البارت العاشر
الساعه 8:30 م
سحر تدور بالصاله وتقرض اظافرها
اياد: شوي شوي على اظافرك شفيك
سحر: يا ربيه مدري مدري
اياد: اقول انتي هدي شوي وش المصيبه هذي اللي خلتك تاكلين اظافرك واصابعك معها
سحر تلف عليه فرحانه: بتساعدني
اياد يناظرها خايف: ذابحه احد انتي وتبيني اخبي الجثه؟
سحر: لا لا وين اذبح احد انا المرهفة المشاعر اذبح
خالد متربع على الكنب يقشم حب: مره واضحه فيك الرهفه
سحر: انت انطم
اياد خاف اكثر: ضااربه وزير
سحر: انهبلت انت وش اللي ذابحه وضاربه وزير وين حنا فيه
اياد ارتاح: اجل وش سالفتك
سحر: انا وزوجي حنا منفصلين بس خايفه انه يخونني وابي اعرف بس مدري كيف
اياد: انا اجيب لك الحل والملح
سحر: سوري بس انا افضل السكر
اياد: اقول خلينا من هالسماجه واجمعي السناجب بكرا الصبح لازم نتناقش عن قضيتك
سحر تناظره ورافعه حواجبها
اياد: نعم!
سحر: من متى انت مثقف؟
اياد يصفق راسه بالجدار: ترى مو بس المثقف اللي يقول نتناقش وقضيتك
سحر: لا بس يعني ما عمري سمعتها من خبل
اياد يمشي: مثل ما قلت
سحر: طيب
بكرا الصبح الكل مجتمع
سحر تناظر خالد: وش جابك انت من عزمك
خالد: وليد
سحر: وانت ليش عازمه
وليد: يمكن يفيدنا
سحر: لو جايب بداله قرد ابرك
خالد: اذا انا قرد فأنتي غوريلا
سحر: تبا لك
اياد: مثل ما تعرفون ما يجي من جمعاتنا الا المصايب
الكل: طبعاً
اياد: سحر تبي تعرف اذا زوجها يخونها او لا وانا وافقت اننا نساعدها
غرور: انا عندي خطه
اياد: اتحفينا
غرور: نكلم عليه ونسأله اذا يخونها او لا وش رايكم؟
ساره: رورو
غرور: هلا
ساره: من الآخر انتي وحده فاشله وما عندك سالفه انا اقول نستأجر قاتل ويريحنا منه ومن البنت اللي معاه
رائد: ما معنا فلوس
احمد: تدرون وشو احسن حل
الكل: وشو
احمد: نهدده ونهدده ونهدده واذا تكلم نرميه بالبحر واذا ما تكلم نرميه بالبحر
فراس: جانا الغبي الثاني قولو لكونان يساعدكم وخلصونا بلا عوار راس
حصه: كونان مو موجود
فراس: الا انا شايفه قبل كم يوم يوم رجعنا من المدرسه كان يمشي بالحديقه
يارا: يا احمق هذاك واحد لابس ملابس على شكل كونان
فراس منصدم: ابن الذين لعب علي
هلا: انت الغبي الي صدقت انا اقول خلونا نلحقه ونعرف وين يروح
سحر: مو غبي بيعرف انكم تلحقونه
عزوز: يمه مثدقه اثلاً اكيد يخونك روحي اضربيه مباثره بلا جواثيث بلا بطيخ
سحر: من جدك انا المسه ذبحني
حصه تاكل بطاطس: فيه عرافه بالحي روحو اسألوها
الكل يناظرها منصدم
حصه حست بالنظرات ورفعت راسها: قلت شي غلط؟
اياد: جبتيها يا بنت ابوك
هلا تهمس لاياد: خلنا نرشي العرافه عشان تقول انه ما يخونها ونطمن سحر
اياد: هذا الي ناويه
هلا: كفو
الساعه 9:00 م عند العرافه
العايله كلها صافه عندها
العرافه: كل ذولا انتم
خالد: ايه كل ذولا حنا قولي ما شاء الله لا تصكينا عين
سحر تهمس له: للمره الثانيه ليش قاط
خالد: عازمني عزوز
سحر شوي وتصيح
العرافه: وش تبون تعرفو
سحر: زوجي ابي اعرف اذا يخونني ولا لا
العرافه تغمض عيونها بقوه بعدين تفتح: لا ما يخونك
سحر: جد
العرافه: ايه ولا احتك بأي امرأه ثانيه
سحر طلعت مستانسه وطلعو وراها
اياد يعطي العرافه فلوس: هذي فلوسك
العرافه تبوسها وتعدها مستانسه
اياد: الله يخلف وطلع
في البيت
خالد: مزعجتنا من الصبح زوجي يخونني زوجي يخونني اخرتها ما يخونها بقره
سحر: انت الي جاي بدون دعوه ثور
حصه: وانا نسيتوني
احمد: وش تبين
حصه: فلوسي انا الي الهمتكم
فراس: مدحناك ما يكفي؟
حصه: لا ما يكفي ابي فلوسي
سحر: بسوي لك كيكه
حصه وهي تناظر فوق: مابي ابي فلوسي
سحر: حصه بسوي الكيكه الي تحبينها
حصه ماسكه بلوزتها بقوه: مااابي ابي فلوسي
الكل: كييييكه
حصه تكشر: طيب الله ياخذكم
سحر وساره يضربون يديهم ببعض: يييس
حصه تصعد فوق: ابيها بعد ساعتين
سحر: من عنوني
بعد ساعتين
سحر بالصاله تقلم اظافرها
حصه تنزل: وين الكيكه
سحر رفعت راسها بعدين نزلته: بالثلاجه
حصه راحت للمطبخ فتحت الثلاجه وصرخت وراحت للصاله
سحر: شفيك
حصه فيها الصيحه: ويين كيكتي
سحر: بالثلاجه
حصه: لا مافيه شي
سحر: خلاص ما يحتاج كل ذا اسوي لك ثانيه
حصه: لااااا ابي كيكتي الحين
سحر: اكيد احد اكلها دوريه وقاضيه انا شدخلني
حصه تركض: انا اوريه
سحر وهي تقلم: عليك به
في غرفة فراس و وليد و ورائد
حصه تدخل: اعترفو
رائد: نعم!!
حصه: من اكل كيكتي اعترفو
فراس فاقع ضحك: ههههههاي اكلووها امدا توها مزينه يا مسكينه
حصه: اسكت بس يلا اعترفو من اكلها
وليد: مو حنا
حصه: افتحو فمكم طيب
رائد: لا حوول
حصه: افتحوو اشوف
الكل فتح فمه وهي تشم فم كل واحد
حصه: خلاص مو انتم سكرو فمكم
وليد: شفتيي
حصه: فراس وليد رائد
الكل: هاه.. نعم ..خير
حصه: مفرشين انتم الصبح؟
الكل: لا
فراس: ليه؟
حصه: ريحتكم خايسه انقلعو فرشو
وطلعت
في المجلس
عزوز يلعب بلاي ستيشن
حصه تدخل: عزووووز
عزوز يلف عليها وفمه كله شوكولاته: هااه
حصه مبققه عيونها: اانت
عزوز: اخلثي وث تبين
حصه: انت مااكل كيكتيي
عزوز: والله مو انا
حصه: الا انت يا مسود الوجه
عزوز: طيب ليث متأكده يمكن مو انا
حصه: الا انت فمك كله شوكولاته
عزوز يناظر نفسه بالمرايه: يوووه نثيت اثار الجريمه
حصه: اثار جريمه اجل هااه انقلع جب لي غيرها لا بارك الله فيك
عزوز ينحاش: والله ما اجيب لك ثي يا خرفونه
حصه تلحقه: وين رايح رجع لي كيكتي
عزوز: يمه انقذيني
سحر تحط مناكير: المجرم يبقى مجرما رجع الكيكه
عزوز: هين خل اثوفك تبين مني فلوث والله ما اعطيك
سحر تنفخ على اظافرها وتبتسم: اوك لا تعطيني
عزوز انقهر: ايه ما راح اعطيك
حصه مسكت بلوزته: مسكتك
عزوز عضها على يدها وانحاش
حصه تصرخ: ااي يدي خير
عزوز يمد لسانه: احثن
حصه: انا اوريك
في غرفة اياد واحمد
اياد كان يشوف فلم واحمد يكلم بالجوال
.....: احمد
احمد: عيونه
.....: انت تحبني؟
احمد: طبعاً احبك يا قلب احمد انتي
.....: اجل خلنا نتزوج
احمد ابتسم على جنب: لا تاخذيني بجديه انا لعوب
.....: انت الي خليتني اكون جديه
احمد: ياميار يا حبيبتي انا نبـ....
عزوز فتح الباب بقوه ودخل وقفله
حصه تضرب الباب: عزيز ووجع افتح لا يصير الي ما يرضيك
عزوز يتنفس بقوه: ما راح افتح لو اموت
اياد معصب: اسكتو مقدر اركز مع الفلم
ميار بغيره: احمد وش هالاصوات الي عندك
احمد توتر: ما عليك ذولا اخوياي
ميار بغيره اكبر: بس انا سمعت صوت بنت
احمد: ما عليك ذي اختي
ميار: بس انت قايل ما عندك خوات
احمد: ايه هذي خوية صديقي
ميار بشك: اكيد؟
احمد: ايه اكيد يعني بكذب عليك مثلا
ميار: اها
احمد: طيب حبيبتي الحين انا تعبان بنام واول ما اقوم بكلمك
ميار: اوك باي
احمد: باي وسكر
احمد يلف: بسم الله من وين طلعت
عزوز: من بطن امي
احمد: يا ظرييف اقول وش تبي
عزوز يبتسم بسخرية: اجل خوية ثديقي هاه
احمد: وش اسوي ما لقيت شي اقول لها غير كذا
عزوز: هذي خويتك؟
احمد: يب
عزوز رجع يبتسم بسخرية: وين وثلت؟
احمد: موعد لاكثر من ساعه
عزوز: ما اقثد وين وثلت معها اقثد كم رقمها
احمد: مدري مسجل بجوالي خذه
عزوز: لهالدرجة غبي؟
احمد: لا تشتم لا اردها مرتين
عزوز: خوفتني المهم انا اقثد كم رقمها بين خوياتك الي قبل الثابعه او العثرين؟؟
احمد: على ما اظن هي خويتي الـ 27
عزوز يضحك: توك باول الطريق انا مرقم ميه واثنين وثبعين بنت
احمد: يلا بس طير بنت اول ابتدائي الي عندنا وتخب عليك ولا بعد رافضتك
عزوز: كل تبن
احمد: لا تحسبني بكمل الطريق بنفصل عنها قريب وبوقف عن الترقيم ومن هالسوالف
عزوز: ليه؟
احمد ابتسم: لقيت طريقي
عزوز: خف علينا
وكل هذا الوقت وحصه تطالب بكيكتها عند الباب واياد يتهاوش معها من الجهه الثانيه من الباب
اياد عصب اكثر: ورى ما تسكتين جعلك المر الفلم خلص وانا ما فهمت الاحداث بسببك
حصه: ترى ماتو الي يشوفون افلام رومانسيه و ماعلي منك ابي كيكتي
اياد: وش دخلك انتي اذا كانو ماتو يا جعلك تلحقينهم انقلعي انتي وكيكتك
حصه: كيفي وما راح الحقهم وابي كيكتي
اياد: متى نفتك منك بس الا كيف عرفتي انه رومانسي
حصه: اسمعها تقول i love you تحسبني ما اعرف عنقليزي
اياد: لا متأكد انك ما تعرفين لان هذي الجمله الوحيده الي تعلمتيها بعد هالسنين ومبلشتنا فيها بعد
عزوز: يوووه انتي للحين عند الباب انقلعي بروح للحمام(اكرمكم الله)
حصه: جيت يا مسود الوجه رجع كيكتي لا اكسر الباب واذبحك
عزوز: يمه خوفتيني ثفتي كيف جثمي يتنافض من الخوف تدرين عاد انا من زمان ودي اعرف كيف يعيثون الاموات
اياد: الاموات ما يعيشون يا ذكي
حصه تضرب اقوى: اجل تعاال اعلمك كيف يعيشون
عزوز خاف: تكفون خبوني المجنونه بتذبحني
احمد يبتسم: الحين تترجى
عزوز: تكفون مافيه وقت بينكثر الباب خلاث
اياد: عشرين
عزوز: موااافق بث خبوني
اياد واحمد خبوه بالدولاب وفتحو الباب
حصه: وينه وينه
اياد يجلس ويحط رجل على رجل: من تقصدين؟
حصه: لا تستغبي اكيد عزوز
احمد: نط من الشباك الحقيه
حصه:شكرا وطلعت
اياد انصدم: صدقت كيف
احمد ابتسم بحنان: غبيه وبدى يضحك
اياد يناظره مستغرب: مجنون على ايش تضحك وطلع
احمد انسدح ونسى عزوز: غبيه ومافيها ذرة انوثه بس احبها
عزوز بالدولاب مبتسم: يا حليله يحبها
وقعد بالودلاب ينتظره يطلع
انتهى
اسفه كثيير على التأخير والله مستحيه منكم مو عارفه ايش اقول
الأسئلة:-
اعجبكم البارت؟
..
المقطع الي اعجبكم؟
..
بترجع كيكة حصه؟
..
تفاجأتوا ان احمد يحب حصه؟
..
شي ودكم تقترحونه علي او تبون تقولونه لي؟

وحشتينا ي بنت
تفقعت من الظحك وربي
ياخي اوووم البارت حلو
مالي خلق احل الاسئلة
توني طالعة من اختبارات هههههههاي
ضربت ابو ام الفيوزات
اخبارك ي فتاة >>> صباح الخير اقصد مساء

__________________
.

فضَفضَة ❝ | نظَراتٌ المَسُتٌبد | للفن حوآآر

انتو كمان
ههههه دوم الضحكه
هههههههه
منيحه .. مساء الخير
اخبار الاختبارات معاك؟

البارت الحادي عشر
اجازة نهاية العام بدت
في ثاني ايام الاجازة
في مدينة ما في منزل لا يقتحمه الناس خوفاً من اصحابه
حصه كانت مرتديه كعب غرور تتميلح فيه وهي تنزل من الدرج كادت ان تسقط لكن ...
وليد بابتسامه: انتبهي لطريقك
حصه حمر وجهها: اوه اسفه وشكرا
وليد: العفو
ونزل الدرج وراح بطريقه
اما بالنسبه لحصه فهي واقفه على الدرج رااايحه فيها
سحر تصعد الدرج وتشوف حصه وجهها احممر: حصه حصه
حصه مو لمها
سحر خايفه تتلمس وجه حصه: شفيك تعبانه؟ اوديك الطبيب؟
حصه رجعت للواقع: هاه لا لا ما يحتاج انا بخير
ونزلت
سحر استغربت بس حست انها بخير وكملت طريقها
حصه بالمطبخ تعمل لها هامبرجر
وهي تقلبها جا الزيت على خدها وصرخت صرخه خفيفه وقصيره
وفجأة حط احد على خدها ثلجه وحط يده على كتفها وجتها قشعريره بكل جسمها
وليد حس فيها وضحك بصوت منخفض
حصه التفتت على ورى لقته وليد حمر وجهها وعلى طول لفت قدام ورجعت تقلب ومتوتره
حصه بصوت مرتبك: خلاص روح ما صار لي شي
وليد: الا بلا صار خدك احترق وتقولين ما صار شي لازم على الاقل احط هالثلجه عشان ما تتشوه بشرتك
حصه اخذت منه الثلجه: خلاص ررح انا اعرف احطها
وليد: ما تبيني ابوس المكان عشان يطيب؟
حصه وجهها تحول طماطه وخلاص الرؤيه تشوشت قدامها وصرخت بصوت عالي: هااااااه
وليد يضحك: امزح معك يا بنت الحلال .. وطلع من المطبخ
حصه بعالم ثاني كل تفكيرها بالموقف الي قبل شوي
فجأه تدخل عليها يارا وتقطع تفكيرها: حصصصه يالمجنونه الهامبرجر احترقت والمقلاة تطلع دخان
حصه لفت على المقلاة ويوم استوعبت السالفه قامت تكح
يارا باستهزاء: صباح الفل اقول تصرفي مع هالدخان قبل ما يشب ..وطلعت
حصه سكرت على النار ورمت الهامبرجر وحطت المقلاة على جنب وغطتها بغطاء وراحت صعدت فوق ودخلت غرفة النوم وفتحت الثلاجه بعدها عقدت حواجبها وقامت تفتش بعدين لفت على غرور الي كانت تتمنكر: غرور ما تعرفين وين البيبسي حقي الي كان بالثلاجه؟
غرور: لاا ما بعرف
حصه لفت على سارا الي كانت تقرأ رواية: سارا وانتي ما تعرفين وين البيبسي حقي؟
سارا رفعت راسها: قصدك البيبسي الحلو البارد الي كان بالثلاجه؟
حصه عقدت حواجبها: اي
سارا ببرائه: هو حقك؟
حصه عصبت وبصراخ: ااييه حقي ويينه؟
سارا وقمه الهدوء يعتلي ملامح وجهها: جا فراس يبي بيبسي ولقيت هذا وعطيته
حصه جن جنونها: ليييش تعطيينه؟ انتي بأي حق تعطينه شي من املاااكي هاه؟
سارا: مسكين رحمته كان يبي البيبسي مره محتاجه
حصه متنرفزه: هو قال انه محتاجه؟
سارا ارتبكت: لا بس انا شفت بعيونه انه كان يبيه ومحتاجه مره
حصه معصبه: الله لا يوفقك انتي و عيونه قومي رجعيه لي لا بارك الله فيك
سارا عقدت حواجبها: لا عيب
حصه قامت: شكلي انا بروح استرجعه
سارا بترجي: لاا تكفين بتفشلينا قدامهم بيقولون متمننين علينا ببيبسي
حصه: انتي اوص ولا كلمه لا اذبحك الحين
سارا بلعت ريقها وسكتت
في غرفه فراس ووليد ورائد كانو يضحكون وفجأه تدخل عليهم
حصه: وييين حبيبي طلعوه ابيه الحين
فراس: بسم الله الرحمن الرحيم من وين طلعتي انتي؟
حصه: من بطن امي
رائد: هاهاها سامجه
حصه ولا همها رائد اساساً ما سمعته مشت بخطوات سريعه ومسكت فراس مع ياقته وقالت: طلع حبيبي
فراس خايف: من وين اطلعه ووش حبيبه اصلاً عندك حبيب؟
رائد مصدوم: حصه عندها حبيب هالخبله عندها حبيب هالرلد عنده حبيب!
حصه: انت لا يكثر لا اهفك بطراق الحين وانت حبيبي هو البيبسي وينه؟
فراس سكت شوي وبعدين استوعب وابتسم: ااااه البيبسي ذاك؟ حقك؟
حصه: ايه ..شربت منه شي؟
فراس: لا ما شربت
حصه ارتاحت: طيب وينه
فراس: شوفيه مع وليد
حصه لفت على وليد شافته يشرب البيبسي وصار وجهها احمر وطلعت بسرعه
فراس يرتب قميصه الاسود: شفيها ذي
وليد يرفع اكتافه: مدري
.......
غرور جت بتطلع لمشوار ولقت حصه بطريقها وضحكت: هاه لقيتي البيبسي حقك؟
حصه: ايه
غرور: استرجعتيه على قولتك؟
حصه: لا شربوه وخلصوا
غرور طلعت تضحك
حصه: الله يفشل العدو
بعد ساعتين
وليد: حصه ابيك شوي ممكن؟
حصه استحت: اوك
طلعو برى للفناء الخارجي(الحوش)
وليد بنظرات جاده: حصه
حصه توترت من الجو: نعم
وليد: بصراحه انا ااااء انا
حصه تحمست: اننت؟
وليد بخجل: احبك
حصه تفاجأت وانصدمت وفرحت بنفس الوقت لكن فجأه تسمع صوت يناديها حصه حصه
حصه قامت مفزوعه
غرور: بسم الله قومي حبيبتي غسلي وجهك شكلك شفتي حلم يخرع وانزلي الغداء جاهز
حصه باحباط: كان مجرد حلم؟
غرور: هاه
حصه: هاه لا ولا شي يلا هذاي بغسل واتروش وانزل اتغدى
غرور استغربت وقبل لا تطلع قالت: ترى ما بقى الا ثلث ساعه عجلي اوك؟
حصه تبتسم: اوك
بعد ما طلعت غرور
حصه: خساره كان حلم بس لا يكون بديت احبه وبعدها حمر وجهها وركضت على دورة المياه
غرور من ورى الباب: لحظه تحبه ميين هو؟ اووووه شكلها سارت بنت
انتهى البارت
الأسئله:
أعجبكم؟
..
عصبتو يوم عرفتو انه حلم؟
..
بس اكتفي بهالأسئلة
انتظروا البارت الجاي اتوقع ما اطول هالمره^^