|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#6
07-04-2012, 04:04 PM
| ||
| | ||
 في بيت الجده الدور اللي فوق بالتحديد غرفة سفانه حيث البنات مجتمعين " سفانه و تاره و سلافه و تولين " تاره وهي ترمي نفسها على السرير : طـــفـــش سلافه : انتي هالكلمه دايم على لسانك ضحكت تاره لانها من جد معلقه على كلمة طفش تولين : تاره كلمتي dady تاره ضربة جبهتها : يوووه نسيت خلاص اكلمه بعد شوي " وصرخت بأعلى صوتها " سفاااااانوه ساعه تلبسين بالحمام سفانه بصوت عالى وهي بالحمام : هييي اسكتي ترا ماينفع اتكلم وانا في الحمام يووووه تكلمت ضحكوا البنات عليها تولين : why لمن دحين لابسه العبايه تاره اللي طالعت نفسها وانتبهت انها من الحماس مافصخت العبايه : ترا صدق احس عندي مرض الزهايمر وش فيني اليوم انا سلافه ضحكت قامت تاره من السرير وفصخت عبايتها وحطتها على الكنبه الكبيره اللي موجوده بالغرفه كانت لابسه بنطلون جينز اسود مااااسك وتيشيرت ابيض فيه رسومات بالألوان الفسفوريه وفاتحه شعرها وراسمه عيونها بالكحل وحاطه قلوس فوشي فسفوري تاره : ترا اليوم بسوي شوي اكشن بدل الطفش اللي عندكم هنا تولين : اششششششششششش ترا انتي على قولة mam ماوراك غير المصايب سفانه وهي طالعه من الحمام : وانا أشهد على هذي المقوله تاره رمت عليها المخده وهي تقول بسخريه : وانا أشهد مالت عليك ضحكت سفانه وهي تبعد عن المخده سلافه : يعني بتنامون عندنا اكيد ولا لا تولين ضحكت : مدام السالفه جات على موافقه daaaady ااعرفي ان الموافقه مضمونه اذا كلمته تاره سفانه : وانتي ياست تاره وش تستنين دقي عليه تاره : انا ادري انه بيوافق بس اذا كلمه تروك ماراح يوافق سلافه وهي تعدل أزارير البلوزه حقتها : ليش تاره وهي تسندح على السرير: احم السيد تروك يقول كيف تنامون عندهم وفيصل موجود عيب سفانه وهي تنقز على السرير بدفاشه : عادي فيصل راح ينام بالملحق مثل كل خميس خخخخخخخخ مسكين هالولد تولين : ايه والله مسكين كل خميس ينام بالملحق عشان البنات بعض الاحيان ينامون هنا الخميس تاره تصفق وهي تسوي نفسها تمسح دموعها سلافه : خير هالخبله وش فيها سفانه : مدري ليش تصفقين تاره وهي تحظن سفانه بأستهبال : باركيلي باركيلي بسرعه سفانه تجاريها بالخبال وتحظنها بقوه وهي تقول بهبل : مبروك مبروك عليك تستاهلين اكثير سلافه : انهبلتوا تولين : وش السالفه تاره وهي تنقز وتحظن تولين : اخيرا قلتي جمله طووويله بدون كلمه انجليزيه اخيرا يافرحتي فيك ياوخيتي ضحكوا البنات على خبالها سفانه : بنننننننننننننننننننننننننننننات وين البنننننننننننننننننننننننات سلافه : اي بنات تولين : قصدها باقي شلتهم تاره : ياربي متى يجي المغرب عشان نشوفهم مستحيل يجون الحين سلافه : بس انا كلمت الريم تقول مو جاايه تاره بصراخ : ليييييه سلافه بخوف : سكنهم في مساكنهم طيب لحظه اكمل كلامي تاره بنفس الصراخ : كمممممملي سفانه وهي تضرب تاره : ليش تصارخين تاره ضحكت : وش اسوي منفعله تولين طالعت تاره : stupid " طالعت سلافه " وانتي كملي سلافه : تقول ان امها غاصبتها تروح معاها زواج بنت صديقتها و البندري وخالتي ام سليمان رايحين معهم تاره بأنفعال : حتى البندري موب جاايه سلافه تكمل : وغزول تقول عندها اختبار السبت وماتقدر تجي اليوم لان ابوها حارمها مدري ليش تاره وسفانه بنفس الوقت بصوت يخرم الاذن : حتــــــــــــــــــــــــــــــــــــــــــــــــ ــى غــــــــــــــــــــــــــــــــــــــزل تولين : طيب ليش الصراخ سلافه تكمل : يعني اليوم بس انتم و الشباب اكيد جايين بعد المغرب تاره بهبل قامت من فوق السرير واخذت عبايتها طالعت تولين : يلا سرينا البيت سفانه : فكه ابركها من ساعه على الاقل اقدر ارجع انام تولين مصدقه وقفت وبصراخ : Nooooooo بليييييييييييييييييييييييييييييييييييييييييييييز ما ابغا ارجع بنام عندهم تاره ضحكت سلافه ضحكت وسحبت تولين وجلستها : وانتي مصدقه هالخبله اجلسي مانتي برايحه جلست تاره جنب سفانه اللي عين مغمضه وعين مفتحه هههههه فيها النوم سلافه جلست تلعب بأساورها وتولين مسررحه وعم هدوء غريب بالغرفه تاره طالعت البنات بأستغراب وشافت كل وحده بعالم ثاني تاره بصوت عالي يخرق الهدوء : يممممممممممممممممممممممممممممممممممممممممممممممممم مممممممممممممممممممممممممممه فزوا كلهم من صرختها سفانه وهي تحط يدها على قلبها : يمه وش فيك تولين بخوف وعيونها طايره من الفجعه : what is wrong with you سلافه وهي تقول بتلعثم من الفجعه : و وش فيـ كـ ضحكت تاره على اشكالهم سفانه صرخت : الله ياخذك يالـ **** تولين فتحت عيونها على وسعهم هي وسلافه من السبه القويه اللي قالتها تولين : وش هالكلام تاره ضحكت : سفانوه عيب عليك تقولين هالكلام قدامهم تراهم بزران سفانه وهي تهجم على تاره : بزران ها لاتحسبيني بسكت لك على الصرخه اللي صرختيها قطعتي خلفنا الله ياخذ ابليسك ضحكت تاره وهي تتحاشى ضرب سفانه سلافه وهي تطالع تولين بأسى : هذا وهم الكبار اللي مفروض يكونوا قدوتنا تولين ضحكت وهي تطبطب على كتف سلافه بحزن : الله يخلف علينا ضحكت سلافه وهي تجلس تولين طالعت الثنتين اللي جالسين يتكافخون ويضحكون على بعض : هيييييييييي خلاص stop بعدت سفانه عن تاره تاره عدلت بلوزتها وهي تقول بضحكه :بنات عندي خطه جنان وفيها اكشن وحماس شرايكم : لااااااا : noooo سفانه بحماس : وش هي تاره : بروح اكلم جدتي ضحكوا البنات لمن قالت سفانه : ونعم الخطه والله صراحه فيها حماااس تاره وهي تتربع على السرير : لا يالخبله بروح اكلم جدتي واقولها نبغا نطلع البر تعالت صرخات البنات وهم يقولون بنفس الوقت : والله جبتيها : وععععععععععععععععععع I am not going قرف وش نسوي بالبر : لاصدق يمكن يكون فيها شوي اكشن تاره وهي تقطع صراخهم : خلاص بنزل اكلمها الحين سفانه وهي تلبس حجابها : طيب البسي عبايتك يمكن يكون محمد موجود تحت لبسة تاره العبايه ونزلت هي وسفانه سمعت اصوات في غرفة الجده سفانه وقفت وقالت بخوف : خلينا نرجع شكل عندها محمد و أحد من الشباب اخاف تكسحنا قدامهم اذا قالت لا ضحكت تاره وهي تقول بهبل وصوت عالي عشان يسمعونها : دررررررب يـــــــــــــــاولـــــــــــــــد درررررررب سفانه حطت يداتها على راسها وهي تقول بذهول: وشوا دربه يالبقره والله لاتلعن خيرك جدتي ضحكت تاره وهي تدخل : درب يــــــــاولـــــد في حريــ" سكتت لمن شافت كل الشباب موجودين عند جدتها كان على بالها بس محمد وقالت عادي اذا استهبلت ويكون بس واحد موجود ماكانت متوقعه ان القبيله كلها موجوده جدتها بعصبيه : انتي يالخبله وشوا دربه تاره تلعثمت لمن شافت كل اللي بالغرفه يطالعونها ونصهم كاتمين الضحكه : هاه مو ب آآ موب انا اللي قلت يعني آآ التفتت وراها وشافت سفانه تضحك وركضت لفوق وهي تقول شدي الهمه مانيب داخله معك التفتت عليهم وهي تقول بلتعثم لمن سألتها جدها وش تبغين : انا آآآ ما ابغا شي لايعني مدري زياد بلعانه : يعني جايه ليش اكيد فيه سبب تركي رحمها لمن شافها متفشله وماتدري وش تقول أشر لها تجي تجلس جنبه على سرير الجده تاره راح كل الحرج منها يوم جلست جنب تركي والجده تاره وهي ناسيه الفشله اللي تو وتطالع بجدتها : اقول يالغاليه تركي قبصها وهو يقول بهمس : ادري انتي ماتجيك المصلحه الا وقت المصايب اطلعي لفوق قبل ماتفشلك قدامهم مرره ثانيه سفهته تاره وهي تكمل : شرايك نطلع البر الجده اللي ماسمعت شي لان سمعها ضعيف قالت بصووت عالي : وشوا أطلع برا ليش ضحك تركي تاره انتبهت ان الكل رجع يطالعها مرره ثانيه ضحكت وهي تقول من بين اسنانها : انا ماقلت نطلع برا انا اقول نطلع البر الجده : هاه تاره بصوت عالي : نطلع البر ضحك سليمان وبدر اللي كانوا كاتمين ضحكتهم عليها وبعدها كلهم جلسوا يضحكون من ضحكهم تاره دفنت وجهها بين يدينها وهي تقول بهمس : يقطع ابو الفشله ياشيخ تركي بضحكه وهو يضربها على راسها بخفه : لا تتكلمين بهالطريقه كأنك واحد من الشباب ضحكت تاره على تشبيهه بعدها التفتت على الجده تاره و وجهها احمر من الاحراج : ها جده شقلتي الجده بتفكير : مدري أكلم خالك ابو محمد واذا وافق انا " ماكملت كلامها الا و التليفون قدامها تاره وهي حاطه التليفون قدام جدتها شوي وتدخله بوجهها : يلا كلميه الجده ضربتها بالعصايه : قومي عني يالخبله وشوا اكلمه الحين وهو في الدوام تاره بضحكه : ترا هذي الثالثه اليوم الجده وهي تحط العصايه قدام تاره بتهديد : واذا ما بعدتي عني بتجيك الرابعه تاره فزت وهي تقول بخوف مصطنع : وربي مافيني حيل للرابعه شرايك نأجلها لليل الجده : وليش بتقعدين عندي لليل تاره ترفع حواجبها بطريقه تضحك : موبس لليل لبكرا بنام عندك اليوم الجده : الله يعيني عليك مير اختك ضعيفه لو تنام عندي شهر مابسمع لها حس بس انتي اذا على زياره حسك يوصل لكل الرياض كلها شلون لو نمتي عندي تاره بعبط : أفا عليك ياجده ماتبغيني انام تركي : تاروه ابعدي عن جدتي زياد وهو يدف تاره ويجلس مكانها : انقلعي ماتشوفين الغرفه مليانه رجال اطلعي فوق تاره وهي تقلده : : انقلعي ماتشوفين الغرفه مليانه رجال اطلعي فوق طالعه خلاص طالعه اصلا فكه منكم وماتشوف الا العصا حق الجده في الهوا وتضربها على رجلها بقوه تاره بأنفعال : آآآآآآآآآآي الرابعه وقصم الرابعه اليوم ضحك زياد وتركي عليها الجده وهي تلوح بالعصا وتبغا تضربها مرره ثانيه بس تاره انطلقت بسرعه وطلعت من الغرفه وهي تتمتم بغيض وتدعي على الشباب لمن سمعت ضحكهم ^*^*^*^*^*^*^*^*^*^*^*^*^*^*^*^*^*^*^*^*^*^*^*^* بأخر المجلس عند " فهد .. بدر .. سليمان .. " بدر اللي متقطع من الضحك : قسم بالله هالبنت من أشوفها أضحك سليمان وهو يمسح دموعه من كثر الضحك : الله يقطع شرها قسم بالله نكته متحركه فهد بغيض : حرااام عليكم مو لهذي الدرجه لا تحشون في البنت سليمان وهو ياخذ نفس من كثر الضحك : بس احنا ماقلنا شي غلط بدر يكمل : احنا نقول الحقيقه انت شفت بعينك فهد بدون نفس : طيب قفلوا على السالفه تركي من اول يطالعنا الله يفشلكم الحين يقول جالسين يتريقون على اختي سكت سليمان بدر سكت لانه حس انه زودها شوي فهد طالعهم و قال بتريقه : شاطرين حبايبي يسمعون الكلام بدر تنرفز ورما المخده اللي جنبه على فهد سليمان بسخريه : قال شاطرين قال تستاهل مايجيك ضحك فهد واستمر الحديث ^*^*^*^*^*^*^*^*^*^*^*^*^*^*^*^*^*^*^*^*^*^*^*^*^ عند " فيصل * زياد * تركي " تركي بغيض : قسم بالله هالبنت فضيحه زياد بدون نفس : قلتها مليوووون مرره خلاص فيصل ابتسم : عاادي ياشيخ ماصار شي تركي بقهر : شوف المهبل اللي هناك يضحكون والله هالبنت فاضحتنا بكل مكان مامنها فايده غير المصايب والفضايح زياد ضحك وهو يكمل : ايه وانت الصادق عـــــــاد اخـــتك مـــلكة المصــــايب وانا صراحه حاااس انها ارهابيه من كثر المصايب اللي تسويها فيصل بقهر : حراام عليكم تركي ضحك : واحنـــا صادقين مامنها فايده فيصل بهدوء : غلـطان زياد ضحكـ وهو يقول بتريقه : احلف طيب صححله ضحكوا فيصل وتركي وقام زياد لمن شاف الجده تناديه فيصل لمن شاف ان زياد قام التفت على تركي بهدوء: ترا مايصير اللي تقوله عنها ان مامنها فايده غير المشاكل ابتسم تركي : صراحه هذا اللي انا اشوفه فيصل وهو يرجع ظهره على ورا ويسنده على الكنبه قال بهدوء: وانا اشوف العكس تركي بأستغراب : مافهمت فيصل : تذكر اول ماسكنتوا بالرياض تركي هز راسه بـ إيه فيصل يكمل بهدوئه المعتاد : طبعا انت عارف ان بعد ماسكنتوا بثلاثه اسابيع توفى جدي خالد الله يرحمه تركي بأبتسامه هاديه : الله يرحمه فيصل ابتسم وهو يكمل : لمن توفى كانت فتره صعبه علينا كلنا خصوصاً جدتي وخالي زياد طبعا وفات جدي كانت قبل طلاق امي أذكر لمن كنت ازور جدتي كانت ماتتكلم وبس تصيح وخالي زياد يطلع من البيت ومايرجع الا آخر الليل وماكانت علاقة اخواتك قويه معهم مثل الحين " تركي يطالعه وكان مستمع له " أذكر ان تاره كانت دايم تنام عند جدتي تجلس تسولف معها وماكانت تحط بينهم حواجز ولمن يرجع خالي زياد كانت تدخل غرفته وماتطلع منها الا بطرده محترمه كانت تسولف معه وتنكت وهو كان يتناسى حزنه صحيح انه مايبين هالشي و دايم يتريق عليها بس صدقني هي اكثر وحده من البنات لها معزه خاصه عنده ابتسم تركي وهو يقول بضحكه: لا صدق الحمدلله طلع منها فايده ضحك فيصل : وفترة طلاق امي كانت ملازمه سفانه اللي ماكان بينها وبين تاره قبل اي احتكاك كانت تزورها دايم وتجلس معاها بالساعات تدري ان سفانه اكثر وحده تأثرة من طلاق امي والحين متقبلة الوضع وعااادي عندها وقوة علاقتها مع تاره وصاروا مايفترقون عن بعض اي شي يسونه مع بعض حتى الجامعه نفس القسم ابتسم تركي : وانت تقولي هالكلام على بالك مدري فيصل ضحك : لابس أوضحلك عشان ماتقول عنها ان ما منها فايده ضحك تركي وهو يقول بصدق : ادري بس كنت أمزح معك " وبغرور ومزح " يعني معقوله يكفيها ان تركي بن محمد اخوها اكيد منها فايده فيصل ضحك من قلبه : يـــاشيــــن الـــغرور الـــزايـــد عن حــده ضحك تركي واستمر الحديث ! معلومه : فيصل معروف انه اذا كان عنده وجهة نظر يحب يناقشها ومايحب يقفل الموضوع الا لمن يوضح للشخص اللي يناقشه وجهة نظره .. ))(())(())(())(())(())(())(())(())(())(())(())(()) (())(())(())(())(())(())(())(())(())(( عند البنات بعد ماطلعت تاره من غرفة الجده راحت لغرفة سفانه فتحت الباب بكل قوه وهي تصرخ : ســـــــــــــــــفـــــــــــــــــانــــــــــــ ـــــووووووووووووووووووه كانت سفانه جالسه على السرير والـ لاب توب قدامها و سلافه وتولين جالسين على الارض يحطون لبعض مناكير سفانه ضحكت : يآآلبيه تاره وهي تهجم عليها وتكفخها : الله يلعنك ياشيخه سلافه برواقه وهدوء وهي تهف على أصابيعها عشان ينشف المناكير : اللعن حرام تاره سفهة سلافه وجالسه تكفخ سفانه بغيض : يالحقيره يالبقره ياللي ماتنعطين وجه كيذا تتركيني لوحدي في المعركه سفانه وهي ميته ضحك : وعسا بس فزتي فيها تاره وهي تسحب شعر سفانه : خسرت قدام العدوه بسببك ضحكوا البنات لمن فهموا انها تقصد الجده سفانه من بين ضحكها وهي تقول بالفصحى : يآإلهي لقد خسرتي المعركه وماذا سيحصل الآن لن نذهب الى البر تولين بحماس : yeeeeeeeeeeeeeeeeeeeeees we are not going احسسسسسسسسسسسسسسسن اصلا البر خاااايس وكله تراب ويكتم الصدر تاره وهي تبعد عن سفانه : بــس ارتحتي الحين تفشلت قدام الشباب سفانه بضحكه وصدق : هي اول مرره تولين : ليش تفشلتي what did you do سفانه ضحكتـ : خبله نزلنا تحت وسمعت اصوات الشباب عند جدتي قلت لها خلينا نرجع سفهتني ولا كأني اتكلم وهي تصارخ بصوتها اللي يجيب المرض ويفقع الاذن تقول " وتقلد تاره " درررررررررررررررب يـــــــــــــــــــــــــا ولــــــــــــــــــد دررررررررررررررررب ضحكت تولين سلافه بققة عيونها : من صدقك تولين بعدم اهتمام : Sooo هي كانت تستهبل وش فيها يعني ارتكبت جريمه تاره وهي ترسل بوسه في الهوا لتولين : فديتك تدافعين عني ضحكت تولين سلافه : الشباب كلهم عند جدتي تاره بغيض : ايه تولين وهي تنقز : بندر جا معهم تاره ضحكت على نقزتها : لا للأسف ما جا سلافه بأستغراب : ومن متى نزلت عليك المحبه سفانه بنفس الاسغراب : ايه صادقه من متى هالاهتمام بالسيد بندر تولين وهي تجلس وتقول بغيض : sun of ##### صرخت تاره وهي ترمي عليها المخده : يالوقحه ليش تسبين تولين بقهر : ايه هذا اللي انتي تعرفين تفهمينه السب والشتم تفهمينه اما الباقي لا سفانه ضحكت : اووووهووووو وش مسوي بندر مخلي برنسيس تولين معصبه بهالشكل تولين بغيض وحقد : حـــمـــاررر الخميس اللي فات تهاوشت معه وأخذ مني الـ لاب توب حقي يقول جزاء لك ولأفعالك بآخذه و موب مرجعه وهذا وجهي اذا شفتيني مرره ثانيه سلافه بفضول : وش تهاوشتوا عليه تولين ببرائه : بدون قصد كسرت جواله تاره : كيف بدون قصد تولين تشرح لهم : هو قال جيبي جوالي قلت Ok ورميته عليه بس انا وش ذنبي اذا هو أحول وما مسكه سلافه : تستاهلين تدرين ان جواله اغلى شي عنده " وبضحكه " ويمكن اغلى من اهله كلهم تولين بقهر وحقد : ايه مو الاخ 24 hours يغازل اكيد الجوال اغلى شي عنده بس انا اوريه بس اشوفه والله ثم والله لا ألعن خيره تاره بسخريه : والله منتي بسهله سفانه بتريقه : اتحدى تسويله شي قوي اقوى حاجه بتسويها بتقوله " وهي تقلد دلع تولين " give me my lap top back you stupid boy ضحكوت كلهم وتولين لفة بورزها تاره وهي تقول بحسره : آآآآآآآخ بس لو كنت أدري ان سفرتنا لأمريكا قبل ثلاثه شهور بتخليها تتكلم بهالطريقه كان ماقلت لابوي يسفرنا ضحكت سلافه تولين انقهرت : خير ان شاء الله if you don’t like طريقة كلامي عسا عمرها ماعجبتك انا حره اتكلم بالطريقه اللي تعجبني تاره بعدم اهتمام : بكيفك " طالعت سفانه " هيي انتي تراني جوعانه سفانه بأستغراب : وخير يعني جوعااانه المطلوب تاره تتمسكن : امممم ودي بـ ماك دونلز كلمي فيصل وقوليله يروح يجيب تولين : خيييييير سواقك يروح يجيب كلمي منصور " سواقهم " و أرسليه يجيب لك يامال التخمه انشاءالله تاره بقهر : منصور الحمار راح مشوار مع امي سلافه وقفت بحماس : هههههههههه عندي طريقه نجيب فيها عشا و تولين تاخذ انتقامها تولين بعدم فهم : what اي revenge سلافه : لحظه " وطلعت ركض من الغرفه " تاره : خبله هذي وين راحت سفانه تهز كتوفها : مدري تولين : what does she mean لمن قالت revenge سفانه : علمي علمك دخلت سلافه وهي ماسكه جوالها و تدق على رقم طالعت البنات بأبتسامه و آآسعه تاره طالعت سلافه : هذي وش قاعده تسوي سلافه : اششششششششششششش لحظه جاها رد من الطرف الثاني : الووو سلافه وهي تناقز وتغمز للبنات : ياآآآهلا براعي احلاآآ الوو قال بدون نفس : خير شعندك سلافه بمرح : وجع مافي اخلاق بنفس خايسه : لا مشغوول الحين جالس انتظر مكالمه مهمه سلافه بنفاخ : انت ماتبطل مغازل ارتبك : هاه اي مغازل انا جالس انتظر صديقي يدق علي عنده موضوع مهم سلافه تجاريه وهي موب مصدقته قالت بدلع زآآآآآآآآيد : طيــــــب يابعد قلبي ممكن طلب : اطلبي سلافه بكذب : نسيت كتابي عند البندري وابغاه ضروري لان عندي اختبار بكرا قصدي السبت وابغا أذاكر اليوم بسخريه : ومن متى نزلت عليك الدفره أذكر انك تبرشمين لاختباراتك وبعدين انتي علمي والبندري أدبي وش جاب كتابك عندها سلافه ارتبكت : هااه آآآ تاره اللي ملصقه إذنها عند الجوال : قوليله مادة دين ولا عربي سلافه تذكرت المواد اللي يشتركون فيها مع الادبي : ايه انا ناسيه كتاب التوحيد عندها : طيب بكرا أجيبه لك سلافه بقهر وكذب : لا اليوم بكرا طالعه وما يمديني أذاكر اماااانه بندر الله يخليك سفانه : شحاااته الاخت لا تترجينه يامال العافيه تاره بقهر: انطمي انتي والله لو انتي جوعااانه كان حبيتي رجوووله عشان يجيب لك خليها تكلمه مالت عليك " طالعت سلافه " كلمي ماعليك منها سفانه ضحكت : الجوع وما يفعل تولين بحماس : yeees قوليله يجي " بقهر " حرامي الـ لاب توبات ! للمعلوميه فقط : سلافه راضعه مع بندر والبندري يعني تصير اختهم بالرضاعه <~~ لاياآآآآ شيخه أحلفي بندر : خلاص كسرتي خاطري الحين أجيب كتابك سلافه بحمااااس : تسلملي والله فديتك يلا مع السلامه بندر : لحظه سلافه : نعم بندر : مين من البنات عندك سلافه ارتبكت : هااه محد غير آآ تاره وسفانه بندر بحقد : و تولين سلافه بكذب : ما جات بندر : بلا كذب قولي الصدق سلافه بكذبه وبسرعه : هي ماجات اليوم تقول راسها يوجعها ومالها خلق بكرا انشاءالله بقابلها بالسوق عشان محل (××××) منزل بضاعه جديده روووعه وهي قالت لي عليها قلنا نروح بكرا ونشوف يمكن في شي يعجـ بندر قاطعها : بس بالعه راديو صدعتي راسي باي " وقفل " تولين : أم الكذب ياااشيخه تاره : عجيب والله وطلعتي ممثله بااارعه سلافه وهي تغمز لتاره : أعجبك سفانه : وربي عليك نصب ويني عنك من زمان آآخذ دروس منك ضحكت سلافه تولين بتفكير : ااممممم if بندر بيجيب الكتاب المزعوم حقك اكيد الحين بيروح عند البندري ويسألها وهي بتقول i don’t know انت وش قاعد تقول تاره ضربت جبهتها بخفه : يووووه صح سلافه وهي تدق على البندري : انا كيف نسيت جاها رد سلافه : الووو ... ايه بعدين أرحب فيك ... لا مو كيذا ... يوووه .. وشو زعلتي ... ماقلت شي ... طيب لحظه يابنت الحلال .. لحظه أفهمي .. عمى ... طيب أسمعي ... ياحماره لحظه أكلتيني وانا ماسويت شي تاره سحبت الجوال : الووو .... موب وقت الترحاب الحين ... وجــع ليش اخلاقك اليوم شينه ... مالت عليك ... لاآآآآآآآآآآآآ لاتروحين له لحظه .. طيب اسمعيني أعطيه كتابك التوحيد ... موو وقته .... ياليل البعارين ياشين اللقافه اللي فيك ... طيب طيب اعطيه كتابك الحين وقوليه هذا كتاب سلافه هي ناسيته عندي ... مالك دخل ... " شهقت و صرخت " يآآ #### يالملسوووونه يالخايسه ياللي اخلاقك قافله ياللي محبوسه بالبيت عشان أختبار يا يا " مالقت كلمه " وجع ماعندي كلمه ثانيه ... طيب عشان خااطري ... عشان خاطري أقولك .. طيب أعطيه وبعدين أقولك السبب .. سفانه : وجع وش فيها ذي تاره زفرت بأرتياح : أشوووووووآ راح ..... زين ..... يلا باي ....اوووف صدق صدق ملقوفه .... طيب ياحبيبتي السالفه ومافيها " وتقولها على السالفه " ارتحيتي الحين .... ههههههههههههههههههه .... أهم شي أشبعتي فضووولك ..... يلا انقلعي وروحي امسكي كتابك وذاكري بزران آخر زمن والله وجهزي قلمك الأزرق عشان الاختبار لا أوصيك هههههههههههههاي طيب يلا باااي ..... صدق زعلتي ........... ههه أشربي بحر وبقيلي ..... اوووووووووكي تامرين على شي يالملكه البندري .... اوكي بااااي جلست تاره : اشوا أعطته الكتاب الحين بيجي تولين وهي تدور بالغرفه وتفرك يدينها : وش أسويله كيف آآآخذ my revenge سفانه بتفكير إجرامي : شوفي هو أول مايدخل نحبسه ونربطه ونكفخخخخخخخه لمن يتفل االعافيه سلافه فتحت عيونها بصدمه : نـــعم تولين بخوف : لا هذي قويه ابغا أسويله شي يخليه يقول ثاااني مرره ما أغلط على بنت محمد آلـ ....... تاره : طيب لحظه خلوني أفكر سلافه بفكره : نهدده تاره فهمت عليها وقالت بحماااس : ايه ناااخذ جواله منه ونهدده نخليه يسوي لنا اللي نبغاه بكيذا انتي انتقمتي ويرجع لاب توبك ونتعشا نياهآآآآآهآآآآآآآآهآآآآآآآآآآآآآآآآآآ سفانه : ياكرهي لهالضحكه تولين : صدق هالضحكه كريهه سلافه بعبط : ايه تبينها شريره كأنها ساحره تاره : على ترآآآب يلا انتي وياها " وبصوت حاولت قد ماتقدر تخشنه " لنجهز للأنتقام من العدو تولين بقرف : ويعععععععععععع صوتك كيذا not cool سفانه : ايه يلوووع الكبد سلافه بعبط : ايه تحسسك مدري كيف شعور غريب لايوصف كلهم التفتوا عليها وانفجروا ضحك سفانه : وش شعور لايوصف سلافه بضحكه : مدري يحسسك بقرف شي غريب بعد ساعه بالتمام من التخطيط والتجهيزات لقتال العدو اللي هو بندر << على قولة تاره جا العدو المنتظر حامل كتاب التوحيد بيد والابتسامه الواسعه شاقه الخشه لمن فتحت له الشغاله الباب قال بهدوء : السلام عليكـ"ماكمل كلمته " الا وسلافه ساحبته وطاااح من يده الكتاب بندر فتح عيونه بخوف : خير وش السالفـ" ماكمل كلمته الثانيه " الا وتاره حاطه يدها على فمه وهي تضحك ضحكتها اللي تحوم الكبد من كثر ما تكررها ويسحبونه وهو من الفجعه ما قآآومهم كان مفجوع ومايدري وش قاعد يصير له و مو فاهم شي دخلوه المجلس وقفلوا الباب وجلسوه على الكرسي بعد ماربطت تاره رجوله بطرحة الشغاله اللي جلست تهاوش وتنافخ ليش يعني ياخذون طرحتها وسكتتها تاره بكم كلمه في الصميم ربطت سلافه يدات بندر وهو متنح وبس يقول " وش صاير " " وش السالفه " بعد ما انتهى الجزء الاول من الخطه دخلت سفانه وتولين سفانه كانت تحس بحمااااااس غير طبيعي تولين وقفت قدام بندر وهي تبتسم ابتساااامه شيطاااانيه : now i want my lap back " الحين ابغا لاب توبي يرجع " بندر كان مقطب حواجبه بعدين استوعب اللي قاعد يصير صرخ بقمة صوته : فـــــــــــــــكـــــــــــــونــــــــــــــي يـــــــالــــــــــــمــــــهـــــــــــــابــــي ـــل مــــو فـــاضي لــــحـــــركــــاتــــم الـــــــســــــــخـــــــــيــــــفــــــه والله لــو ما تـــركــتوني لا أعلــــم علـــــــــــيكم جــــــــــدتي سلافه كسر خااطرها : بنات حرام عليكم خلاص فكوه وانا اكلم فيصل و اقوله يجيب لنا عشـ قاطعتها تولين : اشششششششش ماصدقت اشوفه هالخبل " طالعته وقالت بحده " ابغا لاب توبي الحين بندر بغيض : لاب توبك ها في الاحلام يا ماما سلافه شافت تاره وسفانه يأشرلون لها تاخذ الجوال ولا بيذبحونها سلافه وهي تاخذ الجوال : سااامحني لا زم آخذه بندر زفر بضيق وقال بغيض : هاتيه لا العن خيرك الحين و أقلب الدنيا فوق راسك تولين شوي وتصيح : هات لاب توبي يالحقير بندر بملل طالعها : انتي لسا واقفه ضفي عن وجهي قال لاب توب قال مافي لاب توب ولاهم يحزنون ارتحتي الحين تاره بأبتسامه واااسعه شاقه الحلق : اسمع روح جيب لنا عشا من ماكدونلز لي انا و البنات بندر بسخريه : لا والله سفانه وهي تلعب بحواجبها بنذاله : اذا تبغا جوالك يرجع بدون فضايح بندر بقهر : هي انتي والخبله الثانيه والله لا أوصل السالفه لخالي زياد تولين وهي تقول بصوت باااكي لانه سافهها : جيب لاب توبي بندر طالعها : انتي للحين عااايشه تولين انقهرت وسحبة الجوال من سفانه بعصبيه وهي تقول بقمة العصبيه : قـــــــــــــسم بالله لا اكســــــــــره فوق راســــــــــــك جـــــــــــــــــيـــــــــــب لاب توبي : يمه : عصبة : تصدقون تعجبني اذا عصبة احسها قويه طالعت سفانه بتاره اللي مبتسمه بعبط : حلوه تحسينها قويه ترا من صدقها بتكسره فوق راسه بندر بهدوء عكس الغيض اللي يحسه بداخله : فكوني أول واحنا نتفاهم تولين بعصبيه : لاآآآآآ والحين وين لاب توبي " ! طبعاَ اللي ماتعرفونه عن تولين انها ماتستغنا عن لاب توبها لو ايش مايصير هذا بالنسبه لها الهواء اللي هي تتنفسه الاسبوع هذا كان بالنسبه لها سبع سنين كانت بتنجن الا وتبغا لاب توبها يرجع " بندر غمض عيونه وهو يقول بغيض وحقد من بين اسنانه : جعل ربي ياخذكم فكوني قبل ما أقوم الحين وأكسر روسكم وحده وحده بزر انا تلعبون فيني وتسون هالحركات اسمعوني بعد لمن ثلاثه واذا ماجات وحده منكم وفكت عني هالهبال اللي انتم مسوينه والله وهذاني حلفت لا أوصل هالسالفه لاهلكم و ممكن أزود عليها أشياء زياده من عندي " ابتسم بسخريه " تدرون لزوم أضافة احداث شرايكم تولين سكتت لمن أستوعبت ان السالفه هذي ممكن تنقلب ضدها و ممكن توصل لتركي " اللي نقدر نقول لو عرف بالسالفه هذي على الدنيا السلام لانه راح يذبحها " سلافه حست اللي يسونه قوي فـ فضلت إلتزام الصمت سفانه ما أهتمت بتهديده وجلست على الارض وتربعت تشوف نهاية اللي قاعد يصير لان حتى لو وصلت السالفه لأمها راح تهاوشها وهي تعودت على هواش امها فما فرقت معاها وعادي عندها الموضوع حتى لو زود كلام من عنده تاره اللي ماعبرت كلامه اي إهتمام قالت بأبتسامه : عاااااادي يعني الحين بتقنعني انت يالبزر ياللي عمرك ماتجاوز 17 تقدر تهددنا " بروآآآقه " شوف انا عندي اتفاق معك " أخذت الجوال من تولين وفتحت الرسااايل وهي تضحك " الاتفاق هو الرسااايل والمكالمات اللي بجوالك أوعدك ماتوصل لا لجدتي ولا لخالي العزيز زياد اللي ماشاءالله عليه مايعصب بسرعه واذا عصب تدري هو ضعيف مايقدر يعني يضربك ولايمسح بكرامتك الارض <~~~ قالتها بسخريه بندر بلع ريقه بخوف لانه يدري إذا عصب خاله مايعرف أحد وهو من النوع اللي مايحب هالسوالف ودااايم يهاوش بدر على الحركات اللي يسويها تاره تكمل وهو كاااسر خاطرها بس عذرها انها جووعانه : مثل ماقلت لك هالاشياء ما راح أوصلها له والاتفاق اولاّ واهم شي ابغا ماااااااااااااكدونلز <~~ قالتها برجااااء ثاني شي ترجع لاب توب الزفت هذي اللي واقفه هناك شوي وتموت علينا بندر بأستسلام مو عشان خاطرهم خوف من زياد : اوكي سفانه بلعانه : اوكي وشو بندر بدون نفس : راح أسوي اللي تبغونه بس مايوصل هالكلام لخالي سلافه بقهر لانهم ما إتفقوا انهم يسون فيه كيذا : بنات خلاص ترا زودتوها لو كنت أدري ان السالفه بتكون كيذا كان ما إشتركت معكـ سفانه قاطعتها : خلاص السالفه انتهت احنا اتفقنا صح بندروه بندر بنفس خاايسه : كلي تبن تاره ولا كأنها مسويه شي : طيب الحين بكتب لك الطلبات وانت جيبها وجيب معها الـ لاب توب وجوالك رهينه عندنا لمن تسوي اللي اتفقنا عليه بندر : لا والله وكيف أتصل على السواق يجي ياخذني عشان أجيب لكم الطفح اللي بتطفحونه سفانه وهي تدق بالجوال : انا اكلمه و أقوله ارتحت الحين دقت سفانه على السواق وقالت له يستنا بندر برا السواق استغرب وماعرف مين اللي كلمته بس ماعلق طلعوا البنات كلهم من الغرفه ومابقى غير سلافه سلافه بأبتسامه هاديه : سووووووووري والله ماكنت أدري انهم بيسون فيك كيذا على بالي بس بيخوفونك بندر معطيها طناااااش سلافه برجاء وهي تفك ربطت رجوله : بندر تكفى لا تزعل بندر مستمر في التطنيش سلافه بدلع : بندر لاتسفهني وفتحت يدينه قام بندر بهدوء وهو يعطيها نظرات بارده تذبح سحب ورقة الطلبات من يدها بعصبيه وطلع بدون ولا كلمه طلعت سلافه فوق البنات كانوا جالسين بالصاله اللي فوق سلافه تخصرت وقالت بقهر : ليش سويتوا كيذا حرام عليكم تراه زعل سفانه ببرائه : كنا نمزح معه سلافه بعصبيه : مزحكم ثقيل تولين بهدوء : مو الحين انتي اللي قلتي لنا على فكرة الـ revenge سلافه بقهر : ايه بس ماكان على بالي انه راح يكسر خاطري ويزعل تاره بأبتسامه : ياااشيخه سوينا فيه اللي العن من كيذا وما صار شي سلافه وهي تجلس وبندر كاسر خاطرها قالت بعتب : بس التهديد كان قوي وربطه والكلام اللي قلتيه تاره بضحكه : قلت لك سوينا فيه اللي العن من كيذا " ضحكت وهي تأشر على سفانه " تذكرين هذي وش سوت فيه " ضحكت سفانه لانها فهمت قصد تاره " يوم طلعنا البر السنه اللي فاتت على ما اضن يوم خالي يقولها تقدر تسوق سيارته كان بندر يمشي وطالع من الخيمه قالت خلني أخوفه وتسرع وتسوي انها بتصدمه قطعت خلف الولد واغمى عليه وأخذت تهزيء محترم من خالي و فيصل ضحكوا البنات لمن تذكروا السالفه تاره تكمل وهي تضحك وتأشر على نفسها : وانا قبل شهرين يوم نروح بيت البندري وطلعت الحوش وكاااااااااااان ظلام بمعنى الكمله والاخ بندر جالس على المرجيحه وسرحااان وأفجعه ويغمي عليه " قالت بتفكير وهي تحط يدها تحت دقنها " هالولد غريب اذا مااات خوف يغمى عليه ضحكوا وتاره تكمل وهي مستمتعه بالذكريات اللي تتذكرها أشرت على تولين : وهذي بعد يوم تعصب عليه وتكفخه وتلعن خير خيره ماقال شي زعل يوم وبعدها رضا وغزول يوم تتمنذل فيه لانه ما اعطاها البلايستيشن "قالت بحقد " قالت لسليمان انه " ضحكت " انها شافت معه دخاان وهي نصااابه راح لعن خيره وعرف بندر ان غزل ورا السالفه وزعل منها بس بعد اسبوع راضته وسامحها سلافه : بس حرام اللي تسونه فيه تولين بضحكه : عادي يابنت وبعدين احنا قلنا ماراح نوصل السالفه لأحد وموب فاااضحينه تاره قطبت حواجبها وهي تقول بهدوء : ومين قال اننا ماراح نعلم عليه صرخت سلافه بصدمه : نعم بتفضحينه موب انتي وعدتيه ماراح تعلمين عليه سفانه ابتسمت بهدوء لانها عرفت تفكير تاره تاره بحده وحزم : اللي يسويه غلط سلافه بأستنكار : بس انتي وعدتيه مانوصل السالفه لاي أحد تاره بحزم : انا قلت السالفه ماراح توصل لخالي زياد بس انا ماراح أقول لزياد انا بقول لتركي وهو يتصرف معه تولين بقهر : ليش النذاله سلافه : انتي هبله ولاتستهبلين قلنا السالفه ماراح توصل لأحد سفانه كانت ملتزمه الصمت وهي تأيد تاره لانها فاهمه ليش هي بتسوي كيذا تاره بحده وبنفس الحزم : اللي يسويه غلط وحرام يكلم بنات الناس وبعدين انا كنت بعلم خالي زياد " وبضحكه " بس المشكله ماعنده اسلوب خفت اذا قلت له يصفعني كف محترم " وبنفس الحزم " وبعدين تركي ماراح يوصل السالفه لاحد وهو بيتفاهم معه يعني يرضيكم يجلس يكلم ويغازل وهو لسا ماتجاوز 17 سلافه ببرود وعدم مبالاه : عااادي فتره مراهقه وتعدي تاره بحده وهي مستنكره تفكير سلافه : لاياشيخه يعني عشانه مراهق حلال عليه يكلم بنات هذا الشي حراااااااام وبعدين هو لازم يعرف حدوده اذا الحين يغازل ويكلم بكرا اذا صار 20 الله العالم وش بيسوي محد مهتم فيه الحين لانه على قولتكم مراااهق ويعني مراهق لازم يكلم وبعدين انا ما أسوي هالشي عشان أتمنذل فيه لا لاني احبه واعتبره أخوي وخااايفه على مصلحته واذا الحين غلط ومحد يقوله شي بكرا بيتمادى بغلطه سفانه ابتسمت وهي تأيد تاره بدون أي أعتراض : وانا معك في هذي سكتوا سلافه وتولين لان تاره معاها حق باللي تسويه تاره بهبل : وبعدين نراضيه صدقوني بيرضى يوم يومين بالكثير يزعل ويرضى بالنهايه سلافه ابتسمت : مشكلته يرضى بسسسسسسرعه لو انا مسوين فيني هالحركات والله ما أسامحكم ليوم الدين سفانه ضحكت : أجل أشــــوآ اننا ماسوينا لك شي " بعد مرور ساعه من السواليف والصرقعه والهبال " تولين بطفش : اووووف الشباب naw موجودين سلافه : مدري اكيد راحوا تاره : ما اضن اليوم خميس بيجلسون عند جدتي وينشبون بحلقها لمن الساعه 11 الليل وهي على قلبها مثل العسل حبايبها الشباب واحنا " بحسره وهي تكش على وجيه البنات " مالت علينا سفانه ضحكت : لا ما اضن شرايكم ننزل ونشوف بالمره نشوف بندر اللي راح ومارجع سلافه وهي تدور على طرحه : يلا تحجبوا البنات ونزلوا تحت المكان كان خاآآآآلي من اي كائن حي ويعمه هدوء غريب وظلاآم داامس تولين بخووف : o m g احس كأننا في فلم رعب سلافه : ليش هدوء زي كيذا تاره وهي تطل براسها على غرفة جدتها : مافي احد غير جدتي وخالتي دخلوا البنات ام فيصل بحنيه : وينكم انتوا ماتنشافون الجده طالعت تاره بحده تاره طالعت جدتها وابتسمت ابتسامه عبيطه سفانه بنذاله عشان تحرج تاره : كنا فوق بالغرفه عشان الشباب كانوا موجودين تدرين عيب ننزل ونجلس وهم موجودين اصلا ماناخذ راحتنا الجده وهي تطالع تاره بحده : ايه هذي اللي تعرف السنع مو بعض الناس تاره ضحكت : أشوووف جدتي قامت تدق بالكلام ترا ماكنت ادري انهم موجودين جعلهم بالـ " تلعثمت من نظرات جدتها قالت بأبتسامه وخوف " بالعافيه كنت بقول جعلهم بالعافيه ام فيصل ضحكت : طيب ماتبون عشا تولين ابتسمت : no بندر بيجيب لنا from ماكدونلز ام فيصل وهي تقوم : أجل انا بطلع غرفتي وجدتكم بتنام يعني لاتزعجوها " طالعت تاره وسفانه وضحكت " سمعتوا ابتسمت تاره وهي تهز راسها بــ إيه سفانه : انشاءالله ماراح نزعجها نتهدت الجده وهي متأكده انهم راح يسون ازعااج طلعت ام فيصل غرفتها رن الجرس حق الباب ركضت تاره وسفانه وهم يتحاربون مين يفتح الباب من الجوع اللي كانوا يحسونه وهم يتهاوشون ويسبون بعض عشان يفتحون الباب بعد جهد سفانه دفت تاره بقوه وفتحت الباب سفانه وهي تطاااالع الاكياااس بشهيه : يااااهلا بالحامل والمحمول بندر بدون نفس حط الاكيااااس على عتبة الباب و حط شنطة اللاب توب اللي معه ومد يده : عطيني جوالي ناولته سفانه الجوال وهي تاخذ الاغراض راح بندر بدون ولاكلمه لانه من جد كااان مقهور منهم لدرجة وده يذبحهم جات تولين وسلافه تولين ركضت وحظنت لاب توبها وهي تقول بفرحه نااابعه من قلب : I miss you sooooo mush ضحكت سلافه وهي تحمد ربها على نعمة العقل وراحوا للمطبخ طلعت تاره الوجبات من الاكياس : كل وحده تاخذ وجبتها فتحت تولين الكيس وطلعت ورقة الطلبات و الفلوس تولين بحزن : ياحبيبي مشتري الاكل على حسااابه ما اخذ الفلوس اللي اعطيناه اياها تاره شرقت بالببسي : كح كح قولي والله " وبغيض عشان ما أخذ الفلوس " حقير سفانه ضحكت وهي تكرر كلمتها : حقير تاره : ليش ما اخذ الفلوووس اوووف سلافه بحزن : وجع مالي نفس آآكل أحس بالذنب تولين : me to " طالعت تاره وسفانه اللي ياكلون من قلب " عمى يعني مرره مافي اي احساس بالذنب تاره وهي حاشيه فمها قالت بحكمه عبيطه : لا ولا تندموا على شي فات لاتستطيعون تغييره ضحكت سفانه وهي تاااكل وتأيدها سلافه ابتسمت : صدق انا جوووعانه " وفتحت وجبتها وصارت تاكل وأختفى احساسها بالذنب " تولين انسدت نفسها من الضيقه وجلست تااكل بطاطس خلصوا ونضفوا وغسلوا وطلعوا فوق *&*&*&*&*&*&*&*&*&*&*&*&*&*&*&*&*&*&*&*&*&*&*&*& *& *&*&*&*&* تاره وهي بالحمام " الله يعزكمـ" صرخت : احلـــفي مالقيتي غير هذا الخالع تلبسيني هو ضحكت سلافه : ايه واذا موب عاجبك نامي بملابسك دخلت تولين الغرفه وهي تقول: ايش هذي الملابس احس نفسي غلط ضحكت سلافه لمن شافت تولين كانت لابسه بلوزه كت وردي وماااسكه عليها وبنطلون وااااسع فيه قلوب بالابيض ودرجات الوردي ولابسه شبشبها " الله يعزكمـ " اللي لونه وردي ماتستغنا عنه تولين بغيض : ضحكتي بلا ضروس طلعت تاره من الحمام " الله يكرمكم " فقعوا البنات ضحك على شكلها تاره بقهر : عمى لاتضحكون وش اسوي مافي غيره سفانه وهي ميته ضحك : شكلك مصخخخخره كانت تاره لابسه قميص سلافه وردي لحد الركبه كت وفيه رسومات لشخصيات كرتونيه كان شكلها غللللللللللللللللللط سلافه كانت لابسه برمودا اسود مااااسك و تيشيرت ابيض وفيه كتابات بالاسود سفانه لابسه بلوزه لونها أصفر ماسكه بأكمام طووويله وبنطلون مقلم بالاصفر والابيض تاره وهي ترمي عليهم مخدات : لاتضحكون تولين : عطشااانه سلافه : تعالوا نشوف جدتي نامت ولالا تاره وهي تنقز بحمااااس : ايه يارب تكون نااايمه عشان ناخذ البلايستيشن اللي بغرفتها تولين : عطشااانه سفانه : عشان يذبحونا الشباب تاره بعدم اهتمام : بالطقاق فيهم تولين : عطشاااانه سفانه : كلي تبن خلاص فهمنا ونزلوا البنات بحذر وتولين وتاره راحوا للمطبخ تاره كان نفسها تشوف اذا جدتها صاحيه ولا لا بس خاافت تشوفها بهالمنظر ماكان عندها حل فراحت مع تولين المطبخ شربت تولين مووويه وجلسوا يستنوا البنات جو سفانه وسلافه خاليتا اليدين تاره : وين البلايستيشن سلافه : جده توها بتنام تاره بملل : اووف وش ذا الطفش سفانه وهي طفشانه : تقول طفوا الانوار و اخمدوووو تولين : مرره ملل خلونا نطلع نتـ قاطعتهم تاااره بحماآآآس : سباااق سفانه تحمست : سبااق ايش تاره بعبط : مين يقفل الانوار أول سفانه بحماس عبيط : يلا وانطلقوا الاثنين على المجالس يقفلون الانوار سلافه بفشله : شرايك نتسابق معهم تولين ماصدقت ان سلافه قالت كيذا لانهم داايم ما يلعبون هذي الالعاب العبيطه قالت بحماااس : يلا وانطلقوا المهبل وصارت كل وحده تدف الثانيه تاره دفت سفانه وقفلت الانوار حقت المجلس وهم انواع الصراخ والشتم سفانه بصوووت عالي لدرجه لا تصدق : انتي يالـ ##### غــــــــش تاره وهي تنطلق للمجلس الثاني : انتي الـ #### موب انا تولين دفت تااره وسبقتها على المجلس سلافه بشراسه دفت تولين وطفت الانوار وانطلقوا الاربعه على مجلس الرجال تاره : ياااا #### ههههههههههههههههههههاي انا اللي حفوز تولين دفت تاره سفانه دفت سلافه بقوه وانطلقوا بسرعه للمجلس سفانه بنذاله : ترا فيصل بالمجلس تولين دفت سفاانه بقوه وهي تضحك و وقفت وتخصرت : العبي غيرها ههههاي جات تاره اللي منطلقه بسرعه كأنها دبابه حربيه ودفت تولين على سفانه وهي تسبهم وتضحك سلافه كانت ورا تاره وتصااارخ بحماس قاموا تولين وسفانه ورجعوا للسباق وهم يدفون بعض وانواع الصراخ قفلت تاره الانوار حقت آخر مجلس وهي تضحك بأنتصااار: فـــــزت فـــزت هههههههههههههههههههههههههههاي سفانه بقهر : مافزتي لسا باقي ملحق خالي زيااد تاره ضحكت وهي تاخذ نفس : هههاي لا هذا مايحتسب اكيد خالي زياد وفيصل موجودين كيف أدخل في السباااق تولين وهي تطالع من الشباك : there isn’t سيارة خالي زياااد و لاسيارة فيصل يعني أكيد طالعين وسايبين الانوار مفتوحـ" سكتت لمن التفتت وشافتهم ماصدقوا خبر وانطلقوا على الملحق " تولين بصراخ وهي تلحقهم : هييييييييي انا اللي المفروض اروح سفانه دفت تاره بقوووه وتاره طاحت على سلافه اللي تألمت من الطيحه القويه سفانه بشرانيه : ههههههههههههههههههههههههههههههاي تستاهلووون وماشافت الا تولين منطلقه كأنها سيارة سباااق وتدفها بقوه وركضت على الملحق وفتحت الباب بأقووووووووى ماعندها دفتها سفانه اللي قامت بسرعه غير طبيعيه وهي ناويه نيه شينه لتولين طاحت تولين على الارض وهي متنحه ومفتحه عيونها بفجعه حست ببرود غررررررررررريب بجسمها وهي تطالع المنظر اللي قدامها بفجعه تاره من بعيييييييد : يــا ##### ياحقيرات لحظه جات بتدخل صعقها المنظر اللي تشوفه تراجعت على ورا ببطء بعدين انطلقت ورجعت لفوق سلافه اللي كانت جايه استغربت رجووع تاره قالت اكيد فيصل موجود ضحكت وراحت للملحق ركض فتحت عيونها بصدمممممممممممه لمن شااافت الملحق اللي مليااااان رجال وفيصل موسع عيونه ع الآخر و يطالعهم بصدمه وتولين اللي طايحه على الارض ومتربعه وجالسه تطالعهم بصددددمه شافت سفانه اللي رجعت وطلعت لفوق ركض لمن استوعبت اللي يصير ركضت هي الثانيه لا يشوفها فيصل ويذبحها فيصل كان يصب القهوه للرجال استغرب الاصوات اللي يسمعها بس كانت بعيده وما ميزها لمن انفتح الباب بكل قوه وطاحت تولين وشاف سفانه اللي تراجعت على ورا من الصدمه كان يطالع هالمنظر بذهوووووول تولين اللي تبغا تقوم بس رجولها ماتساعدها تحسها ذبلانه من الفجعه اكيد بيذبحها خالها اذا عرف هذا الشي الوحيد اللي جا في بالها فيصل تدارك نفسه و سحبها من ذراعها بقوه ودفها بشراسه برا الملحق تولين ماعرفت وش تقول ولا وش تسوي وكيف تبرر مو قفها قدامه كانت دقات قلبها تعلى من الخوف وصارت تتنفس بسرعه والدموع متجمعه بعيونها فيصل اللي كان يحس بنار تغلي جواته من الحركه اللي صارت ماحس اللا بيده تهوى بكل قوه على خد تولين تولين اللي من قوة الضربه طاحت بالارض فيصل وهو يصر على اسنانه : إطلعي فووق و حسااابي معكم بعدين تولين كانت مقهوره منه كيف يتجرء و يضربها بس عذرته لو تركي هو اللي شافها كان ذبحها غصب نزلت دموعها تولين وهي حاطه يدها على خدها قالت بأسف : والله ماكنت ادري ان في أحـ قاطعها فيصل وهو بقول من بين اسنانه : اطلعي فوق كفايه فضايح تولين دفنت وجهها بين يدينها حاولت تكتم دموعها بس ماقدرت وهي تقول من بين شهقاتها : والله ماكنت ادري والله فيصل لانت ملامحه وهو يقول بحنيه : طيب لاتصيحين و أطلعي فوق تولين اللي ماقدرت تكتم صياحها : آآآآآسفه والله ماكنت ادري فيصل : بهدوء طيب خلاص إطلعي الحين تولين وقفت وهي تحس بفشله من منظرها كيذا قدامه فيصل عطاها ظهره لمن حس بنفسه انه كان يطالعها بأعجاب ولأول مرره في حياتها يشوفها كيذا قدامه ومايفصل بيينهم الا مسااافه قليله كانت احلى بمليووون مرره بدون ميك اب على طبيعتها استغفر ربه وهو يقول : خلاص إطلعي فوق مايدري ليش بس كان وده يلتفت مرره ثانيه و يشوفها كان فيها شي يجذبه لمعه بعيونها جذبته لها ارتاح لمن سمع صوت خطواتها وهي تركض لفوق جا بيفتح باب الملحق حس بفشله كان شاك الا متأكد ان السالفه هذي من تحت راس سفانه وتاره توعدهم بداخله وهو يدخل الملحق اللي كان مليان رجاااال أصحاب زياد بالشركه توه متعرف عليهم وعازمهم (( في الغرفه عند البنات )) سلافه وهي تصيح : يا ويلي أكيد ذبح تولين تاره ضحكت : عادي تحصل في أرقى العائلات سفانه بفشله : يووووه انا كيف نسيت موضوع العزيمه ياربي فشله توه متوظف بالشركه وعازمهم اليوم سلافه وهي تمسح دموعها : وش بيقولون عنا الحين أكيد سمعونا واحنا نصارخ و نسب بعض تاره ضحكت : بيقولون هالبنات قليلات أدب و وصخاااات رجعت سلافه تصيح وسفانه ضحكت على الموقف اللي صار دخلت تولين بوجه أحمر وهي تصيح من قلب تاره فزت بخوف حاولت تضيعه وهي تقول بضحكه : ليش تصيحين خلاااااص سالفه وانتهت تولين وهي ميته صيااح : كله منكم يا حقيرات وش بيقول فيصل عني الحين سفانه ضحكت : خلاص انسي اللي صار تاره وهي توقف قدام تولين وتلصق بوجهها : وش قال فيصل تولين وهي تصيح : يقول حسابي معكم بعدين سفانه ببرود : يــــولي يعني وش بيسوي بيهاوش خليه يهاوش من هنا لبكرا سلافه وهي تصيح : بيذبحنا أكيد بيقول لخالي زياد على اللي صار وبيضربنا سفانه ضحكت وهي تقول ببرود وكأن الموضوع عاادي : لا ماتوصل للضرب بس كم كلمه مثل السم و خلاااص تولين نزلت راسها لمن شافت نظرات تاره المتفحصه وهي تطالع خدها اللي لونه احمر مثل الدم من قوة الضربه تاره وهي تحظن تولين وبضحكه : دلووووووووووووعه خلاص لاتصيحين " قالت بهمس " ضربك تولين بكذب هزت راسها بلا تاره بنفس الهمس : لاتكذبين علي قولي الصدق ماتشوفين كيف خدك احمر تولين أخذت نفس وهي تقول بهمس وهدوء :أستاهل انا الغبيه اللي دخلت أستاهل الضربه اللي أخذتها لو كان تركي ولا خالي زيااد كان ذبحوني تاره مسحت على شعر تولين بحنيه وضحكت : خلاص انسي السالفه شي وانتهى سلافه بخوف : تتوقعون يقول لاحد سفانه وهي تتثاوب : مدري تاره بهبل : هذي حوبت بندر الله ياخذه تولين وهي تضرب تاره : لاتدعين عليه سلافه : انا اليوم بنام هنا اخاف انام بغرفتي يجيني و يذبحني ضحكوا البنات وجلسوا يسولفون و يحاولون يضيعون الموضوع اللي صار سلافه كانت شايله هم بكرا اللي تحس انه راح تاخذ فيه تهزيئه محترمه ناموا البنات كلهم بغرفة سفانه اللي تنازلت عن سريرها لـ تولين و سلافه ونامت مع تاره على الارض وبكـيذا انتهى يوم مليئ بالاحداث بالنسبه للبنات والبعض شااايل هم بكرا من الخوف ان السالفه توصل لزياااد ×*×*×*×*×*×*×*×*×*×*×*×*×*×*×*×*×*×*×*×*×*×*×*×* بكيذا انتهى الجزء الاول من البارت التعريفي بالشخصيات اتمنى تكون البدايه عجبتكم انتظر ردودكم تعليقاتكم آرائكم بالشخصيات وتوقوعاااتكم و وش اكثر شخصيه عجبتكم بهذا البارت انتظروا البارت الجااي يوم الخميس الجاي بإذن الله اللي راح تدخل فيه الشخصيات الاساسيه اللي ماتكلمنا عنها هذا البارت تتابعون في البارت الثاني من رواية " مخ عربجي " : ( انا ضد العالم والعالم ضدي ) الجزء الثاني قالت برعب : والله كنت حاسه ان السالفه هذي ماراح تعدي على خير *.*.*.*.*.*.*.*.*.*.*.*.*.*.* شافها تطالع فيه وتعطيه نظرات حقد وكره ابتسم لها ابتسامه استفزازيه *.*.*.*.*.*.*.*.*.*.*.*.*.*.* قالت بصوت عالي : قومي يالبقره جدتي ماتت *.*.*.*.*.*.*.*.*.*.*.*.*.*.* وهي تصيح بشكل يقطع القلب : الحقيره بنت ##### مطلعه علي إشاعه تقول اني *.*.*.*.*.*.*.*.*.*.*.*.*.*.* قطع كلامها ضربه ثانيه بالعقال كتمت شهقتها وهي تغمض عيونها من قوة الضربه *.*.*.*.*.*.*.*.*.*.*.*.*.*.* دقتها وهي تغمز لها : ليش عشان حبيب القلب فصووول مع تحيات الكـآتبه : غرامها ساحر هنا انتهينا البارت الاول لاتحرموني من ردودكم 
__________________  يآنآس إڷـﮯ [تمَنِيتـﮧ] آخيږاً {صآر مَحبۇبِـﮯ..!! |
|
#7
07-04-2012, 06:01 PM
| ||
| | ||
| القصة كتير روووعه اعجبتني تسلمي حياتي world,s smile likes this.
__________________   |
|
#8
07-04-2012, 07:04 PM
| ||
| | ||
|
مشكورة على الموضوع
world,s smile likes this.
__________________  لٱ ٱلۂ ٱلٱ ٱللۂ عدُدُ مٱ كٱنٌ وِ عدُدُ مٱ يّكوِنٌ عدُ ٱلحًركٱتُ وِ ٱلسًكوِنٌ ٱلحًمدُ للۂ على كل حًٱل ٱللۂمٌ رضٱك وِ ٱلجَنٌة ٱسًتُغّفُر ٱللۂ ٱلعظٌيّم سًبّحًٱنٌ ٱللۂ وِ بّحًمدُۂ سًبّحًٱنٌ ٱللۂ ٱلعظٌيّمٱللۂم يّسًر ليّ وِ للمؤمنٌيّنٌ كل ماًَ فيهً خٍيٍرُ
|
|
#9
07-05-2012, 12:25 PM
| ||
| | ||
| اقتباس:
انتي الروووووووووووعه ومشكورة والبارت اليوم ان شاء الله ^^
__________________ يآنآس إڷـﮯ [تمَنِيتـﮧ] آخيږاً {صآر مَحبۇبِـﮯ..!! |
|
#10
07-05-2012, 12:59 PM
| ||
| | ||
| الــــبــــارت الــــثــــانــــي ( انــــا ضــــد الــــعــــالــــم و الــــعــــالــــم ضــــدي ) الجزء الثاني بأشراق صباح يوم جديد مليء بالأحداث لابطال روايتنا الساعه 11 الصبااح سلافه فاتحه الانوار وتصحي البنات سلافه بخوف : بنات بنات قوموا الله ياخذكم وأفتك منكم ومن مصايبكم تولين قامت وهي تفرك عيونها بحركه طفوليه : يالله صباح خير وش فيك مسويه إزعااج سلافه بخوف : فيصل من أول يناديني أخاف يهاوشني على اللي صار أمس تولين إنتفض جسمها بخوف من طااري فيصل لاشعورياَ حطت يدها على خدها اليسار مكان الضربه فزت سفااانه وهي تقول بصووت كله نوم : زين روحي شوفي وش يبغا منك سلافه بخوف : ما ابغا أنزل لوحدي تعالوا معاي هو ماراح يقول شي إذا شافنا كلنا مع بعض سفانه وهي تتثاوب : روحي لوحدك عااادي كلها كلمتين وبتصيحين وينتهي الموضوع " وغمضت عيونها عشان ترجع تنام " سلافه ضربتها بالمخده وهي متنرفزه من بروودها : أصحي لاتنامين وبعدين هو نادى عليك انتي كمان فزت سفانه وطااار كل النوم وهي تقول بفجعه : كـــــذابــــه سلافه : والله سفانه بعد ماطار النوم قالت بتفكير : هو إذا شاف تولين وتاره معنا ماراح يقول شي قدامهم " طالعت تاره اللي نايمه و في ساااابع نومه ضربتها بقوه " قوووووووووومي تاره ولاتحركت فيها شعره وحده سفاانه بصوووت عالي : قـــــــومي يالبــقره جـــدتي ماتت فزت تاره من النوم وتشهق : ماتت ضحكت سفانه على شكلها : لا سلافه بحزن : حرام عليك فجعتيها تولين ضحكت على شكل تاره : مسـكينه تاره استوعبت وسحبت سفانه من شعرها بقوه وهي تقول بغيض : فال الله و لا فالك جعل يومك قبل الشيخه بنت الشيوخ شيخه ضحكوا البنات على دفااعها تاره وهي تبعد عن سفانه : والحين " تتثاوب " ليش مصحيتني سفانه وهي تقوم : قومي غسلي و نقولك قامت تاره وراحت على الحمام " الله يعزكم " بدلت ملابسها ولبسة من ملابس سلافه بنطلون جينز عاادي و تيشيرت أحمر فيه صورت بنت مرره كيوت وطلعت و كانوا البنات لابسين اللي تمشط شعرها <~~ سلافه اللي تتمغط وفيها النوم <~~ سفاانه اللي رايقه وتحط ميك أب صبااحي <~~ تولين تاره وهي تجلس قالت بملل : خير وش السالفه سفانه وتقولها على ان فيصل من أول ينادي عليهم وخايفه يهاوشها على السالفه حقت أمس وإذا نزلوا معاهم هي و تولين ماراح يهاوشهم قدامهم تاره ابتسمت : طيب انا بنزل بس مو عشاان سواد عيونكم سفانه وهي تدقها وتغمز لها : ليش عشان حبيب القلب فصوول تاره بقرف من أعماق أعماق قلبها : ويعععععع مالقيت أحب غير أخوك المعقد سفانه ضحكت من قلب لانها تدري من سااابع المستحيلات تاره تحب فيصل لانها تموت رعب منه أكثر واحد من الشباب الا من العائله كلها يخوفها لانه إذا عصب يعصب < إحلفي تولين وهي تبعد عن المرايا : he is not معقد هو بس باارد like ice " زي الثلج " وعصبي too much " مررره " ودااايم مكشر and scary" ومرعب " ضحكوا البنات لمن قالت تاره بسخريه : ايه صراحه من وصفك تأكدت انه موب معقد نزلوا البنات بعد مالبسة تاره عبايتها وتحجبت هي و تولين احتياط لايكون فيصل موجود سفانه وسلافه اخذوا حجابهم خوف ان احد من الشباب يجي خصوصا ان اليوم جمعه وهم كل جمعه يجون يتغدون عند الجده بعد الصلاه على طوول دخلوا غرفة الجده وهم يقولون بنفس الوقت : صباااح الخير على الحلوين : السلااااام عليكم : هااااااي I mean السلااااام : متى الفطوووووور تراااااني جووووعااانه حدي كلهم طالعوا تاااره تاره بفشله وهي تحك راسها : قصدي السلام عليكم ورحمة الله وبركاااته عاد انتوا سلكوها هالمره ضحكت ام فيصل والبنات الجده تنهدت وردت السلام جلسوا البنات بعدما ماسلموا على الجده وام فيصل سفانه بهدوء غريب : يمه وين فيصل ام فيصل طالعت البنات بشك : مدري جا معصب وجلس ينادي عليك انتي وسلافه بعدين سأل عن خالكم ويوم أقوله بالملحق طلع شهقت تولين وهي تقول بهمس وخوف : رااح يعلم علي تاره بلعت ريقها بخوف لانها من جد خايفه ان السالفه اذا وصلت لخالها يكبر الموضوع ويسوي سالفه لتولين خصوصا تولين لانها هي اللي داخله الملحق وشافوها سفانه ضحكت : بيذبحنا اكيد فصول شاافني أمس وانا أدف تولين على المجلس تاره ضحكت : يابرودك ياشيخه أحد يضحك وهوعنده مصيبه كوبر جدتي ضحكت سفانه ! سفانه معروفه انها في المواقف اللي زي كيذا تضحك من التوتر أو من الخوف هي تكون صحيح خايفه بس تاخذ الموضوع إيزي .... سلافه برعب :والله انا كنت حاسه ان السالفه هذي ماراح تعدي على خير تاره بهدوء وهي تتربع على الكنبه : خلاص ماراح يصير شي و إذا عرف خالي العزيز اتركوا الموضوع علي سفانه ابتسمت لانها تدري ان الوحيده اللي ممكن تتفاهم مع زياد هي تاره بس كانت خايفه من هبال هالبنت وانها تقلب الموضوع نكته في وقت يكون معصب تولين كانت أكثر وحده خايفه موب من زياد بس كمان من فيصل صحيح أمس ضربها كف بس كان هذا وهو في قمة هدوئه حست ان هذا هو الهدوء قبل العاصفه سلافه حمدت ربها انها موب بموقف تولين ولا سفانه اللي كانت متأكده ان فيصل شافها وهي تدف تولين بس هي كانت شايله هم أذا فيصل لمحها وهي تركض بتدخل الملحق الجده بأستغراب : علامكم ساكتين انتم اذا سكتوا بهالطريقه معناه مسوين مصيبه جديده ام فيصل : يمه اكيد هم تعبانين من السهر أمس صح بنات كلهم أيدوا ام فيصل بصمت مو من عادتهم ام فيصل كانت حاسه ان وراهم شي تدري هالصمت ما وراه الا شي واللي زاد شكها دخول فيصل وهو معصب وينادي على اخواته وبعدها سأل عن زياد وطلع بس هي ماحبت تبين هالشي قدام الجده ام فيصل بأبتسامه وهي تقوم : أجل انا بروح أكلم الشغالات يحطون لكم الفطور وطلعت الجده التفتت على البنات : يلا اعترفوا وش مسوين هالمره تاره ضحكت : ولا شي ماسوينا شي الجده سفهة تاره وطالعت سلافه : انتي العاقله أعترفي وش صاير و وعد مني أطلعك من المصيبه سلافه اتسعت ابتسامتها وهي جايه تعترف بكل شي في لحظة تهور : السالفـ قاطعتها سفانه وهي تطالعها بنظرات تذبح : السالفه ومافيها تاره بهبال :ازمه وبعديها بعيش عالم ثاني دنياك ما ابغيها سفانه ضحكت وهي تلعب بحواجبها بطريقه مضحكه : لا تفتكرني مقدر تاره ابتسمت وهي تغمز لسفانه عشان يهبلون بجدتهم : أقدر و أقدر و أقدر " وهي ترقص بيداتها ومنسجمه " وما دام تتحداني سفانه بضحكه : والله لا أسويها تاره وسفانه بنفس الوقت وهم يرقصون : مادام حبي ضرك خلك مع اللي يسرك اللي بكذبه غرك ونشوف وش تاليها لالا مر دروبي تاره بضحكه لمن شافت وجه جدتها اللي من جد عصبة : ماعدت لي محبوبي سفانه بصوت كل ابوه نشاااز ومألفه طبقه موسيقيه خاااصه فيها ماعمر أحد بحياته سمعها : منتا ترا مطلوبي تاره وسفانه بنفس الوقت بهبل وهم يوقفون قدام جدتهم ويرقصون : نفسي وانا أدرى فيها الجده وهي تضربهم بالعصايه بعصبيه : جعل الله يزوجكم و أفتك من هبالكم تاره وسفانه بهمس : آآآآآآآآآآآمين تولين ضحكت : طالعه من قلب سلافه ضحكت : صدق والله ماتستحون سفانه طالعتها بحده : اسكتي توك بتفضحينا يالنذله سلافه وهي تضحك وتغمزلهم : ان لم تكن ذئباً اكلتك الذئاب تاره فتحت عيونها على وسعهم : لا والله وطلعتي منتي بسهله يابنت خالتي ام فيصل اللي مافي أحن منها ضحكوا البنات تولين وهي تضحك : وش دخل اللي ما في أحن منها تاره ابتسمت جات تتكلم تلاشت ابتسامتها لمن سمعت صراخه زياد بصوووت عالي : سفاااانوه تولــــين انتفضوا كلهم الجده تنهدت :لايكون مسوين مصيبه وخالكم عرف بها سلافه هزت راسها بـ لا الجده طنشتهم لانها متأكده انهم مسوين شي و زياد عرف وهم أكيد ماراح يقولون لها سفانه طالعت تاره برجاء يعني وش أسوي تاره فهمت نظراتها : روحي له مابيسوي لكم شي " طالعت تولن اللي وجهها يبين انها ميته رعب " روحي الحين لايعصب إذا تأخرتوا وبعدين ماراح يصير شي قاموا الاثنين وهم ميتين رعب وطلعوا من غرفة جدتهم سفانه بضحكه : طالعي الجانب الحلو من الموضوع انه ممكن يتحول لموقف مضحك ونجلس نضحك عليه تولين بقهر : really you have a problem " من جد انتي عندك مشكله " وش هالتناحه اللي فيك قال ينقلب to a jock سفانه ضحكت : بروبلم ولاا مو بروبلم انا أقول يمكن وبعدين كل شي جااايز تولين بغيض من دلاخة سفانه الزايده اليوم : ok انطمي سفانه ضحكت وهي تقول بتريقه : آفاآآ يابنت محمد انا انطم وانا كنت بخطبك لاخوي بس خلاص غيرت رأيي تولين قب وجهها من الاحراج ضربت سفانه على كتفها بحرج : اسكتي سفانه ضحكت لمن شافت وجه تولين اللي انقلب أحمر طووول عمرها تعرف ان سالفة الزواج لمن يقولوها قدام تولين تستحي لابعد حد والبنات كانوا يستمتعون بأحراجها ويضحكون عليها شافوه واقف مع فيصل اللي اعطاهم نظرات باااااارده وراح زياد كان وجهه يدل على العصبيه : تــــعالوا قربوا من عنده سحبهم وهو يدخلهم المجلس ويقفل الباب زياد التفت عليهم بعصبيه : وش الـــحركه اللي صــــارت امس هاه ممكن أفهم نزلوا روسهم تولين كان ودها الارض تنشق وتبلعها أهون من صراخه المرعب بالنسبه لها اما سفانه نزلت راسها لانها ماتبغا تطالع بوجهه وتنفجر ضحك كانت على وشك انها تضحك لمن صرخ عليهم زياد بعصبيه : يـــــعنـــي مـــاراح تـــتـــكلــمـــون طـــيـــب ممـــكـــن أعـــرف متــــى هالـــحركــــات والـــهــبـــال هــذا يـــنـــتــهــي وبــعديــن مــو انـــا قااايــل مـــن أول مــحــد يــقــرب مــن الــمــلــحــق سفانه طالعت فيه بعد ماكتمت ضحكتها اللي حاسه انها بأي لحظه ممكن تطلع غصب عنها : بس احنا ماكنا ندري قطع كلامها صرخته اللي ارعبتهم : ولااااا كــــــــــــلـــــــمه ما ابغا اسمع ولاكلمه " قال بحسره " يعني بالله وين أودي وجهي من الرجال توني متوظف حرام عليكم فضحتوني قدام العالم تولين بصوت باكي : والله أسفين ماكنا ندري صرخ زياد بعصبيه : قــــلــــت ولا كــــلــمه الحين قولولي وش أسوي فيكم نتكلم معكم بالهداوه والنقاش ماينفع معكم ترجعون لنفس الخبال وهاوشناكم و ماتبتوا وعاقبناكم برضوا ماتتوبون من حركاتكم وانا أشوف الوضع كل ماله يــــزيـــد يعني تبغون أجيكم بالضرب يمكن هذا اللي ينفع معكم تولين خافت وعلى طول راحت ورا سفانه وتمسكت فيها سفانه برجاء : خالي وربي آخر مرره زياد والشرار يتطاير من عيونه فصخ عقاله وهو يقول بصوت غريب : آآخر مرره هاه خافوا الاثنين لمن قرب من عندهم وهو ماسك العقال دخلت سلافه المجلس وهي تقول برعب : خالي جدتي تناديك زياد التفت عليها طالعها بعدين قال بعصبيه : تعالي انتي الثانيه أمس كنتي معهم سلافه ارتعبت من نبرة صوته واللي زادها رعب لمن شافت العقال اللي بيده ماعرفت وش تقول تكذب وتطلع نفسها من الموقف ولا تعترف بالحقيقه وتاخذ جزاها منه لمن ماعرفت وش تسوي قررت إلتزام الصمت زياد سفهها وطالع تولين وسفانه اللي واقفين قدامه سحب سفانه بقووه من ياقة البلوزه حقتها بعصبيه : شوفي قسم بالله هالحركه ماتعدي على خير وهذاني أقسمت تراك زودتيها كل ماكبرتي انهبلتي سفانه خافت من جد وهي تبعد يده اللي شاده على بلوزتها وحست انها مخنوقه من كثر ماهو شاد عليها : والله آسفه شهقوا كلهم لمن سمعوا صوت العقال اللي ضرب فيه سفااانه بكل قوته على رجلها سلافه برعب طلعت من المجلس تولين تصنمت مكانها من الخوف تدري خالها لمن يعصب مايعرف أحد سفانه وهي تحك مكان الضربه قالت برجاء وصوت خانقته العبره : والله آسفـ قطع كلامها ضربه ثانيه بالعقال أقوى من الاولى كتمت شهقتها وهي تغمض عيونها من قوة الضربه تولين رجعت على ورا وراحت ورا الكنبه وهي تصيح من الخوف زياد بعد عن سفانه وراح عند تولين قال بعصبيه : يعني على بالك بسكت على حركتك أمس " وراح لعندها بس هي ركضت تبعد عنه وبحركه سريعه مسكها من ذراعها بقوه وهو يتنفس بسرررعه من العصبيه " صرخت تولين بخوف : والله ماكنت أدري جدتي هي اللي قالت طفوا الانوار وماكنا ندري ان في رجال بالملحـ " سكتت لمن شافت العقال يرتفع بالهوا غمضت عيونها بقووووه تصنمت لمن سمعت صوت العقال اللي أخترق الصمت اللي ساااد الغرفه فجئه بس ماحست بالالم فتحت عيونها ببطء شافت خالتها ام فيصل واقفه عند باب المجلس وهي حاطه يدها على قلبها من المنظر التفتت شافت زياد واقف وماسك العقال ويطالع تاره بذهول وتاره واقفه جنبها وهي حاطه يدها على ذراعها مكان الضربه اللي أخذتها بدل تولين تاره بضحكه عكس الألم اللي تحسه : يالله خلاص أخذت حقك أعتبر تولين أخذت الضربه بدالي زياد حس بغيض : انتي وش جابك تاره ضحكت : بقولك على السالفه بس أوعدني تعتبرها موقف مضحك وماتعصب ضحكت سفانه غصب وسكتت لمن شافت نظرات زياد العصبيه بحركه عبيطه سوت حركه بيدها وهي تحطها على فمها يعني انها تسكره بمفتاح وترميه يعني بسكت ومانيب متكلمه طالع زياد تاره بضيقه ماكان بوده يضربها بس هي طلعت فجئه قدامه تاره ابتسمت بتصنع وهي ودها تصارخ بأعلى صوتها ~ عـــــــــــــــمــــــــى والله الــــضربه قوووووووويــــه آآآآه بذبح تولين وسفااانوه وقصم بالله ذابحتهم ~ قالت بعفويه : السالفه ياخالي العزيز هذي حوبت بندر زياد بأستغراب : وشوآ حوبت بندر تاره تدراكت الموضوع لاتفضح السالفه الثانيه قالت وهي تضحك : يوووه سالفه طوويله بعدين أقولك عليها ~ ايه أفلقني إذا قلتلك ناقصه أنا إعاقات من ضربك ~ الموووهيم الموضوع اننا كنا طفشانين تعرف البيت كان فاضي والشله الكريمه ماجات لأسباب لايعلمها الا الله كنا بالمطبخ وجدتي قالت لسفانوه و سلافه يطفون أنوار المجالس كلها ومن الطفش أقترحت أقتراح اننا نتسابق مين يطفي الانوار أول " شافته يناظرها بسخريه ضحكت وهي تقول " الطفش ومايفعل أدري اللعبه هبله بس هي اللي جات في بالي لاننا مانقدر نلعب بالبلايستيشن المقدس للشباب فقط ممنوع أحد يلمسه صدق سخافه على العموم تسابقنا وطفينا كل الانوار بس بااقي انوار الملحق ولمن ماشفنا لا سيارتك ولاسيارت فيصل قلنا أكيد طلعتوا وسوينا سباق على الملحق و صار اللي صار واللي هو اننا ماكنا ندري ان في أحد موجود بالملحق وتولين منطلقه زي الصاروخ وتدخل المجلس وسفااانوه من الحماس دفتها وهي طاحت طبعا كل هذا صااار واحنا ماندري ان في أحد بالملحق زياد تنهد وقال بحده : و لو انا قايل من أول محد يقرب من الملحق تاره بدفاشه دقته على كتفه و هي تقول بطريقه عربجيه بحته: خلاص سالفه وانتهت وماراح نعيدها زياد رما العقال وطالع بحده تولين اللي جالسه تصيح بصمت وسفانه اللي جالسه على الارض توزع ابتسامات مالها معنى : هذي المرره سماح بس وربي لو تكررت الحركه هذي لا أضربكم ضرب عمر فحياتكم ماشفتوا مثله سامعين كلكم مو بس انتي وياها كلهم هزوا روسهم بــ طيب زياد وهو يضرب تاره على راسها : وانتي ترا فيصل قال ان السالفه أكيد من تحت راسك تاره ضحكت طلع زياد من المجلس وتركهم سفانه تنهدت برااااحه : أشوووووآ آآآآآآآآآآآآآآآآآي قسم بالله سلخ جلدي كما الذبيحه لمن يذبحونها تاره ضحكت : آمااا مرره وحده ذبيحه تولين حظنت تاره بقوووه وهي تصيح تاره بعدتها عنها كأنها متقرفه : ابعدي عني ما احب الاحظان ضحكت تولين على تبريرها وهي تمسح دموعها : thank you تاره وهي تمد يدها عشان تقوم سفانه : على ايش تولين : على انك أخذتي الضربه بدالي تاره بكذبه : اسكتي قال أخذتها بدالك أصلا جات بالغلط ولا انا ناقصه أشوه جسمي المثالي عشااان خاطرك ضحكت سفانه وهي تقوم : عطتكم النصبه " بمعنى انها قامت تشلح يعني تكذب " تاره تضيع الموضوع :تعالو نطلع فوق نشوف سلااافوه الحقيره اللي جات تصارخ بهستيريا وتناقز " صارت تقلدها " بيذبحهم أقسم بالله بيذبحهم " ضحكت " بغت تجيب لجدتي سكته قلبيه من الخوف تولين : يووه naw راح تسألنا وش السالفه ضحكت تاره وهي تطلع من المجلس : ياشيخه لاتشيلين هم ماراح تسألكم لانها هاوشتني تقول السالفه كلها من تحت راسي انا سفانه بهدوء : والله كنت ميته خووف شكله من جد مرعب وهو معصب تولين بخوف : والله لمن شفته يضربك بغت تجيني جلطه قلت لو ضربني من الممكن اني أمووت بس " ابتسمت " الحمدلله عندي أخت طيوووبه أنقذتني من الموقف تاره بكذبه : ياليل بتمسكينها علي الحين قلت لك بالغلط طلعوا فوق ودقوا باب غرفة سلافه بس هي كانت تصيح ومافتحت الباب تركوها براحتها لمن تهدء وتجيهم راحوا غرفة سفانه انسدحت سفانه على السرير بتعب تولين جلست على الكنبه وتاره دخلت الحمام الله يكرمكم فصخت العبايه ورفعت كم البلوزه وشااافت الضربه اللي كانت تحرقها وتحس بألم مكانها كاان لونها أحمممممر من قوتها تاره ضحكت على نفسها ~ يعني لازم أسوي نفسي سوبر وومن وأنقذها كالعاده ثااني مرره بخليها تنال عقابها "ابتسمت " صدق هالبنت دلووعه وغثيثه لو أنه ضربها كان ماتت من الصياح أشوووا اني أخذتها بدالها بدل ماتغثني وتنكد علي يومي ~ طلعت من الحمام " الله يعزكمـ" طالعت تولين اللي جالسه تضحك مع سفانه بحب وحنيه أخويه تاره بهبال : بنات نلعب سفانه بتريقه : سباق وندخل الملحق تولين ضحكت تاره تذكرت وصرخت من قلب : حقييييييير سفانه وهي تعدل جلستها : مين تاره بقهر : اخوك الزفت يقول لزياد ان السالفه من تحت راسي ليش هو دايم ضدي في كل شي ليييييييييش تولين ضحكت : مو بس هو ضدك كل العالم ضدك سفانه وهي تضحك : وانتي ضد العالم تاره بحسره : ايه والله " قالت بطريقه مسرحيه وهي تحط يدها على راسها بشكل يضحك " انا ضد العالم والعالم ضدي ضحكوا وهم يئيدونها جلسوا يسولفون وانضمت لهم سلافه اللي كانت ملتزمه الصمت وماتكلمت وقالت شي سفانه بنبرة حزن : اكيد بعد اللي صارجدتي راح تقول مافي بر تولين : أحسن قايلتلكم البر its not cool تاره بتفكير : اممم أشوف اكلمها أحاول أقنعهـ " ماكملت كلامها الا الباب ينفتح بكل دفااشه " الريم بصراخ : يــــــــــــا عـــــــــالـــــــــــم أحـــــــــنا جــــــــــيــــــــنا البندر من ورا الريم بحماس وهي تفرك يدينها ببعض : سمعت ان صار فيه شوية أكشن اليووم غزل وهي تنقز من وراهم وتتخصر : يالخونه بدون علمي نقزت تاره وسفانه بنفس الوقت وهم يصرخون بحمااس لانهم ماتوقعوا انهم يجون اليوم خصوصا ان اليوم جمعه وبس الشباب اللي يجون يتغدون عند الجده بعد الصلاه على طوول بعد السلام والسؤال عن الحال الريم بهبل : يلا اعترفوا وش صااير غزل بنفس الهبل : لو سمحتوا السالفه تقولوها كاامله البندري بحماس : بالتفصيل الممل لاني سمعت ان خالتي أم فيصل هاوشة خالي زياد تاره بصدمه : هاوشته الريم بحماس لايصدق : ايه سمعت ان كان في ضرب وتكفيخ قولوا عاد ترا حدي متحمسه غزل بأبتسامه شاقه الحلق شق : انا سمعتها تكلمه بس ماتهاوشوا بس كلام تقول مايصير تمد يدك عليهم ومن ذا الكلام سلافه : وهو وش قال غزل تتذكر : يقول اللي صار خلاه يعصب ومن حقه يضربكم لان انتوا ماينفع معكم الكلام تولين : no مو من حقه يضربنا قبل مايسمع اللي صار لان اللي صار كان بدون قصد الريم بصراخ وهي تشد شعرها : بتقولون ولا لا ترا اعصابي تلفت من الحماس سفانه بسخريه : هدي لايطق فيك عرق بس ضحكت الريم البندري بدون نفس : يلا قولوا جلست سفانه تقولوهم على اللي صار بالتفصيل الممل غزل بحماااس : ياخساره ياريتني نايمه عندكم أمس الريم بقهر : بس والله ان فيصل نذل البندري بغيض : ايه والله انه نذل ليش يعلم كان سكت سفانه : عاد هذا اللي صار تاره تضيع الموضوع : شرايكم مدام جيتوا تكلمون جدتي على البر الريم بأستغراب : اي بر ومين قال اننا بنطلع بر سفانه : هذي الفكره أمس جتنا وكلمناها وقالت بتكلم خالي ابو محمد وتشوف تاره تكمل : بس أخاف بعد اللي صار اليوم تطنش الموضوع غزل وهي تدق الصدر : أفا لا أفا تطنش الموضوع وانا موجوده بكلمها الحين و بتوافق تاره ضحكت : أجل ننزل الحين ونكلمها الريم : بس كل الشباب موجودين تاره ضحكت وطالعت سفانه وهي تقول بتريقه : درب ياولد درب ضحكت سفانه لمن تذكرت غزل بأستغراب : وش فيكم سلافه قالت لهم على سالفة تاره ضحكوا البنات الريم وهي تدق كفها بكف تاره : والله انك حفله بدون كيك ضحكت تاره على التشبيه ونزلوا تحت تاره وهي واقفه برا غرفة جدتها قالت بتهديد : قسم بالله لو تتمنذلون وتتركوني لوحدي والله لا أقول لجدتي على كل فضايحكم غزل بضحكه : اي فضايح ضحكت تاره : خلي المستخبي مستور ضحكوا عليها طلت براسها شافت الغرفه الي تعم بالشباب ودخلت أول وحده تاره بأبتسامه : السلام عليكم ردوا السلام والجده بققة عيونها لمن شافتها تاره التفتت وراها شافت البنات يرجعون ببطء على ورا تاره بشهقه : يالنذلااات تراني أقسمت ضحكت البندري وهي تدخل الغرفه بطريقة حونشيه وقالت السلام بعدها دخلت سفانه وسلافه وغزل وتولين الكل رد السلام تاره استغربت نظرات تركي لتولين بققة عيونها على الاخر عرفت بهذي اللحظه ان السالفه وصلت لتركي بس ماحبت تبين شي جلست جنب جدتها وجلست من الجهه الثانيه الريم اللي كانت آخر وحده تدخل الغرفه الجده : كملت أجتمعوا علي المهبل ضحكت الريم : ياحليلك ياجده الجده بعصبيه : حلاك بطنك يالخبله وش ياحليلك الريم تداركت الموضوع قالت بتلعثم : قصدي ياحبـ ي لك الجده بنفس خايسه : وش تبون الريم : نبغا نروح البر سفانه : ايه الله يخليك البندري بذل : امانه الله يدخلك الجنه تولين : صحيح كنت رافضه الفكره بس يلا الله يخليك نبغا نطلع البر سلافه : عشااان خاطري جده غزل وهي تناقز وناسيه الشباب اللي بالغرفه : الله يخليك عشاني أمانه الله يسعدك دنيا و آخره كتمت الجده ضحكتها على أشكالهم وجلسوا البنات يترجون فيها وهي معطيتهم طناااش < والله مهي بسهله الجده خخخخ ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ × عند " فهد .. تركي .. فيصل .. زياد " تركي كان ملتزم الصمت بعد ماعرف السالفه من زياد فيصل ماكان يبغا السالفه توصل لزياد بس خاف انه يعرفها أو يسمعها من زملائه بالشركه فقرر يقوله بس ماكان متوقع ردت فعله كيذا مايدري ليش بس حس براحه لمن عرف انه ماضرب تولين لان زياد قاله على اللي صار فهد كان يطالعهم بأستغراب : اللي ماخذ عقولكم زياد : الا أقوول وين فارس ما جا اليوم ضحك فهد : والله انك مغبر فارس مسافر من أسبوع زياد بأستغراب : مساافر فهد : ايه راح مع أخوياه لدبي من الاسبوع اللي فات زياد : آها فهد طالع تركي و فيصل اللي ساكتين على غير المعتاد طالع زياد : وش فيهم زياد ابتسم : ولا شي فهد سكت وجلس بعدها يسولف مع زياد عن الشركه و أحوالها وإذا كان تئقلم مع الوضع ولا لسا ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ × " سليمان ؛؛ بدر " كان بدر يسولف وسليمان يطالع البنات كان يطالعها بحب وشووق له أكثر من أسبوعين ما شافها ولا سمع صوتها كان مشتااق لها مووت كان يطالعا تسولف وتحن على راس جدتها وتضحك مع البنات بعدها شافها التفتت عليه شافها تطالع فيه وتعطيه نظرات حقد وكره ابتسم لها ابتسامه استفزازيه قطع عليه هالجو بدر بدر وهو يمرر يدها قدام وجه سليمان : وسن وصلت يا ابو الشباب سليمان ضحك : معاك بدر : واضح ما اقول الا اللي ماخذه عقلك سليمان بضحكه : وانت وش عليك ضحك بدر وهو يرجع يعيد السالفه لسليمان اللي جلس يضحك على كلامه ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ × الجده بنفاخ : جعلكم بالعافيه يالمخبل قوموا عني أقلقتوا راسي الريم بهبال : يلا يلا وافقي عشان خاطري الجده صرخت : قومي عني ومين قال ان لك خاطر عندي الريم بعبط : يووه ياجده حرام عليك تطيحين وجهي قدام العرب غزل بضحكه : كسحتك < يعني فشلتك البندري بعربجه : يالله ضفوا انا بكلمها أدري اني دلوعتها ومابترفضلي طلب " بعدوا البنات و وقفت البندري قدام وجه جدتها وابتسمت ابتسامه واسعه جدا جدا لدرجة ضروسها كانت واضحه " البندري بصارخ وهبل : الله يخليك الله يخليك ابغا اروح البر حرااام عليك اللي جالسه تسويه فيني تراك جالسه تعذبيني امـــــــانه ابغا اروحـ " قطع كلامها لمن شافت جدتها تدور على عصايتها " البندري بعدت بخوف : يمه خلاص بطلت ما ابغا اروح الجده وهي ماسكه عصايتها وتلوح فيها قدام البنات :والله لا اكسر روسكم بها اذا مابعدتوا عني يالمهبل تولين بدلع ونذاله : تستاهلون كيذا الواحد يكلم جدته الجده بنرفزه : يعني الحين انتي اللي تعرفين تهرجين قومي عن وجهي تولين لفة البوز البنات انفحروا ضحك تاره من بين ضحكها : لقطي وجهك ههههههههههههاي فشلتك تولين بحركه طفوليه مدت لسانها غزل تنهدت : يعني هذا جزاتنا ياجده ترا طلعت البر راح تكوني انتي المستفيده منها الجده بأستغراب : وشوا غزل وهي تمسك يد جدتها قالت بعبط : يعني فكري فيها اذا طلعنا البر راح تفتكين من تاروه و إزعااجها وسفانوه بعد وكل الشله ماراح تشوفينا يعني انتي اكثر وحده راح تستفيد كل البنات طالعوا غزل وتاره طالعتها بحقد انصدموا لمن الجده قالت : عطوني التليفون اكلم خالكم ابو محمد شلون انا مافكرت اني راح افتك منكم ماكملت كلامها الا التليفون قدامها وتاره داقه على رقم خالها الجده اخذت التليفون وأشرت لهم يسكتون عشان تسمع سكتوا وجلسوا بأدب على غير العاده والجده تكلم تليفون بعد انتهاء المكالمه اللي استمرت ربع سااعه تم الاعلان من قبل الجده الجده بصوت عالي عشان الكل يسمعها : ترا كلمت خالكم ابو محمد على البر يقول يوم الاثنين تبدء إجازته وبيطلعكم تعالت اصوات البنات الحماسيه والشباب اللي كانوا بعد مبسوطين انهم راح يغيرون جو ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ × تتابعون في البارت الثالث من رواية " مخ عربجي " : ( انا ضد العالم والعالم ضدي ) الجزء الثالث والاخير *.*.*.*.*.*.*.*.*.*.*.*.*.*.* ضحكت ضحكه مصطنعه وهي ودها تصيح لمن بدءت الذكريات ترجعلها *.*.*.*.*.*.*.*.*.*.*.*.*.*.* فهم قصده وقال بهمس وغيض : ودي أذبحها هي و *.*.*.*.*.*.*.*.*.*.*.*.*.*.* قالت بضحكه شرانيه : هههههههههههههاي تولينوه تركي من أول يطالعك ياويلك منه شكله بيذبحك *.*.*.*.*.*.*.*.*.*.*.*.*.*.* حست انها بتصيح من الخوف جات ترجع على ورا انصدمت لمن شافت فيصل طالع من المطبخ *.*.*.*.*.*.*.*.*.*.*.*.*.*.* ابتسمت مجامله وهي تحس بغيض فضيع منها عشان فيصل شافها *.*.*.*.*.*.*.*.*.*.*.*.*.*.* وهي تصيح بشكل يقطع القلب : الحقيره بنت ##### وحده من البنات مطلعه علي إشاعه تقول اني مع تحياتي : غرامها ساحر
__________________ يآنآس إڷـﮯ [تمَنِيتـﮧ] آخيږاً {صآر مَحبۇبِـﮯ..!! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صـــور/ ــــي أبـيــاتــــــگ | يسلمـــووو يسلمـــوووو | قصائد منقوله من هنا وهناك | 18 | 07-31-2012 02:02 PM |
| ![.. مـــ/ــع آو ضــــ/ــــد ..]! | ℓσѕт ∂яєαм | حواء ~ | 7 | 01-13-2012 04:05 AM |
| ~¤.~ الأعــــضاء فـــى نـــظرك ~¤.~ | ỒᆻĎā シ | قسم أخبار و أحوال الأعضاء و نشاطاتهم | 28 | 09-28-2010 11:52 PM |
| o°°o°°o°*~.][صـوـؤـوـؤـور إنــ م ــــي][.~* °o°°o°°o | ѕιlνεr | أرشيف المواضيع الغير مكتمله او المكرره او المنقوله و المخالفه | 7 | 09-27-2009 08:41 AM |
17Likes
العرض العادي
