ملف متكامل لعمل مكياج طبيعى رائع لبشرتك - عيون العرب

بشرة جميلة · #1 04-04-2012, 07:42 PM

* في البدايه اهم شي تهيئين بشرتج وتنظفينها ،، من خلال عنايتج اليوميه

يعني الصابونه او الغسول التونك المنظف وبعدين الكريم المرطب ،، ولا تنسين تختارين المنتجات اللي تناسب طبيعه بشرتج سواء في التنظيف او المكياج ،، هالشي جدا ضروري عشان تحافظين على صحة بشرتج ..

منقول لالافادة من موقع
http://www.the-beauty-tips.com/beauty-care-tips/the-natural-makeup.html

* حطيتي الكريم المرطب لازم تنتظرين ع الاقل 5 دقايق قبل ما تبدين بالميكاج ،، وفيه بنات اللي بشرتهم جافه يدمجون المرطب مع الفاونديشن عشان ما يتقشر وبكل الاحوال كل الطرق تعتمد على نوع البشرة

* في البدايه اذا كنتي تستعملين برايمر مثلي حطيه وانتظري دقيقه ،، انا استخدم آنتي شاين برايمر من سيفورا ،، حلو للي بشرتهم دهنيه مثلي

* بعدين نحط الفاونديشن بأي طريقه انتي حابتها سواء بالاسفنجه او الفرشه او بيدج ،، بس ضروري يتزوع بشكل متساوي ومتجانس ،،

منقول لالافادة من موقع
http://www.the-beauty-tips.com/beauty-care-tips/the-natural-makeup.html

ولازم تختارين نوع خفيف يغطي العيوب ويناسب نوع ولون بشرتج ويدوم لمده طويله ،،

* وما شاء الله فيه بنات ويههم صافي وما يحتاجون فاونديشن يكتفون بالبيس ،، وفيه حاله البيس اختاري اللون اللي يناسب لون ويهج ،،

البيس الاخضر : يغطي الاحمرار .
البيس البنفسجي : يغطي الاصفرار والشحوب .
البيس الابيض : يفتح لون البشره .
البيس الزهري : يغطي البهتان خاصه للبشره المائله للبياض .
البيس البرتقالي : يعطي رونق للبشره السمراء.
البيس الاصفر : يستخدم في الاضاءه القويه ويمتص الضوء.
البيس الازرق: يستخدم للبشره الشديدة البياض الباهته .

* نيي للكونسيلر او خافي العيوب ،، التطبيق المتعارف عليه هو على الهالات السوداء تحت العين ،، لكن ممكن تستخدمينه على الحبوب اذا عندج والاماكن الداكنه او على الشفايف لانه ينفع لـ بيس للروج

* نيي للبودره نفس الفاونديشن النوع المناسب لبشرتج وايد ضروري ،، انا احب بعد ما احط البودره بالاسفنجه اوزعها بالفرشه عشان ما تتكتل على مكان معين في الويه وتتجانس على كل البشره ،، ولا تنسون الرقبة عشان ما يكون فيه اختلاف في اللونين

* رتبي حواجبج ومشطيها

* مكياج العين مثل ما انتي حابه ،، فيه بنات يكتفون بالماسكرا والكحل ،، وفيه بنات يحبون يحطون شدو بسيط ،، ممكن نحط بيبي بنك مع هاي لايت تحت الحاجب ،، او براون وبيج او حتى رمادي فاتح
منقول لالافادة من موقع
http://www.the-beauty-tips.com/beauty-care-tips/the-natural-makeup.html

* بعدين كحل اذا حابه وفيه بنات يستغنون عنه ويكتفون بالماسكرا

* للشفايف قلوس شفاف او وردي او حتى روج وردي وفيه بنات يحبون اللون البيج او اللحمي بعد حلو ويعطي لوك طبيعي

منقول لالافادة من موقع
http://www.the-beauty-tips.com/beauty-care-tips/the-natural-makeup.html

* وفيه اضافات ثانيه ما كتبتها مثل الاضاءة في اعلى الوجنتين ورسم الانف وطبعا هذه كلها خيارات كل وحده تقدر تطبقها او تستغنى عنها

ما خلصت اتريوووني

اتمنى ان ينال الموضوع رضاكم و أعجابكم و منتظر منكم الاقتراحات

**سافانا** · #2 04-12-2012, 12:32 AM

شكرا علي الموضوع الرائع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيفية الحصول على مكياج طبيعي	nohad	أرشيف المواضيع الغير مكتمله او المكرره او المنقوله و المخالفه	0	11-15-2007 09:20 PM
الليمون لبشرتك ولشعرك ولجسمك رائع	sumaiah2006	حواء ~	9	08-19-2007 04:43 AM