معليك سوي مسابقات وانا اخرعهم معليك هههههه


مدونة لويمس

شي بخاطرك تبي تسويه لان صار لك فترة طويلة مو مسويه

ساعات !! تحس ان الوقت ياخذك

الروتين يكون معتفس !!

يمكن مشاغل الدنيا

يمكن مشاغل الاهل

يمكن كثير من الاشياء تبعدك عن الاشياء اللي انت بخاطرك تسويها صج

تقعد تفكر !! انا شنو الشي اللي من زمان مو مسويه

والله بخاطري كيت .. وبخاطري كيت


تقعد تفكر ..

يا ربعك,

يا هلك,

يا دوامك,

يا دراستك



اهم اللي يمنعونك من انك تسوي واحد واثنين وثلاثه

ويصير هالشي بخاطرك ومشتاق له

البعض يقول لك.. شي انا من زمان مو مسويه ؟!!

اني اسكر اجهزتي ومارد على ولا حد نهائياً .. واللي بيزعل خل يزعل



وشخص يقول لك.. شي من زمان ما سويته !!

اني اخذ اخواني واطلع معاهم

اخذ امي واطلع معاها



بخاطري اسوي الشي هذا

لان الدنيا ماترحم والوقت يركض

ونلاقي نفسنا في بعض الاحيان قاعدين نسوي اشياء !! احنا ما نحتاجها

ولا مفروضه علينا انها تكون في روتينا اليومي

يمكن بس مجرد عاده تعودنا عليها

يمكن لو بتفكر فيها !! ترى هي مو بس اشياء ومشاوير واماكن ودك ان انت تزورها وتروح لها

ترى في بعض الاحيان !! احاسيس ودك ان انت ترد تحس فيها مره ثانية



من زمان مو حاس بشعور معين

من زمان مو حاس بأمن وامان عامود



يكون موجود بالبيت
يكون موجود بينك وبين ربعك
يكون موجود حتى في حياتك

من زمان مو حاس احساس الخوف .. على انسان انت تعزه معزه كبيره

وخايف لا تفقده في حياتك

من زمان مو حاس احساس الخجل, من كلمة احبك تبادتك فيها الطرف الثاني وقال لك اياها



من زمان مو حاس بشوق لانسان كان موجود في يوم من الايام يمك


وغاب !!
وقرر انه يخليك ان انت ما تشتاق له



شخصياً !! كثير من الاحاسيس اللي مرينا فيها
عامتاً !! انت وانا وانتي !! جربنا احاسيس من هني وهناك يمكن اعجبتنا ! ويمكن ما اعجبتنا

تدرون !!؟ الاحساس اللي من زمان ماحسيته

اني ما حجمت

شنو يعني حجمت ؟؟

يعني من زمان ماعطيت كل انسان قدره في حياتي

في ناس اظن انه اهم يستحقون اني انا اعطيهم ذاك القدر
يستحقون ان اهم يحسون بمدا قيمتهم في حياتي

يستحقون انه يعرفون من القلب هذا ماخذين [ ولاااااا شــــي تماماً ]

ما راح اقول ماخذين نص القلب ! ولا راح اقول لان اهم في حياتي ماخذين حجم كبير

وبخاطري احسسهم بمعزتهم وغلاهم ..

خاطري احسسهم لاي درجة انتو مو مهمين

احساس من زمان ما حسيته

اني اعطي نفسي القوة
واخلي اللي حواليني اهم اللي يلجئون لي مو انا اللي الجئ لهم

بخاطري شي من زمان ماسويته !!

اني اقول حق فلان .. تبي تروح ؟ روح
ماتبي تسأل ؟ لا تسأل
ماتبي تدق ؟ لا تدق

ماتبي توقف معاي عالحلوة والمرة ؟ لا توقف

ترى مافي شي الغصب

خاطري .. اني ارد اسوي الشغله هاذي مرة ثانية

لاني بصراحه من زمان ما سويتها

بخاطري هذا يعرف حجمه, وهذا يعرف حجمه, وهذاك يدري !!
بان غيابه شي صار عادي عندي

طول ما انا واثق بنفسي
واثق بخطواتي, واثق بموقفي

اني انا ماغلطت على حد
ليش اقعد افكر !؟
ليش اعطي ناس مكان في قلبي اهم ما يستحقونه

الغلا من الله والمحبه من الله
وانت تقرر مكانك

بخاطري ارد احسسك مرة ثانية في قيمتك
موقف, اهو شي اناابسويه.. ومن زمان ماسويته

بالعربي الفصيح !! الباب يوسع له جمل

ودي افتح الباب هذا ,, واقول للي يبي يمشي !! امش, لا تلتفت, لا تحط في بالك ان بالي مكسور
ولا انا ابيك وقاعد ادور رضاك واشتريك

لاء

لكل شي حدود ..
ولازم انت تعرف الاحساس هذا
اللي وصلته يمكن من قبل

واحتاج اوصله مرة ثانية

وانت, وصله حق كل انسان

ان وجوده وغيابه ,, بالنسبة لك !! [ شي واحد ]

لا زلت ااتخيل اان وفاتك مجرد حلم ،
وانكِ على قيد الحياة لازلت اتذكرك فأبتسم مره وابكي الف مره عند رؤية ملامحكك في عيني كم هو صعب المم الفراق ...
رحمكِ اللههَ '( ♡̷̷̷̷̷،`</3
#ساعيش علىى ذكراك حتىى يأتي موعدي</3

قهرررر

*​​​​​​​​​​​​​​​​​​صَباح الدَعوات　وَالتَغَنّيْ بـ سُورَة الكَهّفِ 
صَباح مُبَاركْ .. مَطعَم بالأجُور 
​​** وَتذگر أنھ بـ بزۆغ فجر الجمعھ ;;
هناگ حبيبّ لگ ۆلربگ ينتظر صلٱتگ عَلّيـّہ ​
ۆهنآگ قبرْ مظلم ينتظرّ نۆر سورة آلگهف ​
ۆهنآگ سّآعّھ آستجآبھ تنتظرگ لترفع منزلتگ عند ربك
ۆهنآگ مرسل لگ مُحب ينتظر دعآئگ بظهر آَلغيب ​​
آلَلَـَھُمَـَ •
تقبلّ منآ آنك آنتَ آلسميعُ العليمّ
ۆتُب علينآ آنك آنت آلتوآبُ الرحيم
آلَلَـَھُمَـَ •
إشْرَحْ صَدْرَ كُلّ مَنْ يَمُرّ فِي ضِيقٍ
وَيَآ رَب ,,,
إجْعَلْ صَبَآحَ الجُمْعَه فَرَجْ لِكُل مَن صَبَر وَدَعَآآكَ بِـ التّفْرِيج 
آلَلَـَھُمَـَ •
بـ رَآئحَہ ” آلجَنْہ “ بلِغّہُمَ 
و بِـ بّيآضَ آلوجّہ » أوعِدّهُم « 
و بِـ ظّل عرّشِگ أسّگنْہُمَ 
و مِنْ حَيْثُ لٱ يحّتسِبُونْ أرّزِقہُمَ 
*قال صلى عليه وسلم : " مَنْ قَرأَ سُورَة الكَهّفِ فِي يَوم الجُمعَة أضاء له مِن النور ما بين الجمعتين" :" ) ♡♥<3
و آليُوْمَ يۆميّ ... فـ لٱ تنسآنيّ
»{  سۆرة آلگهفْ ​ }