align=CENTER][table="width:100%;background-image:url(http://www.wallpapersd.com/media/ima...1;cell="filter:;"]]





































































































































































































































































فرحان معصب :" نجااح يا @#% خلصينا

ناصر :" والله مو أنا سامي "

سارة :" على بالك انا هبلة ؟ سامي شاب مثالي ما يسوي هالاشياء "

ناصر :" قسما بالله .. شوفيه قاعد يضحك "

سارة تضربه على راسه :" انا مو قايلتلك اسم الله مو لعبة .. بسك كلامك كله كذب بـ كذب "
سامي :" نصور اشوفك قمت تتبلى علي "

ناصر :" هين ! انا وياك والزمن طويل "

شاهين :" سبحان الله كل يوم نفس السيناريو "

سارة :" هلا شاهين شلوونك ؟ "

ناصر :" وين ياسر ؟ "

شاهين :" حمدالله بخير ،

على فكرة ياسر مشترك بدورة "

سامي :" يعني بيقلدني هاه "

ناصر :" أنت بعد ؟ "

سامي :" اي اشتركت بدورة عشان اقوي لغتي الارنقلزينقنية "

ناصر :" هه ؟ ....."

شاهين :" الانجليزية "

　

　

تجي منار :" آهلين .. شلووونكم اليوم ؟

"

　

سارة :" تمام والحمدالله ، وانتي ؟ "

منار :" انا بعد والحمدلله ، شنو كنتو تتكلمون عنه ؟ "

شاهين :" عن الدورات التعليمية "

منار :" اي صح سمعت انه سعود وبدر افتتحو دورات ، انا مشتركة بدورة اللغة الفرنسية "

فرحان طلع فجأة :" وأنا مشترك بعد "

سامي :" انت مشترك بدورة رفع الضغط "

منار :" توقيتك حلو يا معفن ، الا اقولك وين كنت امس واليوم ؟ ماشفناك "

فرحان :" موجود ، اوووف ذكرتيني ، مالي خلق اداوم الله ياخذ هالمدرسة الي كلت قلبي ويا رشود "

منار :" يووووووه نسيت اكتب الواجب ! الاستاذ راشد بيقتلني "

ناصر :" وأنا بعد ! "

سامي :" يا ويلي منه "

سارة :" نسيت كلشش !! "

..

وراحو كلهم وما بقى الا شاهين وفرحان

..

شاهين يطالع بفرحان :" أول مرة تسوي عمل خيري "

فرحان :" انقلع اقول ،، يعني شاطر انت ووجهك "

شاهين بنفسه ( الحمدلله على نعمة العقل )

..

--- توضيح ---

لكل واحد من الاكاتسكي بيت بس نادرا يقعد فيه

لانهم على طول بالمقر

-------------

في مقر الاكاتسكي

　

برآك :" فنونة شفتي شعبان وين راح

أفنان :" بالحمام "

برآك :" وسعود ؟ "

أفنان :" يمشط الباربي "

برآك :" و بدر ؟ "

أفنان :" يفجر غرفته "

برآك :" و زيد "

أفنان :" يلعب مع تركي "

برآك :" وكريم ؟ "

أفنان :" يعد فلوسه "

برآك :" وكعبول "

أفنان :" يغسل الحوش "

برآك :" وفرحان "

أفنان :" يلعب بليستشين مع شعبان الي توه طلع من الحمام "

برآك :" بسم الله الرحمن الرحيم ، شلون عرفتي كل هذا يا جنية ؟"

أفنان :" أنا قاعدة هني 24 ساعة ، وانت مو راضي تطلعني "

شعبان :" فزت!!! ، ما تعرف تلعب ههههههه "

فرحان :" دايما اخسر افففففف ، شكلك متفق مع البليستيشن "

كريم :" اسكت انت وياه ، .. مليون 03 .. مليون 04 "

شعبان :" يآآ .. هيوووو ، من ويين لك "

فرحان :" الله بلاني فيه ، هالانسان فلوسه ما تخلص"

كريم :" مليون و ... مليون و ... مليون و ؟؟؟ ضيعتوني ، مسرع عطيتوني عين "

　

سعود يدخل ويقعد بين شعبان وفرحان

شعبان :" سلامات سعود شفيك شكلك تعبان "

سعود :" راسي يعورني شوي "

فرحان :" خذ لك حبة بندول "

سعود :" والله هالحبوب ما منها فايدة

رآسي صار خلية نحل "

شعبان :"جرب ادوية برآك الفعالة "

كريم :" بتقعدون منطمين ولا أقوم ؟ "

برآك :" ماشاء الله على الثنائي المرح الي خربو بيتي ، شعبان ، فرحان .. درستو ؟! "

شعبان :" هه ؟ اي اي درست واجتهدت "

فرحان :" وشلون ما أدرس ، درست لما عورتني عيوني وحليت الواجب مو مصدق روح شوف دفتري "

كريم :" كل واحد يطلع كذبة اكبر من الثانية "

فرحان :" اسكت كروومي يا فضوووحي !! "

شعبان :" وشدعوة انت درست يا أخ كريم "

كريم :" أنا كيفي .. ما عليكم مني وعلى فكرة ترا حليت الواجب ، 00 مرة قلت لك لا تقول كرومي .. والحين طلعلي فضوحي "

فرحان :" كله من تعبي ، منو الي ورم راس نجاح عشان ياخذ الواجب ؟ هاه فيك خير ترد ؟ "

　

كريم :" ومنو الي ورمت ايده عشان ينقل لك الواجب "

شعبان :" فرحان يا خاين ليش ما قلتلي ؟! "

　

سعود :" حرام عليكم كل يوم اعصر راسي اثاري عندكم رزق بالواجبات ؟! "

شعبان :" تعصر راسك على 1+1 ؟ "

دخل كعبول وملابسه كلها ماي

برآك :" في كلام ثاني بعد .. ؟

تدرون انتو يبيلكم واحد يلسبكم بخيزرانة منقعة بماي وملح ..

يا غشاشين يا .. يا شقوووول ؟!!

فشلتونا ، الناس يقولون ماشاء الله على براك كفو زعيم يستاهل هالأعضاء الرااااائعين

بس لو يدرون انه الي عندي بقر ؟

وانت يا فرحان والله لأوريك يا غشاش ، افنان جيبي لي خيزرانتي خليني اطق هالكسالى "

فرحان :" رحنا ملح "

انفتح الباب وطلع بدر :" شقعد تسوون ؟؟! "

دخل تركي

:" أهلا توني خلصت واجب العربي ^^

بس بدر سينباي ازعجني بالتفجير

و في سؤال واحد بس ما عرفته ، زعيم درسني تكفى "

برآك :" ماني فاضيلك "

تركي :" ماهو جمع أخطبوط ؟ "

برآك :" مممم سؤال وجيه ،

جمعها طمبوط "

أفنان :" وجيه شكو ؟! وتوك مو فاضي "

كريم :" اخطبوطين "

سعود :" اخطبوطات "

فرحان :" @#%* "

بدر :" خطمبطنيون "

شعبان :" اخطبنبطبينات "

كعبول :" شنو السؤال ؟ "

برآك :" لعنتو خير الكلمة "

تركي :" خلاص بكتب كل الخيارات ، زين جمع بطاط "

برآك :" عاد هذي سهلة

بطبوطة ..

والله اني استاهل اكون زعيم "

أفنان :" صعبة ما أعرف "

فرحان :" لا يا زعيموو شفيك خرفت

الجمع هو أبططة "

شعبان :" لا يا فرحان الغبي هذي صارت جمع أباط .. مممم

جمعها بطاطة "

بدر :" فجرها ويطلع الجواب "

سعود :" بطبط "

كريم :" بطاطسينو "

كعبول :" منو يبي بطاط ؟ "

تركي :" خلاص اخر سؤال .. عكس كلمة ( البرودة ) ؟ "

برآك :" عرفتها عرفتها .. بردونة "

أفنان :" ما عرف "

فرحان :" حرورة "

كريم :" احررة "

شعبان :" احمرة "

سعود :" اخضرة "

بدر :" مثل ما قلتلك يا تركي الاهبل .. فجرها ويطلع الجواب "

كعبول :" شفيكم ؟ "

　

برآك :" خلااص بنقعد نحل لك الواجب كلله ؟! "

زيد :" والله كلكم اغبياااااااء واحد يقول بردونة والثاني حرورة وهذا يقول فجرها ،،حمدالله والشكر عكسها سخونة وسلملي على استاذك "

براك :" وراك ما تذلف ؟ "

******************

تركي زاهب ومستانس

بدر حرق ملابسه بس مازال مستانس

فرحان يحط جل ويضبط نفسه

كريم يعد فلوسه

شعبان يعدل قميصه

برآك شايل جنطته

كعبول نص نايم بس سبقهم كلهم

افنان لبست تنورتها وقعدت تسوي الاكل

سعود يطالع بنفسه بالمنظرة لأنه حاس انه وجهه شاحب

زيد الطالب المثالي مالبس للحين

ونجم ... مستعد

.

هذول هم الاكاتسكي المنظمة الاروع

متجهين للمدرسة

من صباح الله خير

على طاولة الفطور قبل ما يروحون المدرسة

شعبان :" حط رجلك .. أقولك طااار "

فرحان :" اووووله يخسي ! "

أفنان :" سكتو خلاص "

شعبان يساسر فرحان :" بس ما أدري اذا بيداوم اليوم ولا لا ! "

فرحان :" خله يداوم وأنا اوريك فيه "

　

أفنان :" وبعدين يعني ؟ "

　

　

شعبان :" ان شاء الله ، نجتمع احنا الاثنين عليه بالهدة اووكي ؟ لا تنسى "

برآك :" والله اذا ما سكتو انتو الاثنين .. بالبيض على وجهكم "

فرحان :" جيب العجرة معاك شعبون "

حذف برآك المقلاة على فرحان بس ما حاشته

طقت راس تركي

سعود :" زعيم ما تعرف تنيشن "

شعبان :" زعيم لا تعصب سامحنا "

　

فرحان :" زعيمو انت دايما تبينا ساكتين وتطيع الخبلة افنان ، وأخلص منك يطلع لي رشود "

　

تركي :" ليش ليش بالمقلااة ؟؟ آآآآي ياراسي .. أنا لازم أغيب "

براك :" مافي غياب حالك حالنا ، يلا مشينا

فنونة خلصتي ؟؟ "

　

أفنان :" خالصة بس أنطركم ، كل واحد كرشته أكبر من الثاني ، أحسن واحد سعود لأنه اسرع واحد "

　

كعبول :" سبقني هالبيبي "

برآك :" لا والله ؟، هين أراويك يا سعود "

سعود :" لا أنا ما كليت أساسا

هالايام شهيتي مسدودة "

　

بدر :" سعود -نو - دانا . عسى ما شر فيييك شي ؟؟ "

شعبان :" مسوي رجيم هههههه "

سعود :" هييييييييييه !! "

فرحان :" هههههههههه حلووة "

كريم :" بآآآآآآآآآآآآآآآآآيخة .. ههه بضضضضضحك "

كعبول :" ان شاء الله تفكر تسكت يا شعبان "

نجم :" سعود ممكن تعطيني القيمر ؟ "

...........

خلصو الفطور

برآك :" أسااااامة بسرعة وينك بنمشي "

أفنان :" يا ربي وقته هذا؟ "

بدر :" الله يستر بسسسس "

يطلع اسامة وعيونه حمرة وتلمع :" بابا انا مريد وااجيد ..

ما يقدر "

شعبان :" يس يس !! بنغيييب "

براك :" تغيب ؟ على جثتي "

فرحان لـ شعبان :" والله حتى لو مات ، جثته بتلحقنا "

كعبول :" لا توتروني .. زعيم شالحل ؟؟ "

برآك :" لازم نكترث للأمر "

بدر :" زعيم أنت تحب تجرب الكلمات الي توك تعلمتها صح ؟ "

فرحان :" نغيب وبس "

برآك :" غياب مافيه ، روح ناد شندرآ "

فرحان :"استغفر الله محنننج علينا ،، شندرآآآ .. بابا بروكي يبي انتي "

برآك :" لا والله ؟ أنا اعرف أسوي مثلك ، اقووولك روووح لها بالمطبخ "

راح فرحان ينادي شندرا ورجع

شندرآ معصبة :" نعم بابا ؟ "

برآك :" تعرفين تسوقين ؟ "

تبققت عيون الكل

بدر :" ليش تبيها تسوق فينا ؟ تبيها تطيرنا سيرلنكا ؟؟ "

شندرآ :" لا ما يعرف بابا ، يبي شي تاني ؟ انا في شغل

..

راحو عند سيارة اسامة الضخمة

برآك :" شهالسيارة الخايسة ؟ "

فرحان :" احسن من مالتك المسكربة .."

　

شعبان :" انا اعرف اسووق "

الكل :" والله ؟؟ "

زيد :" لا مابي اموت وانا مو محضر الدرس "

شعبان :" أفا عليييكم بس !! يلا ركبو "

ركب شعبان وركب فرحان جنبه

بدر :" فرحان قوم اقوول يلا لا ارفسك "

فرحان :" اذلف يا بابا ورآ لا تخليني اقوم عليك "

شعبان :" بندفنك ترا "

سعود :" هيييه حدكم عليك "

بدر :" زعييم شووفه مو راضي يقوم .. هو دايما يقعد بهالمكان وأحنا ورا "

فرحان :" روح شم ريحة اسامة وتعرف معاناتي .. زعيمو عطه كف تكفى

　

كعبول :" نسيت اغسل السيارة "

برآك :" فرحان قووم وخلصنا بنتأخر "

شعبان :" زعيم خلنا نستانس ، اقعد وياه يفجرني على طوول ، وبعدين بدر أجبن واحد فينا

برآك :" أها ناوي تقحص وتقلب السيارة علينا يعني ؟ وشالمانع لو قعدت ورا يا فرحان ؟ "

فرحان :" عندي فوبيا من الكراسي الخلفية "

كعبول :" بدر اقعد عندي خلنا نسولف احسن ورآ هذول تحولو ، شعبان صار اسامة وفرحان صار شندرآ ، خلك من هالمجانين الفشلة "

بدر :" يوووووه فرحان قووووم بدوون ما تغثني ، يلا بدون تفلسف فوبيا ما فوبيا ، انت تعرف معناها اصلا "

فرحان :" والله ما يندرى منو شندرآ ، أنا ولا أنت يالي تنظف الحمام - يكرم السامع - كل يوم على بالك ما شوفك "

طلع سعود وسحب بدر عنده

وبراك بالنص عند أفنان المخنوقة من كريم وكعبول

وطبعا شعبآن داااايس على اخر شي ويصارخ عالناس الي بالدريشة

وفرحان يضحك نفس المجانين ويقوله دوس أكثر

وبراك رجله بحلج كعبول ويصارخ حسبي الله عليكم

وافنان تصيح وتبكي

وكعبول يحاول يتخلص من رجل براك

وسعود يمشط الباربي ويحميها من الزلازل الي قعد تصير

وبدر ماسك كعبول وسعود وميت من الخوف

وتركي اغمى عليه

وزيد مو مهتم بالي يصير وقعد يحضر الدرس

وكريم يصيييح عليهم يبيهم يوقفون السيارة عشان في نص فلس طاح منه

ونجم .. يشرب ماي

..

وصلو المدرسة

بالطابور

" إرفعو إيديكو وصفقو وتنطنطو "

بدر :" ياربي كل يوم ، جسمي تكسر "

برآك :" اسكت لا تطقك تسنيم بالنعال "

شعبان :" خصري يعورني "

كريم :" فرحان وخر عني ترا تدلدغني "

فرحان :" وين قاعدين عرس أحنا ، بس كرومي شكلك ولا أروع هههههه "

سعود :" والله ما أدري من وين هالحركات صرنا رقاصات "

بدر :" عليهم مخ هههههههه "

برآك :" دير بالك بدر "
حذفت الناظرة تسنيم النعال -يعز السامع- على بدر بس ما حاشته
وطقت براس تركي
تركي :" رآآآآآآآسي لحقووووني
حرام عليكم مافي غيري "

كعبول :" أنا شايف هالموقف من قبل بس وين "

تسنيم :" وبعدين معاكم يالأكاتسسكي يا شلة الشياطين

يا شلة العفن كله

التزمو بالقوانين شوي ..

براك شيل الحدايد واوقف نفس الناس

بدر امنيتي الوحيدة .. قص شعرك

كعبول نزل المخمة وقط حوض السمك

كريم حط فلوسك بجيبك لا اشقهم لك

سعود حط الباربي بالجنطة وارقص معانا وبدون كلام

فرحان سكر قميصك للزر الثاني وشيل القلادة وعدل الغولة

زيد عدل شعرك ونزل الكتاب وارقص انت بعد

شعبان هد شعر أفنان وبدون سوالف

أفنان .. مسحي المكياج
وبعدين انا الي معور قلبي شاراتكم هذي الخاصة بشلتكم
وهالحزام هذااا غيروه ولبسو حزام المدرسة "

　

براك ارتفع ضغطه

ويقول بنفسه ( شلة العفن هااه .. هين يا تسنيم

ان ما ارسلت على الادارة عضو واحد .. عضو واحد بس ويوريكم العين الحمرا )

الكل :" ان شاء الله بعدين "

تسنيم :" لااااااااااااا الحين كل واحد يسوي الي قلتله "

" وااحد اثنين ثلاثه يلا يلا يلا نرقصصص "

الكل سحب عليها

..

في الصف

فرحان حاط رجوله على الطاولة :" أنا تعبااان ! أبي أرجع البيت "

　

شعبان :" اي والله ، خلصت المقالب كلها "

كريم :" تستاهلووون "

بدر :" الفن هو الانفجار "

سعود :" وقتك الحين ؟! "

ناصر :" يا مزعج أنت وياه خلوني أحل الواجب "

فرحان :" توك يا كسلان يا مسخرة

مو أمس قايل أنك رايح تحله "

　

ناصر :" لا تعايرني عااد عشاني ما حليته ، على الاقل انا ما ابوق واجبات الناس "

فرحان :" تبي بكس يخربط وجهك ، انت منو قايلك "

ناصر يأشر على شعبان

فرحان :"والله ما ينخش عندك سر يا شعبون ، هين انا لا رفيجك ولا اعرفك "

شعبان :" والله ما قلتله شي فرحان شفييك "

كريم :" يقصدني أنا يا غبي "

فرحان :" اي ما استغرب انه انت ، هين يا كرومي أنا مو شريكك "

كريم :" ميت عليك ، ومليون تالاف مرة قلتلك لا تقولي كرومي لا أكرمك الحين ببكساتي "

برآك :" اكرمنا بسكوتك دخل الاستاذ راشد "

الاستاذ راشد يدخل ببط عشان يخوف التلاميذ

قال ببرود وباسلوب غثيث :" السلام .. عليكم "

الكل يردون السلام باحترام شديد إلا الاكاتسكي قالوها بنفس طريقته

راشد :" شفيهم الاخوة الكرام ما يردون السلام بطريقة سنعة ؟ وين داش أنا ؟

وبعدين انتو بشنو احسن من الباقين ؟ بفشلكم الدراسي ولا بشلتكم الشيطانة السخيفة المعفنة الي عفست المدرسة فوق تحت "

ضحك ناصر

و ارتفع ضغط براك

افنان :" استاذ لو سمحت لا تغلط ، سلام وردينا عليه ، بس الظاهر انت تبينا نسجد لك "

الاستاذ راشد :" هااااه فنونة لا تخليني العب بحسبة درجاتكم ، ولا تنكرون تخريبكم للمدرسة وعدم احترامكم لي

تفضلي طالعي الاثنين المهابيل شعبان وفرحان

كل واحد يتفنن بالمقالب ولا والي يغثني انه هالكسلان فرحان يناديني رشود .. أصغر عيالك ؟؟ "

فرحان :" احمد ربك أدلعك ، زعيمو .. خن نعلمه قدر الاكاتسكي "

كريم :" على فكرة هذا شريكي والثاني عضو بشلتي لا تغلط لا أخيط هالحلج ابو ريحة ، ومقالبهم مو عاجبتك .. ليش ، وفلوسي الي تروح هدر ؟؟ "

سعود :" كريم ترا وجهك يخرع ،وانت يا بدر لا تاكل بعدين الاستاذ يطقك وهو بروحه معصب

فرحان لا تشيش الزعيم عليه ،

وخلاص بسكم عقلو لا يسقطنا هالسنة ونبتلش "

برآك :" شباب خلونا نهجم عليه بس بعد الحصة ، الحقير يقول فنونة "

الاستاذ راشد يصارخ من قمة راسه :" سكتوووووو لا أنسيكم حليب امكم .. اشوف طلع لكم لسان

يلا اشوف كل واحد يقوم ويراويني دفتره اشوف هالواجب محلول ولا لا ! "

ناصر توهق

.

وسامي استانس

　

وسارة خايفة

وكل الاكاتسكي يبتسمون بثقة ..

ويفكرون ( أراويه منو الفاشل دراسيا )

مر الاستاذ على دفتر براك وتعجب ان الواجب محلول

مر على باقي الاعضاء وتعجب اكثر انه نجم والثنائي المرح حالينه

..

الاستاذ :" والله غريبة ! صرتو شطار ؟

شلون انتو حالين الواجب شلوووون ؟؟

خلاص أنا بكافئكم "

رفع الاستاذ ايده عشان بيرفع لهم ابهامه

بمعنى : احسنتم هاهاهاهههههههههههع

بدر :" مو يشبه الي صار بفلم كرونك .. الي ينطر رفعه الصبع هههههههههه "

وقبل لا يرفع صبعه

دخلت نجاح وشعرها كشة مكشكش وعيونها حمممر يخرعون
قالت بصوت مبحوح رايح فيها :" أستاذ لا لا لا اصبر !! هذول كلهم كذابين وغشاشين
لأن فرحان بايق الواجب من دفتري ووزع عليهم كلهم

عاقبه وريح ضميري "

الاستاذ راشد :" ليش ما حلييييتوو الواجب ؟!؟ "

سعود :" يؤ يؤ يؤ "

براك :" انكشفنا "

فرحان :" يا نحيسة يا جنية يا @#%^ يا أنانية يا حقيرة يا مجنونة يا بقرة يا بنت الـ #%^@* .. يا.......... "

كريم :" خلاص رحت وطي يا فرحان "

بدر :" لييييييش .. عاد توه كان ييرفع لنا صبعه المشقق ويفرح قلوبنا اخيرا .. ابي اعيش الي عاشه كرونك "

الاستاذ :" صبعي المشقق بدخله بعينك انت وياه .. هين ، ان ما راويتكم وعلمتكم شغل الله ما كون راشد ولد مرشد "

*************

وفي المقر

قصة قبل النوم

كريم :" وبهكذا انتهت قصتنا الجميلة يا حبايبي الحلوين العسولين الجميلين .. يلا اشووف ذلفووو لا افنقركم الحين تفنقر يلا يا كسالى يا اغبياء يا مجانين

قومو نامو نامت عليكم طوفة بالي ما يحفظكم يا خبول يا

....."

شعبان وفرحان وسعود :" بس أحنا نخاف من الظلمة "

أفنان :" الظلمة تخاف منكم .. يلا اقول بلا دلع وهبل قوووموووو "

براك :" لا حرام مساكين .. تعالو يا حبايبي نامو عندي "

فرحان :" اقول زعيمو ترا ندري عنك "

شعبان :" بلا نوم بلا بطيخ .. لا تقعد ترقع تعالو نامو عندي .. يالخواف "

براك :" شعبان قسما بالله ان ما سكرت هالحلج الفضيحة احمسك مع البصل ؟!! "

أفنان :" شكلك جوعان براك بس ما يخالف بعد شوي بيأذن الفجر ..والقصة الي قبل شوي مو قصة قبل النوم ، قصة قبل الصلاة يلا الحين فرشو الفراش بالصالة اليوم كلنا بننام مع بعض "

ونامو كلهم بالصالة

براك يحلم بأفنان

وأفنان تحلم انها تروح بودي شوب

بدر يحلم أنه يحرق البيت ويهدمه عليهم

وكعبول يحلم انه يغسل الحوش

وشعبان يحلم انه ياكل دانقو ويسوي مقالب

وفرحان يحلم انه يذبح الاستاذ راشد ويعذبه

وسعود يحلم بفلة الي طلعت بدعاية سبيستون

زيد يحلم انه يحل الواجب

تركي يحلم انه بمدينة ترفيهية

كريم يحلم انه رجل اعمال كبير وصاحب منصب

ونجم يحلم انه ياكل اندومي

...

******************

..

وانتهى البارت الاول
أرجو أن ينال اعجابكم

طبعا خلصنا الحلقة الاولى < الحلقة ههههههه
..
حطيت صور عشان تندمجون وان شاء الله استمتعتو
..
والصور كلها من تجميعي
والفواصل المتواضعة من صنعي
أما القصة من الخفوشات اختي وبنت خالتي
بمساعدتي
وطبعا كل فترة احط بارت
وعنوان وصورة للبارت ^^
وان شاء الله تعودتو هالاسماء
ولا تبوني اغيرها ؟؟؟؟
اصلا مو بكيفي خخخخخخخخخ
البارت هذا كان بعنوان " واجبي المدرسي العزيز "

البارت القادم
راح يكون

" بطولة بدر "
بدر الي هو ديدارا هااه لا تنسون
هالله هالله بالردود
اذا اعجبكم الموضوع
تقييم + الرد

[/align][/cell][/table][/align]

__________________
لكل مشرف يشوف هالرسالة
اتمنى تحذف مواضيعي

وااااووو شكلها خقق
انتظر الباروت بسرررعه

__________________

[cc=قبل شوي]ححججزز[/cc]
واااااااااااااااااو
ههههههههههههههههههههههههههههههههههههه
البااااارت يجنن
خخخخخ
شكلهم بنت خالتك واختك منسمين:baaad:
هههههه
بنتظر البارت القآآآآآآآآآآآدم واتمنى ترسليه الي
خخخ
فديييييتك وفديت كل روايتك :coolcool:

__________________

أهلللللللللللا منووووووووووورة يا شيطووووونة ^^
..
اي امس خبصت باللابتوب ولا اسوي الموضوع بالغلط وانا مو مكملة شي ههههههههههههههههههههههههههه
اسفة ما ارسلته
انا من الصبح وانا اعدل فيه .. قلت اذا خلصت اطرش لكم كلكم ^^

__________________
لكل مشرف يشوف هالرسالة
اتمنى تحذف مواضيعي