|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
11-01-2012, 12:27 AM
| ||
| | ||
| كل ماشوفك يزيد حبي لك السلام عليكم الروـآية طويلة تحتوي على " الشوق . الحزن . الفرح . الالم . والامل .الفراق . الهجر . الغياب . الوناسة . الضحك . التعاون . الحب . الكره . الحقد . العشق " ومشاعر لا تنتهي . . : ملاحظة روايتي الاولى الغيتها " البارت الأول : طلعت من الغرفة وملامح وجهاا تبين انها معصبة وشوي تصيح .. راحت تركض لأختها ودفنت راسها في حضنها وتصيح .. جواهر وهي تمسح على راسها : حبيبتي شفيج ؟؟ سارة ودموعها أربع اربع : ماستحمله خلاص انا انجنيت الله ياخذه جواهر على خفيف تضربها على راسها : هدي بالج .. ورفعت راسهاا سارة : انا ماعد استحمله هذا والله راح يجنني الله ياخذه شوفي ايدي حمراء من ضربه جواهر تمسح على ايدها : خلاص حبيبتي اتصبري والله ويااج سارة تتنهد وتمسح دموعها : لاكن ااناا اوريه هذا مسوي نفسه ريال والله اوريه جواهر : خلاص قومي تأسفي منه وانتي الله يهدااك وش مسوية له سارة : ماسويت له شي هو متحجج بس مو علي المهم حبيبتي انا راايحة وانا بتصرف معااه جواهر : زوجك ذا عامليه زين سارة مكشرة : زوجي طل المهم ماطول انا رايحة اربيه واجي جواهر : ههههههههههه خبري بج مينونة .. تركي : الحيوانة والله أقتلهااا محمد : وانت شفيك ترا ذي مرتك مولعبة كل يوم طاقهاا تركي : وانت شعليك مني ماتدري افف الله ياخذها وافتك محمد يضرب تركي على ظهره خفيف :قوم قوم الحين بتجي وبتعتذر منك صدقني قوم يالله تركي : بدفنهاا مو تعتذر مني يالله انت بعد طس عاطيك وجه واايد .. سارة تحط عينها بعينه وتقول في خاطرها : ولا تحركت من مكانك ويالهفيس لاكن اناا اوريك ياتركيوو تركي بحقارة : تعالي انتي ليش تطلعين سارة : رحت لااختي تركي : اي اكيد روحي تعلمي منهاا تعلمي السنع سارة تعض على اسنانهاا وتقول في خاطرهاا : انا اوريك السنع على اوصله ياتركي تركي : المهم انتي لبسي سنع اليوم عزومة ببيت ابوي سارة : انت شفيك ترااا ماصار لناا شهر من اتزوجنا ومعاملتك لي جافة تركي يعض على اسنانه : دشي داخل احسن من وقفتنا هني .. عايشة : مامي البس اي فستان البنكي والبيربل أم عايشة : أي واحد بس البنفسجي روعة بعد عايشة : خلاص بلبس البريبل أم عايشة : خبرتي أخوج تركي عايشة : اي ماما أم عايشة : انزين واختج لولوه مو تنسينها عايشة : لايمه اتصلت لها هي بالمشغل مع بنتها أم عايشة : اي زين يمه يالله تجهزي مابقى الى جم ساعة .. عايشة قبال المنظرة لبست الفستان وسرحت شعرها وضربت ستريتر ومن تحت خلته مدرج وحطت لها كريم اساس وبودرة وبلاشر ورسمت عينها بالكحل وحطت لها بالبداية بنفسجي فاتح بعدين درجت بدرجاته وروج وردي فاتح هادي ونزلت ذقلتهاا ولبست صندلهها الرصاصي صار شكلها يجنن تهببل بشكل مو طبيعي .. ورشت لها عطر جادور ونزلت تحت فهد : الله شهالحلاة يأختااه عايشة : ههههه اسكت فهد : الله على الخدود حمررت .. دانة في خاطرها اانا اوريك السنع ياتركي والله لأخليك تموت فيني اصبرر افف منك لبست لهاا فستان طويل لونه ذهبي مكشوف على الظهر ومنطقة الصدر فيه وردة باللون الماروني وكرستال موزع عليه صاير الفستان حلوو عليه واستشورت شعرها ورفعته بطريقة حلوة وحطت لها بودرة لان بياضهاا طبيعي وماشاءلله .. حطت لهاا كحل اسود وماسكارااا وحطت لها شادو ذهبي وفي الاطراف ماروني وحطت عدسات عسلين والروج كان احمر خافت وبلاشر طولي ولبست صندلها الذهبي كان فيه وردة وفيها كرستال .. في خاطرها الحين بتخق ياتركي اصصبر انا اعلمك تركي التفت لهاا وشاف جمالها انصصصدم وفي خاطره ياااااااااااه جمال ماشاءلله انا شلون مو ملاحظ يياه يساارة تجنين فديتج تهبلين سارة : هيه يالله تركي يتحم حم : امشي امشي ويهالشعرر سارة : احسن من شعرك الليف تركي راح الحمام وحط جل في شعره وسواه بطريقة حلوة ورجع << سارة : ههههههه جذي اوكيه انطر بلبس عباتي تركي : لاكن شوفي ان شفاج احد من الريايل بحش ريولج صدقيني سارة : ويه من بشوفني من حلاتي اصلا صالة البنات بروحهاا يالله خلصت وركبوا السيارة وعم الهدوء .. عايشة:لولوة لولوة تلتفت : الله حبيبتي عيووش تهبلين عايشة : وانتي بعد فستانج حلوووو من وين شريتيه ؟؟ لولوة : من الامارات عايشة : يهبل حبيبتي انزين وين فططووم لولوة : في الطريج لمياء : عيوش مابتيي خطيبة اخوج سارة وحشتني عايشة : انا بعد وحشتني سوسو انا خبرت تركي مادري بيي ولا لا؟ أم عايشة : شلونج لميااء الحين ان شاء الله احسن لمياء بأبتسامة : الحمدالله خالتي أم فيصل : الا قوليلي جواهرر اخت سارة مخطوبة ولالاء حاجزتهاا حق ولدي فيصل ام عايشة : مادري والله بس اظن لالا ماشاءلله عليها اخلاق مثل اختهاا سارة ام فيصل : اي والله ماشاءلله عليهم بنات ناس وانا عجبتني البنت وايد وحبيتهاااا وقلت حق وليدي فيصل ام عايشة : الله يكتب الى فيه الخير .. .. في مجل الررجال تركي : السلام عليكم الكل : وعليكم السلام محمد : ارححححب وانا اخوك همش فيصل : ها شلونك وينك من زمان عنك من اخذت المرة خلالاص تركي : ههه انا اهني انت الى مو مبين أبو يوسف : شلونك ولدي ان شاء الله بخير تركي : الحمدالله عمي انا بخيير أبو يوسف : علامهم لحين مايو ! تركي : تو الناس عمي الحين ان شاء الله بيون .. عايشة : اوممممممق انتي ههذي ساارةة سارة : ايهه أم عايشة : ماشاءلله تهبييلين حبيبتي سارة بأحراج : مشكورة عمتي لولوة : تف تف ماشاءلله من وين فستانج عجبني باخذ موديله ههههههه سارة : من مجمع البحرين لمياء : هلالا سارة والله وحشتيني سارة : مايوحشج غالي حبيبتي لميااء بهمس : شلون تركي وياج سارة تتنهد : الله كريم لمياء تناظرها : معاملته شلون سارة بهمس : افف قشرة خليني ساكتة بس لمياء : هذا تلفونج الى يرن ؟ سارة تلتفت لتلفونهاا والمتصل تركي تركي: الو سارة سارة : هلا تركي بغيت شي ؟ تركي : اي تعالي عند المطبخ الي فوق مافيه احد سارة : صاير شي تركي : لالا بس انتي تعالي لمياء : شصاير سارة : لمياء مو تقولين حق عمتي ولاتحسسينهم بشي انا بروح فوق المطبخ تركي يبيني لمياء : اوكي .. راحت فوق ولقته قاعد تنهدت وراحت صوبه سارة بهدوء : فيه شي تركي قام يتأمل في ملامحهاا وتقرب منها اكثر سارة وعلامات الخوف والارتباك على وجهاا وهي ترجع ورا : تركي شفيك ؟ تركي يتقرب منها لما لقصت الطوف .. سارة : تركي ابعد لو سمحت تركي : ...... سارة تدز صدره : تركي ابعد تركي وانفاسه تلفح على سارة : ماراح ابعد كيفي سارة من الخوف تنزل دمعة من عينها : تركي !! تركي يمسح دمعتهاا: شفيج مابسوي شي سارة : ابعد انزين تركي لاشعورياا يضمهاا ونزل مستواها وطبع قبلة على خدهاا .. سارة كانت واقفة منصدمة .. اما عن تركي مشى ونزل لصالة الرجال سارة : .............. سارة : بنت مو أي بنت جمالها مو طبيعي بيضاء عيونها وساع رموشها كثيفين شفايفها وردين جسمها متناسق وكانها عارضة ازياء الي يشوفها يسرح في ملامحهاا .. 22 سنة تركي : غيوور وصارم بس حنون ورومنسي وسسيم درجة كبيرة اسمربس موايد خشمه طويل وشعره مسوى سبايكي بس يلبق له وسسيم عيونه وساااع .. 25 سنة . . |
|
#2
11-02-2012, 12:04 AM
| ||
| | ||
| سلوى : سويرة شفيج مختبصة جذي سارة بارتباك : لاولاشي ههه الا شلون حمود ان شاء الله احسن سلوى : لا الحمدالله صار احسسن لمياء بهمس : شسوى لج ؟ سارة : ولا شي لمياء بشك : اممم اشك انزين يالله طسي سارة بقلبها هذا شلون يسوي جذي .. اف منه أم عايشة : سارة عوش لمياء ورنود يالله قومي نجيب العشا سارة تقوم : يالله .. وقامو يوزعون .. \ اتصلت عايشة لتركي : ألوو تركيوو تعال عشان تودي للرجال العشا تركي : تركيو يبط عيونج انزين يالله طسي سارة كانت مرتبة بحضور تركي وخجلانة وايد وهو ماكان شايل عينه منهاا عايشة : حركاات مني مناك مانبيها هني في بيتكم تركي يضربها على راسها مزح : جب انتي .. عايشة : افف شتبي انت ناصر :أ سمعي عايشة اخر طلب عايشة : خير ؟ ناصر : قوليلي احبك عايشة : حبك برص تبعد عني افف منك ناصر يسحبها من ايدها : عووش الله يخليج مو زين تسوين فيني جذي عايشة : ناصر انت شتبي ؟؟ والله حالة اتبعد عني لايشوفك اخوي تركي ناصر يتباعد : اححبج عووش عايشة في قلبها حبك برص وراحت فووق وهي معصبة منه .. . . في بيت سارة وتركي سارة كانت خجلانة شوي واول مارجعت بدلت ثياابها ومسحت شوي من المكيااج وقعدت تطالع تلفزيون .. تركي : شفيج ؟ سارة : مافيني شي تركي قرب منهاا : مافيج شي اكيد ؟ سارة تبتعد : لامافيني شي تركي يقرب اكثر : اكيد مافيج شي سارة بحيا : تركي مافيني شي تركي في قلبه امووت فيج بس حسي شوي : يالله قومي ناامي سارة : مابي انام تركي : مو على كيفج سارة بخجل :مابي اناام تركي : يه قومي احسن لج لاتصطرين سارة بقلبها افففففف والله حالة وياك مرة تصيرر اوكيه ومرة تنقلب سارة : انزين تركي يسحبها من أيدهاا ويرميها على السرير ويقرب منهاااا سارة تعدل قعدتها : تركي لو سمحت تركي : هههههههه شنوو ؟ سارة: ابعد عني ولاتلمسني تركي : كيفي حلالي سارة : شرايك تنام هني وانا انام بالصالة تركي : اي ذلفي احسن من قالج ابيج ويا هالوية سارة ترمي عليه مخدة : احسن من ويهك ويه السبال تركي يلتفت لهااا وملامحها تبين عليها الخوف : انا سبال ؟؟ انا سبال سارة بارتباك : لا تركي : عيل من سارة: اناا ؟ تركي : اي الحمدالله الاعتراف بالحق فضيلة يالله ذلفي مابيج سارة : عاد انا الي ميتة عليك افف وراحت الصالة انسدحت على الكنبة ونزلت دموع من عينها تقول في قلبها انا اوريك ياتركي مرة تصير لي اوكيه مرة تنقلب حقير مجبورة فيك يالسبال الله ياخذك انا مادري ليش حظي مصخم .. الله يرحمج يايمه لو انتي عايشة مارضيتي يصير فيني جذي .. وحشتني جوجووو الله ياخذك ياتركي حتى من اختي حارمني وبعد تفكير طويل غطت عينها ونامت .. . . عايشة : ناصر الزفت انا اوريك تلمس ايدي بعد ! وتجرأت يآولد الفرنسية وسرعان ماغطت عينها ونـامت .. . . محمد : هلا تركي تركي : هلا بك شخبار ؟ محمد : تمام وانت ؟ تركي : الحمدالله عايشين محمد : لحين مانمت الساعة 2ونص تركي : مافيني نومم والله محمد : متزاعل معاهاا تركي : لا ابد خلها على صوب هذي اناا بقتلها وبفتك والله مجننتني مرة احبها اموت فيهاا مرة مادري شلون تقهرني محمد : يالله ارقد خوك وروح صالحها يمكن تموت ههههههه تركي : عساك الموت انت لاتدعي عليهااا يالله ذلف محمد : باي .. تركي بهدوء : سارة سارة : .... تركي : سااروو سارة وصوتها كل نوم : نعم ؟ تركي : قومي نامي على السرير سارة : مابي انت ماتبيني انا بعد مابيك تركي : بلا دلاعة قومي سارة :انت بنفسك قلت مابيج تركي : امزح سارة : لا تركي : انزين اسف سارة : ماتكفي تركي يسحبها من ايدها ويضمهااا : اسسسسسسسسف سارة ارتبكت من الي سواه : ..... تركي : الحين راضية عني سارة بتغلي : لا .بنام هني تركي يناظر في عيونهاا ويطبع بوسة على خدهاا : الحين رضيتي ؟ سارة بخجل : ...... تركي : خلاص الحين رضيتي يالله امشي \ مسك ايدهاا ورماها على السرير سارة كانت تعبانة فغلبها النوم بسرعة .. تركي : افف ساروو حزتها تنامين لي . . ام عايشة : حلوو ابو عايشة : وهو قريب من بعد عايشة : شنوو ؟ ام عايشة : اليوم بنروح شاليه عايشة : صججج ؟ ام عايشة : ايه احنا واختج لولوة واخوج تركي مع مرته بس .. عايشة : ااوكي بخبرهم . . سارة قامت من نومها الساعة 6:25 قامت سوت الفطور حق تركي عشان مايتحلطم ويلوع جبدها من الصبح سارة : تركي تركي : ........ سارة تهز كتفه : تركي تركي قعد ناظر في عيوونها وسحبها وصارت في حضنه : صباح الخيرر سارة بخجل : صباح النور تركي يناظر فيها ويتغلى : اقول سويتي الفطوور ولا تبيني افطر راسج ؟ سارة تكشر وتقوم : انت انسان مادري شلون صاير تدري ان انا اكرهك واااااااااايد تركي : أناا ؟ تكرهيني حصل خير ياسووسة سارة تسحبه من ايده : انا سوسة ؟ ماعليه الله يسامحك ولاعاد تكلمني بعد خلالاص تركي : احسن احسن احسن احسن وفي الشاليه .............. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يزيد الراجحي | «αяωα» | موسوعة الصور | 7 | 03-24-2012 03:03 PM |
| يا سبحان الله شاهد بالصور راعي يسجد وجمل يسجد بجانبه..؟؟؟؟؟؟!!!! | egyptian boy | أرشيف المواضيع الغير مكتمله او المكرره او المنقوله و المخالفه | 31 | 05-25-2010 02:14 PM |
| شاب يسجد...? | عاشقة الاغرام | أرشيف المواضيع الغير مكتمله او المكرره او المنقوله و المخالفه | 5 | 08-09-2009 12:29 AM |
| &شاب يسجد لله في كل مكان& | >>>حب وحنان زحف وجنان<<< | أرشيف المواضيع الغير مكتمله او المكرره او المنقوله و المخالفه | 1 | 07-16-2009 04:05 PM |
| ألى من مزق جسدي..... | samir albattawi | أرشيف المواضيع الغير مكتمله او المكرره او المنقوله و المخالفه | 10 | 09-15-2007 07:49 PM |
28Likes
العرض العادي
