السلام عليكم كيفكو ان شاء الله بخير


اخليكم مع الموضوع




بدأت أحداث قصتنا عندما ولد بطلها عام 1898
ظهر الى الدنيا وأحبه الجميع صغار وكبار
كان أسمر اللون وطيب القلب



عرفتوه
إنه الببسي


دارت الأيام
الولد كبر وكبرنا أحنا معاه
وصار عنده أخوان وخوات



في يوم من الأيام كان البيبسي تعبان شوي وارتفع عنده الضغط وكانت فايره غازاته


فقرر انه يروح للمستشفى عشان يتعالج
وراح وحجز موعد وجلس ينتظر بغرفة الانتظار
وشوي وتيجي وحدة برتقالية اللون انيقة
تتمختر في مشيتها والناس تقول ياأرض احفضي ماعليكي


طبعا أكيد عرفتوها
هي الميرندا
جت وجلست جنب البيبسي في غرفة الانتظار


الولد خف عقله وخفق قلبه
وكان يحوس الشيطان في راسه يرسل رقمه بالبلوتوث وإلا لأ
لكن الحمدلله ماتهور وسواها






ماقدر البيبسي يتحمل ان يشوف كل هالجمال ويسكت
فخش عرض و سألها :سلامات وش جابك عند الطبيب
هي: فيتامين سي متعبني من وصف لي اياه الطبيب وانا اعاني من آثاره الجانبية
هو: سلامتك عسى ما العوار شديد؟
هي: لا بس دايما ارجع


هو: اها ماتشوفين شر (ويقول في باله ياليته فيني ولا فيكــ)
هي: الشر مايجيك





وقامو يسولفون لين ماجى دور البيبسي يدخل عالطبيب
وقبل لايدخل قال للميرندا ممكن اشوفك مرة ثانية؟
هي: متى؟
هو: الليلة
هي: اسمح لي ما أقدر
هو: أفا ليش؟
هي: الليلة عمتي بينتهي تاريخ صلاحيتها ونبي نكون كلنا عندها نودعها
هو: أها احسن الله عزاكم مقدما
هي: طول الله تاريخ صلاحيتك
هو: الله يسمع منك يارب ، طيب متى تحبين الموعد؟
هي: خليها بعد العزاء أحسن
هو:على راحتك





وأتى الموعد المرتقب وتواعدوا في ثلاجة كارفور
ودار بينهم الحديث التالي


هو: ممكن أسأل سؤال وتجاوبيني عليه بصراحة؟
هي: تفضل
هو: معقوله كل هالجمال وماتزوجتي للحين ياترى وش السبب؟
هي: حكم القوي عالضعيف
هو: كيف؟
هي:قصة قديمة
هو: ممكن أعرفها





هي: قبل سنة عشت قصة حب مع بيبسي مكينة وجا وتقدم لعند أبوي عشان يخطبني
لكن أبوي عيا
وقال مانزوج بناتنا لعيال المكاين
وقام وفرض الاقامة الجبرية علي في الثلاجة
الى انتهت صلاحيته ومات








هو: آسف ذكرتك بالماضي
هي: لا عادي خذ راحتك تذكرت لو ماتذكرت هذا الماضي موجود وماراح ينتسى
هو: ليش؟ ان شاء الله يجيك اللي ينسيك هالماضي
هي: تعبت وانا انتظره والظاهر اني بعنس ولابشوفه
هو: انتي تشوفينه قدامك الحين
هي: منهو؟؟ <<<<< تستهبل
هو: أنا..تقبلين تتزوجيني ياميرندا؟
هي: هاه << دلــع بنــات
هو: انا تقبليني زوج؟
هي: روح اخطبني من عمي
هو: ان شاء الله



----------------------------------



اتصل على عمها واخذ موعد انه يشوفه عشان يخطب بنت اخوه
وراح لهم وشربوا القهوه << قهوه وبيبسى خخخخخ





هو: طالب يد بنت اخوك
عمها: لنا الشرف ياولدي بس لازم نشاور البنت
هو: شاور ياعم





وافقوا على الزواج واتفقوا على الملكه وكلشي
والزواج يبي يكون بثلاجه سيفيوي(التميمي)
تـم الزواج وكان فيه حضور كبير ومن بينهم سفن آب وميرندا فراوله وبايسن وحضور كبيير




وهاذي بعض الصور لحفل الزواج








-----------------------------



وقرروا يسافرون شهر العسل الى ثلاجات دبي
وسافروا واستانسوا ورجعوا
وبعد سته شهور أكتشفت إنها حامل
وفرحوا فرح كبير لأنه بيجي ببسي وإلا ميرندا صغنطوط وبيقول لهم ماما وبابا






جات وقت الولاده والبيبسى كان خاااايف وجت الممرضه وقالت له:
مبروووووووك جاتك ميرندا صغنونه





وعاشوا حياه سعيده وجاهم بيبسى صغنون بعد





وانتــهـــــت القصــــــه







[color="rgb(153, 50, 204)"]من اجل التسلية فقط
[/color]





[color="rgb(153, 50, 204)"]منقووووووووول[/color]

__________________

وااااااااااااااااو والله قصة رومنسية لابعد الحدود
مشكووووووووووووووووور

__________________

ههههههههههه
احسن ميرندا



شكرا لك اختي ع الموضوع
لك ودي

__________________

هههههههههههه
مررره حلوووة قصة تسلمين
اهم شيئ دلع بنات

__________________



اللي يحب أنمي pandora hearts يكلمني في الخاص
وشكراً

حجز برررب بروح اشوف القصه

حزنت على ولد الماكينه كان يحبها

بس الحمدلله جاها ولد محترم ويشتغل بسوبرماركت كبيره

مشكوره على القصه الرونسيه
ومبروك المريندا الجديده
ههههههههههههههههههههههههههههههههههه :lolz::lolz:

__________________
مازلت أمر على صفحاتكم ويلفت نظري آخر ظهور ،فيكون قريبا الجميع يعود لتفقد شيء ما لا نعلم ماهو ربما أصبح هذا المكان جزء منا أو نفتقد لشيء لايمكن تفسيره، ذكريات او ضحكات أو مجرد فضول أو ربما كبرنا مع هذا المجتمع لقد مرت تقريبا ١٣ عاما ومازلنا نمر على هذا المكان ونتفقد تفاصيله، على العموم اتمنى ان تكون قد مرت هذة السنوات المنقضية بالخير واتمنى ان تكون قد ابقت لكم القليل من أرواحكم المرحة التي المسها كلما قرأت إحدى المحادثات مع أحدكم