|
| |||||||
| مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة |
 |
| | LinkBack | أدوات الموضوع | انواع عرض الموضوع |
|
#86
03-12-2013, 06:00 PM
| ||
| | ||
| شلونج مدونتي صارلي جك يوم غايبة ادري ادري بس شسوي مو بيدي عندي فاتحة الله يرحمك شوفي خلي اكولج البارحة رحت للمدرسة ولبست اسود يعني البدي والشال بس البطرون رصاصي<<خخخ خوش تنسيق والصدرية رصاصية و مخططة بالوردي وسترة سودة طبعا اول مادخلت رحت للادارة رحت لغيداء<< ست غيداء المعاونة بس اسميهة غيداء<< اعند الاحباب تسقط الاداب جذب ما احبهة كلتلهة اني عندي فاتحة فمامخالفة كلتلي منو ؟ كلتلهة قريبتي كلش وبابا نص الدوام يجي علية كلتلي خوش روحي تدرون ليش اني اكلكم ليش لان اذا مخالفة اول شي يطلعوني من قاعة الامتحان يعني ما امتحن العربي وثاني شي اكتب تعهد ما اخالف واحتمال ادفع 5000 دينار اوي يولون ما ادفعلهم اني ابوي عندة بنك<< شكد بخيلة بعكس ابوهة اي فصديقاتي من كل الصفوف ليش لابسة اسود ماكلتلهم عندي فاتحة<< كلت اتفيك كلتلهم هيج كالو وست غيداء كلتلهم بس دخلت رحتلهة ضلن يضحكن كالو اكيد خالفتج كلت لا كالو دفعتي 5000 كلت لا كالو ماتمتحنين كلت لا كالو لعد اكيد كالت خوش روحي كلت اي كالو حركت صبعي وحطيتة ع راسية يعني ذكية امتحنت وطلعت درس الاول صبري اسم المدرس يعني انكليزي وخلص بس هلكت والثاني فيزياء واني مادارسة لان اخواني عندي ومالحكت وكضيتة نت والمدونة وفيس المهم صارت ب11 واني بابا يعني احتمال يجي ب11:15 بس اتأخر كلت للمدرس اطلع للحمام تكرمون كال تفضلي رحت غسلت وعدلت شالي ورجعت للصف شلت كتبي وكملت والبنات خطية يكتبن الدرس بـ11:35 اجت غيداء كالت وين سلوى بكر كمت كالت جيبي جنطتج وتعالي فالبنات سلوى ليش؟ سلوى شصاير؟ اكيد احد متوفي ليش لابسة اسود؟ ومن كلامهن طبعا انة اريد اطلع ما اكدر وكفت يم الباب غميتهن وطلعت والمدرس سبونج بوب (سعد) ميت من الضحك على فكرة اني اخبل بالاسود والبنات وراي سمعتهن يكولن سلوى اليوم طالعة تخبل بالاسود<< ادري ماكلتم شي جديد صديقتي كالت هي اصلا بكل شي حلوة وبالاسود بعد احلى<< يسلم بؤك اي رحت للمدير شفت بابا واختي مراوي فطلعن للسيارة والي جان بيهة ابن خالتي ورجنة لبيت جدي للفاتحة بس ع فكرة لبست العباية بالسيارة خخخ فد شي اشرد وتونسنة الي يشوف مو فاتحة الضحك والشقة والتصنيف والتعليق واجو شوي ولد ويانة وبليل اجة ابن خالتي بس صاير ثقيل << مو هلكد احبة ورجعت للبيت بـ8:35 وبدلت بسرعة وفتحت الكيمياء بـ8:45 ودرست طبعا كلش هواي سديت الكيمياء بـ9:15 <<< خخخ شفتوا شلون تعبت بدراسة الامتحان واليوام النواتج مالت المسائل اعتقد كلهن خطأ<< الحقيقة استاهل بس جنت تعبانة من الشغل ونعسانة ع كلن وجان عندي كوز عربي الكل مادارس وامتحنة والكل عندة كومة اخطاء<< يعني مو بس انة طولت حجي صح؟؟ << ههه لا ابد ما قصرتي << شنو هاي السيرة الذاتية
__________________  آللحن ألآخير + زهرة الوآدي! = ألقابي |
|
#89
03-12-2013, 06:06 PM
| ||
| | ||
| ع فكرة مدونة صاحب الوناسة انهيت من قرائتهة يعني اقصد الي كاتبةا الى الان بس حيل حلوة سووووويت وتضحك فاااني يعني انصحكم بيهة شوف اخ شادي جاي اسويلك اعلان بمدونتي خخخخ امزح لان تستحق
__________________ آللحن ألآخير + زهرة الوآدي! = ألقابي |
|
#90
03-12-2013, 06:12 PM
| ||
| | ||
| أحزان لا يمكن أن تنتهي ، والبشائر لا يمكن أن تختفي ، كل ما عليك أن تدرب نفسك على الصبر عند الأولى ، والشكر عند الثانية !* من يحبوننا و نحن في أسوأ حالاتنا , هم من يستحقون أن يبقوا في ذاكرتنا إلى الأبـد .. ? ~
__________________ آللحن ألآخير + زهرة الوآدي! = ألقابي |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور ديكور داخلي 2013 , مجموعة ديكور داخلي روعه 2013 | ملاك الرومنسيه | إقتصاد منزلي | 0 | 05-11-2012 11:17 PM |
| أختي أتقي ربك... فهو خير من المحبوب | سكر بهار♥♥الزهري لا ينهار.. تعدد عضويات | أرشيف المواضيع الغير مكتمله او المكرره او المنقوله و المخالفه | 7 | 05-26-2011 03:09 PM |
| أريد أن أبقى معك | جروح حبيبه | أرشيف المواضيع الغير مكتمله او المكرره او المنقوله و المخالفه | 6 | 07-26-2009 11:54 AM |
| أبقى حيث أنت | أمير الهاشمي | أرشيف المواضيع الغير مكتمله او المكرره او المنقوله و المخالفه | 15 | 02-07-2009 11:31 PM |
3390Likes
العرض العادي
