|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
06-21-2012, 02:30 PM
| ||
| | ||
| ..الجـــــــــــــــــــــــــــــزء الرابــــع ... -(تولين بعد ماهدت ... طالعت ساعتها ولقت ان المحاظره أكيد مخلصه لها تقريبا ساعه ونص .... وهي مطنشه جوجو اللي تدق عليها بس هي ماترد ... حست بأحد جلس جمبها بس بمسافه بينهم .. مالتفتت ولا فكرت تلتفت .... (سعد هو اللي كان يراسلها بالبلوتوث وهو اللي يحبها ولما دافع عنها عند طلال .... -(متردد وهو يبي يتكلم .... :- حبيت آآآ .... أقولج .... آآآآآآآآ..... الدكتور تفهم الوضع ... يـ .. يعني كل شي تمام ... ولا تشيليـ ... (قاطعته وهي تقول :- وانت وش اللي حاشرك بالموضوع ... ؤف ... (وقفت بدون ماتلتفت عليه ولا تدري اصلن من اللي كلمها ..... سعد تنرفز من غرورها اللي حتى مالتفتت عليه ؟؟.... تولين رايحه للجهة غرف الدكاتره تدور طلال ... بس مالقته .... ماتدري ليش هي تدوره ... تحس في نفسها ودها تهزئه وبنفس الوقت ودها تبكي لأن هذا اللي أعجبت فيه من أول ماشافته هو اللي هزئها ... لفت بتطلع من القسم بس فجاه لقته واقف بعيد وهو يكلم جوجو ... تخبت ورى الصناديق تنتظرهم يروحون .... لما شافتهم يسلمون على بعض وبعدها افترقو ... تذكرت حب جوجو صاحبتها له .... وكيف هي بتفكر للمجرد تفكير بحبيب صاحبتها ..!!!! دورت بعيونها عنهم مالقتهم ... وقفت وهي تمشي بس سمعت صوت وراها يقول .. -تولين ..... (حست بقلبها يدق بسرعه ...!!!! ليش ... ماتدري ليه توترت ... ماردت عليه وكملت طريقها بس ماحست غير بيد تمسكها من كتفها ورى يوقفها ..... بس علطول وخر يده وقال :- معليش ماكان قصدي امد يدي بس قاعد اناديج انا ..؟؟؟ (التفتت عليه وهي منزله راسها ... لحظــــــــــة هدوء وتوتر من الطرفين .... تولين متوتره بس ماتدري ليه ... أما الدكتور متوتر بس عشان تهزيئه لها بدون ذنب هي فيه ... -(بكل جديه منه :- اللي صار اليوم بغيت اقولج ماكنت أدري وماكان قصدي اكيد بس اسلوبج من البدايه كان مو محترم وياي .... خاصتا وأنا اول مادخلت كنتي تهاوشين على وحده من زميلاتـ.... -(قاطعته من غير شعور :- قصدك حبيبتك ... (وكملت تتريق :- آآه سوري ماكان قصدي اجرح مشاعر حبيبتك ... ليه عيل امداها تيي تشتكي لك ...؟؟؟ ماشالله ومن الحب ماقتل .... (لفت بتروح بس طلال كان مصدوم من وقاحتها ... ماتحمل يخليها تروح بدون مايوقفها عند حدها وهو دكتور قاعتها ... -شنو هالوقاحه اللي فيج ..!!!! صج ماغلطت يوم حكمت عليج من البدايه بالوقاحه والقلت أدبك .... ماراح ارد على كلامج الغبي والسخيف ... بس بقولج احترمي نفسج احسن لج وطالعي انتي منو تحاجين ..... وصدقيني من اليوم ورايح .. انا بحطج ببالي ..... ونشوف كيف بتتخطين مادتي ..؟؟؟ -(التفتت عليه بقهر وغضبببب:- قاعد تهددني انك بترسبني بالماده ..؟؟؟؟ هذا اللي علوموك لما خذت شهادة الدكتوراه ؟؟ نيالك صراحه .... -شفتي وقاحتج وغرورج هذا ...!!!! اذا ماعدلته لج للنهاية السنه ماأكون الدكتور طلال ... لأني ماراح اتحمل وحده وقحه بقاعتي ..!!! وانتبهي للألفاظج اللي ساكت عليها للحين ... صدقيني المره اليايه ماراح اطوفها لج .... (لما جى بيلف يروح ... وقف ثم قال :- آآه صح نسيت ..... روحي تعلمي الوفــآء بالصداقه .... مصيبه اللي قلتيه ورى رفيجتج .. احمدي ربج انها ماسمعتج (وبتسم بسخريه لها ثم راح .... خلاص بتنفجر قهر ... ماتدري ليه ظاق صدرها أكثر وحست بالاهانات منه قويه ... رغم ان مافيه كلمه تهزها بحياتها .... طلعت وهي تدق على السايق والغضب والقهر حابسته جواتها """"""""""""""""""""""""""" -فصوووول ..... (وهو جالس على سريره ويقرى مجله رياضيه خاصه بالطائرات الصغيره وآخر أخباراها .... -هااه.. -(بمزح :- هويت باللي منيب قايله .. -(مارد عليها لأن حده منسجم بالمجله ... -فصوووووووووووووووووووووووووووووووول ... -ويعيه ؟؟... شفيج انتي خرعتيني صج ... -ههه احسن قاعده احاجيك من اليوم .... (وهو رجع يطالع مجلته .. منى انقهرت منه ثم سحبت المجله بين يدينه وتقول :- -خل عنك هالخرابيط واسمعني ... -(يتنهد : هممم اخلصي قولي شعندج وعطيني المجله .... -اليوم بيي عمي ....و..... ويدي ... (كشر وقال بصدمه :-شنو شنو شنووووووو ...... قلتي يدي ..!!!! -أي لا وابشرك بيمسي عندنا اسبوع كامل ... -لااااااا قصدج سنه كامله .... -ادري انه مايحبك ولا انت تحبه بس لازم تتحمله ... -ومن قال جاني بقعد لو يى ؟؟؟ مستحيل انا ماعاد اتحمل أي تهزئيه منه من بعد ذاك اليوم آخر مره ... وانتي تدرين وش صار .... -فصووول مايصير يبقى يدك مهما هزئك وفشلك ؟.... -الحين امي وصابر عليها تبيني اصبر على يدي بعد ... مستحيل ... امي اذا اجتمعت مع يدي ولله يطلعون نجوم السما من عيوني ؟... منى افهميني انتي تدرين قد ايش هو مايطيقني .... خلاص انا بدبر نفسي انوم عند أي احد ... بروح للعبادي .. -بس ..... -خلاص قلت لج هالكلام ولا عندي غيره ... يالله هاتي المجله من ايدج ... (ذبتها بعيد وهي تظحك ثم طلعت بسرعه بعربيتها ... -صج نحسسسيه انتي ..... """"""""""""""""""""""""""""""""" يمه انا بطلع للشغلي الحين تامرين شي ..؟؟؟ -يابنتي انا اخاف عليج وانتي تشتغلين بذاك المحل لين الليل .... -(جلست ليان عند امها وهي تقول بحنان وتبوس يد امها :- يمه لازم اشتغل عشان ناكل ونشرب ... -طيب ديري بالج على روحج ... -وليش يالغاليه ماتقولين هالحجي لج ... اذا احتجتي لشي هذا الدوا يمج والاكل بحافظه وجيكة المويه عندج .... -الله يوفقج بابيتي .... ديري بالج على نفسج ... -ههه تامرين امر يالغاليه .... (ليان توها لاقيه لها شغل بآخر الحاره قدام مشفى الدكتور عبدالمحسن ... المحل عباره عن تموينات للأغراض بسيطه نسبه للفقر راعي المحل ... وهو كبير بالسن وقبل ليان تبيع بداله ...شغلها من بعد ماترجع من الجامعه الساعه تقريبا 2 الظهر الي 9 اليل ... يروح العجوز للبيته اللي ورى محلها علطول اما ليان اللي تكره هالرجعه المخيفه ....بشارع مظلم وفقيييير وغير آمن .... لما وصلت للمحل قالت :- -عمووو وصلت ... -(بحنان الأب يقول لليان :- ياهلا وغلا ببنيتي ... يالله بسرعه روحي وتغدي شوفي الأكل داخل ... -ههههههه عيل عمتي رظت عليك اليوم وصلحت لك الغدا اليوم ... -عيب عليج .. اصلن عيوزتي ماترفض لي طلب ... -ههههه أي هين ههه... بس ياعمي ترى هذا يسمونه الحب الكبير اذا صارت المشاكل كثيره ... -أصلن ماعندنا مشاكل بس انتي مدري من وين تيوبين هالحجي ... -آآآه منك أمس قاعد تحن وتون بالمحل لأن عمتي زعلانه عليك ... هههه خلاص طيب ماتتهاوشون أبد ....... لما دخلت تاكل .... كان عبدالمحسن توه جاي للمشفاه .... التفت على محل التموينات وراح عندهم .... -مرحبا عمي .... شحالك ؟؟؟ -يامرحبا فيك باولدي .. حياك تقهو ... -(ظحك بخفه لأنه عارف انه مافيه قهوه للعجوز نفسه عشان يقهوي اناس .... -لا ياعمي تسلم ولله ... بس مريت أسلم عليك (كان يتكلم وعيونه تدور على ليان بالمحل بس خاب امله انه يشوفها اليوم ... يالله عن أذنك عمي عندي مواعيد مع مرضى الحين ... -الله يوفقك ياولدي ... -يزاك الله خير عمي ... محتاجين دعواتك ههه... راح عبدالمحسن وليانطلعت من داخل .... -عمي منو كنت تحاجي ؟؟؟!!!! -ياحليله كان دكتورنا هني تو.... -(توترت وهي تقول :- الدكتور عبدالمحسن ؟؟!!! -اي يابنيتي هاالريال متميز بطيب أصله ... ولله ريال من ظهر ريال .... ( تحسفت انها ماقدرت تشوفه .... بدت عملها بيوم جديد .... والعم كان جالس وهو يقلب كتاب ليان اللي جايبته عشان اذا فضت من بين زبون وزبون تجلس تذاكر .... وهو مو فاهم ولا كلمه .... -(التفتت عليه وهي تقول :- عمي تبي جريدة اليوم ؟؟؟ -لا يابنيتي جم مره بقول جاني مارعف اقرى ... -صـــج !!!! ماقد قلت لي ؟؟؟ طيب ودك تقرى جرايد ..؟؟ -أي ولله يابيتي ودي بس وش اسوي على ايامنا كان التعليم صعب ... -طيب عمي شرايك انا اعلمك ترى سهل ... -لاا خلاص راحت علينا ايام التعليم ... -لاماراحت وانا بعلمك ... استعد بكره خلاص ..؟؟؟ وستأذن من عمتي ههههههه -(رفع قوطي فاضي ورماها عليها بس هي طلعت من المحل بتنحاش منه وهي غاشيه ضحك ... ماتدري الا بالجدار اللي صدمت فيه ... رفعت راسها اللي تعوررررر وانصدمت لما شافت عبدالمحسن يطالعها وهو ماسك صدره ومبتسم وهو يقول بمزح طفولي :- آآح عورتيني ... (انحرررجت لأنها توقعت انها صادمه بجدار مو صدر رجال ... بالفعل جسم الدكتور ضخم شوي .. يعني عظامه عريضه ماعليها ..... نزلت راسها وهي تقول بصوت ماينسمع :- آآسفه ... ( عبدالمحسن التفت على الارض ولقى نظارتها طاحت لما صدمت فيه .... يمكن نسيت اقولكم ان ليان دوووووووم تلبس نظارات عريضه شوي ... رفع النظارات وهو يتفحصها بس لقى تشعر بسيط فيها .... ناظرها وقال :- انا اللي اسف .. شوفي نظارتج تلفت ... (رفعت عيونها تناظر النظاره بعدين قالت وهي تظحك بشكل طفولي ومستحيه :- هههه شدعوآ مافي غير تشعر بسيط بالعدسه .. عادي ... -تقدرين تشوفين بدون النظارات ؟؟؟ -هههه أكيد بس انا متعوده على النظارات ...البسها من كنت صغيره .... (دخل نظارتها بدون مايشاورها بجيب باللطو المشفى وهو يقول :- طيب انسي انظارات ... جذي انتي أحلى ... (توترت من كلامه اللي أحرجها .... لفت عنه ثم دخلت للمحل ووجهها احمررررر ..) -(العم:- ماشالله كل هذا خوف ونحشه من قوطي ببسي .... -هههه أي عشان مره ثانيه تحرم تنطل علي شي .... ولا ترى بنحاش ... """""""""""""""""""""""""""""""""""""""" في بيت أهل فيصل ........ الكل مجتمع بالصاله حتى بنت عمه .... فيصل كان بيطلع بس ابوه منعه يروح من البيت ... وبيقعد مع عمه وجده غصب عليه ... العـــــــــــــــــــم سعيد وبنته الوحيده العنــــــود .... تركـــي يموووت في حاجه أسمها العنود ومعزم يتزوجها بعدين ... بس المشكل هان العنود ماتحبه ..... بالعكس تحب شخص ثاني .... وراح تعرفونه من خلال .. قصتنا .. نزل فيصل وهو لابس الثوب المراتي وطالع شكله (خوقأأأأأأأأأآآآآآآااااقه __^ ) بس مالف الشماغ على راسه .. ترك شعره وحتى مامشطه مخليه ورى اذانه لأنه حييييييييييييييييل ناعم ..... بس صاير شكله مملوووووووح وطفولي .... وهو متعود يدرجه شوي بحيث اذا مامشطه على ورى يكووون احلى بكثييير .... بس هالمره مخليه يطول شوي ولا اهتم فيه .. اول مادخل عليهم بالصاله علطول قال الجد :- مابغينا نشوفك ..!!!!! (تنهد بصبر وكانه عارف ان الجد ناوي عليه من الحين .. وقفو كلهم ماعدا عمه وجده ... سلم عليهم واحد واحد .. ملا وصل العنود اللي تناظره وقلبها بينقز من مكانه ... تموووت فيه تعشق فيصل اللي داري انها تحبه بس مزللللب فيها لأنه عارف ان اخوه يحبها رغم انها جمااال ... بس ماحط عينه عليها تقديير لأخوه وتوامه ... اللي يتمنى لو كان صدق أخوه وتوامه رغم انه يدري كره تركي له ..... مد يده لها ومدت يدها ... جى بيسحب يده بس حس انها ماتركته وهي كانت تطالع يدينهم .... توتر من حركتها ثم تنحنح عشان محد يلاحظهم ... العنود انصدمت من حركتها اللي ماتدري كيف سوتها من غير شعور اكيد .... لما جلس قال الجد بتهجم واحتقار للولده الثاني اللي هو ابو فيصل .... -ياولدي وراك مخلي ولدك على راحته يطول شعره جذي ؟؟؟؟ (وكأن فيصل بزر عنده عشان يكلم ابوه بهالطريقه ... التفتت منى على فيصل وكأنها خايفه لا فيصل يتظايق ... هي تخاف على مشاعر اخوها فيصل حييييييييييييييييل اكثر من تركي اخوها الحقيقي ... فيصل نزل راسه بدون أي كلمه ..... العنود قاطعتهم وهي تقول قاصده :- يدي تراك وعدتنا انك تخلينا نحجز شاليه ... لا يكون غيرت رايك .. -وانا اقدر الرفض للحبيبتي عنوده طلب .. ولا قلبي منى ..؟؟؟؟ اكييد وانا قايل للابوج الاسبوع الياي ياخذ لنا شاليه مرتب وحلو ..... ومايصير خاطركم الا طيب ... (ظمة جدها بحننااااااان وهي تقول :- واااي فديتك يدي .... -(عقد حواجبه وهو يقول :- وين تركي ..؟؟؟ (بهاللحظه كان تركي واقف عند الباب وهو يطالع العنود من بعيد .... حب حياته عندهم وهو مايدري ... ناظر امه ومنى منقهر ليش ماقالو له ...؟؟ كان جى ابكر من كذا دام السالفه فيها العنود يترك الدنيا كلها ويرد البيت بدري .... -(ابو تركي قال بابتسامه :- الطيب عند ذكره .... -(زينب قالت بحماس ودلع لولدها الدلوع :- حبيبي تركي دش .... ولدي اعرفه مستحيل مايكون موجود ويده موجود ... -السلام عليكم .... (لما سلم جلس عند جده اللي يأشر له يجلس جمبه ... احفاده الثلاثه مجلسهم جمبه ماعدا فيصل اللي مو معبر له اهتمام .... فيصل مايهمه هذي الاشيا بس اللي يبيه انه ماعاد يهزئه ويفشله قدام الكل ... العنود كانت طووول الوقت تطالع فيصل وهي ذااااااااااايبه عليه .... اغتث من نظراتها حتى انه ماعاد يقدر يتحمل والتفت عليها ثم عطاها نظره حاده وكأنه يقول استحي على ويهك !!! ... بس كان فيه شخص يراقبهم وهو تركي ..... هو من زمان حاس بشي بينهم بس شاك .... والحين شكوكه بدت تكبر اكبر واكبر ..... انقهر مووت بس تحمل وماوظح أي شي .... بعد نص ساعه من السوالف وبدون مايهتمون للوجود فيصل بينهم ... فيصل طفشان للآخر درجه بينهم وحاس نفسه جدار عندهم ... وقف ولما جى بيطلع قال الجد له :- وين رايح بتدج ؟؟... انت وبشعرك هذا ..!!!! (فيصل كان مقيهم ظهره ... ضغط على قبضه يده وهو يتصبر .... التفت وهو يبتسم ابتسامه رفضت تطلع الا بالغصصصب ... -لا يايدي بس أنا رايح اشرب مويه .... -عيل يب وياك مويه لنا كلنا اكيد الكل عطشان من السوالف ... (فيصل بقلبه ..... هذا اللي ناقصني اصير خدام عندكم .... انشالله يدي .... (ابتسمت بخبث زينب وهي بتموت من الوناسه ... هذا اللي تحبه بعمها اللي هو جد عيالها ... انه يكره فيصل مثلها ويمكن اعظم .. العنود وقفت وهي تقول :- عن اذنكم ... (تركي وده يقوم ويلحقها بس جده التفت عليه وبدى يسولف معه ...) (طلعت وهي بتدخل المطبخ تجهز الكاسات وخذت جيكه ثم عبتها من البراد ... دخل فيصل ثم وقف شوي يستوعب هي وش قاعده تسوي .... تنرفز من حركاتها له وهو ملاحظ انها كل شوي تحاول تدافع عنه ... وهو مو محتاج دفاعها عنه هي بالذات لانه عارف ان حركاتها هذي كلها وراها الحب اللي الزعجت ؤمه فيه وهي دوم تقوله انها تمووووت فيه من وهي صغيره ... صحيح كان بيعطيها وجه ويستهبل عليها بس لما عرف ان تركي يحبها طنشها وهو اصلا ماتهمه ابدا .. -(قال ببرود :- شقاعده تساوين ؟؟؟ (طاح من كاس من الروعه لانها ماتدري انه موجود وهو دخل عليها فجأه بس طبيعي لانه كان بيجيب المويه والكاسات هو بنفسه .... تأفف بقلبه لما طاح الكاس وراح للصينيه اللي حاطتها وهو يقول .... -عنــود (معروف انه يسمي العنود ... عنـــود ..كذا متعود من كان صغير ..وهي صارت ماتسمي نفسها غير عنوود عشانه ) -ماطلبت منج مساعده عشان تزهبين الكاسات .... انا اقدر اسوايها بنفسي ... ممكن تتركيني باللي اساويه .؟؟ -(التفتت عليه وهي تقول :- بس انا قاعده اسوي كل هذا عشانك ؟؟؟ -وانا مابيج تساوين أي شي عشاني .... افهمي ياعنوود افهمييييييي اذا انتي للحين تدورين الحب من طرفي اقولج انسي اننننسي .. صدقيني انا مابقلبي حب لج ابدا ابدا ابدا .... شي مو بيدي .. خلاص خليج واقعيه ورجاء بعدين لاعاد تقعدين تدافعين عني عند يدي او عمي او ابوي او امي ... او أي احد لاني صج مابي منج تتدخلين بأي شي يخصني ... ونظراتج ذيك لاعاد تعيدينها .. انتي شنو تبينهم يلاحظوون ؟؟؟ -(بضعــــف عااطفي وألـــــم بقلبها :- طيب وش اسوي عشان تحبني ..!!! انا أحبك وأمــــ ... -(قاطعها :- لا تحاولين ولا مجرد محاوله ... وبعدين وش تبين بواحد ماله اصل ولا حتى يحبج .. ومرفوووض من الاهل كلهم ؟؟ وش تبين بواحد مايندرى وش أصصصصصله .... شدراج يمكن بالنهايه مااكون عربي أبدا ... بتقبلين بعدين تتزوجين واحد جذي ... -(بسرعه :- أي اقبل ابيك باللي انت فيه مايهمني أي شي ... انا احبـــ (قال بجديه اكبر :- بعدين تراني راعي بناااات ... يعني بحياتي مليون بنت .... صدقيني راح تتعبين نفسج وياي ومافيه نتيجه بعدين ... وبعدين الحب كله مافيه بحياتي ولا ابيه حتى ... والحين بلييييز لا عاد اشوفج تطالعيني لاني احس ان تركي لاحظ -(بانفعال ودموع غارقه عيونها :- واذا تركي خله يلاحظ اصلا انا ابيك باي طريقه لو الكل يدري ماهمني ... وانت ماراح تاخذ احد غيري تذكر هالشي زييييين ودوووم ... -(ابتسم بسخريه على كلامها الطفولي .. لف عنها ثم شال الصينيه وراح عنها ... لما طلع لقى بوجهه تركي اللي واقف ويطالع فيصل يحححقققددددد.... وكررررررررررره .... فيصل بلع ريقه اللي جف يوم شاف تركي وواظح انه سمع كل حاجه ..... (بدون مايحس تركي .... عطى فيصل بوكس قوي للدرجة ان الصينيه طاحت من يده وتكسرت الكاسات والجيكه .... وفيصل على الارض من قوة الضربه ومو من طبع تركي القوه بس واظح هالرده من قللللللللللب مجرررروووووح حبيبته تحب اكره الناس له ... رغم انه سمع رد فيصل لها ورفضه لحبها .. بس خلاص الحقد ملى قلللبه .... والكره صار اكبر واكبر ... الكل سمع الكاسات واللي انكسر ... طلعو بسرعه وشافو العنود تهاوش على تركي وتقول له بين شهقاتها ودموعها :- ليش ساويت فيه جذي ليييييييييه ... انت مينووون مينوووووووووووووووون .... (الكل طالعه عيونه من اللي يشوفونه ويسمعونه .... (زينب راحت بسرعه وبخوف على ولدها تركي وتناظر اذا صاير له شي او لا... -ولدي شفيك وش صار ... هالحقير شنو مسوي لك ؟؟؟ -(ابو العنود يمسك بنته ويحاول يهديها ويفهم منها السالفه بس العنود اكيد ماراح تقول السالفه .... الجـــد التفت على فيصل وبدون مايفهم السالفه قال للفيصل بحده :- فيصلووو متى بتكبر وتهد عنك المشاكل ... وش مساوي للتركي ..؟؟!!! قول احسن مـــا ..... (ثم سكت غصب عليه لأنه كان ناوي يقول لاطردك ورجع يالدار ولا روح بالشوارع ... بس ماقدر يقول لان ولده ابو تركي هو اللي متبنيه عنده ... تركي قال بسرعه وبعيونه الحمممرررااااا :- ولد الشوارع هذا لقيته ا........ (سكت شوي وكأنه نوى نيه وبيساويها بعدين ....لأنها مو وقته الحين يقول أي شي ... (العنود راحت بغرفة منى وهي تبكي من قلللب .... منى لحقتها بصعوبه وهي تدف العربيه .... تركي التفت على جده وقال بخبث :- يدي لا تشغل بالك بشي .. بس فصول الله يهديه لقيته رافع صوته على العنود لأنها بس قالت له انا بودي المويه عنك ... كانت تبي تسوي فيه خير بس هو مدري وش صار له االله يهديه وانا الصراحه مارضيت يستقوي على العنود الغاليه بنت الغالي ... -(فيصل ابتسم بسخريه في قلبه بس ساكت لأنه مايبي يكبر السالفه ... -(الجد :- صج انك واحد مو صاحي .. البنت تبي تساوي فيك خير وانت ترد لها جذي .. صدق لي قالو .. عيال الشوارع ماينعمل فيهم خير لأنهم يظلون عيال شوارع ... ويالله قم طس عن ويهي أحسن ماأغلط عليك أكثر ... (فيصل وقف وهو يقول بقلبه ... ماشالله وانت ماقصرت بالاهانات .. وش تبي تغلط اكثر ... حسبي الله عليكم من عايله متخلفه ومريضه ... مدري وش اللي مصبرني عندكم للحين ... ولله اللي صبرني المسكن بس ولا انتم .. ماتسوون تفلـ###.... طلع من البيت وكان رايح للبحر ... كعادته اذا طفش وضاق صدره .... رفع الجوال وفكر لو يدق على عبادي ... بس مايدري ليه غير رايه ودق على حبيبته البريطانيه الغنييييييه ... لما سكر منها بعد ماقال لها انها تجيه بالمكان الفلاني ... رفضت وأصرت عليه انه يجيها وراح تكون السهره امتع في قصر ابوها وامها لحالهم .. ماعنده مانع لأنه يبي يغير جو الكآبه بأي شي وهو عارف ماراح يغير هالجو الا البنات وخاصتا جوانا البريطانيه ... بالنسبــه له البنات هم اهم شي عنده .... في اليوم الثاني ..... بقصر جوانا .... فيصل قام وهو يحس راسه يعوووورررررره ... التفت يمينه ويساره ولقى نفسه بغرفة جوانا على الكنبه ... وكاسات الوسكي عالأرض ... واضح انها كانت سهرره طوييله مع جوانا بس المشكله انه مايتذكر منها الا القليل .. ولا همه اصلا انه يتذكر وش صار ... راح يغسل وجهه بحمامها في الغرفه .... التفت ولقى على المغاسل صوره له صغيره وكانت هي واقفه جمبه وتبوسه على خده ... تذكر هالصوره اللي كانو مصورينها مع بعض تقريبا من سنتين .. كان شكله غير .. شعره محلقه عالخفيف ومخفف عوارضه كلها .. ... رفع الصوره وهو يتأملها كيف شكله مبسووووط رغم انه يتذكر لما صورو هالصوره كان توه متهاوش مع جده ... نفس هاللحظه ... فيصل يقدر يخدع اللي قدامه بحالته ... فكر انه فعلا لازم ينسى همومه مع جده وأهله كلهم وينبسط ... طلع من قسم دورات المياه (الله يكرمكم ) وهو ماسك الصوره ... ثم حطها على طاوله بالغرفه ... لأنه مستغرب من وضع المكان اللي كانت حاطه هالصوره فيه .. عاد مالقت الا المغاسل !!!! لبس الملابس اللي عطته الخدامه له ... واللي موصيتها جوانا من الليله ... لبسها ثم راح يقول للخدامه تصحي جوانا ...وهو بيروح للجامعه ... لما ركب السياره ركبت معه جوانا استغرب منها كيف هي سريعه ..!!! راحو للجامعه مع بعض ... وهو كان يمشي مع جوانا ويسولفون ويظحكوون وكانهم عشاااق مبسووطييين ... طاحت عينه على هذيك البنت نفسها اللي شافها بدورات المياه (الله يكرمكم )... ماقدر يشيل عيونه عنها .. وظل يطالع حركاتها .... نروح لــــ ( وتين ) اللي جالس يراقبها فيصل ... كانت لاهيه وهي تكتب بالدفتر .. وكأنها متوتره ومستععجله .... لما خلصت وقفت بسرعه وماحست الا وهي صادمه بشخص وطاحت أغراضها بالارض ... (فيصل يوم شاف موقفها مع ذاك الشاب مايدري ليش تحرك وكانه يبي يروح لها ويجمع لها اغراضها ... بس وقف لما شاف نفس الشخص اللي صدمت فيه جالس يساعدها ... -مشكور أخوي ... وسوري ماشفتك بس كنت مستعيله .. -(بابتسامه:- لا ولو شدعوى المفروض انا اللي أتأسف ... -ؤكي عيل انا بروح الحين عن اذنك .. -اذنج معج ... (جوانا استغربت من نظرات فيصل اللي مو معها وهي من اليوم وتسولف بس لاحظت انه مو وياها وشكله متحممممس مع غيرها .. التفتت تطالع الجهه اللي يطالع فيها بس مالقت غير مجموعة شباب جالسين ويسولفون ... فيصل لف عنها وراح بدون ولا كلمه وهو باله مع الموقف اللي شافه تو .. حس انها كانت لطيييفه مع ذاك الولد بعكسه هو كيف كانت جااافه معه ... وبقلبه يقول : أيه شي طبيعي بما اني داش عليهم لا واطق بابها ..!!! يوووه شفيني انا اطلع لها اعذار .. ومن تكون عشان افكر فيها .... """"""""""""""""""""""""""""""""""""""" (نارآ جالسه مع صاحباتها بأسياب المبنى .. جالسه وهي مشتغله أكل بأظافرها ... وتناظر اللي رايح واللي جاي ومو لم الشله تبعها ابدا ... مر ذاك الولد اللي دوم يطالعها بدون ماتحس .... جلس قدامها في السيب ... فصخ قبعته وطلع كتابه ثم جلس يقراه وبين لحظه ولحظه كان يسرق نظره للنارا .. اللي ماكانت منتبهه له للحين رغم انه قدامها ... الشاب اسمه .... يزيد .... رفع راسه وعلق نظراته عليها ... نارا التفتت عليه مستغربه من نظراته ..!! ... نارا ماشالت عينها لأنها تبي تعرف وش نهاية هالنظره اللي ماستحى على وجهه وبعد عيونه ... ملت من سالفته ثم وخرت عيونها منه ... -(قالت للبنات :- بنات انا رايحه اشتري لي مويه من تيي وياي ..؟؟؟ (ماكان فيه احد لمها لانهم كلهم منسجمين بالسوالف ... مشت بكل برود ... لما شرت من الكافاتيريا ... لفت بتطلع بس لقت يزيد بوجهها ..!! ابتسم لها وهو يقول :- خذي حقج ... (ناظرت يده ولقت مبرد ... خذته منه بهدوء ثم مشت بطريقها التفتت وراها تناظره بس تفاجئت انه مو موجود .. مسرع ماأختفى ... لفت وجهها الا وتلاقي هيفا مرتزه وراها وهي مبتسمه ... انهبلت منها كيف طلعت فجأه وهي كانت مستغربه من اسلوب ذاك الشاب .. -ويعيه هبلتييني !!! من وين طلعتي انتي ..؟؟ -لا لله منو اللي وعدني اني الروح للفيصل وأعطيه البوك ..؟؟ -يوووه وانتي للحين على هالسالفه ... هذا اللي انتي حريصه فيه .... خلاص امشي وياي ندوره .... -(طلعت من هيفا صرخه بسيطه من الونااااسه ... الفتت عليها نارا بسخريه ثم كملو طريقهم ... """"""""""""""""""""""""""""""""""" ( ليان جالسه على كرسي بالحديقه وهي تعد فلوسها اللي معها ... صقر وقف قدامها وسحب الفلوس منها ... رفعت راسها بروعه على فلوسها اللي بالويل تجيبها .. مو رايقه تنسرق منها ... ابتسم لها بخبث وهو يقول :- ممكن تيين وياي شوي ..!!؟؟ (نزلت راسها بدون ماترد عليه ... -استأذنت منج بالأول لا تحديني اقولج تعالي وياي غصبن عليج ... تعااالي ولا انسي فلوسج هذي اللي بقطها بالزباله ... (وقفت بستسلام وهي منزله راسها .... مد يده ورفع خصله من وجهها وقرب عند اذنها وهو يقول بحقاره :- صايره جذااابه بدون نظارات ..!! -(رفعت راسها بخوف وهي تقول :- شقصدك ؟؟ (مسك يدها وسحبها بهدوء وهو رايح يدخل المبنى ... نزلو للصاله كبيره ......... كانت خاااليه من أي شخص ... الفت عليها وهو يقول :- -شفتي هاي الدراهم حقتج ..!!! -............................. -طيب لا تردين بس سمعيني عدل وفكري زييين للمصلحتج ... هاي الدراهم بعطيج بدالها اضعااااف اضعاااااااااااافها .... وبعيشج بأحلى عيشه بين هالدراهم ... (ناظرته بتعجب ..!!! -(ابتسم بوقاحه وهو يكمل :- بس مافي شي بدون مقابل .... اليوم الليله ابيج تيين عندي ..!!؟؟ -(بلعت ريقها بخوف وهي تقول بصعوبه :- شقصدك ..!! -لا لا لاااااا ... مافقنا على جذي ... لا لا تفهميني غلط ياحلوه ... أنا اقصد اننا نجرب نكون اصدقاء .. بدل الكره اللي عايشين فيه انا وانتي ... -قصدك انت ... انا ماكره أحد .... -ومنو قال جاني اكرهج ...(ثم ناظرها بشمئزاز وهي كانت منزله راسها ماتشوفه :- بلعكس انا نفسي اعرفج عدل ... يمكن تغيرين نظرتي فيج ... -بس .... -لا بس ولا شي ... انا اقول لج ابي نتعرف على بعض عدل وانتي تبين ترفضين عموما انا ماراح اسمحلج ترفضين ولا صدقيني براويج شي ماشفتيه اكثر من التفاهات اللي اساويها فيج ... خلاص انا برسل لج سايق ييبج من بيتج ... بس عطيني الوصف ... -لا ماله داعي تييب حد ... لاني مابي اروح عندك ... -راح اعتبر نفسي ماسمعت وبتيين غصبن عليج ... (لفت عنه بتروح بس مسكها مع يدها بقوه وهو يقول بنظره تهديد ولهجه تحذير :- انتبهي لا تلعبين بذيلج .. صدقيني مو لصالحج يا... (ثم قال بحتقار :- ياحلوه ... (طلع كرتمن جيبه ثم فتح يدها وحط هالكرت بيدها الصغيره وهو يقول :- هذا عنواني ... تعالي عندي الساعه 8 تماما ... ابيج تيين على نفس الوقت وياويلج لو تتأخرين ... صدقيني مو لصالحج لو تتأخرين او ماتيين .... (سحبت يدها بخووووف ثم راحت تركض بعيد عنه وهو يراقبها بابتسامة خبث ... """""""""""""""""""""""""""""""""""" تولين جالسه مع ميثا وجواهر وهم يسولفون ... تولين وهي داااخله جو سوالف معهم ... طبعا جالسين عند باب القاعه ينتظرون الدكتور يجي عشان يدخلون .... طلال وقف عندهم ثم قال :- يالله جدامي ... (رفعت راسها تولين تناظره وهي تحس بقلبها يدق وبقوه .... جوجو وقفت بسرعه وهي تقول :- انشالله ... (ابتسم لها طلال .. وتولين كانت تراقبهم ... حست بغيييره كبييييييييييره وبتموووت منها ... التفت عليها وهو يقول :- وانتي شنو تنطرين .. يعني لازم اعزمج عشان تدشين ..!! (وقفت بتمشي لما عطته نظره حاااده مافهمها ... بس توقع انها نظرة كرره منها له ... ماهمه اذا تكرهه او لا المهم انه يوقفها عند حدها بكل شي .... جلست بآخر القاعه وفي الزاويه ... -(طلال قال بكل بساطه :- تولين تعالي جدام هني ... (كان يأشر على الكرسي اللي قدامه علطول .... -(ودها تقول ابي بس بنفس الوقت مابي ... قررت انها تطنشه وتطلع كتابها ... -(عاد جملته بحده :- تولين تعالي جدام .... (تنهدت ثم قالت بجرأه وغرور :- مرتاحه هني ... -وآنا اقولج تعالي هني ... -وآنا مابي ايي ... هني انا مرتاحه ... (الكرسي اللي اشر عليه طلال كان جالس جمبه سعد ... سعد توتر شوي وهي ينتظرها تجي جمبه رغم انه يفصل بينهم فراغ ... بس يبيها تكون حوله ... -(قالت بعنااااد :- قلت لك مرتاح هانا هني .. ومابي اغير مجاني ... ابدى بشرح لأني ماراح اغيييره ... (عض شفته وكأنه يهدي نفسه ويضبط اعصابه ... راح من صوبها ... وقف عندها ثم شال شنطتها اللي حاطتها على الأرض .... وقال :- لحقيني ... (راقبته لين شافته يحط شنطتها بنفس المكان اللي قال لها تعالي ... تنهدت بقهر .... راحت للكرسي وجلست ... رفعت نظراتها له بس لقته مطنشها وهو يبتدي المحاظره ... التفتت على سعد اللي شال نظراته منها علطول ... ابتسمت بهدوء لأنها شافته وهو يشيل نظراتها بسرعه ... فكرت تقهر طلال .... فتحت بلوتوثها ثم الرسلت للسعد ::: مرحبا ... شحالك ؟؟؟ (لما قراها .. طلعت عيونه من هول الصدمه... تولين المغروره تعطي احد وجه ... الرسل لها بصعوبه عشان طلال ماينتبه له ::: ::: مرحبتين فيج .. بخير انا ... انشالله مرتاحه هني ..!! (ابتسمت ثم بدت تكتب المسج ... طلال انتبه لها .... سكت من شرحه ثم تقدم لها وعلطول سحب منها الجوال ..... قرى اللي كاتبته وهو ..::: :: كيف تبيني الرتاح جدام هالغبـــ..... (ناظرها وهو يقول :- كمليها جدامي ... -انت سحبت من الموبايل يعني ماعاد راح اعيدها ....والحين ممكن تعطيني الجوال ..!! (دخله بجيب جنزه ثم كمل الشرح ... تولين طفففششششت من حالتها معه .... التفتت على سعد اللي عطاها نظره وكأنه يقول ::::: مايخالف اهدي ... (سكتت تولين عشان سعد .... صارت تحس ان سعد قريب منها ومرتاحه له .... يمكن لأنه هو أول شخص مايهين نفسه لها وهي حاسه انه يحبها ... -(طلال حس بنظراتهم بس ماعطى الموضوع اهميه ... التفت على جواهر وقال :- جواهر جاوبي على هالسؤال اللي بالصبوره .... (التفتت تولين غصب عليها تراقب جواهر وش بتسوي .. -(جواهر وهي مرررتبببكككه ... جاوبت بصعوبه وقلبها اللي يدق بسرعه .... لما انتهت قال بابتسامه :- جواب رائع ومفصل للسؤال .... (تولين خذت نفس وهي تهدي الغيره اللي بصدرها .... طلال كان يسأل تولين بس ماكانت منتبهه له لأنها كانت تفكر بحب جوجو للطلال ... -(بصوت حاد :- توليـــــــن .... ماعندج اجابه ؟؟!!! -(انتبهت فجاه وهي تقول:- شنو ماسمعت .. (لما طاحت عينها بعينه .... سرحت فيها ... حست ان روحها تبي هالشخص اللي قدامها ... اول مره تحس بهالشعور .... وأول مره تخاف من مشاعرها هذي .... طق طولتها طلال .. صحت من عالمها وهي سرحااااااااااانه فيه ... وهو حاط يدينه على طاولتها ويناظرها بطفش .... الرتبكت وبقوه للقربه منها .... رجعت على ورى بسرعه بطريقه لاحظها سعد وطلال عليها .. وكأنها خافت فجأه من طلال .... (رفع حواجبه بستغراب من هالبنت اللي عجز يفهمها ... صحيح ان هذي ثاني محاظره لهم بس لحد الحين مافهمها... رجع للورى ثم كمل شرحه وطنش سالفتها .... انتهت المحاظره على حالها .... الكل وقف يطلع وطلال كان يدخل اغراضه بالشنطه العمليه ... قالت بسرعه قبل لا يطلع سعد :- سعد لحظه ممكن تنطرني شوي ... (استغرب حيييل منها بس اكتفى بابتسامه ووقف ينتظرها .. التفتت تولين للطلال وهي تقول :- ابي جوالي ... -(ناظرها بهدوء وهو يقول :- طيب قوليها بأدب .... -(توترت شوي بس حاولت تضبط نفسها عشان ماتضعف مره ثانيه عنده ... (تنهدت ثم قالت :- والحين ممكن تعطيني موبايلي ... -لا ... -(طلعت عيونها من القهر ... سعد ماقدر يتحمل التوتر اللي بينهم ثم طلع برى القاعه عشان ياخذون راحتهم بالكلام لحالهم... -(بعصبيه :- وانا كيف بدق على سايقنا ..؟؟؟ -(طلع جواله لها وهو يقول ببتسامه تحدي بنتصار :- موبايلي بالخدمه تقدرين تدقين منه ... اما موبايلج مريني بكره واعطيج اياه ... -(عقدت حواجبها وهي تقول بقهرررر :-دكتور امي اكيد بتدق واخاف تقلق علي ... -(استانس على ضعفها وتوجهها للأدب ... كمل بلا مبالاه :- خلاص ارد عليها وأقول ان موبايلج وياي .. وبقولها شنو السالفه عشان ماتفهم غلط .... -اصلا ماراح تفهم غلط لأنها واثقه فيني ... وانا تربيتها ,,, -(ضحك عالخفيف وهو يقول :- طيب وانا شنو قلت ..!!!! (حست بقلبها بينقز من مكانه لما سمعت ظحكته الخشنه والأول مره ... -(قالت بسرعه ومن غير شعور :- خلاص ؤكي خله وياك .... (ثم ابتسمت وهي تقول :- بس دير بالك عليه .... يالله عن أذنك .... (لفت عنه وطلعت ... طلال رفع حواجبه بدهشه من حركاتها الغريبه والمفاجأه ... جلس شوي يستوعب اسلوبها المتقلب بس ماستوعب شي ... (( تولين ابتسمت للسعد وهي تقول :- يالله خلنا نروح للكافاتريا ... (ثم تذكرت طلال وهو يقولها كلمي من جوالي ... فكرت انها هي اصلا تبي تعرف رقم جواله ... ثم قالت :- سعد انطرني شوي نسيت شي داخل القاعه ... -ؤكي ... (لما دخلت من الباب بغت تصدم فيه لأنه هو كان عند الباب طالع ... رفعت راسها له ولأول مره تحس انها قصيييره رغم ان طولها عااادي ... عقد حواجبه ثم قال :- شنو غيرتي رايج ... انا قايله تو ... مزاجج متقلب ..!!! -(قالت باحراج :- انت تو قلت دقي من موبايلي.... (ابتسمت وهي تقول :- ممكن اكلم من موبايلك ؟؟!!! -(ظحك مره ثانيه وهو يطلع من جيب جنزه جواله .... تحس انها بتذووووب قدامه على ظحكته وكل شي فيه .... مد لها جواله .... لما خذت الجوال شافت الخلفيه صورته هو مع بنت صغيره مملوووووووووووووحه .. وقفت لحظات تطالع شكله وهو وراه البحر وطالع شكله ساااحر .... طلال لاحظ عليها ثم قال :- قلت لج دقي مو طالعي الصوره ..!!! استحت على وجهها ثم دقت على امها بعد مالقت رد من سايقها .... -الـــــو مامي ... (طلال كان واقف قدامها ... لما سمع كلمة مامي نزل راسه وهو يخفى ابتسامته على هالكلمه .... -مامي انا دقيت على السايق بس مارد ... دقي عليه وخليه ييبني من الجامعه بعد نص ساعه .... لا لا هذا رقم وحده من البنات .... لا مامي بس عشان جوالي انتهى شحنه (هينا رفعت عيونها على طلال اللي كان واقف يطالعها وهو رافع حاجب ويسمع الكذب ... توترت من نظراته الساخره ونزلت راسها وهي تقول ... خلاص ماما حبيبتي لا تنسين.... يالله سي يــآ .... (لما سكرت رفعت راسها عليه وهو لازال على نفس النظرات المحررررجه لها لأنها كذبت قدامه .. خذ الجوال ثم قالت بسرعه وهو لاف بيروح عنها :- دكتور ... (التفت عليها ساكت .... ثم كملت وهي منزله عيونها :- قفل جوالي اخاف امي تدق ... -وتكتشف كذبتج ...!!! فيه بنت تكذب على امها ... بس ودي افهم شي واحد ... ليه ماقلتي رقم واحد مو وحده ..؟؟؟؟ عموما لا عاد تتعودين حركتج بوقت المحاظره .... """""""""""""""""""""""""""""""""""""" -شوفي شوووفي هذاك هو واقف مع رفيجه ... -يوووه منج يالله مثل ماقلت لج .. لا تنسين ..!!! -(بتوتر وتحمممس :- أي أي خلاااص بس اخاف انسى كل شي اذا كلمته .... وااي مو مصدقه .. -لا تخليني الحين اهون واقولج خلاص انا بعطيه ... -لالالا خلاص يالله عطيني البوك ... (لفت هيفا للجهة فيصل .... خذت نفس عممميييييييييييييييييييق وهي مستعده تكلم حب حياتها بالجامعه اللي مايدري عنها .... مشت بخطوات بطيئه ... لما وقفت وراه قالت بصوت تحاول انها توظحه بسبب توترها ,,, -فيـــــــــــــــــصل .... (انتهى الجزء الرابع |
|
#7
06-21-2012, 02:39 PM
| ||
| | ||
|
البــــــــــــــــــآب الثـــــــآني .. الجــــزء الــــأول ..,, -فيـــــــصل .. (قالتها بصوت واطي بسبب خوفهـــآ ... فيصل ماانتبه للهيفا .. وهو يسولف مع عبادي اللي واقف قدامه وشاف هيفا ورى فيصل تناديه ... أشر بعيونه للفيصل على بنت وراه ... التف فيصل للهيـــفا اللي بتمووووووت حيــآ ... فيصل طالعها من فوق للتحت .. وهو مستغرب وش تبي فيه بنت الايمو رغم مطاقات شلتها مع شلته بس مو هو أكيد,,, هيفا ماقدرت تتكلم انربط لسانها .. -(فيصل حب يختصر صمتها وخجلها الواااظح وهو يقول :-نعم بغيتي شي ؟؟ -(بتوتر وخووووف :- آآآآآآ ... آآآ .. للللـ .. لا ... بس انــــآ ... آآآآ ... -(ابتسم فيصل وهو يقول بكل بساطه عشان يريحها من التوتر اللي هي فيه :- انتي شنو ... قولي لا تستحين << طبعا أخنا الفاضل يحسبها بتقول أحبــــكـ من زود الثقه __^ عبادي الدلخ قال وهو يقاله يشجع علاقه ثانيه للفيصل :- عادي تحجي ترى فيصل ماراح يخيب أملج ... اذا تحبينه قولي له !!! -(فيصل ابتسم ورز نفسه شوي .... هيفا اسسسسستحت وتوقعت ان عيونها فظحت حبها للفيصل .. ماتدري ان الثقه عند عبادي وفيصل عااااليه بزيــآده .... بس طاحت وجيههم لما قالت:- آآآآ .. أنــآ حبيت أعطيك بوكك ... -(فيصل عقد حواجبه متعجب وش جاب بوكه معها :- ثانكس بس وين لقيتيه انا من امس الدوره مالقيته .. -(بلعت ريقها بتوتر وهي تستعد للكذبتهم السودآ ... آآآآ .... لقيته مع واحد .... -(لازال مو فاهم شي :- ممكن توظحين اكثر .... شوف انـــآ مقدر اقولك منو بس فيه واحد هني بالجامعه لقيت وياه بذاك اليوم بوك ... فتشه ثم رماه .. انا حسبالي نساه .. لما لحقته بعطيه اياه ... ماعاد لقيته ... بس استغربت لما لقيت البوك فيه صورتك والبطاقات بأسمك..؟؟!!! وحبيت اوصلها لك بنفسي ... و .... و بس ... -(فتح البوك بس ماقى فلوسه ..!!!! رفع راسه عليها وهو يقول بارتباك :- دراهمي وينها !!! -مادري يمكن مع الشاب اللي لقيته ..؟؟؟ -ومنو هذا الحرامي !!!! -مممم ماأدري بس اتوقع اسمه مشاري الـ ......... بس الله يعافيك لا تقوله اني انا اللي قلت لك عنه .... أخاف يدخلني بمشاكل مابيها تحصل ,,, وانا حبيت اساوي معروف لا اكثر ولا اقل ... -صج مشكوره ... ماقلتيلي شسمج !!!! <<عدم بالأسلوب الاخ ... -(ماتوقعت هالسؤال منه بس قالت بتوتر :- اسمي هـ ... هيفـــــآ .... -(ابتسم لها وقال :- طيب ياهيفا شكرا ... بس ماأخبي عليج ... انا استغربت شنو تبي مني وحده مثلج !!! -(عقدت حواجبها ثم قالت :- مافهمت ؟؟؟ -(كمل وبدون تفكير :- اقصد لأن شكلج جذي مثل هذولي اللي يتسمون .. آآآآآ .. شنو ياربي ... (يحاول يتذكر وهو يطقطق بأصابعه ثم اللتفت على عبادي وهو يقول :- شنو يتسمون هذولي ..!!! -(عبادي وده ينحاش من هالموقف الغبي اللي كالعاده يطيح فيها مع فيصل عديم الاسلوب ورغم ذالك مغزلجي !!! فيصل خلاص يالله نمشي ... -لا لا صح تذكرت ... الايمون .. صح جذي ... -(هيفا ماقدرت تستحمل فضحكت .... فيصل التفت عليها ثم ابتسم وهو يقول :- اعجبتك !!! << لااا كفايه تميلح ... (عبادي غطى وجهه من الكلام الغبي اللي يسمعه من فيصل ... مد يده وسحب فيصل بقوه ... فيصل التفت عليه وهو يقول :- ياحمار ليش سحبتني ماتشوفني قاعد اشبك ويى البنيه !!! ياخي ليش انت غيور .. -ؤما غيور .. احمد ربك اني سحبتك قبل لا تنحاش منك البنيه ... وبدل ماتشبك للمليون روح خلنا ندور على اللي سرق منك دراهمك وخله يرجعه لك ... -أي ولله ياخي نسيته .. بس مدري ليه خقيت مع ذيك السودا ..!! -(بصدمه :- سودا !!! وش سودا ذي .. منهي وينها !!! -أي اقصد ذيك بنت الايمون ... -هههه قصدك الايمو ...... وانت اصلا متى ماقد خقيت على بنت .. امش بس امش .. """"""""""""""""""""""""""""""""""""""""" تولين جالسه مع سعد وهم ساكتين ... تولين طفشت من الوضع ثم قالت :- ؤف انت جذي ساكت دايما ..!! -(طاح وجهه :- لا بس مدري ...!!! -(رفعت حاجبها وهي تقول :- طيب انا بطلع يالله اشوفك على خير .... -(وقف بسرعه وهو يقول :- وين ..!!! خلاص ايلسي بروح اييب شي ناكله !!! -(ابتسمت ابتسامه تسكيته بسرعه اختفت له :- نو تــنــكــيــو <<لزوم الرقه والنعومه نص الحروف تنشفط وتنقلب...خاصتا التـــآء بدل الثــآء __^ -ؤكيه على راحتج ... الله وياج .... (لما راحت للبوابه صادفت جوجو اللي تناديها من بعيد وهي مرررره مستانسه ... -توتيييي توتييي .. -(التفتت تولين على جوجو بستغراب من فرحة جوجو بس جوجو ماعطتها فرصه وظمتها بقوووووه وهي تقول بحمااااس وفررررحه وحب مو طبيعي :- احبه ياناس احبه اموووت فيه .... توتي احبه ولله احبه ... -(بلعت ريقها بصعوبها ثم قالت بصعوبه :- طـــ .. طلال !!؟؟؟ -أي طلال ومنو غيره الدكتور طلاااااال ... تخيلي وش صار تو ... شي مو طبيعي ... (تولين سحبت نفسها من جوجو وهي تقول بضبط اعصاب :- شصار .؟؟!! -تخيلي وانا كنت ويى الدكتوره جينفر اتحجى عن المحاظره اللي عطتنا اياها بذاك اليوم ... انها تسامحني يوم ماحظرت المحاظره كانت رافضه ...وتقول لا تحاولين .... مر عندنا طلال بص وقف وقعد يسمعنا وهو جالس على مكتبه وانا عند مكتبها قال وهو مبتسم لي :- دكتور جينفر بليز سامحيها هالمره عشان خاطري ... هههه طبعا بالاتقلش يكلمها .. المهم بعد اصرار منه لها قالت ؤكيه بس عشان خاطره ... وماحذفتلي الدرجه ... التفت عليه وبتسمت ... بس يوم ييت اطلع ناداني وقال ... ترى بس هالمره بفزع وياج لأني ارعفج بنت كفو .. واكيد دامج بنت عمي هههه ... ياربيه بغيت الذووووب ساعتها عنده .... ثم قال لي بعد جذي يالله الله يوفقج .. بس تدرين شنو أحسن شي صار لنا ... اني درستج... احس اني عرفت بنت عمي الكفو __^ ... وبعدها انا بغيت اموت من الوناسه وهذاني جدامج بموووت من الفرحه ... يارب يبادلني المشاعر .. يارب يارب ... يييييييييه مره مره فرحانه ... وأكيد انتي فرحانه لي .... (تولين ساكته وهي حاسه ان الدنيا قدامها ظلمت .... تحس بنار جواتها تشتعل بشكل مو طبيعي ... ودها تبكي ودها تروح وتصارخ بوجه الدكتور طلال ... ودها تفرح لجوجو بس ماتقدر .... هي عارفه ومتأكده انها تحب حبيب رفيجتها الروح بالروح ... ابتسمت رغم ان الابتسامه المصطنعه ماطلعت ... لفت عن جوجو وراحت تركب مع سايقها .. جوجو استغربت من حركة تولين بس مافكرت كثير لأن طلال شاغل لها باااالها ... """""""""""""""""""""""""""""" -(فيصل لما سأل عن مشاري اخيرا لقاه جالس مع ثلاث شبان ... التفت على عبادي وهو يقول :- ولله لو تنحاش مثل عادتك ياويلك ياعبود ... خلك معاي مابيه يقول شوفو ربيعه هده لحاله ... ؤكيه .. -(بتردد :- ؤكي ... -(لما وقف عند مشاري قال فيصل بصوت حاد :- انت مشاري !!! -(ناظره مشاري باستغراب ثم قال :- أي نعم ... !!! -(مد يده وهو يقول :- عطني دراهمي ... واذا تبي دراهم اسرق من غيري .. لاني موب يالس على كنز الصرف عليك ... انا مثلك بالويل الاقي الدراهم ... بس موب سروقي مثلك !!! والحين يالله اشوف عطنيه قبل لا اتفاهم معك بطريقتي الثانيه !!! -(معقد حواجبه :- أي دراهم ... شتقول انت !!! بعدين خير انشالله ياي تهددني ..!! -بتعطيني دراهمي ولا كيف !!! -أي دراهـــــــم ... انا ماخذت منك ولا فلس ... وأصلا من متى اعرفك عشان اسرق منك دراهم ... -شوف حبيبي اذا انت متوقع انك بتلف وتدور علي وتقول انك بريئ صدقني قاعد تظيع وقتك عطني الدراهم احسن لي واحسن لك ... -مامعي شي ويالله تلايط عن ويهي .. صج ناس غريبين ... (لف عنه بس فيصل مسكه مع كتفه وقال بجديه :- بتعطيني دراهمي ولا اطلعها منك بالغصب !!!! (مسك يد فيصل وبعدها بالقوه ... وهو يقول :- اعلا مابخيلك ركبه ... -طيب طيييب ... (مسكه مع بلوزته وشدها بقوه وهو يمشي به لين طلعو من المبنى للحديقه .. مشاري تنرفز من هالحركه وكأنه بزر عند فيصل يجره مثل كذا ... مسك يده بقوه ودزها .... -بعد ايدك زييين ... -يالله بتطلعها ولا شلون !!!! (بهاللحظه جو اخوياهم ... ونارا وهيفا ولميا واقفين من بعيد ويطالعونهم ... نارا مستانسه للدرجه مو طبيعيه ... (بين الشباب اشتد النقاش الى هواش بصوت عالي ... فيصل ماقدر يتحمل وسحب من مشاري شنطته وكب كل اللي جواها وجلس يدور بوك مشاري مشاري عصب ... وبشكل سريع رجف برجله على جمب فيصل اللي تألم بسرعه مسك جمبه وهو يتألم ويتحمل الالام القويه ... مشاري مالقى يظرب فيصل الا مع هالمكان الحساس بالنسبه للفيصل ... بسبب .................................................. . بعدين نعرف شنو السبب اللي خلى فيصل يتألم للهدرجه بجمبه ... شلة فيصل عصبو من مشاري ومن اخوياه الثلاثه فهاجموهم بسرعه ... اما عبادي ركض عند فيصل وهو يقوله بخوف :- فيصل انت بخير !!! -(يتألم بشكل مو طبيعي :- اااااه اااااااخخخ ... (ماسك جمبه بقووه ويتألم ..... مرت وتين من عندهم وشافت فيصل يتألم وهو جالس ومتكوم على نفسه ... استغربت وش صاير بين الشباب اللي يتطاقون بشكل قوي .... فيصل رفع عيونه وشاف وتين واقفه تطالعه من بعيد وهي ماسكه شنطتها وبيدها كتاب .... حس ان الالم راح شوي شوي .... علقت عيونه بوتين .... وتين الرتبكت من نظراته لفت عنه وراحت خارج الجامعه ... وقف فيصل ولف على عبادي .... بدون مايحس ... شد مشاري من شعرها ودفه على الارض وبدى يرجفه على بطنه مثل ماسوا فيه قبل شوي ... (بهاللحظه جى استاذ لهم وهو يمسك الكل ويقولهم يتوجهون قدامه ... (بالغرفــــــه ... الاستاذ طارق بعصبيه كبيره :- فيصل لين متى !!!! المره اللي طافت عديتها لك وكنت متمشكل ويى صقر والحين مع مشاري .؟؟؟ والكلام للجميع ... -(مشاري بسرعه الرتباك:- بس ياستاذ فيصل هو اللي بادي .... يتهمني اني سارق منه دراهمه وانا اصلا ماعرفه ؟؟ -مابي أي اعذار من البدايه تقدرون تحلونها بنقاش بسيط مو جذي كل الجامعه اجتمعت عليكم وانتم تطاقون.. شنو هالمهزله اللي تصير بجامعتنا ..!!!! شي موب طبيعي .... عموما انا راح اتصل على اهل فيصل ومشاري خاصتا والباقي لي تصرف ثاني وياهم ... ولله صج عالم غريب .. بدل ماتفاكون بينهم رحتو وانظميتو لهم بالطقاق ..؟؟!!! (فيصل تنهد بطفش وقهر لأن عايلته اكيد اكيد راح تكبر المشكله ... وبيبهذلونه ويذلونه بالسالفه لين مايموت ... """"""""""""""""""""""""""""" الســـــــــــــــــــــــــاعه 5 العصر ... ليان جالسه على كرسي بالمحل وهي تنتظر زباين ... وعمها ماكان موجود .... ماحست الا باللي واقف فوق راسها وهي كانت منننسجمه تذاكر كتابها ... رفعت راسها ولقت عبدالمحسن واقف وهوو يطالعها ... من الربكه وقفت بسرعه وطاح الكرسي وراها .... عبدالمحسن ابتسم بلطف وهو يقول :- بسم الله عليج شفيج ..؟؟!!!! -هاه آآآآآ ... (نزلت راسها وهي تتمنى لو تنشق الارض وتبلعها من كلمته .... كان مخبي شي ورى ظهره :- اتمنى تعيبج هديتي المتواظعه ... -هديه !!!! (مد لها يده وعطاها علبه مخمليه سودا فيها كرستال مره خيااال ... وهي علبة نظارات ... عرفت ان جواتها نظاره ... فتحتها بهدوء وتوتر .... لقت نظاره مررره انيييقه ... ومو عريضه مثل نظارتها المعتاده ... مستطيل سخييف وصغير ... محدد باءايطار لونه ابيض على شيفون شوي .... والقزازه كانها مو موجوده من اصالتها ... وفيها كرستاله على جمب وحده شفافه .. ابتسمت بلطف وهي تقول بخجلها :- ليش كلفت على نفسك ... -انتي تستاهلين اكثر ... بس سوري اتمنى لو اقدر احتفظ بنظارتج هذيك ... اذا ممكن طبعا .. -(تنهدت بصعوبه من انفاسها اللي انحبست من الحيــــآ .... -طيب خلاص اتلايط يعني !!! -لا الشدعوا .... تفضل بييب لك كوب شاي .... -لا شكرا بس اتغشمر وياج __^ ... -......................... -(تقدم لها بكم خطوه بسيطه وهو يسحب النظاره من العلبه ويلبسها اياه بكل هدوء وبابتسامه حلوه ... ليان ماقدرت تتحمل الوضع اكثر من كذا .... لفت عنه وشالت الكرسي تعدله ... عبدالمحسن لاحظ الحيا بوجهها الاحممممرررر ... مابغى يحرجها اكثر ... لف وهو بيطلع .... بس التفت عليها وقال بتردد :- آآآآآآ .... حبيت اعزمج انتي وعمي وزوجته على العشـــآ الليله ... بالبوفيه اللي يمنا ... (طبعا ليان الشي الوحيد اللي ماتعرفه ان عبدالمحسن غني جدا جدا جدا واخوه هو صقر ... لأن عبدالمحسن ماوظح انه غني يبي يكون من طبقتهم بس قدامهم عشان يرتاحون معه ويكون قريب منهم اكثر ولا يحسسهم انه الرفع منهم .... ولا هو يقدر يدير مليون مستشفى الرقى من هذا بفلوسه وشهاداته .... -(تلعثمت شوي وهي تتذكر سالفة صقر .... فكرت انها اصلا ماراح تروح للصقر .. وخليها تبتعد من هالحاره احتياطا اذا جى يدورها ... وهذا احسن حل لو توافق وتروح معه ...وبما انها بترو حمو معه لحالهم .... فقالت اخيرا .. -ؤكيه .. بس اخاف عمي مايبي يروح .؟؟ -(ابتسم عالخفيف لأنه ماتوقع انها راح توافق :- شكرا ... على الساعه 7 شرايج ؟؟وعمج اكيد بيوافق عاد هو من زمان وده يطلع ويى زوجته ... وأكيد لو بيدي جان قلتلج انتي وأمج بس أدري كيف هي تعبانه ... -(بسرعه وانفعال :- أي مضبوط .. (استغرب من حماسها الغريب ... بس بنفس الوقت الرتاح من ردة فعلها ... لما طلع ... جلست على الكرسي تحاول تاخذ نفس عميق من التوتر اللي غطى جسمها كله .... ابتسمت فرحانه على اللي صار بينها وبين الدكتور تو .... فسخت النظارات وظلت تطالعها بابتسامه لطيفه .. ناظرت ساعة يدها ولقتها على خمس ونص ... بعد ساعه ونص بتكون مع الدكتور على عشاء بسيط ببوفية حارتهم ... وساعتين ونص على الموعد القذر للصقر .... |
|
#8
06-22-2012, 06:15 PM
| ||
| | ||
|
(بعيــــــــــــــــــــــــــــــــــــــــــــــ ــــــــد عن شوارع دبي الرائعه .... وبعيـــــــد عن خليجنــــآ ... وبعيد عن اسيا بكبرها ... شخص يتسكـــــع بين حواري لندن الجميلـــــــــــــه .... وهو يحمل شنطة رجال الاعمــــآل .... ببدلته الرسميه .... ينتقل من شركه الى شركه اكبر ... مقامه عالي بين رجال الاعمال الكبار .... رفع جواله ودق على ابوه بالسعــــوديه ... -(بلهفه :- هلا يبه ... انا بندر .. -(بثقل وخشونه :- هلا ولله بولدي ... وشلونك وكيف شغلك معاك ؟؟؟ -بخير الحمد الله ... وكل شي تمام ومثل ماتبي .... -طيب ماقالو لك متى بترجع .!! -لا ولله يبه بس أكيد قريب ... تعرف انا ماقصرت معهم بكل شي ... وشغلنا هينا بلندن ماشي ... مابقى لي غير الرجع للرياض بالسلامه ... بس متى ماأدري ولله ... -(بابتسامه كلها فخر بولده بندر :- كل زاويه بالبيت اشتاقتلك ياولدي ... -(ابتسم بحماس وهو يتمنى يرجع للرياض بسرعه عند ابوه ... وهو مارجع للرياض من بعد ماتوفت امه قبل سنتين .... كيف لما جى كان كل شي كئيب بالبيت أو بالاصح القصر الكبير والعملاق .... والثراء الواظح من المظهر والداخل ... بس كل هالثراء مجرد بعد مايتوفى الأب محمد ..... يورثه ولده الوحيد بندر بما ان اخوه بدر توفي من سنوات وهو الوريث الوحيد بأسم العائله ... بس محد يدري ان فيه ورثاء غير بندر ... وهم ابناء بدر ... ومحد يدري غير الجد ... محمد ... بس لا يمكن يكشف عن هالسر دامه معارض عليه من البدايه ... """""""""""""""""""""""""""""""""""""" فيصل منسدح على الكنبه بغرفة عبادي ... -(عبادي :- اقول فصول ... - همم .. -الحين بتقعد جذي بعيد عن اهلك .!! -يعني شتبيني اساوي ..؟؟الرد لهم وأقول انا اسف لاني غلطان !! وأنا ماساويت شي ..!! بس اصلا كلها كم يوم وراد لهم ... واللي مايبيني مايقدر يتكلم .. البيت بيتي ... واذا أي احد عنده اعتراض يروح للمجان اللي خذوني منه ويقولون لهم ليش خذوني ... بما انهم مايبوني ببيتهم !!! جان تركوني .. محد غصبهم يتبنوني .. يتحملون ماياهم ... وقسم بالله العلي العضيم هذي عنود بتتسطر لوتقعد تستبيخ مره ثانيه عندي .. مسويه نظرات ومادري شنو ؟؟ ؤف جد نشبه هالبنيه ... -ليش تقول عنها جذي .. هذا يزاها لانها تحبك .. طيب وش ذنبها هي ..!! -عبود شرايك تخلي عواطفك لك .. مابيها موليه ... وسكر على السالفه .. -(سكت عبادي شوي رغم ان فيصل قسى عليه شوي .. بس مايقدر يزعل من فيصل ... ابتسم ابتسامته المرحه وهو يقول :- طيب انتش فيك ذالايــــآم صاير تسرح كثير ..؟؟ لا يكون جوانا وقعتك بشبـــآك حبها هههه .. -ؤما جوانا .. ياعمي روووح .. عاد هذي اخر وحده افكر فيها بالحب .. بعدين أي حب واي خرابيط .. انتش فيك سوالفك اليوم كلها مادري من وين يايبها .؟؟؟ -لا عاد صج شفيك .؟؟؟ -قلتلك مافيني شي .... (علق نظراته للعبادي شوي ... ولقاه بجد كسر بخاطره لانه يعرف ان عبادي من النوع الحساااااااس .. من اقل الامور ... ابتسم ثم قال :- ؤكي بقولك بس هاه .. بيننا ؤكيه ..!! -(بحماس دلخ :- ؤكيشناااات ... افا عليك منو متى انا فضيحه ..؟؟ -أي لا كلش نسينا اخر مره ..!! ولا أذكرك ؟؟ -يووووه وانت للحين مانسيت الموضوع ..؟؟؟ ياخي جم مره قلتلك انها كانت زلة لسان .... -اخاف بعد هذي تصير زلة لسان ..!!! -(حز بخاطره شوي ثم قال :- خلاص ترى انت موب مضطر تقول لي ..؟ مايحتاي ... -يووهووووووه عبووود ... اسمع بس اسمع .. ترى كنت اتغشمر وياك .. شفيك زعول بسرعه !! ياخي السالفه ومافيها عن بنيه .. ماأدري شفيني عليها .. صاير افكر فيها طول الوقت ... ماادري شنو ياني .. من يوم شفتها ... اول مره احس اني ابي شخص من قلبي ... بس هي واظح عليها ماتبيني .. بسبب اول موقف لنا كان غبي شوي .. -شاهوووووه عيل صرت تحب ... -ومنو قالك اني احبها !! يعني لاني قلت لك اني افكر فيها وابيها قلت احبها ..!! شدراك يمكن تكون نزوه .. -تسمع بالنزوه انت ولا تدري شنو ... لا ياحبيبي هذا حب يتسمى .. -لا تكفى يالمثقف بالفلسفه العاطفيه .. عبوود عاد بلا استهبال .. انت من صجك تقول اني احبها !! -أي وبعدين بتتذكر كلامي .. بس منو هاي سعيدة الحظ او بنفس الوقت تعيييسة الحظ بما انها سرقت قلب واحد نسونــجي ... (فيصل مسك المخده .. وعلى وجه عبادي بقوه ... جلس يظحك عبادي على شكل فيصل اللي واظح عليه عصب من كلمة نسونجي ... -اقول عبيد بدل مانت قاعد تسب فيني قوم ييب لي ماي ولا خذلي طريج الروح اييب لي ماي ... عطشااان .. -(بمزح :- عطشت عيل من يبنا طريا الحب ..!! (عض لسانه بخفيف ثم قام وهو يقول بصوت عالي شوي :- عبيد انا الراويك .. هاي اخر مره ايي للبيتكم ... -هههههههه اصلا انت دوم تقول جذي وتيي ... -مشكلتي ذالاهل ولا جان ماطبيت بيتكم وانت فيه ... (طلع فيصل وهو يمشي نازل تحت ... نسى ان البيت موب بيته وان فيه خوات عبيد ... لما دخل المطبخ ... أخذ له كاس وصب له من الجيكه ... سمع صوت نفس بين هالهدوء ... لف وراه يطالع ... ولقاها اخت عبادي واقفه بالزاويه وهي ماسكه صحن ومتوتره ... فيصل مانتبه لها من البدايه ان فيه احد بالمطبخ ... دخل وماحس بوجودها ... علق نظراته شوي عليها .... ماقدر يوخرها عنها ... ماتوقع بيوم ان عند عبادي اخت حلوه جذي ..!! لاحظ نفسه وكيف هو يخون رفيجه من وراه وهو ماشال عينه عن اخته ... بهاللحظه علطول وخر عينه فيصل وهو يقول .. -اسف صج اسف .. ماحسيت بوجودج ... (أخت عبادي أكتفت بصمتها ثم طلعت.. حاسه بقلبها بيطلع من مكانه ... من سنوات وهي تطل على فيصل من الشباك لما يجيهم مع عبادي ... تحس باعجاب كبيير له وماتدري اذا هو حب او لا ... بس الاكيــــد انه اعجاب بوسامته لا غير لانها اصلا ماتعرفه غير من بعيد تشوفه ... اما فيصل واقف متنح ... ويدور الشبه بين عبادي واخته .... لانه شك انه البنت موب اختهم ... وش جاب القرد للغزال <<قاللها بصوت واطي ... -منو القرد ومنو الغزال !!!! (التفت بسرعه من الروعه ... وتلعثم لما شاف عبادي وراه ... لف بعيونه يدور على اخته لا يكون شافهم .. بس اشوا مو موجوده انشالله مايكون شافنا ... -(بتلعثم ويبتسم :- ههه لا آآآآآ بس ذكرت اهلي وسوالفهم ... -طيب هذا وقت اهلك .. امش يالله بس نروح نشوف لنا فلم .... """"""""""""""""""""""""""" تولين منسدحه وهي تفكر بالدكتور طلال .... تذكرت شكلها لما بغت تصدم فيه عند الباب ... تذكرت كيف شكله وهو واقف عند البحر ... بس تعكر مزاجها لما تذكرت سالفته مع جوجو ... قامت وهي رايحه للصوب مكتبها ... فتحت دفتر صغير .. وبدت تكتب مايلـــــي .. رأيتــــــه ولا أعلــــم مالذي حصل لي .... شعرت بقلبـــي يهتف لي .... ويردد .... مالذي احببني فيه .. رغم قساوته لي ... من أول يوم ... جعلني أفكـــــر به طوال الوقت ... ولكـــــــــن ماذا عن .. جـــــــــوجـــــــــو .... ماذا عن حبها له منذ الطفوله ... مالذي جعلني اتجاهل هذا ... رغم معرفتي بحبها له الجنوني .... مــــآذا افعـــل ... فأنـــآ لا استطيع ان اتجاهــــــل حبي له ... لا أعلــــــم مالذي سأفعله .... أمــــآ حاليـــآ فأنـــآ متأكده بأنني ... أحبـــــــــــــــــــــــــــــــــــــــكـ يـــا .. طـــــــــلال .... أحبكـ وليس بيدي حيله ....[/ سكرت الدفتر وهي تحس بقلبها تعلا دقاته ... فجـــأه تذكرت رقمه بجوال امها ... نقزت من غير شعور وهي تركض بالدرج وتطمر كل درجه منه ... امها تحت بالصاله رفعت راسها بستغراب وهي تقول :- شفيج بالسم الله عليج .... شنوهالركض ذا كله ؟؟... لا عاد اشوفج تركضين جذي بسم الله ... (نقزت تولين عندها وهي تقول بين انفاسها المقطوعه :- يـــ ... مامـــا وين جـ ... جـ ... جوالتج ..!! -هو ليه ... شتبين منه .. وين موبايلج !!! -يوووه مامي بسرعه وينه .. -وه بسم الله علي شوفيه على الكامادينه بغرفتي ... -يووووه فوق ... ليش تهدينه فوق .. اذا حد دق عليج كيف بيلاقونج ؟؟؟ -وانتي شخصتج ... قومي بس قومي فقعتي لي طبلتي من لسانج ... لسانج هاللي يبيله قص شوي ... الشارع ســـمــعــ .... (بس ماحست بنفسها الا وهي لحالها ... -بسم الله الرحمن الرحيم شفيها هالمطفوقه ..!!! لا اليوم موب طبيعيه هالبنيه ..!! الله يهبطها بسمه بس ... (تولين وهي تدور بين الارقام على اخر متصل ... لقته واحد بدون اسم وهو اكيد رقم الدكتور طلال ... ابتسمت بفررررحه كبييره تحسها بجواتها ... خذت الجوال وبســــرعه ... دخلت غرفتها وهي تفكر ... تدق او ماتدق !!! قلبها يزداد نبضاته ..اكثـــــــــــر وأكثر ... نست ظيقتها اللي تو وماتحس غير بالحماس والخوووووف بقلبها .... -(بصوت واطي بينها وبين نفسها :- ياربي احبه بس خايفه ادق عليه ... بعدين شنو بقول ..!! اصلا لو يعرف انه انا ماراح يهدني بحالي بكره ... يمكن يحتقرني .... او يحس اني بنت ماتربت ... يوووه شنوه الوساوس ... بدق لو اسمع صوته شوي .. (بصعوبه منها ضغطت اتصال ... رن المره الاولى ثم الثــــانيه بدون رد ... لكـــــــــــن مع الرنه الثالثـــــــه ... -(بصوت خشن زياده عن الطبيعه :- الــــــــــو ... (تولين .... نو كوميـــــــــــــنت ... يدها صارت ترجف لحالها .... لسانها انربط ... -(كرر :- الــــــــــــــــــو .... منو معاي !!! -................................... -اذا ماراح تتحجى .. رجـــآء المره اليايه لا عاد تدق وتزعجنا .. (طـــــــــــوط طوط طــــوط .... (طلال جالــــــس بكافي مع اخوياه ... ناظر الرقم بس استغرب لما لقاه بالجهات الصادره في الاتصال عنده !!! تذكر تولين ... وهذا هو رقم امها ... -طلول شفيك قاعد احاجيك منو وياك تو !!! -(طلال رفع راسه وفوقه الف علامة كوسشين .... موب قادر يفهم تولين ابدا ... هالبنت بجد غريبه حركاااتها ... -لا واحد غلطان ... (من جهه ثانيه عند تولين .... نزلت الجوال ويدينها تررررررررررجف بشكل مو طبيعي وأطرافها باااااااارده ومخدرررره ... انسدحت على السرير وخبت وجهها بيدينها ... تحس قلبها بينقز من مكانه بقوة الدقات ... (بتفكيرها ::: ياربيييه موب معقوله انا للهدرجه احبه ... ليش ياربيه طلال بالذات احبه وامووووت فيه ياربي وش اللي صارلي الحين ... ليش كل جسمي يرجف ... للهدرجه حبه بقلبي كبير وانا ماحسيت فيه ... بمجرد صوته صار لي كل هذا !!! عيل بعدين وش بيصير فيني ... يارب انك تدلني على الطريق الصحيح ... انا مابي اخون صداقتي مع جوجو ... اغلى وحده بحياتي من بعد امي ... رفيجة الطفوله مو معقوله اخونها جذي ... يوووه تولين شفيج ... اصلا طلال مايحبج وواظح انه يحب جوجو .. يعني انتي ماسويتي شي غلط ... ؤف ياربي الأحسن اخلي كل شي مع الأيـــآم وأشوف شنو تالية هالحب الغبي .... رغم اني احس بالسعاده لاني سمعت صوته .... حبه بقلبي احسه الروع حب حسيت فيه ... بس خايفه خايفه من حبي له الغلط اكيد ... """""""""""""""""""""""""""" ليان تناظر ساعتها .... الحين الساعه 7 ... وهي بالمحل ... قالت بصوت عالي ... عمووووو وينك يالله بيينا الدكتور عبدالمحسن الحين ... -(طلع عمها وعمتها ... ظحكت على اشكالهم .... العم لابس ثوب مصفررررر بس نااااااشف وشكل مكبوب عليه النشا كله وصاير خشبه من صلابته والغتره لافها بشكل يظحححححكـ .... اما عمتها لابسه العبايه الكبييره عليها ومتبرقعه بالبرقع القديم باللون الذهبي ... ونص خشتها طالعه من تحت .. كتمت ضحكتها وتقدمت لهم وهي تعدل عمامة عمها .. -شفيج يابنتي هديها انا توني معدلها ... -ههه ياعمي طريقتك موب صح ... طالعه غريبه شوي (وبقلبها تقول.. طالعه تظحك ..) لما عدلتها قالت :- ؤكي جذي عدل .... لفت بتروح للعمتها وبتعطيها العصاه الا ودخل عليهم عبدالمحسن .... التفتت ليان عليه بس علطول نزلت راسها ... عبدالمحسن كان يطالعها ومبتسم لانها لابسه النظارات اللي عطاها اياه بدل نظاراتها القديمه ... طالع شكلها كيوووت .... -يامرحبا ولله بولدي ... هاه يالله نمشي ... انا ريولي انكسرت من كثر الوقفه وعيوزتي اكيد تعبت .. صح يا شمى !! -(شمى:- يالله بس عن الهذره وخلونا نمشي قبل لا اهون ... -لا عاد اذا هونت عيوزتي انا اهون ... (ليان وعبدالمحسن كاتمين ضحكتهم .. -(عبدالمحسن اختصر الموضوع :- طيب يالله مشينا .. (بالبوفيه الصغيره واللي على قد حالها ... ليان جالسه جمب عمتها وقدامهم العم وعبدالحسن ... عبدالمحسن كل دقيقه وثانيه يسرق نضره لليان .. وهي طول الوقت منزله راسها .. -(العم:- اقول ياولدي الحين انا ماقد شفت اهلك !! -(بابتسامه :- ياعمي انا يتيم ... بس عندي اخو اصغر مني ... (ليان علطول رفعت راسها لأنها اول مره تعرف انه يتيم ... التفت عليها بس العم ماعطاهم مجال يطولون بالنظرات لما قال :- الله يرحمهم ويسكنهم فسيح جناته .. هم السابقون ونحن الاحقون ياولدي ... العمه:-بس وين اخوك !!! -دايم مع ربعه ... وبيتنا بعيد من هني .. عشان جذي ماتشوفونه .. -العم :- طيب اطلبولنا بس .. اني حدي يوعان ... -(ضحك عبدالمحسن :- انشالله عمي ... هاه اخترتو انتو من المنيوم .. (كل الثلاثه تنحو بكلمة المنيوم ... العم والعمه وليان كمان ... -العمه :- هو شنو منيومه ياولدي ... وش هالحجي ..!! -العم :- هذي اكله شفيج انتي ماتعرفين شي .. عيورز ماعليج شرهه ... صح يابنتي ليان .. -(ليان اختبصت ماتدري وش تقول .. وبنفس الوقت ماتبي تكون عند عبدالمحسن ماتعرف شي .. فقررت تقول :- ههه أي ياعمتي هذي اكله شفيج !!! ... (عبدالمحسن عض شفته السفلى مايبي يضحك ويفشلهم ... خاصتا ليان اللي واضح انها تبي تكون فهيمه ... مايلومها لأنها عايشه بهالحاره ومع عجوز وبين فقراء ... بس الموقف ضحكه ... -العمه :- هو صح ياولدي !!! منموم مدري وش اسمه هو أكل ... -العم :- أي تبيننا نطلب منه ... -العمه :- خلاص اذا بتطلبه اطلبه ... -ليان :- بس أخاف المنيوم يكون حالي عليج وانتي ماتتحملين الحالي ... (ثم التفتت على عبدالمحسن اللي كاتم ضحكته طول الوقت :- هو حالي يادكتور ... -(طالعها عبدالمحسن ومرفع حواجبه ثم قال :- شدعوا دكتور !!! مابيننا رسميات ؟؟ اما المنيوم لا موب حالي .. (ماكان وده يقولها وش معنى المنيوم عشان مايفشلها ويطبح وجهها عنده ... فضل انه يسلك عالموضوع ولا انه يحطها بموقف اكيد راح يطيح وجهها منه ... -العم :- خلاص عيل خلونا نطلب منموم .. (فكر شنو يطلب ثم قام عنهم عشان يطلب بعيد عن مسامعهم ... ليان خذت نفس لما قام من الطاوله لأنها كانت تحس انها حابسه انفاسها بسبب قربه منها ... وصلت الساعه ثمان ... وهم يسولفون وأغلب سوالفهم .. عبدالمحسن كان حابس ضحكته على العم والعمه .. اما ليان غالبية الوقت ساكته وان تكلمت تقول أي او لا .. او أي كلمه وحده ... -(عبدالمحسن :- ليان ممكن الملح اللي عندج .. -اكيد.. (لما مدت له الملح ... تلامست أطراف اصابعه بكفه ... أهتز الملح بيدها وطاح على الأكل ... عبدلمحسن حس بتوترها ... بس حب يلطف الجو وابتسم لها وهو يقول :- ماقلتي لي ليان ... اخبارج ويى الجامعه !!! -(بصوت واطي جدا :- بخير .. -(ماسمعها وش قالت بس ماحب يحرجها وقال :- انتي ماقلتي لي بأي جامعه .. (طبعا العم والعمه يسولفون مع بعض ومو لم ليان والدكتور ابدا ... -آآآ .. الجامعه الامريكيه ... -(ابتسم علطول وهو يقول :- تدرين عاد اخوي بعد يدرس فيها .. ولله صدف حلوه .. -(استغربت شوي ثم قالت :- أخوك يعني بنفس جامعتي .. -(بابتسامه :- أي ليه مستغربه ... عادي هالصدف تصير .. بس هذي احلى صدفه .. علشان أوصي اخوي عليج ... وتكونون ربع بعد ... -آهــآ .. -(دنق راسه شوي يطل بوجهها اللي طول الوقت منزلته :- آهــآ شنو !! (رفعت راسها ماتدري انه يطالعها وكانت مبتسمه ... بس الرررتبببكت لما طاحت عينها بعينه ... عبدالمحسن ... أول مره يلاحظ جمالها ... ماقدر يوخر عيونه عنها ... وكأنه جالس يحفظ تقاسيم وجهها العجيبه .... أول مره يلاحظ لون عيونها من خلف النظارت ... مايدري ليه فكر بسرعه وتظايق لما حس ان ممكن هالبنت تكون من أصل غير عربي ... من جمالها الغير عربي ابدا ... لا لون شعر ولا لون عيون ولا لون بشره ... ولا حتى تقاسيم الوجه .. جمـــآل العرب يختلف عن جمـــآل الغرب ... مايدري ليش ضاق صدره من اصلها الغير معروف .. يؤ معقوله انا صرت افكر فيها من ناحيه جديه !!!!!! (ليان توترت من نظراتهم ... وخرت عيونها وهي تتمنى لو تقوم وتطلع من عندهم .... أحسن لها من هالموقف .... (صقر رفع عيونه على الساعه وصارت تسع ... يحس بقلبه يحتررررق .... -(بصوت بينه وبين نفسه :- ولله لا أوريج اشغل كيف ياليان ... جذي تعاندين ... طيب ... ماراح اعديها لج موليه ... بس صبري علي ... ؤففففففففففـ شنوه الملل .... احسن شي ادق على عبدالمحسن وأشوف اذا يقدر يي ونطلع ... (دق على اخوه ... من جهه ثانيه .... عبدالمحسن سارح بوجه ليان الجميل ... وهي تضحك على سوالف عمها وعمتها .... يذوووووب لما تضحك ... بس قطع عليه هالحظات الحلوه صوت جواله .. التفتت عليه ليان وهي تناظره لما رد :- الو هلا أخوي ... شعندك داق !!! انشاالله خير !! -أي خير بس بغيت ادورك وسأل اذا انت فاضي نطلع نتكشى !! -(رفع عيونه على ليان وهو يقول :- لا انا مشغول الحين ... طيب أطلع ويى ربعك شفيك يالس بالبيت لحالك .. -طفششششششان حييييل .... طيب انت وين وأيي عندك .. -(سكت شوي وهو يطالع ليان .. ثم قال :- لا مايحتاي تيي لأني بكون مشغول بالمستشفى ... خلاص نعوضها بعدين ... -(بضيقه :- خلاص عيل مع السلامه .. (بهاللحظه العم قال لليان :- يابنتي عطيني الماي .. -(ليان بضحكه :- ههههههه عمو خلص الماي كله منك .. شربته انت كله وماهديت لنا شوي !! -(صقر على السماعه وكان يسمع هالصوت اللي موب غريب عليه ... استغرب من اخوه كيف يقوله انه بالمستشفى وهالصوت والكلام غير ... بس تنبه انو اكيد مرضاه من الجنسين كلهم ... سكر من أخوه والصوت يتردد بباله وكانه يحاول يتذكر وين سمع هالصوت ... (انتهــــــــــــت الليـــله ... وكانت بالنسبه لليان وعبدالمحسن جميله ورائعه .... لما دخلو بيتهم العم والعمه ... ليان لفت بتروح للبتها وهي خايفه على امها لأنها تأخرت عليها ... -(عبدالمحسن :- ليان .. (التفتت عليه وهي ساكته بس مسنعجله تبي ترجع وتطمن على امها ... -شـ ... شكرا على هاالطلعه الحلوه ... -العفو ... (سكتو للحظات .. وعبدالمحسن يفكر بأي شي يقوله لأنه مايبيها تروح عنه .. يبي يجيب أي سالفه .. بس الظاهر ان السوالف تبخرت قدامها ... -(ابتسمت ثم قالت :- طيب عن اذنك ... -بوصلج .. -لا شكر البيت قريب مو بعيد ... -لا انا مصر اني اوصلج .. ابي اتطمن أكثر ... (استحت من كلامه بس أكتفت بصمتها .. مشوا مع بعض وهم ساكتين .... -(عبدالمحسن مايدري ليش قال :- ليان انتي ماتدرين أي شي عن اهلج !! -(عقدت حواجبها :- قصدك امي !! -لا لا اقصد أهلج الصجيين ... -(تضايقت من كلامه بس حاولت ماتبين له :- لاء .. -(رغم محاولتها انها تكون عاديه لاحظ تظايقها ثم قال بسرعه :- انا اسف ... ماكان قصدي أتطفل او افتح مثل جذي مواضيع ... -لا عادي ... -لا صج انا اسف .. صج اسف .. -(ابتسمت :- لا عادي .. ولله عادي .. -طيب .. آآآآ ... انتي مالج معارف موليه !!! -أي بس امي واخواني ... -اخوانج !!! اول مره ادري ان لج اخوان !! (سكتت لأنها تكره شي اسمه اخوانها ... وصلو البيت ولما جت بتدخل التفتت عليه وهي تقول : -شكرا على كل شي .. على الهديه وعلى العشا وعلى انك وصلتني للحد البيت ... -(سرح بعيونها وهو يقول :- هذا ولا شي عند مقامج بالنسبه لي ... (خجلت من كلامه وعلطول لفت ودخلت البيت ... قلبها يدق بقوه .. وهي تحس انها مسسستاااانسه ... الدكتور ابتسم لما شاف كيف هي استحت بسرعه وهذي طبيعتها علطول تستحي وهو يعرفها عدل ... ليان طلت على امها ولقتها نايمه ... الرتاحت لما شافت الادويه عندها يعني اكيد كل شي كان جاهز عندها ... والأكل بالحافظه عندها ... شالتها ودخلت المطبخ وهي كله تفكر بعبدالمحسن ... لما انتهت من تغسيل الصحون ... انسدحت بتنام وهي تفكر بعبدالمحسن ... بس تعكر مزاجها علطول لما دخل بأفكارها صقر ... """""""""""""""""""""""""""""""""""" (باليوم التالــــــــــــــــــــــــــــــي ... بالصبـــآح .. بين زوايــآ الجامعـــه الكبيـــــــــــــره ... نــــآرا كانت تمشي وهي رايحه للصوب جلسة شلتها بالحديقه ... طلع بوجهها نفس هذاك الشخص اللي يتابعها بكل مكان ... أعترض طريقها ولا بعد عنها .... استغربت من حركته .. بس حاولت انها ماتعيره انتباهها .. لفت من الجهه الثانيه بتروح بس كمان ماتركهها ولف قدامها ... وعلى هالحاله لين ماطفشت وقالت :- -نعم خير شتبي انت واقف جدامي وماتهدني امشي بحالي !!! (ساكت وهو يطالعها ... استغربت من الغريييب ... تقدمت من عنده وحاولت تبعده من كتفه بس ماوخر ... لين هينا ووصلت معها ... -يوووه انت وخر ولا ولله لا أيمع عليك الجامعه كلها ... -هـــآجر ... أي نعم هاجر .... -(عقدت حواجبها ثم قالت :- شنو !!!!! -أخيرا لقيتتج ... كنت عارف انج ماراح تهديني ... (الف كويسشن فوق راسها مافهمت حاجه منه ... بس تفاجئت لما اختفى من قدامها ... تلفتت تدوره بس ماحصلته ... هذا بجد مريض ولا مينون ... كملت طريقها وهي تسمع بنتين جمبها يقولون للبعض :- -انتي صج مينونه ... الكل يتحجى عن هالولد اليديد ... اقولج من يى والكل يحجي عنه لا من شباب ولا من بنات ... -قهر ماشفته !!! بأي مستوى ؟؟ -بمستوى رابع ... يقولون ياي هني بواسطه ... -واااو شوقتيني اشوفه ... بس شسمه ... -مادري ولله عاد مول لهدرجه علطول بعرف شنو اسمه ... (نارا حقرتهم هم وسوالفهم ... هذي سوالف هالبنات .. كله عن الشباب او الملابس ... كملت طريقها لين ماوصلت شلتها ... (استغربت لما شافت حبيب لمياء جالس معها عندهم بس لافين عنهم شوي ... ماتدري ليش دخل افكارها ريان بهاللحظه ... """"""""""""""""""""""""""""" فيصل و عبادي داقين سوالف وضحك على هالصبح .... وتريقه على اللي رايح واللي جاي ... لما وصلو عند شلتهم ومكانهم المعتاد ... عند باب المبنى الكبير من الخارج بالزاويه قريب من الدرج ... فيصل نقزهم لين ماجلس بالزاويه وهو مكانه المعروف عند الشله عبادي جلس جمبه بعد ماضايقو الشله .. -فزاع :- فصول هاه شنو صار عليك ويى اهلك !!! (بهاللحظه طلع من باب المبنى قدامهم علطول تركي وربيعه ... التفت على فيصل وناظره باحتقار وكمل طريقه .. اما فيصل ماعبره وقال للفزاع :- أبد ماصار شي .. مدري عنهم اذا وصلهم خبر الطقاق اللي امس ولا لا ... اترك عنك هالخرابيط وقول لي وياك زقاره ولا ... -لا ياخي انت تبي توهقني .... -ياعميي وسع صدرك وقسم بالله الجامعه خرابيط ... كـــ..... (سكت فجاه لما طاحت عينه على وتين اللي مرت من قدامهم وهي داخله المبنى ... التفتت عليه شوي ثم حولت عيونها على عبادي لين مادخلت ... فيصل عقد حواجبه والتفت علطول على عبادي مستغرب ... شك ان عبادي كان يطالعها بس لما التفت عليه لقاه لاهي بالسوالف مع براهيم ... تنهد وهو منقهر شوي .... ليش شالت عيونها عنه وناظرت عبادي ... لا اكيد صدفه ... ولا شنو تبي من عبادي ... قللت ..!!! ولا آدميه تفكر بعبادي الدلخ عشان هي تيي وتفكر فيه لا مستحيل ... بعدين انا شعلي تفكر فيه ولا لا ... مايخصني انا ... بجيفها تساوي اللي تبيه ... """"""""""""""""""""""""""""""" بالقـــآعه ... عند الباب .. واقف صقر مع رنا وربيعهم ... صقر كان باله مشغول ينتظر ليان لما شاف ليان جايه من بعيد للقاعه .. علطول راح لها ... ليان كانت منزله راسها وهي تمشي بس ماحست بنفسها الا وهي صادمه بصقر ... عورها راسها من الضربه القويه ... رفعت راسها وهي تقول :- ســـــور....... (بس سكتت فجاه لما شافت صقر واقف قدامها وبعيونه نار تشتعل من القهرررر .... -(مسكها بيدها بقوه وجرها بين الطلاب .... لين ماوصل للنفس الصاله اللي سحبها قبل لهناك ... كانت كالعاده خاليه من أي شخص .... لما وقف لف عليها وقال بين اسنانه :- ليش ماييتي امس !!! هاه .. (قلبها يدق بسررررعه وهي خايفه مووت .... بس هالكلمه طلعت منها غصب بسبب خوفها الكبير منه :- اسفــــــــــــــــه ... كلمه مالها موقع ولا لها أي معنى لقولها .... بس الخوف يعمل اكثر من كذا ... (صقر حس انها خايفه وهذا ريحه شوي .. لف بعيونه يمين ويسار ... تطمن انو مافي غيرهم ... مسكها مع فكها بقوه للدرجة انها تألمت من مسكته القويه ... -(وهو يقول بين اسنانه :- انتي حديتيني بعد تطنيشج لي امس اني اقلج اتنازلي عن ماده من موادج ... -(بلعت ريقها بصعوبه ...:- كـ .. كيف .. مافهــ .. مت ... -يعني ابيج بامتحان واحد من المواد ... تحلين بأسمي عالورقه ... انتي تذاكرين عدل وتحلين بالامتحان بعد ماتكتبين اسمي .. وانا بحل لج اللي اقدر عليه وبكتب اسمج ... هالمره ماراح اشاورج .. بتساوين هالحركه غصبن عليج ... لا وتوج ماشفتي شي ياعسل .. هذا ولا شي... -بــــس ... بــ .. -ولا كلمه مابي اسمع ولا كلمة اعتراض منج لأني مابي رايج ... بتساوينه غصبن عليج ولا صدقيني حياتج بتنقلب صج جحيم .... لما تركها ناظرها من فوق لتحت ثم تفل بالأرض عند رجولها وهو يقول :- -مو ناقصني انتي تتفوقين علي ... وبعدها رقى الدرج واختفى عن انظارها ... استسلمت للدموعها ... يعني كيف !! الرسب في ماده بسببه ... علشان حظرته ... جلست على الأرض وهي تبكي من قلبها ... الدكتور طلال كان نازل للصاله ... شاف ليان وهي جالسه تبكي ومغطيه وجهها بين رجولها ... نزل من الدرج بسرعه ... لما وقف قدامها قال :- عفوا أقدر اساعدج ... (بهاللحظه رفعت راسها ليان له ووجهها احمممر وعيونها حمررا ... الدكتور طلال علطول يحسبها تولين بس استغرب انها مو متحجبه وليش جالسه تبكي بهالطريقه ... -تولين شفيج !!! في مشكله اقدر اساعدج فيها ... (ليان ماتدري ليش ناداها تولين بس ماهتمت لأن فكرها كله بصقر الحقير .... هزت راسها بالنفي ثم نزلت راسها وهي تبكي .. الدكتور طلال مايدري وش يقول ... وده يساعدها بس هي ماعطته فرصه يساوي لها شي او يتكلم ... وقف للحظات عندها وأقكاره تروح وترد ... بس بالنهايه قرر انه يهدها براحتها ... بعد ساعتين .... تولين جالسه وحاطه رجل على رجل وهي تفكر بالدكتور طلال ... لف عليها سعد وقال :- تولين وين جوجو ..!! اليوم ماشفتها !! وينها .. -(قالت من طرف خشمها وكأنها مالها خلق تسمع سيرة جوجو :- وانا يايبتها وناسيتها !! شدراني عنها .. (استغرب من اسلوبها .. بس سكت لانها واظح انها موب فاضيه له وهي سرحانه بأفكارها ... بهاللحظه دخل الدكتور طلال .... تعدلت تولين بجلستها وابتسمت شوي ... طلال لما حط اغراضه بالطاوله ... رفع راسه وطاحت أنظاره على تولين ... علقت نظراته عليتها وهو يفكر ... كيف تو تبكي وحالتها صععععبه .. والحين مافيها أي شي ولا كانها بكت قبل شوي ... بعدين فيه شي غريب ... كان وجهها صافي من أي مي كاب .. بعكس الحين فيه مي كاب خفيف صباحي ... متحجبه !!!! شسالفه .... أنا قايله من قبل هالبنت متقللللللبه بشكل غريييب ومحير كثير .... تولين زادت دقات قلبها لما حست ان طلال لحد الحين ماشال عينه عنها ... خافت لو يكون عرف انها هي اللي دقت عليه امس .... ولا ليش يطالعني ... طلال قرر يبتدي المحاظره ويتجاهل موضوع تولين .... تولين كانت طووول الوقت تطالعه ولا شالت عيونها عنه ... مما وتر الدكتور طلال شوي ... وكل شوي يسرق نظره لها اذا هي للحين تطالعه او لا .. بس الظاره مافي فايده البنت تشيل عيونها منه ... حتى وهو يكتب او ينقلهم حاجه ... -طيب الحين ابيكم تنقلون هذي الفقره اللي كتبتها عالسبوره ... الكل بدى يكتبها ماعدا تولين اللي حاطه يدها على خدها ومسرررحه بوجهه ... لين هنا وبس .. وصلت معه من نظراتها الغريبه... -(ناظرها بقل صبر وهو يقول :- وانتي ماودج تكتبين ولا شلون !!! -(تولين لاحظت على نفسها مما احرجها وضعها معه ... لأنه حتى هو لاحظ عليها ... نزلت راسها بسرعه وهي تدور دفترها بالشنطه .. بس الظاهر انها ماجابته اليوم ... عضت شفتها مقهوره ومتفشله ... طلال كان طول ذاك الوقت وهو يطالعها ينتظر متى تتفضل على نفسها وتكتب ... بس شاف تولين رفعت راسها وهي متفشله .... وزامه شفايفها بدلع وكانها تقول سامحني ... طلال تغيرت ملامحه للسخره على تميلحها قدامه وعلى انها مهمله ... حتى الدفتر ماجابته ... لف على دفتره الكبير وشق صفحه منه ثم مد لها الورقه وهو يقول :- لا تقولين بعد مامعج قلم ... -(تولين ماتدري ليش قالت :- أي مامعي ... (هو معها بس بنفس الوقت تبي تطول السالفه مع طلال حتى لو يكون طيحة وجه لها ... رفع حواجبه مستنكر منها ... تنهد وهو ياخذ يطلع من جيب قميصه قلمه الخاص ... رغم ان عنده اقلام غير هذا ... بس مو فاضي لها يرجع ويدور لها قلم ... وعلطول عطاها هالقلم الخاااص فيه ومهم بالنسبه له ... تولين استغربت كيف انه يعطيها هالقلم الخاص اكيد بما انه دوم يحطه بقميصه ... بس استانست حيل كونها تستخدم غرض من اغراضه الخاصه ... لما انتهت من الكتابه جلست تطالع قلمه بين يديها .. وهي مسرررحه بأفكارها ... والدكتور طلال يشرح الدرس ... لما انتهت المحاظره انتهى الوقت والكل بدى يطلع من القاعه ... طلال لما طلع ... بسرعه من تولين جمعت اغراضها ولحقته ... سعد استغرب من حركاتها الغريبه مع الدكتور طلال وملاحظها زين .... بس مستغرب ليش كل هالحركات الغريييبه ... -دكتور طلال ... (طلال التفت عليها ... -نعم !! -آآآآآآ .... بـ ... بس حبيتا ذكرك بجوالي ... لأني احتاجه ... (كانت تبي تعطيه قلمه بس غيرت رايها بسرعه وتبي تحتفظ به عندها بما انه ناسي موضوع القلم ... -آآه صح موبايلج ... لحقيني للغرفه ... (كان يمشي قدامها وهي وراه ... تناظره من ورى وهي تحس نفسها بتموووت من الوناسه ... وهي تردد بقلبها .... أحـبـــــكـ .. وربي أعشقـــــــــــــكـ ... آآآه ياليت تلتفت وتحس فيني شوي ... لما دخلوا لغرفه اللي هي عباره عن كذا مكتب خاص للدكاتره والاساتذه ... جلس طلال عالكرسي وهو يدور جوالها بالدروج ... لما لقاه التفت عليها ومده له .. لما جت بتاخذ جوالها ... طلال تردد شوي وحطه عالطاوله وهو يقول :- -تولين ابي اسألج كذا سؤال وأبيج تياوبيني بصراحه -(الرتبكت لكلامه المفاجئ لها ... قالت بابتسامه توتر :- تفضل ... -اول شي ابي اسألج عن ليله البارحه ... انتي دقيتي علي صح ..!!! -(حست بألم في بطنها فجاه من كلامه .... قلبها زادت دقاته .. ماتدري وش تقول ...!!!! اذا قالت ايه بيقول وش بغيتي وساعتها راح يطيح وجهها واذا قالت لا بعد بتكون بعينه كذابه لأنها توها تنتبه انها داقه من جوال امها وهي كانت داقه بجواله هالرقم .... عضت شفتها بقهر من غبائها ... -(خذت نفس بسيط وهي تقول :- صج !!! يؤ غريبه ... أي صح يمكن امي هي اللي دقت ... -وتسكــــت !!!!!!!!!؟؟؟؟؟ -هاه آآآآ لا ,,, أي ... ممـ ...مدري عنها ... يمكن استغربت من صوتك وبعدها سكرت ... -بس انا اللي سكرت مو هي او انتي ... -انا !!! منو قالك انا ... لا مو انا ... -صــــج ..واظح من عيونج انج صاجه ... -(تمنت الأرض تنشق وتبلعها ولا انها تنحط بهالموقف بالذات عند طلال ... قررت الصمت الذي لا مفر منه بهالمواقف ... ابتسم ابتسامها فيها نوع من السخريه .... ثم قال :- عموما انا لو كنت دراي انج لعابه جذي كان ماخليتج تدقين من موبايلي .... -صدقني مو انا ... واذا مو مصدقني براحتك .... مامحتاجه اقنعك انه مو انا ... مو انــــآ اللي داقه واذا تبي تصدق فزين على زين واذا مو مصدق براحتك ماقدر اجبرك .... (طلال مقتنع انها كانت هي ... بس ماحب يطول السالفه .... طيب بسألج سؤال ثاني ... اذا ماعندج مانع طبعا ابي اعرف شمشكلتج قبل ساعه او ساعتين !!! -(عقدت حواجبها :- مشكلتي !!!!!! -أي مو كنت .. آآآ .. يعني تبجين و.. ومادري شنو .. فستغربت حالتج ... وحبيت لو اقدم لج أي مساعده .. -ابجــــي !!!!! انـــــــــآ ... -أي انتي ... -أبجي !!! -شفيج ......... تستخفين دمج انتي الحين وياي !!! اعتقد سألتج سؤال ومايحتاي تطولينها وهي قصيره !!! -بس انا مابجيت ولا شي ... -(ضحك بقلبه ثم قال :- الجذب عندج رفيج بالحياه الظاهر ... عموما براحتج اذا ماودج تقولين شفيج ... بس ماشالله متى امداج تحطين الميك اب !!! هه خلاص تقدرين تترخصين الحين ... (تولين ... نو كومينــــت .... مو فاهمه ولا كلمه من اللي قالها .... -دكتور صحيح ان كلامك كله مافهمت منه ولا شي بس برضو راح اقولك اني مابجيت ... -(ضحك غصب عليه لما حس انها تصر عالكذب بكل شي ... هههههههههههه .... خلاص خلاص .. انتي مادقيتي امس علي ولا حتى بجيتي ... تقدرين تروحين الحين ... (طاح وجهها من كلمته الاولى بس الثانيه ماهي فاهمتها ابدا ... سلكت للموضوع ولفت بتطلع ... -(بصوت عالي شوي :- ماودج تاخذين موبايلج !!! (تنهدت بقل صبر من غبائها اللي ماينتهي ابدا ... لفت وخذته وهي مبتسمه تصرف للوضع ... طلال طالعها بس بدون أي ابتسامه وقال :- جوجو اليوم ماشفتها !!! عسى ماشر لا يكون فيها شي ... (انصدمت من كلمته ... جوجو .... من متى الميانه بينهم .. وحتى ولو .. اذا كان ولد عمها المفروض بالجامعه مايدلعها جذي حست بقهرررر في قلبها لأهتمامه لها .... -(قال من طرف خشمها وبدون نفس وهي مقهوره :- وانا وش يدريني عنها ... ليش ماتدق عليها انت ... اذا خايف عليها دق واختصر على خوفك شوي ... (لفت وطلعت وهي ودها تبكي من القهررر .. طلال وصصصلت معه من اسلوبها الوقح معاه ... اسلوبها المتقللللب ... بس طلال مالاحظ انها ماتعصب الا لما يجيب طاري جوجو ... وأكيد ماراح يجي بباله مثل هيك اشياء ... """"""""""""""""""""""""""""""""""""""""""" نارا وهي جالسه مع شلتها الايمو ... سمعتهم وهم يسولفون عن نفس الشاب اللي تكلمو عنه ذوليك البنتين ... -أي أي حتى ربيعه مره يينن ... -تبين الصراحه الثلاثه كلهم مره حلوين ... -بس احلاهم ذاك اللي يشبه الممثل الهندي جون ابراهام ... -أي أي جبتيها ولله مره يشبهه .. بس انا من رايي مو حلو لا هو ولا الممثل هذا .. -حراام عليج مرره كيووت هو وغمازاته ... -لا ماتعيبني حركات الكيوت على الشباب .. (نارا من بعد ماسمعت هالكلام رجعت بها ذاكرتها للورآ من سنين .... كانت منسدحه على بطنها وهي بشقة ريان وتتفرج على مجله من مجلاته ... رغم انها كانت صغيره وعمرها 11 سنه بذاك الوقت الا انه تاركها تتفرج على مجلات اكبر من عمرها ومن عمره بعد مجلات المفروض مايشتريها ابدا .. مجلات خارجه عن الحياء ... نارا طاحت عينها على صوره علقت انظراها عليها للحظات ... ثم قالت بحماس ... -ريان ريان .. شوف هذا الريال يشبه لك مره ... (سحب المجله منها وناظر الصوره اللي قالت عنها ... ضحك وهو يقول لها :- بعد انتي تقولين جذي !!! -ليش فيه احد قالك انك تشبه له ... -ههههه كثييييييييييييير .. -طيب شنو اسمه هالممثل ؟؟؟ -جون ابراهام .. ممثل هندي مادري شنو .. بعدين حبيبتي المفروض تقولين انه هو اللي يشبه لي مو انا اللي اشبه له ... -(ميلت فمها وهي تقول :- مغرووور هههههه ... -(رفع رجوله على الكنبه :- يحق لي حبيبتي ... (صحت من أفكارهــــــآ على صرخه من صاحبتها سمر .. -بنات بنات شوفوه هذا هو .. شوفوه مع الثنين اللي وياه ... لفت بصرهــــــــــــــــآ نارآ على المكان اللي تأشر عليه سمر .... لفت وياليتها مالفت .... حست ان الدنيا فجاه وقفت قدامها واناس اللي حولها اختفو ماعدها هي وهالشخص اللي يمشي بعيد عنها ظحكتــــــه نفسها .... غروره وثقته بنفسه نفسهـــــــآ ... مشيته وهو يدنق راسه شوي نفسهــــــــــــــــا .... بس شكله وطوله تغيرو وصار أكبر وشاب عن لما كان مراهق .... هذا هو حبيب روحها اللي مانسته .... ريــــــــــــــــــــــــــــــآن قدامها من بعد سنين .... من بعد مافقدت الامل انها تشوفه مره ثانيه .... حطت يدها عىل فمها وشهقت بروعه ... وبقلبها تردد ريان هذا هو .. أي نعم ريان ... -(ثم قالت بصوت أعلى شوي سمعوه صاحباتها :- هذا ريان .. أي نعم هذا ريان ... (استغربو صاحباتها منها .. -سمر :- شنو!!!! ريان ... منو ريان !!! (وقفت بسرعه وهي تزاحم الطلاب والطالبات .... لحتى وصلت عنده .. وقفت قدامه وهو وقف لانها وقفت بوجهه ... استغربو الثلاثه من نارا ... -(بصوت مخنـــــــوق ..... ريــــ ... ريـــآن ..!!! (عقد حواجبه وهو يقول :- أي نعم ريان ... بس منو انتي ..!!!!! (سكتت لحظات ثم قالت :- انــــآ ... ماعرفتني !!!!!! -(عقد حواجبه وهو يطالعها من فوق لتحت بنظرات فيها نوع من الاحتقار .. لاء ومن سعادة حظي اني ماعرفكـ (بأصبع واحد منه وخرها من قدامه وكأنه قرفان من شكلها ... الأيمو ... وش سر كرهه للأيمو !!!! بعدين راح نعرف أكيد ... -براهيم:- شفيك عليها !!! -ليه وانا أعرفها عشان تقول جذي ؟؟ بس شفت شكلها أنت !!! -أي ستايلها الايمو قصدك !! -ياعمي هذولي مو ستايل وبس ... انواع البلاوي من تحت لتحت ... -ماأدري وش تقصد بس اللي اقدر اقوله الله لا يلومك اصلا من يبغى ذالأشكال المقززه بهالدنيا .... -دحوم:- ييونك صابغين نص شعرهم أسود والنص الثاني بنفسجي ... اما البنات فوشي خربان هههه ... -براهيم :- لا وبعد الزيدك من الشعر بيت .... عندهم مسابقات وتحدي من أكثر تخريم حلق بكل مجان بجسمهم ... عسى الله لا يبلانا -دحوم :- ولون الأسود شوي ويعبدونه الظاهر ... -براهيم :- لا شكلهم من العصر الحجري مايعرفون الا الون الأسود بس ياليت يحلولون عالأبيض شوي ... عليهم أشكال تييب لك المرض والحاله النفسيه والعقد كلها تنتقل منهم لك .... -(بقل صبر من ريان :- ؤفففف ممكن تسكرون هالسيره .... -دحوم :- الا صج ريان لي شانت تكره الايمو .. هو شف انت ماتنلام بس عاد مو لدرجة حركاتك معهم وكانهم ذابحين أحد من أهلك ... (لف عليه بعصبيه لكنه ظابطها بهدوء :- شرايك تسكت أحسن ... (دحوم وبرهوم استغربو من ردة فعله العصبيه شوي .. بس سكتو لأن ثلاثتهم الصحاب وغالين على بعض الثلاثه ... من جهــــــه أخرى عند نارا .... واقفه للحين بمكانها ومصدومه من آخر كلام قاله لها وكيف كانت نظراته لها ولما دفها بشمئزاز وكانها جرثومه قدامه .... هيفا ولمياء لما جوهها مستغربين ... -هيفا :- نارا شسالفه ... -لمياء :- وش قلتي له وشنو قالك .. انتي تعرفينه !!! (ساكته ونظراتها على نفس المكان قدامها بس لا شيئ محدد تطالعه لأن افكارها كلها تروح وتجي بسرعه ومصدوووووومه .... هذي ردة فعله بعد كل هالسنين !!!! ليش وكيف معقوله ماعرفني ... انا تغيرت أي اكيد ماعرفني .... لأني ماكنت ايمو لما كان وياي ... بس لما راح صرت من اليمو أي اكيد ماعرفني .... لفت وهي تركض بسرعه تدوره ومصررره انها تذكره فيها حتى لو ماعرفها من اول نظره عادي بتعذره لأنها تحبه بكل هالسنين من كانت صغيره ... (ريان واقف مع برهوم ودحوم .... بالحديقه .... بسرعه راحت عنده وهي تقول :- -ريان هذا انا .... انا ... نارا .. ماعرفتني ؟؟؟ أكيد تذكرني موب معقوله بتنساني بهالسهوله ... (عقد حواجبه وهو يطالعها ثم قال بهدوء :- نارآ !!!!!! ومنو نارا هذي اصلا ؟؟؟ (بلعت ريقها بصعووووووبه ... تحس كل شي قدامها وقف وظلم ومابقى غيرها وياه ... كيف مايعرفها لا مو معقوله ....هو ريان اكيد مو واحد ثاني .. اعرفه اكثر من نفسي .... طيب بذكره اكثر يمكن يذكرني اكيد بيذكرني كان مراهق مو معقوله راح ينسى ... -ريان انا نارا اللي كنت عايش عـ...... -(قاطعها بملل :- ؤفففففففففـ اقول شباب خلونا نمشي ... -دحوم :- ياحلوه روحي دوري حد ثاني تذبين نفسج عليه ... وتمثلين عنده .... (راحو من عندها وهي موب قادره للحين تستوعب أي شي ... نترك نارآ مع صدمتها وأفكارها المشوشه .... ونروح لـ ......"""""""""""""""""""""""""" فيصل دخل بيت اهله .... واليوم هو الويك آند ... استغرب لما شاف اغراضهم قدام الباب !!!! سله فيها اكلات ... وكذا شنطه صغيره ... لما دخل الصاله لقاهم محتاسين ويجمعون اغراضهم ... التفتت عليه منى اخته ..... ابتسمت لما شافته ثم تقدمت له بعربيتها وهي تقول :- تو مانور البيت اخوي ... ليش تسوي فيني جذي ... تروح وتحرمني منك اسبوع !!! تعرف اني مقدر على فراقك اكثر من نص يوم ... (مدت يديها له وهو دنق يضمها قوه بشوق ... -هههه اجل مافي احد يفقدني كل مره الا انتي وهم سبب طردي .. بس تدرين مافي مجان الرد له الا هني يعني غصب علي برد لا تخافين علي ... -وكيف ماتبيني اخاف عليك وانت بسم الله عليك الوسامه كلها فيك -هههههه طيب وشنو خص الوسامه !!!! -اخاف تخطفك بنت .. -ؤما بنت هههههههه ... ماعلينا بس قولي لي وش تسوون انتم الحين .. -يؤ من فرحتي فيك نسيت اقولك اننا بنروح للشاليهات وانا جهزت لك شنطتك عشان تروح ويانا .. -ومنو قال جاني ابي الروح !!!! -مو على كيفك يدي قال لأبوي ولا واحد يتركه بالبيت ... -بس انا حاله ثانيه تلاقينه يبي فراقي .... -ليش تقول هالحجي بالعكس يدي طيب ويبيك تيي مـ .... -(قاطعها :- أي مررره .. ماعلينا بس يالله انا راقي للغرفتي تبين اييب لج شي !!!! -لا مشكور يالغالي بس لا تنسى بعد ساعه ونص بنمشي .... وترى شنطتك ركبوها بالسياره ... -اللي يسمعكم يقول هذولي بيسافرون موب رايحين للشاليه قريب من عندنا !!! -هههه لزوم الحماس حبيبي .... -وش ذالحماس المتعب ياعمه ... يالله ماعلي انا راقي اقيل لي شوي .. ويمكن الحقكم بعدين ويمكن في اليل ... -خلاص اهم شي راحتك دامك بتيي سواء الحين ولا باليل .... ماأمداه يدخل غرفته وينسد حالا وبصفقه على الباب من امه زينب نقز من مكانه مرتاع وش ذالقوه اللي روعته -(زينب بصوت حاد وتهزيئ :- توك تشرف حظرتك.!!! انت ماتدري اني احتيتك ذالايام اللي طافت ..!! روح شف ثلاجتنا فاضيه ... وفستاني ماطلعته من المشغل له يومين منتهي .. وكله بسببك ... (بقلبه بقول :: ووين ولدج تركي المدلع !!!! .. بس مارد عليها فضل انه يسكت ويغطي وجهه بفراشه عشان تنقلع عن وحهه .... انقهرت أكثر وبسرعه منها سحبت الغطاء عن وجهه وهي تقول بصوت عالي عصبي :- هييييه انت شنو تحسب نفسك !! امير ولا شنو عشان تتربع لي بهالسرير وتنام .... ليش عيشناك ويانا عالفاضي ولا شنو !!!! -(ناظرها بطفففففش من كثر ماتقول هالجمله الخيره ... -(حاول يضبط اعصابه وهو يقول بأدب :- شتامريني فيه !!! <~ رغم انه يقولها من ورى قلبه اللي مليان كره وحقد ... -قوم وركب العفش بالسياره وانت اللي بتودينا وبنروح نمر العنود ببيتهم وناخذها ويانا ... وتركي بيينا بالليل .. -(بقلبه ... ؤفففـ عنود مره ثانيه .... :- انشالله ... (لفت وهي تقول :- ناس ماييون الا بالعين الحمرآ .. (رفع حاجب وهي يضحك عليها بقلبه ... نزل تحت وهو يركب الأغراض ... رلما انتهو ركبو السياره ومشو ... ركب الجد قدام جمب فيصل ... اما الوالد ركب ورى مع زوجته .... وبالمرتبه الاخيره منى والعنود .... بالسيـــــآره .... -الجد :- وين طسيت له بالأيام اللي طافت !!!! -(تنهد وكأنه يستعد للمرحله جديده من الاهانات اللي يسكت عنها احترام للجد والأهل كلهم لأنو بالنسبه له هم اللي ربوه قبل لا يروح للدار ويتمرمط ... -كنت عند رفيجي ... -منو هذا رفيجك !!! -عبيد ... -(ابو تركي قال :- يوبه ... -الجد :- نعم ..... -ترى جامعة فيصل داقين ويشتكون حيييل منه ... متطاق مع الشباب كم مره وهم ماستحملو ودقو علينا .... (فيصل حبس انفاسه من التهزيئ اللي بيجيه الحين .... -الجد بعصبيه :- وانت متى بتكبر ويكبر عقلك وياك .... كل يوم مشاكل كل يوم ... وحنا تبنيناك الظاهر عشان تييب لنا ويع الراس .. (العنود تسمع ورى وظااااايق صدرها حيل على فيصل ماتحب تسمع أحد يهزئ حبيب قلبهــــــآ ... فيصل بقلبه .... وانت كل يوم بتذلني على التبني الله لا يعيده من تبني يوم انه انتم ..... -(الجد يكمل :- شوف تركي اخوك كيف عاقل .... انت متى بتتعلم !!! بس انا اعرف شلون اتصرف ... (لحظــــآت الكل ساكت وفيصل مقهووور جوات قلبه بس مايقدر يقول شي من طبعه الاحترام ومو قلة الأدب على أهله او أي أحد ثاني .... لما وصلو الكل نزل بسرعه متحمسيــــــــــن ماعدا منى والعنود ... فيصل بسرعه راح يساعد اخته ويركبها الكرسي ... العنود جت تساعدهم ومسكت يدها الثانيه ... حست نفسها قريبه حيل من فيصل ... رفعت عيونها عليه وتقابلت عيونهم مع بعض .... دق قلبها بسرعه اما فيصل نزل عيونه بسرعه .... لما ركبوها العربيه قال فيصل :- يالله اوديج !! -لا خلاص لا تتعب نفسك انا بروح ... (ثم لفت ومشت بعيد عنهم ... العنود الرتبكت ثم لفت بتروح بس فيصل ناداها وهو يقول :- عنـــــود ... -(لفت عليه بسرعه وكان قلبها بيطلع من قوة الدقات :- لبيــــه ... -آآآآآ .... ممكن تساعديني بحمل الأغراض !!! (استغربت طلبه بس فرحت لأنه اول مره يطلب منها شي .... -(ابتسمت :- أكيد .... وهم يشيلون الأغراض بقى اخر سله .... مدت يدها وهو بنفس الوقت مد يده ... مسكوها سوآ وسحبوها كل واحد من جهته لما رفعو عيونهم على بعض بموقفهم المضحك وكأنهم يتطاقون على السله .... -(ابتسم فيصل ثم ترك السله لها .... ضحكت وهي مو مصدقه انه ابتسم بوجهها .... لما جى بيسكر باب شنطة السياره كانت العنود مارفعت يدها عنه وبكذا تسكر على اصابعها .... بغت تصرخ بس ماقدرت حست انفاسها انقطعت من الألم .... فيصل رفع الباب بسرعه عن يدها وهو يقول بتوتر :- صار لج شي !!! (طالع يدها ولقى كذا اصبع أحمررر ومايل عالأزرق شوي .... مسك يدها بسرعه وهو يضغط عليه ويقول :- يعورج !!!! -(بس ماقدرت تتكلم وعيونها امتلت دموع بس هزت راسها بـ ايه.... الرتاح عالأقل شوي لانه يعورها وهذا يدل على ان اصبعها مافيه كسر ... التفت على البراد المحمول وهو مليان ثلج وفتحه بسرعه .... مسك يدها ودخلها بالبراد .... عضت شفتها من الألم وهي تتحمل الألم اللي صار اقوى مع الثلج .... -تحملي شوي وانشالله بيخف الألم ... هاه والحين شتحسين بيدج !!! -(فتحت فمها بصعوبه وهي تقول :- أحسن بشوي ... (بعد لحظات صمت وألم وتوتر ..... رفع يدها ويطالع اذا هو انتفخ ولا لا .... بس يعني مو لذاك الزود يعني ماسكر الباب بقوه ... -(رفع عيونه لها وهو يقول :- والحين !!! -(حاولت تبتسم وهي تقول بنعومتها المعتاده :- أي الحمدالله احسن بس بشوي ... -طيب انا اسف ماكان قصدي مانتبهت لليدج ... -لا انا اللي ماشلتها من البدايه ... لا تعتذر عادي ... الم وبعد شوي بيخف انشالله ... (لحظات ماشال عينه عنها وهي كمان ..... بس شوي لاحظوا لثنين ان فيصل للحين ماترك يدها ... الرتبك وبسرعه ترك يدها ثم لف عنها وهو يشيل باقي الاغراض ... العنود ... نو كومينت .... اول مره يصير لها موقف حلو مع فيصل رغم هالألم اللي بيدها ... ابتسمت وهي تفكر فيه .... """""""""""""""""""""""""""""""""""""""""""""" من جهه ثانيه .... في منزل جديد وعايله جديده وهم عايلة وتيـــــــن ... وهم عباره عن ... زوجة عمها ... أم أحمد ... وعمها ابو أحمد ... وأحمد اللي عمره 12 سنه ... ومحمد وعمره 9 سنوات .. وحمدان عمره 6 سنوات ... وهي عايشه عندهم لأن ابوها متوفي وأمها متزوجه لبناني في لبنان بعيده عنها .... -ام أحمد بعصبيه كبييييــــــــره :- وتينووووووووووووووووه الله ياخذج يارب ... وألله ياخذ امج اللي ماخذتج وياها وريحتني منج .... تعالي واغسلي الصحون ونظفي الصاله وغرفة العيال .... (تركت كتابها اللي كانت جالسه تذاكره في غرفتها الصغيييره ... لما انتهت بعد تعب من التنظيف جت بتحط آخر صحن بس زلق منها وطاح عالأرض وانكسر ... ماسمعت غير صرخه من مرت عمها :- وتينوووووووووووووووووووووووووووووووووووووووووووووو ووووووووووووهو ويعيه انشالله ,,, الله ياخذج وش كسرتي ... (بسرعه جت ام احمد وشهقت لما شافت صحن صغير مكسور ... شوي وتطلع روحها عشان هالصحن انكسر .. -الله ياخذج كسرتي صحني الله يكسر راسج ... ولله انا اللي بسكر لج راسج .... (شدتها مع شعرها وسحبتها لين السطح ثم دفتها فيه وقفلت الباب عليها تحت هالشمس .... وتين تطق الباب وهي تقول بقهررر :- كل هذا عشان صحن يالمريضه !!!! فتحي البااااااااب .... (ام احمد سمعت كلامها وانقهرررت ... توها مانزلت وعلطول فتحت الباب وهي حدها معصصصبــــه ... سحبت شعرها وبدت تظربها وتين تبكي من حر مافيها وهي تقول :- خلااااص خلاااص فجيييني ... اسفه ماعاد راح اقول شي .. بس فجيني عفيه فجييينيييي ... آآآآآآه .... -(بين انفاسها تعبت من كثر ماظربتها :- من زماان كان يبيلج طق عشان ذاللسان والمهزله هذي والحين ولا كلمه مابي اسمعج تطقين الباب وتقولين فتحو ... ياويييييلج فاهمه !!! وقسم بالله لو تقولين للعمج ولله لا اموتج .. فاهمه !!! -(ماردت عليها لأنها جالسه تبكي من الألم اللي بجسمها ... -(صرخت فيها :- فاهمه !!!!!! -(بخوف :- اي اي فهمت ... """"""""""""""""""""""""""""""""""""" ليان بالمحل وهي حاطه راسها على الطاوله ومغمضه عيونها تفكر بصقر وكيف بترضى انها ترسب في ماده عشان هو ينجح فيها ... رغم ان صقر شاااااااااااطر وهو اشطر واحد بالقاعه بس بعد ليان اكيد .... ليان تفوقت عليه رغم ان ماكان فيه احد يتفوق عليه ... وخذت شهادة تكريم اللي كان يبيها ... خذتها منه وقلبه صار حاقد عليها ... يتمنى يكون مثل اخوه عبدالمحسن .. ناجح بكل شي ومافيه احد احسن منه ... ويكون مهندس كبير مثل اخوه الدكتور له مستشفيات كبيره يديرونها ناس وهو كتفضل على هالفقرىء ومتعلق قلبه فيهم ويساعدهم ببلاش .... كان فيه بزران الحاره الفقراء ... وهم ينادون على ليان .. -ليـــآن قومي يالله شفيج ... -ليوونه قومي نبي نشتري ... يالله بسرعه .. (رفعت راسها وطالعتهم بنظره فيها حزن بس علطول ابتسمت للهالاطفال ... وهي شكثر تموووت على الأطفال .... وخاصتا اطفال حارتها اللي يحبونها وهي تحبهم .... -طيب يالله شنو تبون !!! -انا ابي حلاو -وانا ابي عصير وبطاطس لأختي .. -وانا ابي .... -وانا ابي .... -وانا ابي ... -(ليان مسكت راسها وهي تقول :- خلاص خلااااااص طيب شوي شوي خربطتوني جذي .. واحد واحد يتحجى عشان افهم ... (لما خذو الاغراض قالت ليان :- يالله كل واحد يعطيني حق الأغراض ... (كلهم سكتو وابتسمو ببرائه لأن مامعهم أي شي ... -لا لا مايصير اجل كل واحد يرجع اللي شراه ماأقدر اعطيكم ولله عمو بيذبحني وبيذبحكم ... -(هنا قال الدكتور عبدالمحسن اللي كان موجود ويطالعهم بابتسامه وهم مانتبهو له :- خلاص انا بدفع عنهم ... (اطفال الحاره كلهم يحبون الدكتور حيييييل .... بسرعه راحو يضمووونه وهم يضحكون بفرح ... -طيب ماتبون شي ثاني !!! (العيال والبنات ناظرو بعض وابتسمو بفرحه وعلطول كل واحد اخذ اللي يبيه وأكثر بعد ... ليان انصدمت من العفش اللي خذوه وقالت :- لا خلاص يكفي ... شفيكم جذي تكلفون على الدكتور ترى بزعل منكم ... -عبدالمحسن :- خليهم على راحتهم .. -بس ... -ماعليج منهم وخليهم ياخذون اللي يبونه ... وانا بدفع لج كل حقه ... ماقلتيلي شخبارج !!! -هاه ,,, آآآآآآ ... بخير ... لما انتهو الاطفال دفع عبدالمحسن الدراهم وطلعو فرحانين .... ماايقى غيره مع ليان .... الرتبكت شوي ثم قالت :- بغيت شي !!! -آآآآ ... أي بغيت ايلس وياج شوي اذا موب مشغوله اكيد ؟؟؟ (الرتبكت وهي ماتدري وش تقول ... بس قطع عليهم دخول اخوها يوسف بعصبيييييـــــــــــــــــــــــــــــه .... وقف وهو يطالع الدكتور بعيون حقد ثم قال :- يالوسخه قاعده لحالج مع ريال !!!! وهاده امي لحالها بالبيت ... (التفتو بسرعه عليه وهم مرتاعين من هالصراخ .. ليان بقلبها .. على اساس خايف عليها !!! ولا كله عناد فيني .... بسرعه من يوسف مسك عباية ليان وشدها بقوه وهو يقول :- بسرعه ظفي ويهج للبت ومابي اشوفج بهالمحل مره ثانيه كل يوم مدخلتلي ريال متكيه وياه ... والله وعلم شقاعدين تسوون وتــ .... -(قاطعه الدكتور بعصبيه :- لو سمحت انتبه لحجيك وماله داعي للهالحجي .... وبعدين فجها ولا تسحبها جذي ... (ثم مسك يده وبعد بقوه عن ليان .... يوسف فتح عيونه على اخر شي من القهررررررر اول مره احد يجي يدافع عن ليان عنده ... -خير شنو قلت !!!! ماعاد ناقصني غيرك انتا تعلمني شلون أربي اختي .... -وجذي تربيها ع قولتك !!!! -وانت شنو خصك !!! احسن لك ابعد عني قبل لا اتهور فيك ... -يالله اذا عندك شي ورنا اياه !!! -قاعد تستفزني انتا !!!! -لا بس ابي لحجيك افعال !!!!! (يوسف طبعه اصلا خواف ... لف على ليان وسحبها بقوه وطلع من المحل .. وليان تبكي لأن دموعها سهله بنزول ... الدكتور طلع بسرعه وهو يلحقهم .. ماتحمل يشوف شكل ليان كذا مظلومه وتبكي ... مسك يوسف ودفه بعيد عن ليان ... ليان بسرعه لفت ورى ظهر الدكتور وكأنها خاااايفه وتحمي نفسها بعبدالمحسن من اخوها المتوحش .... يوسف وصلت معه .. -احسن لك وخر عن ويهي ... اختي وانا حر فيها ... اطقها ولا لا !!! -لا موب على كيفك وهالحجي روح قوله للمخفر وشوف شنو بيقولون لك !!!! (اللي بالحاره تجمعو عليهم .. وليان لازالت متمسكه ببالطو عبدالمحسن من ورى وهي خايفه وتبكي ... يوسف انقهر :- طيب انا اراويج اشغل بعدين ياليينوه ... (ثم راح ... ليان مافكت بالطو عبدالمحسن وهي للحين خايفه .... عبدالمحسن يبي يلتفت عليها بس ماقدر لانها ماتمسكه فيه من ورى مسك يدينها ووخرها ثم التفت عليها .... شافها تبكي من قلب ماقدر يتحمل هالدموع قدامه ... مسك يدها ثم دخلها عنده في غرفته بالمستشفى .... ليان مكانت ملاحظه انهم لحالهم لأنها طول الوقت كانت تبكي .... جلسها على الكرسي ثم جلس على رجوله قدامها :- خلاص مسحي دموعج .. وارفعي راسج ... (مسك دقنها ورفعه له .... وده يقولها شكثر تجنن حتى وهي تبكي ... عبدالمحسن عمره ماشاف احد بهالجمال ... (مد يده من غير شعور وكانه مستسلم لجمالها ... فسخ نظارتها ثم مسح دموعها بيده ... حط يدينه على خدودها وهو يقول :- تكفين لا تبجين ... ولله ماتحمل اشوف دموعج .... (من بين انفاسها كانت تشهق من بكيها اللي تو بس الحين ساكته وهي مصدومه من الدكتور بكلامه وحركاته .... مسكت يدينه وبعدتها عنه بسرعه ... لاحظت انهم لحالهم .. بسرعه وقفت ولفت تبي تطلع .. -(مسك يدها وهو يقول :- ليان لا تروحين خليج شوي وياي ... -(ناظرته بخوووووووووووف لأنها صارت تخاف من كل شي بهالدنيا حتى اللي تثق فيهم خلاص ماعاد صارت تأمن لأي احد بهالدنيا من اللي شافته بحياتها ... سحبت يدها بقوه ثم فتحت الباب وطلعت بسرعه .... راحت للمحل وهي حدها خااايفه وترتجف بس ماتدري ليه .... نارآ عند صاحبتها نوف بقصرها في القبو تحت .... مظلم ومافيه غير كذا شمعه .... وللتذكير فقط .. نوف من الايمو وبنفس الوقت تميل للبويه .. شعرها بوي وصابغته اسود تستشوره ستريت وتميله على وجهها .... <<< وكثيـــــــــر من هالنوعيه في واقعنا وبالخليج وخارجها عامتا ... ........ وهي تموووووت على نارا .... بس نارآ ماتعطيها وجه رغم انها عارفه ان نوف تحبها .... نارا منسدحه على الكنبه بهدوء وفكرها كله بريان .... نوف جلست عندها ثم مدت يدها ومسحت على شعر نارا بحنان وهي تقول :- شفيج حبيبي !!! (ماردت عليها او بالأصح مو لمها ابدا ... -نارا .... -(تنهدت نارا ثم قالت :- نعم .... -شفيج !!!! -مافيني شي .... -علي انا !!!!! أنا أكثر وحده تعرفج ..... حبيبي قولي لي اذا فيج شي او أي احد مضايقج بشي قولي لي وانا الراويج فيهم .... ماتحمل اشوفج بهاالحاااااااااله فاهمه شلون ماتحمل .... -(ســـــــــــــــــــــــآكته وهي تفكر بريان ) (نوف استغلت هالفرصه وقربت من نارا اكثر .... نارا ماحست فيها ... بس نوف كل مالها وتقرب أكثر .. نارا بلحظه حست على نوف .... دفتها بقوه وهي تقول ببرود رغم انها المفروض تعصب بس نارا دووومها بااااارده ومافي شي يعصبها .... ومافيه احد قد شافها معععععصبه .... بس مايدرون انها اذا عصبت تنقلب وحشششششششش مو آدميه .... -ؤف نوف جم مره قلت لج لا تساوين هالحركات ولا ماعاد راح اييج .... -بس هذا احلى مجان لمزاااجج.... طيب شكلج اليوم ماعندج نفس لأي شي ... وانا عندي لج حل تطلعين كل الهم اللي بقلبج ... (طالعتها نارا باستغراب .... وقفت نوف وراحت تجيب ابره وحديده حااااده .... جلست عند نارا وهي تقول فتحي لي كتفج ... -(بتأفف :- ؤففففـ نوف مالي خلقج شتبين تساوين ... -برسم لج على كتفج علامة السلام .... -(نارا تحس بعواااار في قلبها .. فكرت ان هذا احسن حل لو تتعور من الحديده وتحفير جلدها يمكن يطلع العوااار اللي بقلبها ... نزلت بلوزتها من عند كتفها وهي تقول :- يالله طلعي كل طاقتج .... (ابتسمت نوف ببتسامه شييينه من شكلها الذاابل وتخريم وجهها بالحلق حتى بلسانها .... وبدت تحفر جلد نارا ويطلع الدم بتقطع .... نارا رغم الألم الا انها تحس بالعوار اللي بقلبها اقوى بكثيييييييييير من التحفير وتشويه على جلدها .... لما انتهو بعد ساعه انسدحت نارا بتعب وهي تحس ان الدنيا تدوووور قدامها من افكارها ومن كتفها اللي متمسح فيه دم من نوف .... مدت يدها نوف ومسحت دم نارا من كتفها ثم مسحته على وجهها وهي تقول :- أحبج ورب الكعبه أحبج ... (بس نارا ماكانت منتبهه لها لأنها نص واعيه من الدوخه اللي براسها ... """"""""""""""""""""""""""""""""""""" تولين قاعده تلبس وتتجهز لأن امها أصرررت عليها تروح معها هي وخالتها للسوق ... لما انتهت نزلت للامها ولقتها جاهزه .. -مامييييي آيــآم فينيـــــش ..... -تحجي عدل ..!! شتقولين انتي ..!!! -ههه مامي انا انتهيييييت يالله خلينا نروح ... -اصبري ننطر خالتج وولد خالتج ييونا .... -(بصدمه :- شنو شنـــــــــــــــــــــــــــــو !!! مايد بيي ويانا .... -بسم الله علي شفيج تخرعتي جذي !!!! -(بدلعها المعروف وهي تقول ملل وطفش :- لاااااااااا وييييييع ماما ليـــــــش ماقلتيلي من البدايه مابي الروح خلاص ... -تولين لا تزعليني منج ... -ماماااا انتي تعرفين شكثر أكره مايدوه ... -يالله عاد بسج حجي ماله داعي ... بتروحين بطيب انشالله .... -أووووف منه هذا بكل مجان الاقيه .!! (بهاللحظه رن الجرس .... غطت وجهها تولين بيدينها وهي تتأفف ... -يالله يالله قومي لبسي عباتج قبل لا نتأخر عليهم ... (لما طلعو لشارع ... مايد كان واقف عند الباب ... سلم على خالته وبعد ماحب راسها التفت على تولين ومد يده بيسلم ... بس تولين لفت له ظهرها وركبت السياره ...... -(خالته :- معليه ياولدي استحملها شوي وبعدين انشالله البنت اللي تبيها هي لك بس تعرفها من كانت صغيره وانا مدلعتها ومأخلي لها أي شي تبيه وماييبه لها ... معليه ياولدي هذي تولين بنيتي وأحبها أكثر من روحي .. ومابي اغصبها على شي هي ماتبيه .. بس شوي شوي اكيد بتقتنع ... -خالتي انتي تدرين اني أحبها وأبيها لي رغم.......(ثم سكت ... ام تولين فهمت قصده انها مالها أصل ... بس ماحبت تجادله بهالكلام لأنها تكره أحد يقول عن بنتها اللي ربتها كذا ... ركبو السياره ثم مشو .... تولين كانت جالسه وراه علطول من سوء حظها .... مايد كل لحظه يسرق نظره عليها .... تولين لاحظت وكانت حيييل متنرفزه من الوضع .. بالســــــــــــــــــــــوق .... كانت الخاله وأم تولين مره منسجمين مع بعض عند الملابس وغيرها .... أما تولين كانت تحاول تدخل معاهم بس ماعطوها وجه .... راحت تفتش بين الملابس ... مايد شافها لحالها وعلطول لقاها فرصه يروح ويحتك شوي لعل وعسى يلين قلبها عليه ... تولين حست بوجوده جمبها وتأففت ... لفت على مكان ثاني بس شوي الا وحسته برضو جمبها ... وصلت معها منه ... لفت عليه وهي تقول من طرف خشمها :- ؤففففف انت ونهايتها وياك لين متى بتقعد تلاحقني بهالمحل !! -لا بس حبيت اقولج شرايج نروح نشرب لنا كافي علبال ماينتهون امهاتنا ... (جت بتعترض بس للسوء حظها سمعوهم خالتها وأمها .. -(خالتها :- ولله خوش راي ... خلاص انتو روحو واحنا اذا انتهينا بندق عليكم ... -(جت بتعترض بس امها كانت اسبق منها :- يالله يالله مشينا نروح للمحل الثاني وانتو روحو وسعو صدوركم ... (لحظات واختفو عنهم ... تولين كانت ساكته وهي تفكر بالوضع اللي هي فيه الحين ... -أحم يالله وين تبيننا نروح ؟؟؟ -(طالعته بطرف عينها ثم لفت عنه وراحت .... ؤففففـ وهذي متى بتهد غرورها .... وهم يمشون مع بعض كان مايد مره متوتر مايدري وش يقول ... -(وأخيرا نطق :- شرايج نروح للكافي هذاك ... -(بدون ماتطالعه :- مالي خلق .... طيب انا عندي راي حلو ... شرايك انت تروح لحالك وانا الروح لحالي .. -لا مستحيل اهدج لحالج ... -ؤففففـ ليش ولي امري وآنا مادري !!!! -لا مو جذي بس خايف عليج ... -الله الله طالعو من اللي يخاف علي !!! ياعمي روووح زين انا مو ياهل عنك تعاملني جذي !! -موب قصدي بس .... -ؤففففـ خلاص خلاص خلنا نروح لذاك الكشك .... (لما راحو له وقفت تولين تطالع الاساور .... وهي بعيده شوي عن مايد ... وكان فيه شاب يتغزل فيها وهو جمبها ... -ياحلوه شرايج انا اختار لج على ذوقي ... وأدفع لج اذا ودج .... (مالتفتت عليه وحقرته ... -لشنو هالتغلي كله ياقمر ... لالا انتي احلى من القمر .... -(لفت عليه وهي تقول :- بشر امك ... (ناظرها بنظره وهو يمثل الاندهاش :- يؤ يؤ انتي امراتيه !!!! -لا افغانيه هاهاهاهااا ... ؤففففـ اللهم طولك ياروح احسن لك طس عن ويهي قبل لا ايمع عليك كل اللي بسوق ... -ؤه ؤه ؤه لهدرجه حاقده علي .....بس تمونيييين لو تسبيني لين بكره تمونين ... فديت هالجمال كله .... انتي متأكده انج بشر مو ملاج !!!!! صـــ ..... (بهاللحظه مايد كان توه ينتبه له .. شبت في قلبه نار غيره ... بسرعه سحب الشاب وعطاه بوكس ماقد استخدم العنف مع احد بس هالمره ماقدر يستحمل .... وبكذا بدى الشجار بينهم بس بسرعه الناس حاولو يفكون بينهم .... وتولين حدها معصصصصصبــــــــــــــه من مايد ... لما فكو بينهم والشاب هذاك راح بالقوه جته تولين وهي تقول بعصبيه :- وانت منو طلب منك مساعده !!!!!! بكل مره عاملي حالك سوبرمان ..... شو شايفني ماعرف الدافع عن نفسي ولا شلون !!!! -بس انا شفته قاعد يتغزل فيج وانتي ساكته .. -ومنو قالك اني كنت ساكته .. بس انت تهجم بأي طريقه وكأنك المحامي لي دوووم .. ؤف مليت من تدخلك فيني بكل حاجه .... انــــ ...... (بهاللحظه حست بكل خليه بجسمها حمدت .... ودمها وقف عن الدوران .... انربط لسانه وعيونها تعلقت في مكان ثاني ... قلبها صار يدق وبقووووووه .... طــــــــــــــــــلال كان واقف هو وواحد ثاني ومعهم ثلاث بنات .... حاولت تناظر عدل منو اللي معاه .... بس كانت صدمتها أكبر لما شافت جوجو واقفه مع البنتين وهم يسولفون ويظحكون .... ومعاهم طلال وشاب ثاني ... كيف وليش وشنو الجديد اللي ماتعرفه بينهم !!!! حست بروحها تبي تطلع من الغيره والقهر ... مايد لاحظ عليها ... التفت يطالع المكان اللي علقت عيونها عليه .. واستغرب انها تطالع هالبنات والشابين !!! -تولين فيج شي !!!! (مانتبهت له بس اللي سوته وبدون شعور هو انها راحت لجوجو واللي معها بسرعه ..... -(حاولت تبتسم وتخفي قهرها وظيقتها وهي تشوفهم مع بعض :- جوجــــــــــــو هذا انتي !!!!!! (التفتو كلهم عليها وجمبها مايد ... -(جوجو بفرحـــــه كبيره :- يااااااااااي توتيييييييييييييـــــــيييييـ .... (وظمتها بفرحه بس لأنهم تقابلو بالصدفه واعجب صدفه بالنسبه لتولين ... (طلال لما طاحت عينه على تولين وشافها كيف معدله مكياجها رغم انه خفيف بس يختلف عن ميك ابها الصباحي ... واستغرب من وجود هالشاب اللي معها .... وبنفس الوقت تنهد بقل صبر من فكرة وجودها ... هو بالويل يستحملها في الجامعه عشان تطلع له بالويك اند .... وبالشوق وهو يتمشى مع ولد عمه وخواته وبنت عمهم جوجو ... وبالأخير تطلع له هذي ...!!!!! (التفتت عليه تولين وقالت بابتسامه وهي ماده يدها له :- مرحبــــآ دكتور طلال .... (طالع يدها الممدوده له وتردد انه يسلم عليها .... بس حب يختصر الوضع ومد يده لها ... تولين حالتها مثل أي وحده تحب وبجنووووون وبعشق وتلامست ايدها بايد حبيب روحها ... والحال لمن جرب هذا الشعور ...!!!!!!.... تولين من غير شعور ماقدرت تفك يد طلال .... طلال حس عليها وسحب يده بقوه غير ملاحظه لغيرهم ... عطاها نظره حاده وكأنه يقول انا الدكتور وانتي طالبه عندي سواء داخل اللجامعه او خارجها لفت تطالع جوجو وكأنها تقول طيب وش معنى جوجو !!!!! بس الدكتور مافهم نظراتها وماهتم بالأصح .... -(ماتدري ليش قالت :- اعرفكم على مايد ولد خاليت وانا وهو مخطوبين لبعض .... (هنـــــــــــــــآ.. كانت الصدمه للكـــــــــــــــل وأولهم مايـــــــــد .. مو مصدق للي سمعه ... الكل انصدم ماعدا الشخص اللي هي اختلقت هالكذبه عشانه بس ماهتم ابدا ابدا ابدا .. وهو اكيد طلال ... -جوجو :- من صجج !!!!! وليش ماقلتي لي !!!! ومنو متى .. صج مايحق لج تنخطبين من وراي وبدون ماتقولي لي ... -(توترت من كذبتها الغبيه واللي ندمممممت عليها ... بس وش تقدر تسوي فات الفوت ... -آآآآ هو مو مخطوبين بس يعني مثل جذي ... ماعلينا وقولي لي شعندج بالسوق !!!! -ولله يايين كلنا مع اهالينا بس انقسمنا لثلاث اقسام .. اليهال والكبار واحنا الشباب ... تولين سحبت جوجو على جمب وقالت بصوت واطي :- طيب ماقلتي لي شنو هالعلاقه المتطوره بينج وبين طلال !!! -(ابتسمت بفرحه كبيره :- مادري يت جذي بالصدفه ... ومافي احد مخطط لها ... بس متغيييير كله يسولف وياي .. احس نفسي بطيير من الفرحه .... (بلعت ريقها بصعووووووبه وقلبها يشب قهرررر وغييييييييررررررررررررره ... حست بصدرها ظاااق حيييل ... التفتت على طلال ولقته داقها سوالف مع مايد ... انقهرت أكثر انه ماأهتم لها .. لا والمصيبه لما قال وهو يطالعها :- عيل خلاص صار مايد رفيجي وانتي طالبتي يعني مايحق لكم ماتدعوننا بزواجكم ... (توليــــــــــــن بقلبها ... لاااااااا لين هنا وكفااااايه ..... -(بدون ماتطالعه قالت لمايد :- مايد يالله خلنا نروح ونتركهم براحتهم .... (وبعدها عطت طلال نظره واظح فيها الحقد والقهرررررررر وبنفس الوقت الحزن اللي غيم على قلبها وعيونها ... طلال رفع حاجب بالستغراااااااااب من نظرتها !!!!!!! حس بفضووووووول انه يعرف وش سر نظراتها وحركاتها الغريييبه والمتقلبه له .... يبي يفهم هي وش سرها معه !!!!! للهدرجه تطرهني عشان اول موقف لنا لما سألتها عن اسمها !!! لا بس هي بعدين ماوظحت لي انها متظايقه من هذا !!!!! هه بعدين انا شفيني افكر بهذي بالذات !!!! اخر همي هي .... ونسى موضوعها بسرعه ... التفت على جوجو وهو يقول .... -الجوهره ماقلتي لي تولين منو متى تعرفينها !!!! -من لما كننا صغار .. كننا بنفس المدرسه من االمتوسطه .... -آهـــآ ,,, -ليش ؟؟؟ -لا بس أسأل لان واظح عليكم الحب والود بقلوبكم على بعض .... -تسلم ... -مايد :- اقول تولين ... -.................. -آآآ ... ليش قلتي لهم اننا مخطوبين .. هو صــــ..... -(قاطعته بسرعه :- مدري ليه قلت جذي ... رغم انه مستحيل يكون هالشي .... وابيك تعرف شي ثاني .... مايد انساني ... صدقني ماراح اقدر احبك .. لو بحبك جان حبيتك من يوم وانا صغيره مو الحين يوم كبرت وانا نفس الحاله انت ماتعنيلي غير مثل الاخ بالنسبه لي ... -طيب انا مستعد انطرج لين ما تحبيني ... او وافقي عالزواج ومع الايام واحنا سوا راح تحبيني لاني مابقصر عليج موله .. -(تنهدت بقل صبر :- مايد افهمني ... بليييز افهمني ..... مافي فايده وربي مافي فايده .... واذا تبي ترح نفسك وتريحني وياك .. انا احب وأعشق واحد ثاني .. يعني قلبي مستحيل يحب احد غيره .... بليز افهم خلاص لاعاد تعيد السالفه وياي او ويى خالتي وامي .... الزواج والحب موب غصيبه ... (ثم لفت وتركته واقف لحاله بالسوق وقلبه مجرووح بسببها ... شكثر هي قاسيه علي وماتحس فيني ليش جذي ياتولين ... مافي حد يحبج كثري اكيد ... شلون يعني !! انساج ..!! لا مستحيل .. بس منوه الشخص اللي تحجت عنه ...منو هالجلب اللي اكيد يلعب بمشاعرها .... (بسرعه لحقها وهو يقول :- طيب منوه الشخص ... قولي لي منو !!! -مايخصك عاد .... وبليز هالحجي اللي بيننا لا تقوله للاحد ... موب ناقصه مشاكل وهم فوق همي ... -هم فوق همج !!! شقصدج ... -ماقصدي شي ... خلاص مايد فجنا من هالسيره ... ماصارت طلعه وناسه ..!!!! """"""""""""""""""""""""""""""""""""" في جهه ثانيه بالشاليهــــــــــــــــــآت .... الكل مستانس .... ماعدا فيصل اللي ماقعد ابد ... وطول الوقت يامرونه بحاجه ,,,, الشوي ... ويروح يشتري لهم عشاء زياده على هالشوي ... و... و.... الخ .... وهو بس ... سمعا وطاعه ... مايقول لاء ابدا .. رغم ان قلبه وكل خليه بجسمه ترفض تلبية اوامرهم ... بس فيصل من طبعه طيووووووووووووووب وحبوووووووووووب ومايقدر يخون المعروف اللي هم سووه فيه ... لما نجوه من الدار والضياع بعيد عن أي عائله تحميه وتسكنه معهم ... والعنود بس تتابعه من بعيد لبعيد .... هذا اللي تقدر عليه .... فيصل لما انتهى من الشوي وبعد ماكلوه ... راح للبحر وفسخ بلوزته وهو كان لابس شورت للبحر ... العنود كانت تطالعه بس حست بخجل شوي ونزلت عيونها عنه رغم انو عادي ... بس اللي على راسه بطحى ........__^ وبعدها طب بالبحر بدون أي سابق انذار ... والظلام مغطي الدنيا ..... كانت الساعه 10 ونص باليل ..... بعد نص ساعه الكل راح يدخل الشاليه بينامون .... امــــا منى والعنود جالسين عند الشاطئ .... العنود تطالع فيصل وهو رايح وجاي بالبحر يسبح ... -منى :- العنود ... -هلا ... -(ترددت شوي ثم قالت :- ممكن أسألج سؤال !!! -(التفتت عليها وهي مبتسمه :- أكيد... -آآآآ ... ابي اعرف اذا مافي مانع اكيد.. شنو سر نظراتج للفيصل !!! -(حست برعشه في جسمها .... بالرتباك :- هاه .. آآآآآآ ... عـ ... عادي ... يعني وش سر !!! مافي أي سر ... -(ابتسمت بخبث كمزح :- علي آنا ... انتي بنت عمي وحبيبة قلبي ... وفيصل الغالي وروحي بنفس الوقت .... عارفتكم عدل .. انا ملاحظتكم عدل .... لا تتهربين .. قولي لي ولا تخبين علي شي .. صدقيني سرك ببير وربي ... -انا واثقه فيج بس ... بس يعني مافي شي ينقال غير اني .. آآآ .... أحب ... انا احب اخوج ... -اخوي !!! منو حددي ؟؟؟ -(طالعتها بنفاذ صبر :- يعني شرايج !!! واحنا منو قاعدين نتحجى عنه ؟؟؟؟ -ههههه امزح بسم الله شفيج هبيتي علي .... وفيصل يدري !!!! -(تنهدت بحزن وظييييييييييييقه :- للأسف يدري ... -(عقدت حواجبها :- وليش للأسف !!!!! -لأنه رافض حبي له وبقوه بعد ..... ودومه يجرحني بكلامه ورفضه لي ... بس شنو بيدي اساوي .. احبه ومو بيدي .... وهو مو مراعي هالحب ... تقدرين تقولين .. حب من طرف واحد ... (سكتت شوي ثم قالت :- وااااو لو تصيرين مرت اخوي فيصل ... مره وناسه .... وانشالله مع الايام بيتغير كل شي ... بس انتي لا تفقدين الامل ... صج انتو ترى لايقين حق بعض .... كل واحد احلى من الثاني .... -(ضحكت بخجل :- يعني لازم المجاملات انتي بعد ....!!!! -هههههههه اموت عاللي استحو ... وه فديتهم ... ولله فصول مينون يومه يرفضج .... بس ابي اعرف ليش رافضنج !!!! -يقول انه مايحبني ولا يصلح لي وانه هو ...آآآآ .... يعني مايندرى شنو اصله وفصله ... فشنو تبين بواحد مثل جذي !!! واهلج اصلا ماراح يوافقون علينا لو يدرون .... ومن هالحجي اللي ماله طعم بس انا دوم اصر عليه وافهمه ان كل هذا مايهمني غيره ... واني مابي اتنازل عنه عشان هالأعذار السخيفه .... لا ويقول شنو ... يمكن اكون موب عربي اصلا .... كل شي يايز .... (العنود وهي تسولف كانت تطالع فيصل وهو بالبحر ... تطالعه وهو شوي شوي يختفي عن انظارها لأنه كل ماله ويبتعد عن الشاطئ ... وشي شوي ... ماعاد لقت أثر الظلام غطاااااااااه وماعاد تشوف منه ولا أي اثر .... توترت شوي عشانه بس توقعت انه بيرجع بعد شوي ... منى كانت تكلمها بس واظح ان العنود موب لمها موووليه .... لفت تطالع البحر ثم قالت منى :- هيه شفيج للهدرجه مفهيه بأخوي !!!! -هاه هههه لا يالمينونه بس فيصل ماأشوفه مدري وين اختفى !!! -الله الله الله محد قدك يافيصل ... فيه وحده تخاف عليك .... أكثر من نفسها الظاهر ... (بعــــــــــــــد ساعه ونص .... -منى :- ياربيه انا ياني االنوم ... بروح انام .... -طيب يالله انا بعد بروح وياج .... (دفت العربيه وراحو للغرفتهم .... بعد ربع ساعه العنود كانت نسدحه وكله تفكر في فيصل وهو بالبحر .. وين اختفى ياربيه !!!!! معقوله صار له شي وانا هني !!!! (نقزت من خوفها ثم لبست عبايتها بسرعه وطلعت للشاطئ تركض ... وتدور بعيونها في البحر عنه ... بس للأسف مالقت احد .... ودها تناديه بصوت عالي بس ماتقدر عشان محد يسمعها ...جلست عند الشاطئ رغم انها خايفه من هالظلام تحت نور القمر الرائــــــــــــع...... تفكر في فيصل وهي خايفه عليه .... طالعت ساعتها ولقتها صارت 1 الا ربع .... -(بصوت بينها وبين نفسها :- ياربيـــــــــــه وين راح ... الله يستر بس .... فيصل وينك ... يارب وينه .... (بعد ربع ساعه .... العنود ماعاد قدرت تستحمل خوفها ... قلبها يدق بقوه خوف على فيصل وهو توه ماطلع من البحر او عالأقل بان وينه بالبحر !!!! وقفت وبدت تدور قدام البحر .. رايحه وجايه وعينوها تدور على فيصل... وينـــــــــــــــــــــــــه .... لا يكون صار له شــــــــــــــي ... انا ماتحمل اعيش بدونه .... معقـــــــولـــــــــــــــــــه غـــــــــــر.............. (فجأه قطع تفكيرها صوت وراها الرعبها .... -عنــــــــــــــــــــــــــــــــود !!!!!!!!!! (التفتت عليه .... وبنفس الوقت الرتاحت ان فيصــــــل قدام عيونها ومافيه شي ... بس كيف طلع هيك فجأه !!! -آآآآ ... فيصل !!!! -(رفع حاجب :- أي فيصل شفيج مستغربه !!! -لـ ..للللا .. آآآ ...بـ ... بس يعني ... خـ خفت عليك .... يـ .. يعني تأخرت ولا شفتك في البـ .. البحر ... -(ببرود وهو كان توه طالع من البحر ولاف عليه الفوطه وشعره متبلل ... رغم انه برد .. بس لما شاف العنود استغرب وجودها وهو كان رايح للداخل ... -طيب برد المفروض انج دخلتي ... وبعدين شنو بيصير لي مثلا !!! خلاص هاي انا قدامج مافيني شي !! شرايج تدخلين الحين !! -(جت بتقول طيب بس سمعو صوت وراهم .... -(تركي وهو يصفق بيده :- برافو برافو على هالحب ..... (ثم طالع فيصل من فوق لتحت وهو يقول :- واحد نص لابس ملابسه وواقف جدام بنيه ... بالله ماتستحي على ويهك !!!!! انت شتبي منها !! -(العنود بطفش من تركي :- تركي بليز ماتتحجى حجي ماله داعي .... انت اصلا ماتدري شسالفه فياريت ماتقول شي انت ماتدري عنه .... (فيصل كان ساكت ... لف عنهم وراح بيدخل للشاليه .... تركي بقلبه قهر بس يحاول يضبط نفسه لأنه توه جاي للشاليه عندهم .. العنود لفت تطالع تركي بحقد وهي تقول :- -ياريت تبعد عني وعن كل شي يصير وياي بمجرد تشوف فيصل وياي !!! لأنك مو فاهم شي ... -بالله عاد ... (ماقالت شي وراحت عنه ... تركي تنهد يحاول يضبط روحه .... (باليـــــــــــوم الثاني الظهر ...... كل ياللي بالشاليه صحو ... ماعدا فيصل والعنود ..... -الجد :- وين العنود !!!!! -زينب :- عمي العنود للحين نايمه .. خلها ترتاح شوي من امس وهي سهرانه ويانا ... -(تركي طالعهم بطرف عينه وهو يقول :- وياكــــــــــم !!!! انتم متأكدين انها سهرت وياكم ... -(منى :- شقصدك يعني !!!!! -(تركي :- لا مو قصدي شي .... هاتي الملح بس ... (الجد والكل سكت لأنهم حسو على تركي مخبي حاجه .. بس ماحبو يطولون السالفه على هالظهر ... -الجد :- عيل فيصل للحين نايم .... -تركي :- اكيد بينام امس سهر سهره حلووووه اكيد ... -الجد طفش من الغاز تركي :- انت عندك شي وماقلته !!!! -لا يدي ... بس اقول جذي ...يعني شنو مثلا ... بيسهر مع العنود !!!! -(ابو العنود :- تركي الوم حدودك ..... انت مثل ولدي وماودي اغلط عليك .... -(بستهتار :- بس انا قلت مثلا .. مثثثثلا ... ولا ماسمعت امي شتقول ... قالت انها سهرانه وياهم !!!! فليش اشكك بحجي امي ... بس انا اتغشمر بالحجي ... (ساد الصمت بينهم على طاولة الفطور .... -(الجد وقف وراح بغرفة فيصل وبصوت عالي وهو يفتح الستاير :- قوم ... يالله بسك نوم .... (تقلب على فراشه شوي وهو نعساااااااااان ..... -انشالله يدي خلاص اسبقني انت ... -ماراح اسبقك ولا شي .. يالله قوم جدامي ... (تنهد بقل صبر ثم قام ..... """"""""""""""""""""""""""""""" (بجهه ثانيه عند نارا .... قامت على صوت هواااااش .... -(تأففت بطفـــــش من عيلتها اللي تكرههههم بشكل مو طبيعي .... غسلت وجهها وبعد كذا طلعت لهم ..... لمـــــــآ شافت قدامها ابوها وهو يهزئ اخوها مشاري ... تلاعبت بسمة انتصار بفمها ..... لما التفت عليها مشاري ... حس بقهر في قلبه وهو يتهزئ قدام نارا بالذات ... طبعا امهم كالعاده موب موجوده .... (نارا بقلبها انتصار وحبت توظحه للمشاري بطريقه غير واظحه ... مرت جمبهم وهي رايحه للمطبخ وتنهدت بصوت واظح شوي وبفمها ابتسامه صغيره استهزاء فيه ... عطته نظره بطرف عينها فهم قد ايش هي تضحك جوات قلبها عليه .... دخلت المطبخ وبسرعه نست موضوعه رغم ان صوت ابوها عالي .... ابو مشاري يهاوش ولده بسبب سالفته مع فيصل بالجامعه ... وهو يتمنى لولده ألأفضل .... بعد لحظات طلع ابوهم من الشقه .... مشاري بقلبه حقد على نارا ... دخل عليها بالمطبخ وهو يقول :- -انا من زمان شاك فيج انج ورى سالفة فيصل ... -(ماردت عليه وهي حاقره وجوده اصلا .... مشاري يعرف اسلوبها زين .... واقف يطالعها وهو عند الباب ... مشاري هو الوحيد اللي يذكرها من كانت صغيره ... كيف هي في قمة الجمال ... يفكر كيف هي شوهت نفسها بهالشكل ... اســـــــــــود x اســـــــــود ... كان يفكر انها مجرد مرحلـــــــــه بالمراهقه ... بس الحين تأكد بعد ماكبرت انها مو مجرد حركات مراهقين .... وراها سبب مخليها تتجه للايمو والحزن والكآبــــــــه ..... تعبر بحزنهـــــآ وكأآبتها باتجاهها للايمو !!!!! هذا سبب من اسباب نارا اللي توقعها مشاري اخوها ... بس السبب الأكبر اللي مايعرفه هو انها كانت تذكر ريان من الايمو .... فتبعت اللي هو كان عليه ... وصار اللي صار .... بعد هالسنين .... قرب من عندها مشاري وهو يقول :- نارا ابي اسألج سؤال ..!!! -(مطنشته ) -(عارف انها ماراح ترد عليه فقال :- لو حسيتي واحد منج قريب ... يبيج ... شبتساوين !!!! (نارا بسرعه فهمتها ...... لفت عليه بكره واشمئزاز ... ثم طلعت وهي ماخذه معاها الاكل .... دخلت للغرفتها وهي حدها مشمئزه من مشاري القذر .... """""""""""""""""""""" بالشاليهــــــــــــــــآت .... الكل مجتمع عند البحر .... ماعدا منى وفيصل جالسين بعيد شوي عند البحر .... العنود كانت تطالعهم من بعيد ونفسها تقوم لهم ..... تركي كان طول الوقت يطالع العنود وحاس بنظراتها للفيصل ومنى .... العنود ماعاد استحملت اكثر وقررت تقوم ... لما راحت عندهم ... فيصل تأفف بقلبه بس لف وجهه عنهم يطالع البحر ... -العنود :- شقاعدين تساوون !!!! -منى :- حياج العنود تفضلي ... (جلست جمب منى .... تركي كان يراقبهم من بعيد .... -العنود :- اقول منى ..... -سمي ... -شرايج -شرايج بشوي فيصل امس !!! -(منى التفتت على فيصل وهي تقول بحب :- أكيد دام فصول هو اللي شاويه ... -(ابتسم لها فيصل ثم ناظر العنود بملل لأنها للحين تحاول تتقرب منه رغم الكلام اللي قاله لها ... الظــــــــــــآهر مافي فايده فيها .. -(العنود :-لا صج فصول مره يينن شويك .... (بقلبه ... ياليييييييييييييييــــــــــــــل ماطولك ... الظاهر اول مره تاكل شوي ) وقف فيصل وهو يقول :- انا بدخل للشاليه ..... -منى :- طيب لا تتأخر علينا .... (ابتسم لها ثم راح ... -العنود :- اصلا ادري انه راح بسببي ... -لااا لا تقولين جذي ... منو قال انه راح بسببج ....بالعكس .... طيب اذا شاكه روحي وحاجيه ... -بس ... -صدقيني هذا احسن حل ... عالأقل توظحين له مدى تمسكج فيه .... وانتي الف واحد يتمناج ... -برايج يعني !!!! -(مسكت كتفها وهزت راسها بتشجيع لها .... ابتسمت العنود بحماس ثم قامت رايحه للفيصل ... طبعا كل هذا تركي كان يراقبهم من بعيد .... دخلت تدور عليه ولقته داخل يكلم بجواله .... انتظرته ينتهي بس سمعت كلامه بدون قصد وهو يكلم ... -اقولك عبادي طفشت بالشاليه وانت تقول وسع صدرك .... لا واللي طفشني اكثر بنت عمي ... صج صج كرهت نفسي من كثر ماتطلع لي بكل مجان ... ياخي انا شكلي بطلع من الشاليه ... أي ادري يدي مستحيل راح يهدني الروح براحتي ... الا لازم ينكد علي بكل شي ابيه ... ؤف وانت الحين طالع ويى الشباب !!!! ياخي لا تقهرني اكثر ....طيب قول للربع واحد منهم ييب لي البحث اللي طالبه منا الدكتور مايكل ... ترى صج مايمديني عليه ... محجور آنا بهالشاليه السخيف .... أي أي ياريت ولله ياعبادي تصلحه لي .... صج مايمديني ابدا ... خلاص عيل حاجني بعد ماتخلص البحث حقي .... ههه لا بعدين اشكرك اذا شفت البحث بيدي ... يالله عيل سلام ... (لما سكر جى بيطلع بس فجأه انصدم من العنود اللي واقفه قدام بابه وشكلها سمعت حشه فيها .... تنهد وهو يشوفها تدخل بغرفته وبكل جرأه منها ... -فيصل للهدرجه تكرهني .... (غطى وجهه بيدينه وهو يقول بقلبه .... يارب صبرني بتعيد اصطوانتها مره ثانيه ...) -(طالعها وهو يقول بجد :- عنود خلااااص خلاص خلاص يرحم ؤمج خلاص ... كفايه من اصرارج هذا خليتي تركي يدري عن السالفه اللي ماراح تنتهي .... الرحمي وضعي شوي مع هالمشاكل اللي كل شوي تطلع لي بسببج وبسبب هالعيله كلها .. (بسهوله عيونها غرقت دموع كعادتها ..... -بعصبيه منها ماقدرت تضبط حالها :- انت على شنو شايف نفسك .... (تركي كان توه داخل وسمع صراخها عليه .... على شنو بالله ... يعني عشان حبي لك صرت تذلني ..... لاني اقولك احبك واموت فيك وابي حبك قاعد ترفضني وتذلني جذي ..... للدرجة لو تقول لي طبي النار ..... اسلم حالي له بسهوله وربي .... انت واحد ماعندك قلب واحد بدون مشاعر .... (بسرعه مسكت بلوزته وشدتها بترجي وذل :- عط حبي لك فرصه وشوف كيف كل شي بيتغير ... كل شي بيتغير .... راح اسعدك بحياتك لأن مستحيل أي احد يحبك اكثر مني مستحيل مستــــــــــــــــحيل ... (مسك يدها وبعدها عنه بقل صبر :- انتي فتحي عيونج عدل .... وراح تلاقين الشخص المناسب لج .... -شلون يعني !!!!! (قال تركي بتدخل :- بعد تبي توديها لطريج وسخ عند واحد غيرك !!!!! -(بقل صبر :- أي طريج انت تتحجى عنه بعد ... ياخي قول لها عنك وفجني ..... -شالفايده دامها تحبك ومذلوله لك .... (العنود مو فاهمه أي شي .... -وانا ماقلت لها تحبني ولله .... وأكيد سامعني كيف اقولها هديني .... ترى صج مليت انا .... مره هي طالعه لي مره انت ياي لي دور السوبر روميو .... ياخي فجني انت وياها .... مو ناقصكم انتو بعد .... (تركي ماتحمل الاهانات هذي ... من غير شعور هجم على فيصل ... ومن هنا بدى الطقاق بينهم وبعنف .... العنود انصدمت من اللي تشوفه .... صارت دموعها تنزل وبقوه .... -خلاص خـــــــــــلاص الله يخليكم .... تركي هده ... فيصل الله يخليك هد ترمي بتتذابحون ... (بس مافي فايده .. وكأنهم مو سامعينها .... ركضت بسرعه عند اهلها برى وهي تقول بين شهقاتها ودموعها :- لحقو لحقو عليهم ... بيتذابحون ..... الحق عليهم يدي الحق ... ولله بيموتون بعض .... -(ابوها :- منو قصدج !!!! -تـ تركي وفيصـ فيصل .... (بسرعه قامو بخوف ... اما الجد قايم وهو كله حقد وكرررره على فيصل ... زينب لما شافتهم قامت تصارخ على فيصل :- ياخسيس هد ولدي ..... يالمينون .... هده ..... الله ياخذ اليوم اللي خذيناك فيه من المستشفى ... هد ولدي هــــــــــــــده .... -(الجد بعصبيه كبيره وبصوت عالي :- فيصـــــــــــــــــــــــــــــــــــــــــــــــ ــــــــــل .... (بهاللحظه فكو بعض وكان تركي عالأرض متعووووور من الضربه اللي جته بعينه ... مو شايف قدامه بسببها من فيصل ... أما فيصل اللي وجهه صاير خريطه من المخوش متجرحه ومتسخه دم .... -(زينب بسرعه راحت لولدها تركي وبخوف تلمس عينه المتورمه ومزررررقه ... وبعض الكدمات على فمه .... التفتت على فيصل بخقد وراحت له وهي تظربه :- الله ياخذك الله ياخذك شوف شنو ساويت بولدي ... شوف كيف يالمينون .... الله لا يبارج بالساعه اللي تبنيناك فيها .... -(فيصل كان واقف وهو صــــــــــــــــآمد بدون أي كلمه ... -(الجد طالع وجه تركي الملعوب بحسبته ..... -تركي لقاها الفرصه الحين :- يدي تصور ... لما دخلت لقيت فيصل يقول للعنود عندي لج واحد يعيبج .... وراح تستانسين وياه ...... بس لأنها ماعطته وجه ... يدي فيصل من زمــــآن وهو يحاول يتحرش بالعنود رغم دفاعها عن نفسها وهي تقولي وانا قد حذرته قبل بس الظاهر مافي فايده ... حتى شوف كيف حالى العنود وهي بتموت من البكي ... من اول ماشفتهم مع بعض للحين وهي متأثره من الموقف اللي حصل .......... عمي انا كنت ناوي اخطب العنود منك ..... عشان احميها من هالمتوحش القذر الوسخ .... ولحد الحين مصر اني ابيها ..... عالأقل يمكن اقدر انسيها اللي سواه فيها وقاله لها فيصل .... (الكــــــــــــــــــــــــــــــل جمد مكانه من هالكلام ..... العنود انربط لسانها من هالكلام وماقدرت تقول أي شي من الروعه بهالحكي ... ابو العنود عصب وبقوه راح عند فيصل وهو يبي يطيح فيه طق .... بس الجد وقفه وهو حاس ان الكره من أول يوم تبنى ولده لفيصل طلع اليوم .... راح عند فيصل وهو يقول ..... -انت ياولـــــد الحـــــــــرا#### ..... ياي على اخرتها بعد فضلنا فيك تبي تخرب لنا حياتنا وحياة حفيدتي .... تبيها تكون مثل امك الصجيه الوسخه ...... -(من غير شعور رغم انه مايدري اذا امه صدق مثل ماقال عنها جده او لا بس حس برغبه كبيييره جواته انه مايسمح للأحد يغلط على امه .. اللي اصلا مايعرفها ..... -(انفلتت اعصابها وقال بصراخ :- يدي لا تسب امي احسن لك .... وهالفضل اللي تحجي عنه مايهمني ... اموت انا على هالذل اللي تتحجون عنه ... قال ايش قال فضل ... ياعمي روووح زين .. قال فضلنا عليك !!!!!!!!... هالمعروف اللي تتحجى عنه ماعاد ابيه ....... ولا ابي أي شي منكم ... اذا فيه هالذل ... انا ساكت من البدايه .... بس اذا وصلت لين هني وتتهموني بالقذاره وتتهم امـ ... (ثم عادها بصعوبه :- امـــي انا ماأسمح لكم موليه ..... وبعدين ترى صج طفشتوني .. ولد شوارع ولد شوارع .... يوم اني ولد شوارع على قولتكم ليش تاركيني عندكم للحين ... انا ماعاد ابي أي شي منكم ..... محترمكم من البدايه بس انتو ماتستحقون هالاحترام ...... (رفع الجد يده بيعطيه كف بس فيصل مسك يده عن وجهه وهو يقول ببرود :- وانت ماشالله فيك حيل تمد يدك على من هم اقوى منك صحه وجسد ...... روح دور عصاتك بس .... (وهو يمشي التفت على زينب وهو يقول :- وانتي مايشرفني انج تكونين امي ... صج حسافه عليج ذيج الكلمه مني .... وخليج مع دلوعج البريئ وانا الوسخ .... (التفت على منى وجلس عند رجولها وهو يقول بحنان وماسك يدها ويبوسها :- انتي اكثر وحده ماراح اتحمل فراقها بحياتي ... بس غصب علي ..وعشان جذي .. بيننا آلــــــو يالغاليــــــــــــــــه .... باسها مع جمبينها وهي كانت حيل تبكي .... مسح دموعها وقال :- بس الله يخليج لا تصدقين هالحجي اللـ (حطت يدها على فمه وهي تقول :- لا يمكن احد يشوه صورتك بعيوني .... انت اخوي اللي مايابته امي وابوي ....اول مره اشوفك معصب جذي ... (حاول يهدي اعصابه ثم قال :- بخاطرج .... (كمل طريقه ولا حتى التفت عليهم .... العنود طاحت مغشي عليها ... فيصل سمع صراخ جوى الغرفه لأنه هو طالع عند باب الشاليه ... ماهتم انه يشوف منو ... بس اللي همه انه يطلع من حياتهم .... """"""""""""""""""""""""""""""""""""" بعد يومين .... بالجامعــــــــــــــــــــــــــــــــــه ..... ليان وهي تمشي بالشارع العام رايحه للجامعه .... وقفت سياره عندهـــــــــــــآ .... التفتت على السياره ... انفتحت دريشة الراكب اللي ورى ... بس تفاجئت لما شافته صقر .... -(قال بابتسامه :- ركبي ... خليني اوصلج على طريقي .... -(بس ماردت عليه وهي خااايفه ..) -صدقيني ماراح اكلج !!! (كملت طريقها بدون ماتلتفت عليه .... ومشت السياره معها ببطئ .... -طيب براحتج .. بس هاه ماقلتيلي شقلتي عن سالفة الاختبار .. شنو ببتبرعين لي بأي ماده !!! (مالتفتت عليه وبقلبها قهر منه ... بس فضلت انها تسكت وتكمل طريقها ..) -طيب كيفج لا تردين علي .... بس قولي لي قبل الاختبارات .. يعني عطيني خبر قبله ... (حست بقهررر اكبر ... بس وش بيد الضعيف عند القوي ... نزل صقر بسرعه وشدها للداخل السياره .... حاولت تصارخ بس كان ماسك فمها وبقوه ..... -روح للبيت ... (ليان سمعت هالكلمه ... طلعت عيونها من الصدمه والروعه .... حاولت تصارخ وتظربه بس مافي فايده هو اقوى منها .... """"""""""""""""""""""""""""" تولين وهي طالعه من البيت قابلة بوجهها عيال جيرانها الثلاثه الغثيثين .... لما شافوها نقزو لها وهم يقولون :- -الأول :- فديت هالجمال كله .... الروح فيها انا وطي عندج .... -الثاني :- فديت بنت جيراننا انا ... -الثالث :- أي كذا الجيران ولا بلا ... (ناظرتهم بحتقار والركبت السياره .... بالجامعه ... وهي تمشي رايحه للصوب قاعتها وهالمره عليها اول محاظره للدكتور طلال ... كانت متحمسه حيييييل وهذا احلى يوم عندها انها تصبح بوجه طلال .... ناظرت ساعتها لقتها بدري وباقي على المحاظره نص ساعه ... لما وصلت القاعه مالقت احد .... دخلت وكان بيدها عصير .... ماحست بوجود الدكتور طلال ولا يمكن يجي ببالها انه موجود بهالوقت .... لما لفت بتجلس طاحت نظراتها على طلال اللي لاهي يكتب على السبوره شرح درسهم الطويل لليوم ... توترت شوي وهي تتذكر اسلوبها معه قبل يومين بالسوق .... راحت عنده وهي تقول بأدب :- صباح الخير __^ (التفت عليها وهو ماحس بوجود احد داخل !!! ثم رجع يكمل على السبوره :- صباح النور -(تدور أي سالفه :- آآآ .... اقدر اسعدك بشي .!! -لا شكرا ... -د دكتور ابي اقولك شي ... -(بدون مايطالعها :- قولي !! -آآآآآآآ .... انت .... انت بتخطب جواهر !!! -(وقف كتبه ثم التفت عليها وهو يقول :- وانتي شكو بخصوصياتي ؟؟؟ -(طاح وجهها بس حاولت تكون عادي لأن كبريائها مايسمح لها :- براحتك .... (لفت بتروح بس طلال وقفها :- الا انا اللي بسألج ..!!! -(بكبرياء :- تفضل ... -من البدايه طايحة لي بنظرات غريبه !!!! وتصرفات عجيييبه ... وأآخرتها بالسوق ... كيف تتجرأين تعطين دكتورج نظره مثل ذيك النظره التافهه !!! انتي الظاهر تحسبينني واحد كبرج تساوين حركاتج هاي عليه ... ولا رفيجج بالقاعه ..!!! لا تنسينا ني دكتورج ..... يعني مافيج تتكبرين علي .... -(انقهرررررت من كلامه حيييل .. ردت بستفزاز :- لا عاد صج ... زين اللي ذكرتني انك دكتوري .... يوه تصدق بغيت انسى .... ماوصيك على جوجو بس .... (جت بتروح بس طلال ماتحمل أكثر مسكها بقوه مع يدها وشدها للجهته وهو يقول بقل صبر :- انتي تدرين ان عقلج بزر ؟؟!!!!! انا مادري شلون داخله للجامعه ؟؟؟؟ متأكد هان هذا مكانج ...!!! صج ماتستحين على ويهج ولا تربيتي ... تولين لا تحديني اتعامل معج بهمجيه ماتقدرين تتحملينها .... -(جرحهـــــــــــــــــــــــــا بكلامه القاسي .... خنقتها العبره وغرقت عيونها بالدموع .... ماتقدر تتحمل هالكلام منه هو بالذات ... محد يهمها غيره ... طلال شاف لمعة الدموع بعيونها بس قال بدون رحمه وكأنه تفجر اشمئزازه منها في قلبه ... -لا تعملين لي دور المسجينه .. بدموعج هاي .... اذا بتبجين ابجي بعيد عن ويهي .... صج حركات يهال .... روحي طالعي شكلج بالمرايه كيف كبيره .... وحسي بعقلج اللي كبر عقل اليهال .... اذا بتتمين وياي مثل جذي صدقيني ماراح اتحملج اكثر وبتصرف تصرف ثاني .... -(صحيح انه اهانها وقلبها صار يعورها بس ماتقدر تتحمل احد يهينها .. سحبت يدها بقوه وهي تقول :- مو طالبه رايك فيني ... ومايهمني بعد ..... انا رايحه وماوصيك سجلني غياب لأني ماتحمل اشوف ويهك .... -تولين احترمي نفسج ..... لا تطلعين الاخلاج الشينه كلها عليج اليوم ..... (طلعت بدون أي كلمه وهي تحاول تجمع بقايا قلبها المجروح ... هذا مايحــــــــــــــس !!!!! ليش مو شايف حبي له ؟؟؟؟ انا اموت فيه وهو جذي يجرحني ؟؟؟؟ اكرهك يادكتور طلال اكرهك ..... (بالصدفه طلعت بوجهها جوجو .... -جوجو :- هااااااااااااااااااااي توتييييييييي ... -(بقلبها .... ؤفففففـ ناقصتها ذي بعد ..... ابتسمت مجامله :- اهلييين جوجو .... وين رايحه يالله خلينا ندخل للمحاظرة الدكتور طلووووول .... واااي مره مررره مستانسه .. ماتتصورين قد ايش صارت سوالف بيننا بالسوق انا وياه .... حسيته قريب مني حيل للدرجه مو معقوله .... (بهاللحظه جاهم سعد .... -مرحبا بنات .... (تولين التفتت على سعد والرتاحت لما شافته .... مسكته مع يده وسحبته وهي تقول لجوجو :- احنا رايحين وانتي خليج مع حبيبج المغرور .... (ثم قالت للسعد وهم رايحين عن جوجو وتركوها لحالها بشكل مو مقبول وغير لائق من تصرف تولين المغروره ... جوجو سكتت ولا حبت تكبر السالفه وهي مستانسه من طلال ..... دخلت القاعه ولقت نص الطلاب موجودين ..... انتظرت نظره من طلال بس استغربت لما ماطالعها ابدا ولا كأنه يعرفها .... وواظح عليه مزعوووووج ومتعكر مزاجه اليوم .... (من جهه ثانيه .... -شوف سعد ابي اقولك شي بس اذا تبي تحظر محاظرة الدكتور طلال قول لي وعادي روح ... -لا مو مهم ... بس شعندج انتي ؟؟؟؟ (لما وصلو الحديقه برى قالت وهم يجلسون على الزرع في الظل ... -مشكلتي كبيره ياسعد ..... -خير انشالله ... شنو .؟؟؟؟ -مشكلتي كبيره وابي لها حل وسريع بعد .... -طيب شنو وانا مستعد اساعدج ؟؟؟ -انا أحب ... آآآآ .... أحب حبيب جوجو .... -(بصدمــــــــــــــــــــــــــــه بس لأنها تحب مو عشان جوجو :- شنـــــــــــــــــــــــــو !!!!!! انتي تحبين ؟؟؟؟؟ -مع الأسف ايه ... والمشكله من طرف واحد .... وهالشخص جوجو تحبه قبلي من كانت صغيره ... يعني انا وقحه وحمــــــــــــــــــــــآره ادري بس ولله ولله وللــــــــــــــــــــــــــــه ياناس وربي مو بيدي .... لو تكون بموقفي ولله ولله ماتقدر تتحكم بقلبك وذا بتفهمه اذا حبيت بشكل جنوني .... ولله ماتقدر تتحكم بمشاعرك رغم اني اعرف ان اللي اساويه غلط بغلط ... ورغم ذلك اغير منها غصبن علي ..... وبعض الأحيان احقد عليها لأن .... طـ .. الدكتور طلال يميل لها اكثر ... ويمكن يحبها ماأدري .... -الدكتــــــــــــــــــــــــــــــــــــــور طلال !!!!! آآآ ... انتي تحبـ ... تحبينــــه ؟؟ -أي هو اللي احبه وأعشقه بعد ..... بس مو بيدي .... ولو بيدي جان هديت هالحب من زمااان عشان خاطر رفيجتي ... وانا قلت لك لأني ابي حل بليييييييييييييز .... (للحين مصدوم انها تحب احد .... لأنه هو بعد يحبها او يمكن عالأقل يفكر فيها .... -ماأدري شقولج !!!!! غير ان اللي تساوينه غلط أكيد .... لو عالأقل تحترمين رفاجتج ويى جوجو ... -ادري ولله ادري بس مقدر انساه دامه جدام عيوني وبقلبي دوووم وكل ثانيه ... -(برم فمه :- أممممممــ ماأدري ولله .... بس اللي اعرفه انج لازم تفكرين بجوجو قبل كل شي .... وتعرفين هالغلط اللي انتي فيه الحين ... -مشكلتك تدري شنو ؟؟؟؟ -ايوه ؟؟؟ -انك ماقد حبيت وحسيت بشعوري الغير ارادي ....ولا برايك انا ابي شي مثل جذي يخليني اخون رفاجتي ويى جوجو .. اكيد لا مابي هالشي بس ولله غصب علي غصصصصصصب .... -طـ ... طيب اتركي السالفه للأيام وهي راح تقرر شنو مصيرج بالحياه ... وانتي لازم تحاولين عالأقل تتجاهلين هالحب اللي موقعه غلط ..... (سكتت وهي تحس انها متورطه بورطه كبيــــــــــــــره ومو قادره تطلع منها ..... ) |
|
#9
06-27-2012, 08:56 AM
| ||
| | ||
| وااااااااااااااو عنجد روووووووووعه كمليها بسرعه بيلييييييز و ابعتيلى الرابط ممكن منتظره التكمله بفارغ الصبر سلام يا قمر lydia Sama likes this.
__________________ اسمح لي ابدي اعجابي بقلمك وتميزك واسلوبك الراقي وتالقك |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ادخلوا بسرعة ..لن تندموا ^^ | اميرة كانامي | أرشيف المواضيع الغير مكتمله او المكرره او المنقوله و المخالفه | 28 | 04-29-2012 12:10 AM |
| ادخلوا ولن تندموا | قوس الشوق | إقتصاد منزلي | 3 | 03-03-2011 10:20 PM |
| ادخلوا ولن تندموا | بقايا امراة | خطب و محاضرات و أناشيد اسلاميه صوتية و مرئية | 1 | 10-24-2009 12:06 PM |
| ادخلوا ما رح تندموا | Kairis kingdom | نكت و ضحك و خنبقة | 6 | 09-24-2009 08:35 PM |
| ادخلوا ما رح تندموا | ƒεεłŋġ | أرشيف المواضيع الغير مكتمله او المكرره او المنقوله و المخالفه | 10 | 08-13-2009 06:10 PM |
14Likes
العرض العادي
