هلا بكم اعذروني على تأخير في نزول البـــــارت الخـــامس

تفضلوا اقرأو البــــارت الخامس من روايـــة تمنت ان تصبح ذكر فأصبحت !!! :kesha::baaad::kesha:


في السيارة .....

أبو ليال : ليال ببدا اناديك بسمك كولد وبعاملك من الحين كولد

ليال : طيب

( وقف في بقاله في المحطة )

أبو ليال : روح جب 2 مويه مشروب انا جب لي عصير

ليال : طيب (تاخذ فلوس .... تفتح باب السيارة .. تنزل )

أبو ليال يطلع جوال الجديد اللي شراه لليال ويحطه في حول مكان ليال )

ليال : ( تحاسب البقاله )

أبو ليال : ( يدق بوري السيارة )

ليال : طيب طيب جايه ( تمشي ... تركب السيارة ) يبه وش فيك تدق البوري بقوة ؟ قلت بجي

أبو ليال : ايه كنت ابيك تسرع الكل جوا وان ماجينا يالله ( يشغل السيارة ) حديث نفس : ليش مالاحضت الجوال رخمة ولا وش سالفتها ؟

وبعد الوصول للأستراحة تنزل ليال من سيارة وأبوها ومعهم ارغاض وهم يدخلون ويمشون

محمد : ( يركض مسرع ....)

ليال : يوه محمد مسرع وش فيه ؟

محمد : ( يقرب من ليال ... يضمها ) هلا ارحب ياخوي
ليال : ابتعد عني (تحاول تبعده ) يامقرف

أبو ليال : ( مستغرب ويناظر ليال )

محمد : ( يفك ليال ) يالله تعال الباقي العيال في داخل ( يجي عند ابو ليال .. يسلم على ابو ليال ) هلا والله بعمي

أبو ليال : هلا فيك وانا ابوك

محمد : عطني اشيله عنك لاتتعب عمي ( ياخذ الأرغاض )

أبو ليال : يعطيك العافيه ياولدي

ليال : يبه نسيت اخذ ملابسي من سيارة عطني مفتاح السيارة

أبو ليال : يالله خذ المفتاح ( يحذف المفتاح لليال ) بسرعه تعال

ليال : ( تاخذ مفتاح السيارة ) طيب يبه بصير اسرع من البرق

محمد : بجي معك اساعدك

ليال : يالله تعال معي

في سيارة ...

ليال : ( تفتح باب السيارة .. تناظر ... تصارخ )

محمد : ( يتفاجئ ) يمه وش فيك ؟

ليال : ياهووو ( ترقص ... تمسك الجوال ) اخيرا ابوي جاب لي هذا الجوال يالبيـــه

محمد : ( يضحك ) ظنيت شفت شيء يروع

ليال : مثلا وش اللي بيخوفني غيرك

محمد : هي ... لا اقصد مثلا جني عفريت أي شيء اكيد تخاف مني لأني مزيون هــا ادري مايحتاج تقول

ليال : هي بلا وثوق زايد كشتك هي اللي تخرع اكيد فيها قمل وصيبان يقطع القرف استخدم تايد ولا تبي اشتري لك مبيد حشرات لشعرك

محمد : هي .. هي (يقرب من ليال ) ماتلاحظ انك زودتها حبيتين

ليال : ( تبلع ريقها وتناظر محمد )

محمد : ( يناظر ليال ) حديث نفس : عينه ... تلمع ...

فهد : هلا بعبود ... ( يناظر ) وش فيكم ؟

محمد : ( يضحك ) مافي شيء بس ندور ملابس عبود

ليال : ايه صح ( تبتسم .. وتهز راسها تحت فوق )

فهد : ( يركض لسيارة ويبحث )

ليال : لالالا تبحث مالقيت ملابسي شكلي نسيتها ومارح اسبح

محمد : لا عادي انا عندي ملابس زايدة بعطيك اياها اليوم وترجعها بعدين هــا

فهد : لالالا انا بعطيك انا بعد عندي ملابس زايدة

محمد : كذاب ماعندك

فهد : كل تبن الا عندي هــا تبي ؟

ليال : ( بتوتر ) لالالا انا ماعرف اسبح ولا ابي اسبح ولا ابي اخذ منكم شيء
فهد : انا اعلمك السباحة

محمد : وانا اعطيك ملابسي الزايدة هــا

ليال : حديث نفس : ياليل وش اسوي الحين وش اقول وينك يبه ؟ تقول بصرفك والحين نشبت في ورطة

نايف : ارحب بعبود

ليال : البقى البقى ( تجي عند نايف تمد يدها للسلام )

نايف : ( يمد يده ... يسلم ... يقرب من خد ليال ويسلم بالخد )

ليال : حديث نفس : احس بنبض قلبي ومااقدر ابتعد عنه

نايف : ( يبتعد ) عبود وش تسوي هنا ؟

ليال : هــا

محمد : نسى ملابسه وهذا كل الموضوع

نايف : أيــه انا عندي ملابس زايدة تبي عبود ؟

ليال : هــا لالالا مابي مشكور انا رايح داخل اسلم وأساعد أبوي عن اذنكم ( تركض )
حديث نفس : اخيرا ابتعدت عن الورطة يارب مايشكون فيني

ابو ليال : عبدالله تعال سلم عليهم

ليال : طيب يبه

معلومة ...
ابو فهد هو الوكيل اللي في مدرسة ليال ..

أبو فهد : ^^^^ يسلم على ليال ^^^^

ابو نايف : وش علومك ؟ ^^^^ يسلم على ليال ^^^^

ليال : تمام عمي

أبو محمد : ^^^يسلم على ليال ^^^

أبو عبد العزيز : ^^^يسلم على ليال ^^^

أبو ليال : عبد الله روح جب كرتون تمر رطب وقبل ماتجيبه غسله وحطة بصحن حق التمر يالله وانا ابوك

ليال : ( تقوم ) ان شاء الله يبه

في مطبخ ...

ليال : ( بتعجب ) وش جابك هنا عزوز !!

عبد العزيز : جعت وشفت حلويات وخذيت منها وجلست هنا اكل

ليال : أيــه طيب وينهم محمد وفهد ونايف وعاصم !!

عبد العزيز : راح طلع نايف وقال بيرجع

ليال : طيب وين الباقي ؟

عبد العزيز : راحو يسبحون وقلت لهم بجي اسبح بس باكل وبروح اسبح

ليال : بس ماتخاف يضر فيك لأنك تملي بطنك ثم تسبح ؟!

عبد العزيز : لا تخاف سويتها كثير ولا صار لي شيء

ليال : أيـه ماشاء الله عليك

عبد العزيز : وش جابك هنا تبي تاكل ؟

ليال : لا ابدا ( تمشي ...تاخذ كرتون تمر الرطب ..) بس جاي اغسل تمر رطب واحطه بصحن حق التمر ( تاخذ التمرالرطب ... وتفتح صنبور المويه وتغسل الرطب )

عبد العزيز : أيــه عبود هذا الكاكو الباونتي حقك ؟

ليال : ( وهي تغسل تمر رطب ) أيــــه حقي تبيه ؟

عبد العزيز : ايه عادي اخذه

ليال : ايه عادي خذه ( تحط التمر الرطب بصحن حق التمر )

عبد العزيز : تسلم عبود ( ياخذ الكاكو الباونتي ... يفتح ... ياكل ) تصدق متعتي تكون اغلبها في الأكل ..

ليال : ليش !؟

ابو ليال : ( يرفع صوته ) عبد الله وين التمر الرطب طولت على جماعه اسرع

ليال : ياليل ( ترفع صوتها ) طيب طيب جاي الحين عن اذنك عزوز ( تركض ...تدخل ) تفضل يبه التمر رطب

أبو ليال : ( يناظر ليال ويأشر بمعنى قدم لهم )

ليال : أيـــه تفضلوا تنزل التمر الرطب

أبو ليال : صب القهوة عبد الله

ليال : على عيني وراسي يبه ( تاخذ الفناجين وتحطه بيدها اليسار وتاخذ القهوة وتحطها بيدها اليمنى ... تصب القهوة )
ابو ليال : احم احم

ليال : ( تناظر) وش

ابو ليال : عاكس .... احم احم عدل

ليال : أيــه اسف نسيت يبه ( تعدل وتمسك القهوة بيدها اليسار والفناجين باليمين وتصب )
تفضل عمي

أبو نايف : تسلم ( ياخذ القهوة ) اذكر يابو عبدالله ان كان عندك حرمتين وش صار على حرمتك الأولى

ليال : تفضل القهوة ..( تنصدم ..تسكت ..تنزل راسها )

ابو عبد العزيز : ( ياخذ القهوة )

ابو ليال : أيــه حرمتي الأولى ماتت وبقت الثانيه و افكر اتزوج مرة ثالثه ( يضحك )

ليال : ( تصب القهوة) تفضل عمي

ابو محمد : تسلم وانا عمك ( ياخذ القهوة ) ههههههه

ليال : يبه انا رايح وبرجع استئذنكم

أبو ليال : توكل على الله ولا طول وانا ابوك

ليال : ( تطلع )

أبو ليال : حديث نفس : شكلها ضاقت بعد ماذكر امها ابو نايف

وهي تمشي ..

ليال : حديث نفس : وابوي يضحك ويقول افكر اتزوج الثالثه مسوي دمه خفيف اخ ودي اضرب أي احد وابرد حرتي ودي اتمشكل ودي أي شيء اسويه يخليني انسى اللي صار قبل شوي ( تلتفت يمين يسار )

في مسبح ...

فهد : احم احم شفوني بطب بحركة فولاذيه

محمد : ههههههه فلولاذيه ارحمنا يا بطل السباحات انت

عبد العزيز : هههههههه

فهد : اقول انقلع شوفوا طمرتي

عاصم : يالله لا تهرج وطب

فهد : ( يطب )

محمد : ( يضحك ) ماشاء الله كيف سويتها بجرب

فهد : شفتوا اعرف اطب

عبد العزيز : ابي اجرب

محمد : ( يطب ) هــا وش رايك فهد فيني ؟

فهد : يعني مو مرة

عبد العزيز : (يرفع صوته ) ابي اجرب

عاصم : (يرفع صوته ) لا تجرب بتكسر بلاط المسبح

محمد : ههههههههههه وكلنا بندفع فلوس البلاط اللي تكسر منك
فهد : (يضحك بصوت عالي ) بس يرحم امكم خلوه يجرب ههههههه

عبد العزيز : خلاص هونت اجرب ...مابي اجرب

محمد : افا ههههههههه

عاصم : ههههههه

ليال : ( واقفه تناظر فيهم )

فهد : هلا ارحب وتعال اسبح عبود

ليال : ها لا مابي بس ابي عاصم ابي اكلمه بموضوع

محمد وفهد وعبد العزيز منصدمين

عاصم : وش تبي

ليال : تعال اطلع هنا

عاصم : (يقوم يطلع ) هــا وش تبي خلصني

محمد وفهد وعبد العزيز يناظرون ساكتين

ليال : ( تغمض عينها .... تحط يدها على خد عاصم )

عاصم : ( يتعجب )

ليال : ( تبعد يدها ثم بسرعه تضربه كف قوي )

عاصم : ( متعجب )

محمد وفهد وعبدالعزيز يضحكون ...
محمد : قويه قويه ههههههههه عطاك كف هههههه

فهد : وجه راح فيها هههههههه

عبد العزيز : هههههههه

عاصم : هي هي تعطيني كف وش حاطني سبيكه مثلا ياهو ليش منزل راسك

ليال : ( منزله راسها )

عاصم : وش فيه يبكي !!؟

ليال : ( تضحك بصوت عالي )

محمد وفهد وعاصم وعبدالعزيز مصدومين تماما

محمد : بسم الله الرحمن الرحيم دخل فيه جني

عبد العزيز : هههههههه حرارته مرتفعه اليوم هههههه

فهد : !!

عاصم : ( يمسك تي شيرت ليال بقوة ويناظر ليال بحقد )

ليال : (تناظر عاصم ) اضربني

عاصم : (ينزل يده ..)

ليال : ( تناظر )

عاصم : (يعطي ليال بقس على بطنها بقوة)

ليال : ( تحط يدينها على بطنها تجلس على الأرض وتكح )
عاصم : (يناظر بحقد )

فهد : هي وش سويت ياكلب (يطلع من مسبح ) (يجي عند ليال ) عبود

ليال : (تضحك ... تقوم )

عاصم : (متعجب )

ليال : انا بغيت احد يضربني بقوة وعاصم اعرف انه يكرهني وعطتيه كف كأني اطلب ضرب يعطيني ارتحت الحين يالله انا رايح اساعد ابوي ( تمشي ... تطلع )

محمد : اول مرة اشوف واحد يقول اضربني !!!

عبد العزيز : ترى انا اخاف منه يخوفني عبود

فهد : هههههه انت تخاف هههههههه حديث نفس: شكله فيه شيء مستحيل يطلب احد يضربه بدون سبب ) شباب انا طالع اشرب شيء بارد

محمد : يالله انقلع وسع علينا المكان انت وعضلاتك

فهد : ههههههههه يالله سقها ( يطلع) حديث نفس: وين راح عبود؟ (يلتفت يمين يسار )

في مجلس مجتمعين أبو نايف وأبو محمد وأبو عبد العزيز وخال عاصم وأبو ليال وليال

أبو محمد : كم ساعه الحين ماقرب وقت صلاة العشاء ؟

ليال : ( تناظر الساعه اللي بيدها ) بقى ربع ساعه عمي على اذان العشاء

أبو ليال : صب القهوة لعمك

ليال : عطني فنجانك عمي (تمد يدها )

أبو نايف : لا تسلم ولدي بس بس (يهز فنجانه )
ليال : (تاخذ الفنجان ... تحطه بطاولة ) حديث نفس : ضربني على بطني (تحط يدها على بطنها ) ماتوقعت يضربني على بطني الحين انا خايفة تنزل الدورة الشهرية علي بكرة او اليوم اخ ... ويبدا الشك علي .. يالله ...يارب ساعدني ...

وبعد ربع ساعه اذن العشاء وقاموا يصلون وبعد صلاة العشاء وهم جالسين يشربون شاهي ....

محمد : شباب نروح نلعب كورة وش رايكم ؟

ليال : ( ترفع صوتها ) كورة

محمد : ايه كورة تبي تلعب ؟

ليال : اكيد ابي العب يالله من يلعب

فهد : يالله انا معكم

عاصم : انا ابي اكون الحارس

ليال : يالله قوموا نلعب كورة ...

في ساحة على زرع الأخضر

محمد : جبت الكورة يالله من يكون حارس ؟

عاصم : انا بكون حارس

محمد : طيب نبي حارس من الجهة الثانيه .. من يبي يكون حارس

نايف : ( توه داخل من الأستراحة وشافهم من بعيد وكمل مشي )

ليال : (تهمس ) بخليه يلعب معنا وبيكون الحارس ( ترفع يدها وتأشر ) (ترفع صوتها ) تعـــــــال نايف

نايف : ( يمشي ) هلا وش بغيت ؟

ليال : ( تـــبتٍـــــسم ) يمكن تصير حارس من فريقنا

نايف : هــــا أنا

ليال : يب

وهم يلعبون كورة ....

معلومة ..... نايف ومحمد وليال بفريق وعاصم وفهد وعبد العزيز بفريق

وفي اللعب ..

محمد : ياغبي عطني الكورة مرره لي بسرعه

ليال : انا ابي اسجل قول انقلع مارح اعطيك الكورة

محمد : طيب (يحاول ياخذ الكورة )

ليال : تعقب تاخذها هههههههه

فهد : (ياخذ الكورة )

ليال : (تنقهر ) طيب (تركض وتاخذ الكورة بيدها )

فهد : هي .. هي ليش تاخذها بيدك

ليال : (تركض ) ( وتدخل الكورة في مرمى )

عاصم : هي .. وش تحس به

ليال : (ترفع صوتها ) ياهــوووو قول دخلنا قول (ترقص ) ياهووو

محمد : ايوة قول ( يرقص )

نايف : (يعدل نظارته )

فهد : ( ينقهر ) هي هي لا ترقصون ياغشاشين

عبد العزيز : (يرقص ) سجلنا قول ايوة

محمد : ( يوقف رقص ) هي أنت مو في فريقنا أنت خسران

عبد العزيز : هــا اما !!

ليال : (تضحك ) دلخ هههههه طول اليوم يظن انه من فريقنا ههههههه

فهد : هههههههههه

عاصم : هههههههههههاي

وبعد اللعب الكورة وتعشوا جلسوا مجتمعين ...

أبو عبد العزيز : كم ساعه الحين ؟

ليال : الساعه 10 ونص

أبو ليال : ما تلاحظ انك كثير تسأل عن ساعه هههههههه

أبو عبد العزيز : ههههههههه

ليال: (تتنهد ) انا رايح اتمشى شوي وارجع ( تقوم ... تمشي ... تطلع )


في المسبح .. .

ليال : ( تجلس على طرف المسبح وتنزل رجلها في المويه ) (تشغل الجوال ) يالبيــه
حديث نفس : ماقدرت ابدا اشغله لأني كنت مشغوله بالمرة والحين اقدر بشوف وش فيه


محمد : وش تسوي هنا وش عندك ؟ ....

ليال : ولا شيء بس حبيت اشوف جوالي بدون ازعاج

محمد : اما هذا جوالك !

ليال : أيــه وش تبي ؟

محمد : بالله بالله عطني اشوفه

ليال : تعقب وتخسى لا

محمد : ( يقرب .... يسحب الجوال ... )

ليال : هي ..

محمد : انت وجهك ذا الجوال يخب عليك جوال رهيب هههههههه

ليال : ( بقهر ... ترفع صوتها ) عطني الجوال فيه اشياء خاصة

محمد : اما بشوف ..( يفتح الجوال ) كم رقم السري

ليال : مارح اعلمك رقمي السري

محمد : (يقرب من مسبح ) ترى بحذف جوالك ها تقول ..

ليال : هي لا تحذفه ياحيوان طيب طيب بعطيك رقمي السري بس بعده عن مويه المسبح
محمد : ههههههاي مارح ابعدة تلعب على مين اكيد رقم السري اكيد تاريخ ميلادك بحاول اكتب

ليال : هههاي ياغبي مو تاريخ الميلاد اساسا دايم اخلي رقم السري رقم جوالي

محمد : حلو علمتني رقمك السري (يطلع جواله ) صبر ادور اسمك

ليال : (تقرب ... وتحاول تاخذ الجوال )

محمد : مارح تقدر تاخذ الجوال مني (يقرب اكثر للمويه مسبح ) ترى بيطيح جوالك يارخمة

ليال : خلاص ببعد بس لا تقربه من المويه (تبعد )

محمد : طيب ابتعد اكثر

ليال : طيب طيب بس بعد جوالي عن المويه

محمد : طيب (يبعد جوالها عن المويه ... يشوف جوال ليال ) بشوف ارقام الموجودين اللي عندك

ليال : ياحيوان (تقرب )

محمد : هي ترى اقربه بالموية مرة ثانيه

ليال : طيب لا تشوف شيء بجوالي ياكلب

محمد : عندك حريم .... واساميهم يالبيـــه وحدة سمر وثانيه رولا وفي وحدة اسمها جمانه خلاص باخذ رقم جمانه

ليال : (ترفع صوتها ) ياكلب هاذي اختي (تقرب وتحاول تسحب الجوال )

محمد : يارخمة ابتعد ترى بيطيح جوالك
(طاح جوال ليال بالمويه )

محمد : قلت لك بعد بس مو راضي تفهم

ليال : ( ترفع صوتها ) روح جب جوالي من المويه بسرعه قبل مايخرب

محمد : مارح اجيبه انت طيحت جوالك ولا بعد تصارخ بوجهي تعقب اجيبه روح جبه انت

ليال : اوريك يا محمد

محمد : ( عطى ليال ظهره ) انا رايح عند العيال فمان الله (سكر باب المسبح ) ههههههاي

ليال : كلب غبي دلخ ( تطب في المسبح .. .. تحاول تاخذ الجوال ) ياليل راح عند الغويط (تقرب ليال ... تاخذ جوال )(تطلع من المسبح )

نايف : (يفتح باب المسبح ) كأني سمعت صوت هنا ؟

ليال : (تعطيه ظهرها )

نايف : عبود وش تسوي هنا كان قلت انك تبي تسبح (يقرب )(يحط يده بكتفها )

ليال : (تبلع ريقها ) (تبتعد ) انا بردان يمكن تجيب لي فوطة وراح اقولك وش صار لي

نايف : .....

في غرفة تبديل وليال لافه الفوطة على نفسها وترتجف

نايف : أيـــه علشان كذا طيب تبي اعطيك من ملابسي بعدين ترجعها لي ؟

ليال : (يحمر وجها وتهز راسها يمين يسار ) لالالا مابي مشكور

نايف : ليش ؟!

ليال : هــا

نايف : تبي تجلس بردان كذا بكيفك انا رايح عندهم ( يقوم ... يمشي .. يطلع )

ليال : ( تناظر )

يدخل فهد ....

فهد : وش تسوي هنا ؟ وليش ملابسك مليانه مويه ليكون سبحت بملابسك

ليال : (بصوت حزين ) لا

فهد : (يطلع التي شيرت حقه يفصخ )

ليال : (ترفع صوتها ) لالالالا

فهد : (يلتفت لليال ) !؟

ليال : لاتفصخ هنا روح افصخ بمكان ثاني ( تغمض عينها .. وتعطيه ظهرها )

فهد : !؟ طيب طيب قولها بدون صراخ (يطلع من الغرفه )

ليال : (تفتح عينها ) طلع (تتنهد )

يدخل محمد

محمد : كنت ادورك اخيرا لقيتك

ليال : ( تناظر بحقد ) وش تبي ؟

محمد : احم احم اسف ( يحك شعره )
ليال : ( تناظر محمد بقهر )

محمد : وش فيك قلت اسف طيب طيب وش تبيني اسوي ؟

ليال : ابي طلبين علشان اسامحك

محمد : وش الطلبين ؟؟

ليال : اولا ابيك تودي جوالي لمصلح قبل علم ابوي

محمد : طيب والثاني ؟

ليال : والثاني ابيك احم احم تروح تشتري من اقرب محل رياضة تي شيرت لي وشورت ابي لونه بيج او اسود والحين

محمد : يوه الحين ساعه 11 وين بالقى محل مفتوح و

ليال : (تسكر اذنها بيدها وترفع صوتها ) لالالالالا

محمد : (بقهر ) طيب فهمت ماتبي تسمعني بروح اشتري لك (يطلع ... يسكر الباب )

في سيارة ابو محمد ...

محمد : حديث نفس : ياليل بروح وادور محل مفتوح للرياضة واخسر بانزين وماادري بيعجبه ذوقي ولا لا وبخسر من فلوسي لازم حل ماخسر فلوسي ولا بانزين ولا تعب ؟
ايه فكرة وين الكيس اللي كان في صندوق السيارة ( يبحث ) ايوه هذا ( ياخذ الكيس )

في غرفة تبديل ملابس ...

محمد : حديث نفس : ايه شكله طلع يسبح (يقرب من ارغاضه ) حسافه اعطيه من ملابسي واخسر ملابسي (يقوم .... يقرب من ارغاض عاصم ) (يفتح شنطة ملابس عاصم ... يطلع شورت اسود ) ايه هذا زين كنه جديد ... (يحطة بالكيس ) (يقرب من شنطة ملابس نايف .. يفتح الشنطة .. يبحث ... ايوه هذا التي شريت حلو لونه ابيض ومزيون بيناسب على شورت اسود (يحطة بالكيس ) بروح عند عبود

في باب الحمام >>>>يكرمكم الله

محمد : ( يدق باب الحمام ) هي اسمع شريت لك تي شيرت وشورت

ليال : هي هي انقلع ياكلب لا تقرب من باب الحمام طيب حطهم وبدخل البسهم

محمد : طيب بسرعه

.......

وبعد ماطلعت من حمام الله يكرمكم ولبست تي شيرت وشورت وعدلت المشد ونشفت شعرها ...

ليال : ها محمد وش رايك ؟

محمد : حلو كذا

ليال : ( تطلع بوكها ... تطلع ميه وخمسين ريال ) خذ

محمد : (متعجب ويطالع ) ليش ؟

ليال : (تبتسم ) ياغبي علشانك شريت لي وخسرت فلوس خذ

محمد : (يضحك ) مشكور بيض الله وجهك (ياخذ الفلوس )

ليال : وينهم نايف وفهد وعزوز و....

محمد : عاصم

ليال : ايه وينهم ؟

محمد : ناموا من زمان

ليال : اما

محمد : أي والله

ليال : ايه

محمد : وانا بعد رايح انام من رجعت من المدرسة ومانمت يالله

ليال : صبر انا بعد ابي انام وين انام ؟

محمد : نام في أي مكان تبي ادور لك الحمدلله انا رايح انام

ليال : (تناظر بقهر ) حديث نفس : وين انام ابي انام يارب ساعدني

بعد مرور نص ساعه في غرفة ... عبدالعزيز في زوايه ومحمد جنب عبد العزيز ونايف جنب محمد وعاصم جنب نايف وفهد بزواية .... معلومة : مسكرين نور الغرفه ومشغل المكيف وهدوء تام وفي صوت شخير عبد العزيز


ليال : حديث نفس : شكلي بنام جنب الباب بعيد عنهم وابوي راح سحب علي راح ينام بعد ماتعشى اخ وش اسوي شكلي بنام بعيد عن مكيف وجع كلهم يبون البراد طيب انا ابي بس مابي انام جنبهم ( تاخذ الكمبل (بطانيه ) تاخذ المخدة ... تمشي .. تحط المخدة ... تجلس في زواية تتلحف بالبطانيه ومطلعه راسها وخايفه )

بعد مرور نص ساعه ... وهي على هذا الحال تغفو ثم تصحى قام فهد من النوم راح الحمام ( يكرمكم الله ) وليال ماانتبهت ....

ليال : (تصحى ) في صوت عند الحمام ( تناظر ) وبعد مشغل نور الحمام وكلهم موجودين هنا

>>>>> حاطه ليال البطانيه فوق راسها وماسكته بقوة وخايفه بالمرة واقفة تناظر ثم بشوي تسمع صوت فتح الباب الحمام (يكرمكم الله )

ليال : (بصوت منخفض) يمه يمه (تركض وتنسدح بمكان فهد )

فهد : (يمشي .... يدخل الغرفه ..... يقرب عند مكانه ... يناظر ) حديث نفس : من ذا اللي نايم بمكاني (يسحب البطانيه ) هي هي قوم عن مكاني

ليال : (ساكته وماسكه البطانيه بقوة ) حديث نفس : فهد !!!

فهد : هي عبود قوم عن مكاني على الأقل ابعد شوي عن مكاني في مكان فاضي

ليال : طيب طيب ( تبتعد ... منحرجة .. )

صارت بين عاصم وفهد .... بعد مرور خمس دقايق

فهد : عبود عبود

ليال : هــا وش تبي ؟

فهد : فيك نوم ؟

ليال : لا >>> تكذب

فهد : طيب تجي معي برا عند الزرع
ليال : (بصوت خوف ) ليش وش تبي ؟؟؟

فهد : بالله انت مريض ولا وش فيك ابي اسولف معك شوي

ليال : أيــــه طيب

في ساحة برا وهم يمشون رايحين عند الزرع

فهد : وش فيك باعد عني ؟ ترى مارح اكلك

ليال : هـــا انا بعيد قريب انا

فهد : اقول تستهبل انت شوف كم باعد 5 امتار حسستني اني مريض

ليال : (ضحكة توتر ... تقرب )

فهد : ( يفتح ويشرب المويه )

ليال : ( تناظر فهد )

فهد : تبي مويه عطشان ؟

ليال : ايه من وين جبت المويه

فهد : (يأشر ) هناك كرتون مويه روح خذ لك

بعد ماجابت ليال موية وشرب وجلسوا عند الزرع ...

فهد : (يناظر السماء ) تدري عبود ان النجوم مايتغير مكانها تشوفه فليل بوضوح فنهار تكون موجودة بس ماتقدر تشوفها لأن الشمس ضوئها قوي ومايخليك تشوفها

ليال : (تناظر فهد ببرود تام ) ادري معلومة قديمة

فهد : طيب طيب اسمع في معلومة ثانيه تدري ان النجوم لو تعدها يجيك بهاق تدري

ليال : ادري معلومة اقدم من الأولى
فهد : ياليل خلاص لا تفشلني

ليال : (تضحك ) اسفه ماقصدت افشلك

فهد : (مصدوم )

ليال : وش فيك ؟

فهد : (يضحك ) اسفه هــا ماقصدت هــا هههههه

ليال : ( توتر ... ) امزح اقلد حركات بنات ههههه حديث نفس : رقعي رقعي يارب مايشك

فهد : ايه هههههه توني ادري ههههه

ليال : فهد يمكن سؤال ؟

فهد : قول ( يفتح مويه يشرب )

ليال : ليش اذا ذكرت نايف يتغير وجهك او اذا ذكرتك قدامه يتغير وجهه ؟

فهد : السالفه وانا اخوك ان نايف ظلمني واتهمني ابوه اني انا سارق ونايف هو اللي سرق عشر الأف ريال

ليال : اما نايف يسرق !؟ وطيب كيف قول السالفه بتفاصيل

فهد : طيب السالفه اني كنت بثالث متوسط هو في اول ثانوي وكنا انا وياه بشركة ابوه تعرف يورني الشركة ابوه و نسولف ونستهبل ابوه كان معنا بس كان مشغول ثم قال ابوه اجلسوا بمكتبي وراح يشوف العمال وانا وهو جلسنا في مكتب ابوه نسولف ثم انا بغيت الحمام (اكرمكم الله ) دلني وينه ثم رحت وكان نايف مدري وش سوى يوم رجعت للمكتب وجلسنا نستهبل رجع ابوه وجلس بكرسيه وفتح الدرج قال في ظرف هنا شفتوه
قلت انا لا قال نايف لا ماشفنا ثم عصب ابو نايف وقال لي شكلك انت اللي سرقت الظرف محد دخل غيرك وولدي ولدي مستحيل يسرقني لانه اذا بغى شيء يقولي وانا جلست احلف له اني ماسرقت ثم قال نايف يبه خلاص اللي راح راح وقال ابو نايف لي خلاص مارح اعلم ابوك على اللي صار ثم انا قمت معصب و يوم بطلع شفت الظرف في جيب نايف وطلعت ويوم جاء اليوم الثاني جيت في طلعه في مدرسته مسكت نايف بزواية وقلت له ليش ماقلت لأبوك انك انت اللي خذيت الفلوس سكت وقال شيء مايخصك لاتتدخل وعصبت وصار هواش قوي بيني وبينه من ضرب وسب ثم بعدها ماعد تكلمنا ولي يشوفنا يفكرنا مانعرف بعض هو في طريق وانا في طريق وهاذي السالفه كلها وانا اخوك

ليال : (مصدووومة تماما ساكته ) بروح انام ( تقوم )

فهد : هههههه تعبتك معي من كلامي (يضرب كتف ليال ) ياكلب ارتحت لك روح نام وحلم فيني هــا (يضحك )

ليال : (تضحك ) حتى في الحلم ناشب لي ههههههه

فهد : ههههههه

ليال راحت تنام وفهد نام بعدها بربع ساعه ويوم اذن الفجر

ابو ليال : (شغل نور ... طفى المكيف ) (يرفع صوته ) قوموا لاصلاة ولا عبادة قوموا اذن قوموا صلوا
(يقرب من عبد العزيز ) يادب قوم صل ماغير تبلع في الأكل وقت الصلاة تشخر

عبد العزيز : (يرفع صوته ) طيب طيب بقوم

ابو ليال : قوم بعد ترفع صوتك وانا كبر ابوك قوم

عبد العزيز : (يرفع صوته .... يقوم ) انت نفسيه واقسم بالله نفسيه بروح حمام اتوضا اوووف

ابو ليال : (يناظر بحقد ) قوي عين قوموا لا صلاة ولاعبادة (يقرب من ليال عند اذنها ) قوم يا كلب (يسحب البطانيه ) قوم

ليال : (تصحى ) يمه طيب طيب بقوم وبقومهم بعد وش بعد تبي بس روح يبه مابي اتعبك

ابو ليال : كفو ياولدي يالله قومهم انا رايح للمسجد خلهم يلحقونا (طلع )

ليال : طيب (تقرب عند نايف )

نايف : (يصحى ...يلبس نظاراته ) اساسا انا قمت بس ساكت تصدق صوت ابوك يفقع طبلة الأذن

ليال : ( تضحك ) صدقت

فهد : مانمت اسوي نفسي نايم من اول ماقمت ماقدرت اعود انام

عبد العزيز رجع من الحمام (يكرمكم الله ) متوضي وفي مويه ورافع سرواله

عبد العزيز : يالله الحقونا عند المسجد لايجي ابو عبود ويصارخ بوجهكم انا مستغني عن صراخة بروح المسجد يالله

طلع عبد العزيز للمسجد ونايف راح الحمام (يكرمكم الله )

فهد : قوم عاصم قوم

عاصم : (بصوت فيه نوم ) طيب بعدين في احد بالحمام اذا طلع علمني

فهد : في حمام ثاني غيره روح للحمام ><<<<<<يكرمكم الله

عاصم : روح انت انا بروح ذا الحمام قريب

فهد : احسن انا رايح (يقوم .... يمشي ... يطلع )

نايف رجع وفي وجهه مويه متوضي ومحمر وجهه

نايف : يالله (يقرب عند عاصم ) قوم عاصم قوم

عاصم : وش تبي نعم ؟

نايف : بتروح للحمام اللي قريب هنا ؟

عاصم : ايه وش تبي ؟

نايف : مسوي كارثة في الحمام عزوز وانحاش راح المسجد ذا كلب

عاصم : طيب خلاص انت نظفته

نايف : بروح المسجد (يقوم ... يمشي .. يطلع )

عاصم : يوه مافي الا انا والزلابه اللي جنبي

ليال : حديث نفس : كل تبن مسوي نفسه توم كروز على غفله ماقدرت انام بسببه

رجع فهد ودخل الغرفه ....

فهد : عاصم طلبتك قوم عبود يالله تراهم الحين يصلون بالحق على صلاة يالله

عاصم : طيب بقومة روح

طلع فهد ...

عاصم : راح الحمام (يكرمكم الله ) وطلع

في غرفه ياخذ الفاين ويمسح يناظر عبود

عاصم : (يبتسم ) حديث نفس: هههههاي مارح اقومك روح فيها

ليال : حديث نفس : ذا ماراح للحين ياليل

طلع عاصم للمسجد مابقى الا ليال ومحمد ليال راحت تتوضا وفي الغرفه

ليال : (تحرك شعرها .... تسكر الباب ... تفصخ تي شيرت .... تعدل المشد

محمد : (يناظر وساكت مصدوم ) حديث نفس : عبود بنت !!! ؟؟؟

ــــــــــــــــــــــــــــــــــــــــــــــــــــــــــــــــ

من تأليــــــــف : وداد

البــــــــــــارت الجاي يوم الأثنين تاريخ 16 /10/1433هــ