|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
04-17-2012, 07:58 PM
| ||
| | ||
 البآرت الآوݪ { هـٶ شـمـسسيـﮯ ٶأنا قمرهــ } آلجزء الثآنيـﮯ بعرفكم على شخصيات هذا البآرت ابو علي "حيدر": رجل هادئ وطيب متزوج ومدير لشركة كبيرة لأبوه وعنده ولدين وبنتين ، علي ومنتظر وبتول وفدك زوجة ابو علي "ام علي : حميدة " : تحب اولاده مووت اهم حاجة عنده وتخاف عليهم وتتأثر بسرعة باللي تسمعه واختها ام نبراس علي : هادئ بس اذا عصب ما احد يقدر عليه عيونه بنية وشعره بني وانفه طويل اسمر وطويل مدرس يدرس ثانوي انجليزي عمره 25 سنة منتظر : عيونه واسعة ولونها سواد ومكحلة وتحت عيونه خال ورموشه طويلة وكثيفة وشعره اسود ناعم بس مجعد على الخفيف وطويل وبشرته بيضاء وفيها حمرة وعلى خدينه غمازات وشكل وجه مدور وانفه سل سيف وفيه احديداب "يعنووو زي المكسور" وشفايفة تووت واسنانه متباعدة مقدار خط واحد طوله متوسط لا طويل ولا قصير اكتافه عريضة جسمه رياضي ومعضل يعني بالعربي خقق انسان هادئ وذكي والكل يحبه من اول نظرة له جاذبية مثل الشمس حبوب والكل يحترمه وله هيبة وقار وكلمته مسموعة عند الكل وحليم مرررة ودايم على وجهه ابتسامة وعليه نبرة رجولية خوقاقية وبعض الاحيان يلعب عليه ابليس وتجيه حالات وكان يدرس في امريكا طب ورجع وصار رئيس قسم الجراحة عمره 23 سنة بتول : بنت طيوبة وهادية بس ساعات تجيها حالات هبال وعرابجة ودفاشة عيونها بنية ورموشها عادية وشعرها طويل لحد ظهرها ومقصوص طبقات بشرتها بيضة مايلة الي السمارة جسم متوسط الحجم وطويلة تدرس اول سنة جامعة في جامعة الدمام تربية خاصة عمرها 19 سنة فدك : بنت دلوعه ومغرورة ولأكنها طيوبة عيونها مكحلة ولونها عسسلي على اخضر ورموشها كثيفة وبشرتها بيضة وفيها غمازات على خدين ولون شعرها اشقر على بني وقاصة شعرها قصة الفكتوريا وشفايفها صغار توت وقصيرة وجسمها صغير وضعيفه وتحب شي اسمه ميك آب وشي اسمه ماركات وتحب الموضة .عمرها 16 سنة اول ثانوي ابو نبراس "حسن" : بدون تفكير يسوي اللي برأسه حتى لو ان ابوه وامه قالوا لا كان يشتغل عند ابو زوجته الثانية وابو زوجته "عمه" فصله من الشغل ورجع بعد فترة طويل لأهله صار يشتغل عند اخوه عند ولد وبنتين من مرته الاولى ولدين وبنت من مرته الثانية ام نبراس "سمانة" : اللي يشوفها يحسبه اخت بناته كأنها مرهقة لكن في الأمور الجادة عاقلة وفاهمة تمووت في زينب أكثر من حوراء وهي زوجته الأولى واختها ام علي وام رضا نبراس : عصبي مررة ولازم يسوي اللي برأسه واغلب الأحيان يندم بس كغلامررة وذا طلب منه احد شى ما يقول لا عيونه لونها اسود شعره عادي واسود طويل وجسمه معضل شوي عمره 25 سنة يشتغل في شركة عمه حوراء : كل جادة بس ساعات تجيها فهاوه حساسة شوي وكل اللي تبيه لزم يسواه لها تدرس اول سنة جامعة في جامعة الدمام أحياء عمرها 19 سنة زينب : عيونها واسعة ولونها رمادية ومكحلة ورموشها طويلة وكثيفة وشعرها اسود طويل لحد ربع فخدها ناعم وحرير وبشرتها بيضاء وشكل وجهها بيضاوي وانفها طويل وشفايفة توووت وفيها غمازات طولها متوسط وجسمها صغير وضعيف بنت هادئة ورقيقة وطيبة حدها مع الكل وتحب الناس كلهم ولا تفرق بينهم ودائما الابتسامة على وجهها وحساسة زيادة عن الزوم وبسرعة تتأثر بالمواقف ويجيها خاطر وتتعب واللي يشوفها يا اما يحبها ياما يكره ويغار منها مقدر ظروف واوضاع ابوها وما تحب تكلفه اكثر من الضرورة ودايم استهبال مع البنات عمرها 16 سنة اول ثانوي ام نواف"خلود" : حساسة واهم حاجة عندها اخوانها سعود ومشاري وفيها شوي غرور وكبر بس بعد ما تزوجت صارت متواضعة تموووت في زينب اكثر من اولادها كلهم نواف : برود فيه أوووب طبيعي وجمود فيه غرور يخلي الواحد يتعجب ما يحب يقعد مع البزران واجد جاد وكل ساكت بس لم يقعد مع زينب تغير يحب زينب وما يرضى عليها عمره 7 سنوات نوف : بنت عربجية ومرجوجة وعليها حركات تقهر مغرورة وملقوفة وإذاعة لندن "بتعرفوا وش معناها" ويمكن البي بي سي “bbc" تحب زينب ودايم اذا بشتكي تروح لمنتظر عمرها 7 سنوات وهي توأم نواف ؟؟؟ : الشخصية هذي راح تعرفوها اذا جاء دورها ام حورية : مغرورة وشايفة حالها كانت متزوجت من رجل ثاني وجابت بنت "حورية" وتطلقت وتزوجت ابو عبد الله ابو عبد الله : دايم مسافر ولا يدري عن فعايل بنت مرته عبدالله : وحيد ابوه وهو صديق علي من زمان امه ماتت وهو صغير وتزوج ابوه بعدها ام حورية يخاف على حورية ويعتبرها اخته بسس ما يحب حركاتها حورية : بنت ما تعرف الله تسوي الحلال والحرام والصح والغلط وتكره زينب موووووت لان زينب احلى منها وجمالها متوسط عمرها 18 سنة وتدرس في ثاني ثانوي ورسبت سنتين &&&&&&&&&&&&&&&&&&&&&&&&&&&&&&&&&&&&& منتظر في نفسه " والحل يعنى أبوي مصر على انه يخلي عمي يسكن معنا لأنه انطرد من الشركة اللي يشتغل فيها وما بيقدر يدفع إيجار البيت اللي ساكن فيه لا تصير أناني يا منتظر هذا عمك حتى لو على حساب راحتك " قاطع عليه أفكاره أخوه : اللي مأخذه عقلك تتهنى منتظر : وش شافني أغازل مثلا أو أناظر بنات الناس وبعدين أنا كنت أفكر في موضوع ثاني علي : يا اخي ما قلنا شى نمزح وياك خليك حبوب شوي منتظر : علي بلا سخافة علي ضحك : مشكلة باردين الدم من امثالك اللهم خلصنا منهم منتظر : احترم نفسك ترا مهنتي مهمة وشريفة علي : اووكيه حضرت الدكتور راح انسحب وما راح اتكلم باااي... وراح سحبه منتظر قبل لا يهرب : لا والله وتترك على الشغل لا يا ماما بتروح لازم اول تخلص شغلك وتالي لو رحت عادي %%%%%%%%%%%%%%%%%%%%%%%%%%%%%%%%% ام حورية : حورية حورية حوووورية يا الله خلصي علشان العزيمة عند بيت ابو علي حورية : انشاء الله هذاني خالصة ... وجت لامها وجلست ام حورية : شوفي يا بنتي ام علي زي ما قلت لك عندها ولد اسمه منتظر وتوه راجع من كم شهر من السفر صح او لا حورية : أيوه قلتي لي هالكلام من كم شهر اول ما رجع ام حورية بمكر : يا بنتي ترا امه تدور على عروس له مناسبة (بنبرة تحذير) مو اذا رحنا بيتهم تسوي حركات مني مناك ما تعجب امه فاهمة خليك مهذبة وعاقلة ولا تلبسي عباتك الكتف لين رحنا لهم حورية بمكر اكثر : فاهمة يمه %%%%%%%%%%%%%%%%%%%%%%%%%%%%%%%%% دق جوالها على دخلة اخوها منتظر : بتو روحي يا العشاقة شوفي جوالك يرن بتول : يا شين اللقافة ..... مسكت جوالها اللي يرن وطنشته دخل علي وسمع النغمة وقعد يردد معها :عاشقومالي دواء ومر على اغصاني الهوى بعثر ايامي سوى ومالي حيله امنعه حيله ماعادت ايلي انا بالحب مبتلي هايم بحبك ياعلي قلبِ ماظنما يسعه سكت جوال بتول وعلي قام يستهبل ويمثل :ارحميه ترا هو مشتاق لش بليز بليز تكفين ردي عليه لا تحطمي اماله الوردية مسكت بتول علبة المناديل اللي على الطاولة ورمته على علي اللي نزل راسه ولقفه منتظر منتظر بنظرة تذبح : مرة ثانية لا ترمى على أي احد أي شى فاهمة تبغين تبلشني خبلة دخل الصالة وعبس وجهه لم سمع كلمة خبلة : افا من يقول خبلة لاحلى بنوتة في الدنيا تراني ما ارضى وبخليه ينسى متى عرف في واحد اسمه (( نبراس)) وقف منتظر وحط ايديه علي خصره "يقلد البنات" ويقلد صوت نبراس : تراني ما ارضى وبخليه ينسى متى عرف في واحد اسمه (( نبراس)) (كشر وقال بنبرة صوته الرجولي المميز) يا الله ورني بسرعة علشان افشلك قدم هالخبلة فطيم خاف نبراس وبان على وجهه : لا خلالاص هي خبلة وتستاهل (وتذكر وكشر) علشان ما ردت على المكالمة رمشت بتول بعيونها ببراءة : سوري بس ما كان لي ذنب في الموضوع يعنى تبيهم يفشلون خطيبتك ويحرجونها ها نبراس بزعل : سامحتك حياتي بس مرة ثانية لا عاد ما تردين علي &&&&&&&&&&&&&&&&&&&&&&&&&&&&&&&&&&&&& (زينب) (هي اللي تكلم عن مشاعرها وكذا) قمت من سريري ونطت نطة واسعة علشان اوصل للباب من الملل صرت ابغى أي شى اتسل فيه فتحت الباب لما وصلت له وبهدوء طلعت من الغرفة علشان لا تشوفني حوروه وتسوي لي تحقيق جنائي وبسرعة وبدون ما اطلع صوت مشيت لغرفة ابوي وزوجته وفتحت الباب بكل خوف وهدوء وناظرت الغرفة كاني حرامي يبي يسرق لان لو شافني نوافه بسوي فضيحة هو ونوفه الخبلة دخلت بعد ما تاكدت ان ما في احد وتفاجات يوم شفت الغرفة فاضية وتخرعت وجتني افكار سودة وبدت احلل وتذكر علشان كذا قالت لي زوجة ابوي اني اخذ لي لبس واجهز شنطتي ويوم جهزتها وشافت ملابسي مو كملين عصبت وهي جهزت لي وعطتني لبس لطلعة اليوم اثريها طلعت تكذب على لكن راح تشوف تقول لي بنسافر سنة علشان ابوي بينتقل لرياض علشان شغله هالكذابة راح ارويها ... نزلت تحت وشفت اختي جالسة في الصالة ومعها عباتها قهرتني لانها قاعدة تناظرني وهي ساكتة قربت منها ولاحظت انها سرحانة لان احرك ايدي على وجهها وهي كانها ما تشوفها خفت لا يكون عمية واني ما ادري كلمتها علشان اتأكد انا بخوف : حبيبتي حوراء تشوفني حوراء تكلمي بالله تراني والله خايفة (هزتها لما ما شفت منها رد) حوراء بعد كم هزت : وجع خرعتني يا الخبلة شفيك ما تشوفني سرحانة حضنتها : بعدي انتي والله فديتك يا الحلوة عساني ما انحرم منك عسى ما شر سرحانة في مين شفت وجهها احمر وحست بحرارة جسمها وانا جلست جنبها اطلعها باستغراب وهي لما حست اني اطلعها نزلت راسها بحرج وطلعت الكلمات من فمها بصعوبة حوراء بحرج : خـــ...طبـــ... ـــوني لولد عمي عـــ...لـــ....ي علي صرخت بفرحة : وووواااووو واخيرا بصير خالة وي علي ما بغيت اصير ضربتني حوراء بخفة على ظهري بحرج : بـ..ــس بس انا بعدني ما اوفق قلت بزعل : ليه لـيــه وش فيها علشان ما توافقين ها ها ردي علي حوراء : لا لاتفهمني غلط اني توني اليوم ادري وبعدين بفكر وبستخري قبل واذا في نصيب راح اوفق التفت حولي بستغراب : الا تعالي وين التوام ما اشوفهم حوراء ابتسمت : راحوا بيت عمي مرتضى وبجنوا معه قلت بفرحة : والله ما بغيت افتكت من رجتهم حوراء ضحكت : قومي بس تجهزي علشان بنروح بيت عمي ولا تنسي تجبين معاك بجمامة اللي لابستها من شوية تذكرت ان خالتي ما قالت لي على سالفة النقل اللي اكتشفتها من شوية : ليه اخذها معي بيت عمي وش سالفة نقلنا اللي خالتي ما قالت لي عنه حوراء فهمت : اسمعي حنا بنتقل الي بيت عمي لان ابو خالتي فصل ابوي من الشركة وهذا البيت ملك ابو خالتي (نفسها ام نواف) وهو اخذه من عند ابوي وابوي قال لعمي ابو علي وقال له عمي إنا نقل لبيتهم وهو بشغل ابوي بعد معه في الشركة وخالتي ما حبت تخليك تحزني علشان هالشي وانتين وش درك ان بنقل قلت وانا اشري على راسي : من هووون طالعة لي فكرت نقلنا من البيت ضحكت علي حوراء وضربني على ظهري بخفة : الله يرجك حتى الشيطان ما يقدر عليك كشرت وقلت بزعل وعصبية : شفيك على اليوم كل تضربني وتضحكي علي حوراء وهي تضحك : شايفتك مفهية وطالعة في وجهك نكته &&&&&&&&&&&&&&&&&&&&&&&&&&&&&&&&&&&&& في السيارة من النوع الكبير (مدري وش يسمونهم) الهدوء سيد الجو ام نواف في بالها "نفسها" الله لا يسامحك يا يبه كذا بكرة دفني واني حية الله لا يسامحك خربت حياتي على هدمت بيتي فوق راسي ابو نبراس : في شنو تفكرين يا ام نواف ام نواف تناظر الاشارة الحمراء وابتسمت وابو نبراس حس بابتسامتها فابتسم وبصوتها الهادئ بدات تحكي : تدري لما كنت في متوسطة كنت معروفة بالمعقدة بالمدرسة (فهم عليه)ومع هذا كنت احب اللون الاحمر الا اموت عليه بس ولا حتى خطر ببالي ان احب أي شخص مثل البنات الباقي لكن في ثانوي اختلف الوضع وصار لقب "المعقدة" ما يعجبني ويضايقني وخاصة ان البنات قالوا لي اني مب حضارية مب راقية وانسانة تافه ومغفلة واذكر جتني مرة وحدة وقالت لي يا الخبلة هو بس بتعرفي عليه عن طريق الشات وبعدين هو ما بيعرفك ولا شى وقالت لي بعرفك على واحد تعرفت عليه في الشات ومنه بدت رحلة انحرفي الاخلاقية تخيل اني ما كنت متخلية اني بتزوج شيعي ابو نبراس فهم قصدها بس حب يعنادها : يعنى مو قد المقام انا ام نواف : لالالا ما اقصد كذا والله انك رجل وما في احد زيك الله لا يحرمنا منك وتظل تاج فوق رؤوسنا بس انت عارف ان السنة علاقتهم مو طيبة الشيعة ابو نبراس : تدرين حتى انا لم تزوجت زوجتي الاولى ما كنت أفكر بان اتزوج بعدها ولكن عرض ابوك كان خيالي بالنسبة لي وما كنت اتخيل ان بحب زوجتي الثانية والليلة بتروحين تنامين في بيت اهلك والصبح بمرك علشان ترجعين لبيتك وأولادك ام نواف بينها وبين نفسها " أشووه انه ما طلقني زي ما كان الاتفاق بينه وبين أبوي " &&&&&&&&&&&&&&&&&&&&&&&&&&&&&&&&&&&&& في بيت ابو رضا الحالة حالة معصومة : رضا رضا شوووف شوووف فستاني حلو مو نواف : قوم رضا اطرد أختك لا انسدح الحين تفكر روحها ملكة جمال ضحك رضا : طالعة على نوفه أختك ملقوفة وأختي مغرورة دخلت نوف طير رضا عيونه ونواف ضحك : جاك الموت يا تارك الصلاة شهق رضا : اللي على رأسه بطحة يتحسسها قاطعة الكلام نوف : الحين أرويكم .... على هامان يا فرعون ورفعت عباتها وربطتها على خصرها ورفعت أكمام العباءة ووراءهم جري رضا ونواف يصرخوا : لحقونا ساعدونا يا ماما اما نوف ومعصومة ميتين ضحك عليهم &&&&&&&&&&&&&&&&&&&&&&&&&&&&&&&&&&&&& ركبت السيارة بعد ما اخذت اخر نظرة على بيتهم وكانها تودعه حوراء : خلاص وقسم تعبت عيني من كثر ما طالعة وياش زينب : صعبة افارق هذا البيت بالنسبة لي اني عشت هنا وتربيت وتعودت على المنطقة مدري كيف بقدر افارقها حوراء : اهم حاجة ان ابوي ارتاح من الإجار زينب : أي اهم حاجة .... وحوراء قالت للسوائق يمشي { آنتهى آلجزء آلثانيـ من البآرت الآوݪ } { وآلآن الاسئلة } 1. هل راح توافق حوراء على ولد عمه "علي" ؟! 2. وش الاتفاق بين ابو ام نواف و ابو نبراس وهل صحيح راح ترجع لبيتها وولادها ؟! 3. آراءكم واقـترآحـاتـكم بـالبآرت الآوݪ واتمنى من كل قلبي الاجابة على الاسئلة |
|
#9
04-18-2012, 07:43 PM
| ||
| | ||
| البآرت الآوݪ { هـٶ شـمـسسيـﮯ ٶأنا قمرهــ } آلجزء الثآلـ ـثٶالآخـيـر نزلت دمعتها وعلى خدوها بانت حمرة خفيفة وهي تشوف بيتهم ابو نبراس وهو يمسك ايدها وينزل راسه :ما اقدر ادخل معاك بكرة بمرك لما يكون ابوك في العمل وانا اتفقت مع مشاري وقلت له كل شى ام نواف همست في اذنه بحزن : اشوفك على خير ... ونزلت من السيارة بخطوات بطيئة وهي ترجع بنظرها لوراء ومع كل خطوات قلبها ينفطر ومع كل ذكرى تنهار جبال رجعت بذاكرتها لذاك اليوم اللي بدات فيه رواية حياتها دخل ابوها عليه فجاءة وهو معصب : مب حرام عليك تضيعين سمعتنا ها وش ناقصك ابى افهم كل شى متوفر لك ورفع ايده بيضربها صرخت بقوة حتى باح صوتها : ام حاجة ناقصتني الحنان الحنان حاسة بفراغ بعاطفة مفقودة ابى احد يحس فيني وصرخت والدموع نازلة على خدها : ابى ابو ابى ام ما ابى فلوس فاهمين ابوها ما تحمل وصفعها صفعة جامدة طاحت على الارض وطاح شعرها على وجهها ونزلت راسها حياءا من اللي صار من صرخها على ابوها بهالشكل وابوها ما تردد بانه يعيد الصفعة مرة ثانية بس مشيئة الله منعته وطلع من الغرفة بدون ان ينطق باي كلمة "وهذا اللي يصير للاكثر البنات سنة وشيعة وأحسن مثال هو قصة البنت اللي تغازل محمد العريفي وهذا رابط القصة " http://vb.arabseyes.com/t85090.html وصلت اخيرا لباب الفله ودخلت بتثاقل حست بلوعة وبس شافت اخوها راحت له وهو ضمها لصدره نادت بلوعة : مشاري ليش يصير لي كذا وش الذنب اللي سويتها علشان ما اتهنى في حياتي مشاري يحاول يهديها : قولي لا اله الا الله " وبداخله " لا حول ولا قوة الا بالله " واقف مذهول من المشهد اللي يشوفه انربط لسانه وراح جري لأبوه يبه يبه يبه ييييييبه لكن ابوه مشى وهو ما يحس له مشى ابو نبراس وهو تارك وراءه جزء من قلبه وحطام معركة بعد نص ساعة وصل لفلة اخوه ودخل وهو ماله خلق احد شاف مرأة نازلة من سيارة وبس صاروا داخل فتحت المراة وجهها ابو نبراس بابتسامة : بعده وجهك نفسه قبل خمستعش "15" سنة بنوتة صغيرة ابتسمت : وانت بعد بعدك " بزر " الا اقول وين بنتي زينب ابى اشوفها يقولوا انها قمر طالعة لي ابو نبراس مشى : واحلى منك بعد " وبداخله " دايم تكونين المسيطرة على قلبي "وقال الله تعالى :" طلع منتظر بعد ماحس بان احد برا في الحوش ولما شاف عمه راح له وهو فاتح ايديه ليحضنه راح له ابو نبراس وحضنه : حيا الله ابو محمد استحى منتظر من عمه : طال عمرك لنا يا عمي انت تاج راسنا والبيت بيتك تفضل ام نبراس بانت من وراء ابو نبراس وهي تسوي روحها زعلانة : افا كل هذا الترحيب علشان عمك واني خالتك حتى السلام مالي ابتسم منتظر على خالته وباس راس عمه وراح لخالته وباس راسها : انتي فوق الكل خالتي ام نبراس بزعل : باين ضحك ابو نبراس ومنتظر وابو نبراس : يا لطيف شو هالغيرة تبين ماي وسكر ام نبراس : لا والله خاله للحاسد والغيرين وترا اني رايحة داخل بس اذا جت زنوبة قلها اني داخل .... ودخلت بعد لحظات دخل وراءها ابو نبراس وهو يوصي منتظر انه يقول لزينب ان امها تنتظرها داخل وقف منتظر ينتظر وهو ينتظر فكر "في داخله " يمدني اشوف اخر اخبار الطب وانا انتظر بدل الملل اللي انا فيه &&&&&&&&&&&&&&&&&&&&&&&&&&&&&&&&&&&&& في بيت ابو سالم "ابو ام نواف" وقفت في المجلس وهي تذكر اخر مرة دخلت المجلس فيها بعد اسبوع من اللي صار بينها وبين ابوها ما نزلت حتى اني الشغالة تجيب لها الاكل في غرفتها والبنات ما احد مرها يسال عن حالها وفجاءة دخل ابوها وباين عليه الفرحة وهي خافت ان يضربها فرجعت على وراء بشوي شوي وابوها مد ايده ليدها وسحبها بسرعة ابو سالم بنبرة حاسمة : شوفي اياني وياك اشوفك مب خالصة بعد عشر دقائق لبسي شى حلوو وتجهزي واذا ما سويت اللي قلت لك عليه والله وهذا انا حلفت لخذا روحك فاهمة صرخ عليها وطلع خافت وصارت تصيح وتنعى حظها دخلت عليها امها وصارت تسحبها من شعر وتسكتها : اسس ولا كلمة فاهمة والله ليذبحك ابوك ذبحة ما شافها احد من قبل يا الله رتبي حالك وطلعت لبست ودموعها تنزل على خدها وعلى دخلت ابوها هي خلصت ابو سالم بنبرة امر : يا الله وطلع ..... وهي مشت وراءها نزلوا وشافت اخوها سالم ومرته يطالعوا فيها سألت اخوها شصار بنظرات ذليلة رد عليه بنظرات احتقار وإهانة في عيونهم تلقتها رد على اسئلتها دخلت وراء ابوها المجلس بخضوع سمعت ابوها يقول : ارفعي راسك خلي رجلك يشوفك نزلت دمعتها وحطت ايدها على فمها وبداخلها انسانة تصرخ "لا لا لا لالالالا " انهارت وجلست على ركبتها ونطق ابوها كلمات اعدامها الاخيرة بخبر زي الصاعقة ابو سالم : يميدك تاخذها من الحين وسوي فيها اللي تبي وترا اسمها خلود "وحط ايده على كتف بنته " رجلك شيعي ويسكن في القطيف حاولي ترضيه والله واشر على رقبته "يعنى بيذبحك " وطلع بعد ما رمى عليها عباتها سمعت صوت الشاب اللي قاعد بنبرة رزينة : يا الله لبسي علشان نروح البيت وابتسم لها خافت وارتعدت وصاحت بخضوع وصارت تحب رجليه وتترجاه : الله يخليك لاهلك لا تذبحني الله يرحم ابوك تكفى لا تذبحني والله لصير الى اهلك ولك خادمة بس لا تذبحني بعدها عن رجليه وهدها بنبرة رجولية هادئ : لا تخافي ما راح يصير لك شي بس قومي الحين قامت ولبست عباتها وطلعت وراءه بس الخوف ما رحم قلبها وفي الطريق شافت اخوها سعود ومشاري وهم يوصوه بها سلمت عليهم وضمها مشاري مشاري بحزن وهو يسمعها تصيح : لا تصيحين صدقني بازوارك كل يوم واذا سو لك شى راح اذبحه .... وقفت عن الصياح وراحت لسعود سعود بحزن اكثر : ما توقعتها منك وحتى الحين ما انا مصدق يا الله توكلي على الله ولا تخافي انا ومشاري سندك ركبت السيارة وهي خايفة من حياتها الجديدة بس مطمنئة من ناحية ان اعز ناس عندها مب زعلانين منه كثير وناحية ثانية ما انذبحت مشوا وفي الطريق سألت بحياء : أعتقد ان مو من السهل انك تحصل بنت سنية تتزوجها رد بهدوء : صحيح بس مع قدرة الله كل شى يصير خلود برجاء : ابى اعرف كيف عرفت ابوي وكيف تزوجتني واني ما ادري بدا الكلام كانه يقول قصة : اسمي حسن متزوج شيعي وطموح حالتيالمادية صعبة ومرة وانادور لي على شغل شافني ابوك وكان منقهر واول شى ما عاطني وجه تالي طلبني وقال ان بشغلك عندي بس بشرط تزوج بنتي قلت له طيب بس ابى اعرف ليه تبي تزوجني وياها وانت تعرف اني فقير وشيعي قال لان بنتي خانة ثقتي وتكلم من وراي واحد ويا ويلك تطلع كلمة لاذبحك قلت له واذا ما وافقت عليها قال تحفظ السر وهي بتاخذ جزاءها قلت له خلاص بروح اشوف وش تقول مرتي وارجع لك المهم وافقة مرتي وكان ابوك حاط شروط للزواج وهي ان اذا ابوك فصلني من الشغل يحق لي تتطلقك ولو انا طلقتك يحق لابوك ان يفصلني وانتين كنتي مسوية تحليل قبل كم يوم من اللي صار بينك وبين ابوك وابوك دبر حاله وصار العقد وبسس انصدمت وطاح وجهها بس ما خلها حسن تفكر : لا تفكرين وواجد لان انا ما احب اذكر الناس بخطاهم لان الانسان مب معصوم عن الخطا ارتاحت وتابعت الطريق بنظرها رجعت للواقع على صوت سعود اللي ضمها وهو يرحب بها وهي مبوزة واخوها مشاري ماسك يدها وشافت سالم قاعد مكسور ذليل غير عن قبل راحت له وسالته عن حاله ورد عليه بحزن وضعف ولما جا سؤاله عن مرته رد بعصبية : الحيوانة عندها علاقة وانا طلقتها من فترة هدئته وقامت من مكانها واخوانها الاثنين فرحانين بها مشاري : لا تزعلين بكرة راح ترجعين لبيتك الصباح ام نواف بخووف : وابوي مشاري ابتسم : والله انه شهم هالرجل راع حرمة عشرة العمر قال لأبوي انه ما بطلقك وابوي يدري انه جاي بكرة @@@@@@@@@@@@@@@@@@@@@@@@@@@@@ كانت جالسة في السيارة ومندمجة مع المولد اللي حاطينه وهي تتذكر كلام حورية حورية بمكر : تكشفيه على حقيقته غلا وكلي حلا (زينب) : كيف يعنى حورية : اسمعي ... حاولي تروحين مع اختك وبس تنزلين تنتظريها تدخل قبلش وانتين بعدها وبعدما يروح السواق افتحي وجهك اكيد اذا شافك بينهبل واذا كان من هذولاين الناس المطوعين صحيح بغض بصره وبتاخذي زفة محترمة غلا وكلي حلا (زينب) : بهيمة حدش تخيلي ما كان موجود او كان اخوه بدلاه حورية : انتين البهيمة وبعدين هو يمكن يستقبل الناس اللي بيحضروا العزيمة واذا ما بيستقبلهم اكيد يمكن يوقف علشان التجهيزات لان كل كذا في اغلب العزايم وحتى عبود اخوي كذا اذا صارت لنا عزيمة غلا وكلي حلا (زينب) : واذا اخوه وقف علشان التجهيزات وهو ما استقبل احد حورية : عاتي روحي له انتين وبتعرفين حقيقته انتبهت على صوت اختها اللي غيرت المولد لثاني زينب : اقول خليه يحط على يوسف يا جمال الله بدل ساكن وينبض علي ردت اختها بهيام :ماأعوفك وين أشوفك حنّ عليّه وَ من إيديّه يا نصيبي .. يا نصيبي همّت أنادي يا فؤادي بلَكَ تَشفْى وَ ناري تطفّى منلهِيبي .. منلهِيبي زينب تهوش بعناد : حطي يوسف يا جمال الله عليه الناس متخبلة غريبة بوزة حوراء : بسسسس انا حدي اليوم فرحانة رفعت زينب الغطوة وحوراء بس هي اللي تشوفها وغمزة زينب وقامت تسوي حركات بحاوجبها وحوراء فهمت عليها حوراء ضحكت بهدوء : ابد ما يفوتش شى الله يستر ما تكوني حاطة العين على يوسف زمانه زينب ضحكت برقة وهدوء : افا عليش انا يفوتني لا ابد والله ما يوفتني الفوت مب زيك وبعدين وش ابغي في يوسفووه اساسا بابا حسوون يكفني حوراء غمزة : علينا علينا وبعدين بابا يبغي الفكة من رجتش وافكارش الجهنمية وصلوا بيت عمهم ابو علي ونزلت حوراء بسرعة بس نادها السواق : ماما هذا حق انتي مال مولد .. اخذتهم من عنده وراحت ودخلت بيت عمها وزينب نزلت شوي شوية وهي معصبة في السواق : مالت عليك مب قلت لك لا تقول ماما ... ماما في عيونك انت ما في فهم يا الله روح وسكرت الباب راح السواق وزينب شافت ان مافي الشارع احد فدخلت البيت وشافت ... &&&&&&&&&&&&&&&&&&&&&&&&&&&&&&&&&&&&& منتظر ((هو اللي تكلم عن مشاعره وكذا)) كلمتني حوراء وراحت وبعد ربع ساعة مليت ورديت اناظر جوالي زينب ((هي اللي تكلم عن مشاعرها وكذا)) دخلت وشقت الحلق لما شفته جالس يناظر جواله فتحت وجهي واني مترددة بصراحة كان يوسف زمانه ما كنت حاسة بشى غير جاذبيته الناعمة تخلي الواحد ما يتعب من شوفته مرة لحظات وهونت وكنت بتغطى لكن فجاءة ... منتظر ((هو اللي تكلم عن مشاعره وكذا)) رفعت راسي بعد ما حست الا بشخص يناظرني ولما رفعت كانت الصدمة كانت زينب تناظرني ووجهها مفتوح وبسرعة نزلت راسي وقلت لو سمحتي غطى وجهش زينب غطت وجهها ومن الفشيلة بسرعة راحت تركض لداخل : اسفة بس فتحت وجهي وانت رفعت راسك في نفس اللحظة اللي كنت بغطى فيها وجهي أخذت نفس : مرة ثانية انتبهي وترا امك داخل تنتظرك &&&&&&&&&&&&&&&&&&&&&&&&&&&&&&&&&&&&& دخلت حورية بيت ابو علي قبل امها وشافت اللي صار كله وابتسمت بخبث وانتظرت امها علشان تروح معها لداخل ولما جت امها شافت منتظر يحرك شعره بعشوائية ويفكر ام حورية : منتظر شخبارك يا وليدي منتظر وقف بادب وهو منزل راسه : الحمد الله تمام وانتين يا خالة ام حورية : الحمد الله ماشي الحال الا وين امك منتظر : داخل تفضلي حياش ام حورية بخبث : مشكور يا وليدي عساني ابلغ فيك معرس ومشت هي وبنتها وجلس منتظرعلى كرسي كان في الحوش وفي الممر لداخل البيت كان زينب مصدمة من نظراته والى حد الان واقفة وتكلم نفسها " جاذبيته مثل الشمس تهبل يا ناس الله يحفظه " وبعد شوي شافت حورية وامها جوا ونزلت جيتهم زي الصاعقة عليها انتظرت حورية امها تروح للصالة حورية وعلى وجهها ابتسامة خبث : ها عسى عرفتي نزلت دمعة زينب حارة على خذها الناعم وبصوت مبحوح : ما توقعت تضربني في ظهري يا الخاينة هذي اخرتها لكن ما اقول الا الله ياخذ حقي منك وكما تدين تدان حورية ابتسمت ابتسامة سخرية ونظرات الاستحقار على وجهها وحاطة ايدينها على خصرها : لا والله خوفتني " اشرت عليها باصبعها بستخفاف " انتين تخوفني خخخخخخ ضحكتني زينب وجهها احمر : زي ما قالوا عنش الحقارة قليلة في حقش ضحكت حورية بصوت عالي : توك تدرين زينب رفعت راسها للسماء : ما كنت ادري انك تحبينه حورية ضحكت اعلى من قبل وصارت تكح : كح كح كح والله انك غبية اني حورية العصرية احب واحد افكاره من العصر الحجري هههههههأإي والله لو ما فلوسه وجماله ما فكرت فيه زينب نزلت دموعها وراء بعض : يعني بتضيفينه الي باقي توحفش "وبعدين قامت تصرخ في وجهها" اتركيه وش تبي فيه يا الغيورة علما يتعداش ويوصلش تراني ما احبه بس ليكون في علمش إذا وحصل وقرر يخطبش وانتين تعرفي وعدي راح اقول له عن كل شى لان ما بخلي غيري ينخدع بش ياما ابوي كان يقول لي لا اكلمش بس اني كنت عنودة ... قاطعة حورية باستهزاء : وهذا هو عنادش جنى عليش ومشت وهي تضحك وقفت زينب وابتهلت لربه : الحمد الله اكتشفت حقيقتها يا رب رد كيدها لنحرها ودخلت وهي تسطر اخر حروف طعنتها وجرحها الدموي كان في شخص ثالث سمع الكلام اللي صار بين زينب وحورية وهذا اللي ما حسبت له حورية حساب { آنتهى آلجزء الثآلـ ـث ٶالآخـيـر من البآرت الآوݪ } { وآلآن الاسئلة } 1. هل بتقدر حورية تضيف منتظر اللي توحفها على حسب تعبير زينب وش قصد زينب بل هالكلام . 2. وش رايكم بتنفذ زينب وعدها وتكشف حقيقة حورية . 3. منو اللي سمع الكلام اللي بين حورية وزينب 4. آراءكم واقـترآحـاتـكم بـالبآرت الآوݪ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دموع على هيئة بشر. | ليو ايدوياما | مواضيع عامة | 20 | 07-18-2011 01:55 PM |
| ♥ » لـآ ٺٺح’ـڨڨ آلأح’ــڸآݦ إلـۍ أڏآ آݥـنـٺ بۿـآ |* آۿـدآ۽ « ♥ | مَنفىّ ❝ | أرشيف المواضيع الغير مكتمله او المكرره او المنقوله و المخالفه | 27 | 10-08-2010 03:04 PM |
| صور لملائكه على هيئة بشر | لاميتا1 | أرشيف المواضيع الغير مكتمله او المكرره او المنقوله و المخالفه | 19 | 10-18-2007 08:50 PM |
| سور منزل على هيئة ........ | samir albattawi | أرشيف المواضيع الغير مكتمله او المكرره او المنقوله و المخالفه | 6 | 09-16-2007 12:56 PM |
1Likes
العرض العادي
