معاناه وتركت البنت الحلوه الصغيرة عندي واعتني فيها وهوا يجي ياخذها بين الحين والاخر
ولا يصرف عليها ولا يعطيها اكل مثل الناس والعالم سايب الدنيا سبهلله . واصبحت انا الى اربي البنات واصبحت وحيده اتمنى من الله امنية ان تعود الى واكلمها واحضنها والمس وجهها وامزح واخرج واضحك معاها

والله من يوم ما توفت وان ما عرفت الابتسامة الحقيقة اخذت كل شي حلو معاها ولا اجد السلوى الا في هذا المنتدى

وانا ترى في هذه القصة ما ذكرت كل شئ, في اشياء مؤلمة ما تنقال ولو قلتها لراح الرجال كلهم يدور عليه ويسوا فية مصيبة , اخواني عشان حلفتهم فبل ما تموت بانهم ما يوسوخوا يدهم بدمه تركوه .....ولا كان الاخ الثالث الى يكبرها مباشره يبغى يمسح فيه الشارع كلة ويسبب له عاهة مستديمة بس الوالد دخل رضاه عشان محد يوسخ يده بدمة

نعم دفعت حياتها ثمن لاختيارها الخطا *** ندم امي على الاصرار في الرائ وايقنت انو كلام الناس ما يرجع الى راح

اين حبيبتي ؟؟؟؟؟؟؟؟؟ اين قره عيني ؟؟؟؟؟؟؟؟؟؟؟ اين من سكنت فؤادي ؟؟؟؟؟؟؟؟؟؟ نعم رحلت بعد عناء ثلاثة سنوات مع انسان لا يعرف الرحمة

حسبي لله ونعم الوكيل

اسفة اني طولت عليكم

لا حول ولا قوة الا بالله

__________________
ان غبت عني حن قلبي و تشرة و ان جيتني قلبي حفظ كل تقدير

مشكوره00

اختي 000على القصه 0000

والله يسترنا 000دنيا00واخره

__________________
رحلة الألف ميل تبدأبخطوة
متى وجدت الإرادة والصبر زالت الصعاب
احسن وسيلة للتغلب على الصعاب اختراقها
لانعرف قيمة مالدنيا حتى نخسرة
ليس الفخر أن لانسقط بل أن ننهض كلما سقطنا

الله لايسامحه لادنيا ولا آخرة والله يصبركم في مصابكم
وانا اخوكي
ايش اقول بس والله انه الدمعة احبسها
وش ذا الانسان
الله لايرحمه ولا يوفقه
بلغي عنه
وانتي ماطولتي علينا
احنا اللي آسفين اللي مانملك الا الدعاء ليس الا
واذا تطلبي اي شئ اللي اقدر عليه ابشري به