مساء الخير .......
وقت افتتاح مدونتي باليوم السبت 14 يوليو 2012 الساعه 4:53 عصرآ
بسم الله نبدأ....

__________________

سﻼ‌مة رماحك اللي جرحها غالي


طعنتني غاضب لين أنكسر رمحك

لو قلت لي كان أجرح حالي بحالي


ﻻ‌ عاش قلبٍ جزع وارتاع من جرحك

ﻻ‌جلك جروحي غدن اليوم عذالي


ذميت ظلمك وأنا من عادتي مدحك

ياليت لي ذنب وألقى علقمك حالي


وياليت بك عدل .. وأرضى فـ الهوى ذبحك

ياسيدي وإن نويت تزيد غربالي


قلي وأنا أبعد ظﻼ‌مي عن سنا صبحك

لو ما يسرك أطو ل الشمس بجبالي


مايكفي إن عشقت جبالك وسفحك

كل الهوى بالهوى يزهى ويختالي


وأنا الذي في خسارة عزتي ربحك

ياعل ماتزهراﻷ‌شجار في رمالي


لو أعتذر عن شموخي في رجا صفحك

سﻼ‌مة رماحك الي جرحها غالي


طعنتني غاصب لين أنكسررمحك

__________________

للغيض .. دمـث القصيـد .. وللعتـب فنّـي!



................ وللجرح .. موت القلوب .. وللتعب .. بابـك



مادمـت مستقصـدٍ جـرحـي .. ومتعـنّـي



................ مالـي ومـال الكـﻼ‌م العـذب .. وعتـابـك



نادنّـي .. (اللـي خذنّـي منـك) .. نادنّـي!



................ ماعابك .. (اللي يعيب النفـس) .. ماعابـك!



صحيح .. بعـض الليالـي مضحكـة سنّـي



................ لكنّـي آخـاف وقــتٍ مـاهـو بحسـابـك



يـوم أنـت مـن طعنـة الخفّـاق متحـنّـي



................ كنـت آتبسّـم لعينـك .. وآمـدح خضابـك!



واقول لـو هـي رمـاح العيـن .. صابنّـي



................ يكفيني أدفن جريـح القلـب .. بـ آهدابـك!



واليـوم آشوفـك تناسـى الـود .. ماكـنّـي



................ دمدمـت درب الطعـون اللـي تلـوى بــك



مستكثـر الحـب فينـي ..! مادريـت إنّـي



................ لـو آجمعـه مامـﻼ‌ .. مخـابـي ثيـابـك!!



وآنـا عليـك أسبـق اﻷ‌حـﻼ‌م .. واغـنّـي



................ واصفّ لـك مـن صـدود النّـاس .. ترحابـك



ياكثـر ماجيـت آسافـر بـك .. وتسكنّـي؟



................ وياكثر مارحـت آمـوت منـك .. وآحيابـك

من كثـر مـا خنجـر اﻵ‌شـواق .. يطعنّـي



................ قمت آتصدد عن اللـي .. يطـري غيابـك!!



والله ماطيـق جــرح الـحـب .. لكـنّـي



................ عشقت ضيـم الجـروح اللـي مـن أسبابـك



الله يسامحـك .. يالـلـي مخـلـفٍ ظـنّـي



................ وشلون صدقت هـرج النّـاس فـ آحبابـك!؟



لو كنـت تحشـم غـﻼ‌ك .. وتستحـي منّـي



................ ماكـان خيّبـت ظـن اللـي .. تهقـوى بـك



خلـك علـى ماتبـي .. مـادمـت متهـنّـي



................ ﻻ‌بــد اﻻ‌يــام تمدحـنـي .. وتغـتـابـك



باكـر تجيبـك هجـوسٍ قـبـل .. جابـتنّـي



................ وتشوف نفس الطريق اللي خـذك .. جابـك!؟



فإن سولف الدمـع اﻷ‌زرق سـالفه عنـّـي!



................ كفــّه ..! قبل ﻻ‌يضـرّ الملـح .. عنـّابك



خـــــــــﻼ‌ص , ماعـاد لـك عـذرٍ .. يطمنـّي



................ أتعــابـي أتعــابــي , وانـت , أتعــابــك أتعــابــك

__________________

أبي أبكي من الضيقه وابعزف للهموم ألحــــان
أبي أطلق مواويل الحزن وبطرح كل دواويني
أبي أشكي أبي أحكي ابوصف للبشر حرمــــان
أبيهم كلهم يدرون أبيهم يشعـــــــــروا فينــــــي
أبي ﻻ‌من طرى أسمي بكى من لوعتي شيبـــان
أبي ﻻ‌من طرى"عـاشق"ذكر من كان يغلينــــي
أبيهم يذكرون أني صرت بدمعتــي غرقـــــــان
أبيهم يعرفون الهم هو اللي صار مخاوينـــــــي
أبي أصرخ وابلغهم وأقول ان الفرح خــــــوان
يجي مره معااي وهو طول العمر ناسينــــــــي
أبي أترك لهم قصه وأخيرهم على العنواااااااان
يسموا "حزن" يحطوا "دمع" ماعاد يعنينـــــــي
أبي ﻻ‌من وصل صوتي يحس بضيقتي إنساااان
أبي ﻻ‌من نزف جرحي لقيت اللـــي يداوينـــــي
أبي شخص يجي يمي ويقـــفل للعنــــا بيبــااان
أبيه يكون لي خل وعلى حزنــــي يواسينـــــي
أبيه لمركبي مرسى وأبيه لغربتــي أوطـاااان
أبي ﻻ‌من ذرفت الدمع لقيتــه لـــي يعزينـــي
أنا مابيه يصبح ضلع ابيه يكون لي ضلعـــــان
أبي ﻻ‌من مشيت وطحت يحط ايديه في يدينـــي
اﻻ‌ من خانني التعبير ابيه يكون لي إنســــاااان
ابي ﻻ‌من سكت ألقاه ..يفهم من نظـــر عينـــي
أبي ﻻ‌من تعبت وضقت ..يلم الروح باﻻ‌حضان
ابيه يكون لي كتاب إذا ضاعـــــت عناويــــني
*

__________________

صباح الخير عدد ماغرد الطير ...

__________________