|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#66
08-05-2013, 12:48 PM
| ||
| | ||
| المشاركة الأصلية كتبت بواسطة بّـنَتْ خًاٌلِـتْهٌاٌ  السلام عليكم أعجبكم البارت؟ يجنننننن مره ههبااااالل المقطع اللي عجبكم؟ مقطع اياد مع جميلة قسم بالله أنه غشاش و مقطع خالد مع النادلة اخطاء؟ ما درو الا فيومي تركض وتقول: هيه يا انت يا حلو يا خقه اصبر اعجبكم تغييري للأسماء؟ ايهه عجيبة و ميشي لابق عليه عزوز هه اووه سوري توي انتبه ما تعودت على الأسماء الجديده قريت البارت ثلاث مرات أتأكد انه ما فيه اخطاء بس شكلي ما ركزت على الاسماء ههه حتى بنت خالتي قالت هالاسم حلو عليه جا ببالي اخوي الصغير قلت اسميه نفسه بّـﻧَتْ خًاٌلِـتْهٌاٌ likes this. |
|
#69
09-21-2013, 04:38 PM
| ||
| | ||
| البارت التاسع الساعه 3:00 سحر تنزل من الدرج وتغني: تغار حتى من الهواء يا ويل حالي يا هواء خفف من الغيره علي خالد يفقع ضحك: يا مسكينه من بيغار عليك انتي ووجهك سحر كشرت: مو شغلك كيفي اغني خالد: اقول بدال ما تغنين روحي ساعدي ذولا سحر تروح عندهم: شباب ايش فيكم رائد: المعلمين قالو لازم نقرر بأي نادي بندخل اليوم ولا بيحطنا بالحجز ويوزعنا على كيف امه سحر: ادخلو اي نادي رياضي غرور: لااا تكفين لا الا النوادي الرياضيه تحوم الكبد فراس: مالي خلق اتحرك ابي شي انام فيه سحر بغباء: ادخل نادي النوم وليد بيغمى عليه من الضحك: ما فيه نادي اسمه نادي النوم الله يفشلك سحر: سووه انتم حصه: مو فاضين بعد من جدك بيوافقون على هالنادي اللي مافيه شي يفيدهم عن نفسي اقترح نادي الاكل غرور: نادي التجميل هلا ويارا: نادي البلاي ستيشن رائد: نادي مافيه حصص بعد اليوم اياد: على كيفك انت انا اقترح نادي الافلام وليد: نادي اجلس على الكرسي احمد: عط اللي قدامك كف رائد: يعني اعطيك كف؟ احمد: لا لاتعطيني اعني النادي اللي اقترحه رائد: اييه حسبتك تقصد اعطيـ.. احمد: لا انت لا عاد تتخيل شي من نفسك ما يجي منك خير بغيت اروح وطي لو ما سألتني غرور: طيب انت لو كان فيه نادي زي كذا مو راح تتسطر انت الثاني؟ احمد: لا انا المدير محد يسطرني بس انا اسطر هلا: يا سلام عليك بس هذا وجهي ان دخل احد ساره: انا اقترح نادي احرق معلمك تكسب حب الجميع سحر مبققه عيونها: وش هالنوادي يا جعلكم للي منب قايله ما ينفع احد يخليكم تقترحون عزوز: عن نفثي اقترح تدخلون نادي الفلوث الكل اعجبته الفكره سحر: اذا جبتو الفلوس من النادي اشترو لي ملابس ساره: على خشمي يارا: اقول صوص حصه: كم مره قايله لك لا تناديني صوص يالدجاجه يارا: اجل اناديك نعامه ولا بطه؟ حصه: لا تناديني شي ولا تكلميني فكيني من صوصك فراس: اقول شباب الكل: نعم فراس: بكرا بنقدم طلب لاستاذ مها اننا بنسوي نادي الفلوس خالد مستغرب: عندكم استاذ اسمه مها؟!! وليد: لا بس هو يتصرف زي البنات فسميناه استاذ مها احياناً اشك انه بنت متنكره حاله غريب غرور: انا ما يعجبني شي بهالاستاذ الشي الوحيد اللي يعجبني فيه انه يعرف يسوي تسريحات ساره: لا تنسون الجزء الاهم تراه يتمايل بمشيته كأنه بنت سحر: ونعم الرجل اياد: اقول سوسو يا بعد طوايفي كلهم سحر: يا شين المصلحه وش تبي اياد: انا تأخرت ثلاث ايام وقال المعلم يا انك تجيب ولي امرك او اننا نحطك بالحجز الخاص السري جداً جداً سحر: طيب ليش ما قلت لخالد يجي معك عشان ما تنحط بالحجز الخاص السري جداً جداً اياد: قلت له بس يقول انا واحد ما اهتم الا بأنا اسأل سحر يمكن ينسحر ببشاعتها ويستقيل ههههاااي سحر معصبه: خوييلد تتجرأ تقول كذا خالد انحاش لآخر الصاله خايف: كنت اقول تسحره بجمالها بجمالها سحر تطقطق اصابعها: العب على غيري الشباب ماسكينها لا تذبحه احمد: لا يلعب عليك الشيطان ترى كلنا اهل وادري ان قلبك طيب وبتسامحينه سحر: بلا قلب بلا قفص صدري فكوني عليه يارا تصفر وتصفق اخر الصاله: عاشت سحر يلا خوفيه اكثر خليه يذوق طعم العذاب هلا: اطلقو الاسد الى فريسته يا جعلكم الماحي ساره: تهقون ذولي بناته؟ غرور: يمكن لقطهم من الشارع حصه: ايه شكل السالفه كذا خالد: لا تضربيني توي شباب سحر: من قال اني بضربك؟؟ ومن قال انك شاب انت ووجهك؟ خالد: ليه اجل وش بتسوين؟ سحر بابتسامه عريضه: بسحب منك مفاتيح السياره خالد وقف وتعدل: على كيفك تسحبينهم مني سحر: عزيز جيب جوالي بستقيل من هالشغله خالد: لا تكفين لا تستقيلين سحر: انا وشو؟ خالد: انتي زهره بين الزهور سحر: شااطر ومفتاحك بيقعد وين؟ خالد: عندك سحر: وبتروح لدوامك بوشو؟ خالد: بتاكسي سحر: ما شاء الله عليه اذا بغى صار يعرف كل شي واذا بغى صار غبي خالد: انا غبي ؟؟ ياا.. سحر: الجواااال خالد: انا غبي غبي يوم صعدت سحر فوق خالد: الله ياخذها سحر: عزوز الجوال خالد: سحر انتي تدرين اننا رفقه عشرين سنه منذ الطفوله وتعرفين اني احبك سحر: ادري اصلاً من ما يحبني؟ خالد بنفسه: قسم بالله لو ما كان فيه هذي الظروف لافرش وجهك بالجدار من بكرا الصبح بالمدرسه وعند استاذ مها فراس: استاذ حنا بنسوي نادي من نفسنا يناسب شخصياتنا وحنا كلنا اعضاء فيه استاذ مها: نوروني بابداعاتكم فراس: نادي الفلوس استاذ مها عقد حواجبه: يا جعلكم ما تربحون انتم للحين ما عقلتو تدرون عاد انا بختار النادي اللي بتدخلونه يارا: مسوي لي فيها مهايطي تقلع بس تقلع كلمتنا هي اللي تمشي هنا وبنسوي هذا النادي استاذ مها: الحجز الخاص السري جداً جداً اياد: بس حنا اتفقنا على الحجز العادي استاذ مها: انتم ما يمشي معكم هالكلام ها وش تختارون؟ الكل: نورنا استاذ مها ابتسم: نادي المسرح فراس: استاذ شكل عربيتك الله بالخير الظاهر تقصد نادي النوم حصه: نادي الاكل غرور: نادي التجميل استاذ مها معصب: قلت المسرح الكل: المسرح دخلو النادي وعطوهم مشهد يمثلونه عشان يختبرونهم وكل بنت وولد لازم مع بعض فراس وساره ساره: دحيم يرحم امك انقلع عن وجهي فراس: كيف انقلع عن وجهك يا سبيكه وانتي خليتيني عصفور يموت بعشه مديره النادي: قطع .. خير خير انتي وياه خير فراس: وش سوينا؟ مديره النادي: اسألو وش ما سويتو هذا تمثيل بالله؟ وبعدين ليش تلاعبتو بالحوار ساره: اوه ماي قاد ما تعرفي الارتجال مديرة النادي: الارتجال ما يعني انكم تخرصون حوار من عندكم ولا بعد مغيرين الشخصيات برا ولا عاد اشوفكم موطوطين هنا براا طلعو فراس: من جد وحده ما تقدر الفن اصلاً حنا موهوبين بالموهبه بس هي ما تقدر تمثيلنا الذهبي ساره: يمين بالله لو استاذ مها مو قدامنا كان مسكت كشتها وصفقتها بالجدار وطلعو الكل مرفوضين استاذ مها: انا خاب املي فيكم الكل: طيب؟ استاذ مها: اقول خاب املي رائد: وش نسوي لك ؟ استاذ مها: ما ينفع الواحد يحسسكم بالذنب اقول ترى بدخلكم نادي اقضب كتابك وانت ساكت غرور: اقول استاذ استاذ مها: نعم غرور: ادفن نفسك وانت ساكت استاذ مها بلع ريقه هلا تضحك: قال كتابك قال استاذ مها: بدخلكم نادي للرسم تعرفون ترسمون؟ الكل: فاشلين استاذ مها: الخياطه الكل: مستحيل استاذ مها: الطبخ حصه: ممكن اكل بس ما اطبخ اياد: غيره استاذ مها: ظف المقاريد احمد: ههههههه ظف المقاريد هههههه غرور: وشو ذا بعد استاذ مها: تتعاملون مع الناس الفاضيه اللي تغيب عن الحصص وتضرب وراعين المشاكل بشكل عام يارا مبتسمه: مو شينه هلا: الا تهبل خلاص بندخله اياد: من المعلم المسؤول؟ استاذ مها: انا في البيت الكل يدخل ويغني: مقادير يا قلب الهنا مقادير يا حظي انا سحر: هاه بشرو فراس: نادي ظف المقاريد سحر: ظـ ظف المقاريد!! ساره: ايه سحر فقعت ضحك: وش هالنادي البايخ ذا من مطلعه؟ وليد: ومن غيره سحر: لا يكون مها وليد: عليك نور سحر فقعت ضحك ثانيه: من جد محد بمدرستكم صاحي غرور: الا فيه سحر: مين؟ غرور: فاديه الدافوره سحر: دافوره ولا نافوره ههههههه حصه: سامجه لا عاد تنكتين سحر: هههه ادري هههه بس ذي مجنونه مو عاقله غرور: ليش مجنونه؟ سحر: فيه احد يدرس بهالقرن؟ احمد: وانتي الصادقه ساره: ما تصدقين دفارتها مكينه مو بنت سحر: ما عليكم من المتخلفه ذي سويت غداء يهبل تعالو راحت سحر وجو بيلحقونها عزوز ماسك بطنه: لا تصدقونها نصابه انا انصحكم انحاشو قبل ما يجيكم الموت فراس: تعالو ننام بس الكل: يلا انتهى ادري قصير بس هذا اللي جا ببالي اسفه كثيير على تقصيري الايام اللي فاتت لي اكثر من شهر ما نزلت شي الاسئلة:- اعجبكم البارت؟ .. ايش المقطع اللي اعجبكم اكثر؟ .. حبيتو الشخصيه الجديده استاذ مها؟ Princess Maya and South world like this. |
|
#70
09-22-2013, 08:47 AM
| ||
| | ||
| السلااام... من زمان ما قريت بارتات... هههه بس هذا البارت مضحككني فيه الأستاذ مها أتخيل الشكل بس الاسئلة:- اعجبكم البارت؟ ❤Wonderful❤ ايش المقطع اللي اعجبكم اكثر؟ استاذ مها: نوروني بابداعاتكم فراس: نادي الفلوس استاذ مها عقد حواجبه: يا جعلكم ما تربحون انتم للحين ما عقلتو تدرون عاد انا بختار النادي اللي بتدخلونه يارا: مسوي لي فيها مهايطي تقلع بس تقلع كلمتنا هي اللي تمشي هنا وبنسوي هذا النادي استاذ مها: الحجز الخاص السري جداً جداً اياد: بس حنا اتفقنا على الحجز العادي استاذ مها: انتم ما يمشي معكم هالكلام ها وش تختارون؟ الكل: نورنا استاذ مها ابتسم: نادي المسرح فراس: استاذ شكل عربيتك الله بالخير الظاهر تقصد نادي النوم حصه: نادي الاكل غرور: نادي التجميل استاذ مها معصب: قلت المسرح حبيتو الشخصيه الجديده استاذ مها؟ أكييد أحس بيصير أكشنات بوجوده 😁
__________________  اللي يحب أنمي pandora hearts يكلمني في الخاص وشكراً |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ? What if | سافانا | قصص الانمي المُستَوحاة و المصوَّرة | 260 | 04-25-2018 03:57 PM |
| هذا مصيري فى كوكَب ليس بكوكبي بين [الحُب و القتال] Dragon ball Z | тнє ѕησω qυєєη | روايات و قصص الانمي | 166 | 01-27-2014 10:53 PM |
| قلت لكي انت لي (روايتي الثالثة) | عبير الطفولة | أرشيف المواضيع الغير مكتمله او المكرره او المنقوله و المخالفه | 34 | 07-16-2013 07:57 PM |
| روايتي الاولى ^__^ ... | yuta | أرشيف المواضيع الغير مكتمله او المكرره او المنقوله و المخالفه | 15 | 07-01-2013 06:45 PM |
| مرحبا روايتي سبق طرحها لكن أحب أطرحها ثاني للي ما قرئوها روايتي الجديدة بين الحب و السراب | أيايكو | أرشيف المواضيع الغير مكتمله او المكرره او المنقوله و المخالفه | 12 | 02-05-2013 12:29 AM |
52Likes
العرض العادي
