على الباب الايمن اركبي ياحياتي
لابد ما ناخذ على الجمس مشوار
فوتى على الترحيب يا اجمل فتاتي
يا نور عيني اشرقت منك الانوار
ما فيه داعي للغطا والعباتي
خلي شعورك فوق الامتان نثار
انا لا شفتك اشعر بدفع ذاتي
واحس بعروقي كما شعله النار
قرب بجنبي والخجل ما يواتي
نبغى لنا صوره للايام تذكار
يمكن اجيك عصير عقب الصلاتي
اليا نويت لناعم العود مسيار
وان شفت بعض الناس فيه التفاتي
اروغ عنهم واتقي شر الاشرار
اخاف من بلاس لابوك ياتي
واللا حسودن للمحبين غدار
واليا ركبتي سولفي يا غناتي
افتح ضميرن فيه مكنون الاسرار
ترنمي ومن اعذب اللحن هاتي
يشفي جروحن بالحنايا والاستار
مع السوالف بسمة بالشفاتي
نظرة عيونك فيهن علوم واخبار
يا مملكه قلبي مع اربع جهاتي
انتي ربيعي واينعت فيه الازهار
يا مزرعة حبي بها النامياتي
الفل والريحان ومحصول الاثمار
يا تاج راسي انتي غاية مناتي
بي علة ما يعالجه كل بيطار
الا خديدك لا لصق في لهاتى
وقامت دموعك تنهمر مثل الامطار
ياشبه ريم مرتع بالفلاتي
ودي اوصف عشقتي مير محتار
حيث إن خلي فيه بعض الصفاتي
تصعب على الوصاف ببيوت الاشعار
مثل الخجل بعيونها الناعساتي
ولا تخلف الميعاد لو صار ما صار
يفدى نظر عيني جميع البناتي
ولو خيروني عن هوى البال ما اختار
ماله شبيه بالتهم والسراتي
عجزت احصل مثلها بكل الاقطار
لو عرضوا لي زين باطور قناتي
افضل جمال الكون مع زينها انهار
ابو عيون مثل عين المهاتي
خدودها حمر على لون جمار
نوطا طويله ردفها نابياتي
وسطه نحيل وفوقه نهود زبار
اليا مشت تقول جندي مشاتي
يعطا التحيه والملا فيه نطار
بعض المزايا فيه من المعجزاتي
قصر بي التعبير ولا عندي افكار
حلفت انا ما انساه لين المماتي
اعلنت انا حبه على العالم جهار
ربي رماني في هوى الفاتناتي
يالله دخيلك عن تصاريف الاقدار
واجد من العشاق سوى سواتي
خلنه الخفرات يثور بلا عيار
مجنون ليلى وعنتره والزناتي
كل واحدن منهم عليه الهوى دار
حتى الطالات هم والثقاتي
ذاقوا حلاوات الهوى وذاقوا امرار