البارت وصل

البارت الثاني والعشرون

صحت وحست نفسها مقيدة قعدت تتلمس الشي اللي قدامها ومسكت صدره العاري وعرفت انه هو فارتاحت ودفنت راسها في صدره وتمسكت فيه حس فيها وشد على حضنها وقعدوا شوي بعدين فهد انتبه للساعه وبقق عيونه (فتح عيونه على كبرهم) كانت الساعه 9:30 ورحلتهم الساعه 11:00 كيف يمديهم يقومون و ياخذون دش يفطرون ويرتبون شنطهم التفت لدانه وابتسم لا شعوري وبعدين قرب وجهه من وجهها وصقع خشمه في خشمها وقعد يحركه بخشمه وهو يهمس: دنو حبيبتي قلبي يلا قومي تأخرنا رحلتنا بعد ساعه ونص.

دانه وهي شبه صاحيه وما تعرف مين الي قدامها: شهود تركيني شوي بس شوي والله اقوم.

فهد كتم ضحكته وقال بيكمل مسرحيته ونعم صوته كأنه بنت: لا يا عمري امي تقول تعالي افطري.

دانة: افف شهود والله مو رايقه لك قولي لها اي شي.

فهد مستانس: تيب بس اول ابي بوسة وبعدين بروح.

دانه: لا خليني اوفر بوسات حق فهود حبيبي.

فهد تشقق من الوناسه ورجع صوته لطبيعي: وانا مستعد بس لما نوصل كندا مو هنا ويلا قومي بنتأخر.

دانة لحد الان مو مستوعبه قالت بصدمه: فهد؟.

فهد ضحك عليها وقال وهو يقوم متوجه للدولاب: لا شبح فهد.

دانه احمرت وهي تتذكر وش قالت اما فهد لحد الحين مستانس: احببك.
ودخل الحمام.

-------------------------------------------------------------------------------------------
مرت ثلاث ايام والحال هو نفسه ما تغير وشهد لحد الحين ما صحت وفهد ودانه في كندا وما يدرون عن شي.

-------------------------------------------------------------------------------------------
كان كل يوم بعد ما يروحون اهلها يروح لها ويقرا لها قران ويكلمها عن حبه ويسولف لها عن حياته وعن امنياته وعن كل شي وهي كانت في غيبوبه ومو حوله وهو ابدا مو فاقد الامل ويحاول فيها
وفي يوم من الايام راح لها وعاد نفس الروتين اليومي الي هو يسويه لما يجيها لكن هالمره صار شي غير كان قاعد مغمض عيونه وحاط راسه في حضنها وماسك يدها الي الاسلاك مشبوكه فيها وكان يغني لها (بتحدى العالم - صابر الرباعي) وفجأه وفي وسط الاغنية حس بحركه يدها ما صدق ناظر في عيونها وشافها تفتحها وتسكرها قام يرقص من الفرحه لكنه اضطر انه يطلع لأنه لو قعد راح ينكشف امره راح للدكتور وقال له انها صحيت وعلى طول حرك على البيت.
-------------------------------------------------------------------------------------------
على الظهر الكل درى ان شهد صحت وجاو كلهم طبعا ما عدا دانه وفهد الي في كندا لما دخلوا الغرفة ركضت ام عبدالعزيز وارتمت بحضن وضمتها بنتها لكن بالخفيف علشان ما تعورها: بعد قلبي انتي بعد طوايفي بعد اهلي بعد عمري ان شاء الله فيني ولا فيك.

شهد بصعوبه تتكلم والشاش على راسها من فوق: بسم....الله علي..ك....يمه.

الكل ارتاح انها عرفت امها وبدا الكل يقدم ويسلم عليها ويتأكد انها عرفته وارتاح الكل انها عرفتهم كلهم بس اكلين هم دانه وفهد اذا بتتذكرهم ولا لا وقرر ابو عبدالعزيز بما ان عيد ميلادها قرب وهو بيوم 7 نوفمبر (احم احم يوم ميلادي) انه يسوي لها حفلة سلامتها وميلادها بنفس الوقت بس بيخليها مفاجأه وجمع البنات وقال لهم وقالوا له خل الموضوع علينا وكانوا كل يوم يتجمعون في بيت ويجهزون ويخططون لحد ما جا هاليوم.
------------------------------------------------------------------------------------------
وفي يوم من الايام راح لها وعاد نفس الروتين اليومي الي هو يسويه لما يجيها لكن هالمره صار شي غير كان قاعد مغمض عيونه وحاط راسه في حضنها وماسك يدها الي الاسلاك مشبوكه فيها وكان يغني لها (بتحدى العالم - صابر الرباعي) وفجأه وفي وسط الاغنية حس بحركه يدها ما صدق ناظر في عيونها وشافها تفتحها وتسكرها قام يرقص من الفرحه لكنه اضطر انه يطلع لأنه لو قعد راح ينكشف امره راح للدكتور وقال له انها صحيت وعلى طول حرك على بيته
-------------------------------------------------------------------------------------------
يوم خروج شهد من المستشفى وميلادها بنفس اليوم

البنات كانوا محتاسين رايحين جايين كانت سارة تشرف على الخدم والكل وكذا اما بدريه كانت تشرف على ترتيب الطاولات والديجيه وكذا انا الحريم كانوا يستقبلون المعازيم واتفقوا ان عبد العزيز هو الي يجيبها من المستشفى
-------------------------------------------------------------------------------------------
بوصف لكم لبس البنات:

ساره: لابسه فستان اصفر فسفوري توب للركبه بس طويل من ورا وفيه حزام ابيض تحت الصدر ومسويه شعرها كيرلي وحاطته على جمب وحاطه فيونكه بيضه و حاطه مكياج صارخ تتركز فيه درجات اللون الاصفر مع روج خوخي وكعب ابيض كامل وكانت تخقق.

بدريه: لابسه فستان تفاحي طويل وفيه ورده بيضه بالنص تحت صدرها بارزه شوي ومسويه شعرها استريت وتاركه له أحريه على اكتافها وحاطه مكياج هادئ تتركز فيه درجات اللون الاخضر مع روج وردي فاتح وكعب اخضر كامل وكان شكلها يجنن.

الحريم: كانوا لابسين جلابيات بس الديزاين والموديل واللون مختلف.
-------------------------------------------------------------------------------------------
طق الباب وجاه صوتها: ادخل.

دخل بسرعه ومعه اكياس: مساء ال.......... .

ما كمل كلامه وهو يناظر حالها (كانت منسدحه على السرير وشايله البطانيه من عليها وجها اصفر وشفايفها بيض وخشمها احمر (ههه رقعتها) وكانت لابسه سكيني اسود مع بدي ابيض وفوقه جكيت اسود مفتوح مو مسكر ولابسه شرابات بيضه عليها قلوب سوده وكانت رافعه شعرها باهمال) كملت عنه وهي تتنهد بقوه: الزفت.

عبدالعزيز ما عجبه حالها عقد حواجبه واخذ نفس عميق وتقدم لها وهو ما نزل عينه عنها: شهيدان وش صاير؟.

شهد بلا مبالاه لفت وجهها: ولا شي عادي زي كل يوم زهق (لفت له بعيون حالمه) عزوز قول لهم يطلعوني من هالمكان والله طفشت وانا قاعده بين هالاربع جدران.
حط يده على مخه وهو يفكر: مممم (ابتسم بمكر وهو يقول) اقدر اخليهم يطلعونك بس بشرط.

نطت له شهد ووقفت قدامه: طلباتك اوامر بس اهم شي اطلع.


ضحك لأن خطته نجحت وانها صدقت ان الامر بيده: اولا تلبسين الي داخل الكيس بدون ولا كلمه (ومد لها الكيس الي كان بيده) وثانيا ابي اشوفها.

سحبت شهد الكيس وفتحته واستغربت من الي داخله بس ابتسمت وهي تفكر بطريقه تخلي عبدالعزيز يشوف ساره وبعدين قامت للحمام واخذت معها الكيس علشان تبدل اما هو ابتسم لها وهو يفتح الدولاب علشان يرتب الملابس في الشنطه.
-------------------------------------------------------------------------------------------
فهد وهو قاعد بالصاله وحاط رجل على رجل ويناظر ساعته صرخ: دنو قلبي لبستي؟.

ما ردت قام لها وفتح باب الغرفه وانصدم شافها واقفه وكانت لابسه ( بنطلون اسود وبلوفر مسكر ابيض جاب (Gap) طويل لنص الفخذ وفاتحه شعرها على جمب وحاطه القبعه وماسكه بيدها قلوس وتحاول تحط لها بس مهي عارفه وين تحط) قرب لها واخذ القلوس من يدها ولصق فيها وهو يحط لها بس ما قدر يقاوم قبل شفايفها بخفه وكمل حط روج وبعدها حط لها مسكره وكحل ومسك يدها وقبل ما يطلع من الغرفه سحب غطوتها وطلع للصاله ولفها له وشال القبعه وقال لها: عندك ربطة شعر؟.

جاوبته ووجها لسه محمر من البوسه: في يدي.

ورفعتعا له وهو سحب الرب طه ورب ط شعرها: تبين حجاب ولا بس قبعه؟.

دانه بسرعه: لا (انتبهت لنفسها) ا اا ا على راحتك.

ضحك عليها وحط لها القبعه بحيث ما يبان شعرها ابدا ومسك يدها وطلعوا من الشقه.
-------------------------------------------------------------------------------------------

انتهى البارت

ادري انه قصير بس اعذروني عندي اختبارات هذا الاسبوع وهذا الي قدرت عيه واوعدكم البارت الجاي اطول

ارائكم
+
توقعاتكم:

ايش راح يصير في الحفله؟؟

وفي الطلعه؟؟

مين الي كان يروح لشهد؟؟

ممممم مخي فاضي ما فيه اسئله توقعوا من نفسكم.

مع تحياتي

اختكم: Shahad al-abbad

معليه فيه مقطع عدته بس من السرعه ما انتبهت

يسلمو بس تأخر تي



وناسه اول رد المهم برب بقراه وبرجع

روعه تسلمين قلبو