,,..~ْْ اشراقــــــــ المستقبــــــل ــــــــــــــــة ْ~..,, - الصفحة 45 - عيون العرب

**آدِيت~EDITH** · #**221** 12-09-2013, 04:30 AM

[color=rgb(255, 20, 147)]

طبعاً كالعادة بالاجازة مافيني ادخل المنتدى يوم بيكون لاهلي ويوم لزوجي

اليوم اللي كان لاهلي كان بجد خوراااااااافي

صرلي مدة ماشفتهم لهيك كنت مشتاقة لحد الجنوووون

صحيت بكير وتحممت وتجهزت وانتظرت زوجي يخلص شغله وخليته يوديني وهو كان يسألني كل شوي ليش مستعجلة

وصار يطول الطريق بس لحتى يعاندني ووقتها عصبت جد بس حاولت كون هادية مشان مايتراجع ويوديني الشقة

وبس وصلت نزلت من السيارة وودعته بسرعة ودخلت

اول شي ساويته بعد ماسلمت عماما حبيبتي واللي كانت مشتاقة الي كتييييييييييييير وانا كمان طبعاً

رحت فطرت معها وكان فطوري المفضل مافي بديل للحليب ياللي تساويه ماما ولا فطورها

مع اني مابيظل الفطور ببطني بسبب الوحام بس جبرت حالي واكلت لحتى استعيد ايام زمان

بعدين جلست مع اخواتي بالغرفة وصرنا نخطط لشو رح نساوي

وبس خلصنا غدا بدا برناااامج اللعب وهوووون كان احلى شي

بدي نهارنا جد

يتبـــــــــــــــــع

[/color]

**آدِيت~EDITH** · #**222** 12-09-2013, 04:42 AM

لعبنا ولعبنا متل اياااام زماااان

مثل واحنا صغار

بالاول لعبنا كرسي الاعتراف بعدين لعبنا صراحة وجراة بطريقتنا وهون صار الضحك

بالذات لما وصلت لبنت اختي هههههههههههههههه

ضحكنا ضحك لانو مارضيت تنفذ الطلب وبصراحة انا كذبت

كنا انا واختي اتفقنا انو لو طلع جرأة رح نجبرها تساوي شي مابدها ياه كان شي مستحيل بالنسبة النا

الا وهو " خليه سر هههههه مع انو كتير عادي بس البنت مابعرف ليش بالنسبة الها جريمة ههههه "

بالنهاية كل مرة يطلع الها صراحة او تحدي بالاخير قلت انا طلعلك جرأة وكان طالع الها صراحة هع

ونفذنا الخطة وقلنالها المطلوب والبنت رفضت تماااامااً

حاولنا وحاولنا وقلنا رح تنطردي من اللعبة لو ما ساويتي هالشي وكمان رفضت

وبالنهاية صارت تبكي وطلعت من الغرفة

حسينا بالندم ورجعناها وتغاضينا عن هاد الطلب بس جد بدي اعرف السر هيهيهي

كملنا لعب ولعبنا ملاك وشيطان وكانت واااو روووعة

وبعدين لعبنا مسرحيتنا المعتادة ههههههههه

حسيت اني طفلة بجد بس كان شعور بيجننن

انا مثلت دور الحامل المريضة والبعض تفرقوا وحدة دكتورة ووحدة شرطية ووحدة صيدلانية وهيك

وكل دوري كنت فيه عالسرير تجي الدكتورة تعطيني ابرة منومة وتروح تكمل شغل

وبنت اختي الصغير تجي تقلي ياجدة ليش نايمة يالله قومي خلينا نلعب

لحتى مليت قلتلهم شو ليش دايما تنوموني ها بدي العب كمان مثلكم

قالولي مايصير انتي تعبانة خليكي نايمة

طفشت ومثلت دور الجدة وبدي الضحك ههههههههههه

صرت مو اناا لاحدا يضحك والا كسرت عظامكم

لبست ثياب جدتي الله يرحمها واخذت عكازه وصرت امشي عليها

بنت اختي هاد كان حلمها وانبسطت كتير وهي تعيش شعور انها حفيدة الي كانت بتحب تلعب هي اللعبة كتير

وماضحيت ولعبتها الا عشانها بس جد لما شفت ضحكاتها وفرحها انبسطت من كل قلبي

ياشماتة العذال بعرف هلا اللي يسموني عجوز مبسوطين هههههههههههه

عادي المهم انا كمان انبسطت

طبعاً مشوار المرح ماخلص بالليل لعبت بلايستيشن كتير العاب ريزدنت كلوك تاور وسموراي وفتل فريم

انبسطت بكل معنى الكلمة وتعشينا مع اخي اللي عمل النا عشا ولااا اطيب

كان يوم خورافي وتمنيت ماارجع للشقة والملل

بتمنى تكون كل جمعة هيك

ربي يخليكم لي يااحلى عيلة بالدنيااا كلهااااااا

**آدِيت~EDITH** · #**223** 12-09-2013, 04:51 AM

في اليوم الثاني كمان رحت بيت اهلي بس كانت زيارة قصيرة ماتعدت نصف النهار وكانت معاكسة للزيارة اللي قبلها تمااماً

هي كانت محبطة بصراحة

بالبداية انبسطت مع ماما والجماعة الطيبة

لحتى تعبت ونمت شوي لارتاح بعدها صحيت عصوت ازعاج

وكانت اختي الكبيرة عم تحكي وتضوي النور وولا على بالها انو في حدا نايم

فانزعجت وقلتلها ليش تساوي هيك انا تعبانة حسي شوي بلا ازعاج

قالتلي وبكل برود مافي احد ينام بهالوقت وبعدين هذي غرفتنا وهذا بيتنا روحي لبيتك وريحينا

انا انجرحت جد بهي الكلمة وانكسرت خصوصا انها قالتها بلا اهتمام وببرود

وعصبت واتصلت لزوجي ليجيني وامي استغربت طلعتي بكير وقلتلها شو حكت اختي

وعصبت وقلت بلا وعي ومارح اجي لهون مرة ثانية طالما هي موجودة

وامي حاولت تهديني وصارت تقلي اختك تمزح معك تحب تشوفك زعلانة ومعصبة بس ماقصدها وهي تحبك وتسال عنك على طول

بس الشيطان ركب راسي وظليت معصبة وزعلانة لحتى رحت الشقة وماحكيت شي لزوجي بس طالعت قهري فيه

وتزاعلت معه بلا سبب .. بس هيك فضفضة هع

بالليل طلعنا وتمسينا وبعدها خف قهري شوي

بس ظليت مكبوتة وزعلانة وضايق خلقي

قررت بعدها انسى واتذكر كل شي حلو وبس

هلا نعست لازم اناام =+=

تصبحوا على خير

اه اخر شي قبل الانطلاق هع

**آدِيت~EDITH** · #**224** 12-09-2013, 04:56 AM

الى غاليتي أحلام قاتلة أو واثقة الخطوة حالياً

سيدة التناقض

أميرة تربعت عرش الكلمات

منافسة

أحييت بي تلك الروح القتالية التي اضمحلت لفترة

صديقة

صادقة ووفية لم تخن عهدي بها أبداً

رفيقة

أمسكت بيدي دائماً وماافلتتها

سارت معي في ذات الطريق ولم تتركني خلفها

لم تنسني رغم البعد والمسافات

لم تتغير ولم تنس روحها الشقية المرحة والعظيمة المبدعة

أسعدتني بكل مافي تلك الكلمات من حروف واجزاء حروف

لاأعلم مايمكنني قوله فقد تبعثرت الحروف بلبي

عودتكِ كنز ثمين بالنسبة لي

رجاءاً لاتعاودي الرحيل

فقلبي لايطيق فراقكِ رائعتي

أحبكِ

وسأظل احبكِ يارفيقة دربي

أحبكِ

موت واموات واشباح

وسيظل هذا شعار شلتنا هع

خربتها عالاخير

جد الله لايحرمني منك يااروع صديقة

ماتخليتي عني ابداً

ودائماً وجودك يعيد الي الحياة

حتى لو كنت بقمة كئابتي

كلمة وحدة منك بتخليني اسعد انسانة

الله يخليكي ولايحرمني منك

**آدِيت~EDITH** · #**225** 12-14-2013, 03:18 AM

أسيرنا متى تعود للوطن

صرخة من قلوبنا المشتاقة لكم

صرخة من حنينا وحنين الوطن لكم

اللهم فك قيد كل أسير

واحفظه واحرسه بعينك التي لاتنام

وأرجعه الى عائلته سالماً

انشودة قديمة تحكي معاناة عوائل الأسرى

منذ طفولتي وحتى الآن لازلت أسمعها

كلما قلن المستقبل سيكون أفضل

وجدناه يعيد صورة الماضي بطابع أقسى وأمر

فالى متى الفرج ؟؟

http://www.4shared.com/file/12910466...09/17-asirana-mata-ta3oud.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معانيـ الحــــــــــــــ فماذا يعني لك انت ــــــــــــــــب	اسيرة الصمت ..	حوارات و نقاشات جاده	9	02-01-2011 10:11 PM