|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#51
08-15-2008, 03:46 PM
| ||
| | ||
| رد: رواية احلى ماخلق ربي الجزء الثاني عشر الفصل الثاني : : : من بكرى..ريما تجهزتوكانت مبسوطة انها بتشوف البنات من زمان عنهم..وراح تقابل الغالي نواف.. لبست بنطلون اسود وبدي اسود فيه نقشات بالابيض وجكيت قصير اسود جلد يلمع وعلى الاكمام خطوط طويلة على امتداد الاكمام بالابيض ومع قدام مفتوح<سبور شعرها ربطته بشرايط لونها اسود وابيض مخمل.ولبست وانتو بكرامة بوت جلد طووويل يلمع وفيه سلاسل نازلة منه....وكحل داخل العين اسود و جلوس وصلوا الاستراحة العصر ريما وامها وابوها .. الكل كان موجود.. راحت ريما وامها قسم الحريم ..وابوها عند الرجال بالقسم حقهم .. سلموا عليهم والكل يبارك لريما بمناسبة النجاح وخصوصاً ام نواف<شغل الحموات هههههههه هنوف:اهلين ريوم مبروووك النجاح نوف:مبروك ياريومة ريما:الله يبارك فيكم..وانتم بعد الف مبروك نجاحكم.. جلسوا يسولفون ماتركوا شيء ماتكلموا فيه ...اذن المغرب وراحوا يصلون.. عبد الرحمن اتصل على نوف عبد الرحمن:الو نوف؟ نوف:هلا..وش تبي؟ عبد الرحمن:بالله جيبي لي مويا عطشان.. نوف:ياسلام مالك رجلين وبعدين فيه مويا عند الرجال روح اشرب عبدالرحمن:تكفين نوف..عج1111111ن ولك الي تبين.. نوف:الي ابي اكيييييد!! عبد الرحمن:اكيد الاكيد نوف:طيب ابي الاشرطة حقتك..عندك طقاقات؟ عبد الرحمن:افا عليك عندي اي شي تبينه بس جيبي لي مويا نوف:طيب دقايق واكون عندك بس خلك برى..مو عند الرجال.. راحت نوف وجابت له مويا وفجأة طلع بوجهها محمد!<ماعليها جلال لانها كانت بتشوف اخوها محمد وقف يطالعها..وعرف انها نوف..اعجبته بالحيل..ابتسم لها <روعة ابتسامتة نوف على طول دخلت..وكانت فرحا111111نة عبد الرحمن طلع وشاف محمد واقف مكانه عبد الرحمن:يالحبيب وش عندك واقف؟ محمد ارتبك:هاه لا بس كذا عبد الرحمن:ياربي يانوف النصابة قالت بتجيب لي ماء ولا جت محمد:الا كانت من شوي هنا وراحت عبد الرحمن:كيف؟ محمد:لا بس يوم شافتني على طول دخلت عبد الرحمن :ايه اشوى احسبك جلست تسولف معاها ..اعرفك انت فاصخ الحياء محمد:ههههههههههههه حرام عليك نواف طلع وهو فيصل يتمشون بالحديقة ويسولفون .. فيصل:وش اخبار الشغل مع ابوك؟ نواف:الحمد لله ماشي الحال..وانت عساك مرتاح مع عمي فهد بالشركة؟ فيصل:ايه ياربي لك الحمد..عيني نائب المدير وصرت الكل بالكل نواف:ياحركا11111111111ت.. فيصل:اقول بعد بكرى مباراة الزعيم لاتنسى بنروح للملعب نواف:ابشرر بعزك..الذيب يلعب وانا ماحضرها..افااااا والله.... فيصل:والله حماس بكرى ضد النصر وان شاء الله الفوز لنا نواف:اييه لاتخاف على الزعيم..اذا لعب الهلال فخبروني فإن الفن منبعة الهلال فيصل:صح لسانك ملايين...اقول من راح يكون الحارس سمعت ان عميد لاعبين العالم الدعيع مصاب؟ نواف:لا الحارس جديد اسمه فهد الشمري من نادي الطائي بحايل...توه جاي للهلال فيصل:ونعم والله بشمر..واهل حايل نواف:اسمع بكرى كلنا مع الشباب ومحمد اخوي وعبد الرحمن العصر بنروح للملعب.. فيصل:ابشر..وان شاء الله بنرجع واحنا رافعين روسنا لان الهلال ماعتقد يخيب ظن عشاقة.. نواف:ان شاء الله.. الجوكان بارد وكانوا يتمشون بالحديقة وهم يسولفون..فجأءة وقف نواف فيصل:وش فيك وقفت؟ نواف:جوري.. فيصل:هاه شكلك مصخن تعبان؟ نواف:لاهذا ورد الجوري الريم تحبة..ابي اخذ لها وحدة فيصل:هههههههههههههههههههههههههههه الريم تحبه..هههههههههههههه نواف:اقول اسكت مو وقت تريقتك فيصل:شف هذي الوردة كبيرة مرة خذها لحرمك المصون نواف:ههههههههههه حلوة ذي حرمي المصون قطعها نواف وكانت جوري كبيرة لونها وردي..فيصل رجع للرجال ونواف راح لقسم الحريم علشان يسلم على ريما ويعطيها اياها.. نواف دخل جوا قسم الحريم بالصالة..والحريم كانوا بالمجلس..وتدخل عليه هنوف(مسكينة ماتدري انه موجود) نواف قام من مكانة... الهنوف جمدت ولا تحركت من الخوف والصدمة..نواف(آه ياهنوف وش جابك اللحين..احاول انساك رجعتيني لأول..احبك ياهنوف وربي احبك!!كيف اعطي ريما الوردة وانا تفكيري معك اكيد بتحس فيني وبتشك!!)..الهنوف وقفت من الصدمة ماتحركت.. نواف:هنوف خذي الوردة ذي واعطيها ريما مد يده لها...ريما دخلت عليهم وشافت نواف يعطي هنوف الوردة ..نواف انصدم..وهنوف (ياربي وش ذي المصيبة!! انا وين ابي اروح للصالة اووووووف ..لاو ريما دخلت بعد!!ياربي استر!!) نواف لاشعورياً:ريما1111111111 ريما مصدومة نزلت دموعة بمرارة وهي تنظار للموقف تمنت الارض تنشق وتبلعها ولا تدخل عليهم.. ريما:آسفة شكلي دخلت غلط..!!طلعت وهي تبكي الهنوف راحت تركض وراها:ريما ريما وقفي..!!استني نواف جلس على الكنبة وكان متضايق..انا وش سويت..ياربي..اللحين ريما وش بقولها!!والهنوف كيف بنساها..والله احبها!!
__________________ يا أيتها ألعصفورة ... يا صاحبة الصورة ... يا مبتسمة و مسرورة ... يا ترى هل أنتي مغرورة ؟  .gif "flowr") |
|
#52
08-15-2008, 03:53 PM
| ||
| | ||
| رد: رواية احلى ماخلق ربي : : :الجزء الثاني عشر الفصل الثالث : : : نواف كان جالس على الكنبة من الصدمة وكان يقول بينه وبين نفسه ليتني ماشفت في عينيك دموع منظر الدمعه على خدك هلاك يامضوي في دجى عمري شموع الحزن ماخلف لعيون الملاك ريما كانت تركض ماتبي احد يشوفها وهي تبكي..!!وش تقولهم شافت نواف مع هنوف؟راحت للحمامات (والي يقرون بكرامة)وهي تبكي..هنوف وراها تركض هنوف:ريما ريما افتحي الباب اطلعي!! ابي افهمك الموضوع لاتظلميني تكفين ريما:وش اظلمك.؟انا من زمان اقولكم ان نواف يحبك ان ت ي ..انتي وبس آآآآه(المسكينة تبكي مثل الاطفال بكاء يعور القلب ويقطعه) هنوف:ريوم اطلعي مو زين تبكين بالحمام!! ريما تذكرت بيت القصيد الي يقول: لاتزيد طعوني اوجعت الخناجر مابقى عرق بقلبي ماثنيتة لو عيوني غيم واهديك المحاجر ماضمى رمشك تحت دمع بكيتة هنوف اتصلت على نوف الي كانت عند الحريم..علشان مايحسون بشيء هنوف:هلا نوف اسمعي لاحد يدري اني جالسة اكلمك اوكي نوف:هلا بك..هاه وش تبين؟ هنوف:الحقي علينا صارت مشكلة بين ريما ونواف نوف منفعلة:نعم؟<الحريم لاحظوا عليها هنوف:بسرعة تعالي انا بالحمامات وعيت ريما تطلع معاي..تكفين تعالي.. نوف:ان شاء الله..باي نوف جت تركض لهنوف بالحمامات نوف:هاه وش صار؟.. هنوف:على حطة يدك ماتبي تطلع عجزت عنها!! هنوف قالت لنوف الموضوع بالتفصيل وان ريما ظالمتها !!.. نوف:ريوم افتحي الباب مايصلح تبكين بالمكان هاذا اطلعي.. هنوف:والي يسلمك اطلعي..ترى اذا ماطلعتي لاعرفك ولاتعرفيني !! ريما فتحت الباب وطلعت وكانت عيونها مليانه دموع وحمرر..ومعاها منديل<شكلها يوحي لأي احد يشوفها انها تبكي ريما: هنوف ليش كنتِ واقفة معاه؟ابي تفسير للموضوع..!!ابي شيء يطمن قلبي تكفين(مسكت يدها)والله اذا كنتِ تحبينه بتركة مابي ارتبط بواحد يفكر بغيري!!انا تعذبت معاه ارحموني!! هنوف بعصبية:وش كلام البزارين هذا؟انا افكر بنواف انجنيت او طار عقلي علشان افكر فيه..مافكرت فيه قبل لايرتبط فيك..اجي اللحين وافكر فيه وهو مرتبط باعز انسانة على قلبي!!ريما مستحيل افكر فيه او احبه .. واقسم بالي خلقني اني اعتبرة مثل اخوي فيصل من كنت صغيرة هو واخوي فيصل مع بعض ينامون مع بعض وماعتبرة غير اخوي!!!!ولاسيما انك تحبينة من يوم كنتِ صغيرة..يعني من كنا صغار وانتي تعرفين اني مافكر فيه والكل عارف ان ريما لنواف ونواف لريما.. واجي الحين يوم كبرنا آخذه منك والله لو انا انسانة وقحة!!وبعدين وش تتركينه ماتتركينه هو لعبة ولا لعبة؟ نوف:لا تستسلمين ريوم..انتي قوية واحنا كلنا عارفين هالشيء بس انتي امسكي اعصابك وطولي بالك ..ونواف ماقد سمعناه قال احب هنوف او ابي الهنوف ..لو كان يحب هنوف مارتبط فيك ولافكر فيك خلاص انتي ملكتي قلبه كيف يفكر بغيرك؟؟وش ذا الهبال؟ هنوف:ريما حبيبتي..الوردة الي اعطاني اياها كانت لك.. ريما:كيف كانت لي وهو مد يده واعطاك اياها شوف عيوني!! هنوف عصبت منها:اقووولك لاتقاطعين كلامي!! اول ماشافني ارتبك ولا سيما اني مو متغطية عنه ولاني لابسة جلال وانا جمدت في مكاني هو ارتبك يبي يطلع من الصالة بأي طريقة مد الوردة لي وقالي اعطيها ريما فجأءة دخلتي انتي .. نوف:وش ذا التفكير الهمجي ريما! والله الهنوف لها الحق تزعل عليك مو انتي تزعلين عليها .. ريما راحت بحضن الهنوف:آسفة هنوف وربي اني مادري وش اقولك..متفشلة منك..بس اعذريني تكفين اني ظنيت فيك كذا..تكفين لاتزعلين مني..والله ماستحمل زعلك انتي بالذات <<جلست تبكي هنوف:كيف ازعل من اختي؟خلاص ريما مابي اشوف دموعك ولابزعل ترى.. ريما تمسح دموعها:الله لايحرمني منك!! نوف:احم احم نحن هنا ريما راحت وباست نوف:وانتي بعد!!الله يخليكم لي.. رن جوال الهنوف طلع فيصل الهنوف:هلا.. فيصل:اقول ريما عندك؟ الهنوف:ايه ..ليش؟<استغربت من سؤاله فيصل:فهمتيها الموضوع زين!! الهنوف:اي موضوع<ماكانت تدري انه عرف بالسالفة من نواف فيصل:وش ذا الغباء اقولك موضوع نواف والوردة!! الهنوف:ايه اشوى تفهمت كل شيء.. فيصل:بالله خلي ريما تجي بسرعة الهنوف:وين تجي؟ فيصل:نواف بسيارتة من طلع من عندكم ماجلس عند الرجال وهو متضايق ومعصب وشكلة تعبان بالمرة انا خايف يطيح علينا لانه وجهه مو طبيعي بسرعة خليها تجي!! لانه رافض يكلمني....وانا عارف انه مافبه غيرالله ثم ريما الي تخلية طبيعي...انا بروح للرجال علشان مايعرفون بالموضوع ..انتي تعرفين لو دروا بالسالفة وش يبي يصير..واحنا مو ناقصين هنوف:افا11 مسكين والله.. طيب خلاص وحتى احنا بنقولها ونروح للحريم..باي ريما:وش فيه فيصل؟ هنوف:ريما نواف تعبان بالحيل وفيصل خايف عليه لا يطيح عليهم حالته مو طبيعية يقول خلي ريما تروح له!! ريم والعبرة تخنقها: انا السبب ياربي هو وينه؟ هنوف:بسيارتة ريما:انتم روحوا للحريم انا بروح عنده بسرعة يالله تحركوا هنوف ونوف راحوا للحريم وكانت اعصابهم مشدودة ومتوترات.. ام ريما:بنات وين ريما؟ نوف بإرتباك ملحوظ:هاه.. هنوف بترقع السالفة :لا ريما راحت عن عبودي ومها فوق تلاعيهم ام عبد الرحمن:ياحليلها ريما تحب البزارين ماشاء الله عليها العمة نورة:انتي شوفي عبودي كل سوالفه بالبيت عنها ام عبد الرحمن:لا تهون مها بس تتكلم سوت ريما قالت ريما ام نواف:ايه طيبه ريوم فديت قلبها!! ام ريما:ريما تحب البزارين اللحين بالتلفزيون اذا شافت اطفال تنجن عليهم هنوف تهمس بإذن نوف علشان مايسمعونها الحريم:يووووووووة نوف رووحي عند عبودي ومها اخاف يدخلون ويفضُحون فينا يقولون وينها ريما هم مايصبرون عنها..واحنا كذبنا على الحريم.. نوف:ايوالله انك صادقة انا بروح احشرهم فوق ..اتصلي علي اذا جت ريما علشان ادخلهم راحت نوف عند عبودي ومها الي كانوا يلعبون بلاي ستيشن بغرفة عبد الرحمن..جلست نوف عندهم علشان ماينزلون تحت للحريم وتنكشف خطتهم!!وهي واصلة حدها ماتحب تجلس عند البزارين يرفعون ضغطها!! : : : برى بالحديقة طلعت ريما بالحوش وهي تركض وكانت تقول بينها وبين نفسها(نواف تكفى سامحني..شكيت فيك..والله ظلمتك ..واللحين انت تعبان بسببي ياربي ساعدني!!) الرجال مدخلين سياراتهم جوا بالحديقة فيه parking "مواقف" ونواف كان راكب سيارته ومرجع المرتبة وراء ومنسدح عليها ويفكر بريما111111 ريما وقفت على النافذة عنده..ماحس فيها كأنه في غيبوبه من التفكير بالي حصل له اليوم..الجو كان بارد بالمرة ريما حست بالبرد فتحت الباب حق السيارة وركبت قدام(تخيلوا ماقد ركبت قدام الا بطلعة الروح ولازم الكل يترجاها واللحين تركب قدام عند نواف) ريما بصوت ناعم وهي مبتسمة له ابتسامة تجنن: نواف..الي ماخذ عقلك يتهنى نواف قمز من مكانه مو مصدق عيونه:ريما..انتي هنا؟ ريما:ههههه ايه هنا!ليش وش فيك؟ ماتبيني اركب بسيارتك؟بس ماعلي منك انا راكبة سيارة زوجي نواف:اكيد هذي ريما الي جنبي؟ انتي تقولين لي هالكلام لا مو معقوله اكيد انا بحلم ريما:ههههههههه ايه الريم بشحمها ولحمها نواف: بالله اعطيني قرصة مو مصدق عيوني!! ريما:لا صدق هههههههههه نواف بصوت جاد:ريما ..فهمتي الموضوع؟؟؟انا والله ماكنت اقصد........ ريما قطعت كلامه:خلاص نواف الي فات مات..وانا عرفت كل شيء نواف:يعني مو زعلانة؟ ريما:شلون ازعل عليك؟ نواف مسك يدها يبي يبوسها ريما: ستوب الى هنا وبس!! نواف:هههههههههه عسى تسلمين لي وتبقين لي يالغلا كله.. ريما:ايه اضحك..والله الدنياء ماتسوى.. نواف:الله لايخليني منك..وربي مبسوط للآخر ..ودي انط فوق السيارة واقول للعالم كلة تعالوا شوفي الريم جالسة جنبي!! ريما:ههههههههههههههه مجنون والله!! نواف:ايييه مجنون بحبك..انا اكبر مجنون اذا كان حبك جنون ريما استحت وتقطعت من الحيا111111 نواف:يوة بدينا نستحي!! ماقلت شيء غلط انا!! جلسوا وكل واحد ساكت نواف مانزل عيونة من ريما كان يطالع فيها وهو(ياربي اش قد احب ذي الانسانة)ريما منزلة راسها تحت..بعد مرور خمس دقايق الجو هدوء وسكون..رفعت ريما راسها وحطت عينها بعينه ..ابستم لها ..ريما تشققت من الحياء ومع كذا ذابت على نظراتة وابتسامتة العريضة .. ريما: وش رايك تقوم تتعشى؟ نواف:مابي العشاء دامه يحرمني شوفة عيونك ريما:لاعاد انا مايهون علي تجوع والسبب انا نواف:آه على قلبك الطيب.. ريما:يالله انزل عا111111د شكلك مطول؟ نواف:الود ودي اجلس الليل كله اطالع فيك!! ريما:ههههههههه قوم عاد نواف:تامريني آمر انتي ريما:تسلم.. نزلت ريما هي ونواف من السيارة نواف:الاعلى فكرة من قالك اني هنا؟ ريما:قلبي!! ابتسمت له وراحت للحريم نواف: ياحياتي والله ياريما..شوي شوي على قلبي أنا!! رجع نواف للرجال وهو مبتسم ابتسامة عرييييييييضة نواف:السلام عليكم الجميع:وعليكم السلام فيصل كان مبسوط من قلب يوم شاف نواف مبتسم فيصل:هلا وغلا بابو سعود نواف:هلا بك يالغالي ابو عبد الرحمن:وينك يانواف ماشفناك اليوم محمد: من شاف احبابة نسي اصحابة عبد الرحمن:ههههههههههههههههههههههه ابو نواف:محمد وجع..وش هالكلام؟استحي نواف:ياطول لسانة هالولد..يبي له قص! ابو ريما:وش فيكم عليه..ماقال شي غلط صح يامحمد محمد:عشت والله ياعمي..يحيى الحق ابوريما:هههههههه فيصل يهمس باذن نواف:هاه وش صار؟ نواف:والله يانواف هالريما كل يوم احبه اكثر من الثاني فيصل:الله يوفقكم..انت تستاهل كل خير.. نواف:تسلم والله ياخوي.. رجعت ريما للحريم ريما:السلام عليكم!! الكل:وعليكم السلام العمة نورة: عساهم مازعجوك ياريما هالبزارين ريما وعلامة استفهام على وجهها:هاه؟ هنوف غمزت لها وهزت براسها يعني قولي لا.. ريما فهمت على طول ريما:لاوالله وش حليلهم..يالبى قلوبهم ام عبد الرحمن:ومها لايكون تعبتك بنتي واعرفها!! ريما:لا مهويه تعبها راحة.. اتصلت هنوف على نوف وقالت لها تنزل!! نزلت نوف ودخلت على الحريم وجلسوا الحريم بالمجلس والبنات طلعوا بالصالة..<علشان ياخذون راحتهم بالسواليف!! ريما حكت لهم وش صار..والبنات انبسطوا على حركة ريما لنواف..بعدين جاء وقت العشاء راحوا تعشوا البنات..ويوم جت الساعة 12 بالليل راحوا الكل للبيت..... : : :
__________________ يا أيتها ألعصفورة ... يا صاحبة الصورة ... يا مبتسمة و مسرورة ... يا ترى هل أنتي مغرورة ؟ |
|
#53
08-15-2008, 04:07 PM
| ||
| | ||
| رد: رواية احلى ماخلق ربي الجزء الثالث عشر الفصل الأول : : : من بكرى اتصلت رشاء على ريما رشا:الوووو شخبار حرم نواف ريما:هههههههههه بخير..اانتي كيفك؟ رشا:تمام التمام!! ريما:دوم ان شاء الله رشا:شخبار نواف؟ ريما:بخير..تصدقين مابعد امس ماكلم ولاسمعت صوتة رشا:نعنبو ابليسك امس وهو متصل عليك..الا على فكرةهلالي؟ ريما:اييييييييييه وبعد هلالي صميم رشا:اجل اكيد مشغول باله بالهلال ريما:لاياشيخة مافيه احد يشغل باله غيري..ايه صح هو قالي انه يبي يروح للملعب رشا:وش ذي الثقة ياهوووة..وش رآيك نروح للملعب؟ ريما:ههههههههه عز الله ان البنت انهبلت رشا:ماعليك انتي بس البسي ملابس عيال وارفعي شعرك والبس كاب وشال محد يبي يعرف انك بنت ريما:هههههههههههههههه رشا:ياربي وانا كل ماقول شي جلستي تضحكين ريما:اكيد بضحك من هبالك.. رشا:لاتلوميني ..والله من بعد امس ماوقفتني معلمة الكيماء طول الحصة برى ولي طالع والي نازل يناظرني والله تفشلت ولقطت وجهي.. ريما:هههههههه تستاهلين اجل احد يسوي سواتك؟!! رشا:وش فيها يعني حبيت امزح معاها ريما:احد يمزح ويجب لعبة فارة وولا وتشغيلنها بعد!!يوم مرت من بين رجولها وربي خفت تنهبل المعلمة.. رشا:ههههههههههه ذكرتيني يوم قمزت فوق الكرسي والله قمزتها خطيرة تصلح تلعب في القفز على الحواجز... ريما:هههههههههههههههههههههههههههههههههههههههه ه والله انك مو صاحية!! ريما:اقول رش رش<آخر دلع رشا:هلا ريما:انا رحت اشتريت لنواف علبة شاكلت..لونها ازرق وابيض وبعدين حطيت تمثال يلمع على شكل هلال رووووعة!! ابي اعطيه اياها ان شاء الله اذا فاز الزعيم رشا:هههههههههههههههه .طيب اذا خسر؟وش ذي الثقة ريما:فال الله ولافالك..بعدين مالها الاهلالها رشا:لا بحد فكرتك خطيرة..واكيد راح يتجنن عليها..من قدك يانواف ريوم تدلعك ريما:يمة ياقلبي!! رشا:قلبي يالي مابعد ذاق للرحة طعم عاشوا يالله وراء ريما:هههههههههههههه رشا:هههههههههههههه اقول ريوم امي تناديني يالله تبين شيء؟ ريما:سلامتك..مع السلامة رشا:مع السلامة : : : الليلة مباراة الهلال والنصر..العصر جت نوف عند ريما .. ريما:اقول فوفو حبيبتي وش رايك ندعي هنوف وندى؟تسهرون عندي نتابع مباراة الزعيم!! نوف:والله فكرة ممتازة يالله قومي اتصلي على ندى.. ريما:طيب... راحت ونزلت التليفون.الي كان على الطاولة بالصالة..وهي جالسة على الارض هي ونوف يتابعون التلفزيون..رفعت السماعة واتصلت وردت عليها ندى ريما:ندوووش مراحب ندى:هلا ريووم وش عندك متصله على العصر!! ريما:كيفي عصر مغرب..اقول البنات عندي وراء ماتجين .؟ ندى:نوف وهنوف عندك؟ ريما:نوف ايه..بس هنوف ابي اتصل عليها ندى:اوووكي ابي اروح الحق على تركي علشان يوديني قبل لايروح للمباراة ريما شهقت:اهئ خالي تركي بيروح للملعب؟ ندى:سم الله عليك..ايه يبي يروح ريما:ياسلام والله ان خالي خطير هلالي بالحيل..ياليت لو اروح معه البس ثوب وشماغ ندى:اقول فكينا انتي وخرابيطك ابي اروح امكنه قبل لايطلع ويتركني وابتلش بعمري مين يوديني با111111ي..سكرت الخط ريما:ياربي من ذي البنت مطيووورة بالحيل نوف:هههههههه بس تحفة!! ريما:ابي اتصل على هنوفه نوف:نصيحة اتصلي على جوالها..اللحين 100% تليفون بيتهم مشغول شابكته الأخت ع النت.. ريما:والله انك صادقة..اسرع لي ع الجوال.. ريما:هلا وغلا هنوف هنوف:هلا بك ريما:على النت؟ هنوف:ايه ..روعة جالسة اشوف موديلات رهيبة!! ريما:احلفي وين اي موقع؟ومين المصمم؟ نوف:ياربي منك اللحين قولي لها الموضوع يبي يروح الوقت!!وبعدين تكلموا بالموديلات ريما:اقول اللحين نوف عندي وندوش بعد شوي راح تجي .تعالي خلينا نستانس ونسهر على مباراة الهلال..!! هنوف:بس فيصل راح من زمان للملعب..مين بيوديني ريما:ايه صح فيصل راح مع نواف..قالي نواف انهم بيروحون العصر!!طيب تعالي مع السواق هنوف:سواقنا طلع مع امي وعبودي للسوبرماركت ريما:اييييييييييييه..اخلي ندى تمرك وتعالوا سواء !!هاه وش قلتي هنوف:مين راح يوديها؟ ريما:السواق هنوف:بقول لأمي وارد لك اوكي...!!برب ريما:هههههههه تيت..سكرت الخط نوف:حرام عليك ليش قلتي لها ان السواق راح يودي ندى؟ ريما:لأني لو قلت لها تركي اكيد ماراح توافق تجي!!واحنا الصراحة مانستغني عن صرقعتها وهبالها نوف:هههههههههه بس ترى بتزعل عليك!!من اللحين اقولك ريما:لا تخافين اراضيها بطريقتي الخاصة! رن جوال ريما..كانت الهنوف ريما:هلا..هاه بشري وش قالت عمتي؟ الهنوف:يووة بطلعة الروح وافقت وبعد ماترجيتها وحالتي حالة الي يشوفني كني شحاذة عند باب مسجد برمضان,,وصدرت الموافقة السامية!! ريما:هههههههههههههههههههههههههههههههه وش ذا التشبية الله يقطع بليسك!! الهنوف:اوكي مادام السواق راح يودي ندوش خليها تمرني انا بتجهز يالله سلام ..سكرت الخط ريما:ههههههههههه سكرت السماعة بوجهي!!خبلا نوف:ههههههه مجنونة هالبنت.. ريما:ابي اتصل عل ندى تمرها!! ريما:الو ندوش..بالله مري هنوف على طريقك انتي وتركي..على فكرة ترى ماتدري ان تركي الي راح يمرها انا قلت انه السواق.. ندى:والله انك روعة ريما:توك تدرين..انا من زمان وانا اعرف اني روعة!! ندى:يوة فكينا من غرورك اللحين..وين بيتهم؟ ريما:ايه صح..<وصفت لها البيت(ماراح اقولكم وينه!!اخاف تزعجونها هههههههههه) ندى:اوكي سهل التوصيف يالله سلام ريما:سلام!! ندى:تركي حبي تركي:هاه وش تبين؟وش عندك؟ ندى:وش عرفك اني ابي منك طلب؟ تركي:كلمة حبي هذي ماتقولين هالكلام الزين الا اذا عندك شي!!هاه وش تبين ندى:تكفى وتكفى تهز رجاجيل .. تركي:خلصي وش تبين ندى:ريما..تطلب منك طلب تركي:وش عندكم انتي وياها..انتي تلفين وتدوين على ايش !! ندى:ماشاء الله.فعلاًاللبيب بالاشارة يفهم..بما انك بتوديني عندها ..تقول ياليت لو تمر بنت عمتها علشان اخوها مو فيه..واحنا كلنا بنتجمع عند ريما.فاصعبه نتجمع وهي مو معانا..وانت قلبك طيب وكبير وماترضاها على اختك بعد ماقالت لهم تم خلاص راح امرها..اتفشل تركي:هنوف؟ ندى ابتسمت ابتسامة مكر!:ياسلام عليك..وش عرفك فيها؟ تركي:لاحول ولاقوة الا بالله..قد مرة سمعتكم تسولفون فيها!! ترى اذا زدتي بالكلام الفاضي ماراح اوديك لاانتي ولاهي فاهمة!! ندى:خلاص بسكت والله.. تركي:يالله قومي جيبي عباتك بسرعة تأخرت على العيال بالملعب ندى:من عيوني روح اركب واللحين راح اجيك ركبت ندى ووصفت لتركي بيت هنوف..اتصلت على هنوف وقالت لها تطلع..طلعت وسكرت الباب حق بيتهم وركبت هنوف:السلام عليكم<مسكينة ماشافت تركي تركي وندى:وعليكم السلام هنوف شافت تركي قرصت يد ندى!! ندى:آآآآآآآآآآآآآآآآآآآي تركي:وش فيك؟ ندى:لا بس سلامتك..شخبارك هنوف هنوف بصوت قصير مو مسموع: بخير ندى:وش تقولين.؟والله مدري وش تقولين؟طولي صوتك هنوف العبرة خنقتها..متفشلة حيل..وتتوعد بريماوندى والله لاوريكم شغلكم!! ندى:هنوف ..وش فيك ساكتة!! سلامات مو من عوايدك..ماخبرك لا مصرقعة وش ذا الهدوء؟ تركي: ندى وبعدين معاك !! هنوف (مشكور ياتركي انك سكتت ذي النشبة) جلس يطالع لهنوف بالمرآيه عيونها خطيرة كبار واسعات ومكحلتاها صايرة روعة!! الهنوف ماتدري ان تركي يطالعها كانت ميتة من الفشيلة ومندقة راسها!! وصلوا لبيت ريما هنوف:مشكور تركي:العفو ندى:يالله هنوف خلينا نروح ونخوف البنات هنوف سكرت الباب..وتحسب تركي مايسمعها. هنوف:ياربي منك انتي وريما ليش تقولون لي ان السواق راح يوديكِ...تدرين تمنيت يكون معاي خنجر واذبحكم...والله تنرفزت..شغلكم داخل عندي وانا ام هندي!! ندى:ههههههههههههههههههههههههه تركي سمع كلامها وجلس يضحك على خفة دمها..!! دخلوا البيت وراحوا الصالة عند ريما ونوف سلموا عليهم وبعدين جلسوا هنوف:طيب انتي وياها يالسخيفات سواق الي راح يوديها<تطنز على صوت ريما ريما:ههههههههههههههههه نوف:قلت لك انها بتزعل ندى:فاتكم تركي يدافع عنها بالسيارة نوف:ياعيني والله خطيرة هنوووووفة ريما:ياهوة تركي ماعمرة دافع عني ولا عن ندوش وش معنى هنوف!!هاه؟ هنوف:طيب انتي وياها بطلوا كلامكم البايخ الي ماله طعم ولا ترى والله برجع لبيتنا!! ندى:مين بيوديك..تركي؟ نوف:ههههههههههههههههههه هنوف:سخيفا1111111111111ت..زعلت وقامت من مكانها ريما:عاد حدكم كل شي ولاهنوفة هنوف جلست على الكنبات وهي واصلة حدها معصبة وحاطة رجل على رجل وكانت تهزهم من العصبية ندى جت لهنوف:هنوووفه يالغالية خلاص لاتزعلين كنت امزح والله نوف:لا هنوف ماتزعل انا اعرف  11111ندى:شوفيها كيف منتفخة كنها بالون من الزعل..عندك دبوس علشان نفشها ونسمها ههههههههههه هنوف:ههههههههههههههه حلوة بالون ذي ريما:لولولولييييييييييش واخيراً ضحكت هنوفة نوف:قلت لكم هنوف ماتعرف تزعل ندى: ياعيني عليك انتي رفيقة دربي الغالية ريما:الله والدرب درب المقالب والضحك والهبال هنوف:واحلى درب هههههههههههههههه ندى:ههههههههههههههه جابت ريما القهوة ومسوية معاه حلا نوف:ياي طعم الحلا خطير..بالله ابي طريقتة ندى:وش وله تاخذين طريقتة..اذا تبينة بس قولي لها وتصلحة لك بنت اختي كريمة هنوف:اجل اسمعي ريما بكرى عند امي حريم الجيران العصر سوي لي صنيتين حلا ريما:نعم نعم انتي وياها؟وربي ماتنعطون وجهه..الشرهه مو عليكم الشرهه علي انا الي من العصر جالسة بالمطبخ اصلح لكم نوف:لا ياحياتي لاتزعلين انا اعجبني حيل ريما:تسلمين من ذوقك والله ندى:ياربي لك الحمد مو حلو حيل هنوف:ايه صح كانه صاير حالي بالمررررة يقطع الكبد نوف:لو ماعجبكم كان ماكلتوا نص الصينية هههههههه ريما:ايوالله ههههههههههههههههههههه هنوف مدت الفنجال لريما:بالله املي الفنجال ريما:ياسلام لاتأمرين علي هنوف بترفع ضغطها:اقول ندوش الله يرحم بنات اول الي الوحدة ماتطول لسانها على ضيفتها ندى:آمين الله يرحمهم نوف:هههههههههههههههههه ورب المصحف منهبلات هالثنيتين ريما:اقول اللحين العيال بالملعب ياحظهم ماشاء الله راح يشوفون سامي والاعيبين ع الطبيعة هنوف:ع الطبيعة كل شيء احلى <اغنية هيفاء ندى:هههههههههههه نوف:بنات توقعون مدرجات الهلال امتلت؟ ريما:اكيييييييييييييييد 100% ندى:اكبر همي الهلال والمباريات هنوف:صادقة والله ياربي لك الحمد والشكر..بهرب من فيصل ومبارياته تجوني انتم نوف وريما ريما:اتمنى لو نسئل احد من العيال تكفون بنات اتصلوا عليهم ندى:انا تركي قايل لي ما تصل علية وهو مع شلته..لو أبي أموت يقول لاتتصلين ههههههه هنوف:هههههههه وانا فيصل راح يطنشني ويسكر السماعة بوجهي ندى:طيب اتصلي على مستر نواف ريما:ياقلبي اتصل علية!! لاوالله لو فيها عمري ما تصل عليه فشلة..وآخاف ازعجة هنوف:ياسلام نتصل على آخواننا ونزعجهم ونسمع لنا هوشة على التليفون علشان نواف ماتزعجة ريما نوف:خلاص بتصل على عبد الرحمن اللحين!! ريما:كفو والله يابنت عمي!! نوف مسكت جوالها واتصلت على عبد الرحمن تاخر مارد ..جت بتسكرة وفجأءة يقول الووو نوف:هلا عبدالرحمن وينك مارديت..هاه وش صار عسى امتلت المدرجات بشرنا! ....:هلا نوف انا ماني عبدالرحمن نوف طارت عيونها:مين؟ ......:انا محمد..عبدالرحمن راح يصلي وترك جواله عندي نوف قلبها يدق بسرعة:وانت ليش ماتصلي<ملقوفة محمد:هههههههههههه صليت قبلهم ورجعت نوف:ايه طيب يالله مع السلامة محمد ماكان وده يسكر: اقول ابشرك المدرجات فل مليانة كلها ازرق وابيض نوف:احلف محمد:والله نوف:خلاص آسفة ع الازعاج,,مع السلامة محمد:مع السلامة<مبسوووط وحالتة حالة نواف كان جنبة جالس:وراك مبسوط كذا؟ محمد:الحمد لله والشكر..يعني الواحد مايصير مبسوط!! نواف شاك بالموضوع (غمز له):مين جالس تكلم؟وش قالوا لك؟ محمد ارتبك:تكفى وطي صوتك لحد يسمع!!اقولك بعدين نواف:وعد تقولي كل شيء!! محمد:ايه وعد اصلاً انا من زمان نفسي افااتحك بالموضوع نواف:اوكي اجل بالبيت ان شاء الله.. : : : ريما:هاه وش السالفة؟ نوف:تخيلي جالسة اكلم مين؟ ريما:سؤال بايخ والله العظيم نوف:يلله عاد خمني مين كنت اكلم؟ ريما باستهتار:عبدا لرحمن نوف:لا!! ريما طارت عيونها:مين اجل يانصابة!! نوف:محمد ريما شهقت وباعلى صوتها:محمد ولد عمي سعود؟ نوف حطت يدها على فم ريما:وطي صوتك ريما:شلون؟وايش قال؟وكيف جاتك الجرآءة؟ نوف قالت لها السالفة ريما:والله خطير محمد..ماتوقعت فيه الجراءة ذي!! نوف:طيب نواف ماقالك شيء عنه!! ريما:لا ابد ماحى عنه.. نوف:ا 1 اقول يالله بسرعة خلينا نروح للبناتريما:يالله go بدت المباراة الاعصاب مشدودة عند ريما ونوف ريما تصارخ باعلى صوتها ..ونوف تقمز وحالتهم حالة..طبعاً اخواتنا في الله ندى وهنوف يضحكون عليهم..ريما حضنت نوف ريما:ياربي قولي يارب يصد البلنتي نوف:يارب بس شكل الحارس مو شيء ريما:الله يستر نوف:اي111111111111111111111 مبروك صدها ريما:ياهووووووة الحمد لله.. ندى:الحمد لله والشكر ..اعصابكم بنات هنوف:ههههههههه شوفي هذي كيف تقمز يارب ثبت لي عقلي.. سجل القناص ياسر القحطاني الهدف ريما:ايوا عاشششش ياسر نواف:111ي فديت قلبه القحطاني حبي له بس!! ندى:منهو القحطاني؟ هنوف:هذاك المزيون الي العالم منهبلين عليه ندى:اييييييييييه عرفتة سالفة البنات بالجامعة هههههههههه ريما:لولولولولولييييييييييييش صفر الحكم مبروك نوف نوف باست ريما:الله يبارك فيك ريما:الليلة عازمتكم ع العشاء آمروا تدللوا ندى:ياحياتي يارب كل يوم يفوز الهلال هنوف:ياسلام شوفي شوارع الرياض اللحين كيف صايرة فلة نوف:ياحظهم وناسة ريما:بنات وش رايكم ارسل لنواف رسالة ابارك له بالفوز.. نوف:لا اتصلي علية ندى:ايه اتصلي عليه.. هنوف:علشان بعد يجي ياخذ الشاكلت الي اشتريتية له ريما: يمة قلبي يدق خايفة ندى:ههههههههههههههه سلامات قلبك قومي اتصلي ريما اتصلت وعلى طول رد ريما:مساء الخير نواف وكان مبسوط ع الآخر:مساء النور والسرور لاحلى ريما بالدنيا ريما:الف مبروك الفوز نواف:الله يبارك فيك يالغلا..هاه وش رايك بالمباراة؟ ريما:صراحة مباراة ولااروع والهدف جناان ..والمدرجات والتشجيع روعة نواف:ههههههههه ايه والله المباراة خطيرة ريما:نواف ممكن طلب؟ نواف:آمري لو تبين عيوني ماتغلا عليك ريما استحت نواف:الوو؟ ريما:هلا معاك نواف:سمي وش بغيتي؟ ريما:ياليت لو تجي لبيتنا شوي نواف:اللحين؟ ريما:اييييييه نواف:ليش؟ ريما:بدون ليش تعا111111ل يعني تردني؟ نواف:ماعاش من يردك ..دقايق واكون عندك ان شاء الله ريما:اوكي بنتظارك فمان الله نواف:فمان الكريم : : : ريما اختبت وحالتها حالة ..لبست جلابية زرقاء وندى تمكيجها..ونوف تمشط شعرها وهنوف تلبسها ساعتها ..بعدين رن جرس الباب قمززززت من مكانها ندى:شوي شوي هنوف:اثقلي وش يقول عنك الولد ريما:ابي اروح اجيب السلة حقت الشاكلت نزلت ريما واستقبلت نواف عند الباب.. ريما:هلا مرحبا نواف كان لابس الشال الي مصلحتة ريما له:هلا فيك ريما مبسوطة لما شافت الشال علية:تفضل..بالحديقة جلسوا نواف وريما ع الكراسي الي بالحديقة والبنات من فوق يطالعون لهم من وراء النافذة<ملقوفات ريما:نواف تفضل هذي علبة شاكلت بمناسبة فوز الهلال نواف:تسلمين ياذوق والله لايحرمني منك..باخذه معاي للشباب اليوم مسوين سهرة بمناسبة فوز الزعيم..بقولهم شوفوا حبي وغلاي وش جايبة لي!!فديتك وربي...اليوم العيال بالملعب يحسدوني عليك ريما:ليش؟ نواف:لبست الشال بالملعب وكلهم انهبلوا عليه من وين لك؟..قلت لهم شغل يدين الريم عساني مانحرم منها.. ريما استحت نواف:يوة ارفعي راسك تكفين كل ماقلت كلمة نزلتي راسك تراني ماشفتك ههههههههه ريما:ههههههههههههه نواف رن جوالة كان فيصل نواف:افا1111111 ريما:خير ؟! نواف:نسيت الولد بالسيارة ريما:منهو؟ نواف:فيصلوة تركتة بالسيارة لا ومسكر النوافذعلية اخاف اللحين يموت على قلبي وابتلش فيه هههههههههههههههه ريما:هههههههههههههه مسيكين نواف:يالله ابي اروح له تآمريني بشيء ريما:سلامتك نواف:الله يسلمك ريما:نواف لاتسرع بالسواقة نواف:تخافين علي؟ ريما استحت وجها لونه احمرررررر نواف:هاه جاوبيني؟ ريما تفلشت وجهها لونه احمر واصفر رن جوال نواف وكان فيصل <معصب الولد ريما(مشكور يافيصل فكيتني من الموقف) نواف:يالله شكلي طولت عليه اللحين حمقان علي!! مع السلامة ريما:مع السلامة..سكرت الباب : : : راحت للبنات وجلسوا يعلقون علي 111 ويتريقون فيها ..وسهروا وانبسطوا..وبعدين كل وحدة راحت لبيت1111..وريما على طول دخلت غرفتها وجلست تفكر بن1111111ف..وماحست بنفسها الا ونامت
__________________ يا أيتها ألعصفورة ... يا صاحبة الصورة ... يا مبتسمة و مسرورة ... يا ترى هل أنتي مغرورة ؟ |
|
#54
08-15-2008, 04:44 PM
| ||
| | ||
| رد: رواية احلى ماخلق ربي بسم الله الرحمن الرحيم الجزء الثالث عشر الفصل الثاني : : : بالمدرسة ريما كانت بالفصل جالسة عند صديقاتها ماعندهم احد معلمة الكيمياء غايبة<الي وقفت رشا ذاك اليوم.. رشا:احسن شيء في ذا الاسبوع ان معلمة الكيمياء غايبة فكة!! مشاعل:ياغثها اذا جت تشرح تجلس ساعتين ترفع الضغط اسماء:يووووووة يابنات بالله اسكتوا اللحين هي غايبة نبي ننبسط نبي ننسى الكيمياء ترجعون وتذكروننا فيه .. ريما:صح لسانك يااسوووم..بالله مشاعل غني لنا مشتاقين لصوتك نبيه يطربنا رشا:اييه تكفين صوووتك روعة اسماء:بليييييييييز..شوفي المعجبين طابور مشاعل:لا عاد اللحين راح يكبر راسي عليكم هههههههههه ريما:بالله عليك غني لنا "تنتظر كلمة احبك" حقت عبدالمجيد مشاعل:من عيوني ياريوم جلست تغني والبنات منسجما111111ت معاها وحالتهم حالة رشا:ياسلام انتي فنانة العرب بالمدرسة ههههههههههه اسماء:ههههههههه الله يقطع بليسك..يسلم هالصوت مشاعل:من ذوقكم حبيباتي..بس ريوم كنها في وادي ثاني اسماء:100% تفكر بابو الشباب رشا:ههههههههههههههههههههههه..ريما ريوووم ريموة وجع ردي ريما في حالة سرحان تام بس قطعها صوت رشاء المزعج ريما:هلا مشاعل:الي ماخذ عقلك يتهنى اقصد نواف يتهنى ريما:ههههههههههه ..ياحياتي ذكرتوني بنواف.. اسماء:تذكرتية خخخخخخ قوية هذي ريما:ليش قوية ؟؟؟؟ اسماء: مانساه الا ريما الا والله جالسة تفكرين في4ساعة.كيف تتذكرينه؟ مشاعل:..الا بالله متى آخر مرة اتصل عليك..؟ رشا:الحين تقولك وش دخلك؟ ريما:ههههههههههه جاوبت عني رش رش مشاعل:ههههههههههههههههههه ريما: بنات مانتم مسافرين ذي العطلة حقت عيد الاضحى؟.. اسماء:االا راح نسافر لدبي مهرجان التسوق فلة رشاء:لا احنا راح تجينا اختي الكبيرة من كندا هذي العطلة مشاعل:وانا راح اروح للكويت عمتي هناك ولها شهرين وهي تلزم علينا اننا نجيها رشاء:وانت ريما؟ ريما:الا حزروا وين راح نروح؟ اسماء:اكيد مصر مشاعل:لا تركيا رشا:انا عرفت للشرقية عند خالتك هند؟ ريما:ماشاء الله عليك يارشاء اييه انا وخالي تركي وخالتي ندى جدتي هياء بتجلس عند امي واحنا خالتي لزمت عليناهي وهيفاء وخالد مشتاقين لهم موت مشاعل:ياسلام مين يصدق بعد 4 ايام العطلة يا11111111111111111ي اسماء:متى تجي رشاء:ياسرعها على الحي ريما:اي والله.. جت معلمة الرياضيات وعصبوا البنات من بعد السوالف وطق الحنك لدرس لا وبعد رياضيات : : : بالليل الساعة 8 في احد المقاهي الي بشارع التحلية <ياكثرهاااااا جالسين نواف وفيصل على طاولة ينتظرون الشباب لما يجون فيصل:اقول يادب وراك ماتطلب لنا شي نواف:هههههه وانت ليش ماتدفع يابخيل فيصل:يووووة اللحين انت نواف ابن سعود ماتدفع وانا فيصل المنتف ادفع نواف:ياربي ياكبر 11 هذي ..ياشيخ راتبك اكثر من راتبي ياسعادة المدير العامفيصل:اذكر ربك..اللحين بتنظلني ويطير راتبي ..وبعدين خالي يخليني فراش بعد ماكنت مديرعام..اعرفك عينك قوووية.. نواف:انا عيني قوية ياربي منك بس يالله ..ماشاء الله لااله الاالله..بعدين ياهوة انا وراي عرس وتجهيزات فيصل:خخخخخخخخخخخخخخخ نواف:عسى ماشر اخ فيصل قلت شيء يضحك.؟ فيصل:ماني مصدق نواف بيعرس؟ كنها كذبه ابريل ..ياشيخ ماني مستوعب انك بتعرس وتتركني نواف:ههههههههههه ليش امك انا ولا وشو قال تتركني قال ابي اروح عند الريم واتركك فيصل:ياعيني الريم مرة وحدة ..وش خليت لشهر العسل نواف:والله وش اقول وش اخلي من شاف ريما لازم ينطق ويتغزل فيصل:ههههههههه شوي شوي على البينة حر1111م عليك اللحين بتوديها بصاروخ بذا الكلام نواف:ههههههههههههههه وش صاروخه بعد انت فيصل:ايه انا اقول وراه الدب جالس يتلكم يعني علشان تصرف نفسك ماتطلب لي؟؟ماراح اطلع ان شاء الله من هنا الا وانت طالب لي..(حط رجل على رجل)هاه وذي جلسة.. نواف:ههههههه دايماً نيتك شينة ياويلك من ربي دخلوا الشباب المقهى وجوا عند طاولة نواف وفيصل وجلسوا نواف:حي الله الشباب الكل:الله يحيك فيصل:يالله شباب نواف اليوم كارم لكم المقهى على حسابة يعني آمروا وتدللوا نواف:هيه هيه وش تقول انت تعزم على حسابي خوش والله ههههههههه فيصل:لو انت طالب لي من شوي لحالي ارخص لك...يالله اللحين ابتلش فيهم نواف:هههههههههههه وربي انك نذل فارس:لا ابو سعود مايبخل علينا اكيد اي شي خاطرنا فيه يطلب لنا..صح نواف؟ نواف:ايه صح..وهو يطالع لفيصل يبي يقهره بدر:اقول شباب..وش صار على المباراة الي مع شلة حمد؟ فيصل:بعد أسبوع ان شاء الله فارس:ياهي راح تصير قوية ان شاء الله... ياخي حمد واخوياه مو بسهليين الله يستر نواف:ياخي والله لو بلعب ضد ريال مدريد محد راح يخوفني..انا نواف ابن سعود قدها لاحمد ولا اخوياه راح يهزوني ان شاء الله بدر:صح بس خلو عندكم ثقة بانفسكم فارس:انا ماقصدي بس مايلعبون مباراة الا وهم فايزين فيها ولاتنسى ان حارسهم وليد ال.... فيصل:انا ونواف اذا لعبنا ان شاء الله محد راح يعوقنا لاوليد ولا ستين وليد بدر:انا هذي الي مطمني.. فارس:ان شاء الله ..الله يسمع منك... : : : بعد مرور ال3 ايام وكانت بكرى رحلة الشرقية بالليل الساعة 10في غرفةريما... ريما ترتب شنطتها..وامها تساعدها ام ريما:هاه عسى مانسيتي شيء؟ ريما:ايه صح وين التيشرت الاحمر الي فيه نقشات؟ ام ريما:اي تيشرت؟ ريما:هذاك الي شريناه انا وندى الي عندها مثله,, ام ريما:ايه اعتقد ان الخدامة جالسة تكويه ريما:ايه زين..يووووووووة نسيت الكريمات ابي اروح ارتبها ام ريما:ههههههه لاتكثرين اغراضك تراكم مو مطولين يعني اسبوع ونص وانتم راجعين ريما:يمة متى الرحلة؟ ام ريما:تركي قالي الساعة 5 يعني اربع جهزي حالك ريما:ان شاء الله.. ريما حالتها حاله جالسة تحوس وتتضبط ماسكات وكريمات وترتب اغراضها...نزلت للصاله والكل نايم راحت صلحت لها قهوة واخذت معها دونات وصعدت غرفتها.... بغرفتها الساعة 2 باليل اهلها نايمين وهي جالسة عند النت رن جوالها وطلع ن111111ف ريما:الووووو نواف: والله اني كل ماقلتي لي بالهاتف ألو....ينتفض شريان قلبي وترتعش كل العروق وان حكيتي صرت اتساءل عسى إذني كفو...تستمع لحروفك ولاحلى تعابيرك تذوق ليت بس الغير من زينك ومن غنجك خذوا..كان مابالكون عانس ولابنت تعوق والعذارى بالعطر والعود و الطيب اسبحوا..ودهم يلقون شيء مثل ريحك او يفوق جيت احطك بالخفوق وغاروا عيوني وبكوا..قلت احطك في عيوني وغار وانهار الخفوق من كثر ملحك نصوني عيني وقلبي وشكوا..وقلت يوم اتذوق عيني ويوم قلبي يذوق وكيف مع هذا بعدلاقلتي بالهاتف الوووو..ماتبين يفز قلبي وترتعش كل العروق ريما: تسلم يمنا111111111ك..واي كلمات ولااروع ماشاء الله عليك..لاهنت يالغالي نواف:والاروع انها مكتوب لك.. ريما استحت وسكتت نواف حس بخجل ريما :شخبار الحلو؟ ريما:تمام..انت شخبارك؟ نواف:دامني سمعت صوتك مافيني الا العافية..هاه وش صار عليك وعلى ترتيباتك للسفرة؟ ريما:توني اخلص من الصبح وانا حالتي حالة نواف:ههههههه من الصبح جالسة ترتبين شنطتك ريما:ههههههههه لا وش قالوا لك ابي ارحل.. نواف:ههههههه ترحلين ارحل معاك..وش تسوين من الصبح؟ ريما:رحت للسوق واشتريت هدايا لخالتي وعيالها وبعدين رحت لخالتي ندى وخوالي انا وامي وبعدين رجعت وجهزت شنطتي هاه وتوني اخلص نواف:ياربي راح اشتاق لك..يوة وش اسوي انتي بالشرقية وانا بالرياض كيف اصبر؟ ريما استحت نواف: ماعلي لازم اشوف لي طريقة واجيك الشرقية واجلس معاك وانبسط ريما:هههههههههههههه نواف: حبيبتي.. ترجع ل((جسمي)) بالسلامة قل آمين.. وتجيب لي روحي معك يالمسافر ريما:لا تخليني اقول ماراح اروح عاد.. نواف:لاياالغلا الا روحي وانبسطي وسعي صدرك ريما: ايه كذا اروح وانا مرتاحة نواف يستهبل :مرتاحة ليش؟ ريما ارتفع ضغطها منه نواف:الريم يالله قومي نامي علشان رحلتك بكرى ريما:اوكي تبي شيء من الشرقية؟آمانة نواف:ابي قلبك ريما استحت: طيب غيرة.. نواف:سلامتك تروحين وترجعين لنا بالسلامة..فمان الله ريما:مع السلامة : : : وش راح يصير بالشرقية مع ريما وندى ؟؟ مباراة نواف ياترى وش كل هالحماس الزايد لها؟؟ هل من الممكن نواف يشوف الهنوف بالعيد ويسترجع حبه لها؟؟
__________________ يا أيتها ألعصفورة ... يا صاحبة الصورة ... يا مبتسمة و مسرورة ... يا ترى هل أنتي مغرورة ؟ |
|
#55
08-15-2008, 05:02 PM
| ||
| | ||
| رد: رواية احلى ماخلق ربي : : : الجزء الرابع عشر الفصل الأول : : : ريما صحت الساعة 2 الظهر واخذت شاور ورتبت عباتها وشنطتها ونزلوا الخدامات الشنط تحت..لبست تنورة جينز طويلة وحزام برونزي سميك ع الخصر والبلوزة و لونها بيج وبرونز.رفعت شعرها ونزلت تحت في الصالة كان فيه ابوها.. ريما:السلام عليكم ابو ريما:وعليكم السلام ..هلا بالغالية..هاه تجهزتي؟ ريما:ايه يبه جاهزة ابو ريما:على خير ان شاء الله..خليك مع خالتك هند اذا تبين منها اي شيء!!اعتبريها بحسبة امك.. ام ريما جت ومعاها توست وعصير برتقال ريما:وش ذا يمة؟ ام ريما:يالله كولي اللحين قبل مايجي خالك تركي ريما:بس يمة شبعانة ام ريما:يالله بلا شبعانة بلا هم ماكلتي شيء من الصبح.. ابو ريما:ترى عاد بنزعل اذا ماكلتي ريما:طيب من عيوني..اكلت ريما وابوها وامها يسولفون.. رن جرس الباب وجت الخدامة الخدامة:مس ريما ...مستر تركي وونت يو ناو..!!! ريما:اوووكي ..ركبتي الشنط في سيارة تركي؟ الخدامة:يس.. ريما:ثانكس.. ريما راحت عند ابوها وباست راسه:يالله يبه فمان الله ابو ريما:الله معاك..اسمعي يبه مثل ماوصيتك اول ماتوصلين المطار اتصلي علي اذا احتجتي فلوس اتصلي علي احولك وانا ابوك .. ريما:تامر آمر يبه..لا الفلوس الي اعطيتني اياها تكفي وتزيد بعد الله لايحرمني منك.. راحت لأمها وباست راسها ام ريما:هاه يمة نامي عدل ..وكولي اعرفك ماتاكلين وخليك مع خالتك هند اذا احتجتي اي شيء منها قولي لها لاتستحين.... ريما:هههههههه يمة انا ماراح اسكن هناك كلها اسبوع ان شاء الله وانا راجعته لكم وابي ازعجكم..تبون اي شيء من الشرقية؟ ابو ريما:نبي سلامتك ام ريما:يالله يمة شوفي تركي وندى عند الباب.. طلعت ريما..وامها جلست تبكي ابو ريما:يوووووه وش يبكيك؟ ام ريما: كيف ابي اصبر على فراقها اذا تزوجت؟ ابو ريما:بعد هذي سنة الحياة ماتبين البنت تتزوج؟ ام ريما:الا ابيها تتزوج...بس مين الي يملي علينا البيت بعدها؟ ابو ريما:يالله عاد روحي مسحي دموعك وبنتك 7 ايام وهي عندك ان شاء الله!! راحت ام ريما..وابو ريما جلس يفكر(يالله ريما راحت للشرقية وتضايقنا كيف لما تتزوج؟والله مالومك ياسلمى اذا بكيتي كذا..آآآآه وش يصبرني اذا راحت عني!!) : : : ريما ركبت السيارة وراحوا المطار هي وتركي وندى تركي راح يخلص الاجرائات والبنات جالسات ع الكراسي..!!ينتظرون الرحلة ندى:ياي شوفي ذاك المملوح الي يسلم على تركي ريما:وينه؟لايكون ذاك الي لابس تيشرت ابيض؟ ندى:اييييه عليك نور ريما:ههههههههههه حليل مو ذاك الزود يعني صحيح هو مملوح بس مو مزيون ندى:بلاك عميا ماتشوفين زين ..شوفي عيونه ياي ولا شعره خطييييير كله تحفة ريما:ياهوووة ندى شكله داخل مزاجك بالحيل ندى:داخل مزاجي وبس !! ريما:اسئلي خالي تركي عنه ندى:لا والي يرحم والديك اللحين يسوي لي تحقيق..وش تبين فيه؟ليش؟وكيف شفتيه؟و و و و ... ريما:اجل انا ابي اسئلة ندى:ايه تكفين!! جاء تركي وجلس عندهن ريما:خالي تركي مين ذاك الولد الي سلم عليك.. تركي: ماجد ال ... اعرفه في الكلية ريما:ياحليله..معاك في الطب؟ تركي:ايه معاي بس هو اكبر مني بثلاث سنين.. ندى:وش عرفك فيه دامه اكبر منك بثلاث سنين؟ تركي:الولد محترم والكل يحبة..وبعدين انتم وش تبون فيه جالسات تسئلن بزيادة عنه؟عسى ماشر اخت ريما واخت ندى؟ ريما:هاه لا بس خفت عليك تركي:ليش تخافين علي وحش قدامي ريما:لا بس واضح انه اكبر منك ومدري وش يبي فيك تركي:ههههههههههههههه ندى (الله يهداك ياريما فضحتينا) تركي:شكلهم ينادون على رحلتنا يالله قوموا.. ركبوا الطيارة والصدفة بالدرجة الاولى!!مقعد ريما جنب مقعد تركي..وندى المقعد الي وراهم وكان فيه الولد صديق تركي (ماجد) جالس في المقعد الي جنب مقعدها بس ندى ماجلست ابد في المقعد قامت واقفة وراحت لتركي ..ماجد كان يطالعها ويراقب تصرفها وش بتسوي؟ بس شاف انها طلبت تبدل مقعدها..!! تركي عصب وطلب من الملاحيين الي في الطيارة يبدلون بينه وبين ندى علشان هو يجلس جنبه وندى جنب ريما.. ريما على النافذة وندى جنبها..وراهم تركي وماجد صديقه ريما:ياحليلة هذا ماجد شكلة رايح للشرقية ندى:ايه سبحان الله رب صدفة خير من الف ميعاد ريما بصوت واطي:والله انك مو بسهله تصرفك حلو.. ندى:انا جمدت في مكاني لما شفته جالس بالمقعد الي جنبي ومدري وش اسوي!! ريما:هههههه ياحليلك..خالي تركي انجن لما شاف الوضع مخربط!! ندى:يوووة ياسخفه كان مخليني اجلس واشوف الزين ريما:ياقليلة الادب هههههههههههههه ندى:هههههههههههههههههههه صدقتي ..امزح!! ريما: يا111ي ع الشرقية مشتاقة لها ولأهلها ندى:عدك علي انا بجد هيوفة ذي على طول لسانها الا اني اموت عليها ريما:بس مو بأطول من لسانك..ههههههههههه ندى:طيب ياسخيفة وقرصتها ريما:آآآآآي ندى:هههههههههههه علشان تعرفين من ندى ام لسا11111111ن ريما:ياحياتي ياامي وابوي تركتهم ندى:ماراح ياكلهم الوحش ريما:ههههههههههههه سخيفة انتي وكلامك ندى:لا والله انتي الاسخف ..(تقلد صوتها)تركتهم ..الا على فكرة شخبار مستر نواف؟ ريما:تخيلي من شوي لما قفلت جوالي لقيته ارسل لي مسج ندى بحماس:وشو؟ ريما بتقهرها:اذا كبرتي وانخطبتي اقولك عيب الصغار يقرونه هههههههههههههههه ندى: ههههههههههههههههههه الله اكبر انا اللحين صرت صغيرة..اقول تراني اكبر منك بس يعني انخطبتي وتكبرتي؟ ريما:لا ههههههههههههه..طيب ارسلي بعد عمري وقال اول ماتوصلين الشرقية اتصلي علي ابي اتطمن على الريم وبعدين حاط في المسج اغنية راشد الماجد(اشوف الزين ناوي ع السفر..عسى ربي يحفظة بالمسير..عسى مايطول الغيبة شهر.......) ندى:ياهوة نواف حركات الرومانسية ذابحته ريما:هيه حدك عا1111111د لا تغلطين ندى:سوري ماجد:انتم طالعين للشرقية؟ تركي:ايه اختي الكبيرة هناك ولد اختي لزم علينا نزورهم تركي:وانت وش عندك بالشرقية؟ ماجد:انا اهلي بالشرقية بس ادرس في الرياض مع خالي تعرفة الي معانا في الكلية تركي:ايه الي دايم معك... اكيد مشتاق لأهلك ماجد:اي والله بالحيل ماجد كانت ندى معجبته وخصووصاً تصرفها انها رفضت تجلس جنبه..كبرت في عينه..!!وحس انها بنت ناس ومربية..!! طبعاً ذبحه الفضول وده يعرف وش عرف تركي بالبنت هذي؟ ماجد:الي قدام خواتك؟ تركي:الي قدامي هذي اختي والي عند النافذة بنت اختي!! ماجد: ماشاء الله..اختك هذي بنت محترمة رفضت تجلس بالمقعد لما شافتني تركي يبتسم له: ايه تربية ام تركي هذي ماجد:هههههههههههههه الله يخليها ندى:ريموة اسمعي ضحكة ماجد تبهل ريما: هههههههههه عادية بس انتي تبالغين ندى:سخيفه وش عرفك بالزين انتي خليك على نوافك بس ريما:ايه احسن لي بعد ههههههههههههههه ندى:ههههههههههههههههههه تركي تذكر الجوازت وانه ماخذها علشان يروحون للبحرين تركي:ندى جبتي الجوازت؟ ندى بصوت واطي وذابحها الحياء لما شافت ماجد يطالعها:ايه معي بالشنطة تركي:ايه خفت لايكون نسيناهم ماجد مبسوط بالمرة انه عرف اسمها.. ماجد(ندى..اسمها حلو بالمرررة..وباين انها بنت عاقلة..) وصلوا للشرقية.. وكان بالاستقبال خالد وهيفاء عيال هند..سلموا عليهم وجلسوا يسولفون تركي:خالد خلينا نروح نجيب الشناط خالد:يالله هيفاء:حيا الله اهل الرياض..تو ما نورت الشرقية ريما:منورة باهلها ياحياتي هيفاء:ندووش الي ماخذ عقلك يتهنى ندى كانت سرحانه بماجد كان يسلم على واحد شاب صغير ومعه بنووتة صغيرونة ..وبعدين التفت وجلس يطالع بندى ..ندى اول ماشافته نزلت عيونها بالارض وهو واقف مكانه ابتسم لها ريما:ايه ياهيفاء فاتك بالطيارة وش صار؟ هيفاء. وش صار ؟؟؟؟؟ ريما:ما1111111111111جد هيفاء:وشو ماجد؟ ريما:شوفي ذاك الولد الي ماسك البنوتة هيفاء:ايه وش فيه؟ ريما:بعدين اقولك سالفتة ندى:شوفوا بالنوتة تهبل ريما:البنوتة ولا الي ماسكها ندى:سخيفة سبحان الي خالقك ثقيلة دم ريما:ههههههههههه اذا انا ثقيلة دم ياحظ ثقيلات الدم ان ريما منهم هيفاء:ياعيني ع الغرور..اييييييييييه بنات بنات عرفته عرفته ريما:منهو ماجد؟ ندى:وش عرفك فيه؟ هيفاء:انا اقول وين شايفه هذي البنت من قبل!! ندى:وين ريما:يالله احرقتي اعصابنا.. هيفاء:هذا صح يدرس بكلية الطب عندكم في الرياض؟ ريما وندى طارت عيونهم:أيه هيفاء:ولد جيراننا ال.... وهذي بنت اخته تهبل اسمها شهد ندى:ا 1111111111ريما:انا لله هذا لاحقنا لاحقنا حتى عند بيت خالتي هند ندى:هههههههههههههههههههههه هيفاء:يالله بنات خلونا نركب السيارة وبعدين راح يجون العيال.. ركبوا البنات السيارة وجاء خالد وتركي وركبوا وبعدين راحوا لبيت الخالة هند استقبلتهم..وسوت لهم عشاء كبير هند:تو مانورت الشرقية تركي:منورة باهلها هند:شخباركم؟وشخبار امي وسلمى؟ ندى:بخير الله يعافيك هند:وانتي ياريوم شخبار نواف؟ ريما وجهها الوان احمر واخضر واصفر هيفاء:شوفي البنت كيف حمر وجهها ندى:هههههههههههههههههههههههه ريما:بخير خالتي!!<تبي تقهر البنات هند: انا رتبت لكم الغرف فوق هيفاء:لا يمة البنات راح ينامون عندي بالغرفة خالد:وخالي تركي معاي مشتاق له وابي اجلس معاه طول الليل تركي:ايه خلاص اجل بغرفة خالد ريما:والله عاد انا وندى نفكر اذا صارت غرفتك مو من مستوانا ماراح ننام فيها<تحاول ترفع ضغط هيفاء ندى:ايه صادقة بنت اختي خالد:هههههههههههههههههه حيلكم فيها هيفاء: من زينكم اساساً انا مابيكم ندى:ياكبرها عند ربي قبل دقايق تترجين هند علشان ننام عندك واللحين مابيكم هاه!! ريما:ههههههههههه ..اساساً احنا مانصبر عن هيوفة لازم ننام عندها و نبغى نزعجها بعد!! هيفاء:ازعا1111111111111111111جكم راحة ندى +ريما:هههههههههههههههههههههههههه تعشوا وسهروا الى الساعة 1وبعدين الكل صعد ..البنات بغرفة هيفاء ماناموا جلسوا سواليف وتركي مع خالد..والخالة هند راحت غرفتها ونامت...
__________________ يا أيتها ألعصفورة ... يا صاحبة الصورة ... يا مبتسمة و مسرورة ... يا ترى هل أنتي مغرورة ؟ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| رأيي في رواية بنات الرياض بعيداً عن الوصاية الفكرية | hosam_e7e | قصص قصيرة | 3 | 10-15-2007 10:10 PM |
| دروس(الدرس الأول ( علم الحديث رواية و دراية/ 1. علم الجرح و التعديل) | المشتاق لله | نور الإسلام - | 9 | 08-29-2007 09:25 PM |
| علم الحديث رواية | omaymah | نور الإسلام - | 4 | 04-17-2007 02:38 PM |
| بين رواية ( بنات الرياض ) .......ورواية ( بنات بيت حانون ) .........دعوة للمقارنة | الداعية | ختامه مسك | 11 | 11-21-2006 02:31 AM |
العرض العادي
