|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#11
07-06-2012, 12:51 PM
| ||
| | ||
| ومكن تعتبرين من المتابعين world,s smile likes this. |
|
#12
07-06-2012, 01:43 PM
| ||
| | ||
| روووووووعه اكملي بأنتظارك world,s smile likes this.
__________________   |
|
#13
07-07-2012, 09:33 PM
| ||
| | ||
| يسلمووو ع الرواية تقبليـ مروووريـ world,s smile likes this. |
|
#14
07-10-2012, 01:08 AM
| ||
| | ||
| مشكوووووورين للمتابعة والبارت بعد شوي ^^
__________________  يآنآس إڷـﮯ [تمَنِيتـﮧ] آخيږاً {صآر مَحبۇبِـﮯ..!! |
|
#15
07-10-2012, 01:12 AM
| ||
| | ||
| الــبــارت الــثــالــث " انــا ضــد الــعــالــم والــعــالــم ضــدي " الجزء الثالث والاخير تم الاعلان من قبل الجده الجده بصوت عالي عشان الكل يسمعها : ترا كلمت خالكم ابو محمد على البر يقول يوم الاثنين تبدء إجازته وبيطلعكم تعالت اصوات البنات الحماسيه والشباب اللي كانوا بعد مبسوطين انهم راح يغيرون جو ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند سلافه و تولين سلافه بحماااس : واااو بنطلع البر وقسم حماااااس بس تتوقعين بيت خالتي أم رائد يطلعوون معنا تولين : _________________ سلافه بأستغراب : هي تولين " ضحكت لمن شافتها سرحاانه " تولييين " ضربتها بخفه " بنت تولين بهدوء : what ?? سلافه : وش فيك تولين بسرحاان : هاه لا ولاشي بس سلافه بأستغراب : ببببس تولين التفتت على سلافه وتنهدت : تركي من أول يطالعني سلافه التفتت شافت تركي اللي يسولف مع زياد وبين لحظه ولحظه يطالع تولين سلافه : طيب ويعني يطالعك " ضحكت " يمكن مشتااااق لك تولين هزت راسها بـ لا وقالت بسرعه وخوف : عرف بالسالفه سلافه تنهدت بملل : ياذي السالفه ماصارت صراحه مصخوها ويعني عرف وش بيسوي تولين بلعت ريقها : بيسوي اللعن من اللي سواه خالي زياد سلافه تضيع الموضوع : طيب انسي السالفه الحين ماقلتي لي تتوقعين إذا طلعنا البر بيت خالتي أم رائد يطلعون معنا تولين حست بحماااس : ياريت والله تطلع معنا لورا بيكون من جد فله واستمر الحديث ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند سفانه البندري و الريم سفانه : ما تلاحظون ان في شي غريب البندري وهي تطالع وجه الريم قالت بتريقه : الا ريمووه طالعه بوجهها حبه كأنها راس ثااني الريم حطت يدها على الحبه اللي في جبهتها وقالت بأستنكار : هيييييي لا تتريقين وبعدين هذي ناموسه الله ياخذها بنت ##### ضحكت البندري : لسانك وصخ يبغاله غسيل الريم بسخريه : هاهاها ماتضحك البندري ببرود : وانا قلت أضحكي سفانه : بنات ما تلاحظون شي غريب الريم بملل: لا ممكن تقولين وش الشي الغريب سفانه وهي مقطبه حواجبها بأستغراب : اليوم مافي لا رجال ولا حريم ولاحتى الطعشات والبزران بس احنا والشباب وش السالفه البندري : مدري الريم : ماتدرون ان الحريم رايحين عزيمة لبيت الجيران عشان كيذا موب موجودين والرجال يجون بعد دواماتهم يعني على المغرب أو العشاء وبالنسبه للطعشات ههههههههههههه عندهم مدرسه بكرا عشان كيذا ما جو والبزران جدتي حالفه مايدخلون البيت الا ومعهم أهلهم يمسكونهم ضحكوا البنات وأستمر الحديث ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند غزل وتاره تاره تطالع بدر وتضحك : قسم بالله هالولد عليه طريقه في الوصف لازم يحرك يداته ويسوي تعابير بوجهه تضحك غزل ضحكت : من جد ياكرهي له بس تاره ضحكت : ايه والله انك صادقه على قد مادمه خفيف الا انه غثيث ونشبه غزل بضحكه : ومغازلجي كمان تاره ضحكت : ايه مايبطل قلة الادب غزل : ماعلينا منه كل شباب العائله مثله تاره طالعتها بحده ضحكت غزل : الا أخوك المصون طبعاً تاره بصرامه مصطنعه : ايه على بالي بس غزل بكره : والله أغلب شباب العائله ماينطاقون تاره ابتسمت وهي تقول بهدوء : مو كلهم الوحيد اللي ماينطاق هو الشخص اللي في بالك غزل سكتت وهي فاهمه قصد تاره تاره ضحكت : خلاص يابنت الحلال سالفه وانتهت طنشي وعيشي حياااتك غزل ابتسمت بهدوء وهي تتذكر السالفه اللي بينها وبين ... قطع تفكيرها تاره تاره بهبل : خلاص لاتفكرين قلت انسي انسسسسسسسسسسي يابنت ضحكة غزل ضحكه مصطنعه وهي ودها تصيح لمن بدءت الذكريات ترجعلها تاره حست ان غزل خانقتها العبره فقامت تسولف وتنكت وتقول قصص وحكاوي نصها تأليف من عندها وغزل عارفه ان تاره تألف نص الكلام لان ماعندها سواليف وتبغا تطلعها من الضيقه اللي تحس بها صارت تضحك وتسولف معها لمن حست براحه ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند تركي و فهد و زياد وفيصل فيصل بهدوء : تركي تركي التفت عليه : نعم فيصل بهمس : خلاص تركي فهم قصده قال بغيض وهمس : ودي أذبحها هي وتاروه قايلك هالبنات ما وراهم الا الفضايح انت ماصدقتني " يقلد برود فيصل" غلطان انت غلطان ياتركي " ابتسم " ومين الغلطان الحين ضحك فيصل لأنه عارف ان تركي يقول هالكلام بتريقه لانه مقهور من السالفه اللي سمعها زياد : جوووعان متى الغدا فهد : حتى انا جوعااان زياد بأمر و حزم : فيصل قوم شوف أمك و أسألها متى الغدا فيصل وسع عيونه : هاه زياد وهو كاتم الضحكه على شكلها قال بحده مصطنعه : من قال هاه سمع يلا قوم فهد بتريقه لمن شاف فيصل يقوم وهو مقهور : وجيب لي معك كاس مويه عطشان فيصل بنظرات تذبح وهو يقول بغيض : ماودك بكاس سم تشربه فهد بقق عيونه وهو يقول بصدمه مصطنعه : سم " يقول بطريقه مسرحيه " لا هذي قويه فيصل ضحك وهو طالع من الغرفه ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند ( سليمان و بدر ) سليمان بقرف : خلاص الله ياخذك ياشيخ ويفكني منك حرمه انت بس تسولف بدر ابتسم : أذكر الله لا تصكني بعين الحين سليمان بضحكه : ماشاءالله بدر بنرفزه : على الاقل انا أتكلم مو مثلك 24 ساعه سرحاان تراك صاير ثقيل دم بزياده آآآآآآآخ بس متى يرجع فارس سليمان ضحك : اووووه تراه فالها بـ دبي وانت جالس هنا كان رحت معه وفكيتنا من خشتك شوي بدر بقهر : صدق اني ثور قلك يعني مرره مهتم بالجامعه والدراسه وماعندي وقت سليمان ضحك على بدر اللي جالس يتحلطم ويدعي ان فارس يتنكد بسفره عشان ماراح معه ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ عند تولين سلافه والريم اللي إنضمت لهم الريم بضحكه شرانيه : هههههههههههههههاي تولينوه تركي من أول يطالعك ياويلك منه شكله بيذبحك تولين طالعت الريم بحقد : its not your bisnis " هذا مو شغلك " الريم بهبال : كششششششششششششششخه يالانجليزي انتي ترا مقدر على كيذا ضحكت تولين غصب من خبال الريم سلافه : اووووف الريم التفتت على سلافه : خير وش فيك تتأفئفين سلافه بأمتعاض : منك من اول جالسه تقرقرين فوق روسنا وش جابك عندنا طسي وروحي عند شلتك الجميله الريم تربعت فوق الكنبه بين تولين و سلافه : وهذذذذذي قعده عناد فيك بجلس معكم لمن أروح سلافه صرخت بقهر وطلعت تولين بأستنكار : هيييييييي what did you do to her ضحكت الريم : ترا قرفتي عيشتي لاتتكلمين بهالطريقه تولين وقفت وطالعتها بنظرات حااده وطلعت من الغرفه الريم نقزت عند البندري الريم بضحكه : قايلتلك بس خمس دقايق و أهبل فيهم ضحكت البندري بعدين قالت ببرود : صدق سخيفه الريم بثقه : لو كنت سخيفه كان ماضحكتي البندري ابتسمت على كلاامها وماعلقت <؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛<؛ <؛ <؛<؛<؛<؛<؛<؛؛؛ تولين طلعت من الغرفه حقت الجده و راحت على المطبخ دخلت شافت خالتها ام فيصل طالعه ابتسمت لها ام فيصل بحنيه : أكيد جوعانه الحين يجهزون الغدا ضحكت تولين برقه : لا والله مو جوعااانه جالسه أدور على سلافه ام فيصل ابتسمت وجات بتتكلم سمعت الجده تناديها راحت لها على طوول دخلت تولين المطبخ شافت فيصل يشرب مويه تصنمت مكانها من الخوف فيصل بدون لا يلتفت لمحها وهي داخله كمل شرب المويه وهو يحس بنبضات قلبه اللي بدت تتسارع تولين تداركت نفسها وطلعت من المطبخ وهي تفرك يدينها ببعض ~ الحين ليش أخاف منه وش بيسوي يعني يوووه صادقه تاره يوم تقول عنه مرعب ~ قطع تفكيرها لمن شافت تركي طالع مع زياد من الغرفه حست انها بتصيح من الخوف جات بترجع على ورا التفتت انصدمت لمن شافت فيصل طالع من المطبخ قالت بنفسها 1 أرحم من 2 بسرررعه راحت على المطبخ وهي تتجاهل نظرات فيصل المستغربه رجوعها التفت فصيل وشاف تركي و زياد رايحن الملحف ابتسم لمن عرف انها خاايفه منهم ولحقهم على الملحق !! للمعلوميه : البنات كلهم يتحجبون على الشباب بأستثناء غزل و سفااانه و سلافه يتلثمون ~ٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌّّّّّّّّّّّّّّّّّّّّّّّّ ٌ ~ تغدوا الشباب مع الجده والبنات طلعوا يتغدون فوق عشان ياخذون راحتهم بعد الغداء عند البنات تاره سمعت جوالها يرن : ياليل هذا تروك وش يبي غزل وكأنها مخترعه الذره قالت بذكاء خاارق : ردي وبتعرفين تاره أخذت جوالها ودرت بدون نفس : خير تركي بحزم : يلا أجهزوا رايحين البيت تاره : لآآآآآآآآآآآآآآآآآ الله يخليك مانبي نرجع الحين خلاص انت روح واحنا نرجع مع السواق تركي بلهجه ماتقبل النقاااش : عندك خمس دقايق تنزلين انتي و اختك ولا قسم بالله مايصير لكم طيب ترا مو فاااضي لدلعكم تاره بنرفزه : ياشينك لمن تعصب خلاص نازلين اوووف تركي قفل بوجهها بغيض من أسلوبها تاره وهي تقوم : يلا بنات باااي تروك يستنا تحت سفانه بفرحه مصطنعه : اخيرااااا مابغيتي تروحين تاره بهبل : لا تخافين بكرا انشاءالله بشوفك تدرين مالي غيرك بهالدنيا < قالتها بسخريه ابتسمت سفانه غزل : لالالا أقعدوا شوي كمان تاره وهي تلبس عبايتها : والله كان بدي بس تروك أخلاقه قافله مدري ليش الريم بملل : حتى انا شوي ورايحه بدر الزفت يقول ربع ساعه وبنمشي ضحكت تاره و ودعت البنات وطلعت من الغرفه راحت لغرفة سلافه فتحت الباب تاره : توليييييييييينوه يلا تركي يستنا تحت تولين وهي تقوم : بدري تاره : والله حاولت فيه بس موراضي معصب مدري وش فيه سلافه : خساااره كنا متفقين نطلع السوق اليوم بالليل تاره : وووووععععععععععععع سوق يوم الجمعه مو حلو وبعدين انتي والثانيه عندكم مدرسه بكرا أقول روحي عند كتبك اللي أتحدى انك في يوم من الايام فتحتيها و ألقيتي نظره عليها وذاكري ضحكت سلافه : طيب تولين ودعت سلافه ونزلت مع تاره ودعوا خالتهم وسلموا على الجده تاره بغباء : يلا يا جده مع السلامه وشكرا على ضيافتكم الجده تنهدت : متى بس تتركين عنك هالخبال بس ما أقول الا يازينك لابطلتي هبال الله يهديك بس ضحكت تولين وطلعوا شافوا زياد واقف مع تركي عند السياره تولين أخذت نفس عممممممميق تستعد لهواش تركي دخلوا السياره بصمت زياد : يلا أشوفك بكرا انشاءالله تركي ابتسم : انشاءالله يلا مع السلامه ودخل السياره بهدوء شغلها و توجه للبيت تاره كانت ساااكته على غير المعتاد كااانت تحس انها دااايخه و ودها تنام لانها ماشبعت نوم سندت راسها على الكرسي وغمضت عيونها تولين كانت تطالع من الشباك تتجنب نظرات تركي تركي قطع الصمت الغريب وقال من بين أسنانه : ترا زيااد قالي على السالفه ولا تحسبين اني بسكت على اللي صار ممكن أفهم متى ينتهي هالخبال تولين سكتت وهي تبعد نظرها عنه بملل تاره وهي مغمضه عيونها : ههههههههههههاي لا حجت البقر على قرونها تركي بغيض عشانها داخله عرض: انتي مين كلمك خلاص انتي انا غاسل يدي منك تاره وهي مغمضه عيونها قالت بعربجه : ياخي سالفه وانتهت ياحبكم لتكبير المواضيع والهواش اللي مال ابوه داعي تركي زاد غيضه منها بس سكت بعدها قال بهدوء : كنت متوقع هالحركات من تاره بس صراحه صدمت لمن عرفت انه انتي بس والله ما أكون تركي إذا مـ " قطع كلامه جواله اللي رن بنغمة ميزها كانت نغمة ابوه طنش ومارد " تولين بهدوء : انا قلت لخالي زياد اني ماكنت أدري ان في أحد موجود وهو خلاص تفهم الموضوع وانتهى تركي كان بيتكلم بس سكت لمن وصلوا البيت نزلت تاره من السياره وهي تترنح بمشيتها كأنها سكرانه وهي بالفعل سكرانه بس سكرانه نووم دااايخه وفيها النوم ومالها خلق لهواش تركي دخلت تاره البيت و وراها تولين تولين وهي طالعه مع الدرج سحبها تركي من ذراعها بقوه شهقت لانها كانت بتطيح تولين صرخت بغيض : get away from me " ابعد عني " تركي وهو يطالعها بعصبيه : قصريصوتك وبعدين " انصدم لمن تاره سحبت يده بقوه وبعدته بهدوء عن تولين " تاره بقهر لان فيها النوم ومالها خلق هواش : خير انشاءالله وين احنا ترا صدق صدق صدق يعني سالفه سخيييييييييييييييفه لابعد حد ياخي فهمنا انك تغار بس هي قالت لك ما كانت تدري وبعدين انت مالك حق تمد يدك قسم بالله أشوف حلت لكم السالفه اي واحد عصب جا بيضرب و إذا عندك مشكله باللي صار ترا كل اللي صار من تحت راسي خلاص ارتحت كللللللللللللللللللل اللي صااار بسببي اووف واذا موب عاجبك روح قول لابويه وهو يتفاهم معنا و ينتهي الموضوع بس انك تجي معصب وتـ قاطعها تركي : لو سمحتي أبعدي تاره بطفش : مانيب مبعده اووووف صدق ماصارت سالفه هذي انت من جهه و زياد من جهه وفيصل من جهه " قالت بعصبيه وهي خلاص واصله معها لان فيها النوم " عـــــمى تـــــرا حــــــــامــــــت كـــــــبـــــدي مـــن السالـــفه هذي وقلت لك اذا عندك مشكله مع اللي صار روح قول لابوي " وقالت بطريقه تنرفز " ولا أوصيك قله ان السالفه من تحت راس تاره اوكي تركي صد عنها وهو طالع الدرج طالع تولين بنظرات قاتله هو كان مقهور من اللي صار تركي شخص غيـــــــــــــــــــــور لأبعد درجه على أخواته ومايرضى عليهم واللي صار أستفزه بقوه جات تولين تتكلم تاره صرخت بقهر : تـــــــــــرا فــــــــيني الـــــنوم اسكتي ولابغير رأيي وما أدافع عنك مرره ثانيه صدق انك سخيفه وماعندك لسان كان تكلمتي جعلك بالمرض إذا جاء أحد وهاوشك تكلمي لا تسكتين وتقعدين بعدها تصيحين عندي تكلللللللللللللللللللللللللللللللللمي يابنت الحلال دافعي عن نفسك وطلعت غرفتها وهي قرفانه عيشتها كل هذا عشااان فيها النوم ابتسمت تولين بمحبه نابعه من قلب طول عمرها تاره تدافع عنها وهذا الشي مو جديد عليها رمت نفسها على السرير وهي بداخلها تسب وتلعن فيصل اللي وصل السالفه لزيااد واللي وصلها لتركي قامت غيرت ملابسها ولبست بنطلون قطني لونه أسود وتيشيرت لونه رماادي وفيه كتابات بالاسود راحت فتحت شنطتها وطلعت كتاب الأدب لان عندها امتحان بكرا اما بالنسبه لتاره دخلت غرفتها وشغلت المكيف وطفت كل الانوار صارت الغرفه ظلااام رمت نفسها على السرير بأرهاااق حتى ماكلفت على نفسها تفصخ عبايتها ثواني وهي بسابع نوووومه ؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ في بيت الجده بغرفة سفانه سفانه ضايق خلقها وطفشااانه : اسكتي يامال الحمى اللي تمرضك وينها تاااروه بعد قلبي الريم بضحكه : الله على المحبه ايه تطلع المحبه لمن ماتكون موجوده واذا كانت موجوده يعني يعني موب مهتمه ضحكت سفانه وبعدها قالت : ومتى ناوي السيد بدر ياخذك تراك قرفتي عيشتي من أول وهو يقول ربع سااعه كلهم راحوا وهو لسا معلق على ربع سااعه الريم ضحكت : أفآآآ طرده سفانه ابتسمت : ايه طرده ترا خبالك معدي وانا أخاف على نفسي الريم وهي تدور على جوالها اللي يرن : هههههههههههههاي الله العالم مين اللي عدا الثاني بالخبال ضحكت سفانه الريم وهي ترد على الجوال : الوو .. باي سفانه ضحكت من قلب : الله على الاختصار كلمتين بس الريم وهي تلبس عبايتها : تدرين الاخ يخاف على رصيده لايخلص صدق تافه سفانه ودعت الريم وبعد ماطلعت الريم ركضت سفانه على جوالها وهي تدق على تاااروه تبغا تشوف وش صار معها لانها كانت ملاحظه نظرات تركي لتولين بس للأسف ماجاها رد سفانه بغيض وهي ترمي الجوال على السرير : الددددددددددددبه أكيد نايمه طلعت من غرفتها و توجهة لغرفة سلافه على الاقل تسليها وهي طالعه شافت فيصل متوجه لغرفته فيصل وهو يمشي من جنبها : سلااام سفانه بدون نفس : وعليكم السلام فيصل وقف وطالعها بأستغراب : خير تقولينها بدون نفس سفانه بنرفزه وهي تدخل غرفة سلافه : كيفي أقولها بالطريقه اللي تعجبني اووف " دخلت وقفلت الباب " فيصل استغرب طريقة كلامها معه بس سفهها وراح غرفته >< ماكان يدري ان سفانه كانت مقهوووره منه لانه وصل السالفه لزياد >< اليوم الثاني الساعه 6 ونص الصباااح بيت ام تركي تولين صحت من النوم وهي تحس بكسل فضييييييييع غسلت وصلت الفجر ولبسة مريولها جلست قدام التسريحه وطالعت نفسها بالمرايا شافت وجهها اللي واضح عليه التعب وقل النوم أمس كانت سهرانه تتفرج على التفزيون وما نامت الا متأخر مشطت شعرها ورفعته بطريقه حلوه وحطت كحل أسود يبرز عيونها و قلوس وردي نااعم أخذت شنطتها وعبايتها ونزلت تحت شافتهم كلهم على طاولة الاكل يفطرون تولين بأبتسامه جذابه : good morning ابتسم ابو تركي بحنيه : صباااح النور تولين سلمت على ابوها وجلست مقابل تاره تولين بأستغراب طالعت تاره : هي انتي why صاحيه بدري غريبه تاره وهي حاااشيه فمها : مآ " بلعت اللقمه دفعه وحده وشرقت " كح كح مالغريب الا الشيطان ضحكت تولين وهي تاخذ كوب النسكافيه حقها : يعععع الله يقرفك لا تتكلمين وفمك فيه food وبعدين من جد وش مصحيك هالوقت تاره بعبط صادق : ما ابغا أفوت وجبة الفطور تدرين هي أهم وجبه في اليوم وبعدين أنا بفطر و أرجع أنام تركي وهو يوقف : الحمدلله ام تركي اللي توها داخله : وين ما أكلت شي ابتسم تركي لأمه : الحمدلله شبعت ابو تركي وقف : أجل دامك رايح وصلني معك تركي ابتسم : انت تآآآمر آمر طلعوا ابو تركي و تركي من البيت ام تركي وهي تجلس : تولين خلصي بسرعه لا تتأخرين على المدرسه تاره : ايه هذي الضعيفه خلصي بسرعه اما حبيب القلب تروك " وهي تقلد صوت أمها " وين ما أكلت شي " ضحكت " وهو طااافح نص الاكل ابتسمت ام تركي وهي تقول لتاره : أذكري الله تاره ضحكت وهي تقول ماشاءالله تولين وهي تشرب من النسكافيه : أقول تاره ماعندك جامعه اليوم تاره وهي تلعب بحواجبها : لاآآ تأكدت طلع ماعندي اليوم محاظره تولين وهي تقوم : أجل شرايك نوح اليوم to the mall ونسوي shopping تاره بتفكير : أفكر و أرد لك تولين ضحكت : tyt سلااااااااااااامو وطلعت بعد مالبست عبايتها ام تركي : تاره تاره بضحكه وكأنها تقول إنشوده بلهجه مصريه : ياعيون تااره ام تركي ابتسمت : لايكون عندك محاظره اليوم تاره ضحكت على شك أمها : ورب النعمه الشريفه ان اليوم ماعندي محاظره ام تركي وهي تقوم : أجل لاتسوين إزعااج وروحي ناامي أحسن لك تاره ابتسمت : وهذا اللي أنا بسويه ياني بصكها نووومه ضحكت ام تركي على طريقة كلام تاره وطلعت غرفتها تاره وهي تاكل : ياليل البعارين وش ذا الطفش " استوعبت بعدين قالت بعبط " ياويل حالي انا انهبلت أكلمك نفسي عند تولين وصلت المدرسه نزلت بسرعه لانها تأخرت حمدت ربها لمن شافت البنات توهم مخلصين الاذاعه وطالعين لفصولهم لانها مالها خلق تقابل المديره وتاخذ تهزيئه على التأخير جات بتطلع : تـــــــــــــولين ابتسمت تولين بتصنع وهي تلتفت على الابله : نعم أبله مرام بغيتي شي ابله مرام وهي تقرب من تولين : كم مرره أقولك ممنوع تحطين كحل تولين وهي تبتسم بتصنع : أوعدك آآخر مرره ابله مرام : الحين تروحين وتغسلين وجهك تولين إنقهرت منها ابتسمت ابتسامه وااااسعه لمن شافت البندري اللي توها داخله وهي مشمره أكمام العبايه بطريقه حونشيه وداخله المدرسه كأنها داخله تتهاوش ابله مرام التفتت على البندري : ليش التأخير البندري و أخلاق مافي : والله أخوي تأخر علي يعني وش أسوي أجي المدرسه مشي تولين كتمت الضحكه على رد البندري ابله مرام تنهدت وهي أصلاً متعوده على لسان بندري الطووويل : آآآخر مرره والحين بآآخذكم الاداره عشان تكتبون مخالفه تولين : ليش مخالفه ابله مرام بدون نفس : انتي عشان الكحل والمناكير والثانيه عشان الأخير تولين أستغربت ~ الله أمدآآآهآ تقز المناكير ~ البندري وهي ناويه مشاكل : انا ما تأخرت غير دقيقه وانتي اللي مأخرتنا الحين على فصولنا ابله مرام تنرفزت و أخذتهم على الاداره وكتبوا مخالفه وطلعوا على فصولهم دخلت تولين فصلها وكآآن آخر إزعاج << الأبله غاايبه وش تتوقعون يسون بيجلسون هادين يعني خخخخخ تولين راحت عند سلافه و لورا تولين بأبتسامه : صباااااااااااااحو سلافه التفتت عليها : ياهلا والله على بالي غااايبه اليوم لورا ابتسمت : انا قلت مدامك متأخره أكيد غايبه سلمت تولين على البنات وجلست جنب سلافه تولين وهي تحط عبايتها بالدرج :متأخره عشان مراموه الزفت ماسكتني و مكتبتني مخالفه ضحكت لورا ك الله يعينك هي مدري وش فيها اليوم معصبه سلافه : ايه والله ما بقى بنت ما هاوشتها تولين ضحكت : ايه مهاوشتني انا و بنو < بنو = البندري سلافه : بنو جات تولين هزت راسها بـ أيه لورا وهي تميل فمها بأبتسامه ساخره : وهذي كل يوم ياتكتب مخالفه يا أشوفها تتهزء بالأداره سكتوا سلافه و تولين ومحد رد عليها يدرون انها ما تطيق البندري كيذا بدون سبب حتى البندري تكرهها برضوا من الله بدون أي سبب 7 7 7 7 بــــــــــعــــــد الحصه الرابعه دق الجرس معلن إنتهاء الحصه وبداية الفسحه تولين وهي تقوم و تتمغط بملل : اووف آخيراَ في بريك بس دروس دروس جابولي القرف سلافه وهي تشبك ذراعها بذارع تولين ضحكت : دامك ماتحبين على قولتك دروس دروس ليش داخله علمي لورا ضحكت : وهي الصادقه كان دخلتي أدبي وريحتي نفسك تولين ابتسمت : لآآآآآ عشان تاروه تكون batter then me " أحسن مني " هي وتركي داخلين علمي وانا أدخل أدبي ليش سلافه : ايه وانتي الصادقه حتى انا مثلك كل اللي عندي علمي سفاانوه وفصوول والله أحس لو دخلت أدبي بكون فاشله قدامهم لانهم كانوا دوافير وجايبين نسب بل عليهم وحده 98 و الثاني 99 ونص ارتسمت ابتسامه خفيفه على شفايف لورا من طااري فيصل تولين ضحكت : طيب قولي ماشاءالله ضحكت سلافه وهي تقول ماشاءالله نزلوا الساحه تحت راحت سلافه المقصف تشتري لها فطور هي والبنات راحت لورا مع تولين يدورون لهم مكان يجلسون فيه جلسوا على وحده من الطاولات لورا بأبتسامه : هاه وش سويتي بالويك إند تولين تغيرت ملامح وجهها : وجع لاتذكريني لورا بأستغراب : ليش وش صااير تولين تنهدت : روحنا يوم الخميس بيت جده شيخه كالعاده ................" وتقولها على السالفه كامله وقالت لها على ردت فعل زياد بس الشي الوحيد اللي ماقالته لها ان فيصل عطاها كف " لورا ابتسمت مجامله وهي تحس بغيض منها عشان فيصل شافها : وبس تولين بحقد : ياكرهي لفصول النذل تصدقين انه هو اللي قال لتركي على السالفه سكتت لورا وماعلقت جات سلافه وهي معها فطور البنات أعطت كل وحده فطورها وجلست تفطر لورا وقفت : بنات بروح أجلس مع ملاك تجون معي هزوا روسهم بـ لا ابتسمت و إستئذنت منهم وراحت بعد ماراحت سلافه بأنفعال : هذي من صدقها ولا تستهبل ليش تروح وتجلس مع ملاك وشلتها كم مرره نقولها انهم شله بطاله وما وراهم الا المصايب تولين بعدم اهتمام : قولنا لها million time بس هي سفهتنا يعني وش المطلوب منا نسوي نضربها على يدها ونقولها عيب لورا حبيبي تمشين معهم " قالت بحده " هي كبيره وتعرف مصلحتها سلافه : صادقه اللهم اني بلغت اللهم فأشهد لاتجي بعدين وتقول عندها مصيبه وتحسب اننا بنطلعها منها احنا حذرناها أكثر من مرره وهي بكيفها تولين جلست تفطر وسلافه سكتت وكملت فطورها بعد مرور نصف ساعه انتهت الفسحه تولين وسلافه وهم طالعين للفصل شافو البندري تمشي مع صديقاتها سلافه بصوت عالي من إزعاج البنات : بنووووووووووووو التفتت البندري وشافتهم راحت لهم بسرررعه مدام لورا موب معاهم وهي تقرب من عندهم : ياهلا بالطش والرش والبيض المفقش ضحكت سلافه وهي تسلم على البندري : وش هالتحيه البندري ضحكت البندري بعد مابعدت عن سلافه : شرايكم نسحب على الحصه تولين بخوف : لالالالا اخاف أبلـ قاطعتها سلافه بحمااس : والله طيب ونطلع غرفة الفنيه لان مافيها أحد البندري ابتسمت : اوكي خلاص نتقابل وراحت فصلها طلعوا تولين وسلافه فصلهم وجاتهم أبلة الاحياء بدأت الحصه وتولين كانت مستغربه نظرات وحده من البنات لها بس ماعبرتها تولين بهمس لسلافه اللي جالسه جنبها : انا بطلع بقولها اني رايحه to the bathroom سلافه ماقدرت ترد لان الابله كانت تطالعها فـ هزت راسها بطيب تولين بأدب : ابله ممكن أروح الحمام " الله يكرمكم " ابله الاحياء : تفضلي ولا تتأخري تولين بأبتسامه خبث : انشاءالله ماراح اتأخر ~ هذا وجهي اذا رجعت ~ طلعت تولين وهي تغمز لسلافه لورا التفتت على سلافه قالت بهمس وأستغراب : وش عندك انتي وياها سلافه ابتسمت وبهمس : بنسحب على الحصه ونقابل البندري تجين معنا لورا بحده : لا - ورجعت تطالع الابله وهي تشرح – سلافه سفهتها لانهم كذا مرره تهاوشوا على سالفة البندري وانها لازم تعطيها فرصه مو تحكم عليها من تصرفاتها اللي بعض الاحيان طايشه بس لورا معنده وكارهه البندري سلافه وقفت وبضحكه : ابله ممكن أروح فصل الادبي ابلة الاحياء بأستغراب : لا طبعاَ وليش بتروحين سلافه : بنت خالتي نسيت كتابها التوحيد عندي وهي عندها حصه وابغا أرجعه لها ابله الاحياء ابتسمت : طيب روحي بسرعه وتعالي لا تتأخرين وشوفي معك تولين وقوليلها لا تتأخر سلافه وهي تطلع من الفصل ومعها كتاب التوحيد حق البندري اللي ماكلفت نفسها حتى وسألت عليه : طيب شافت البندري وتولين فالينها واقفين يسولوفن ويضحكون ولا كأنهم بالمدرسه وعندهم حصص كانوا واقفين قدام الحمامات " الله يكرمكم " سلافه : هااايو البندري التفتت عليها وهي تضحك : هايات سلافه وهي ترمي كتاب التوحيد على البندري : كتابك يالفالحه البندري طالعت الكتاب بعدها ضربت جبهتها بخفه : وانا أقووول وينه ضحكت تولين : صدق مضيعه وراحوا الثلاثه وهم يسولفون سلافه من الحماس سبقتهم على غلافة الفني تولين و البندري كانوا يمشون ببطء وهم مندمجين مع السوالف شافتهم المرشده الطلابيه قالت بأستغراب : تولين البندري ماعندكم حصه البندري بعبط هربت وراحت ركض يقالها ماعرفتها الى الان تولين توهقت تلتفت و لا تلحق البندري وتسوي نفسها ماسمعت عجبها الخيار الثاني فركضت بسرعه وراحت عند البندري اللي تحسب انها مرره مو باينه وهي واقفه في الزاويه وقدامها طاوله عليها مجسمات تولين وهي توقف جنب البندري: يمه شكله معصـ قاطعتها المرشده الطلابيه بعصبيه : خير بزران انتوا عشان ألاحقكم غمضت البندري عيونها وهي تقوول بعبط ماله داعي : انا ماااني إنسانه تولين أنفجرت ضحك المرشده ابتسمت وهي تسحب البندري مع إذنها : روحي على فصلك ولا عاد أشوفك برا الحصص ضحكت البندري اللي مطيحه الميانه مع المرشده تولين رجعت على ورا تبغا تلحق سلافه المرشده التفتت وسحبتها وهي تضحك : على فصلك ابتسمت تولين : طيب خلاص رايحه البندري بنذاله : ابله ترا سلافوه فوق بغرفة الفني المرشده : طيب روحوا على فصولكم وانا بشوف سلافه وراحت المرشده ضحكت تولين وهي تضرب البندري على كتفها : عمى وش النذاله اللي فيك البندري ابتسمت وهي تأشر لوحده من صديقاتها كانت تمشي بالمرر تولين راحت فصلها وماشافت أبلة الاحياء عرفت ان الحصه انتهت دورت على لورا بعيونها بس ماشافتها جلست مكانها شافت البنت اللي من أول تطالعها تقدمت لعندها وهي تقول بأبتسامه سخريه مافهمتها تولين : اهلين تولين ابتسمت مجامله : هلا ندى ندى وهي تجلس : عادي آخذ من وقتك دقايق أبغا أكلمك بموضوع ضروري تولين استغربت وش عندها بس ابتسمت : لا عادي tyt ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛× عند سلافه اللي وهي تمشي مع المرشده اللي جالسه تعطيها محااظره شافت البندري واقفه بين الفصول تسولف مع صديقتها سلافه بقهر: ايه انا رجعتيني اما الست البندري تجلس تدور على كل الفصول ومحد يقولها شي المرشده التفتت على البندري وقالت بعصبيه : البندري التفتت عليهم البندري وهي تبتسم بعبط : ماعندنا أبله قلت أسولف مع البنات شوي المرشده : يلا على فصلك سلافه ضحكت : تستاهلين البندري برجاء : ابله تكفى بروح مع سلافوه فصلها ماعندنا أبله لان أبلة الدين غاايبه و أوعدك اني ما أسوي إزعااج المرشده تنهدت : طيب بدون إزعااج راحت البندري مع سلافه لفصلهم اول ماحطت يدها سلافه على الباب انفتح بكل قوه وطلعت تولين ركض وهي تروح للحمامات " الله يعزكم " البندري بأستغراب : وش فيها سلافه بأستغراب : مدري راحوا بسرعه على الحمامات " الله يعزكم " البندري بصوت هادي : تولين سلافه وهي تدق على الباب : تولين أفتحي سمعوا صياحها البندري بأستغراب: وش صااايير سلافه بنفس الاستغراب: علمي علمك البندري وهي تدق على الباب قالت بحده : تولين إطلعي وعلمينا وش صااير فتحت تولين الباب و وجهها أحمر من الصياح سلافه بأستغراب: وش فيك تولين وهي تصيح بشكل يقطع القلب : بنت ##### وحده من البنات مطلعه علي إشاعه " شهقت وهي تقول من بين صياحها " تقول اني وحده صايعه وماتربيت واني أكلم شباب وأطلع معهم سلافه بصدمه وتناحه : هاه البندري بعصبيه : ومين الحقيره اللي مطلعه هالكلام تولين من بين شهقاتها : مدري سلافه وهي تحظن تولين بحنيه : طيب من وين عرفتي تولين وهي تصيح : ندى قالت لي تقول انها سمعت بنات يتكلمون البندري بعصبيه : وش هالتفاهات هذي صدق ناس فاااضيه وماعندهم سالفه طلعت وهي موصله معها سلافه بحنيه : خلاص لاتصيحين تولين بحسره : كيف ما أصيح والبنات كلهم مصدقين الكلام اللي إنقال عني سلافه سكتت ماعرفت كيف تواسيها تركتها تصيح براحتها لمن تهدى شوي وتتفاهم معها تولين إستمرت بصياحها لانها كانت تحس بقهر فضيع هي عمرها ما غلطت على بنت من البنات ولا تكلمت على وحده من وراها ليش يطلعون عنها كلام كله كذب × كذب واللي قاهرها أكثر شي ان الكل مصدقه ×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛× انتهى البارت واتمنى انه يكون نال من أعجابكم تتابعون في البارت الرابع من رواية " مخ عربجي" (انـا لـآ ضـآقت بي الدنيا تجيني ¬»حاله استهـبال (•̪● ) الجزء الاول بقرف: انتي ماتفهمين وبعدين بنت خالتك " قالت بطريقه استفزازيه " كل البنات يعرفون سوالفها ؟×؟×؟×؟×؟×؟×؟×؟×؟×؟×؟×؟×؟×؟×؟×؟× قالت بحده وغيض : صدقيني لو أعرف مين هي " ابتسمت بسخريه " راح أطلع كل الجنون اللي فيني فيها و لاتخافي " قالت بثقه " راح اعرفها ؟×؟×؟×؟×؟×؟×؟×؟×؟×؟×؟×؟×؟×؟×؟×؟× بعد ماسمع كلام تاره قال بصدمه واستغراب : أسببلها رعب ؟×؟×؟×؟×؟×؟×؟×؟×؟×؟×؟×؟×؟×؟×؟×؟× قالت بسخريه : خير انشاءالله شايف جني ؟×؟×؟×؟×؟×؟×؟×؟×؟×؟×؟×؟×؟×؟×؟×؟× ابتسم ابتسامه واسعه : ومين البنات ؟×؟×؟×؟×؟×؟×؟×؟×؟×؟×؟×؟×؟×؟×؟×؟× قال بصوت جذاب : وانا أقدر أرميك بالشااارع " حست بأأأأحراااج كبير من طريقة كلامه " ؟×؟×؟×؟×؟×؟×؟×؟×؟×؟×؟×؟×؟×؟×؟×؟× كانت سرحانه وهي تفكر انها ممكن جرحت تاره بالكلام اللي قالته مع تحياتي : غرامها ساحر
__________________ يآنآس إڷـﮯ [تمَنِيتـﮧ] آخيږاً {صآر مَحبۇبِـﮯ..!! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صـــور/ ــــي أبـيــاتــــــگ | يسلمـــووو يسلمـــوووو | قصائد منقوله من هنا وهناك | 18 | 07-31-2012 02:02 PM |
| ![.. مـــ/ــع آو ضــــ/ــــد ..]! | ℓσѕт ∂яєαм | حواء ~ | 7 | 01-13-2012 04:05 AM |
| ~¤.~ الأعــــضاء فـــى نـــظرك ~¤.~ | ỒᆻĎā シ | قسم أخبار و أحوال الأعضاء و نشاطاتهم | 28 | 09-28-2010 11:52 PM |
| o°°o°°o°*~.][صـوـؤـوـؤـور إنــ م ــــي][.~* °o°°o°°o | ѕιlνεr | أرشيف المواضيع الغير مكتمله او المكرره او المنقوله و المخالفه | 7 | 09-27-2009 08:41 AM |
17Likes
العرض العادي
