,,..~ْْ اشراقــــــــ المستقبــــــل ــــــــــــــــة ْ~..,, - الصفحة 22 - عيون العرب

**آدِيت~EDITH** · #**106** 01-04-2013, 02:33 PM

بالأمس حدث التحول الخطير بشخصيتي

وظهر الجانب اللي ودي كل اصدقائي اللي بالمنتدى يشوفوه

بالذات اللي يظنوني لطيفة هههههههههههه

هلا أنا بعد الصلاة جلست أنظف وبعدين تمددت ارتاح شوي بالصالون

واجت ماما وهي تعبانة وكان اخي يلح عليها تروح معو عالمشفى

ومارضيت الا بالموت وكان شرطها اروح معها مشان انا تعبانة كمان

قلتلها انا منيحة مابدي اروح واقنعتها فاقتنعت بصعوبة وراحت تجهز حالها مشان تطلع وانا رجعت استرخي

الا اخي الظريف جا وقال لي تروحي يعني تروحي غصباً عنك

قلتله مابدي اروح وليش لحتى اروح الحمد لله مافيني شي وبعدين ماراح يعملوا لي شي

وصار يصر علي وانا ارفض لحتى قال بخبث : رح قول لامك مشان تعصب لما ترفضي

قلتله انا قلت لأمي مارح روح وهي نست القصة خلص لاتفكر تجبرني والا رح عصب

قلي مايهمني ونادا ماما وقال لها واقنعها بطريقته المزعجة اني لازم اروح المشفى وامي زعلت علي وقالت لازم اروح المشفى

وانا صرت طالع فيه بنظرة قاتلة بس لو تشوفوني هديك اللحظة يعني لو ماكانت ماما موجودة كنت حرقته

وبالتحديد وهو واقف ورى ماما اللي كانت تعطيني محاضرة مشان روح معها بينما حضرته يضحك علي ويتشمت

وقمت وانا معصبة حدي مشان اجهز حالي ودخلت عالغرفة وغلقت الباب بقوة بدون مااحس

واخواتي لما شافوني ظنوا ان شي كبير صاير وخافوا لأن نادراً مااصير بهي الحالة

وانا صرت ارمي كل شي على الارض وبعدين رفست اللاب تبعي وحتى كان ودي كسره لحتى طالع قهري

وانا اتوعد واهدد اخوي وكأنه قدامي وعلى ماجهزت وشلت الشنطة كان ودي ارميها واكسر كل شي داخلها بس دخلت امي وقتها

واكيد حست علي هههههههههههههههههه

قالت لي اذا مابدك تروحي معنا خلص لاتروحي بس لاتعصبي

وقتها هديت حالي شوي مشان مابدي امي تزعل وقلت لها .. لا عادي

وطلعت وانا احاول اكتم قهري قد مااقدر

دخلت السيارة واستغليت فرصة ان امي لسا ماوصلت وغلقت الباب بقوة ورجعت طالع في اخي بتهديد

وهو ولا على باله قاعد يسولف مع زوجته بالجوال ومطنش كل شي

وااااه حسيت حالي ودي اصرخ فيه واخذ الجوال واكسره

اكره ان احد يجبرني على شي اكره هالشي كتيييييييييييييييييييييير

وبعدين شوي هديت لما ركبت ماما وتلاشى الغضب تماماً لما وصلنا المشفى

وماطلعنا الا بكوميات ادوية حتى قال لي اخي ماتبي تروحي وشوفي شو عطوكي

قلتله يبالغوا .. بجد يبالغوا كلها انفلونزا بسيطة لطالما جتني وراحت بمجرد ادوية طبيعية

بس دائماً يطالعوا هالمشافي للواحد مئة علة جد قهر ><

**آدِيت~EDITH** · #**107** 01-04-2013, 03:05 PM

اقتباس:

من مدونة لولة

بس من شان وضحلكم حرام يخدعوكم بهاد الكلام أنا كنت بمدرسة مختلطة بنات وأولاد قبل ما أجي للسعودية

أولاً الغياب كان عندنا كتير والله وأتفاقيات من شان الغياب

بالنسبة للنذالة مرتفعة عندنا بدك قلم بتكتبيلي الواجب

قال يفتح أدنيه قال كنت أروح للمدرسة نص نايم لهيك في أتفاقيه سلام مره أنا بنتبه على الدرس ومره رفيقي ومره البنت اللي معنا

أما بالنسبة للأدب خلينا نقول الصدق نحنا حزبين يعني الفصل مقسوم نصين النص الأول معي والتاني ضدي لأني زعيم المشاغبين وهم زيادة أدب وهدوء كل مره بيكون فيه معركة غير داميه بس تكسيريه

أما أنا كنت بصحى الساعة سته ونص وأحياناً الساعة سبعة بروح متأخر ترا هاد الكلام بينطبق على نص الصف

النوم بالصف ماكان فيه تقريباً لأن كلنا نشيطين
ومنحب المعارك وهيك حركات وتحديات

حفظ الدرس حسب حرف الأسم اللي حرفو ألف هو المسكين أنا واو وقبلي البنت ع يعني أخر همنا الحفظ

ترتيب الدفتر

والله كان مرتب لأن علا هي اللي بتكبلي الواجبات وترسملي الرسمات لأني فاشل بالرسم بالمقابل بشرحلها الدروس وبساعدها بالأمتحانات

العزايم يب يب للصدق كتيرة مو لأن معنا بنات بس لأننا شلة وكل مره واحد بيعزمنا بس مو على جبنة وعسل على ليز وببسي وشوكلاته وقهوة

الشعراء الرومانسيين شبه معدومين لأن في كتير شعراء الهجاء وما عدا البنات الناعمات هدول هم نكته المدرسة لازم نعلق على تحركاتهم ومشيتهم ههههههه

أصلاً مافي فرق بالمدارس أبداً لأن البنات متل الأولاد عندنا كلنا مع بعض ضد المدرسين

بتمنى تكون الصورة وضحت وما حدا يخدعكم بعد اليوم يا مساكين:hah:

هههههههههههههههههههههههههههههههههههههههههههههههههههههههههههههههه

جد ضحكتني كتييييييييييييييييييير ههههه

ذكرتني بالأيام الخوالي انا بصغري بس درست بمدارس مشتركة

ومتل ماقلت الاولاد كانوا مشاكسين من الدرجة الاولى

يعني القلة فقط من يكونوا مهذبين ويساعدوا بلا مقابل

مع اني ماكنت اختلط بهم كتير بس كنت شوف هواشاتهم والفوضى اللي بيعملوها بالصف

وكانت رئيسة الصف بنت والمسكينة شكيت انو رح تجيها الجلطة منهم

عناد - شقاوة - ثقالة دم

كل شي عند الاولاد .. وكمان في بنات هيك

بس اقل من الاولاد يعني تعرفوا النبات نعومات وهاديات

وانا من ناحيتي بطفولتي كنت كتير هادية بالمدرسة بس طبعاً وماكان حدا يحس علي

بس كمان كانوا الاولاد نكهة الصف بيضحكونا بجد وبيسلونا رغم شقاوة بعضهم

يمكن الكلام اللي قالته لولة ينطبق على المدارس السعودية مستقبلاً اذا صارت مختلطة

اتوقع بالبداية رح يكونوا هيك بما انها تجربة غريبة جديدة عليهم

بعدين بس يملوا خلص رح يرجعوا لعادتهم القديمة هع

**آدِيت~EDITH** · #**108** 01-04-2013, 03:11 PM

اقتباس:

أمس كانت سمر عم تلعب بالبلاستيشن
ناداها يامن ما ردت عليه
كان مع يامن مسدس لعبة وجه المسدس عليها وقال طااااااا
عادت سمر عملت حالها ميته قرب منها وقال ثمر ثمر ما ردت
زعل ووجه المسدس على حاله وقال طا وأنسدح حدها قال يعني ميت
والله شكله كان خورافي هو فعلاً تربايتي هههههههههههههه

ههههههههههههههههههههههههههههههههههههههههههههه

ياعمري هالتنين سمورتي ويمونتي حبايبي الصغار

جد ضحكني الموقف كتير تخيلتو ليامن يعمل هيك ومعو سمورة

بريء بجد هالولد بيجنن هههههههههههه

ذكرني بحالي انا وبنت اختي كنت علمها فن التمثيل وهي طفلة

لما اقول لها اضحكي بتصير تضحك متل الهبلة ولما اقول لها ابكي بتسكت شوي وبعدين تغير ملامح وجهها عامله حالها زعلانة

وبعدين تبدي تبكي بجد حتى احياناً بتطلع الدموع ههههههههه جد محتالة هالبنت

ولما اقول لها يالله نموت تقول مووووووت وتطيح على الارض وانا معها ونعمل حالنا ميتين احياناً انا بمل واقوم وهي لسا عاملة حالها ميتة

مرة عملت هيك وامها تمشط شعراتها وانا كنت العب معها وجد صارت متل الميتة وامها خافت وجلسنا نحاول نصحيها

وهي لساتها على حالتها واحنا خفنا .. شوي الا حسينا ليها انها نامت من كتر مامثلت انها ميتة غفت بجد ههههههههههههه

وصرنا نضحك عليها كانت بجد حلوة .. هلا كبرت ونسيت معظم الاشياء اللي علمتها اياها

بس مانسيت القصة اللي الفتها عنها وكل يوم تقول لي خالتو احكي لي قصتي مع الغيمة

واقولها لها وماتكتفي بتصير تخليني اقولها فوق السبع مرات ولاتنام انا انام وهي ماتنام ههههههههههههه

**آدِيت~EDITH** · #**109** 01-04-2013, 04:42 PM

سرقة جديدة من مدونة وسام

اقتباس:

اقتباس:

اقتباس:
أنا كنت بالدرج ما قبل الأخير
للصراحة قمة الهبال عندنا كل المخالفات
وكمان أول ما بيجي الأستاذ عينوا علينا لأن الدرج الأخير نايمين
نحنا اللي منحركهم
مستواي ممتاز وهاد مجنن المعلمين
مره كنا عم نلعب والأستاذ عم يشرح
من شان يحرجنا قلي وسام يلا حل المسألة
للصدق ما كنت بعرف على أي مسألة عم يحكي
صاحبي أشارلي على المسألة وأنا حليتها
فعصب الأستاذ أكتر وقال مشكلتك أنك ذكي ومشاغب:heee:

بتعرف انت كنت محظوظ يعني ههههههههههههههههههههه

انا اول ماارجع من المدرسة بعد اليوم الأول كانت ماما تعمل معي تحقيق بأي صف جلستي

ولما اقول لها غير الأول تقول لي لازم تروحي وتحاولي تبدلي مكانك لاياخذوا عنك فكرة

وصرت حاول واحاول لين اتمكن من الصف الاول واذا ماقدرت اظل مكاني اللي مايتجاوز الثالث

طبعاً بابتدائي لأني كنت كتير هادئة وماادافع عن حقي فكنت دائماً بالصفوف الاخيرة

بس مو الاخير ولا اللي قبله يعني بالوسط هيك بس اقرب للاخير

بس من متوسط الى ثانوي كنت دائماً بالصف الأول حتى لما اتأخر عن اليوم الدراسي الأول كانت تحجز الصف الأول صديقتي الي

بس بصراااحة ماكنت امسح السبورة الا نادراً ماكنت بساعد المعلمة كتير

وماكنت ولاااشي من المكتوب

بالعك كنت مشاكسة وكتير صارت معي حوادث

مرة من المرات مثلاً كان علينا درس فيزيا والمعلمة جديدة وكتييييييييير مملة بتنعس

فأنا من الملل ثرت طالع باللوحة واتسلى بالرسمة الل قالتلنا انها رح تكون الواجب

وصرت الون وارسم وانا بقمة استمتاعي ولما قربت اخلصها وكنت اكتب اسماء العناصر الموجودة بالرسمة

سمعت صوتها يناديني فناظرتها بسرعة وقلبي يدق بخوف

فقالت لي وهي معصبة بس غضب هاديء .. وش كنتي تسوي ؟

انا سكتت وماحكيت شي فكملت متى رسمتيها الحين ؟

بكل براءة قلتلها ام

فقالت لي وهي تطالع فيني بحقد : يعني ماكنتي مركزة بالدرس انا اتعب حالي وحضرتك جالسة ترسمي

وعطتني محاضرة طويلة عريضة وانا تجمدت مكاني حسيت ودي الارض تنشق وتبلعني ><

ومن طلعت صاروا صاحباتي يضحكوا وانا عصبت فيهم بس قالوا لي ماعليكي منها يومين وتروح

وجد الحمد لله ارتحنا منها كام يوم وغيروها والا كانت رح تمسكها علي طول السنة وماتخليني بحالي

جد الدرج الأول مأسااااااااااااااااااااااة عشتها سنين طويلة بس مشان اطلع من المتفوقين بنظر المعلمات -_-

بس كان بجد متعب بتكوني على مرأى من المعلمات واي حركة بيلاحظوها

مع ان في بعض المعلمات يكون تركيزهم عالصفوف الاخيرة بما انها الاكثر شهرة بمجال الشر والشغب

وهذا يتيح لي شوية فرصة بأخذ بريك من الحصة هههههههههههههه

**آدِيت~EDITH** · #**110** 01-04-2013, 05:02 PM

انتهينا من السرقات هع

جاي عبالي خبركم عن حوادثي بالمطبخ ههههههههههه

من كم يوم اخي اشتهى عشا وكان جيعان فأنا فكرت اعمله طبخة حلوة من تحت دياتي الحلوين

المهم قمت وجهزت الطماطم بطبق والخضار كل نوع بطبق والبصل بطبق وهيك يعني بحب يكون طبخي مرتب يحليلي

وجهزت المقلة والنار وحطيت الزيت الا طلع زيادة بالغلط

فرحت مشان قلله صبيت شوي من الزيت اللي بالمقلاة في صحن صغير قريب والحمد لله ماكان ساخن كتير بس حسيت في شوية تفاعلات عم تصير

تجاهلت الموضوع وصرت كمل طبخ وحطيت كل المكونات واخر شي حطيته الطماطم

وصرت قلب فيه وبعدين حسيت ان الزيت قل فأخذت اللي خليته بالصحن وسكبته على الخلطة وياليتني ماعملت هيك

فجأة اشتعلت النار بالمقلة وارتفعت لفوق بشكل مخيف وانا تجمدت مكاني ماعرفت شو لازم ساوي

طفيت نار الفرن بسرعة وصرت اراقب النار اللي اشتعلت بالمقلة وهي تزيد وانا مو عارفة شو ساوي

وجسمي ككله كان يرجف وبعدين اشتغل عقلي اخيراً واخذت الغطا اللي جنبي وغطيت المقلة بسرعة بخوووف

شوي شوي بدت النار تهدا لحد ماطفت وانا خلص كنت شوي ويغمى علي

جلست شويات وانا احاول استعيد استيعابي وبعدها قمت وكملت الطبخة كأن شي ماصار

طبعاً انا ماصرخت ولا طلبت مساعدة احد ولا شي جد مااعرف من وين جتني الشجاعة ههههههههههههههه

بعدين رحت لأخي وجسمي لساته يرجف وحطيت الجزء السليم من العشا عنده شويات احترق منه

وصار ياكل وانا اطالع فيه لحد ماخلص قال لي شفيك؟

قلتله بالقصة فقال لي : غبية انتي ؟ ليش ماخبرتيني كان اساعدك لو احترقتي او حرقتي البيت ؟

قلتله ماعرفت اتحرك اصلاً ماعرفت اتكلم حستني رح موت وقتها فصار يضحك ويقول الله يهديكي

وفي مرة تانية كان اخي يطبخ يعمل بطاطا مقلية >> كم اكره الزيت سبب المشاكل كلها

قلي اكمل عنه فقلت له اوكي وبعد ماخلص من الدفعة اللي كان يقليها سلمني الملعقة

وحطيت الدفعة التانية وماحطيتها الا وعلى حظي المنحوس تكررت الحادثة نفسها وكانت معنا ماما كمان

وارتفعت الناار لفوق وانا تجمدت كالعادة وماعملت شي واخي صار يصرخ فيني جيبي الغطا جيبي الغطا

واانا لاحياة لمن تنادي فجابته ماما وغطته بسرعة فقال لي بسرعة : صار فيكي شي احترقتي ؟

قلتلته لا ماصار شي .. بعدين انتبهت ان النار كانت قريبة مني وطالعت فيه بسرعة وانا اقول احترقت ؟

قال لا ياخبلة ماصار شي بس شفتي كيف النار وصلت لوين ؟

وصار يضحك وانا لساتني مو قادرة استوعب وجيت باكمل طردتنا امي احنا الثنين من المطبخ

وقالت مشان هيك انا مااخليها تطبخ كل مرة ويصير هالشي اخاف مرة من المرات تحرق المطبخ -_-

انا انحبطت بجد وطلعت من المطبخ وقلت : أحسن بعد اريح اذا ماطبخت

اواسي حالي هههههههههههههههههههههه

ولازالت حوادثي في المطبخ لاتنتهي الله يعينني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معانيـ الحــــــــــــــ فماذا يعني لك انت ــــــــــــــــب	اسيرة الصمت ..	حوارات و نقاشات جاده	9	02-01-2011 10:11 PM