سطح والمنطعج(الأخيرة) - عيون العرب

**المعلم سطح** · #1 06-09-2007, 10:00 PM

وين وصلنا أمس.....:77:
إيه...تذكرت

واحاااول اتفاااهم معاااهم بس هالعقااارب لغتهم غير لغتنا ..
وشوي الا اشوف المنطعج مجلسينه على عرشهم وجنبه واااحد وانواااع الاكل والدلع عنده .. !! ياولد وش السالفه .. واصيح عليه ابيه يساااعدني ..لكن ولا عبرني هالدب القطبي .. ولا مناداااة لمن حياااتي .. (( يقصد لاحيااة لمن تناادي.. بس الخوف لخبط تفكيره ..!! ))..

المهم .. يوم غثيتهم بصياااحي .. جاني واااحد منهم دب وديوده منسدحه على بطنه
اول ما شفته احسبه الباااص حق القبيله .. والله ياهو شين وقبيح .. متنفخ من كل مكان .. شكل امه متوحمه على خميررره .... واذا شفت وجهه تعرف ان الدنيااا مااافيها خير .. !!
وطلع هذا هو المترجم حق القبيله .. قال لي .. ماذا تريد ؟؟
قلت .. والله مااا اريد الا ان تخلووونني في حااالي ..
قال لي .. ولكنك طعامنا اليوم ..
فقلت له .. ولكنني لم اسوي لكم حاجه !! (( مسوي فيها لغه عربيه ..!! ))
قال لي .. اننا منذ مده كبيره لم نأكل .. فكيف تريد منا ان نخلي سبيلك .. !!
قلت له .. والذي يرحم وااالديك انكم تفكوونني .. فتالله ان لحم كلب مربينه هنووود اصرف من لحمي ..
وهو اللي يضحك ضحكه قام جسمه يتهزهز وديوووده تنطط على بطنه .. وجلس ساااعه يختض بطنه .. والله هالدب لو يدخل العسكريه انه ليتجااازا كل يوم .. لانه لو جااااه ضابط وقااال له ..ثابت ياعسكري .. بيتوهق الضعيف ببطنه وش بيثبته بيجلس يهتز ساااعه ..

وسألني المترجم .. اذن ما الذي جااء بك عندنااا ..؟؟ ..
قلت له .. والله امي ارسلتني اشترري دخااان .. ويووم رحت البقاااله ومالقيت برتقااال .. وصفولي بقااله عندكم تبيع بيض ...!! (( والله من الخووف ماعاااد لقيت الا هالتصريفه .. هي اللي جت على لسااااني .. بس تصدقوون شكله غبي وصدقني ..!! ))

المهم .. اني سألته .. قلت له .. بالله ياهذا .. ليش تكرمون صديقي هاللي كنهو تيس معصب .. وانا تأكلونني ..
فقال لي .. لان ملكتنااا اعجبت فيه .. وقررت ان تتخذه زوجااا لهااا .. فقلت له .. واين الملكه .. ؟؟!!
فقال لي .. انها جالسة بجانبه ..
فقلت اهذه انثى .. !!!! (( والله انك ما تفرق بين رجاجيلهم وحريمهم من الشين اللي فيهم .. وتلقى عندهم مافيه شي اسمه حب .. !! لان كلهم شيووون .. يعني تلقى الوااحد يحب شجره ولا حصاااة على الاقل اصرف من وجيههم ..!! ))
المهم .. انه قال لي .. نعم انهاا انثى .. فإذا رأيت العظمه التي فوق رأس الشخص بيضاء فهو رجل .. وان كانت حمراء
فهي انثى ....
وانا اللي اناظر فوق رااس المترجم واللقى العضمه صفراء ..
فقلت له .. ولكن العظمة التي فوق رأسك صفرااء فعلى ماذا يدل ياهذا ..!!!
وقال لي.. لا فانا من قبيله اخرى ونظامنا غير نظامهم ..!!
قلت له .. اذن ماذا افعل لكي تسيبوونني في حالي .. ؟؟
فقال .. هنااك حل وااحد ولكنه صعب جدا جدا ..
فقلت له .. والله مافيه اصعب من وجهك هاللي كنه وجه ضفدع طاقته البكووه .. بس ماهو الحل بسرعه ..
وهو اللي يعصب وقال لي .. أتحشني انت ووجهك الذي كنه وجه حماار يحتضر .. .. (( نعن ابووه صااادني .. احسبه مايفهم هالبهيمه ..!!))
قلت له .. لا تغضب انما كنت اهزر معااااك .. (( راسب في القواعد والرياضه والتاريخ والفسحه وحصة النشاااط بعد ..!! ))..

فقال لي .. المهم .. خياارك الوحيد ان تقتل الدينااصور او تكون طعاما لنا ..!!
قلت له .. لا والله ان مقابل الديناصور احسن من مقابل وجهك هاللي كنه وجه عنز مطلقه ..
فقال لي .. اذن سوف اكلم لك الملكه لكي تطلق سرااحك من اجل ان تواجه الديناصور ..!!
المهم .. راح المترجم يكلم الملكه والمنطعج رااز بطنه جنبهم ويهز رااسه مسوي نفسه يفهم وش يقولوون .. طاالع شكلهم كنهم غوريلتين بينهم سالفه ووحيد القرن قااط وجهه معااهم في السااالفه...

المهم ... رجع لي المترررجم ووجه بيتشقق من الفرحه كن وجهه وجه وااحد يقوول .. صح انا رهيييييييييب ..!! ... وقال لي .. ابشر ياهذا فإن الملكه وافقت على طلبك ..
فقلت له .. ويحك ... من جدك انت ..!! (( يحسب .. ويحك ..مدحه ..!! ))
وقال لي .. ان الدينااصوور يأتينا في الليل .. ولذلك استعد فهذه الليله ليلتك ....
قلت له .. تالله لأمرغن وجهه بالتراااب واجعلنه يحط رجله منحاااشا ... !!
وهو اللي ينبسط المترجم هالدب من كلاامي وثقتي وقاام يتبسم اللين اختفت عيوونه ورا خدوووده ..والله اذا ضحك هالمترجم وغطت خدووده على عيوونه كنك تشووف منظر الغرووب في البر اذا اختفت الشمس ورى الطعووووووس .... !!

المهم .. يوووم قرب المغرررب فكوووني
وتجمعووو حووولي افراااد القبيله وقاااموا يرقصووووون رقصتهم المخيييسه .. تحس وانت تشوووفهم مجتمعين ويرقصووون ان موسم تزاااوج العقااارب بدا .....
والمنطعج .. ولا كني خووويه .. جاالس جنب الملكه يتميلح عندها .. والمشكله ان وجهه مايساااعد على التميلح .. وجهه كنه وجه خروووف قاطينه عياله في دار العجزه..

: الوكااد .. يوم اظلمت الدنيااا .. ولاا عااد شفت احد فيهم .. وانا اللي اقووم اصيييح .. وينكم يالانذااال .. انحشتوا وخليتووني .. وانا اللي احس بذيك المحطه على مقفاااي .. والا واااحد يقووول .. خييييير ماذا دهاااك ؟؟ وانا اللي اسمي بالرحمن .. واقوول .. يوووه جن بعد .. نفتك من هالقروود ونطيح بجن .. !!
قاال .. ياااثوور انا المتررجم ... !! .. والله ياجماعة النااس .. انه من سواادهم ماعااد شفتهم.. مافييه الا عيوونهم منووره تقوول عيوون قطااوه ترااقب فاار في الظلااااام ...

المهم .. قال المترجم .. من الآن بدا عليك الخووف .. اذن احلق شنبي اذا قدرت للديناصور ..!!
قلت له .. شرهتك على اللي شاااف شنبك .. والله ما ادري وين شنبك من برااطمك .. نعن ابوو داارك انت كلك على بعضك شنب ...
قال لي .. ماتعقل انت ووجهك اللي كنه وجه قرد في دااار الايتااام ... (( خرررب المترجم .. صاار يذب ..!! ))
قلت له .. لا عليك .. سوف اريك ماذا سأصنع بالدينااصووور ..
الوكاااد
ما امداااني اكمل كلاامي .. الا اسمع صووت ارجوووول كنه صقع طيراااااان ..
وانحاااش المترجم .. نعن ابووهم حتى عيوونهم ماعااد شفتهااا .. اثااري الديناااصور قااااادم ..

ويووم وصل الديناااصور وانا اللي انط قداامه .. وهو اللي يمشي ولا عبرني .. وانا اللي اللحقه .. وهو ولا كأن فيه موااطن شرييف قدااامه ابد كمل مشيه كأني قووطي واطيته تريله قداامه .. نعن ابووه شككني في نفسي .. حسيت اني ماني رجااال
واني حقييير .. (( ماجبت جديد طيب ..!! ))

وانا اللي اقرب منه واللكمه في بطنه
وهو اللي يلتفت علي بحقد .. وانا اللي اقووم ادغدغه في بطنه واقول له ماشالله عليك ماتضحك .. !! (( على باالي باصرفها يوم شفته عصب .. !! ))
وهو اللي يلمخني على وجهي هااك الكف اللي خلااني الف في مكااني عشر لفاات احدااهن في التراااب ... ويووم شفت الدعووه جد قلت علي وعلى اعداائي .. واجيه مااشي الف واشووته مع ........ ظهره !! (( حلووه التصريفه ..!!))
وهو اللي يقاابلني وجه لوجه .. (( اوووه ..اللحين حسيت اني رجااال ..!! ))
وينااظر فيني بغضب طالع وجهه كنه وجه بزر ماخذين من يده ريااال ..!!
وانا اللي اناظر فيه وكني ما اهتميت ..وانا من جوا ودي ابكي ووجهي طالع كنه وجه بزر مسويهاا على نفسه ولا يبي امه تدررري..!!

المهم تشاابكناا بالايدي .. بس الدينااصور توهق لان ماعنده الا ثلااث اصاابع بس عشاان كذا عفطت اصاابعه وانا اللي اشووته بين ارجوووله على ........ ظهره برررضه..!! (( والله يانت من جنبها في التصرريف ..!! بنمشيهاا لك هالمرره يالغبي ..!! ))
الوكاااد ان الدينااصور قاام يتلوى مكااانه وانا اللي اجي من ورااه واسويله سوفلكس خلفي .. (( اخسس يالحانوتي ..!!))
ويعصب الديناااصور وهو اللي يطلع من جيبه سكين ...!! .. (( لااا عاااد هذي مااافيه امل نمشيهااا .. ديناااصور هذا ولا من عراااابجة جدة ..!! ))
المهم يوووم شفته طلع السكين .. وانا اللي اسحب لي اقرب ماصووووره ..!! (( اشووفك بديت في النصب .. انتوو جاالسين في غاابه ولا في تشليح سياارات ..!! ))

الوكاااد انه جاااني يررركض ولحطني بذيله على جبهتي وطااارت مني المااصووره وحسيت بدوووخه .. ((مبروك حامل ..!! ))
وجلست على ركبي من الضربه ومعطي الدينااصور ظهري ورااسي ناازل في الارض ...
ويجي الدينااصوور يركض من ورااي والسكين في يده يبي يذبحني .. ويوووم قرررب السكين من ظهرري .. وينط المنطعج قدااام السكييين ... وهو اللي ينشق بطنه .. ويطلع منه فيله صغااار قاامو يدورون على المنطعج يقولون .. ماما ماما ... !!

وانا يووم شفت خويي المنطعج كذااا .. وانا اللي التفت للدينااصور وانااا معصب ادور الشررر .. وغاادي وجهي كنه وجه مدررس يقوول .. من اللي ماحل الوااجب ؟؟!!
والدينااصور يوووم شااافني كذا وهو اللي تجيه ام الركب ويدور النحشه .. وانا اللي القطه مع اذنه واسحبه على وجهه .. (( ياخووي تأكد هو ديناصور ولا خروووف ..!! )) ..
واسدح الديناااصووور جنب المنطعج .. وامسك رااسه وامصعه بيدي .. !! (( لا لا لا .. لا دينااصور ولا خرووف .. طلع عصفووور ...!! ياخووي انت تسوولف على محششين ..!! )) ..

وماااات الديناااصور .. وشووي الا الصبح طلع ...
لا لا لحظه موو الصبح اللي طلع .. هذوللي القبيله يتبسمووون ..!!

وتجي الملكه تصيح عند المنطعج وتقول .. موقا شواقو فيقا بوق ماقا فاق حاقو لوقو فكاكاشيك لاق هوبو هبابا ماقوبا رقوقابا حابوق ليقبا ..... قصدها تسأل .. هو مات ؟؟؟؟؟؟؟؟
قلت اصبري انتي ووجهك اللي كنه وجه قرده متوفي زوجها .. المهم .. رحت جبت لزقه حقت الفلووس من السيااره .. ولزقت بطن المنطعج .. وهو اللي يقوووم على طوول ...
ويجمع الفيله الصغاار ويرجعهم في بطنه ......!!

وصااار في القبيله افراااح بمووت الديناااصور .. وسوو حفلاااات .. وجاني المترجم
وقال لي .. ان الملكه تشكرك شكرا جزيلا لما فعلته ..
قلت له .. لا عليك ياوجه الاستبنه .. فانا وااحد منكم .. واللي يرشكم بالمااااء ارشه بالكلب .....!! (( ما قلت لكم انه سااقط في الرياضيااات ..!! ))

وتزووج المنطعج من الملكه .. وعااشت الغاابه في فررح وسرووور .. (( ياااشيخ صفقني اذا ما كنت ساارق هالسالفه من اخووك الصغير .. لان هذي مستحيل تكوون سواالف رجااال ..!! )
وكااان المنطعج فرحااان انه لقى بنت تعطيه وجه حتى لوكااانت هالقرده .. لان طووول حياااته يتمنى يتعرف على بنت .. بس وجهه ما يأهل وجهه كنه واااحد يقووول .. وش السااااالفه شباااااب ..!! ..
المهم ان المنطعج قرر يعيش مع القبيله ولاا يبي يرررجع (( ماااصدق احد عبررره هااالدب ..!!)) وأخذت انا سيااارة المنطعج .. ورجعت لديرتي بعد مامشيت سبع شهووور ثااانيه ...

واول ما وصلت رحت طقيت على بيت المنطعج .. وطلع لي اخوووه الصغييير ...
وانا اللي اللزقه في الجدااار وامحطه بكف على وجهه ..لانه قاااهرني من بدااية الساااالفه .. (( والله يانت بعير بعد .. نعن ابوك ماتنسى انت .. كل هذا حقد ..!! )) ويوم ريحت ضميري وطقيت هالبزر .. رحت شريت خبز((اللي رسلني الوالد أجيبه في بدايه السالفه)) وتوجهت للبيت وانا
ما اشووف من التعب ..

واول ما دخلت الصاااله دعست على شي مدري وشهو .. واسمعه يووون ..!! وطلع ابووي منسدح في الصاااله ..
قلت له .. يااخي انت وش ساالفتك .. منسدح في هالصاله
اربع ساعه وعشرين دااايم .. شكلك تشتغل مطب في الصااله ... (( الا والله من هالبلااوي اللي يشوفها هالشاايب في التلفزيوون ماعااد قااام ..!! ))
المهم ان ابووي قال لي ..وانت وينك يالداااشر كل هذا تشترري خبز ..!!
قلت له .. والله رحت للخبااز ولقيته مقفل .. وما حبيت ارررجع وانااا مااا اشترررريت .. عشاااان كذا جلست احترريه اللين فتح وشريت خبز وجيت ... (( يلعن ام التصريف اللي تعرفه ..!! .. لكن شوووف .. فيييه وااحد منكم محشش .. يااا انت يااا ابوووك ..!!)) قال لي .. يالله رح عطه امك بسررعه انت ووجهك اللي كنه وجه قطو مضيع امه ...
قلت له .. ابشر طال عمرك انت ووجهك اللي كنه وجه كابرس 79 مكسوور اسطبهااا .!!
طبعا الاخيره قلتها في نفسي لانه عيب احش ابوووي في وجهه ..!! (( سلم لي على الاخلاااق اللي تعرفهااا ياشيخ ..!! ))

النهاااااااااااااااااايه

تحيات المعلم سطح

مدامي فقدت اللي كتبت الشعر لعيونه

انا وش فادني لو صاح الجمهور يا شاعر !!

المعلم سطح