|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#7
11-30-2012, 12:49 AM
| ||
| | ||
| **3** من بيــنكم يا لابســـين العـمايــم يـا ليـتني "سعوود" ولابــس عـمامــه واسـوق سـياره وبالجيـب دايــم إثـبـات شـخـصـيه واطـق الـلـثامــه واجي واروح وبالمواجيب قايــم مـا دام انـا مـواطـن فـلا به ملامـه والبس عقال وللشنب خط سايـم وامـي تــناديـنـي فـديـت الـعمامــه وإن قال أبويه وين ياسعيــد هايـم قلـت الجـماعــه روحـو لـلثـمــامــه وتراي احب البر وقت الجهايــم شـفـي وهـوا بـالي بغرب المـنامـــه من فوق جيب"ن" للمهـمات زايـم يـا زهـمـته قـام مـا أزيـن زهامــه مـا فـوقه إلا خـمـسةٍ باللـطـايــم باول شروق الشمس نركب جهامه وليـا وصـلنا للهـدف والـغــنايـم مـا بينـنا حـاســد ولا بـه نـمـامــه ناديت شب النار ماني بـصـايــم وهــات الدلال وقـرب الكـيف دامـه ماحولي إلا الطيـر بالجوحـــايـم وانـا الاميـر الـلـي يــكـرم مـقامــه ووسط البلد ماني كثير الـذمايــم ليا ضاق صدري رحت حي السلامه امر هاك الـدار والفـكر حــايــم لـي عندهم قلب"ن" غدت به حـمامه تلعـب بقلبـي لعـبة أم الغـمــايـم غنـدورةٍ لا شـفتها قـلت (مــامــه) ويستانس الخاطر بهب النسـايــم لا جـاتنـي مـن يـم ظبـي الـعدامـه وليا رجعت البيت والعود نــايـم ما حـس فيـني غـارق ن في منامـه وامي تحرانـي بصـبر ومــلايــم تـقـول ويـنـك كـن يـومـك بعـامــه ابـوك يسـال صـكني بالشــتايـم كـدر لـي الـخـاطـر بكـثرة كـلامـه وأنـاأتعـذر وأعتـذر عــنك دايم هـذا يابـوسعوود شـباب وغـشـامـه بس الأمـاني مـا تحـقق لــرايـم وانـا مـناتـي مسـتحـيل ن مـرامـه شطحت بالأحـلام حـد اللـزايــم لانـي بـلا سعوود ولاابـغـى عـمامـه انا"سلطـآنه" اللي لها الورع شايم وأشـوم لــه وأشـعل بقـلبه غــرامـه الكــل ضحك علي...وأبووي وهو يضحك بقووه:أجـل ي سليطـينه تبغيـن تصير سعود...ولـك حمـآمه بعــد... كملـت عمـتي بمشـآكسـه:لآآ رجـعت لآصلهـآ..بس بـآكسر عصـآي على رآسهـآ..تبغى تشعل بقلوب المخـآليـق النيرآآن... ضحكـت وانـآ اقبل رآسهـآ واقوول بخوف مصطنـع:أمزح ي بدوورتــي...وربي أمزح...وبمصـآلــه ...هذآ جزآي أبغى أوسـع خوآطـركـم.... قـآلت ولآيـف بخبـث:خوآطرنـآ والآ خـآطرك ياسليطيـنه..وباستهزآء..وبعديـن هذي قصيده والآ قصه قبل النوم... قلـت بثقــه:خـآطري خوآطـركـم ياليـــفه..ومالك شغل اقول اللي ابغاه... صرخــت بعصبيــه:يبـــه شوف وش تقوولــي؟.. ضحكـوآ علينـآ..وقـآلت شيهـآنه وهي تضحك:بسكـن مبزره..وياللــه قوومـن كملـن شغلكـن...البيــت يبغى لـه نفظــه..مغبر... قـلـت بكـذب وأنـآ أتميرض:مـآبغى اليوم ابغى آرتـآح...اليوم اربعـآء...وظهري موجعني... قـآلت بملل:تقوميـن طيب أو غصب..وبكره ارتـآحـي...عندك الخميس أحسـن..وبعديـن أكيـد بتجينـآ خـآلتي أم سنـد وتلقـى بيتنـآ معفووس... قلت بضيق:زيــن قمــت...وبعصبيـه..ترى ملآبـس موآعيـن مـآغسل...وم أكـنس بعــد... قـآلت ولآيـف بعصبيـه:لآ واللـه أجل وش بتسوويـن؟.. قلت بقهر:انتي مـآلـك شغل... عصب أبووي:وووجــع م تستحــن أنتــن...مـآلي وعمتكـن حشمــه.. قلنـآ بخجل من ابووي وعمتـي:محشوميـن.. قـآلت شيهـآنه بعصبيـه:لسـآنكــن قصرنـه شوي...وبـآستهزآء..صدق بزرآن..ألحيــن من كبر البيـت يعـني...وسلطـآنه اشتغلـي وانتي سـآكـته احـسن لـك.. وتحزمنـآ وتوجهنـآ بمنظفآتنـآ...بيتنـآ فيـه سر...اذآ نبـي ننظــفه يكــبر...شلون م أدري؟...ويهد حيلنـآ هده مو طبيعيـه... @@@ نـآظرت أمـي ووجههـآ اسوود وهـي تكـلم بالجوآل...وتكلـم بالتشـفير...وجعنـي قلــبي منهـآ...سكـرت السمـآعه وهي تزفـر...قـلت بخوف وانـآ أقرب منهـآ:يمـه خير...وش فيــه؟... قربـت سلوى بعـد وبخوف:خـآله وش صـآير؟..من تكلـميـن كنتــي؟.. رفعــت نظرهـآ لنـآ..وبهدوء:مـآبـه الآ خــير....وبحـده وهي توقــف....اتصـلن على سنـد..يجيــني بغرفــتي...ضروري... اتصلــنـآ على سنـد...وأنـآ وحريـم سنـد نرجــف...ونحلل ونموت ونعرف وش صـآير؟..وجـآء سنــد ودخـل على امـي بسرعــه...قعـد عندهـآ سـآعه وطلــع ووجهه جـآمــد...نـآظرنـآ بطرف عيــنه وطلـع وتركـنـآ...وحنـآ انهبلنـآ نبغى نعرف وش صـآير؟...بس طبعـآ أمي وسنــد سرهــم وآحــد..وم يطــلع لمخلووق كـآن.... @@@ يانسيـم الليـل سولـف لـي وقلـلـي واحقـن المطلـوب مـع دم الـوريـد ياعسـى التفكيـر والحـيـره تـولـي وياعسـى بكـره ومابـعـده سعـيـد ودي أمسـح ماكتبتـه فــي سجـلـي وآخـذ اللـي رااح مـع سـاع البريـد كـآن علـي غسيــل الحوش كلــه...أستغفر اللـه مدري منيـن يجـي الترآب؟..والبيـت كلــه مقفول..نـآظرت السقف المغطــى...طبعـآ هذآ أبووي سوآه..يخـآف من الحرآميـه وعيـآل الحرآم...بيتنـآ صـآير كتمــه...أووف مشتـآقــه للهوآء مثـل أيـآم قبل...ألــعب بالحوش والهوآ يلعــب بشعري...جريــت كلبستــي بعــنف...وانفك شعري متوسط الطوول...حركــته بعــبث..ورفعــت درآعــتي لخصري...وقعــدت أمســح المـآي...وكلآم ديـم مو مفـآرقنــي...أنـآ مـآني جبـآنه...بس أنـآ مستصعبـه فكـره اني أروح وأهـلي م يدرون...وأبوي حتى لو قـلت لـه مستحيل يروح يطـلب...ويقولـي كـنتي بزر..وأكيـد انك غلطـآنه...غمـضت عيوونـي وأنـآ أتذكـر الآســم اللي سمـعت رآكـآن يكـرره كــثير...اسمـــه الكـآمــل...ورجــف كــل جسمـــي من المـآي البـآرد..وهو يدآعــب رجلــيني...وفزيــت بخووف وانـآ اسمــع سلطـآنه بعصبيـه:أنتي للحيــن م خلـصتــي.. التــفت بخووف...ووجهــي شحــب بعد م شهقــت...وهي جرت لي بخووف وكـآنت بتطــيح..وتمسـك كتووفي:بسـم للــه وش فيـك ي قلبــي؟... قلــت برعــب ويدي على قلبي:أنتي نـآويـه تذبحيــني...وربي قلبي يرجــف..وجريـت يدهـآ أحطـهـآ على قلبي...وربي حرآم عليــك... قـآلت بندم:وربي آسـفه...مو قصـدي...بس كــنت بـآمزح معـآك...وبمزح وهي بترآضيـني...وعلشـآن ترضيـن ي أختـي..بقووم بشغلـك اليووم.. قلـت بصدمــه وأنـآ مـآني مصدقــه:صدق... هزت لـي رآسهـآ بـآيـه وهي مبتسـمه..وانـآ مـآصدقت..رميـت اللي بيديـني عليهـآ وركــض للبيــت...وهي انصدمـت شوي ووصلنـي صرآخهـآ:وجــعه توجعك يالبزر...صج مـآعندك ذووق...جـآمليني على الآقل...ترى مو صدق اضحك..عليـك...تعـآلي كملي شغلــك... وطبعـآ أنـآ لآ مجيـب..وخـآصه لمـآ شيهـآنه عصبت عليهـآ لأن صوتهـآ عـآلي..وابوي وعمتي نـآموآ..م تبغـآهـآ تزعجهم...نـآظرت غرفـة رآكـآن برعـــب...لفيــت يميــن ويسـآر..وقربــت وارتجـفت بخوووف...وشردت لغرفتنـآ....وأنـآ مصممه اني أخذ حقنـآ من صـآحبــه....وبدون م أدخـل غرفــة رآكـآن.... فتاة الأحلام likes this.
__________________  |
|
#8
11-30-2012, 12:57 AM
| ||
| | ||
| @@@ ان عشت ياراسي كسيتك عمامه وان مت ياراسي فدتك العمايم سكـــرت جوآلــي وانـآ ازفــر...انحـلت المشكلـه الآولــى..والآهم...غمـضت عيونــي...وأنـآ أتذكـر كلآم رآشـد لي..وهو شوي ويصيــح...أختنـآ من ابونـآ...أكــبر مني بسنــتيـن...شـآرده من البيــت...أنـآ اختـي تسوي هالسوآت...حسبي اللـه عليهم..حتى أختهم من أمهم وابوهم..مـآ أرحموهـآ...ضرب واهـآنه شبعوهـآ..وحتى نصيبهـآ قطعوه...لمـآ جزعـت البنـت من حيـآتهـآ..وشردت لصـآحبتهـآ...عضيـت يدي بقهر..ي ليتهـآ جتنـي أنـآ...ولآ ثبتت الغلـط عليهـآ...ي ليـتهـآ جـآتنـي أنـآ وطلـبت عونـي..واللـه اني ألبيهـآ...وآخـذ حقهـآ منهم...بس هي ثبتت الغلـط عليهـآ..غمـضت عيونـي بقهر..تزوجـت أخو صـآحبتهـآ..وأخوآنهـآ وقعوآ على تعـهد م يتعرضون لهـآ..وتبروآ منهـآ...أخـذت وآحـد لهـآ من أصلهـآ ولآ فصلهـآ...ليـه ي أختـي ركـبتي روحـك الغلـط؟...ورآشـد منحرج من أصحـآبه بالدوآم معه....وزيـن ان الكـل عـآرف قـآطعيـن علآقتنـآ بهم....غمضت عيونـي وأنـآ اتخيل حيـآتهـآ بالمستقبل...وبقهر..جنيتي على حـآلك ي بنت أبوي...واللـه جنيتي على حـآلك...الحيـن كـلن بيدووسك...كلـن بيتوطـآك...وبيقولـون مـآورآهـآ احـد...ي ليـت اخوآنك ذآبحيـنك..ولآ انك شـآرده من البيت..مـآلك عذر مهمـآ كـآن..ادري انهم م يرحمون وادري انه طغوآ وتجبروآ عليـك...بس مهمآ كـآن الحــق حـق...ذل أهلـك..ولآآ ذل غيرهم...تذكــرت طفولتنـآ...أتذكــرهـآ...بمـلآمـح وجههـآ المشووشـه بالنسـبه لي...سمـآرهـآ..جسمهـآ المليـآن بخفـه..شعرهـآ البنــي...وغمضـت عيونــي وأنـآ اتذكــر ردة فعـل امـي لمآ درت...وابتسـآمة الوجـع اللي ارتسمـت بوجههـآ وهي تحط يدهـآ على وجهـي:مستوجــع لوجعهم ي يمـه...واللـه مـآلـك لآيــم...وبصدق...ويشهـد علـي ربي..اني م تمنـيت هالسـآلـفه تصير لـهم...صحيـح كـل م قمـت وقعـدت دعـيت...وصحيـح دعيـت ان اللـه يمـد بعمـر أمهم..وتشوف عيـآلهـآ من مصيبـه لمصيبــه...وينكـسر قلبهـآ مثل م كسروآ قلبي...بس م تمنـيت ان بنتهم تسوي العيبـه..ومو علشـآنهم..علشـآن خـآطرك وخـآطر أخوآنك..والبنـت مـآلهـآ ذنـب..طـآحت بيدين مـآتعرف الحرآم من الحلآل...وعسى ربي يسخر من أخذتــه لهـآ... @@@ نفضت المطبـخ نفـآض..أحس ظهري تكـسر...وسلطـآنه خلـصت شغلهـآ وقعدت تنـآظر لهـآ فلـم..توجهت لغرفتنـآ وشفـت ولآيـف نـآيمـه استغربـت...بس طنشـت...هالبنت حـآلهـآ منعوج...برآسهآ شيء..واللـه يستر..بس مردهـآ بتقول..أعرفهآ...أخـذت لي ملآبـس ورحـت للحمـآم أخـذت شور..وطلـعت لغرفـة عمـتي لقيتـهـآ نـآيمـه..رحـت أشووف أبووي...وبعـد نـآيم..تركـت بآب غرفـته مفتوح...ووصيـت سلطـآنه عليــه...كـل شوي تشووفـه..وتوجـهت لغرفتنـآ..دخـلت فرآشي...بدون لآ أسرح شعري...وحسيـت برآحـــه كبيره..قـآعده من الصبح..وحتى العصــر م نمــت...قعدت أستغــفر اللـــه لحــد م غفــت عينـــي...ونمــــت نوومتي المفضــله..بدوون الهوآجيــس اللي تسبب لــي الآرق... @@@ كــنت جـآلـس بالمجـلس...وفرحـآن اليوم امـي عزمـتهم وحلـفت ان كلـهم يجون...ورحنـآ عزمنـآ ابوهم...بس اعتــذر...شوي وسمـعت همــس خفـيف..عدلـت جلستـي وارهـفت سمـعي...وفز قلـبي وانـآ اشوفهم..أربــع نسوآن...وحـده مـتسنـد على بنتيــن..وتمشـي بشويـش...ووآضح انهآ عمتهـآ..والآخيـره تمـشي ورآهم ببرود...دخلوآ دآخـل وانـآ مبتســم..وشـآق الكــشره....عرفـتهـآآ حفـظت هيئتهـآ بالعبـآيـــه....يـآآه شلــون الحيــن صـآرت...أكيــد تغيرت...لآ سنـه ولآ سنتيـــن...سنيـــن طويلــه م شفتهــآآ.. خبري بخلي قبل يلبس عباته يوم ان عوده باينٍ مايغطيه يمر جنبي ياقساه وجراته يظن عيني ماتعرفه وتخطيه مايدري اني عارفه من سواته مهما تستر فاضحه شوق مخفيه اسمع كلامه وافهمه من سكاته لن المحبه سكانه قلب مغليه اجمل وصوف الزين في وصف ذاته امن الحلا والذوق والعقل يكفيه حتى الدلع هو جمله من حلاته وطبع الخجل منه ومثله يحليه وشعره حرير وريحته من سماته كل العطور الراقيه تلتقي فيه وهذا قليله لو اعدد صفاته والله ستر ماغتر واعلن تحديه توه صغير وفي بداية حياته وجعل المحبه والليالي تهنيه احيك له ثوب الغلا من غلاته ويحيك لي نسج الغلا في معانيه يقرى شعوري واجمعه من شتاته كنه كتاب وماسكه بين يديه شفته وقلبي يعرفه ياقساته وراحت عيوني من عيونه تناديه شفته تعجل مسرعٍ في خطاته قفى وانا صديت والعين ترجيه ويـآ ترى للحيــن تحبنـي وتذكــرني والآ كرهتنـــي...هذآ اذآ كانت حبتني بيوم....ابتســمت بووجـــع يذبحنـي....وانـآ اتذكــر أكــثر موقــف عصبنـــي....وجرح كرآمتـــي....وتركـني أخـذ أكــثر تصرف متسـرع بحيـآتي....وشوي وجو أخوآنــي تعشينـآ...وطلعنـآ من البيــت.... @@@@ ردينـآ من بيـت جيرآنـآ...بسرعــه...وأصلآ غصب رحنـآ..بعد مـآ حنت علينـآ امهم...ورحنـآ وواللـه اننـآ م استـآنسنـآ...حـآملآآت هم ابوي وقعدته لحـآله..بس هو حلـف علينـآ كلنـآ نروح...وهو رفـض يروح...جـآء سنـد جـآرنـآ هو وامـه ودخـل على ابووي..وعزمـه بس أبووي رفـض...وتعـذر...أنـآ أعرف ليـه؟..ينحرج يتـم مسـدوح على ظهره....ينـحرج يحتـآج شيء...ويطلـب عون أحـد...يستــحي لآ انمـد لـه فنجـآل القهووه...م يقـدر يمـد يده ويتلـقآآه...آآآآه ي وجــعي عليـك ي يبــه...غسلـت ابوي وغيرت لـه...ونـآديـت خوآتنـي...بنقـعد نسولـف عليـه...وربي أني خـآيـفه...على نفسيـة ابوي..وجه مقـآبلنـآ وبس...وأبوي كـآن متعود على الطـلعـآت والعزآيـم ومجـآلـس الرجـآل...كـآن دآيـمـآ يسوي عزآيـم ومجلـسه مفتووح...صدق من قـآل دوآم الحـآل من المحـآل...وقعدنـآ نضحـك غصب عننـآ...علشـآن نفرح ابووي...وسلطـآنه تستهبـل...وولآآيــف تدلــع...وانـآ عيوونـــي عليــهم...وقلــبي موجــعنـــي... @@@ طـــردت بنـآتي من الغرفـه بعـد م صدعوآ رآسي..وقلـت لهم بـآنـآم...أدري انهم بيفرحوني...بس أنـآ ويـن والفرح ويـن...ي اللــه...نـآظرت الظلآم اللي حولـي..البـآب المفتوح علشـآن لآ احتجـت لــشيء...نآديـت وحـده من البنـآت...حركــت عيوونـــي بكــره...ودي أحرك جسمــي...تعبــت من النومـه على ظهري...جسمي م احــس فيــه...والبنـآت كـل يوم يقعدن يقلبنــي..علشـآن م يخـدر جسمـي بالمره...للحيـن عندهن أمـل اني بتشـآفى..صحيـح ان قدره اللـه وآســعه..ورحمــته توسـع الدنيـآ كلـهـآ وتزيـد...بس أنـآ رجـآل عفـت كـل شيء...وأرجـآآ جزآي بالآخره ي رب...وم ابغى من هالدنيـآ شيء...الآ انه يطمــني على هالبنـآت...ويريــح قلبي عليــهن...عند ريـآجيـل يصونونهن...ويحـآفظون عليهن من هالدنيـآ الغدآره...تنهــدت بووجــع...وأنـآ اتذكـــر اللي لفيــته بالكــفن...ليــتني بمكـآنك وتـآم أنـت ي ابووك لخوآتــك...أنـآ رجـآل شبـعت من هالدنيـآ..وانت بعز شبـآبك...غرقــت عيونـي بالدموع..تمنيــت أشووفك ببشتــك...وعرووستـك جنبــك...بس الموت مـآ مهلـك ي أبووك...عسآآك عريــس ومزفوف لحوور الجــنه....المووت سرقــك مننـآ بسرعــه...ليـتك مـت صغير...قبل م يتعـلق قلبي فيــك..وتزيــن بعيــونـآ..ونشووف خيرك...ونعقـد امـآلنـآ عليــك..ليتـك كـنت مريــض...وأقول موتـك اريـح لــك...ميــر كــنت متعـآفي بعز قوتـك ورجولتــك...طلـعت مني تضحــك....ومـآرجــعت عقبهـآ...م جـآني الآ علــم موتـــك...ي اللــه لطـــفك ورحتك فينــآ...رآح السنـد والظهــر..رآآح حمـآل اسمـي واسم ابووي واسم عـآيلــه كـآملـــه...ي ليتنـي دريـت ان الموت بيـآخذك كــنت زوجـتك على أربـع تعش سنــه...وآخــذ العوض بعيـآلــك...رغم اني مـآظنتــي بــه عوض لــك...استغفــرت ربي عن كـل كلآآمــي...م يجووز اللي أقوولــه....وي ليــت م تنــفع...والمرحوم يومــه وحيـآته مسـجلـه لـه من قبـل يخــلق... @@@ للحيــن احـس انـي مقهوره...رميـت حملـي على سنـد...لأني عجزت أتصرف بالمووضووع..واللـه يعيـنه هالسنـد...وش يحمـل ووش يخلــي؟...تنهــدت بووجــع...وأنـآ اتذكـر ملآمح الوجــع بوجهه...أدري انه يبغـآني اسـآمح...بس أنـآ مقدر...وربي يشهد علي لو يوآصلهم مـآنيـب معـآتبته ولآ شـآيله عليـه....أدري انه يبغـآني اسـآمح...بس هالشيء قلبي عجز عنه...تركـتهم لربــي...صحيــح دعيت عليــهم...مثــل مـآ ظلمووني وافتروآ علــي...بس سكـت عنهمز..ومو علشـآنهم علشـآن عيون عيـآلي وبــس...م أبغـآهم يتوجــعون منــي...سـآلت دموعــي بوجـع وانكسـآر عمره م تركــني....والموآقف تنعـآد...كـل شيء أسـآمح عليــه...الآ الموقــف الآخــير...الموقف اللي كسرنــي..الموقف اللي خيرني بعده اخوي بيـنه وبيـن عيـآلي...وسنـد حـآمل الهنوف وهي عمرهـآ شهر ونـص...ووآقف عند البـآب..وهي تصيـح جيعـآنه واخوآنه معه....عمره عشر سنيــن...ولآ جـآني طرده اخوي من بيـته..يقولـه مـآلـكم أم عندي..روحي لأخوآنكم...ولآ رآحوآ لآخوآنهم طردووهم قـآلوآ مـآ أنتم أخوآنـي..ومـآ سترهم بهالليول الطويـله الآ بيـت أختـي عسـآهـآ لبرد الجنـآن ي رب...أخذتهم وانـآ عفـت أخوي وشردت لهم...وصدري يدر الحلـيب...ومنهـآ أخوي حـلف علي مـآ أشـآركـه حزن ولآ فرح...وقعــدت عند أختــي...بالشقه اللي فوقهـآ...لمـآ خلـص سنـد الثـآنوي وطلعنـآ منهم...وزوجـت بنتهم لسـند بعـد م طحـت عليــه....بعـد م شكـت لي أختــي وصـآحت عندي..تقول عيـآل عمهـآ رفضوآ يـآخذونهـآ...والنـآس صـآرت م تخطـب منهـآ..يحسبونهـآ لهم...وم خيبني هالسنـد..وآخذهــآ...وادري انهـآ مو برغبتــه...بس أختــي موآقفهـآ م انسـآهـآ لو ايــش؟...صـآرت لـي غطـآ وستر وذرآ ظفنـي أنـآ وعيـآلي...ومصرفهـآ تعطيني ايـآه لعيـآلي...ولمـآ رجلهـآ رمـى نغزه على سنــد...فضحتـه فضيـحه..وقـآلت بطلعـة اختــي طلآآقي يصير...وهو كـآن اللـه يبيح لــه يخـآف من اختــي...وشخصيته ضعيفه شوي...ومن يومهـآ م تعرض عيـآلي....وخـآصه انه ضيق عيـــن...ربي يغفر لـــه....وبحــب..ي بعــد قلبي ي سنــد بزيجـآته ثنتيـنهن م اختـآرهن هو...وكلـه لأجـل يرضيــني...مو مثـل هالرآشــد...ربي يرزقـه بالزوجـه الصـآلحه...ويرزقـك ذيـك الفقيره من اوسـع ابوآبـه...وي خووفي من حوبتهــآ على عمر وليــدي.... @@@ كنـت كـآتمه ضحكـتي على وجـه سلوى...هههههه...سنــد نـآم عند بدور اليوم...غير الجدول الحبيب...وسلوى انهبــلت...اللــه يعـين سنـد عليــكن....وربي طلـع بـه الشيب منهن...وربي يقويــه أكــثر وأكــثر عليهن...والآ لو هن عنـد غير سنـد كـآن أنهبـل...بس سنــد قـآضبهن عدل..والآ اثنيــنهن مو قليلآآت شر...الآ الشر يطــفح منهن...ولو رجـآل غير سنـد كـآن سحبنه مننـآ...وبفخــر...بس أبوو خـآلــد م تغيره وتسيره الحريــم على كيفهــآ....هذآ سنــد أخوووي....وخـفت من سلوى اللي حـطت الحره بعيـآلهـآ وضرب...حملـت حـآلي..وشردت لغرفـة عبدالـله...سلوى طيبـه وحبيبه بس عند سنـد تتحوول وحــش كـآسر...ههههههه....ورحـت أتوونــس مع عبوود.... انتهـــى... فتاة الأحلام likes this.
__________________ |
|
#10
11-30-2012, 01:01 AM
| ||
| | ||
 ان شآء الله اذا شفت فية تفاعل بكمل النقل اتمنى ألقى تفآعل .gif "Icons(7)") فتاة الأحلام likes this.
__________________ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الغلط وارد | ķēMéễ | محاولاتك الشعرية | 4 | 03-02-2011 04:27 PM |
| درس عمل مذنب ناري عن جد درس مفيدا | سيف الإسلام | دروس الفوتوشوب - Adobe Photoshop | 11 | 08-22-2007 02:54 PM |
19Likes
العرض العادي
