|
|
#61
07-26-2013, 10:14 PM
| ||
| | ||
| سوري عشان الخط صغير بس ما رضى يكبر مدري وش سالفة امه المهم انا طفشانه حدي هاليومين قلت اكتب البارت البارت السابع عند العودة للمنزل( في الباص) هيساكو: وناااسه اخيراً ابوي بيطلعنا لنا انا واختي نص سنه ما طلعنا لغير المدرسة انا: من جد عن نفسي فكرت ان الرجال استخف فيومي: اقول اي بنتلون البسه الاسود ولا الكحلي ولا الرمادي مادوكا: وحنا وش دخلنا البسي اللي تبين اوي: شباب شباب الكل: هلا فيومي: اناااا بنت اوي: اسكتي انتي اشغل لكم المسجل؟ جيرو: ايه ايه يلا كاتسومي: 3 2 1 يلا اوي: حبه حبه على قلبي حبه حبه و حبه حبه على قلبي حبه حبه ويمه منو بيغمزلي بعيونو انا: حطي لسانك بحلقك تكفين نشاااز فيومي: سوتي احلا من سوتها ايكو: عن الكذب اخر واحد خقيتي عليه يوم غنيتي عنده انحاش فيومي: لأنه كان يسمع سوت ملائكي جميل ما قدر يتحمل راح يحكي لسديقته ويتلقها كيجي: والله من الثقه لا انحاش لانه ماقدر يتحمل الصوت القبيح الذي يصدر منك وما اخبر الصديقه تتطلق اخبرها الزوجه فيومي: انت اش ولا كلمه تتكلم كذا لانك ما سمعت سوتي لو سمعته راح تتجنن وادري انها الزوجه كيجي: افا عليك بس طبعاً راح اتجنن وادخل لمستشفى المجانين اربعين سنه لين اشيب وبفقد ذاكرتي وبتجيني جلطه وسكته قلبيه واموت كازوكي: لا بسم الله عليك تعوذ من ابليس زين كذا فيومي ذبحتي الرجال المسكين بعز شبابه خليه يعيش حياته هيساكو: الحين انتم خلوكم من الهبل اللي انتم فيه وخلونا نروح لموضوع جدي انا يقالي بسوي روحي جديه: قولي وش عندك اكيد موضوع خطير انتي واختك ما يجي منكم الا المصايب قصدي كلنا المهم قولي هيساكو: ابوي مو من عادته يمشينا تهقونه ناوي على شي فيومي شهقت: لا يكون ينوي يحتنا هناك ويتسلل ويروح ويتركنا بروحنا بلا ماء ومأوى وميك أب جيرو: لاااااا بعدي صغير مابي امووت اوي انقذينا اوي: وانا وش بيدي يا عمري عمر روحي جيرو: بيدك اكل اوي: لااا الا طعامي هذا حقي لن اشاركه احد تبون تموتون موتو بروحكم ابي اشوف فلم الرعب مابي اموت ايكو: على الطاري شباب اليوم راح نتسلل لتحت بنص الليل ونشوف فلم الرعب اللي شريناه قبل كم اسبوع من المول وما شفناه مادوكا: بس تاكاشي قال لحد ينزل تحت بالليل ويحوس مطبخي وصالتي ومجلسي وجميع غرفي بلا استثناء ايكو: مصدق انت ابوي ما يقوم ابد بالليل وحنا ما راح نشغل اللمبات وخلاص انحلت مشكلة ابوي وتشيكا حالها حالنا اذا شافتنا بتقلط ما راح تفضح فينا بس المشكله مع ذاك اللي طوله نص متر في البيت كاتسومي: قصدك النشبه ميشي ايكو: عليك نوور انا: وجدتهااا الكل: وش عندك انا: وش رايكم نربطه ونرميه بالغرفه ونقفل عليه الباب فيومي: واذا سرخ وفضح بنا وسمع تاكاشي وعفسنا هيساكو: يصيير خير اذا حجت البقره ما راح يقوم ابوي لو تقتحم حراميه البيت اذا رفسنا راسه ما قام بس اذا اخذنا شي له وكسرناه عند الجيران بيسمع ويقوم ويكسر راسك كيجي: يعني حالة استثنائية مع اغراضه الشخصيه ايكو: بالزبط اوي: يلا وصلنا البيت داخل البيت بعد الوصول بدقائق الزبده انا: خبر سااار تشيكا تشيكا: استقبل وش عندك انا: اليوم بالليل راح نتسلل ونشوف فلم رعب تشيكا: اما عااد كان قلتو قبل اجهز الحب والفشار والمشروبات انا: ما درينا توها معلمتنا ايـ.. ميشي حاط يدينه ورى ظهره ويبتسم على جمب: بتثوفون فلم رعب هااه ايكو: جاانا المووووت انا بتوتر: هلا ميشي وش جابك قصدي وش تشرط ميشي: رحمتكم خلاث بثرط ثرط واحد خلوني اثوف معكم واكل انا انبسطت: بس يعني ما تبي فلوس صح ميشي: لا مابي اثلاً انا مليونير وثوله اثحذ(اشحذ للي ما فهم) من مفلثين فيومي: الا على تاري فلوسك انت من وين تحصلها ميشي: من اثياء خاثه بالتجاره ما راح تفهمون جيرو: طيب تكلم وش تسوي شايفنا خرفان ميشي: ليه انتم مو خرفونات؟ يووه حثبتكم خرفونات المهم اربحها من ثفقات انا: تشيكا ولدك طلع تاجر مخدرات واسلحة ممنوعة وقاتل مأجور وزعيم عصابه G.B تشيكا: يااااي ميشي: مجنونه انتي ولا وثو تحثبين كل الثفقات يثوونها المجرمين بث لا يا ماما فيه ثفقات ثريفه كاتسومي: وايش هي صفقاتك الشريفه نورنا ميشي: من بزران الحاره اعطيهم اثياء مخيثه واقول انها بتخليكم اغنياء ولا حلوين بعد ثنتين(سنتين)ويثدقون الاغبياء وابيعهم بثلاثين ومره لعبت على واحد قلعت ثني وبعته اياه قلت له انه ثن ديناثور وان البنات يحبونك اذا ثار معك لان البنات ما يحبونه وبعته بثبعين يوم قال غالي امي مو معطتني قلت له اجل اثرق هذا الثي نادر يثترى بالملايين احمد ربك بعته بثبعين بث ولا تعلم ابوك وامك لو درو بيثيرون البنات ما يحبونك انا: تشيكا ولدك طلع تاجر محتال تشيكا: يااااي على هالحاله بجيب خدامه تاكاشي: فيوومي فيومي: هلا عمي تاكاشي: روحي تجهزي فيومي: بس تونا ما دخلنا على العصر حتى وحنا بنروح المغرب تاكاشي: بس انتي اربع ساعات بس عشان تتروشين وتسرحي شعرك وتحطي مكياجك وتختاري ملابس وتلبسي يبي لك وقت فيومي: والسلق اللي معي؟ تاكاشي: لا ما عليك ذولا شباب شباب ما يبي لهم وقت طويل فيومي بدلع: اوكي بااي شباب قبل الطلعه بخمس دقايق انواع التفحيط بالبيت وتاكاشي معصب يقول لهم بسرعه تشيكا عند الدرج: بنااات من سرق كعبي الأسود فيومي: اووه سوري اجل هو حقك امسكي وترميه من فوق والكعب يتجه لناحيه تشيكا لكن الكعب انحرف عن منطقة تشيكا لمنطقه بجانبها وطاحت على راس كازوكي: اااه جبهتي انفلقت ما تشوفين انتي حولا ولا حولا فيومي: ما عندي وقت لك باقي كم شي بسويهم بعد دهر وصلو للملاهي تاكاشي: مابي احد يروح منا ولا مناك لا راح نوزع ايكو: لاااا لييييش تاكاشي تجاهلها: سته منكم مع بعض والسته الباقين مع بعض يا ويلكم ان تفرقتو اعطيكم كف على عينكم انا بروح لوحدي انا: عطنا القشطه من اعضاء الفرق تاكاشي: جيرو مادوكا كيجي اسامي ايكو تشيكا مع بعض كاتسومي كازوكي ميشي اوي فيومي هيساكو مع بعض اوي: لاااا ليش ميشي ليش عطونا كيجي نعطيكم ميشي ايكو: لا شايفتنا بننتحر ناخذه معنا ونعطيكم كيجي اوي: الشكوى لله مشينا شباب وتوزعو وعند بيت الرعب مادوكا: تهقون ندخله انا: تقول صديقتي انها دخلته مره وماتت من الرعب وطاحت على وجهها وانكسر خشمها جيرو: الله يرحمها تشيكا: خلونا ندخله اذا كان يخوف بننشر عنه مثل ما هو واذا كان ما يخوف بننشر عنه اشاعات لين يحرمون الناس يدخلونه كيجي: اخاف يتشوه وجهي زي صديقتها ايكو: لا ما عليك وجهك من حديد ما راح يجيك شي لا تخاف جيرو: خلاص قررتو ندخل الكل: ايه جيرو: الى الامام طر بعد ما دخلو كان المكان شبه ظلام وبعيد شافو هيكل عظمي يتحرك انا: شكله ياخذ راتب كبير عشان كذا يشتغل هالشغله تشيكا: ايه شكله ايكو: وش رايكم نفقع له وجهه عشان ما يشتغل هالشغله ثانيه ويعيش منتف بدون راتب تشيكا: ايه صح كلامك انا: برافو عليك يجي منك اكثر خلونا ننفذ بعد ما ينتبه لنا ايكو: انا باخذ بطنه تشيكا: حجزت وجهه انا: بكسر رجوله مادوكا: هالبنات فيهم شي جيرو: مدري بس افكارهم منتهيه كيجي: المسكين ما امداه يلقا لقمه عيشه البنات يمشون للرجال المسكين وعيونهم تشتعل حريقا الشباب يمسكون البنات جيرو: تعوذو من ابليس ما سوى شي المسكين تشيكا: الا سوى ونص مادوكا: وش مسوي تونا شايفينه الا بعد ما شفناه جسمه مغطى انا: قليل الأدب ايكو كملت كلامي: ياخذ راتب تشيكا: ولا يعطينا الشباب صنمو وبعد دقيقه ضحكو ويوم خلصو ضحك التفتو عليهم لقو الرجال يسبح في بحر دمائه امزح بس خشمه نزف كيجي: الرجال ماااات ايكو: اسكت فضحتنا لا ما مات لسا حي حتى قلبه يقول طربنق وكملو سيرهم وهم يكسرون ما تبقى من اجزاء في بيت الرعب ولابسين قفازات على اساس ما راح يعرفوننا وطلعو وتمشو منا ومناك وشافو باقي العصابه قاعده تتزلج في لعبة كما يسمونها في العربي الفصيح التزلج على الجليد الحاله في اللعبه: ميشي ماسك سور اللعبه خايف ما يعرف يلعب اوي و كازوكي مشكلين ثنائي نذل بس يتزلجون ويطيحون اللي قدامهم فيومي لاصقه بواحد مملوح تبيه يعلمها كيف تتزلج والمشكله النصابه تعرف هيساكو بتقلد المتزلجين المهره اللي تشوفهم بالتلفزيون وكل ما طمرت طاحت على وجهها كاتسومي ما شغلته الا يخوف ميشي اكثر وينتقل لهيساكو يتمسخر عليها وهي شوي وتعطيه كف تشيكا: وااو الصراحه شكلهم ملفت للانتباه هذا خايف وذي تتغزل وذي تطامر وهذا وذيك يطيحون وذا يخوف ويتمسخر انا: من جد انا غير قادرة على التعبير ايكو: خلونا نترك هذا ونروح للقطار يقولون ان اللي هون سريع بقوه تشيكا: وانتي الصادقه شوفو اسامي راح تركبين مع جيرو ايكو مع مادوكا وانا مع كيجي بس هااه دفعو اللي بالطابور عشان تركبون قدام ( بقول بدل انا اسامي) ايكو شمرت كمومها ومشت للعبه: افا عليك بس اسامي تلحقها: ابصم لك بالعشره بنركب قدام تشيكا: اوك شباب مشينا البنات والشباب يدفعون اللي قدامهم بنت تاقف بوجههم: انتم وش تبون صفو ورى ايكو مسكتها مع بلوزتها: نصف ورى يالخسيسه تعبنا وحنا نكفخ ودفعت البنت وصفو قدام كانت تشيكا وكيجي بالمقدمه واسامي وجيرو وراهم وايكو ومادوكا وراهم واشتغلت اللعبه جيرو يحس بغثيان وهي كل مالها وتسرع: توبه اركبها مره ثانيه توبه بس نزلوني اسامي مثله: انا اركبها قبل بس ما اتوب ابيي انززل تشيكا وايكو يغنون بصوت عالي لدرجة كل اللي راكبين سمعوهم بيصكونهم راشدي مادوكا يسجل اصوات الصراخ والغناء والناس المغثوثه ويضحك عليهم ما درى الا جواله طاير مع الهوا مادوكا: لااااا جوالي بليز ارجع كيجي صاير سكران من شدة الغثيان اللي حاس فيه وقفت اللعبه ابطالنا نزلو واولهم اسامي وجيرو ومادوكا كلهم شخطو للحمام(اكرمكم الله) تاكاشي راكب ذيك لعبة الاكواب اللي تدور مدري وش اسمها تاكاشي طايح فيها تاكاشي: طلعوني من هنا راسي يدوور حتى اني اشوف بصل وظلو لين شافو العصافير تلف حول راسهم في البيت الساعه 11 ايكو: شباب موعدنا بعد ساعه الكل: اوك الساعه 12 قامو يتسللون تقولون بيسرقون لهم شي تشيكا مجهزة الاكل قدامهم وبدل ما يجلسون على الكنب تسدحو ببطانياتهم على الارض تشيكا: ونشغل في منتصف الفلم كانت البنت تنحاش بمكان ظلام من واحد مسخ ماسك منشار ايكو تقشم حب: اتركها يا حقير يا جعلك السرطان البنت تلاقت مع مجموعتها بغرفه انخشت فيها الترجمه  ربما نموت جميعاً هنا ان لم نجد خطه وربما نضحي بالبعض) باقي المجموعه انصدمواسامي: لا وشو حرام انا بذبحه لعيونكم جيرو: هو الحقير هذا وش يصير لها تشيكا: ما دريت هذا اخوها الصغير حتى انه ذبح عايلتها وصديقتها ميشي حاط وجهه على وسادته ومتغطي ويرتجف: طفو الفلم مابي اثوفه بمووت بعد ما خلص الفلم جو بيشغلون ثاني فيومي: شباب اصبرو بروح اجيب دبدوبي واجي لا تشغلوه اوك راحت فيومي وبعد دقيقتين فيومي تركض بالدرج وتصرخ: لحقووو علي في يعسوب بغرفتنا اسامي طمرت: هاااه يعسوب يا ربي وش هالورطه وش كبره؟ فيومي: كبر اصبعي اسامي خافت: يعني كبير فيومي تهز راسها: ايوا مادرو الا تاكاشي نازل ومعه عصا ومبيد: وينه وينه كاتسومي: من هو؟ تاكاشي: اليعسوب كازوكي: اخبرك قلتي انه ما يقوم مع الصراخ هيساكو: ما دريت انه يخاف من الحشرات وراحو كل اللي في البيت يتسللون للغرفه نصهم ماسكين مبيد ونصهم الثاني عصايا تاكاشي: اسمعو اذا وصلنا بعد الى ثلاثه وادخلو ورشو ما درو الا اليعسوب طالع من الغرفه وكان بالممر بالضبط قدامهم تاكاشي: واحد اثنين ثلاثه انحاشو وكل واحد حط رجله وانحاش ودخلو كلهم غرفة جيرو وكاتسومي ومادوكا كازوكي: وش نسوي؟ تاكاشي: طبعاً راح نذبحه خلونا نلقي نظره للخارج وشافو اليعسوب قدام الغرفه لكن ما يدري عنهم لان وجهه بالجهه الثانيه تاكاشي بهمس: واحد اثنين ثلاثه رشو وكلهم قامو يرشون اليعسوب مات وتحلل جسده وهم لسا يرشون وبعد خمس دقايق وقفو وشافوه طايح تشيكا متقرفه: من بيطلع هالكائن الكل: مو انا تشيكا: اجل خلونا نصبر للصباح ونروح للجيران نقولهم يشيلوه الكل راح ينام الا واحد ما جاه النوم المسكين ميشي ميشي: توبه اثوف فلم رعب ثاني توبه ما احب افلام الرعب انتهى البارت الأسئلة:- اعجبكم البارت؟ .. المقطع اللي اعجبكم؟ .. فيه شخصية حبيتوها؟مين؟ «Ş๏ǗṪђ ώ๏ŖŁḋ» likes this. |
|
#62
07-26-2013, 10:55 PM
| ||
| | ||
| انتهى البارت الأسئلة:- اعجبكم البارت؟ .. حماااس في متاهة الموت مدري قطار الموت ههه و فيومي أحسها نشاز في نشاز ههه المقطع اللي اعجبكم؟ .. اسامي: لا وشو حرام انا بذبحه لعيونكم جيرو: هو الحقير هذا وش يصير لها تشيكا: ما دريت هذا اخوها الصغير حتى انه ذبح عايلتها وصديقتها ميشي حاط وجهه على وسادته ومتغطي ويرتجف: طفو الفلم مابي اثوفه بمووت بعد ما خلص الفلم جو بيشغلون ثاني فيومي: شباب اصبرو بروح اجيب دبدوبي واجي لا تشغلوه اوك راحت فيومي وبعد دقيقتين فيومي تركض بالدرج وتصرخ: لحقووو علي في يعسوب بغرفتنا اسامي طمرت: هاااه يعسوب يا ربي وش هالورطه وش كبره؟ فيومي: كبر اصبعي اسامي خافت: يعني كبير فيومي تهز راسها: ايوا مادرو الا تاكاشي نازل ومعه عصا ومبيد: وينه وينه<شكله داخل جوو كاتسومي: من هو؟ تاكاشي: اليعسوب كازوكي: اخبرك قلتي انه ما يقوم مع الصراخ هيساكو: ما دريت انه يخاف من الحشرات فيه شخصية حبيتوها؟مين؟ كيجي & جيرو خاقتن معهم بس مافي مقاطع كثيرة لهم و تشيكا المجنونة و الله أنها فلهــ
__________________  اللي يحب أنمي pandora hearts يكلمني في الخاص وشكراً |
|
#63
07-31-2013, 04:26 PM
| ||
| | ||
|
جميل
__________________ |
|
#64
08-04-2013, 08:01 PM
| ||
| | ||
| تاكاشي--خالد تشيكا--سحر ميشي--عبدالعزيز أسامي--ساره فيومي--غرور اوي--حصه هيساكو--هلا ايكو--يارا جيرو--فراس مادوكا--وليد كاتسومي--رائد كيجي--اياد كازوكي--احمد البارت الثامن في وقت الظهيره في صالة المنزل البنات والشباب متسدحين الكل: اوووف خالد مستغرب: وش فيكم انتم رائد: طفشنا نبي نطلع لكافي شوب ولا اي شي خالد: اطلعو احد ماسككم ساره: محد مسكنا بس خالد: بس ايش؟ هلا: ما عندنا فلوس عبدالعزيز يضحك: اثلن واضحه عمو انهم مفلثين ليث تثأل يارا: عزوز اذلف وفك عمرنا من ثرثرتك يا مزعج عبدالعزيز: انا اتذكر انه كان فيه كيكه بس وين راحت يارا في نفسها: يا ويلي ذا جني ولا ايش كيف كفشني انا كنت متخبيه كويس يارا: هههه يا حليلك عزوز تراي ما كنت اقصد اسفه هههه سحر تصارخ: خبر بمليووون الكل نقز: معك فلووس سحر: لااا طبعاً الكل خمد سحر: بس لقيت طريقه نكسب فيها فلوس غرور: انا كنت اقول لهم انك ولا احسن منك بس ما يسمعون الكلام ايش هي الطريقة؟ سحر: فيه مسابقه راح تقام اليوم خالد: اما عااد اهم شي الجائزه كم؟ سحر: لأن واحد من اغنياء البلد ساهم في المسابقه ارتفعت الجائزه حصه تحمست: كم كم سحر: 10000 اياد واحمد ضربو يديهم ببعض: احلى خبر خالد: انتم بتشاركون لو على موتي بتشاركون وليد: لو فزنا بنفرفر بالمحلات لين نقول اميين فرصه ما تتعوض سحر: بس فيه مشكله وحده فراس: وشو سحر: المسابقه مو صعبه مره على الناس الطبيعيين عبدالعزيز: انتي قلتيها مو ثعبه خلاث اجل مو مثكله سحر: مو صعبه على الطبيعيين بس انتم تحسبون نفسكم طبيعيين الكل: طبعاً لا سحر: خلاص اجل كيف بنفوز رائد: عشق المال يسوي اي شي لو نحارب كائن اسطوري حتى بنفوز سحر: لو افكر في هذا حنا هبل وبنسوي اي شي عشان الفلوس بعد انا ابي اشتري فستان خلاص بروح اسجلكم بالمسابقه خالد: لا تسجليني سحر: طبعاً ما راح اسجلك في المسابقه خالد: شباب ايش هو شعارنا الكل: الموت او الفلوس خالد: برافو يلا انطلقو لو اضطريتو انكم تذبحون المشارك الثاني ما عندي مانع اهم شي اشوف الجائزه قدام عيوني ما ابي انثبر بالبيت زي كل مره بنلف الاسواق الشباب وعزوز فازو بالثلاث مسابقات الأولى في المسابقه الرابعه الجري ...: 3 2 1 go يارا: علي الطلاق انكم ما راح تسبقوني وشخطت وفازت خالد حاط رجل على رجل ويصفق: كملو بس يا ملحكم وانتم تفوزون فراس: امسكوني عنه لا اعطيه على جبهته اياد: اذكر الله حصل خير في المسابقه الخامسه الثلاثة ارجل ساره: حنا لازم نفوز هلا: بناخذ الوسام الذهبي أأكد لك ميتين بالميه وفازو وفي سباق التتابع برضو فازو بقى السباق الاخير وهو الطبخ المشاركات سحر وحصه وغرور عطوهم طبخه محدده وبدو غرور: هدي اعصابك رورو انتي تاخذين حصص تدبير بنكون بخير حصه تاكل الشوكولاته: رهيييبه شوكولاتتهم سحر تفلقها: اطبخي يا خبل الحين يسبقوننا وبدو الطبخ واختارتهم لجنة التحكيم طبعاً لو سحر مو فيه كان اللي سووه مقطوط في الزباله(تكرمون) بعد ما وصلو للبيت خالد يشم: الله ريحة فلوس احمد: خلاص ياخي طفشنا درينا انها ريحة فلوس سحر: انا اللي قلت لكم عن المسابقه اول شي راح نروح له المحل اللي فيه الفستان اللي خقيت عنده وليد: بس مو المفروض اول نقسم الفلوس بيننا عبدالعزيز: ثح كلامك تعرفون رياضيات؟ الكل: لا انت تعرف؟ عبدالعزيز: لا فراس: انا اعرف شوي بعد خمس دقايق فراس: كلنا800 الا عزوز 400 عبدالعزيز: لا بالعدل يا وجه العنز فراس: عن الشتم ما ودي اطلق العنان للساني يتمخطر فيك على راحته اسكت احسن تراك عندك فلوس عبدالعزيز: طيب غرور: اقول سوسو سحر: هلا غرور: فيه هناك فساتين حلوه؟ سحر: شويه عليها حلوه غرور: قولي قسم لا اجل خوذيني معك اياد: فيه بنات مخفات قابلتهم بخليهم يعزموني على مطعم ويدفعون الحساب وبعدها افلها باللي معي احمد: مقابل بنات ولا تقول يا خاين اياد: لا تخاف بقيت لك شوي خذ منهم اللي تبي يعطونك الفلوس كاش ولا اللي تبي هلا: اما عااد وش تقول لهم انت؟ اياد: امي مريضه وانا هالايام محتاج فلوس بس ما عندي وتطلع من جيبها فلوس وارفض انا بس هي تحلف علي واخذ اللي ابي حصه: وربي انك زاحف طيب عطنا ياخي انا بعد ابي اكل فراس: وانتي اكبر همك بطنك حصه: افكوورس بعد فرفره بالمحلات في مقهى حصه: انتي ليش لابسه نظاره شمسيه غرور: عشان محد يعرفني ساره بسخريه: ليش لاحقتك عصابه ولا أنجلينا جولي على غفله حصه: ههههه حلوه حلوه غرور: انطمي تكفين النادل: ممكن اخذ الطلب غرور: يااااي وش اسمك النادل منكوب: الطلب لو سمحتم ساره: اتركيه بحاله المسكين غرور: روحي زييين، عندك صديقة؟كم عمرك؟ النادل بينحاش: بروح اخذ طلب الطاوله الثانيه غرور: خسااااره رفضني وش ناقصني بالله ساره: وايش اللي مو ناقصك انتي متى تعقلين بتتغزلين بشباب تبين تصاحبيهم روحي للي من نفس طينتك غرور تجاهلتها حصه: خلصونا انتي وياها طينه وتراب وحصه فنيه انتم نحشتو الرجال الحين انا كيف اطلب؟ اخاف اناديه يروح يستقيل بينحاش من حضرة جنابك غرور: اساساً كان خجلان ولا ليش ينحاش مني ساره بقلبها: لسى متعلقه بآمالها المعفنه ياختي محدن يبيك خايفين منك يحسبونك بتاكلينهم ساره: طيب اطلبي من احد ثاني ترى فيه غيره حصه تضحك: يا حليلك ما شفتيه يقص لهم القصه اكيد الحين يرتعشون خوفاً ويجي من بعيد واحد يستقوي بيسوي ثقيل لا ينحاش منها هو الثاني النادل: الطلب لو سمحتم غرور معصبه تضرب الطاوله بيدها: وش تبي انت النادل خايف: اااء با..خذ الطلب غرور: ما راح ياخذ احد طلبنا غير الحلوين انت شايف وجهك بالله النادل: لا والله ما شفتي نفسك يا شينة الحلايا غرور شهقت واشرت لنفسها: انا شينة حلايا؟ النادل: ايه غرور: يا تافه ما تدري كم قعدت على هالمكياج انت ووجهك والله ما الشين غيرك يا افغاني النادل: احترمي نفسك انا مو اصغر عيالك يا دلوعة بابا غرور بتقهره تبتسم: وافتخر بهاللقب النادل: ترى ابنادي على المدير غرور: يمه خوفتني شفت جسمي كيف يتنافض من الخوف تدري عاد ناديه ابسحره بجمالي واخليه يطردك يا ابو حنجره معفنه ساره تهمس لحصه: لو جا المدير وتكلم مع غرور بندخل ببلاوي حمرا وزرقا واحنا مو ناقصين بعد لثلاثه اسحبي غرور معك وخلينا ننحاش حصه: اوك ساره بصوت عالي: واحد اثنين ثلاثه النحشه وما شاف النادل الا غبرتهم غرور: ليييه سحبتوني كنت بعلمه الادب هو ومديره حصه: رورو سدي حلقك احمدي ربك عشاننا انحشنا اجل لو قعدنا هناك وش بيسوون فينا يمكن يسلقوننا ساره: بغيت اموووت ما درو الا فيومي تركض وتقول: هيه يا انت يا حلو يا خقه اصبر عطني رقمك طيب ساره تتنهد: تعالي نلحقها حصه شوي وتصيح: وانا متى اكل في المطعم اياد يلف وجهه ويحط قطرة عيون البنت: عبود ايش فيك؟ اياد يرمش عشان تنزل قطرة العين كأنها دمعه ويمسحها: لا ما فيني شي جميله جميله: الا فيك ونص قول لي من مضايقك اياد: بس ما ابيك تزعلين لا مو متكلم جميله: تكلم يا روحي ترى بالنهايه مالنا الا بعض ومابيننا اسرار اياد بقلبه: لا يكثر شينه وتتدلع عندي قال اسرار قال انا حتى اسمي وعمري الحقيقي ما تعرفينه حتى اللي اتصل فيه عليك هاتف عمومي اسمك بالشرق وانتي بالغرب اياد: بس عشاني احبك بقول لك هالشي جميله: تكلم كلي اذان صاغيه اياد يطلع النظره الحزينه: امي مرضت وطاحت علي وديتها للمستشفى بس اااء جميله بتوتر: بس ايش؟ اياد: ما اقدر اتحمل تكاليف العلاج تعرفين انا طالب جامعي وشغلي يالله يكفي مصاريف البيت جميله تمسك يده: ولا يهمك حبيبي انا راح ارسل لحسابك تكاليف العلاج واكثر بعد اياد: بس ما ابي اثقل عليك انتي دايم تصرفين علي بديت انحرج من نفسي اخذ من روحي وحياتي فلوس ما يصير جميله عصبت: عبود احنا ما بيننا هالكلام مافيه فرق بيننا كلنا ابناء آدم واحنا قلوبنا على بعض لازم نساعد بعضنا اياد: بس انا ما ساعدتك بشي جميله: الا ساعدتني بكثير انت اللي طلعتني من الحزن والظلمه اللي كنت فيها اياد بقلبه: طيب كان شغلتي اللمبه هههههاي اياد: يعني انا استحق كل هذا منك؟ جميله: طبعاً تستحق وبعد سوالف وتغزل ببعض جميله رن جوالها جميله: الو هلا دادي ....ايه برى البيت.... مع صاحبتي ميار بالكافي .... اوك هذاي راح ارجع بااي .. سوري حبيبي الجايات اكثر باي اياد بقلبه: لا ان شاء الله اياد: بااي جوجو... افف والله انها بلشه انا ما كنت بقابل بنات الا عشان ابوي قاطع الفلوس عني هو ووجهه يبيني استقل بحياتي واكون نفسي اي استقل واكون نفسي يرحم امك عند محل عطور قدام البائع كان فراس يحاسب وجمبه بنتين البنت1: ممكن رقمك يا حلو؟؟ فراس يناظرها من فوق لي تحت: سووري بس ما اعطي رقمي الا للصواريخ وانتي وصاحبك الله بالخير بس البنت2 معصبه: وش قلت يا قليل الأصل؟ فراس يبي يستفزهم: عفاريت عجايز قبيحات البنتين صدمه اول مره احد يقول لهم كذا وهنا المحاسب ما قدر يتحمل وقام يضحك لين قال امين فراس اخذ العطر وطلع ولسى البنتين متجمدات من الصدمه تجيه بنت: لو سمحت اخو.. فراس يقاطعها: اسكتي انتي الثانيه البنت اللي معها: وش فيه البنت لسى خايفه: مدري وش فيه كنت بسأله عن مكان محل وبغى يكسر جمجمتي عند وليد ورائد واحمد كانو بمركز العاب الكترونية بس بغلط من العصبية اثناء اللعب خربو اللعبه رائد: شباب تذكرون لما ينحاش خروف العيد مننا وليد واحمد: ايه رائد: قلدوووه وشخطو انحاشو وهم مخلفين ورائهم جريمه محدن عارف فاعلها<<هههه في مصارعة النساء<< اهم جزءههههه هلا: يارا انتي لازم تفوزين لازم ناخذ التلفزيون يارا: بكسر عظامهم من تحتهم لي فوقهم لين يحرمون يدخلون مسابقه مره ثانيه هلا: هذي اختي وبالاخير يارا هي اللي تكسرت واخذو المركز الخامس وجائزتهم ملابس بشكل تمساح ذيك الملابس التنكريه ما غيرها زي بطوط وميكي ماوس ومدري شنو يارا بتصيح: كنت ابي التلفزيون هلا: ما عليك على الاقل هالجائزه منها فايده يارا: قولي لي وشي الفايده هلا: نقدر نخوف عزيزوه بالليل عشان ما يطلع ثانيه ويكشف جرائمنا يارا فقت خشتها: ولك يخرب بيتك جبتيها كفك في المكتبه سحر تنقز من مكان لمكان تتبضع عزوز عند اللي تحاسب: هيه انتي المحاسبه تلف عليه وتبتسم: ايش تبي يا كتكوت عزوز: ليش انتي شينه المحاسبه انصدمت وبقلبها: لا كيف وين الكتكوت اللي قبل شوي عزوز ينفخ على اظافره: المهم ما علينا منك عطيني قلم بات مان المحاسبه متنرفزه: وليش ما تاخذه انت عزوز: ما اطوله المحاسبه: وامك عزوز: ايه امي الله يخليها لي قاعده تتثوق بالمكتبه وكل ما ثافت ثي تروح تركض لعنده كأنها ثايفه اوباما المهم خلثيني وراي اثغال عطيني القلم انا زبون يلا جيبيه المحاسبه تروح معصبه وتاخذ القلم وتعطيه: بـ 10 عزوز: يا ثلااام ثايفتني خبل من العثر الحجري تراه بأربعه يلا بث المحاسبه: لأنك قليل ادب عزوز: تراي ما ابي اكثر هرج معك بيعيه بأربعه ولا وربي بثماه لا اعلم مديرك يفثلك اقوله تلعب على الناث تغلي الاثعار لين ثارو ما يجون هنا المحاسبه ما عندها شي تقوله وبعدها عزوز راح يدور امه في مطعم خالد: ووو بعد ابي مكرونه باشاميل وبيتزا وسمك كل النوعين ودجاج مشوي وبيبسي دايت لأني مسوي رجيم النادله: يا سلااااام الحين كل هالاكل الطيب وبالاخير بيبسي دايت ولا بعد مسوي رجيم ما راح تفرق طلبت عصير ولا بيبسي دايت ولا بيبسي ولا ولا شي الوزن نفسه راح يزيد ويمكن اكثر خالد: لو سمحتي انا زبون هنا مو قطو شوارع النادله: وش دخل القطو بالسالفه خالد: مدري بس حسيت لازم ادخله المهم مو شغلك هذا شغلك تطسين تجيبين عشاي بسرعه وزيدي كبسه النادله: ما عندنا كبسات هنا خالد: هاه ليه ما عندكم؟ النادله: بالله عليك مطعم راقي ويبيعون كبسه تبي اصك هالقلم في جبهتك خالد: اوك طيب فهمت ريلاكس الحين انا جوعان طيب ابي عشاي النادله: ابلشتنا انت وعشاك هذاي بجيبه بعد ما رجعو كلهم تسدحو بالصاله تعبانين خالد: هاه بشرو بقيتو فلوس؟ الكل: شوور لا خالد: معروف مشافيح الحمدلله والشكر من يمسكون الفلوس يطيرون يصرفونها سحر تعطيه نظره من طرف عينها: وانت مستر خالد بقى معك شي؟ خالد: يووه نسيت لا رحت مطعم راقي وبلعت وقضت كل الفلوس اياد: اجل لا تقول اننا مشافيح يا اكبر مشفوح عرفته حصه: اقول اياد اياد: وشو حصه: اذا خلصت فلوسك طيب الفلوس اللي تكسبها من لعبك وين راحو؟ اياد: من جدك انتي تسألين طبعاً قضو كلهم هلا: كنت شاكه بالبدايه اننا خبول بس شكله الحين شكي بمحله ساره: براافو توك تعرفين اسم الروايه نفسه يقول اننا خبول ما تحتاج تفكير هلا توها تنتبه: ايه والله شكل السالفه كذا سحر: عشان كذا حنا خبول الله يخلف بس بناام خلاص تعبت وانا افرفر عزوز: وانا تعبت وانا اكاثر رائد: اوووخص من يكاسر انت؟ عزوز: ايه نعم رائد: والله الدنيا غداره غرور: وش سوت الدنيا المسكينه يا شرير رائد: مدري بس اشتهيت اقولها خالد: خلاص الحين تماديتو فراس بهمس: مدري من اللي تمادى هنا احمد: ليش وش سوينا خالد: شل كرشك وظف وجهك غرفتك ونام يلا كلكم نامو الكل: اوووف وراحو نامو انتهى البارت الأسئلة:- أعجبكم البارت؟ ... المقطع اللي عجبكم؟ ... اخطاء؟ ... اعجبكم تغييري للأسماء؟ بّـﻧَتْ خًاٌلِـتْهٌاٌ likes this. |
|
#65
08-04-2013, 11:13 PM
| ||
| | ||
| السلام عليكم أعجبكم البارت؟ يجنننننن مره ههبااااالل المقطع اللي عجبكم؟ مقطع اياد مع جميلة قسم بالله أنه غشاش و مقطع خالد مع النادلة اخطاء؟ ما درو الا فيومي تركض وتقول: هيه يا انت يا حلو يا خقه اصبر اعجبكم تغييري للأسماء؟ ايهه عجيبة و ميشي لابق عليه عزوز هه
__________________ اللي يحب أنمي pandora hearts يكلمني في الخاص وشكراً |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ? What if | سافانا | قصص الانمي المُستَوحاة و المصوَّرة | 260 | 04-25-2018 03:57 PM |
| هذا مصيري فى كوكَب ليس بكوكبي بين [الحُب و القتال] Dragon ball Z | тнє ѕησω qυєєη | روايات و قصص الانمي | 166 | 01-27-2014 10:53 PM |
| قلت لكي انت لي (روايتي الثالثة) | عبير الطفولة | أرشيف المواضيع الغير مكتمله او المكرره او المنقوله و المخالفه | 34 | 07-16-2013 07:57 PM |
| روايتي الاولى ^__^ ... | yuta | أرشيف المواضيع الغير مكتمله او المكرره او المنقوله و المخالفه | 15 | 07-01-2013 06:45 PM |
| مرحبا روايتي سبق طرحها لكن أحب أطرحها ثاني للي ما قرئوها روايتي الجديدة بين الحب و السراب | أيايكو | أرشيف المواضيع الغير مكتمله او المكرره او المنقوله و المخالفه | 12 | 02-05-2013 12:29 AM |
52Likes
العرض العادي
