|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
06-14-2012, 02:21 AM
| ||
| | ||
 روبي أمانة في رقبتك يا نواف / كاملة السلام عليكم ورحمة الله وبركاته :7b::rose::7b: كيفكم يا أحلى أعضاء في أحلى منتدى ؟؟؟:7b::rose::7b: ان شاء الله بخير  وأنا أفرفر في المنتديات لقيت قصة كتييييييير حلوة :7b::rose::7b: وعجبتي كتير فحبيت أنقلها لكم وأتمنى أن تنال اعجابكم :7b::rose::7b: روايتي هي : روبي أمانة في رقبتك يا نواف :7b::rose::7b: للكاتبة عنودة غرام :7b::rose::7b: تابعوا معي :7b::rose::7b: ــــــــــــــــــــــــــــــــــ :7b::rose::7b:
__________________ آللّهمّ آجْعلنآ ممنْ يمْشي على آلصرآطْ سريعـًآ فينجـُو مـنْ حرهآ وً لَهَبهـَآ آلى جنـّآت آلنعيم |
|
#2
06-14-2012, 02:23 AM
| ||
| | ||
| البارت الاول 1 قبـــــــــــــل 20 سنــــــــــــه في الرياض الساعه 3 في اليل ركب عبدالعزيز وزوجته روبي في التكسي طبعاا الحوار بلأنجليزي بس انا بكتبه عربي عبدالعزيز: الحين بنروح لبيت أهلي بعرفك عليهم روبي: بس هم ما يدرون بأني زوجتك؟؟ عبدالعزيز : ايه،، اليوم ان شاءالله بيدرون روبي:بس انت حسب كلامك أن أبوك أنسان عصبي ومو سهل التفاهم معه وأنه قايل لك انه يبي يزوجك وحده من بنات العائله عبدالعزيز: صحيح بس لين شافك بيرضى بأمر الواقع روبي: أزووز>>>بلهجتها خخ<< انا خايفه حط عبدالعزيز يده على يد زوجته روبي عشان يحسسها بلأمان وقال: طول ما عبدالعزيز معك انسي الخوف ابتسمت روبي لعزووز رغم خوفها من الجاي في بيت أهل عبدالعزيز كان ابو عبدالله جالس مع عياله وزوجته في بيت الشعر يتقهوى دخل عبدالعزيز عليهم بعد ماطلب من روبي زوجته تنتظره براا شوي عبدالعزيز: السلام عليكم الكل مارد السلام بسبب تفاجئهم بعودة عبدالعزيز الغير متوقعه:................... عبدالعزيز: يبه يمه وش فيكم؟؟ جالس اسلم عليكم : السسلام عليكم الكل: وعليكم السلام بعد السلام على الكل جلس عبدالعزيز أمام اخوانه وابوه وامه :وش أخبارك ياولدي والله اني اشتقت لك وكيف الدراسه هناك عساك ماشي عبدالعزيز: وأنا اكثر يمه والله اني ولهان عليكم ،،والدراسه الحمدلله تمام وهذا انا جاي لكم بشهادتي ابوعبدالله:الف الف مبرووك ياولدي والله انك بيضت وجهي ورفعت راسي عند العايله كلها ،،الله يبض وجهك قل آمين عبدالعزيز :آمين منيره((ام عبدالله)):مبرووك يا ولدي عبدالعزيز: الله يبارك فيك عبدالرحمن: مبروووك يا اخوي عبدالعزيز: الله يبارك فيك عبدالله: مبروك يا أخوي عبدالعزيز : الله يبارك فيك عبدالمحسن:مبرووك والله يا اخوي عبدالعزيز : الله يبارك فيك أبوعبدالله:أجل خلاص دامك جاي وجايب الشهادة معد بقى لك غير المره وأنا من بكره بروح بيت عمك سعود أخطب لك بنته حصه الي محيرها انا لك من قبل ما تسافر عبدالعزيز: بس يا ابووي......... قاطعه ابوه:لابس ولا شي بك............... قاطع عبدالعزيز ابوه:بس انا متزوج يا ابوي بانت على الكل الصدمه ام عبدالله:ياويل قلبي ويلاااه ،،متزوج ياعزيزان من ورانا؟؟ وقال محمد بشدته المعروف بها:أسكتي يامره،،خل اتفاهم معه،،وش قلت ياولد؟؟ عبدالعزيز بثقته وقوته لانه يشبه ابوه كثير: قلت اني تزوجت ابوعبدالله:وتقولها ياولد.........،،ماني بسابك حرام فيك حتى السب،، من وراي؟؟من وراي يا عبدالعزيز؟؟هذااا الي خذناه من الاجناب وقرب لعبدالعزيز يبي يضربه بس مسكته منيره من يده وقالت : أدحر الشيطان يا محمد أدحره يا ابو عبدالله>>توضيح للي ما فهم ((أدحر الشيطان=تعوذ من الشيطان وابعده عنك)) ابوعبدالله: أعوذ بالله من الشيطان الرجيم ،،اتركيني يا منيره خليني اربيه من جديد هلي ما تربى عبدالعزيز:انا متربي يبه وانت الي مربيني يبه ابوعبدالله خلاص ولع فلتت اعصابه: وترد وترد ياقليل الادب منيره خافت على رجلها:هد يا محمد ابوعبدالله:انا هادي اتركيني عبدالعزيز: يبه انا تزوجت وانتى الموضوع وهذي زوجتي معي وهي حامل بعد،،روووبي رووووبي ناداها بصوته العالي دخلت رووبي كانت خايفه مره برغم انها مو فاهمه شي بس من اصواتهم العاليه حست انهم مو راضين عليه وراحت بسرعه ورى ظهر عبدالعزيز عشان تحس بلأمان عبدالعزيز: هذي هي زوجتي يبه وانا احبها وابيها وصدقوني والله انكم لو تتعاملون معها بتحبونها مثل محبتي لها واكثر ابوعبدالله:سووود الله وجهك من ولد،، سود الله وجهك عبدالعزيز :لارد ............ ابوعبدالله:شف ياعزيزان والله الي رفع سماه ووطى ارضه لو ما طلقتها وخذت بنت عمك لا انا ابوك ولا اعرفك عبداللعزيز: يبه انا ماتزوجتها عشان اطلقها ابوعبدالله:طلقها عبدالعزيز لارد:................ ابوعبدالله :انا هذاا الي عندي لو ما تطلق بنت الاجناب ذي فأنا بري منك ليوم الدين عبدالعزيز: بس هي حامل يا ابوي والي في بطنها ولدي محمد:وليش مره واثق انه ولدك ممكن مرررره انه يكون ولد رجال غيرك وهي لاعبه عليك عبدالعزيز خلاص عصب: يبببببببببببببببببه وش هلكلام؟؟ اكييييييييييييد ولدي هي توها بشهر الاول وانا متزوجها قبل سنه بس قلت لها ماتحمل عشان كنا ندرس والحين تخرجنا ابوعبدالله:ولو كان الكلام الي قلته صحطلقها وخلها عند اهلها ولا ولدت جب ولدك وخل حصه بنت عمك تربيه ولا امك منيره موجوده تربيه لك عبدالعزيز : يبه وش كلامك هذاا؟؟ بالله هذاا منطق محمد: وتعلمني بعد،،ياخسارة تربيتي فيك ياعبدالعزيز الحين انا الي مرسلك لبريطانيا تدرس وترجع لي بشهاده ترف لي راسي ترجع وانت متزوج ومن اجنبيه بعد ليتها سعوديه ،،اجنبيه،، اجنبيه يا عزيزان عبدالعزيز: يبه الله يخليبك خلها معي انا احبها وخلنا نفتح سواا صفه جديده محمد: عبدالعزيز قلت لك طلقها عبداللعزيز: بس يبه حرااام هي................... محمد: طلقها عبدالعزيز: يبه.................. محمد: طلقها عبدالعزيز: ........................... محمد:طلقها عبدالعزيز:......................... محمد: لآخر مره يا عبدالعزيز اقولك طلقها عبدالعزيز أخيراا نطق:منب مطلقها محمد:براااااااااااااااا ،،براااااااااااااااااااا وانا بري منك ليوم الدين براااااااااااااا منيره: لااااااااااااااااا لاااااااااااااااااااااا يا محمد وراحت تركض ترتمي بحضن ولدها لأنها تحسها راح تكون لآخر مره محمد: ابعدي عنه يا منيره هذاا موب ولدك ،، أطلع برااااااااااااااااااااااا ما ابي اشوف وجهك برااااااااااااااااااااااا عبدالعزيز يعرف ابوه ويعرف انه لو جلس معه لين بكره مرااح يقتنع عشان كذاا بعد امه عن حضنه ومسك يد روبي وطلع من بيت ابوه وهو يناظر فيه شبر شبر مكان مكان زاويه زاويه يحاول يحفضها ويخليها في عقله عشانه يعرف انه مرااح يرجع مره ثانيه لأن ابوه كلمته وحده وما يثنيها والحمدلله انها جت على كذااا في بيت عبدالعزيز بأنجليزي طبعااا روبي:أزووز انت بخير عبدالعزيز يحاول انه يبين انه بخير:الحمدلله روبي: ليه اهلك كذاا؟؟؟ انا مسلمه ليش مارضوو يتقبلوني؟؟ عبدالعزيز:هذي عاداتهم وهذاا ابوي هوو كذاا ومهما حاولنا مراح ننجح اننا نقنعه الا لو طلقتك روبي:تطلقني؟؟؟ ابوووك قاسي عبدالعزيز أبتسم لها يهديها بعد 8 أشهر الدكتوور:مبروووووووووووووووووك بنت عبداللعزيز بفرحه: الله يبارك فيك الدكتوور:بس الام حاولنا الي بوسعنا بس هي نزفت كثير ونزيفها ادى الى وفاتها عبدالعزيز: ايييييييش؟؟ توفت!!! روبي ماتت الدكتور: عظم الله اجرك شد حيلك عبدالعزيزجلس في احدى الممرات يبكي زوجته وحبيبته وحياته روبي،، حبيبته اللي ما تهنت ببنتها ولا فرحت فيها وهو على هالحال وصل صديقه سليمان واول ما شافه ضم صديقه واخذ يمسح على ظهره لعله يخفف عليه بعد فترة من البكاء فز عبدالعزيز وكانه تذكر شي شهق وقال: بنتي!!! عبدالعزيز:ماشفتها بنتي وينها؟؟ سليمان: انا مريت عليها قمر يا عبدالعزيز قم هد عمرك وغسل وجهك وتعال نروح لها هي في الحضانه هز عبدالعزيز راسه بأنكسار وكان باين عليه حزنه:...... عندالحضانه سليمان: هااه يا اخوي وش بتسميها؟؟ عبدالعزيز وهو يشيل بنته ويلاعبها بحزن: روبي،،بسميها روبي سليمان بستغرااب:رووبي!!! عبدالعزيز:أيه على امها الله يرحمها سليمان كان حاس باخوه وصديقه الي الحين صار وحيد بعد وفاة زوجته الي كان يحبها بجنوون :ونعم والله عبدالعزيز: ينعم بحالك سليمان: وين بتروح بعد ما توفت زوجتك؟؟ من بيربي بنتك ؟؟ عبدالعزيز:بيتي،،وانا الي بربي بنتي سليمان:بس .......... عبدالعزيزيقاطعه: لا تخاف علي بأقدر عليها سليمان:طيب ليش ماتروح لأبوك وتتسامح منه؟؟ عبدالعزيز:بروح له ان شاءالله قريب سليمان : اجل يله خلنا نطلع ونسوي لها اجراءات الوفاه لزوجتك واسأل متى بتآخذ بنتك عبدالعزيز وهو يرجع بنته للحضانه: مشينا سليمان :يله سليمان كان فعلااا ونعم الصديق كان اكثر من اخ لعبدالعزيز الي وقف معه في كل صغيرة وكبيرة لدرجه انه خلى روبي بنت عبدالعزيز ترضع مع بنته رهف الي بعمر روبي بعد مروور 20 سنـــــــه روبي: بابا خييييييييييير جالسه ساعه اكلمك وأنت سرحان ومو يمي روبي 19 سنه خلصت الثنوي بالسعوديه واصرت على ابوها انها تكمل الجامعه في بريطانيا عند اهل امها ووافق ابوها لأنه من كثر حبه لها مايقدر يرفض لها طلب رغم ان شغله في السعوديه بس عشانها يتحمل فراقها وخصوصاا انه يسافر لها لو كان فاضي وهي وقت الاجازات تجي السعوديه تشوفه >>وصفها:انسانه جميييييييله جداا في قمت الروعه ومررررره ناعمه ملامحها تجذبك غصب تدقق فيها،، شعرها نفس شعر ابوها ناعم الا انه شوي كيرلي ولونه بني طويل ،،عيونها وساع ولونها غريب جداا رمادي على اخضر صعب عليك تحديده ورثت لون العيون من امها ،،اما لون بشرتها برونز مثل لون ابوها اما عن طولها فهوو مربووع لاهي طويله ولا قصيره جسمها خيالي متناسق مع بعضه... عبدالعزيز:هااه ،،معك معك روبي: أي معك الله يهديك من يوم ماسألتك عن جدي وجدتي وانت سرحان عبدالعزيز:وش سؤالك والله ما انتبهت؟؟ روبي:بابا اقولك وينهم؟؟ ليه ما نزورهم او هم يزورونا عبدالعزيز بعصبيه: روبي كم مره قلت لك قفلي عن موضوع شوفت اهلك هذااا أهل امك موجودين ما يكفونك روبي بترجي: بابا حرام عليك خلني اروح اشوفهم ولله بمووت على شوفتهم عبدالعزيز:روبي انا اطيعك في أي شي الا هذاا الشي روبي بحزن: طيييب لييييييييييييييييييييييش؟؟؟ عبدالعزيز سكت وروبي احترمت سكوته وسرح بخياله قبل 20 سنه عبدالعزيز:يبه حراام عليك هذي حفيدتك شفها والله انك بتحن وبتسامحني محمد بقساوته المعتاده: لا تحاول الي باعنا عشان الاجناب بعناه عبدالعزيز: يبه انت عارف اني ما بعتكم واني كم مره جيت لك استسمح منك بس انت الي مو راضي محمد: ولا انا براضي عليك لين تطلقها عبدالعزيز: بس روبي يا ابووي ماتت محمد: عساك انت وبنتك تلحقونها ويله عطني مقفاك وسكر الباب في وجهه رجع عبدالعزيز لأرض الواقع على صوت رنين جواله : الووووووووو طلال: هلا طال عمرك عبدالعزيز: اهلين طلال طلال: والله فيه مناقصه مهمه ولازم ناخذ رايك فيها فياليت لو تقدر تجي عبدالعزيز:الحين؟؟؟؟ طلال: ايه عبدالعزيز: يصير خير ،، مع السلامه طلال: مع السلامه في غرفة روبي روبي:هلا العنود ،،كيفك؟؟ أخبارك؟؟؟ العنود: بخير دامك بخير روبي : العنود بليييييز ابي اطلع قسم اني طفشاااااااااانه ومتضايقه حدي العنود: ليه خير ان شاءالله روبي:لين شفتك اقولك العنود: خلاص وش رايك نطلع نتغدااا روبي: اوك ماعندي مانع بس يله ابي اطلع احس اني بطق لو جلست اكثر العنود: ههههههههههههههه اوك ياقمر اشوفك في فرايديز بعد نص ساعه روبي: اوك سلااااااااااام العنود: سلاااااااام في فرايديز العنود تأشر لروبي: هناا روووبي روبي شافت وجت جلست: مرحباااا العنود: مراحب روبي: هاا طلبتي ؟؟؟ العنود: لا انتظرك روبي: اوك،،نطلب اول عشان انا مييييييييته جووووع العنوود: اوك بعد الطلب: هااه قوليلي وش فيك؟؟؟ روبي: يختي ضايق صدري مرررررررررره العنود: ليش؟؟؟ روبي:ابوي الله يهديه العنود: وش فيه؟؟ ولا لا تقولين قلتي له للمره المليون عن سالفت اهلك؟؟؟ روبي: ايه ،، بس ميته على ما اعرف ليه مايبي أي شي يوصلنا لهم؟؟ العنود: الله يهديك ياروبي انتي ما تملين وبعدين هو كم مره قالك انهم مايبونكم وحكى لك السالفه روبي : ايه صح بس الحين كم مر على هذاا الكلام 20 سنه وحتى لو صار صح جدي مرررررره قاسي صدقيني يمكن لو شافني يلين قلبه ويحن وخصوصاا اني حفيدته ولوفرضاا هوو ما بغاني ابوي يقول ان جدتي منيره مررررره حنوونه وتحب ابوووي مرررررررررره لأنه آخر العنقووود وصرااحه انا شفت لجدتي كم صوره وشكلها طيبه حيل وحتى جدي له صور عند ابووي وشفته العنود: خلاص دامك شفتيه انسي الموضووع روبي : لا والله ما اقدر ابي أسأله هووليه قاسي ؟؟؟ ليه ما يبيني وبيي ابووي؟؟ بس عشان امي بريطانيه واذا صااار مهما كان الظفر مايطلع من الحم العنود: نصيحه أنسي الموضوووع وابووك ابخص بهم منك ولا لو كانو ناس طيبين كان ما تردد انه يحرمك منهم اوويحرمهم منك روبي:بدورهم وبلقاهم وبروح لهم ان شاءالله العنود: الله يهديك بس عنيييييييييييييييده روبي تغير الموضووع: ايوه ياصديقتي الصدووقه خبريني عن اخبارك العنود: والله تماام ،، من رجعنا من بريطانيا وانا ما جلست في البيت بس ادوور انا واخواني وعند بنات عمي وخوالي روبي:ونااااااسه تصدين احياننااا احسدك اقول ليت اقدر اروح لعماني واشوف لو عندهم بنات واستهبل معهم مثلك العنود تبتسم لروبي وتحط يدها على يد روبي تحاول تهديها:ولا يهمك ان شاءالله بتلقينهم روبي: ان شاءالله العنود صديقة روبي من ايام المتوسط بنت كيييووووت مرررررررره ونعووومه شعرها اسود وعيونها سود ناعسه جميله وتحب رووبي مووووووووووت وتعتبرها توئمها هم يدرسوون مع بعض في بريطانيا تخصص ادارة اعمال بس رجعوو السعوديه عشان يشوفون اهلهم بأجازة نصف السنه وبيرجعوون يكملون الدراسه بعد اسبوع عشان اجازتهم خلصت اليوم الثاني عبدالعزيز: رووووووووووووووووبي روووووووووووووووووبي روبي من فوق:سسسسسسسسسم يبه عبدالعزيز: يله يا قمري جهزي شنطتك بنسافر روبي: صدددددددددددددق عبدالعزيز: يب روبييي:ونااااااااااااااااااااااااااااااااااااااااا سه انا مررررررررررررره احبك يا عزووزي عبدالزيز: وانا بعد ياقلب عزووزي روبي:بابا وين بنروح؟؟؟ عبدالعزيز:بنرووح الشرقيه كم يوم عشان اتطمن على الشاليه انا وسليمان روبي: طيب ابوي سليمان بيجيب معه اختي رهف عبدالعزيز : عياله كلهم بس عجلي عشان الطياره بسرعه روبي : اوك دقايق واكون جاهزه في الشرقيه روبي: رهففففففففففففففففففففف رهف: هلا والله وغلا بروووبي قلبي واختي وتضمها رهف 19 سنه اخت روبي من الرضاعه بنفس عمرها تحب رووبي وربي تحبها بشكل مو طبيعي حلوة وشعرها اسوود مرررره حبووبه حييييييييييييل وبشرتها بيضااا وملامحها جذاابه مرره عيونا وساااع مكحلة من الله روبي: يا بعدي والله قسم انك واحشتني موووووووووووووووووووووت رهف: ايه باين لو واحشتك كان دقيتي مو تسحبييييييييين روبي بدلع:رهوووووووفه قلبي رهف:ايه ايه كملي يابنت عبدالعزيز هذاا الي عندك الدلع لا طحتي في بلااا روبي: ههههههههههههههههههههههه رهف: ايه يحقلك وراك ناس تسمع كلامك روبي: اقول يله بس مشينا على الكرنيش ترى مرررررررررره متحمسه له واحشني مووووت رهف: حتى انا والله مييييييته على ما اشوفه على الكرنيش رهف: روبي وجع وش هل هبال وش ناويه عليه؟؟؟؟؟؟؟؟ روبي : ولا شي بس بلحق سيارة الاسكريم ركض رهف: الظاهر استخفيتي ،، اقول اعقلي ترى احنا بلسعوديه مو ببريطانيا روبي: واذا انا وش بسوي؟؟ رهف: بتراكضين قدام الله وخلقه كنك مهبووله روبي: ياماما انا خبالي ماهوو أي خبال انا خبالي من نوع راقي رهف بعصبيه مصطنعه: روبييييييييييي بلا هبال ولا والله لا اتبرى منك روبي بطنازه: لا يا جدي محمد على غفله رهف نست انها معصبه : ههههههههههههههههههههههههه روبي: هذي الي معصبه رهف خلاص فصلت : هههههههههههههههههههههههههههههههه روبي: الحمدلله والشكر ههههههههههههههههههههههههههههههههههههههه مررت الايام في الشرقيه ولا اروع ورجعوو للرياض أنتهى البارت الأول اتمنى انه نال اعجابكم واشوف ردودكم الحلوه توقعاتكم... ياقوت أزرق هادي likes this.
__________________ آللّهمّ آجْعلنآ ممنْ يمْشي على آلصرآطْ سريعـًآ فينجـُو مـنْ حرهآ وً لَهَبهـَآ آلى جنـّآت آلنعيم |
|
#3
06-14-2012, 05:06 AM
| ||
| | ||
|
مشكووووووووووووووره الرووووايه جناااان ^^ ѕησω ωнιтє likes this. |
|
#4
06-15-2012, 09:22 AM
| ||
| | ||
| البارت الثاني 2 بيت عبدالعزيز عبدالعزيز:روبي روبي وهي لاهيه مع المسلسل:سم يبه عبدالعزيز:خذي هذي الاوراق واقريها وقولي لي وش رايك بهذي المناقصه روبي بتأفف:بابا كل مره اقولك............... عبدالعزيز الي حفظ روبي وش تقول:اذا عزووزي موجود انا وش يفهمني بعده روبي:ههههههههههههههههههههههه الحمدلله انك داري عبدالعزيز:وانا اقولك افهمي عشان بعد عيني انتي الوريثه الوحيده لي روبي: باباااااااااااا وش هذاا الكلام ترى جد ما اشووف الورق عبدالعزيز:تهددين روبي بمزاح: ايه اهدد عبدالعزيز": طيييب انسي الشي الي جايبه لك روبي:وشوووو؟؟؟ عبدالعزيز:لااااااااااااااه موب انتي منتي بشايفه الاوراق؟؟ روبي بدلع: لا وشووووو امزح معك يعني انت ما تعرفني؟؟؟ عبدالعزيز:آآآه منك انتي بس روبي: هههههه طالعه على ابوووي قويه عبدالعزيز:وانا اشهد انك بنت ابووك روبي: طيب وش جايب لي؟؟؟ عبدالعزيز:لاب توب روبي:جد نفس الابتوب الي طلبته بدال حقي الي خرب عبدالعزيز: ايه روبي بفرحه: ويييييييييينه؟؟؟؟ عبدالعزيز:في غرفتك روبي:واااااااااو ونااااااااااااااسه عبدالعزيز:الله يجعل ايامك يابنتي دووم وناسه روبي:آميييييين مرررره ثانكس>>>يله عن اذنك بروح اشوفه عبدالعزبز: الا اقول يا روبي روبي : سم يبه عبدالعزيز: ترى حجزك لبريطانيا بكره الساعه 4 الفجر روبي: وااااو مررره بدري عبدالعزيز: ايه بس وش اسوي هذاا الي لقيناه وبعدين احسن لك عشان توصلين في النهار مو في اليل روبي: صح عبدالعزيز: طيب كلمي احد من خوالك عشان يستقبلك هناك روبي: ايه بدق على خالي كرستيان اصلااا هوو قال كلميني انتظرك عبدالعزيز بحزن: زين روبي: بابا وش فيك حبيبي كنك مو على بعضك؟؟ عبدالعزيز: لا ولاشي بس انتبهي على نفسك حبيبتي وضم بنته لاشعوريااا روبي الي خنقتها العبره وحست بحزن غريب ماتدري ليه وبكت بصوت مسموع عبدالعزيز: روبي حبيبتي ليه الدموع؟؟؟ روبي ببكاء: بابا ما ابي ا...اسا.....فر وتشاهق عبدالعزيز وهو يبعدها عن حضنه: ليه ياماما هذاا مستقبلك ولازم تكملين روبي:ما ابي اخليك يابابا عبدالعزيز: ومن قال اني بخليك ياعيون بابا روبي بفرحه بين دموعها:بتروح معي؟؟ عبدالعزيز: لا حبيبتي انا ما اقدر روبي رجع لها حزنها من جديد: اجل ليش تقول مرااح اخليك؟؟؟ عبدالعزيز: مرااح اخليك من اتصالاتي من جياتي لك زيارة لو ماكان عندي شغل روبي: بابا بسسسسسسسسس عبدالعزيز يقاطعها: لا بس ولا شي وبعدين الي يسمعك يقول اول مره تسافر،،ترى هذي ثاني مره انتي رحتي ترم كامل والحين بتروحين ان شاءالله الثاني وتكملين سنه روبي: ايه صح بس انا يابوي ما........... عبدالعزيز: عارف ماتبين تتركيني بس خلاص دراستك ومستقبلك مهمين لا تهملينهم عشاني وبعدين انا ابيك لا تخرجتي تجين تكملين عني شغل انا تعبت ويمكن اقعد في البيت ادرسي وخذي شهادتك عشان ترجعين تديرين املاكك بنفسك حبيبتي روبي:الله يعطيك طولت العمر وانت أن شاءالله بتكمل شغلك وانت شباب بسم الله عليك وش زينك عبدالعزيز وهو يحاول يخفي حزنه عشان يطلع بنته من الي هي فيه: ههههههههههههههههههههههههههه أي شباب تلعبين علي بكلمتين روبي : والله انك شبااب وسيد الشباب بعد عبدالعزيز وهو يضرب بنته على خفيف يمزح: اقول قومي بس جهزي اغراضك وراك سفر لا اعلمك من الشباب روبي: ههههههههههههههههه وهي تأشر على عيونها من عيوني عبدالعزيز: تسلم العيون وراعيتها روبي ارسلت لأبوها قبله في الهواااا وراحت على غرفتها تسكر شنطتها وتتأكد اذا ناقصها شي في المطار روبي وهي تبكي: بابا والله ماودي اسافر عبدالعزيز بحزن على بنته: وش فيك يا بنتي؟؟ ترى ازعل منك روبي: يبه الله يخليك عبدالعزيز: وبعديييييييييييييييييييين وش اتفقنى امس عليه؟؟ روبي: ان شاءالله عبدالعزيز وهوو يضم بنته من كل قللبه مايدري ليه هذي المره يحس انها آخر مره يشوف بنته فيها: الله يحفظك يابنتي وانتبهي على نفسك زيييييييييييييييييييين وخلك على ماربيتك روبي بين شهقاتها: ان..شا.....ءالله ....يبه عبدالعزيز وهو يبعدها عن حضنه بحزن وهو ماوده:مع السلامه روبي ببكاء: مع السلامه راحت روبي للطيارة وقلبها مع ابوها الي ما تردي ليه هوو كذااا حزين اما عبدالعزيز فبعد مابعدت بنته عن حضنه وهو يراقبها لين اختفت عن عيونه ومسح دمعه حاره خانته وقال: الله يحفضك بعدساعات طويله من الانتظار في الطائره اعلن الكبتن عن هبوط الطائره بسلام ولله الحمد في بريطانيا كل الكلام بلنجليزي في بريطانيا بس انا بكتبه عربي اوك>>>طبعاا الا سعوديين كلامهم سعودي مايحتاج اعربه >>>تنكتين خخخخ نزلت روبي وخذت شنطتها وهي تدور بعيونها على صديقتهاا العنود الي سبقتها بيوم لبريطانيا لمحت روبي خالها كرستيان وراحت ركض له وهي تركض طرااااااااااااااااااااااخ:آآآآآآآآآآآآآآآآآآآآآآآآ آآآآآه،،stupid الشاب: والله انتي الي stupid>>>بالله عسى ما تكلفت روبي سعووودي والله لوريه:ماتشوف؟؟؟ الشاب امااااا هذي سعوديه قويه>>بس شكل لسانها طويل والله لأدبها:لا ما اشوف وش عندك؟؟،،وبعدين انتي الي تركضين مو انااا انا واقف روبي: اأفففففففففففففففففففف ،،،حتى ذووق مافي وراحت وخلته الشاب يعلي صوته عشان روبي تسمعه لأنه راحت عنه لخالها:مخلي لك الذوق يا أم الذوق روبي سمعته وانقهرت منه بس ماهي فاضيه له عشان ترجع تتهاوش معه :خاااااااالي كرستيااااااااااااااااااااااااااااااااااان انجليزي اكيد كرستيان: هلوووووووووووووووو،، روبي ،،الحمدلله على السلامه روبي: هلوووو ،،الله يسلمك كرستيان : يله نمشي روبي: اوك بس انا انتظر العنود صديقتي كرستيان: اوك ننتظرها براااا او اتصلي عليها روبي: اوك بتصل روبي: الوووووووووووو العنود: هلا روبي: وينك؟؟؟ العنود: براااا انتظرك روبي: خلا ص اوك انا جايه سلام العنود: سلام براااا عند المطار العنود: اخيرااا ما بغيتي تجين روبي: ليه اشتقتي لي العنود: اكييييييييييييد وهذي يبيلها كلام روبي: ياحبي لك العنود: وانا اكثر روبي: اسمعي انا بروح الحين بيت خالي كرستيان عشان مررررررررره تعباانه من السفر العنود: اوكك اشوفك بكره روبي: اوكيكات بااااي العنود: بااااي في بيت خالها كرستيان روبي:خالي اناا مررره تعبانه كيف تبيني نروح مانشستر؟؟؟ كرستيان:عاادي نامي في السياره!! روبي:أي سياره حراام عليك والله اوعدك في اول ويك اند نرروح لها نشوفها كرسستيان :بس امي تقول تبي تشوفك لانك وحشتيها روبي:خلاص انا بكلمها وان اشاءالله بتقتنع بس خلني انام الحين بكره عندي جامعه كرستيان:اوك معلومه:طبعاا روبي تدرس في لندن بس اهل امها((جدتها)) ساكنين في مانشستر في اليوم الثاني في الجامعه رووبي بفرحه: هاااي فيصل فيصل 22سنه حلو وطويل وبشرته حنطيه انسان قمه في الروعه بسبب اخلاقه الحلوه وروحه الطيبه وهو انسان حنوون وهادي جدااا بس لا عصب ولا انقهر انقلب 180 درجه عن ما هو كان عليه فيصل: اهليييييييييين هلا وغلا بروبي بعد قلبي والله العنود: ليييييييييه واحنا مالنا رب فيصل: ههههه افااا الا لكم رب ونص هلا والله وغلا بزين كله عنووودي العنود: الله يسلمك روبي:فيصلوووه,, وين خويك ؟؟؟ فيصل: آآآآآآه بس منه زيووود والله انه يقهر تخيلي طلعت وهو نايم معيي يقوم العنود وروبي:هههههههههههههههههههههههههههههههه زياد: كني سمعت اسمي بطريقه اكرهها زياد 22 سنه مربووع الطول ملامحه جداا جذابه انسان جداا اجتماعي يحب يستهبل كثير لكنه في وقت الجد رجاااااااااااال فيصل ببرائه مصطنعه: مييييين قليل الحيا الي نطق اسم خويي بطريقه يكرهاا؟؟؟ العننود: سبحان الله يسب نفسه صدق انك قليل حيا الكل الا فيصل طبعاا: هههههههههههههههههههههههههههههههههههه فيصل: الحين انتي مررررررررره مبسووطه بنفسك يومك تطنزين زياد: ايه والله يازينها تهبل وانا اشهد فيصل يصطنع العصبيه: الحين انت ويها مسوين حرب علي انا اعلمكم زياد: واحلى حرب بعد دام العنود معي فيصل بتكشيره:يااااااااااا الللللللللللله وش بيفكنا منه الحين روبي: وش فيك؟؟ مين؟؟؟؟ فيصل: التفتي وراك وبتعرفين روبي الي تلتفت وتكشر:اففففففففففف ياهوو لزقه ذاا الانسان العنود:بقوووه تدري ان طيارتنا المر هالي راحت صدفه كان معنا ونشب نشبه الله لا يوريكم فيصل وزياد:ههههههههههههههههههههههههههههههههه سالم:هااااااااااااااااااااااي شبااااب سالم عمووماا عاادي الهيئه لا هوو جميل جميل ولا قبيح قبيح يعني بين البينين مربووع الطول شعره اسود ابيض البشره اماا الاخلاق ميييييييييييييييييييييح الكل يعرف انه انسان جااي يتسلى فقط لا غير ولا الدراسه آخر همه كل يوم مع بنت شكل وكلللللللللللللللللللهم يشتريهم بفلوووسه لانه كاااااااااااااااااااش>>وهذي المره طالع بطلعه جديده عااجبته روبي ووده يلعب معها شوي... الكل:هاااااي سالم:كيفك روبي؟؟؟ روبي وهي ماتعطيه وجه:الحمدلله سالم: ان شاءالله دووم ،، تصدقين السفره الي فاتت وحنا راجعين الرياض كانت مرررررررره حلوووه وااو لانك كنتي معي فيها روبي وعيييين الا كانت اشين مره :ايه صح>>>ابوو التسليكه سالم تلعبين علي بس هين انا ما وريتك من اناا ما اكوون سلووم:كيفك العنود؟؟>>>>بدري يا ابوو الشباب العنود وععععع مو بخير من شفتك":الحمدلله فيصل يبي يصرفه تقاطعه: اقول بلا حركااات خلنا ندخل الكلاس وبعده ان شاءالله نجلس جلسه تمااام الكل ماصدقوو يبون الفكه وكل احد فيهم على كلاسه طااار بسبب سالم: اوووك بعد الكلاس العنود: اقول روبي خل نروح السوق اليوم ابي اشتري شوووز للمطر حقي مرره تقطع وبلمره نفتك من ذاا الي اسمه سالم ثقيل الدم اففففففففففففف روبي: ابي افهم وين المطر عشان نروح نشتري؟؟؟>>>بس دامك قلتي نفتك منه يله نهج العنود:انتي يعني ماتعرفين ان جوهم بسم الله عليه يلعب تلقين الجوو صاااااااااااااااافييي وفجه يغيم وفجئه يجي مطر ما تفهمين كيف روبي: هههههههههههههه والله انك صادقه اجل خلاص رحمتك نروح نشتري العنود: يله روبي:بقولك سالفه واحنا نمشي العنود بهتماام: وشي؟؟؟؟ روبي:امس بلمطار خبطت في واحد سعووودي مزيوووووووون بس يقهر قليل ادب العنود: ههههههههه الحمدلله والشكر مزيون ويقهر وقليل ادب وشلون تجتمع مدري ؟؟ روبي: فيه هوووو اجتمعت العنود: طيب المهم روبي: المهم،، وانا جايه اركض يوم لمحت خالي كرستيان الا واخبط في صدره عشانه طويل الله يهديه طبعااا ما شفت وجهه توني وقلت له stupid طبعاا هوو يوم سمعني قال انتي الي stupid طبعاا بغيت افطس ضحك هههههههههههه ما ادري كيف تجي هذي،، المهم الي بس يوم عرفت انه سعودي قمت قلت له انت ما تشوف ناس ما عندها ذوق قال مخلي لك الذوق العنود: هههههههههههههههه منتي بصاحيه انتي وياه،، والمشكله تقول انه قليل ادب وهي الي باديه وسابته روبي: وش قصدك؟؟ يعني انا الي قليلة ادب العنود: والله الي على راسه بطحااا يحسس عليها ،، ترى وصلنا المحل روبي: طييييييييييييييييييييييييب ياعنيد والله لا اوريك ولا اعرفك ولا تعرفيني زعلت عليك العنود وهي تسحب روبي من ملابسها: اقول ادخلي وانتي ساكته روبي: مو عشانك عشان نفسي ترى دخلت العنود: الحمد لله والشكر بس ،، اقول دوري معي على بوت حلو وانتي ساكته في شقتهم روبي طبعاا ساكنه هي والعنود في شقه وحده بس تشوف خالها بين فتره وفتره اذا جاا لندن لان عنده شقه هناك بس هوو مستقر في مانشستر مع امه... روبي:يختي تعبتيني مافي شي يعجبك ترى مطر مو عيد ولا عرس العنود:بالله تنكتين يعني والله انها بايخه بضاعتهم يالله القى شي يناسبني روبي:اقوول انتي الظاهر تحسبيت نفسك عندنا في السعوديه اشتري الماركه الفلانيه من المحل افلاني هيييييه اصحي ترى في بريطانيا يعني أي شي يمشي ولا يجيبون خبرك البريطانين العنود:هههههههههههه والله انك صادقه شكلي بشتري ذي كالي شفناها فيآخر محل دخلناه كانت ماعليها روبي:ااااااييييه شطووره عنودتي تعجبني الناس الي تسمع الكلام العنود:نكفييييييييييييييين بعد مرووور 4أشهر روبي عند جدتها لانها تروح لها بين فتره وفتره كل ماصار عندها ويك اند.. روبي تكلم ابوها: الوووووووووووووووووووووووو هاااي باب عبدالعزيز: هلا وغلا والله ببنتي الغاليه روبي: هلا بك عبدالعزيز: وش اخبارك عيووني؟؟؟ روبي: بخير دامك بخير عبدالعزيز:هااااااااااه كيف الدراسه؟؟؟ روبي: الحمدلله تمااااااااام عبدالعزيز: عساك ماشيه روبي: بابا وش فيك الي يسمعك يقول ما كلمتني امس عبدالعزيز : واللله كيفي بنتي وابي اتطمن عليها روبي:تطمن كل شي ما شي تمااام عبدالعزيز: الحمدلله،،اجل تبين شي يا عيون عبدالعزيز روبي: سلامتك حبيبي عبدالعزيز: الله يسلمك ،بحفظ الله روبي: وياك اول ماقفلت روبي من ابوها راحت ولبست بجامه بنك برموداا سيور ونزلت تحت عند جدتها روبي: هاااااااي الجده: هااااااااي روبي: انا مررره جايعه فيه عشااا الجده: ايه اكيييييييد شووفي خليت لك في المطبخ روبي: ثانكس الجده: ولكم وبعد ما تعشت جلست مع جدتها شوي وبعدين طلعت على طووول نامت انتهى البارت الثاني
__________________ آللّهمّ آجْعلنآ ممنْ يمْشي على آلصرآطْ سريعـًآ فينجـُو مـنْ حرهآ وً لَهَبهـَآ آلى جنـّآت آلنعيم |
|
#5
06-16-2012, 08:22 AM
| ||
| | ||
| البارت الثالث 3 في الجامعه فيصل: روبي اليوم ودي نطلع روبي :وين؟؟؟ فيصل:الي تبين روبي:بلحالناا طيب؟؟؟؟؟؟؟ فيصل: اكيييييد لا ،،يعني انا وانتي وزياد والعنود واذا احد بيجي من القروب الي معنا روبي: اهاا كذااا ممكن،،بس ما اوعدك يعني انا ما احب اطلع كثير فيصل: على راحتك بس ردي لي اوك روبي : لا وش دعوااا ،، عن اذنك بروح ادور العنود فيصل: اذنك معك شقة روبي والعنود العنود:ههههههههه صدق انك ما عندك سالفه روبي": اجل انتي الي عندك؟؟ العنود: اكيييييييييييييييييييييد روبي: وشوووو؟؟؟ العنود:نرووح معهم روبي":والله؟؟؟ العنود: وليه لا والله عاادي روبي: اوك العنود: مررره حلووو اننا نروح ونغير جوو هذي الدراسه وخصوصاا اننا على وشك امتحانات روبي: تهقين ؟؟؟ العنود: ايه ليه لا روبي: صح العنود: اجل توكلنا على الله،،بس كلميه وأسأليه وين؟؟ روبي: اوكك في شقه فيصل وزياد زياد: هوو حلوو انك عزمتهم فيصل: ايه والله زياد: عااد تتوقع يجون؟؟؟ فيصل : ليش لا زياد : معك حق لك.................... فيصل بفرحه واندفاع يقاطعه: هذي روبي تدق زياد بنفس الفرحه والاندفاع: طيب وش تستنا رد عليها بسرعه فيصل: طيب،، الووووووووووووووو روبي: هلا فيصل،، كيفك؟؟؟ فيصل: الحمدلله بخير،، كيفك انتي وكيف العنود؟؟؟ روبي: الحمدلله تمااام التماام فيصل:الا بغيت اسالك وش صار على الطلعه بتجون؟؟؟ روبي:ان شاءالله ،، بس كنت بسألك وين بنطلع ؟؟؟ فيصل: البحر!!! روبي: جد!!!البحر؟؟؟؟ فيصل: ايه ،،ليش ما تحبينه؟؟؟ روبي: الا بلعكس بس استغربت فيصل: لاتستغربين ولا شي ،، بكره ،، ان شاءالله ننتظركم الساعه 1 الظهر نتغدااا هناك روبي بعتراض:طيب فيصل ليه ما تخليها الصباااح احلى نفطر فيصل: بسسس ،، من عيووني الصباح الصبااح روبي: تسلم عيونك،،بغيت شي قبل اسكر؟؟؟؟ فيصل: غير سلامتك ما ابي روبي: الله يسلمك ،،بااي فيصل: باااي زياد بطنازه: من عيوني الصبااح الصباااح،،غير سلامتك ماأبي،،ورجع للجد ككان عطيتها بوسه مو احسن فيصل: خيييييييييير انت ترى هي مو اكثر من مجرد أختي،،وانت عارف وش اقصد؟؟ زياد: واضح وان تالي كنت من شوي بتتشقق من الوناسه فيصل:والله عااد كيفي وطلع خلاه اليوم الثاني الصباح عند البحر فيصل: خالد بلله قم نسبح شوي احس اني حرااااااااان مووووت زياد: يله وش ورانا ؟؟،،والتفت على البنات بمزاح تجون معنا روبي والعنود: تخييييييييل زيادوفيصل: هههههههههههههههههههههه،،، يله سلام البنات: سلام العنود: يختي ودي اسبح معهم؟؟؟ روبي: تخيلينا متحجبات ونسبح العنود: عااادي وش فيها بلايز طويله وعلينا حجابنا كنه مطر نزل علينا روبي: اقول بس يله قال ايش قال مطر العنود بأستهبال: افففففففففففف انتي مره معقده مدري كيف انا متحملتك،،والمشكله امك بريطانيه مدري لو كانت سعوديه وش بتسوين؟؟ روبي: ههههههههههههههههههه امي بريطانيه بس ابوي سعووودي الله يخليه لي،،،الا ذكرتيني ماكلمت عزووزي اليوم وطلعت جوالها تكلمه العنود: اجل كلمي عزوزك وانا بروح للنشبه لمار مع اني ما ارتحت لها بس بروح اجلس معها على ما تكلمين روبي: اووك دقت روبي على ابوها بس مارد وبعدين مره ثانيه عطاها مشغول فقالت اكيد في اجتمااع او مشغووول عشان كذاا مارد وحطت جوالها في الشنطه ويوم رفعت راسها شافته بجسمه الرياضي وشعره المبلوول وطوله الي ماتقدر توصله حتى لو كانت واقفه وببتسامه عذبه قال:وش عندك جالسه لحالك؟؟؟ روبي: تو العنود قايمه من عندي راحت لمار عشان كنت بكلم بابا اتطمن عليه فيصل جلس جنب روبي بس بينهم مسافه بسيطه:عساك تطمنتي؟؟ روبي: لا مارد شكله مشغول فيصل: ايه اكيد مشغوول ولا كان رد عليك روبي:صح فيصل بتردد: ممكن اسال سؤال؟؟؟ روبي: تفضل فيصل: انتي تثقين بلمار كثير ؟؟ روبي: عاادي يعني مافي بيني وبينها احتكاك كبير فيصل: زين،،بس نصيحه لاتحتكين فيها كثير روبي بأستغراب: ليش؟؟؟ فيصل:يعني ترى سمعتها مو لذيك الدرجه روبي:مسويه معك شي؟؟ فيصل:لا ان شاءالله ،،اللله لايقوله بس الي اسمعه عنها روبي:مو كل شي عن الناس يتصدق فيصل:صح بس الاحتياط واجب وصرااحه هي باين عليها روبي:انا والله ماشفت منها شي ،،بس عشانك بحاول انتبه منها فيصل ابتسم ابتسامته العذبه وبادلته روبي نفس الابتسامه بعد فتره :تدرين انك تعجبيني؟؟!!! روبي:أنا!!!! فيصل : ايه بأخلاقك بكل شي فيك ،، يعني غيرك امها بريطانيه كان عاادي عندها تسوي أي شي بس انتي احسك محترمه ومتربيه والي محليك حجابك روبي ببتسامه حيااا حلوه :شكرااا ،، احرجتني فيصل: لا ليه تنحرجين وهذاا الصدق ولا نسيتي حناا اخوان روبي: ماعليك زود،، اكييييد ما نسيت وكيف بنسى؟؟ تبي حبايب القلب يذبحوني؟؟؟ فيصل ابتسم: الله يسلمك زياد بدخله عرض:وش عندهم طيور الكناري روبي ولع وجهها من الاحراج وفيصل يوم انتبه لها فما حب يحرجها فقال:اقول لا يكثر جلسه بين اخواان فيها شي زياد: لا مافيها،، الله يهني سعيد بسعيده العنود: هههههههههههههههههههههههههه الحمدلله والشكر عليك كلام احياناا يا زياد تححححححححفه سعيد وسعيده هههههههههههههههههههههه الكل: هههههههههههههههههههههههههههههههههههههههههه مرت الايام سريعه على الابطال ماحصل شي يذكر غير ان الابطال قوت علاقتهم ببعض لكن بحدوود المعقول.... ايام الاختبارات روبي: العنود تعالي اشرحي هذي لي جد ماعرفت لها العنود: دقايق بس اخلص الي معي خلها تدخل مخي روبي:العنود: انتي ما شاءالله مايحتااج بسم الله عليك شاطره العنود: ايه داريه طالعه عليك يابعدي روبي: يالبه قلبك بس العنود: وقلبك روبي: يله عن المجاملات والخرابيط خلينا نذاكر انا ما ارضى برسووب العنود: اللله رسووب مره وحده بسم الله علينا فال الله ولا فالك روبي: ههههههههههههههههههه يله اشرحي لي بس العنود قامت لجنبها: اوك،، وريني؟؟ شقة فيصل وزياد فيصل:الحين كم مره اشرح لك وانت ما تفهم،،وش ذنبي لو كنت بقرة؟؟ زياد: والله انت البقرة انت وشرحك البايخ ،، اصلاا انا الي غلطان انزل مستوااي لك فيصل: مسكيييييييييييييييييييين ياعمري رحمتك زياد:اقول اقلب وجهك بس فيصل:من عيوني بس على أي صفحه؟؟ زياد: بايخه نفس صاحبها فيصل يبي يقهر زياد: هههههههههههههههههههههههه زياد بغيض مصطنع: مراح ارد عليك وراح لغرفته وتركه اول يوم الاختبارات روبي: فيصل درست زييييييييييييييييين؟؟؟ فيصل: تمااااااااااااااام التماام ،،وانتي؟؟؟ روبي: الحمدلله،،وين زياد؟؟؟ فيصل:توه دخل الكلاس مع العننود سبقونا بس انا وقفت انتظر روبي: ياحياتي تسلم فيصل: الله يسلمك،،مشينا عشان مانتأخر على الاختبار روبي:يله مررررررررررت الاختبارات سريعه على ابطالنا يوم النتائج العنود: واااااااااااااااااااااااااااااااو روووبي نجحنااااااااااا روبي: اماااااااااااااااااااانه،، جد؟؟؟ العنود: واللللللللللللللللللللله ،،مبرووووووووووووووووووووك روبي: الله يبارك فيك،،مبروووووووووووووك العنود: الله يبارك فيك،، حتى زياد وفيصل نجحووو روبي: صدق وش درااك؟؟؟ العنود: شووفي اساميهم رووبي:الحمدلله زين والله،، بس غريبه وينهم ماجوو ياخذوون نتايجهم العنود:مدري؟؟ـ،،،بس اتوقع يكونون نايمين في شقه فيصل وزياد زياد: اقولك ماني برايح مررررررررره خايف احمل ماده فيصل: ليش تحمل مو انت ذاكرت؟؟ زياد: ايه بس ولو مرررررره ضايق خلقي فيصل: زياد ترى تأخرنا ترى جد برووح واخليك زياد: ............................. فيصل: مع السلامه وطلع زياد :اففففف خل الحقه احسن لي يعني لو قعت بنجح مثلااا في بيت جدة رووبي طبعاا روبي سافرت لجدتها في ولاية مانشستر لتفرحها بنجاحها.... كانوو كلهم مجتمعين :روووبي مبروووك روبي: الله يبارك فيك ياجده كرستيان:مبرووك روووبي روبي: الله يبارك فيك بعد مباركااات الجميع لها وللعنود:كلمتي ابووك تعلمينه؟؟؟ روبي:كلمت بس مارد علي اصلااا مستغربه من امس وهوو جواله مغلق الجده: وااااااي؟؟؟؟ روبي: مدري العنود:الا صدق احسسسسسسه مرررررررررررررررره بيستانس على انك خلصتي سنه من الجامعه روبي: ايييييه مرررررررررره عاد عزووزي الله يخليه لي دايم يقول خلصي الجامعه عشان تشتغلين وانا اتقاعد ،، ياحبي له وابتسمت وهي تتذكر شكل ابوها العنود: عااد متى ناويه ترجعين الرياض عشان الصيف جااا انبسطي بتروحين لعزووزك روبي: ايه والله مررررررررررره مشتاقه له ،،، خل ارووح اجرب يمكن يكون فتح الجوال بس غريبه مو من عوايد ابوي يسكر جوااله الجده: جربي الحين روبي:اوك جربت روووبي ليييييييييييييييييين داخت ولا رد حتى جوال طلال سكرتير ابوها مغلق مررررررررررره غريبه في اليل مرره في بيت الجده كرستيان خال روبي ينادي بصوت عاالي:رووووووووووبي روووبي روبي:وت؟؟؟ كرستيان: البسي بسرعه وانزلي فيه ضيوف تحت ينتضرونك روبي: ضيوووف مين؟؟؟ كرستيان : البسي وبتعرفين،،ونزلي حجابك معك لانه رجال روبي مالها خلق تلبس وكان قلبها مرره قابضها وخايفه ما تدري ليه ونزلت وتفاجئت :طلاااااااااااااااال طلال:يله ياروبي،،جيبي شنطتك ومشينا على المطار الطيارة بعد ساعتين روبي: بسسسسسسسسسس ،،،ابوووي فيه شي طلاال:امشي معي لو سمحتي هذي اوامر الوالد روبي: يعني هووو بخير؟؟ طلال:انا انتظرك برااا ياليت تجهزين بسرعه>>>طلع روبي بصدمه : يارب بابا مايكون فيه شي طلعت فووق بسرعه وتجهزت وطلعت وراحت للمطار هي وطلال وطيرااان عشان الطيارة ما تفووتهم وحاولت طووول طريقهم في الطيارة مع طلال انها توصل معه لحق او باطل بس للأسف ماكان فيه ابرد من طلال الي كان كلامه يطلع من فمه بندره انتهى البارت الثالث ياقوت أزرق هادي likes this.
__________________ آللّهمّ آجْعلنآ ممنْ يمْشي على آلصرآطْ سريعـًآ فينجـُو مـنْ حرهآ وً لَهَبهـَآ آلى جنـّآت آلنعيم |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روتي الهند الشرقية مكونات روتي الهند الشرقية طريقه عمل روتي الهند الشرقية 2013 | هبه العمر | أطباق شهية | 1 | 09-02-2012 01:24 AM |
| لتفتيح رقبتك 2013- وصفه لجمال رقبتك 2013 | هبه العمر | حواء ~ | 0 | 05-02-2012 07:26 PM |
| لكل مدخن :: ربنا يكسر رقبتك لو بتدخن ...... | أبورفيق | نور الإسلام - | 1 | 09-26-2010 02:48 PM |
| قصة اعتزال نواف التمياط | أنتر ميلان 10 | رياضة و شباب | 0 | 09-10-2008 02:05 AM |
16Likes
العرض العادي
